12/15/16



မုံရွာ အခြေစိုက် အလဲဗင်း မီဒီယာ သတင်းထောက် ကိုစိုးမိုးထွန်း
သစ်ခိုးထုတ်မှု သတင်းတွေ ရေးသားလေ့ရှိတဲ့ မုံရွာ အခြေစိုက် အလဲဗင်း မီဒီယာ သတင်းထောက် ကိုစိုးမိုးထွန်း အသတ်ခံရတဲ့ ကိစ္စနဲ့ ပတ်သက်လို့ အဖြစ်မှန် ပေါ်ပေါက်အောင် သဘာဝ ပတ်ဝန်းကျင်နဲ့ သစ်တော ၀န်ကြီးဌာန အပါအ၀င် အာဏာပိုင် အဖွဲ့အစည်း အသီးသီး ပူးပေါင်းပြီး စုံစမ်းစစ်ဆေး ဖော်ထုတ်ပေးဖို့ သဘာဝ ပတ်ဝန်းကျင် စုံစမ်းရေး ထောက်လှမ်းရေး အေဂျင်စီ (EIA )က တောင်းဆိုလိုက်ပါတယ်။

မြန်မာ နိုင်ငံမှာ သစ်မှောင်ခို ထုတ်မှုတွေ ဘယ်လောက်တောင် ဆိုးရွားနေပြီး အဲဒီ ကိစ္စမှာ ဘယ်လိုလူမျိုး ၊ အဖွဲ့အစည်းတွေက ပါဝင် နေပါသလဲ EIA က ဒါရိုက်တာ Faith Doherty ကို မေးမြန်းထားပါတယ်။

မေး ။ သစ်ခိုးထုတ်မှုတွေက မြန်မာနိုင်ငံမှာ ဘယ်လောက်တောင် ဆိုးဆိုးရွားရွား ဖြစ်နေလို့လဲ ။

ဖြေ ။ အခြေခံ အားဖြင့်တော့ သစ်ထုတ်တာကို က ပြဿနာပါ ။ တရားဝင်ဘဲ ဖြစ်ဖြစ် ၊ တရားမဝင်ဘဲ ဖြစ်ဖြစ် သစ်တောတွေက အကာအကွယ် မဲ့နေတာပါ ။ မြန်မာနိုင်ငံမှာ သစ်တော ပြုန်းတီးမှု အကြီးကျယ် ဖြစ်နေတာ ။ သစ်ထုတ်လုပ်မှုကလည်း ထုတ်သင့်တာထက် အရမ်းကို ပိုထုတ်နေတဲ့ အဖိုးတန် သစ်တွေ နည်းနည်းဘဲ ကျန်တော့တာပေါ့ ။ နိုင်ငံတကာ ဈေးကွက်မှာလည်း မြန်မာ့ကျွန်း နဲ့ တခြား သစ်မာတွေက အရမ်း ၀ယ်လိုအား ကောင်းတာ ၊ ဥပမာ တရုတ် ဆိုရင် ဒီအဖိုးတန် သစ်တွေကို မြန်မာပြည်ထဲကနေ တရားဝင် ထုတ်ခွင့်ရနေရုံသာမက နောက်ဆက်တွဲ ပြဿနာတွေ ဖန်တီးနေတာပေါ့။ ဒီအတိုင်းသာ ဆက်သွယ်မယ် ဆိုရင်တော့ မြန်မာ နိုင်ငံက သစ်တောတွေမှာ အဖိုးတန် ပစ္စည်းတွေ ဆုံးရှုံးတော့မှာ အမှန်ဘဲ ။

မေး ။ ဒါဆိုရင် အဲလို သစ်ခိုးထုတ်မှုတွေမှာ ဘယ်သူတွေ ပါဝင် ပတ်သက်နေတာလဲ ။

ဖြေ ။ ဘယ်နေရာမှာ ဖြစ်တာလဲ ၊ ဒါက အတိအကျ ပြောဖို့လိုပါတယ် ။ ၂၀၁၄ တုန်းက ကျမတို့ EIA က ထုတ်တဲ့ အစီရင်ခံစာမှာ ဆိုရင် မြန်မာကနေ တရုတ်ကို တရားမ၀င် သစ်ခိုးထုတ်မှုမှာ ပါတဲ့ သူတွေကို အသေးစိတ် ဖော်ပြထားပါတယ်။ အခုဆို မြန်မာ နိုင်ငံ တောင်ပိုင်းမှာ သစ်ထုတ်နေတာဘဲလေ ၊ ဆည်ဆောက် ၊ လမ်းဖောက် ၊ ဖွံ့ဖြိုးရေး စီမံကိန်း ဆိုပြီး ခွင့်ပြုချက်တွေ ၊ သင့်လျော်တဲ့ စီမံ ဆောင်ရွက်မှုတွေ မရှိဘဲ သစ်တောတွေ အပြောင် ရှင်းနေတာဘဲ ။ ဒါကြောင့် သစ် အမျိုးအစားနဲ့ နေရာပေါ် မူတည်ပြီး သစ်ထုတ်လုပ်မှု နောက်ကွယ်မှာ အဂတိ လိုက်စားမှုက ပါဝင် ပတ်သက်နေပါတယ်။

မေး ။ သစ်ခိုးထုတ်မှုမှာ ဘယ်သူတွေ ပါလဲလို့ ဆိုတဲ့ နေရာမှာ ဘယ်လို လူမျိုး ဘယ်လို အဖွဲ့အစည်းတွေလဲ အတိအကျ ပြောပြပါလား ။

ဖြေ ။ ကျမတို့ သိရသလောက်တော့ သစ်ထုတ်မှု နောက်ကွယ်မှာ အဂတိ လိုက်စားမှုနဲ့ အဲဒီကိစ္စနဲ့ ပတ်သက်တဲ့ လူတွေ အကုန်လုံး ပါဝင်နေပြီး အကျိုးအမြတ်ကို ခံစား ရရှိနေတာပါဘဲ ။ အကျိုးအမြတ် အများဆုံး ရတဲ့ သူတွေကတော့ တရုတ်ကနေ မြန်မာပြည် သစ်ရောင်းဝယ်မှုလုပ်တဲ့ ကုန်သည်တွေပါဘဲ။ အစိုးရ အရာရှိကြီးတွေ ၊ ဒေသဆိုင်ရာ သစ်တော အာဏာပိုင်တွေ ၊ ဒေသန္တရ အရာရှိတွေ ၊ ရဲတွေ ၊ တပ်မတော်နဲ့ တိုင်းရင်းသား ဒေသတွေမှာ အခွန်ကောက်ခံတဲ့ အဖွဲ့အစည်း အသီးသီးနဲ့ ဆက်သွယ် သယ်တဲ့ သစ်ကုန်သည်တွေက အကျိုးအမြတ် ကောင်းကောင်း ရယူသွားကြတာပါ။

စိုးမိုးထွန်း အသတ်ခံရတဲ့ မုံရွာမှာ ဆိုရင် သစ်ထဲမှာ တန်ဖိုး အရှိဆုံး ဖြစ်တဲ့ တမလန်း ထွက်ပြီး သစ်မှောင်ခိုမှု အကြီးအကျယ် ဖြစ်နေတဲ့ နေရာပေါ့။ အဲဒီ သစ်တမျိုးတည်း တနေရာတည်း ကိစ္စကို ပြောပြရမယ် ဆိုရင် မြန်မာ နိုင်ငံ မြောက်ပိုင်း စစ်ကိုင်း ကနေ ၊ ကချင် ကတဆင့် တရုတ်ပြည်ထဲကို သစ်မှောင်ခို ထုတ်နေကြပြီး အာဏာပိုင် အဆင့်ဆင့် အဖွဲ့အစည်း အဆင့်ဆင့်က အကျိုးအမြတ် ခံစားနေကြတာဘဲ ဖြစ်ပါတယ်။

မေး ။ EIA ထုတ်ပြန်ချက်မှာ စိုးမိုးထွန်း အသတ်ခံရမှုနဲ့ ပတ်သက်လို့ သစ်မှောင်ခို ခိုးထုတ်မှုနဲ့ ဆက်စပ် ရေးထားတော့ ဘာအထောက်အထားတွေ ရထားလို့လဲ ။

ဖြေ ။ စုံစမ်း စစ်ဆေးမှု အပြည့်အ၀ လုပ်ပြီးသွားတဲ့ အထိ ကျမတို့ စောင့်ရပါမယ် ။ အခုချိန်အထိ ကျမတို့ ဘာမှ မသိသေးပါဘူး ။ ကျမ သိတာက စိုးမိုးထွန်း ဟာ သဘာဝ ပတ်ဝန်းကျင် ထိခိုက်မှု ဖြစ်တဲ့ ဆောင်းပါးတွေ ၊ သစ်မှောင်ခို ခိုးထုတ်မှု သတင်းတွေကို အသေးစိတ် စုံစမ်း လေ့လာပြီး ခရေစေ့တွင်းကျ သတင်းရေးလေ့ရှိတဲ့ သတင်းသမားကောင်း တယောက် ဆိုတာပါဘဲ ။ ဥပမာ လက်ပံတောင်း ကြေးနီ စီမံကိန်း နဲ့ စစ်ကိုင်းက သစ်မှောင်ခို ကိစ္စ သတင်းတွေ ရေးခဲ့ဖူးပါတယ်။ အခု သူ အသတ်ခံရတဲ့ ကိစ္စမှာ ဘာအကြောင်းကြောင့်ဘဲ ဖြစ်ဖြစ် အရေးမကြီးပါဘူး ၊ ကျမတို့ ပြောချင်တာက အမှန်ကို ဖော်ထုတ်ပြီး သူယုံကြည်ရာကို ရေးတဲ့ သတင်းသမားတယောက် အသတ်ခံရတာကို ထောက်ပြနေတာပါ။

မြန်မာ နိုင်ငံမှာ အခုလို သတင်းသမားတွေ အပေါ် ခြိမ်းခြောက် အန္တရာယ် ပေးမှုတွေ အများအပြား ကြုံနေရတယ်လို့ ကျမတို့ သိထားပါတယ်။ အဲဒီလို ခြိမ်းခြောက်ခံနေရတဲ့ သတင်းသမားတွေထဲ စိုးမိုးထွန်း ပါသွားတာတော့ တကယ့်ကို စိတ်မကောင်းစရာပါ။

အခုတော့ အာဏာပိုင်တွေရဲ့ စစ်ဆေးဖော်ထုတ်မှုကို စောင့်ဖို့ဘဲ ရှိပါတယ်။ ကျမ ပြောချင်တာကတော့ ဘာကြောင့်ဘဲ ဖြစ်ဖြစ် စိုးမိုးထွန်းလို့ သတင်းသမာကောင်းတွေ အသတ်ခံရဖို့ မသင့်ပါဘူး။

မေး ။ ဒါမျိုးတွေ ဆက်မဖြစ်အောင် ကာကွယ်စောင့်ရှောက်မှုတွေ ဘယ်လို လုပ်သွားဖို့ ရှိပါသလဲ ။

ဖြေ ။ ဒီခြိမ်းခြောက်မှုတွေက မြန်မာ တနိုင်ငံတည်းမှာတင် ရှိတာမဟုတ်ပါဘူး ။ EIA က နိုင်ငံတကာ အဖွဲ့အစည်းတွေနဲ့ ပူးပေါင်းပြီး အခုလို သတင်းသမားတွေ သဘာဝ ပတ်ဝန်းကျင် အရေး တက်ကြွ လှုပ်ရှားသူတွေကို စောင့်ရှောက်ဖို့ အရပ်ဘက် အဖွဲ့ အစည်းတွေနဲ့ အတူတကွ လုပ်ဆောင်သွားမှာပါ ။

ကျမကတော့ ယုံပါတယ် ။ ဒီပြဿနာက ဒေသဆိုင်ရာ အရာရှိတွေနဲ့ အများကြီး ဆိုင်ပါတယ်။ အာဏာပိုင်တွေက ဒေသတွင်းက လူတွေကို မေးမြန်း ဖော်ထုတ်နိုင်မှာပါ ။ လာမယ့် နှစ်တွေမှာလဲ အစိုးရသစ်က အခုလို ဒေသဆိုင်ရာ အဖွဲ့တွေနဲ့ ပူးပေါင်းပြီး သဘာဝ ပတ်ဝန်းကျင် နဲ့ သစ်တော ပြုန်းတီးမှုတွေကို ကာကွယ် စောင့်ရှောက်သွားလိမ့်မယ်လို့ မျှော်လင့်မိပါတယ်။

BBC Burmese
http://www.bbc.com/burmese



ရှမ်းပြည်နယ်လွှတ်တော်က အကြမ်းဖက်အဖွဲ့သတ်မှတ်ခံရတဲ့ အဖွဲ့တဖွဲ့ဖြစ်တဲ့ ကေအိုင်အေတပ်ဖွဲ့
ရှမ်းပြည်နယ် လွှတ်တော်ကနေ KIA, TNLA, MNDAA နဲ့ AA တို့ကို အကြမ်းဖက် အဖွဲ့အစည်းတွေ အဖြစ် သတ်မှတ်ခဲ့တဲ့ အပေါ် ၀ပြည်နယ်က ပြင်းထန်စွာ ကန့်ကွက်ကြောင်း ဝ ပြည်နယ် သွေးစည်းညွတ်ရေးပါတီ ဗဟိုကော်မီတီ၊ အထူးဒေသ ၂ ဝ ပြည်နယ် အုပ်ချုပ်ရေးကော်မီတီ၊ ဝ တပ်မတော် ဗဟိုချုပ်ရုံးက ကြေညာချက်ထုတ်ပြန်ခဲ့ပါတယ်။

ဒီဇင်ဘာလ ၂ ရက်နေ့က ပြည်သူ့လွှတ်တော်မှာ တပ်မတော်သားကိုယ်စားလှယ်တွေက အဲဒီ အဖွဲ့တွေကို အကြမ်းဖက်လို့ သတ်မှတ်ဖို့ တင်ပြဆွေးနွေးခဲ့ပေမယ့် ပြည်သူ့လွှတ်တော်က သတ်မှတ်ခဲ့ခြင်း မရှိပါဘူး။

ဒါကြောင့် ရှမ်းပြည်နယ်လွှတ်တော်က အခုလို သတ်မှတ်ခဲ့တာဟာ ရှမ်းပြည်နယ်ကို ပိုပြိုကွဲစေပြီး ပြည်ထောင်စုအစိုးရရဲ့ တိုင်းရင်းသားရင်ကြားစေ့ရေးနဲ့ ငြိမ်းချမ်းရေးလုပ်ငန်းစဉ်ကို လွန်စွာထိပါးစေတယ်လို့ ကြေညာချက်မှာ ဖေါ်ပြထားပါတယ်။

