12/16/16


ဆီးရီးယားနိုင်ငံ၊ အာလက်ပိုမြို့က သူပုန်တွေထိန်းချုပ်ထားဆဲ နောက်ဆုံးကျန်နေတဲ့ဒေသတွေကနေ အရပ်သားတွေနဲ့ သူပုန် တွေကို ရွှေ့ထုတ်ပေးမယ့်အစီအစဉ်ရဲ့ တစိတ်တပိုင်းအဖြစ် အရေးပေါ်လူနာတင်ယာဉ်တွေနဲ့ အစိမ်းရောင် အစိုးရဘတ်စ်ကား တွေ ဒီကနေ့ ၀င်သွားကြပါပြီ။

ပြင်းထန်တဲ့ဒဏ်ရာရထားသူတချို့အပါအ၀င် ဒဏ်ရာရသူ ၂၀၀ လောက်ကို ကယ်ထုတ်ပေးမယ့်အစီအစဉ်မှာ ပါဝင်လုပ်ဆောင် နေတယ်လို့ နိုင်ငံတကာကြက်ခြေနီအဖွဲ့ ICRC နဲ့ ဆီးရီးယား အာရပ်ဘ် လခြမ်းနီအဖွဲ့တို့က ပြောပါတယ်။

အာလက်ပိုအရှေ့ပိုင်းကနေ ရွှေ့ထုတ်ဖို့ နောက်ဆုံးအကြိမ် အောင်အောင်မြင်မြင် ကြိုးပမ်းမှု စတင်တာကို မြင်တွေ့ချင်တဲ့ အကြောင်း လူသားချင်းစာနာမှုဆိုင်ရာ ကုလသမဂ္ဂသံတမန် Jan Egeland က သတင်းထောက်တွေကို ပြောပါတယ်။ အာလက်ပို ကို ၂၀၁၂ ခုနှစ်ကတည်းက အတိုက်အခံတွေ သိမ်းထားတာပါ။ မြို့ကနေ ရွှေ့ထုတ်ပေးမယ့် လူတွေထဲမှာ ဒဏ်ရာရသူတွေနဲ့ ဖျားနာနေသူတွေ၊ တခြား အကာအကွယ်မဲ့ အရပ်သားတွေနဲ့ သူပုန်တွေပါတယ်လို့ မစ္စတာ Egeland ကပြောပါတယ်။ အဲဒီလူ အများစုကို Idlib မြို့ကို ပို့ပေးမှာဖြစ်ပြီး တခြားလူတွေကတော့ တူရကီနိုင်ငံကိုသွားဖို့ ရွေးချယ်ဖွယ်ရှိပါတယ်။

ဗုဒ္ဓဟူးနေ့နှောင်းပိုင်းက သဘောတူညီချက်ရပြီးတဲ့နောက် အခု ရွှေ့ထုတ်ပေးတဲ့အစီအစဉ် ဖြစ်လာတာပါ။ ဒါပေမဲ့လည်း ဗုဒ္ဓဟူး နေ့အစောပိုင်းမှာ ရွှေ့ထုတ်ပေးဖို့အစီအစဉ် အဆင်မပြေဖြစ်ခဲ့ပြီး အပစ်ရပ်သဘောတူချက်လည်း ပျက်သွားပြီးတဲ့နောက် ဖြစ်ဖို့ အလားအလာ မသေချာဘဲရှိခဲ့ပါတယ်။ ဒီကနေ့ အစောပိုင်းမှာ တိုက်ပွဲတွေ ထပ်ဖြစ်နေတုန်းပဲလို့ တက်ကြွလှုပ်ရှားသူတွေနဲ့ ဆေးဘက်ဝန်ထမ်းတွေက ပြောပါတယ်။

 ဗွီအိုအေ (မြန်မာပိုင်း)
http://burmese.voanews.com



 ပျောက်ဆုံးနေဆဲ လက်နက် ၄ဝ နီးပါးခန့်ကို ဆက်လက် ရှာဖွေ
မြန်မာ အနောက်ဘက် နယ်စပ် မောင်တောမြို့နယ် အတွင်း တပ်မတော်နဲ့ နယ်ခြားစောင့်ရဲတပ်ဖွဲ့က စစ်ဆင်ရေးတွေ ဆက်လက်ပြုလုပ်နေသလို အကြမ်းဖက် စီးနင်းတိုက်ခိုက်သူတွေနဲ့ ပျောက်ဆုံးနေဆဲ လက်နက် ၄ဝ နီးပါးခန့်ကိုလည်း ဆက်လက် ရှာဖွေနေတုန်း ဖြစ်ပါတယ်။

ဒီလို ရှာဖွေနေရာမှာ လွန်ခဲ့တဲ့ တနေ့က မောင်တောမြို့နယ် မြောက်ပိုင်း မယင်းတောင်နဲ့ မျောတောင်အနီး တောင်ကုန်းတွေကို ရှင်းလင်းရာမှာ လက်လုပ်မိုင်း နှစ်လုံးနဲ့ မိုင်းပြုလုပ်ရာမှာ အသုံးပြုတဲ့ ကားပစ်စတင် ၄လုံးတို့ကို တပ်မတော်ကနေ ဖော်ထုတ်သိမ်းဆည်း ရမိခဲ့ပါတယ်။

မောင်တောမြို့နယ် လိပ်အိုင်ကျေးရွာ အနီးဝန်းကျင်ကလည်း ပြောက်ကျားယူနီဖောင်း ပိတ်စအုပ်တွေကို ဖမ်းဆီး ရမိခဲ့ပါတယ်။

အလားတူ ဒီဇင်ဘာ ၁၃ ရက် ည ၉ နာရီကျော်ခန့်မှာ မောင်တောမြို့နယ် တောင်ပိုင်း သဝင်ချောင်း မြောက်ရွာကနေ အလုပ်သမားခေါင်းဆောင် ဟာဘီရော်မာန်ကို လက်နက်ကိုင် ၁၇ ဦးခန့်က ဖမ်းဆီးခေါ်ဆောင် သွားခဲ့ပါတယ်။

ဒီလို ဖမ်းဆီးခေါ်ဆောင်သွားတာနဲ့ ပတ်သက်ပြီး အနီးအနားရှိ ချိန်ခါလီ ကျေးရွာအုပ်ချုပ်ရေးမှူးကို ဆက်သွယ်မေးကြည့်တော့ သေနတ် နှစ်ချက်ပစ်သံကို ကြားရတယ်၊ ညဉ့်အချိန် ဆိုတော့ ဘယ်အဖွဲ့အစည်းက ဖမ်းဆီး ခေါ်ဆောင်သွားတာကို မသိရဘူး၊ တောင်ပေါ်ကို ဖမ်းဆီး ခေါ်ဆောင်သွားတယ်လို့ ကြားသိရကြောင်း ပြောဆိုပါတယ်။