UWSA ဝတပ်ဖွဲ့ဟာ တိုင်းရင်းသားလက်နက်ကိုင်တပ်ဖွဲ့တွေအနက် အင်အားအတောင့်တင်းဆုံး တပ်ဖွဲ့ဖြစ်ပြီး မြောက်ပိုင်းမဟာမိတ်တွေနဲ့ အစဉ်အလာအားဖြင့် နီးနီးစပ်စပ် ဆက်ဆံမှုရှိတဲ့ အဖွဲ့ဖြစ်ပါတယ်။

ဒီလို အကြမ်းဖက်အဖွဲ့တွေအဖြစ်သတ်မှတ်ခဲ့တာဟာ တပ်မတော်က သူ့အမြင်ကို သူ့ကို ထောက်ခံသူအင်အားစုတွေ တောင့်တင်းတဲ့ ထောက်ခံနိုင်တဲ့အနေအထားမှာ လုပ်ခဲ့တာဖြစ်တယ်လို့ မြန်မာ့နိုင်ငံရေးသုံးသပ်သူ ဦးသန်းစိုးနိုင်က ပြောပါတယ်။

ဝတပ်ဖွဲ့က ဒီအဖွဲ့တွေကို စစ်ရေးအရ ကူညီပံ့ပိုးပေးနေတယ်ဆိုတဲ့ စွပ်စွဲမှုတွေ ရှိနေတာကြောင့် ဒီအဖွဲ့တွေကို အကြမ်းဖက်အဖွဲ့အဖြစ် သတ်မှတ်လိုက်တာဟာ ဝ အဖွဲ့ကိုလည်း အကြမ်းဖက်အဖွဲ့အစည်းအဖြစ် သဘောထားတယ်ဆိုတာကို တနည်းအားဖြင့် ပုံဖေါ်ပေးလိုက်တာလို့ ဆိုပါတယ်။

အလားတူ ဝတို့ မိုင်းလားတို့ကိုလည်း အကြမ်းဖက်အဖွဲ့တွေအဖြစ် သတ်မှတ် လာနိုင်မလား ဆိုပြီး ဝတပ်ဖွဲ့အနေနဲ့ စိုးရိမ်နိုင်တယ်လို့ ဆိုပါတယ်။

ဝ နဲ့တရုတ်တို့ရဲ့ စီစဉ်မှုနဲ့ ကူမင်းမှာလုပ်ခဲ့တဲ့ မြန်မာအစိုးရနဲ့ မြောက်ပိုင်းမဟာမိတ်အဖွဲ့တွေ ဆွေးနွေးပွဲ ပျက်သွားခဲ့ပြီးနောက်ပိုင်း တပ်မတော်အနေနဲ့ ရန်သူလို့ သဘောထားပြီး အမြစ်ပြတ်ချေမှုံးမယ်ဆိုတဲ့ သဘောဆောင်လာတယ်၊ ဒါကို ဝဘက်က လက်မခံနိုင်ကြောင်း အပြင်းထန်ဆုံး သတိပေးလိုက်တာလို့ ဦးသန်းစိုးနိုင်က သုံးသပ်ပါတယ်။

အခုအချိန်မှာ ဝ တို့ဘက်မှ ဘာမှ လုပ်ဆောင်မှာ မဟုတ်သေးပေမယ့် တပ်မတော်ဘက်က မြောက်ပိုင်းမဟာမိတ်တွေကို အမြစ်ပြတ်ချေမှုန်းရမယ့် အင်အားစုတွေလို့ တကယ်တန်းသဘောထားပြီး စစ်ရေးအရ ဖိနှိပ်မှုတွေ ဆက်လုပ်လာရင် ဝ အနေနဲ့ တမျိုးစဉ်းစားကောင်း စဉ်းစားလာနိုင်တယ်လို့ ဆိုပါတယ်။

ဝ ဘက်က ဒီအဖွဲ့အစည်းတွေ ရပ်တည်ဖို့ နေရာ စစ်လက်နက် စတဲ့ ထောက်ပံ့မှုတွေ လုပ်လာနိုင်သလို တပ်မတော်ဘက် ဖိအားပေးမှုတွေများလာရင် တရုတ်တို့ရဲ့ ပါဝင်ပတ်သက်မှုက ပြောင်းလဲကောင်းပြောင်းလဲလာနိုင်တဲ့အတွက် အန္တရာယ်ကြီးတယ်လို့ မြန်မာ့နိုင်ငံရေးသုံးသပ်သူ ဦးသန်းစိုးနိုင်က သုံးသပ်ပါတယ်။

BBC Burmese
http://www.bbc.com/burmese/38320920



ဓာတ်ပုံ-မူရင်ပိုင်ရှင်အား ခရစ်ဒစ်ပေးပါသည်။
မန္တလေး၊ ဒီဇင်​ဘာ ၁၄။

မန္တလေးမြို့ ချမ်းအေးသာစံမြို့နယ် လမ်း ၇၀၊ ၃၂လမ်း ၃၃ လမ်းကြားတွင် ဒီဇင်ဘာလ ၁၄ရက်နေ့ ည ၉ နာရီအချိန်ခန့်က The Farmer ဂျာနယ်မှ မန္တလေးအခြေစိုက် သတင်းထောက် ကိုကျော်သူရမျိုး အား လူလေးယောက်မှ အုပ်စုဖွဲ့ရိုက်နှက်သွားသည်ဟု ကနဦး သတင်းများအရ သိရသည်။

ရိုက်ခံရသည့် ဒဏ်ကြောင့် မျက်နှာတွင် ဒဏ်ရာပြင်းထန်စွာရရှိခဲ့ပြီး မန္တလေးဆေးရုံကြီး အရေးပေါ်ဌာနသို့ တင်ပို့ထားကာ ည ၁၁ နာရီခွဲအချိန်ထိ သတိမရသေးကြာင်း သိရသည်။

အခင်းဖြစ်ပွားသည့်နေရာမှာ မန္တလေးတိုင်းဝန်ကြီးချုပ်၏ နေအိမ်အနီးတွင်ဖြစ်ကြောင်း သိရသည်။

နိုင်​လင်းဦး
Central News Myanmar
https://www.facebook.com/CNMyanmar/


ဆီးရီးယားနိုင်ငံ အလက်ပို အရှေ့ပိုင်းမှာ ပြီးခဲ့တဲ့ တစ်ရက်ကပဲ ရရှိခဲ့တဲ့ အပစ်ရပ် သဘောတူ ညီမှု ပျက်ပြယ် သွားခဲ့ပြီ ဖြစ်ပါတယ်။

ဆီးရီးယားက သူပုန် အဖွဲ့တွေနဲ့ ဆီးရီးယား အစိုးရ ရဲ့ မဟာမိတ် တပ်တွေကြားမှာ တိုက်ပွဲတွေ ပြင်းထန်နေတယ် ဆိုတဲ့ အချိန်မှာပဲ သူပုန်တွေ ထိန်းချုပ်ရာ ဒေသတွေမှာ လေကြောင်း တိုက်ခိုက်မှု တွေ ပြန်လည် စတင်ခဲ့ပါတယ်။

ထပ်မံဖြစ်ခဲ့တဲ့ တိုက်ပွဲတွေနဲ့ ပတ်သက်လို့ နှစ်ဖက် စလုံးက အပြန်အလှန် အပြစ် တင်ခဲ့ကြ ပါတယ်။

အခု အပစ်ရပ်တဲ့ သဘောတူညီမှုက ပိတ်မိနေကြတဲ့ အရပ်သား တွေနဲ့ တိုက်ခိုက်ရေး သမားတွေကို အလက်ပို အရှေ့ပိုင်း ကနေ ကယ်ထုတ် နိုင်ဖို့ ရည်ရွယ်တာ ဖြစ်ပါတယ်။

လူတွေကို ကယ်ထုတ်ဖို့ သွားတဲ့ ဘတ်စ်ကားကြီးတွေလည်း လူမပါဘဲ ပြန်လှည့် ခဲ့ကြရပုံရ ပါတယ်။

ဆီးရီးယား သမ္မတ ဘာရှား အယ်လ်အာဆတ် ကတော့ အနောက် နိုင်ငံတွေ အနေနဲ့ အလက်ပိုက အရပ်သားတွေကို အမှန်တကယ် ဂရု စိုက်တာ မဟုတ်ဘူး လို့ ပြော ပါတယ်။

အကြမ်းဖက်သူ တွေလက်က နေ အလက်ပို လွတ်မြောက်အောင် ဆီးရီးယား အစိုးရက လုပ်ဆောင်မှုကို အနောက်နိုင်ငံတွေက အရာရှိတွေနဲ့ မီဒီယာတွေက အရပ်သားတွေ အတွက် စိုးရိမ်ကြောင်း ဖော်ပြကြပြီး Palmyra ရှေးဟောင်းမြို့မှာ အကြမ်းဖက် သမားတွေက အရပ်သားတွေကိုသတ်၊ ရှေးဟောင်း အမွေ အနှစ်တွေ ကို ဖျက်ဆီးတာကိုတော့ ဂရု မစိုက်ကြ ဘူးလို့သမ္မတ အာဆတ်က ရုရှား ရုပ်မြင်သံကြား မေးမြန်းခန်းမှာ ဝေဖန် ပြောဆိုခဲ့ ပါတယ်။

BBC Burmese
http://www.bbc.com/burmese


ဒီဇင်ဘာလ ၁၄ရက် ညနေ၆နာရီက ရှမ်းပြည်နယ် မြောက်ပိုင်း သိန္နီမြို့နယ် နားဆော့ရွာနှင့် စံလောင်းရွာကြားရှိ တံတားအနီး မိုင်းပေါက်ကွဲမှုဖြစ်ပွားခဲ့ပြီး ပေါက်ကွဲမှုကြောင့် ၁၂ဘီးကားမောင်းသူတစ်ဦးနှင့် ဆိုင်ကယ်မောင်းလာသူတစ်ဦး သေဆုံးခဲ့ကြောင်း သတင်းရရှိပါသည်။


မိုင်းမပေါက်ကွဲမီ က ညနေ ၅နာရီခန့် က ကွတ်ခိုင်မြို့အနီး နမ့်ကွတ်ရွာနားတွင် တိုက်ပွဲဖြစ်ပွားခဲ့ကြောင်း ကိုပြည့်စုံ ထံမှ သိရသည်။ ""ညနေမှာ ကွက်ခိုင်ရှုခင်းသာ တယ်လီဖုန်းတာဝါတိုင် အနားဝန်ကျင် နမ့်ကွက်ရွာအနီးမှာ ပထမဖြစ်တယ်။ ၅နာရီခွဲဝန်းကျင်မှာ စံလောင်းမှာ ဆက်ဖြစ်ပြီး၆နာရီလောက်မှာ မိုင်းကွဲတာ။ ကျွန်တော်အခု အဲ့ဒီနေရာက ဖြတ်ပြီး လားရှိုးကိုရောက်တာ""ဟု ၎င်းက ဆက်လက်ပြောကြားပါသည်။

လက်ရှိအခြေအနေအရ နမ္မတူတံတားနှင့် လားရှိုးအထွက် တိုးဂိတ်တွင် ကားလမ်းပိတ်ထားကြောင်းသိရသည်။

မိုင်းကွဲမှုကြောင့် သေဆုံးသူများအား သိန္နီမြို့မှ အနှိုင်းမဲ့ ကုသိုလ် လူမှုကူညီရေး အသင်းက ဆေးရုံသို့ ကူညီပို့ဆောင်ပေးကြောင်း သိရသည်။

SSSMN ( LASHIO)
https://www.facebook.com/sssmedianetwork/


မိုင်းယောင်း ဒီဇင်ဘာ ၁၄

ရှမ်းပြည်နယ်(အရှေ့ပိုင်း)တာချီလိတ်ခရိုင်၊ မိုင်းယောင်းမြို့နယ်တွင် ယနေ့ ဒီဇင်ဘာ ၁၄ ရက်နေ့က တရားမ၀င် ၀င်ရောက် အလုပ်လုပ်ကိုင်နေသူ တရုတ်နိုင်ငံသား လေးဦးအား ဖမ်းဆီးရမိကြောင်း သိရသည်။

 ဖြစ်စဉ်မှာ ဌာနဆိုင်ရာပူးပေါင်းအဖွဲ့များက မိုင်းယောင်းမြို့နယ်၊ ၀မ်တပ်ကျေးရွာအုပ်စု၊ ဟွေထန်ကျေးရွာ အနီးရှိ ငှက်ပျောခြံတွင် အလုပ်လုပ်ကိုင်နေသော အလုပ်သမားများအား ၀င်ရောက်စစ်ဆေးရာ တရားမ၀င် ၀င်ရောက် လုပ်ကိုင်နေသော တရုတ်နိုင်ငံသားများဖြစ်သည့် ၀မ်မီကျုံး(ကျား)(၄၆)နှစ်၊ လီမန်ကျန်(ကျား)(၃၃)နှစ်၊ ကျားထင်ချန် (မ) (၃၀)နှစ်တို့ကိုလည်းကောင်း၊ မုန်းလိုက်ကျေးရွာအုပ်စု၊ ဟိုဒုန်းကျေးရွာအနီးရှိ ငှက်ပျောခြံတွင် စစ်ဆေးရာ တရားမ၀င် ၀င်ရောက်အလုပ်လုပ်ကိုင်သည့် တရုတ်နိုင်ငံသား တိန်ကွေ့ရီ (မ) (၅၄)နှစ်ကိုလည်း ကောင်း ဖမ်းဆီးရမိခြင်းဖြစ်ကြောင်း သိရသည်။

 အဆိုပါ တရားမ၀င် ၀င်ရောက်အလုပ် လုပ်ကိုင်နေသည့် တရုတ်နိုင်ငံသား လေးဦးအား အရေးယူနိုင်ရေး မိုင်းယောင်းမြို့မရဲစခန်းတွင် စစ်ဆေးဆောင်ရွက်လျက်ရှိကြောင်း သိရသည်။

ကိုလှဌေး
မိုင်းယောင်း (မြို့နယ်ပြန်/ဆက်)


မုံရွာမြို့ အခြေစိုက် သတင်းထောက် ဦး စိုးမိုးထွန်း

မုံရွာမြို့ အခြေစိုက် သတင်းထောက် ဦး စိုးမိုးထွန်း

မုံရွာမြို့ အခြေစိုက် သတင်းထောက် ဦး စိုးမိုးထွန်း ရိုက်နှက်ဒဏ်ရာတွေနဲ့ သေဆုံးခဲ့ရတဲ့အမှုနဲ့ ပတ်သက်ပြီးတော့ ဒီကနေ့မှာ ရဲတပ်ဖွဲ့ က လူတချို့ကို စတင်မေးမြန်းနေပါတယ်။ ရိုက်နှက်သတ်ဖြတ်ခံရတယ်လို့ ရဲတပ်ဖွဲ့ က ယူဆထားတဲ့ ဦး စိုးမိုးထွန်း သေဆုံးမှုကို အထူးစုံစမ်းရေးအဖွဲ့ဖွဲ့ပြီးတော့ ရဲတပ်ဖွဲ့က စုံစမ်းနေပါတယ်။ ပြည်တွင်းသတင်းဌာန Elevel မီဒီယာ Group ရဲ့ သတင်းထောက် ဦး စိုးမိုးထွန်း သေဆုံးမှုနဲ့ ပတ်သက်ပြီးတော့ မုံရွာမြို့ရဲစခန်းက ဒုတိယ ရဲမှူး သိန်းဆွေမြင့်ကိုမသိင်္ဂီထိုက် ဆက်သွယ်မေးမြန်းထားရာမှာ ဒုတိယ ရဲမှူး သိန်းဆွေမြင့်က အခုလို စဖြေပါတယ်။

“ကျနော်တို့လက်ရှိကတော့ ကျနော်တို့အဖွဲ့ဖွဲ့ပေးထားတဲ့အနေအထားအတိုင်း အဖွဲ့ပေါင်းစုံကနေပြီးတော့ ဒီ လူသတ်တရားခံ ဖမ်းဆီးရမိဖို့ကို ဆောင်ရွက်နေပါတယ် ၊စုံစမ်းစစ်ဆေးဆောင်ရွက်နေပါတယ် ခင်ဗျ။

မေး။ ။ အခုလောလောဆယ် စုံစမ်းစစ်ဆေးမူမှာ ဆ၇ာတို့ ဘာတွေများ လူတွေကိုခေါ်မေးနေတာတွေရှိပါပြီလား။

ဖြေ။ ။ကျနော်တို့ ဒီနေ့ဆို ၃ ဖွဲ့ပေါ့နော် ၊ ၃ ဖွဲ့ခေါ်မေးထားပါတယ်ခင်ဗျ လူ ၂၀ ကျော်ကျော်လေးပေါ့နော်၊ ဒါကတော့ သတင်းရယူရေးလို့ခေါ်တာပေါ့နော် ၊ ဟိုလို တရားခံအရမဟုတ်ပါဘူး သတင်း ကိုလိုချင်တဲ့အတွက် သတင်းစုတာပါခင်ဗျ။

မေး။ ။ဆရာတို့ ရဲကောက်ချက်အရကတော့ လူသတ်တယ်ဆိုတာကတော့ သေချာသွားပြီပေါ့နော်.။

ဖြေ။ ။ဟုတ်ပါတယ်ခင်ဗျ။ အဲလိုပဲ လူသတ်လို့ ရတဲ့ ဒဏ်ရာပေါ့နော် ၊ တယောက်ယောက်ကနေ လုပ်ကြံလို့ ရတဲ့ ဒဏ်ရာလို့ပဲ ယူဆရပါတယ်ခင်ဗျ။

မေး။ ။ဆိုတော့ အထူးစုံစမ်းစစ်ဆေးရေးလုပ်နေတာရှိပါသလား ဒီဟာနဲ့ ပတ်သက်ပြီး အထူးတလှယ် ဘာတွေများလုပ်နေပါသလဲဆရာ။

ဖြေ။ ။အထူးစုံစမ်းစစ်ဆေးရေးဆိုပြီးတော့ ကျနော်တို့ အထူးအဖွဲ့ကို ဖွဲ့ထားပါတယ် ဒီဟာနဲ့ ပတ်သက်လို့ အမှန်ကတော့ အမူစစ် ၁ ယောက်တည်း စစ်ရမယ့်အနေအထားကို အဖွဲဖွဲ့ပြီး တိုင်းရဲတပ်ဖွဲ့မှုး ၊ ခရိုင်ရဲတပ်ဖွဲ့မှူး ရဲ့ညွန်ကြားမှုနဲ့ အထူးအဖွဲ့အနေနဲ့ ကျနော်တို့ စုံစမ်းနေပါတယ်။

မေး။ ။ ဆရာတို့ ဒီ ဆေးစစ်ချက်တို့ ၊ ကနဦးတွေ့ရှိချက်အရ ဘာတွေတွေ့ရပါသလဲဆရာ

ဖြေ။ ။ကနဦးက ကျနော်တို့ မျက်နှာမှာ နှာရိုးကျိုးတယ်၊ ခေါင်းမှာလည်း ၅ စင်တီမီတာလောက် တချက်နဲ့ ၈ စင်တီမီတာလောက် တချက်နဲ့ ၂ ချက်ပေါ့နော် ပေါက်ပြဲဒဏ်ရာရတယ်၊ နောက် ဦးခေါင်းခွံရိုးကျိုးပြီး ဦးခေါင်းသွေးယိုပြီးသေတယ်။

မေး။ ။ဆရာ အဲဒီတော့ မုံရွာမှာ ဒီလိုမျိုးကိစ္စတွေ ဒါမျိုးတွေက ဖြစ်လေ့ဖြစ်ထရှိပါသလား ၊ လုံခြုံရေးပိုင်းအနေနဲ့ စိုးရိမ်စရာ ရှိပါသလား။

ဖြေ။ ။အဲဒီလိုတော့ မရှိပါဘူး ၊ တခါတခါ ခိုက်ရန်ဖြစ်တဲ့အနေအထားပဲရှိပါတယ်။ ဒီလောက်ကြီး အဲဒီလိုကြီး ရိုက်တာတွေ ဒီလောက်ကြီးမတွေ့ရဘူး။

မေး။ ။ မုံရွာနေ ပြည်သူလူထုအတွက် လုံခြုံရေးပေါ့နော် စိုးရိမ်စရာ အခြေအနေ ရှိပါသလား။ ဆ၇ာတို့ ဒီကိစ္စနဲ့ ပတ်သက်ပြီး ဘာများ သတိပေးချင်ပါသလဲရှင့်။

ဖြေ။ ။မရှိပါဘူးခင်ဗျ။”

ရိုက်နှက်ဒဏ်ရာတွေနဲ့ မနေ့ အင်္ဂါနေ့က သေဆုံးသွားတဲ့ Elevel မီဒီယာ Group ရဲ့ မုံရွာ သတင်းထောက် ဦး စိုးမိုးထွန်း ကို ဒီကနေ့မှာ မြေချ သင်္ဂြိုဟ် သတင်းထောက်ကိုစိုးမိုးထွန်းကွယ်လွန်ခဲ့ချိန်မှာတော့ ဇနီးသည်နဲ့ မူလတန်းအရွယ်ကျောင်းတက်နေတဲ့ သား ၁ ဦးတို့ ကျန်ရှိခဲ့ပါတယ်။
VOA Burmese News



( စက်သုံးဆီ ဖြည့်နေသည်ကို တွေ့ရစဉ် )Photo: Wikipedia
ပြည်တွင်းစက်သုံးဆီဈေးနှုန်းတွေ ဒီဇင်ဘာလဆန်းပိုင်းကစပြီး တဖြည်းဖြည်းမြင့်တက်လာရာ ဒီကနေ့ အောက်တိန်းဆီ တစ်လီတာကို ကျပ် ၇၀၀ ကျော်အထိ ဈေးမြင့်တက်နေပါတယ်။

ကမ္ဘာ့ရေနံဈေးနဲ့ ပြည်တွင်းက ဒေါ်လာငွေလဲလှယ်နှုန်းမြင့်တက်နေတာကြောင့် အခုလိုတက်နေရတာ ဖြစ်တယ်လို့ မြန်မာနိုင်ငံစက်သုံးဆီတင်သွင်းဖြန့်ဖြူးရောင်းချရေးအသင်းက ဦးစိုင်းဝမ်းလှိုင်က ပြောပါ တယ်။

'' စက်သုံးဆီဆိုတာ နိုင်ငံခြားကသွင်းရတဲ့အတွက် နိုင်ငံခြားငွေလဲနှုန်းအရမ်းတက်သွားပါတယ်ခင်ဗျ၊ ကမ္ဘာ့ရေနံဈေးနှုန်းလည်း အရမ်းတက်သွားလို့ပါခင်ဗျ၊ ပြီးခဲ့တဲ့ ၁၁ လ ပိုင်းတုန်းက ၁၃၃၀ ပတ်ခြာ လည်ဖြစ်မယ်ထင်တယ် တစ်ဒေါ်လာငွေလဲနှုန်း ဒီလမှာကျတော့ ၁၃၈၅ / ၉၀ လောက်တက်လာသလို ကမ္ဘာ့ရေနံဈေးကလည်း ပြီးခဲ့တဲ့လက ရေနံတစ်စည်ကို ဒေါ်လာနဲ့ဆိုရင် ၄၃/၃၃ လောက်ပဲရှိတယ်၊ အခုက ၅၆ ထိ တက်လာတယ်ဆိုတော့ ၁၀ ရာခိုင်နှုန်းလောက် တက်လာပါတယ်''

ပြီးခဲ့တဲ့လက အောက်တိန်းဆီတစ်လီတာကို ကျပ် ၅၄၀ ဝန်းကျင်သာရှိခဲ့ပြီး ဒီဇယ်တစ်လီတာကို လည်း တစ်လီတာ ကျပ် ၅၄၀ လောက်ကနေ မနေ့က ပေါက်ဈေးအရ ကျပ် ၆၈၀ အထိ ရောင်းချနေရ တယ်လို့ ပြောပါတယ်။

ပြီးခဲ့တဲ့လပိုင်းက ကမ္ဘာ့ရေနံဈေး တစ်စည်ကို ၄၄ ဒေါ်လာလောက်သာရှိခဲ့ရာကနေ အခုဆိုရင် ၅၆ ဒေါ်လာ အထိရှိနေတယ်လို့ ပြောပါတယ်။

ပြည်တွင်းဒေါ်လာလဲလှယ်နှုန်းကလည်း ပြီးခဲ့တဲ့လက တစ်ဒေါ်လာကို မြန်မာကျပ်ငွေ ၁၃၃၀ ဝန်းကျင်ကနေ အခုဆိုရင် မြန်မာငွေ ၁၃၈၅ အထိ မြင့်တက်နေတာဖြစ်ပါတယ်။

RFA Burmese
https://www.facebook.com/rfaburmese/


ဘင်္ဂါလီအရေး အကျပ်အတည်း ကိစ္စနှင့် ပတ်သက်ပြီး ဒေါ်အောင်ဆန်းစုကြည်၏ လူ့အခွင့်အရေး ဆောင်ရွက်မှု များအပေါ် နိုင်ငံတကာ ဝေဖန်သူများအမြင်တွင် အထင်မြင်လွဲမှားမှုများ ဖောင်းကားနေသည်ဟု မြန်မာနိုင်ငံဆိုင်ရာ အမေရိကန် သံတမန်မှုးဟောင်း Priscilla Clapp က Global Dispatches အင်တာဗျူးတွင် ပြောကြားလိုက်သည်။

Priscilla Clapp သည် အမေရိကန် နိုင်ငံခြားရေးဝန်ကြီးဌာနတွင် နှစ်ပေါင်း ၃၀ ကြာ အတွေ့အကြုံရင့် အရာရှိကြီး ဖြစ်ပြီး မြန်မာနိုင်ငံရှိ အမေရိကန်သံရုံးတွင် ၁၉၉၉ မှ ၂၀၀၂ အထိ Charge D' Affair အဖြစ် တာဝန်ထမ်းဆောင်ခဲ့သူ တစ်ဦးဖြစ်ပြီး ယခုအချိန်တွင် အမေရိကန် ငြိမ်းချမ်းရေး အင်စတီကျူ နှင့် Asia Sociaty ဌာနတွင် အကြီးတန်းအကြံပေး အရာရှိ တာဝန်ထမ်းဆောင်နေသူ တစ်ဦးဖြစ်သည်။

Global Dispatches အင်တာဗျူးတွင် သူမအနေဖြင့် ဒေါ်အောင်ဆန်းစုကြည်အပေါ် ထောက်ခံကြောင်း လူ့အခွင့်အရေး အဖွဲ့အစည်းများက လက်ရှိအခြေအနေနှင့် ပတ်သက်ပြီး အလွန်အမင်း တွန်းအားပေး လုပ်ဆောင်နေခြင်းများ ရှိသည်ကို သူမ မြင်ရကြောင်း ပြောသွားသည်။

“အပြည်ပြည်ဆိုင်ရာ ဝေဖန်မှုတွေကနေ ဘင်္ဂါလီ (ရိုဟင်ဂျာ) အရေးကိစ္စက နည်းလမ်း အမျိုးမျိုးနဲ့ ကြီးထွား ပေါ်ပေါက်လာတာ ဖြစ်တယ်” ဟု ကလပ်က ပြောသည်။

အဆိုပါအရေးကိစ္စနှင့် ပတ်သက်ပြီး သူမ အနေဖြင့် ဗုဒ္ဓဘာသာနှင့် မွတ်ဆလင်များအကြား ကြီးမားသည့် ခြားနားမှုကိစ္စ၊ အခြား တိုင်းရင်းသား ဖြစ်မှုကိစ္စနှင့် စီးပွားရေး အကျိုးသက်ရောက်မှုများ နှင့် နှစ်ပေါင်း ၅၅ နှစ်ကျော်မျှ စစ်အစိုးရအုပ်ချုပ် မှု၏ စည်းကမ်းမဲ့ ကိုင်တွယ်ဖြေရှင်းမှုများ ကနေ ဖြစ်ပေါ်လာသည်ဟု ယူဆကြောင်း ဆိုသည်။

မြန်မာနိုင်ငံမှာ တိုင်းရင်းသား အမျိုးမျိုး ကွဲပြားမှုအပေါ် အခြေခံ၍ လူမျိုးသစ် ဖန်တီးလိုမှုကနေ ပေါက်ထွက်လာခြင်း ဖြစ်နိုင်ကြောင်း သူမက ဆိုသည်။ အဆိုပါ ပြသ၁နာများသည် အချိန်တိုကာလအတွင်း ပြေလည်သွားနိုင်မည့် ကိစ္စမဟုတ်ကြောင်း သူမက ဆိုသည်။

“ကျွန်မတို့ သူတို့ (နိုင်ငံတကာ အသိုင်းအ၀ိုင်း) ပြောတဲ့အတိုင်း လုပ်မယ်ဆိုရင် ဒီပြသ၁နာတွေက ချက်ချင်းပြေလည် သွားစေမှာလား” ဟု သူမ မေးခွန်းထုတ်သည်။

မြန်မာနိုင်ငံအား စစ်အစိုးရအုပ်ချုပ် စဉ်ကာလက နိုင်ငံအနှံ့ တိုင်းပြည်၏ လူနေမှု ဂေဟစနစ်များကို ပြောင်းလဲခဲ့မှုများ ရှိခဲ့သည်ဟု ဆိုသည်။

အကြောင်းပြချက် တစ်ခုအနေဖြင့် နိုင်ငံတကာ အသိုင်းအ၀န်းအနေဖြင့် ဘာကြောင့် ဘင်္ဂါလီအရေးကိစ္စကို အာရုံစိုက်ခြင်း ရှိကြောင်း မစ္စကလပ်က ဆိုသည်။ သူမ လေ့လာမှုအရ ဘင်္ဂါလီ (ရိုဟင်ဂျာ) အရေးကိစ္စနှင့် ပတ်သက်ပြီး HRW ကဲ့သို့ ကျယ်ဝန်းသည့် အဖွဲ့အစည်းများ ဒေါ်အောင်ဆန်းစုကြည်ကို တိုက်ရိုက် ဝေဖန်မှုများရှိကြောင်း မစ္စ ကလပ်က ဆိုသည်။

“လူ့အခွင့်အရေးသမားတွေက လူ့အခွင့်အရေး အကြောင်းပဲ စဉ်းစားလိမ့်မယ်။ သူတို့က ပန်းချီကား တစ်ချပ်လုံးကို ကြည့်မှာမဟုတ်ဘူး။ ဒီနေရာမှာ ဘာတွေဖြစ်ပွားနေသလဲ ဆိုတာကို သူတို့စိတ်ဝင်စားမှာ မဟုတ်ဘူးလို့”ဟု မစ္စကလပ်က ဆိုသည်။

မစ္စ ကလပ်က ဘင်္ဂါလီအရေးကိစ္စတွေကို ဖန်တီးပြီး အဖွဲ့အစည်းအချို့က နိုင်ငံတကာအရေး ပေါ်ပေါက်လာအောင် လုပ်ဆောင်ခြင်းများ ရှိသည်ဟု ပြောသည်။

“ကျွန်မအနေနဲ့ အဲ့ဒီအဖွဲ့တွေအပေါ် လေးစားမှုတွေ ပြနိုင်မှာ မဟုတ်ဘူး” ဟု မစ္စကလပ်က ဆိုသည်။

Priscilla Clapp မြန်မာနိုင်ငံတွင် တာဝန်ကျစဉ်ကပင် ဒေါ်အောင်ဆန်းစုကြည်နှင့် မိတ်ဆွေကဲ့သို့ ခင်မင်သူဖြစ်ပြီး သူမအနေဖြင့် နိုင်ငံကို အကောင်းဆုံး ဦးဆောင်နိုင်မည်ကို ယုံကြည်ကြောင်း ဆိုသည်။

“သူမ အလုပ်ကို အမှန်တကယ် အကောင်းဆုံးလုပ်နိုင်မယ်လို့ ကျွန်မထင်တယ်”ဟု ပြောသည်။

စိုင်းဟန်
The Ladies News
https://www.facebook.com/News.TheLadies




ရခိုင်ပြည်နယ် စုံစမ်းစစ်ဆေးရေးကော်မရှင်အဖွဲ့ သွားရောက်လေ့လာစဉ် (MOI)
ရခိုင်ပြည်နယ်မှာ ဖြစ်ပွားခဲ့တဲ့ အကြမ်းဖက်တိုက်ခိုက်မှုတွေဟာ လူမျိုးရေး၊ ဘာသာရေးအပေါ် အခြေခံတာမဟုတ်ကြောင်း ၃ရက်ကြာ ပဏာမ စုံစမ်းစစ်ဆေးမှုအပြီးမှာ ရခိုင်ပြည်နယ် စုံစမ်းစစ်ဆေးရေးကော်မရှင်အဖွဲ့ဝင်တဦးက ထုတ်ဖော်ပြောဆိုပါတယ်။

တဆက်တည်းမှာပဲ နိုင်ငံတကာသတင်းမီဒီယာတွေမှာ ဖော်ပြတဲ့ ဖြစ်ရပ်တွေနဲ့ပတ်သက်ပြီး စုံစမ်းရာမှာ သက်ဆိုင်ရာ ရွာသားတွေက ငြင်းဆို ခဲ့တယ်လို့လည်း ပြောပါတယ်။ ဒီသတင်းကို ဗွီအိုအေမြန်မာပိုင်းရဲ့သတင်းထောက် ကိုမိုးဇော်က တင်ပြမှာ ဖြစ်ပါတယ်။

ရခိုင်ပြည်နယ် မောင်တောဒေသမှာ အောက်တိုဘာလ ၉ရက်နဲ့ နိုဝင်ဘာလ ၁၂-၁၃ရက်တွေမှာ ဖြစ်ခဲ့တဲ့ အကြမ်းဖက် တိုက်ခိုက်မှုတွေနဲ့ပတ်သက်လို့ ဒုတိယသမ္မတ ဦးမြင့်ဆွေခေါင်းဆောင်တဲ့ စုံစမ်းစစ်ဆေးရေးကော်မရှင်အဖွဲ့ဟာ ဒီဇင်ဘာလ ၁၁ရက်ကနေ ၁၃ရက်နေ့အထိ အဲဒီဒေသကို သွားရောက်စုံစမ်းစစ်ဆေးခဲ့ပါတယ်။

ဒီခရီးစဉ်မှာ အဓိက တွေ့ရှိရတဲ့အချက်ကို ကော်မရှင်အဖွဲ့ဝင်တဦးဖြစ်တဲ့ အငြိမ်းစား ပြည်ထောင်စုဝန်ကြီး ဦးအောင်ကြည်က အခုလို ပြောပါတယ်။

“အဓိကကျတဲ့ တွေ့ရှိချက်ကတော့ ၂၀၁၂ တုန်းကအနေအထားနဲ့ ကွဲပြားခြားနားပါတယ်။ ဟိုတုန်းကတော့ လူမျိုးရေးပြဿနာ ဘာသာရေးပြဿနာဆိုတဲ့ အသွင်သဏ္ဍန် ဆောင်ကျတော့ တယောက်နဲ့ တယောက်က တော်တော်ကြီးကို စိမ်းစိမ်းကြီးဖြစ်နေတာပေါ့။ အခုကျတော့ လူ့အသိုင်းအ၀ိုင်းအချင်းချင်းက ရင်းရင်းနှီးနှီးရှိနေတာတွေ့ရတယ်။ နောက်တခုက ဘာသာရေးပြဿနာမဟုတ်ဘူးဆိုတောတွေ့ရတယ်။ နောက်တခုကတော့ တပ်မတော်၊ ပြည်သူ့ရဲအစရှိတဲ့ နိုင်ငံတော်အဖွဲ့အစည်းတွေအပေါ်မှာပေါ့လေ ၊ မကျေနပ်ချက်လည်းမဟုတ်ဘူးဆိုတာ ကျနော်တို့ မေးမြန်းစုံစမ်းလို့ရပါတယ်။”

စုံစမ်းစစ်ဆေးရေးကော်မရှင်အဖွဲ့ရောက်ရှိနေချိန်မှာ လုံခြုံရေးတပ်ဖွဲ့တွေက နယ်မြေရှင်းလင်းစဉ် ကြက်ရိုးပြင်ရွာက အမျိုးသမီးတွေကို အဓမ္မပြု့ကျင့်တာ၊ အဓမ္မပြုသတ်ဖြတ်တာအပြင် အခြား ရွာသားတွေကိုလည်း သတ်ဖြတ်တာတွေရှိကြောင်း ပြည်ပသတင်းမီဒီယာတွေမှာ ဖော်ပြခဲ့ပါတယ်။

ဒီလို ဖော်ပြတာနဲ့ပတ်သက်ပြီး စုံစမ်းမေးမြန်းခဲ့တဲ့အခြေအနေကို ဦးအောင်ကြည်က အခုလို ဆက်ပြောပါတယ်။

“ကျနော်တို့ ရ၇ှိတဲ့ သတင်းကတော့ ဒီအခြေအနေတွေဟာ ဒေသခံလူထုက အဲဒီ ပုဂ္ဂိုလ်တွေလည်းဒီမှာ မရှိဘူး၊ မြင်လည်းမမြင်ဘူး။ ဒီလိုဖြစ်စဉ်မျိုးပေါ့ သူတို့ပြောတဲ့ဖြစ်စဉ်မျိုး လည်း ဒီမှာမရှိဘူးဆိုပြီးတော့ ငြင်းဆိုတာမျိုးတွေ ၊ အားလုံးပါ ကလေးသူငယ်ပါမကျန်ပေါ့ သူတို့ ငြင်းဆိုတာတွေ့ရပါတယ်။ ဒါကတော့ အမှန်တကယ်ဖြစ်ခဲ့တဲ့ အလုပ်မဟုတ်ဘူးဆိုတာ တော့ ကျနော်တို့ အဲဒီလိုမျိုးလေး ယူဆပါတယ်။”

စုံစမ်းစစ်ဆေးရေးကော်မရှင်ဟာ ရခိုင်ပြည်နယ် မောင်တောဒေသကို ရောက်ရှိစဉ်မှာ အဲဒီဒေသမှာ နေထိုင်သူတွေရဲ့ စားဝတ်နေရေး၊ ပညာရေး၊ လမ်းပန်းဆက်သွယ်ရေး စတာတွေ စီစဉ်ဆောင်ရွက်ခဲ့တယ်လို့လည်း ပြောပါတယ်။

“ကျနော်တို့ အထောက်အပံ့မရသေးတဲ့ ကျေးရွာတွေကို ထောက်ပံ့ပေးနိုင်ဖို့ ကိစ္စတွေ ၊ နောက်တခုက အထောက်အပံ့တွေ ပြည့်ပြည့်စုံစုံ ရရဲ့လား မရဘူးလား၊ ဆိုတာကို ကျနော်တို့က ပြန်လည်ဆန်းစစ်တဲ့အပိုင်းတွေပေါ့နော်၊ ဒါလေးတွေ အဓိကထားပြီးတော့ မေးမြန်းခဲ့ပါတယ်။ နောက်တခုက လူမှုရေး ပညာရေးလိုအပ်တဲ့ အချက်တွေပေါ့လေ သူတို့ကိုယ်ကပေါ့လေ ကျောင်းလေးတွေဘာလေးတွေ ပြန်ဖွင့်ချိန်ရတယ်၊ အဲဒါလေးတွေလည်း ကျနော်တို့က စီစဉ်ပေးခဲ့တယ်၊ နောက်ဆက်သွယ်ရေးလမ်းကြောင်းတွေလည်းပွင့်အောင် ကားတွေလည်း သွားလာရအောင်ပေါ့နော် ဈေးတွေလည်းပြန်ဖွင့်နိုင်အောင် အဲဒီလိုလေး စီစဉ်ပေးခဲ့တာဖြစ်ပါတယ်။”

ဒီလ ၁၃ရက်နေ့က ပြီးဆုံးသွားတဲ့ခရီးစဉ်က ရရှိတဲ့ အချက်အလက်တွေကို ပြန်လည်လေ့လာဆန်းစစ် အတည်ပြုသွားမှာ ဖြစ်ကြောင်းနဲ့ အတည်ပြုနိုင်ဖို့လည်း အကြိမ်ကြိမ်ကြိုးစား ဆောင်ရွက် မှာဖြစ်ကြောင်း ပြောပါတယ်။ ဒီလို အတည်ပြုချက်ရယူပြီးတဲ့နောက်မှာတော့ ၂၀၁၇ ခုနှစ် ဇန်န၀ါရီလကုန်မှာ နိုင်ငံတော်သမ္မတဆီကို တိုက်ရိုက်ုအစီရင်ခံတင်ပြရမှာဖြစ်ပါတယ်။

ကိုမိုးဇော်/ ဗွီအိုအေ (မြန်မာပိုင်း)
http://burmese.voanews.com


ရန်ကုန်၊ ဒီဇင်ဘာ ၁၄

ရုပ်ရှင်သရုပ်ဆောင် ထပ်ဆင့်အကယ်ဒမီ မေသန်းနုကို ငွေကျပ် သိန်း(၄၀၀) လိမ်လည်မှုကြောင့် ရာဇသတ်ကြီးပုဒ်မ (၄၂၀) ဖြင့် တရားစွဲဆို လိုက်ပြီဖြစ်ကြောင်း ရန်ကင်းမြို့နယ် ရဲစခန်းမှ ရဲအရာရှိတစ်ဦးက သံလွင်တိုင်းမ် သို့ပြောကြားသည်။

“ မေသန်းနုကို တရားစွဲလိုက်ပြီ၊ နောက်ထပ်လုပ်ဆောင်ရမှာ တရားသူကြီးအပိုင်းဖြစ်သွားပြီ၊ တရားသူကြီးကပဲ ဒီအမှုကိုဆုံးဖြတ်ချက်ချပါအလိမ့်မယ်” ဟု အဆိုပါအမှုကို ကိုင်တွယ်ခဲ့သည့် ရဲအုပ် မျိုးကိုကို က သံလွင်တိုင်းမ်သို့ ပြောကြားသည်။

မေသန်းနုက သင်္ဃန်းကျွန်းမြို့နယ်က မြေကွက်ပေါ်တွင် (၈) ထပ်တိုက်ဆောက်ရန် ကန်ထရိုက်ရရှိထားပြီး အဆိုပါတိုက်ခန်းကို ကြိုပွိုင့် စနစ်ဖြင့်တိုက်ခန်းဝယ်ယူပါက အမြတ်အစွန်းပိုမိုရရှိမည်ဟု ပြောဆိုသောကြောင့် စရန်ငွေ သိန်း(၄၀၀) ပေးခဲ့ပြီး ပြန်မရသည့်အတွက် တရားလို ဒေါ်စန်းစန်းမြင့်က အမှုဖွင့်တိုင်ကြားခဲ့ပြီးနောက် ယခုကဲ့သို့တရားစွဲဆိုလိုက်ခြင်းဖြစ်ကြောင်း အဆိုပါရဲစခန်းမှ သိရှိရသည်။

ယင်းကန်ထရိုက်မှာ မေသန်းနုမှ အမှန်တကယ်ဆောက်လုပ်ခွင့်မရရှိထားကြောင်း၊ အဆိုပါအမှုအတွက် ဒီဇင်ဘာလ (၁၃) ရက်နေ့က မေသန်းနုကိုယ်တိုင် အာမခံလျှောက်ထားခဲ့ပြီး ဒီဇင်ဘာ (၂၇) ရက်နေ့တွင် အစစ်ဆေးခံရန် ရုံးချိန်းထပ်မံ ချိန်းဆိုလိုက်ကြောင်း အဆိုပါ စခန်းမှ သတင်းရရှိသည်။

သတင်း-TU Arkar Min
ဓာတ်ပုံ - MC
Than Lwin Times
https://www.facebook.com/thanlwintimes9/


ပြည်ထဲရေး ဒုတိယဝန်ကြီး ဗိုလ်ချုပ်အောင်စိုး က ပြည်သူ့လွှတ်တော်မှာ ဒီဇင်ဘာလ ၁၄ ရက်နေ့က မေးခွန်းများကို ပြန်လည်ဖြေ ကြားနေစဉ်
သက်ငယ်မုဒိမ်းမှု ကျူးလွန်သူတွေကို ထိရောက်တဲ့ပြစ်ဒဏ်တွေချမှတ်နိုင်ဖို့အတွက် ကလေးသူငယ် အခွင့်အရေးများဆိုင်ရာဥပဒေနဲ့ အမျိုးသမီးများအပေါ် အကြမ်းဖက်မှုတားဆီးကာကွယ်ရေး ဥပဒေတို့ကို ရေးဆွဲနေကြောင်း ပြည်ထဲရေးဝန်ကြီးဌာန ဒုတိယ၀န်ကြီး ဗိုလ်ချုပ်အောင်စိုးက ပြည်သူ့လွှတ်တော်မှာ ဒီနေ့ ပြောပါတယ်။

ပြည်သူ့လွှတ်တော်ကိုယ်စားလှယ် ဒေါ်ခင်စန်းလှိုင်က မြန်မာနိုင်ငံအတွင်း သက်ငယ် မုဒိမ်းမှုတွေနဲ့ ပတ်သက်ပြီး ပြစ်မှုကျူးလွန်သူတွေကို ထိရောက် တဲ့ ပြစ်ဒဏ်ပေးဖို့ နဲ့ ပညာပေးအစီအစဉ်တွေ ဆောင်ရွက်ပေးဖို့ အစီအစဉ် ရှိမရှိ မေးမြန်းရာမှာ ဒုတိယ၀န်ကြီး ဗိုလ်ချုပ်အောင်စိုးက ပြန်လည်ဖြေကြား ခဲ့တာဖြစ်ပါတယ်။

သက်ငယ်မုဒိမ်းမှုတွေကို ဖော်ထုတ်ဖမ်းဆီးမှုအားနည်းတဲ့ ရဲတပ်ဖွဲ့ဝင်တွေကိုလည်း တည်ဆဲ စည်းမျဉ်းစည်းကမ်းတွေနဲ့ အညီ အရေးယူနေကြောင်း၊၂၀၁၆ ခုနှစ် နိုဝင်ဘာလအထိ သက်ငယ် မုဒိမ်းမှု အမှုပေါင်း ငါးရာကျော်ကို ဖော်ထုတ်ပြီး တရားစွဲဆိုအရေးယူထားကြောင်းနဲ့ တရားခံ နှစ်ရာကျော် ကိုလည်း ထောင်ဒဏ်ချမှတ်နိုင်ခဲ့ကြောင်း ဗိုလ်ချုပ်အောင်စိုးက ပြောခဲ့ပါတယ်။

သက်ငယ်မုဒိမ်းမှုတွေမှာ ကျူးလွန်သူတွေဟာ ဆွေမျိုးသားချင်းတွေလည်း ပါဝင်နေကြောင်း နဲ့ ပြစ်မှုကျူးလွန်သူတွေကိုလည်း ရာဇ၀တ်ကျင့်ထုံးဥပဒေအပြင် အထူးသီးသန့်ဥပဒေ ပြဌာန်းပြီးအရေး ယူဖို့လိုအပ်ကြောင်း ဒေါ်ခင်စန်းလှိုင်က တင်ပြခဲ့ပါတယ်။

တိုင်းနဲ့ပြည်နယ်တော်တော်များများမှာ အသက်မပြည့်သေးတဲ့ ကလေးငယ်တွေအပေါ် အဓမ္မပြုကျင့်မှုတွေ သတ်ဖြတ်မှုတွေ ဖြစ်ပွားနေတဲ့အတွက် သက်ငယ် မုဒိမ်းမှု ကျူးလွန်သူတွေကို သေဒဏ်ပေးဖို့အထိ ဆန္ဒပြတောင်းဆိုမှုတွေ ရှိခဲ့ပါတယ်။

RFA Burmese
http://www.rfa.org/burmese


မုံရွာ၊ ဒီဇင်​ဘာ ၁၄။

အသတ်​ခံရသည့်​ Eleven ၏ မုံရွာမြို့ခံ သတင်းထောက် ဖြစ်သော စိုးမိုးထွန်း(မုံရွာ)၏ ဈာပနာပွဲကို ဒီဇငဘာ ၁၄ရက်​​နေ့က ကျင်းပခဲ့ပြီး အမှုမှန်​​ပေါ်​ပေါက်​​ရေးအတွက်​ စတစ်​ကာ ကမ်​ပိန်းကို လူ​ထောင်​ချီဖြင့်​ ပြုလုပ်​ခဲ့​ကြောင်း သိရသည်​။

ကိုစိုးမိုးထွန်း၏ပုံ၌ အမှုမှန် အမြန်ဆုံးဖော်ထုတ်ပေးဟူသော စာတမ်းရေးထားသည့်​ စတစ်ကာကို ကပ်ကာ တောင်းဆိုခဲ့ခြင်းဖြစ်သည်။ ဈာပနကို ၄င်း၏ နေအိမ်ဖြစ်သော မုံရွာမြို့၊ ချမ်းမြ၀တီ ရပ်ကွက် ၁၉လမ်းမှ မြို့မသုသာန် (ဆားကျင်းသုသာန်)သို့ ပို့​ဆောင်​ကာ ဒီဇင်ဘာ ၁၄ ရက်နေ့ မွန်းလွဲ ၃နာရီတွင် မြေမြုပ်သဂြိုလ်ခဲ့ခြင်း ဖြစ်သည်။

၎င်း၏ နောက်ဆုးံခရီးကို မုံရွာ၊ မန္တလေးမြို့တို့မှ နယ်သတင်းထောက်များ၊ လူမှုအဖွဲ့အစည်းများ၊လက်ပံတောင်းဒေသခံများနှင့် ၄င်း၏ေ lမွးရပ်မြေ ဖြစ်သော မင်းကင်းမြို့နယ်မှ ပရဟိတအသင်းတို့ မှ လိုက်ပါပို့ဆောင်ခဲ့ကြသည်။

"အများပြည်သူတွေက ဒီဖြစ်စဉ်ကို သိရင် သိတယ်။ ကြားရင်ကြားတယ်ဆိုတာ သက်သေပြုလာနိုင်ဖို့ ဆော်သြပေးအောင် ဒီစတစ်ကာ ကမ်ပိန်းကို လုပ်တာပါ"ဟု မြန်မာ ဂျာနယ်လစ်ကွန်ရက်(MJN) မုံရွာမှ အတွင်းရေးမှူး ကိုတိုးကြီးက ပြောသည်။


ကိုစိုးမိုးထွန်းသည် ဒီဇင်ဘာ ၁၃ ရက် နံနက်အစောပိုင်းက အိမ်သို့ ပြန်လာချိန်တွင် မုံရွာမြို့ အောင်ချမ်းသာရပ်ကွက်၊ ပြည်ထောင်စုလမ်း၊ ဂေါက်ကွင်းအနီးတွင် ရိုတ်နှက် သတ်ဖြတ်ခဲ့ခြင်းကြောင့် နှာခေါင်းရိုးကျိုး၊ မျက်ခုံးကွဲဒဏ်ရာ၊ ဦးခေါင်းထိပ်ကွဲဒဏ်ရာနှစ်ချက်ဖြင့် မှောက်လျှက်အ​နေအထားဖြင့်​ သေဆုံးခဲ့ခြင်း ဖြစ်သည်။

၎င်းသေဆုးံမှုအား အိုးဘိုတောင်ရပ်ကွက်အုပ်ချုပ်ရေးမှူးက စတင်တွေ့ရှိပြီး ရဲစခန်းသို့ အကြောင်းကြားခဲ့ခြင်း ဖြစ်သည်။ထိုဖြစ်စဉ်ကို မုံရွာမြို့မရဲစခန်း၌ အမှုကြီး အမှတ်စဉ် ၁၀/ ၂၀၁၆(ပ)၁၅၆၄/၂၀၁၆ ရာဇသတ်ကြီး ပုဒ်မ ၃၀၂ ဖြင့် အမှုဖွင့်စစ်ဆေးလျက်ရှိသည်။

အမှုကို အမြန်ဆုံးပေါ်ပေါက်ရန် စစ်ကိုင်းတိုင်းဒေသကြီး ရဲတပ်ဖွဲ့မှ အထူးစုံစမ်းစစ်ဆေးရေးအဖွဲ့ ဖွဲ့စည်းထားကြောင်း CID၊ ခရိုင်ရဲတပ်ဖွဲ့နှင့် မြို့နယ်ရဲတပ်ဖွဲ့တို့ ပါဝင်ကာ သံသယရှိဖွယ်လူများကို စုံစမ်းမေးမြန်းခြင်းများ ပြုလုပ်နေကြောင်း သိရသည်။

ကိုစိုးမိုးထွန်းသည် ၂၀၀၇ ခုနှစ်မှ စ၍ အလွတ်တန်း နယ်သတင်းထောက်နှင့် မုံရွာမြို့ထုတ် ချင်းတွင်းရွှေပြည် ဂျာနယ်တို့တွင် အယ်ဒီတာ လုပ်ခဲ့ပြီး ၂၀၁၅ ခုနှစ် ဇန်န၀ါရီတွင် အလဲဗင်းမီဒီယာ၌ တိုက်ပိုင် သတင်းထောက်အဖြစ် မကွယ်လွန်မီ အချိန်ထိ လုပ်ကိုင်ခဲ့ခြင်း ဖြစ်သည်။

ကွယ်လွန်ချိန်တွင် ဇနီးနှင့် အသက် ၇ နှစ်အရွယ် သားငယ် တစ်ယောက်ကျန်ရစ်ခဲ့သည်။ ၄င်းသည် သစ်မှောင်ခိုကိစ္စများ၊ မုံရွာမြို့ ရှိ ကေတီဗွီနှင့် တရားမ၀င်အနှိပ်ခန်းများ ထပ်မံ ဖွင့်လှစ်ခွင့်မရရေး ကိစ္စများကို လိုက်လံစုံစမ်း သတင်းအချက်ရရန် ကြိုးပမ်းနေချိန်တွင် လုပ်ကြံသတ်ဖြတ်ခြင်းကို ခံခဲ့ရခြင်း ဖြစ်သည်။

ဓာတ်ပုံ-ဟိန်းလင်းသန့်
Central News Myanmar
https://www.facebook.com/CNMyanmar


မြန်မာတိုင်းရင်းသားမျိုးနွယ်စုတွေထဲမှာ ရိုဟင်ဂျာ လူမျိုးမပါဘူးဆိုတဲ့အကြောင်းကို သမိုင်းဖြစ်ရပ်မှန် စာအုပ်အဖြစ် ထုတ်ဝေဖြန့်ချီဖို့ ပြင်ဆင်နေတယ်လို့ သာသနာရေးနဲ့ ယဉ်ကျေးမှု ဝန်ကြီးဌာနက ထုတ်ပြန်ပါတယ်။

အဲဒီစာအုပ်ထုတ်ဝေဖို့အတွက် နိုင်ငံတော်အကြီးအကဲတွေဆီကို တင်ပြထားပြီး သမိုင်းပညာရှင် တွေကလည်း အချက်အလက်တွေ စုဆောင်းနေပြီဖြစ်တယ်လို့ သာသနာရေးနဲ့ ယဉ်ကျေးမှု ဝန်ကြီးဌာန ဒုတိယညွှန်ကြားရေးမှူး ဦးအာကာကျော် က ပြောပါတယ်။

"ဒီရှေးမြန်မာ ရာဇ၀င်သမိုင်းတွေမှာ၊ ဒီကိုလိုနီခေတ်မှာ နောက်ပြီးလို့ရှိရင် ရှိတဲ့ တိုင်းရင်းသား အရေအတွက်တွေမှာ ရိုဟင်ဂျာဆိုတဲ့ စကားလုံး အသုံးအနှုန်း ရေးသားဖော်ပြမှု မရှိကြောင်းကိုလည်း တွေ့ရှိခဲ့တယ်လို့ ပြည်ထောင်စုဝန်ကြီးက ပြောပါတယ်။ ညှိနှိုင်းအစည်းအဝေးပြုလုပ်ပြီးပြီဗျာ။ ပြီးလို့ ရှိရင် နိုင်ငံတော် သမ္မတနဲ့ နိုင်ငံတော် အတိုင်ပင်ခံ ပုဂ္ဂိုလ်ဆီကို ဒီလိုမျိုးလုပ်ချင်တယ် ဆိုတဲ့အကြောင်းကို တင်ပြပြီးသွားပြီဗျာ။ သမိုင်းပညာရှင်တွေကလည်း ဒီကိစ္စနဲ့ပတ်သက်ပြီး အချက်အလက်တွေ စုစည်းနေကြပြီဗျာ။ ဆက်ပြီးတော့မှ နိုင်ငံကတာက ပြောဆိုထားတဲ့ မရှိဘူးဆိုတဲ့ ထောက်ခံချက်တွေကိုလည်း ပြုစုနေကြပြီဗျာ။ အဆင့်ဆင့်ဆောင်ရွက်နေတဲ့ အနေအထားတော့ ရှိပါပြီ"

အဲဒီ စာအုပ်ကို မြန်မာ့သမိုင်းအဖွဲ့က သမိုင်းပညာရှင်တွေက တည်းဖြတ်မှာ ဖြစ်တယ်လို့ သိရပါတယ်။

မြန်မာနိုင်ငံက တိုင်းရင်းသားလူမျိုးတွေထဲမှာ ရိုဟင်ဂျာမရှိကြောင်းကို သမိုင်းဖြစ်ရပ်မှန်အဖြစ် စာအုပ်ထုတ်ဝေဖို့ ရှိတဲ့အကြောင်း ဖေ့စ်ဘွတ်ပေါ်ကို တင်ခဲ့ရာ လူအများစုက ထောက်ခံတဲ့အတွက် အခုလို စီစဉ်ရတာဖြစ်တယ်လို့ သာသနာရေးနဲ့ ယဉ်ကျေးမှု ၀န်ကြီးဌာနက ၀န်ကြီးသူရ ဦးအောင်ကို က ဒီလ ၁၀ ရက်နေ့က သမိုင်းပညာရှင်တွေနဲ့ တွေ့ဆုံတဲ့ အစည်းအဝေးမှာ ထည့်သွင်း ပြောကြားခဲ့ပါတယ်။

အဲဒီစာအုပ်ကို ပြုစုပြီးတဲ့အခါ နိုင်ငံတော်သမ္မတနဲ့ နိုင်ငံတော်အတိုင်ပင်ခံ ပုဂ္ဂိုလ်ထံ တင်ပြပြီး ခွင့်ပြုချက်ရတာနဲ့ အများပြည်သူကို ထုတ်ဝေဖို့ စီစဉ်မယ်လို့ သိရပါတယ်။

RFA Burmese
https://www.facebook.com/rfaburmese/



ထိုင်းနိုင်ငံ ဘုရင်မင်းမြတ် မဟာ ဗာဂျီရယ် လောင်ကွန်းအား တွေ့ရစဉ် (ဓာတ်ပုံ-အင်တာနက်)
    ဘန်ကောက်၊ ဒီဇင်ဘာ ၁၄ ရက် (ဆင်ဟွာ)

    ထိုင်းနိုင်ငံတစ်ဝန်း တော်ဝင် ပြစ်ဒဏ် လွတ်ငြိမ်းခွင့်ဖြင့် လွတ်မြောက်လာသည့် မြောက်မြားစွာသော အကျဉ်းသားများအတွက် ထိုင်းနိုင်ငံ အလုပ်သမားဦးစီးဋ္ဌာနက အလုပ်အကိုင် အခွင့်အလမ်းများ ဖန်တီး ထောက်ပံ့ပေးသွားမည် ဖြစ်ကြောင်း သိရသည်။

လက်ရှိတွင် လစ်လပ်နေသော အလုပ်အကိုင်နေရာပေါင်း ၅၅,၃၀၀ ရှိကြောင်း၊ တော်ဝင် အမိန့်ဖြင့် လွတ်ငြိမ်း ချမ်းသာခွင့်ရလာသည့် အကျဉ်းသား ဦးရေ ၃၀,၀၀၀ အတွက် အခွင့်အလမ်း ဖြစ်လာနိုင်ကြောင်း အလုပ်သမား ဦးစီးဋ္ဌာန လက်ထောက် ညွှန်ကြားရေးမှူး ဗီဝတ် ဂျီရာဖန်ဗန်နစ်က ပြောသည်။

အဆိုပါ လွတ်မြောက်လာသည့် အကျဉ်းသားများအား ထိုင်းနိုင်ငံ ဘုရင်မင်းမြတ် မဟာ ဗာဂျီရယ် လောင်ကွန်း နန်းတက်ခြင်း အထိမ်းအမှတ် အနေဖြင့် လွတ်ငြိမ်းချမ်းသာခွင့် ပေးအပ်ခဲ့ကြောင်း၊ လွတ်မြောက်လာသည့် အကျဉ်းသား အများစုမှာ ထောင်ဒဏ် ၂ နှစ်ထက် မပိုသော ပြစ်ဒဏ်ပေးခံရသူများ ဖြစ်ကြောင်း သိရသည်။

အလုပ်အကိုင် အခွင့်အလမ်းများသည် အိမ်အကူ၊ ထမင်းချက်၊ ယာဉ်မောင်း၊ ဈေးရောင်းသူနှင့် စက်ရုံ အလုပ်များ ဖြစ်ကြောင်း ဗီဝတ်က ပြောသည်။

အဆိုပါ လစ်လပ်နေရာများအား စိတ်ဝင်စားသည့် လွတ်မြောက်လာသော အကျဉ်းသားများ၏ နာမည်နှင့် အရေအတွက်အား ပြုပြင်မွမ်းမံရေး ဦးစီးဋ္ဌာနမှ ရရှိခဲ့ကြောင်းနှင့် စွမ်းရည် ဖွံ့ဖြိုးရေး ဦးစီးဋ္ဌာနမှ အလုပ်အကိုင် စွမ်းရည် မြှင့်တင်ပေးခြင်းများ လုပ်ဆောင်သွားမည် ဖြစ်ကြောင်း သိရသည်။

(Xinhua)
http://www.xinhuamyanmar.com



ဖိလစ်ပိုင်သမ္မတ Rodrigo Duterte
ဖိလစ်ပိုင်သမ္မတ Rodrigo Duterte က နိုင်ငံတောင်ပိုင်း Davao မြို့တော်ဝန် အဖြစ် နှစ် ၂၀ ကြာ သူလုပ်ခဲ့ချိန်အတွင်း မူးယစ် ဆေးဝါးရောင်းဝယ်သူလို့ သံသယရှိသူတွေကို ကိုယ်တိုင်သတ်ပစ်ခဲ့တယ်လို့ ပြောလိုက်ပါတယ်။

တနင်္လာနေ့က စီးပွားရေးလုပ်ငန်းရှင်တွေကို ပြောတဲ့မိန့်ခွန်းထဲမှာ မစ္စတာ Duterte က အဲဒီလို ၀န်ခံပြောဆိုသွားတာပါ။ Davao မြို့ကို မော်တော်ဆိုင်ကယ်နဲ့လှည့်ပြီး သူ သတ်ပစ်နိုင်အောင် ထိပ်တိုက်တွေ့မယ့် အခြေအနေကို လိုက်ရှာတယ်လို့ သူက ခပ်ကြွားကြွားပြောပါတယ်။

သူ လုပ်နိုင်ရင် ရဲတွေ ဘာ့ကြောင့် မလုပ်နိုင်ရမှာလဲဆိုတာကို ပြဖို့အတွက် မူးယစ်သံသယရှိသူတွေကို သတ်တာဖြစ်တယ်လို့ သူကဆိုပါတယ်။

ပြီးခဲ့တဲ့ ဇွန်လမှာ သမ္မတဖြစ်လာချိန်ကတည်းက မူးယစ်ဆေးဝါး ရောင်းဝယ်တယ်လို့ သံသယရှိသူတွေကို အမြစ်ပြတ် ခြေမှုန်းနေ တဲ့အပေါ် ခုခံကာကွယ် ပြောဆိုနေချိန်မှာပဲ မစ္စတာ Duterte က အခုလို ရုတ်တရက် ပြောချလိုက်တာပါ။ မူးယစ်တိုက်ဖျက်ရေး စီမံချက် စလုပ်ခဲ့ကတည်းကဆိုရင် ရဲနဲ့ လက်မရွံ့အဖွဲ့က သတ်တာကြောင့် လူပေါင်း ၆,၀၀၀ နီးပါး သေဆုံးပြီးပါပြီ။ ဒီအပေါ် လူ့ အခွင့်အရေးအဖွဲ့တွေ၊ ကုလသမဂ္ဂနဲ့ အမေရိကန်သမ္မတ ဘရာ့ခ် အိုဘားမားက ဝေဖန် ပြောဆိုထားတာပါ။

ဝေဖန်ပြောဆိုတာတွေကို မစ္စတာ Duterte က လျစ်လျူရှုပြီး စီမံချက်ကို ဆက်လုပ်နေတဲ့အပြင် သူ့ကို ရာထူးကဖယ်ရှားဖို့ ကြိုးစားတဲ့ အတိုက်အခံတွေကိုတောင်မှ စိန်ခေါ်ထားပါတယ်။

ဗွီအိုအေ (မြန်မာပိုင်း)
http://burmese.voanews.com



ပြည်သူ့ လွှတ်တော်(MOI)
အရွယ်မရောက်သေးတဲ့ ကလေးသူငယ်တွေအပြင် မသန်စွမ်းနဲ့ အမျိုးသမီးတွေအပေါ်မှာ အကြမ်းဖက်မှု လိင်ပိုင်းဆိုင်ရာ အလွဲ သုံးစားမှုတွေ ကိုထိရောက်စွာကာကွယ်ဖို့ ဥပဒေတွေ အသစ်တွေရေးဆွဲနေသလို အရေးယူမှုပိုင်းမှာလည်း ပြစ်မှု ပြစ်ဒဏ်မျှတမှု မရှိတာ တွေ့ရရင် ပြန်လည်အရေးယူ နိုင်ဖို့လုပ်ဆောင် နေတယ်လို့ ပြည်တဲရေးဝန်ကြီးဌာနက ပြောဆိုလိုက်ပါတယ်။ တချိန်တည်းမှာပဲ အနိုင်ကျင့်စော်ကားခံခဲ့ရတဲ့ ကလေးငယ်တွေဘ၀ ပြန်လည်ထူထောင်ရေးအတွက် လည်း လုပ်ဆောင်သွားဖို့ကိုလည်းစီစဉ်နေပြီး ထိရောက်တဲ့ ပံ့ပိုးမှုတွေလုပ်မယ်လို့ ဂတိပေးပြောဆိုသွားပါတယ်။ ဒီသတင်းကို ဗွီအိုအေ မြန်မာပိုင်းကမေခကပေးပို့ထားပါတယ်။

ကလေးသူငယ်တွေ၊ အမျိုးသမီးတွေကို အကြမ်းဖက်တာ၊ လိင်ပိုင်းဆိုင်ရာအမြတ်ထုတ်မှုတွေ တိုးပွားလာတာမှာ ထိရောက် တဲ့အရေးယူမှုမရှိတဲ့အပေါ်ဝေဖန်မှုတွေရှိနေချိန်မှာဘဲ အစိုးရဘက်က လွှတ်တော်မှာ ထိရောက်စွာကိုင်တွယ်သွားမယ်လို့ ဒီကနေ့ ပြည်သူ့ လွှတ်တော်မှာပြောဆိုလိုက်တာပါ။

“တရားရုံးကနေ ချမှတ်တဲ့ ပြစ်ဒဏ်နဲ့ ဆက်လျင်းပြီး ပြစ်မှုပြစ်ဒဏ် မျှတမှုမရှိတဲ့အမှုတွေကို စီစစ်ပြီး၊ အယူခံမှု စီစဉ်မှုများ တက်ရောက်ခြင်းတွေကိုလည်း အလေးထားဆောင်ရွက်လျှက်ရှိပါတယ်။ သက်ငယ်မုဒိမ်းဖြစ်ပွားမှုနဲ့ ပတ်သက်ပြီး ခေါ်ထုတ်ဖမ်းဆီးအရေးယူမှုအပိုင်းမှာ အားနည်းချက်ရှိတဲ့ ၀န်ထမ်းတွေနဲ့ ပတ်သက်လို့လည်း မိမိတပ်ဖွဲ့ဝင်များအပေါ် တည်ဆဲ စည်းမျဉ်းစည်းကမ်းများနှင့်အညီ ထိရောက်စွာအရေးယူဆောင်ရွက်လျှက်ရှိပါတယ်။ ထိေ၇ာက်သောပြစ်ဒဏ် ချမှတ်နိုင်ေ၇းအတွက်ကို လူမှုဝန်ထမ်းနဲ့ ပြန်လည်နေရာချထားရေး ၀န်ကြီးဌာနမှာ ကလေးသူငယ်အခွင့်အရေးများဆိုင်ရာ ကုလသမဂ္ဂရဲ့ Convention ရဲ့ မြန်မာနိုင်ငံအပေါ်အကြံပြုချက်များနဲ့ အညီ ကလေးသူငယ်အခွင့်အရေးများဆိုင်ရာဥပဒေအဖြစ် ပြန်လည်ရေးဆွဲဆောင်ရွက်လျက်ရှိသည့်အပြင် အမျိုးသမီးများ အပေါ်အကြမ်းဖက်မှု တားဆီးကာကွယ်ရေး ဥပဒေကိုလည်း အသင့်ရေးဆွဲဆောင်ရွက်လျက်ရှိပါတယ်။ အဆိုပါ ဥပဒေကြမ်းများမှ ကလေးနဲ့ အမျိုးသမီးများ ၊ မသန်စွမ်းသူအမျိုးသမီးများအပေါ်မှာ ကျူးလွန် တဲ့ မုဒိမ်းမှုများနဲ့ ပတ်သက်ပြီး ထိေ၇ာက်ဟန့်တားတဲ့ ပြစ်ဒဏ်များ ချမှတ်နိုင်ေ၇းကိုလည်း ထည့်သွင်းရေးဆွဲလျက်ရှိကြောင်း တင်ပြပါတယ်။”

ပြည်ထဲရေး ဒုဝန်ကြီး ဗိုလ်ချုပ်အောင်စိုးက ပြောဆိုခဲ့တာပါ။

လက်ရှိ ပြည်တဲရေးဘက်ကထုတ်ပြန်ထားတဲ့စာရင်းတွေအရ ဒီနှစ်နိုဝင်ဘာလအထိက ကလေးငယ်တွေအပေါ် လိင်ပိုင်းဆိုင်ရာ အနိုင်ကျင့်စော် ကားမှုဟာ မုဒိန်းမှုတွေရဲ့ ရာခိုင်နှုန်း ၆၀ကျော်ရှိခဲ့ပြီး ၂၀၁၃ခုနှစ်နဲ့ နှိုင်းယှဉ်ပါက ၂ဆနီးပါးတိုးလာပါတယ်။ အသက်အပိုင်းအခြားအရဆိုရင်လဲ ၂နှစ်အရွယ်က စပြီး လိင်ပိုင်းဆိုင်ရာအမြတ်ထုတ်ခံရတာ မျိုးရှိနေပါတယ်။ ဒီလိုတွေတိုးတက်လာတဲ့နှုန်းထားတွေနဲ့ ဘယ်လိုလူတွေက ပိုပြီးကျူးလွန်သလဲဆိုတာကို ခုလို လွှတ်တော်မှာ ကောက်ယူထားတဲ့ စစ်တမ်းကနေ ထောက်ပြပြောဆိုခဲ့ပါတယ်။

“ပြစ်မှုကျူးလွန်သူတွေကို စိစစ်တဲ့အခါမှာ ၁၆ နှစ်အောက် လူငယ် ၅. ၀၉ ရာခိုင်နှုန်း၊ ၁၆ နှစ်မှ ၁၈ နှစ်အထိ လူငယ် ၈.၃၇ ရာခိုင်နှုန်း ၁၈ နှစ်မှ ၅၀ နှစ်အထိက ၈၀.၃ ရာခိုင်နှုန်းနဲ့ ၅၀ နဲ့ အထက်က ၆. ၂၄ ရာခိုင်နှုန်း ဖြစ်ကြောင်းတွေ့ရတဲ့အတွက် ကျနော်တို့ အသက် ၁၆ နှစ်အောက် လူငယ်များပင်လျှင် အဓမ္မကျူးလွန်မှုတွေကို ပြုလုပ်လာကြောင်းလည်း ကျနော်တို့ စိုးရိမ်ဖွယ်ရာ တွေ့ရှိရပါတယ်။ အများဆုံးကတော့ အသက် ၁၈ နှစ်နဲ့ အသက် ၅၀ ကြား အရွယ်တွေဟာ ကလေးသူငယ် အဓမ္မပြုကျင့်မှုကို အများဆုံးကျူးလွန်ကြောင်းကိုလည်း လေ့လာသုံးသပ်တွေ့ရှိရပါတယ်။ နှစ်အလိုက် မုဒိမ်းဖြစ်ပွားမှု အရေအတွက်တွေများလာသလိုပဲ သက်ငယ်မုဒိမ်းဖြစ်ပွားမှု ရာခိုင်နှုန်းတွေကလည်း မြင့်မားလာတာကိုလည်း စိုးရိမ်ဖွယ် တွေ့ရှိရပါတယ်။”

အဓမ္မပြုကျင့်မှုခံရသူ ကလေးငယ်တွေရဲ့ မိသားစုတွေဟာလည်း ယေဘုယျအားဖြင့် ဆင်းရဲနွမ်းပါးတဲ့ မိသားစု အသိုင်းအ၀ိုင်းမှာ ကြီးပြင်းကြရသူတွေ အများစုဖြစ်တာကြောင့် မိဘတွေက သားသမီးကို စောင့်ရှောက်မှု မပေးနိုင်တာ၊ ကျုးလွန်မှုတွေဖြစ်အောင် အားပေးရာရောက်စေတဲ့ ညစ်ညမ်းစာပေ၊ ဗွီဒီယိုတွေ နှိမ်နင်းဖို့လိုနေတာ တွေကြောင့်လို့ ထောက်ပြမှုတွေရှိနေပါတယ်။

လက်ရှိ လိင်ပိုင်းဆိုင်ရာ အနိုင်ကျင့်စော် ကားခံရသူတွေဟာ ပတ်ဝန်းကျင်ရဲ့ ၀ိုင်းပယ်မှုနဲ့ မိသားစု အနေနဲ့ ဆက်လက် ရပ်တည်ရေး အခက်အခဲပေါင်းစုံနဲ့ ရင်ဆိုင်နေရမှု စတာတွေနဲ့ ကြုံနေတာတွေရှိတာကြောင့် အစိုးရက ထိရောက်စွာ ကူညီ ကယ်ဆယ်ပေးဖို့ ပြည်သူ့လွှတ်တော်ကိုယ်စားလှယ် ဒေါ်ခင်စန်းလှိုင်က ခုလို အစိုးရကို တောင်းဆိုလိုက်ပါတယ်။

“ကျူးလွန်ခံရတဲ့ ကလေးများအား အပြစ်တင်ခြင်း လူအသိုင်းအ၀ိုင်များမှ ပစ်ပယ်ထားခြင်းများ မပြုကြပဲ စိတ်ပိုင်းဆိုင်ရာ ၊ ရုပ်ပိုင်းဆိုင်ရာ ကျန်းမာရေး လူမှုရေးပိုင်းဆိုင်ရာ ပြန်လည်ကုစားရန်လိုအပ် သကဲ့သို့ ပြစ်မှုကျူးလွန်သူများကိုလည်း ရာဇ၀တ်ကျင့်ထုံးဥပဒေအရ မဟုတ်ပဲ ကလေးသူငယ်များအပေါ်ကျူးလွန်တဲ့သူတွေအပေါ် အထူးဥပဒေတွေပြဌာန်းပြီးတော့ ထိရောက်တဲ့အမြင့်ဆုံးပြစ်ဒဏ်တွေသတ်မှတ်ပြီး အပြစ်ပေးအရေးယူရန်လိုအပ်ပါတယ်။

ကလေးငယ်တွေ အနိုင်ကျင့် စော်ကားခံရမှုတွေမှာ ကျုးလွန်သူတွေဟာ သူစိမ်းတွေတင်မဟုတ်ဘဲ၊ သွေးသားတော်စပ်သူတွေပါ ပါဝင်နေတဲ့ အတွက်လည်း ကလေးငယ်တွေဘ၀ လုံခြုံရေးအတွက် ပိုပြီးစိုးရိမ်စရာ ဖြစ်လာနေရဆဲပါ။

ဥပဒေအသစ်တွေရေးဆွဲနေပြဌာန်းနေပြီလို့ အစိုးရဘက်က ထုတ်ပြန်ခဲ့ပေမယ့် ဒီဥပဒေကို ဘယ်ချိန်လွှတ်တော်ကိုတင်ပြမလဲဆိုတာကတော့ ဝန်ကြီးကပြောဆိုသွားခြင်းမရှိပါဘူး။

ဝန်ကြီးကတော့ ကလေးသူငယ်တွေအပြင် မသန်စွမ်းနဲ့ အမျိုးသမီးတွေအပေါ်မှာ အကြမ်းဖက်မှု လိင်ပိုင်းဆိုင်ရာ အလွဲ သုံးစားမှုတွေ ကို ထိရောက်စွာကာကွယ်ဖို့ ဥပဒေ တွေပြဌာန်းပြီးထိရောက်စွာ အရေးယူဖို့လဲ လုပ်ဆောင်မယ်လို့ ဂတိပေးပြောဆိုခဲ့ပါတယ်။

မေခ/ ဗွီအိုအေ (မြန်မာပိုင်း)
http://burmese.voanews.com



မကာအို ဈေးကွက်ရှိ ကြက်ငှက်တုပ်ကွေး ဗိုင်းရပ်စ်ပိုး တွေ့ရှိခဲ့သည့် ကြက်များအား ကျန်းမာရေး ဝန်ထမ်းများက ထုပ်ပိုးနေစဉ် (ဆင်ဟွာ)
    မကာအို၊ ဒီဇင်ဘာ ၁၄ ရက် (ဆင်ဟွာ)

    မကာအိုတွင် ကြက်ငှက်တုပ်ကွေး ဗိုင်းရပ်စ်ပိုး ပထမဆုံးအကြိမ် ကြက်မှ လူကို ကူးစက်မှုအား တွေ့ရှိခဲ့ကြောင်းနှင့် ကပ်ရောဂါဖြစ်ပွားည်အထိ ကျယ်ပြန့်လာရန်အတွက်မူ အလားအလာ နည်းပါးကြောင်း အထူးကိုယ်ပိုင် အုပ်ချုပ်ခွင့်ရဒေသ၏ ကျန်းမာရေး အာဏာပိုင်များက ဒီဇင်ဘာလ ၁၄ ရက်က ပြောကြားလိုက်သည်။

ဒီဇင်ဘာလ ၁၄ ရက် အစောပိုင်းက ဥစားကြက် ဈေးကွက်မှ နမူနာ ကြက် တစ်ကောင်၌ H7N9 ကြက်ငှက်တုပ်ကွေးဗိုင်းရပ်စ်ပိုး တွေ့ရှိခဲ့ပြီးနောက် အဆိုပါ ဥစားကြက် ကုန်သည်အား ဆေးရုံတင်ထားကာ သီးသန့် ခွဲခြားထားလိုက်ကြောင်း၊ လက်ရှိအချိန်အထိ ရောဂါ လက္ခဏာများ မတွေ့ရသေးကြောင်း ကျန်းမာရေး ဗျူရိုက သတင်းထောက်များအား ပြောကြားလိုက်သည်။

စုံစမ်း စစ်ဆေးမှုများအရ အဆိုပါ ကုန်သည်နှင့် ဇနီးတို့သည် အခြားသူများနှင့် နီးကပ်စွာ ဆက်ဆံမှု မရှိခဲ့ကြောင်း၊ ထို့ကြောင့် ကပ်ရောဂါ အထိ ဖြစ်လာနိုင်ခြေ နည်းပါးကြောင်း အဆိုပါ ဗျူရိုက ပြောသည်။

ငှက် တုပ်ကွေး ဗိုင်းရပ်စ်ပိုး H7 တွေ့ရှိပြီးနောက် အဆိုပါ ကြက် အရှင်တင်သွင်းမှု အားလုံးကို တားမြစ်လိုက်ကြောင်း ဒီဇင်ဘာလ ၁၃ ရက် ညပိုင်းက မကာအို ကျန်းမာရေး ဗျူရို၊ မြို့ပြနှင့် စည်ပင်သာယာရေးဆိုင်ရာ ဗျူရိုတို့ ပူးတွဲ ကျင်းပသည့် သတင်းစာ ရှင်းလင်းပွဲ၌ ပြောကြားခဲ့သည်။

ထို့ပြင် တရုတ်နိုင်ငံမှ ဒေသခံ ဥစားကြက် ကုန်သည် တစ်ဦးနှင့် ဗင်ကားမောင်းသူ တစ်ဦးတို့ကိုလည်း စစ်ဆေးထားကြောင်း သိရသည်။ အဆိုပါ ကုန်သည်အား ဗိုင်းရပ်စ် စမ်းသပ်ရန်အတွက် ဆေးရုံသို့ ပို့ဆောင်ခဲ့ပြီး တရုတ်နိုင်ငံသို့ ပြန်သွားခဲ့သည့် ယာဉ်မောင်းအား တရုတ်ပြည်မကြီး ကျန်းမာရေး ဋ္ဌာနသို့ သတင်းပို့ထားပြီးကြောင်း သိရသည်။

(Xinhua)
http://www.xinhuamyanmar.com


မြန်မာနိုင်ငံမှာ လူနည်းစု ခရစ်ယာန် ဘာသာဝင်တွေနဲ့ အခြားလူနည်းစု ရိုဟင်ဂျာ မူဆလင်တွေပေါ် ဖိနှိပ်ခွဲခြား ဆက်ဆံမှုတွေ လုပ်နေတယ်-ဆိုပြီး အမေရိကန် ရဲ့ နိုင်ငံတကာဘာသာရေးလွတ်လပ်ခွင့်ကော်မရှင်က ဒီဇင်ဘာ ၁၃ အင်္ဂါနေ့မှာ အစီရင်ခံစာ၂စောင်ကို တပြိုင်နက်ထုတ်ပြန် လိုက်ပါတယ်။ မြန်မာနိုင်ငံတွင်း ဘာသာရေး လွတ်လပ်ခွင့် ချိုးဖေါက်မှုတွေနဲ့ ပတ်သက်လို့ သူတို့ရဲ့လေ့လာတွေ့ရှိ ချက်တွေကို မြန်မာအစိုးရ ကိုရော၊ အမေရိကန်အစိုးရကိုပါ တိုက်တွန်း အကြံပြု သွားမှာ ဖြစ်တယ်လို့ဆိုပါတယ်။ ဒီအကြောင်း ကိုဉာဏ်ဝင်းအောင်က တင်ပြပါမယ်။

USCIRF လို့ခေါ်တဲ့ အမေရိကန်အစိုးရရဲ့ နိုင်ငံတကာ ဘာသာရေးလွတ်လပ် ခွင့်ကော်မရှင်က မြန်မာပြည်က ခရစ်ယာန်ဘာသာဝင်တွေနဲ့ ပတ်သက်လို့ Hidden Plight လို့အမည်ပေးထားတဲ့ အစီရင်ခံစာနဲ့ သူတို့အဆို လူနည်းစု ရိုဟင်ဂျာ မူဆလင်တွေနဲ့ ပတ်သက်ပြီး Suspended in Time ဆိုတဲ့ အစီရင်ခံစာ ၂ စောင်ကို ထုတ်ပြန်ခဲ့တာဖြစ်ပါတယ်။ ဒီအစီရင်ခံစာနဲ့ပတ်သက်ပြီး ၀ါရှင်တန်ဒီစီမှာရှိတဲ့ သတင်းထောက်များ အသင်းမှာ ဒီဇင်ဘာ ၁၃ ရက်ညနေပိုင်းက သတင်းစာ ရှင်းလင်းပွဲတရပ် လုပ်ခဲ့ပါတယ်။

ခရစ်ယာန်ဘာသာဝင်တွေရဲ့ လွတ်လပ်စွာကိုးကွယ်ခွင့် ချိုးဖောက်ခံနေရတဲ့ အခြေ အနေကို Hidden Plight ဖုံးကွယ်ထားတဲ့ အတိဒုက္ခဆိုတဲ့ အစီရင်ခံစာမှာ ဖော်ပြ ထားပြီး မြန်မာနိုင်ငံက ခရစ်ယာန် ဘာသာဝင်တွေဟာ အချိန်အတော်ကြာ ကတည်းက ဖိနှိပ်ခွဲခြား ဆက်ဆံခံနေရတာ တွေက ခုထိဆက်ရှိနေဆဲပဲလို့ အမေရိကန်ရဲ့ နိုင်ငံတကာ ဘာသာရေး လွတ်လပ်ခွင့်ကော်မရှင် အရှေ့တောင် အာရှပေါ်လစီပိုင်းဆိုင်ရာ အဆင့်မြင့် ကျွမ်းကျင်သူ Tina Mufford က VOA မြန်မာပိုင်းကို ပြောပါတယ်။

“ ပထမ အစီရင်ခံစာကတော့ လူနည်းစုခရစ်ယာန် ဘာသာဝင်တွေအပေါ် ဖိနှိပ်မှုကို မီးမောင်းထိုးပြထားတာ ဖြစ်ပါတယ်။ ဆယ်စုနှစ်ပေါင်းများ စွာ စစ်အစိုးရခေတ် အဆက်ဆက် လက်ထက် စစ်တပ်နဲ့အာဏာပိုင်တွေရဲ့ လက်အောက်မှာ ခွဲခြား ဆက်ဆံမှု နှိပ်စက်ခံရမှုတွေအကြောင်းကို ရေးသားထားတာ ဖြစ်ပါတယ်။ ပညာ သင်ပိုင်ခွင့် အလုပ်အကိုင် ရပိုင်ခွင့် ဘာသာရေး အဆောက်အဦဆောက်ဖို့ မြေယာ ပိုင်ဆိုင်ခွင့်၊ ဘာသာရေး အဆောက်အဦ ပြင်ဖို့ ဒါမှမဟုတ် ဆောက်ဖို့အပြင် လက်ဝါး ကပ်တိုင်ထောင်ဖို့ စသည်ဖြင့်တို့ကို စနစ်အရ ဟန့်တား ထားတာတွေ ရှိပါတယ်။ ဒါ့အပြင် ကိုးကွယ်တဲ့ဘာသာ အတင်းပြောင်းခိုင်းမှု အစိုးရအမှုထမ်းတွေ ဆိုလည်း မြန်မာ ဗုဒ္ဓဘာသာ အခါကြီး ရက်ကြီးတွေမှာ မဖြစ်မနေ ပါဝင်ဆင်နွှဲ ရတာတွေ အလှူငွေ ထည့်ရတာတွေ စသဖြင့်တို့ ပါဝင်ကြပါတယ်။ သူတို့တွေဟာ ခရစ်ယာန်ဘာသာ ကိုးကွယ်ရာမှာ ကျယ်ကျယ်ပြန့်ပြန့် ဟန့်တားခံရတာတွေ ရှိပါတယ် ”

Suspended in Time အစိုးရရဲ့ အချိန်ဆိုင်းငံ့နေခြင်းဆိုတဲ့ အစီရင်ခံစာမှာတော့ ရိုဟင်ဂျာ မွတ်ဆလင်တွေ ဖိနှိပ်ခံနေရတဲ့ ကိစ္စတွေကို အသေးစိတ်ရေးသား ထား ပါတယ်။ ဒီအစီရင်ခံစာနဲ့ပတ်သက်လို့ Tina Mufford က ပြောတာကတော့ -

“ ဒုတိယ အစီရင်ခံစာကတော့ ရိုဟင်ဂျာ မွတ်ဆလင်တွေနဲ့ ပတ်သက်ပြီး အရင် ဦးသိန်းစိန် အစိုးရလက်ထက်မှာ ရိုဟင်ဂျာမွတ်ဆလင်တွေရဲ့ အခြေအနေဟာ သိသိ သာသာကြီး ကျဆင်းလာတာကို ဖေါ်ပြထားတာ ဖြစ်ပါတယ်။ အသွင်ကူးပြောင်းရေး ကာလာ ဖြစ်ပေမယ်လို့လည်း ရိုဟင်ဂျာ မွတ်ဆလင်တွေရဲ့ အခြေအနေကတော့ ပိုဆုတ်ယုတ်ခဲ့ပြီး ဒီကနေ့ မြင်တွေ့နေရတဲ့ အခြေအနေအထိ ဆိုက်ရောက် ခဲ့တာ ဖြစ်ပါတယ် ”

USCIRF အနေနဲ့ သူတို့ ပြုစုထားတဲ့ အစီရင်ခံစာ နှစ်ရပ်ပေါ်မူတည်ပြီး သူတို့ရဲ့ လေ့ လာတွေ့ရှိ ချက်တွေကို မြန်မာအစိုးရကို အကြံပြုရာမှာ ဘာသာရေး လွတ်လပ်ခွင့် ဆိုင်ရာ အထူးစုံစမ်း စစ်ဆေးရေးမှူး မြန်မာနိုင်ငံကို လာရောက်ခွင့် ပြုဖို့နဲ့ လူ့အခွင့် အရေးဆိုင်ရာ ကုလသမဂ္ဂရုံးခွဲ ဖွင့်ဖို့ကို တိုက်တွန်းထားပါတယ်။ အမေရိကန် အစိုးရ ရဲ့ နိုင်ငံခြားရေးပေါ်လစီမှာ ဘာသာရေးလွတ်လပ်ခွင့်နဲ့ပတ်သက်ပြီး USCIRF အဖွဲ့ အနေနဲ့ နှစ်စဉ်အကြံပေး တင်ပြရတာ ဖြစ်တဲ့အတိုင်း အစီရင်ခံစာပေါ် မူတည်ပြီး Tina Mufford ကခုလို တိုက်တွန်းခဲ့ပါတယ်။

“ ကျမတို့ USCIRF ကော်မရှင်ရဲ့အခန်းကဏ္ဍကတော့ အမေရိကန် အစိုးရကို ဘာသာရေး လွတ်လပ်ခွင့်နဲ့ ပတ်သက်လို့ နိုင်ငံခြားရေး ပေါ်လစီမှာ အကြံပေးဖို့ ဖြစ် တဲ့အတိုင်း အမေရိကန်နိုင်ငံခြားရေး ဌာနအနေနဲ့ မြန်မာနိုင်ငံကို ဘာသာရေး လွတ်လပ်ခွင့်နဲ့ ပတ်သက်လို့ ၁၉၉၉ ခုနှစ် ကတည်းက စိုးရိမ်မကင်းဖြစ်တဲ့ နိုင်ငံ စာရင်းထဲမှာ ထည့်သွင်းခဲ့တာ ဖြစ်ပါတယ်။ လတ်တလောကတော့ အောက်တိုဘာ လ ၃၁ ရက်နေ့ကပဲ ဖြစ်ပါတယ်။ ကျမတို့ အဖွဲ့အစည်းအနေနဲ့ မြန်မာနိုင်ငံအခုလို စာရင်းတင်သွင်းခံရတာကို ထောက်ခံသလို နှစ်စဉ်ပဲ အကြံပေးခဲ့တာဖြစ်ပါတယ်။ အကြောင်းကတော့ ဘာသာရေး လွတ်လပ်ခွင့် အခြေအနေဟာ မြန်မာနိုင်ငံမှာ ကျဆင်းနေလို့ပဲ ဖြစ်ပါတယ် ”

အစီရင်ခံစာမှာ ရိုဟင်ဂျာအရေးနဲ့ပတ်သက်ပြီး ဖြေရှင်းဖို့ ကုလသမဂ္ဂ အတွင်းရေးမှူး ချုပ်ဟောင်း ကိုဖီအာနန်ဦးဆောင်တဲ့ ရခိုင်အကြံပေးကော် မရှင် ဖွဲ့စည်းတာအပြင်၊ လာမယ့် တနင်္လာနေ့ ရန်ကုန်မှာ ရိုဟင်ဂျာ အရေးဆွေးနွေးဖို့ အာဆီယံ နိုင်ငံခြားရေး ဝန်ကြီးများ အထူးအစည်းဝေးပွဲကို ဒေါ်အောင်ဆန်းစုကြည် ခေါ်ယူထားတဲ့အပေါ် USCIRF အနေနဲ့ ကြိုဆိုကြောင်းနဲ့ ဒါဟာ အပြုသဘော ဆောင်တဲ့ခြေလှမ်း ဖြစ်ကြောင်း Tina Mufford က ပြောပါတယ်။

မြန်မာနိုင်ငံမှာ ဖွဲ့စည်းပုံအရ စစ်တပ်ကဆက်ပြီး လုပ်ပိုင်ခွင့် အာဏာတည်မြဲနေတဲ့ အခြေအနေနဲ့ ဗုဒ္ဓဘာသာကို နိုင်ငံတော်ဘာသာ ဖြစ်အောင် ကြိုးစားနေကြတဲ့ အချက်တွေက ခရစ်ယာန် ဘာသာဝင်တွေရဲ့ လွတ်လပ်စွာကိုးကွယ်ခွင့် ချိုးဖောက် ခံနေရတာကို နားလည်နိုင်မယ့် အဓိက အချက်တွေဖြစ်တယ်လို့ ဖုံးကွယ်ထားသည့် အတိဒုက္ခ အစီရင်ခံစာထဲမှာ ပြောထားပါတယ်။ စစ်အစိုးရ လက်ထက်ကတည်းက ရှိခဲ့တဲ့ ခွဲခြား ဆက်ဆံရေး မူဝါဒနဲ့ အလေ့အထတွေဟာ ဒီကနေ့အထိ ရှိနေသေး တယ်လို့လဲ ဆိုထားပါတယ်။ တပ်မတော်ကို အရပ်သားအစိုးရ ထိန်းချုပ်မှုအောက်ေ ရာက်အောင်လုပ်ဖို့ ဒေါ်အောင်ဆန်းစုကြည်ရဲ့ NLD အစိုးရ ရင်ဆိုင်နေရတဲ့ အခက် အခဲတွေထဲမှာ ဒီပြဿနာတွေက မီးမောင်းထိုးပြ နေတယ်လို့လည်း အင်္ဂါနေ့က ထုတ်ပြန် ခဲ့တဲ့ အစီရင်ခံစာထဲမှာ ဖော်ပြထားပါတယ်။ မြန်မာနိုင်ငံမှာ လူတိုင်း လွတ်လပ်စွာ ကိုးကွယ်ခွင့် ရရှိရေးနဲ့ လူနည်းစု ရပိုင်ခွင့်တွေကို အကာအကွယ်ပေး ဖို့ မြန်မာအစိုးရကို အစီရင်ခံစာထုတ်ပြန်သူတွေက တိုက်တွန်းထားပါတယ်။

 ကိုဉာဏ်ဝင်းအောင် / ဗွီအိုအေ (မြန်မာပိုင်း)
http://burmese.voanews.com



Geng Shuang (တရုတ်နိုင်ငံခြားရေးဌာနပြောခွင့်ရ)
တောင်တရုတ်ပင်လယ်မှာ ငြိမ်းချမ်းရေးကြိုးပမ်းမှုတွေကို အမေရိကန်ပြည်ထောင်စုအနေနဲ့ လေးစားလိုက်နာဖို့ တရုတ်နိုင်ငံက ဒီကနေ့ တောင်းဆိုလိုက်ပါတယ်။

“လက်ရှိအချိန်မှာ တောင်တရုတ်ပင်လယ်အရေး တရုတ်နဲ့ တခြား သက်ဆိုင်တဲ့နိုင်ငံတွေအကြား ပူးတွဲကြိုးပမ်းမှုတွေနဲ့အတူ အခြေအနေက တည်ငြိမ်နေပြီး ကောင်းမွန်တဲ့လမ်းကြောင်းနဲ့ တိုးတက် နေပါတယ်။ တောင်တရုတ်ပင်လယ်မှာ နယ်မြေပိုင်ဆိုင်မှု အငြင်းပွားနေတဲ့အပေါ် ဘယ်ဘက်ကမှ မလိုက်ဘူးလို့ ကတိပေးထား တာကို အမေရိကန်က လိုက်နာနိုင်မယ်လို့ ကျနော်တို့ မျှော်လင့်ပါတယ်။ တောင်တရုတ်ပင်လယ်မှာ ငြိမ်းချမ်းရေးနဲ့ တည်ငြိမ်မှုကို ထိန်းသိမ်းဖို့ ဒေသတွင်းနိုင်ငံတွေရဲ့ လုပ်ဆောင်ချက်တွေကို လေးစားပြီး တောင်တရုတ်ပင်လယ် ငြိမ်းချမ်းရေးနဲ့ တည်ငြိမ်မှု အတွက် ပိုပြီး လုပ်ဆောင်မယ်လို့ မျှော်လင့်ပါတယ်။” ဆိုပြီး တရုတ်နိုင်ငံခြားရေးဌာန ပြောခွင့်ရ Geng Shuang က ဒီကနေ့လုပ် တဲ့ ပုံမှန်သတင်းစာရှင်းလင်းပွဲအတွင်း ပြောသွားပါတယ်။

ပိုင်ဆိုင်မှုအငြင်းပွားနေတဲ့ ရေပြင်မှာ တရုတ်ကို ထိပ်တိုက်ရင်ဆိုင်ဖို့ အမေရိကန်အနေနဲ့ အဆင်သင့်ရှိတယ်လို့ ပစိဖိတ်ဒေသ ဆိုင်ရာ အမေရိကန် စစ်ဘက်ကွပ်ကဲမှုဌာနချုပ်ရဲ့ အကြီးအကဲက ပြောလိုက်ပြီးတဲ့နောက် တရုတ်ဘက်က အခုလို တုန့်ပြန်တာပါ။

နှစ်စဉ်ရေကြောင်းကုန်သွယ်မှု ဒေါ်လာ ဘီလီယံ ၅၀၀၀ ဖိုးလောက် ဖြတ်သန်းသွားလာနေတဲ့ သယံဇာတပေါကြွယ်ဝတဲ့ တောင် တရုတ်ပင်လယ် နယ်မြေအများစုကို သူတို့ပိုင်တယ်လို့ တရုတ်က ပြောထားတာပါ။ တရုတ်အိမ်နီးချင်းတွေဖြစ်တဲ့ ဘရူနိုင်း၊ မလေးရှား၊ ဖိလစ်ပိုင်၊ တိုင်ဝမ်နဲ့ ဗီယက်နမ်တို့က ပိုင်ဆိုင်တယ်လို့ ပြောထားတဲ့ နယ်မြေတွေလည်း ရှိနေပါတယ်။

ဗွီအိုအေ (မြန်မာပိုင်း)
http://burmese.voanews.com


သံတွဲမြို့နယ်မှာအသက်(၅)နှစ်အရွယ်မိန်းကလေးကို မုဒိန်းကျင့်သတ်ဖြတ် ခဲ့တဲ့အသက်(၆၈)နှစ် အရွယ်အမျိုးသားကို ရဲတပ်ဖွဲ့ကဖမ်းဆီးအရေးယူ ထားပါတယ်။

 ဒီဇင်ဘာလ (၁၃) ရက် ညနေပိုင်းက ရခိုင်ပြည်နယ်၊ သံတွဲမြို့နယ်၊ စာနီတောင်ကျေးရွာမှာ (၅)နှစ်အရွယ်မိန်းကလေး ကိုမုန့်ကျွေးမယ်လို့ဆိုကာ ချော့မော့ခေါ်ယူပြီးသားမယားအဖြစ်ပြုကျင့်သတ်ဖြတ်ခဲ့တာဖြစ်ပါတယ်။

 သားမယားအဖြစ်ပြုကျင့်နေစဉ် ကလေးငယ် ရဲ့ အော်ဟစ်မှုကြောင့် ပါးစပ်နဲ့လည်ပင်းကို ညစ်ရာက လက်လွန်ပြီးသေဆုံး ခဲ့တာဖြစ်တယ်လို့ ပြည်နယ်ရဲအရာရှိ တစ်ဦးကပြောပါတယ်။

 ကလေးငယ်ရဲ့ အလောင်းကိုကျူးလွန်သူရဲ့ နေအိမ်မှာ ပက်လက်အနေအထားနဲ့ ဘောင်းဘီ ကိုဆုတ်ဖြဲထားပြီး လည်ပင်း၊ညိုမဲဒဏ်ရာ ခေါင်းနောက်စေ့ဆောင့်ထားတဲ့ ဒဏ်ရာတွေနဲ့ တွေ့ရှိခဲ့တာပဲ ဖြစ်တယ်လို့ ရဲအရာရှိကပြောပါတယ်။

 ကျူးလွန်သူအမျိုးသားဟာ အကြောပြင်ဆရာတစ်ဦးဖြစ်ပြီး အိမ်နီးနားချင်းနေထိုင် သူလည်းဖြစ်ပါတယ်။ ကျူးလွန်သူဟာ ထွက်ပြေးတိမ်းရှောင်ခဲ့ပြီး ဒီကနေ့မနက်(၄)နာရီခန့်မှာ ရဲတပ်ဖွဲ့ကဖမ်းဆီး နိုင်ခဲ့တာဖြစ်တယ်လို့ သိရပါတယ်။

သတင်းထောက် - မြတ်ဝေ (စစ်တွေ) (5 PLUS NEWS)

https://www.facebook.com/5plusnews/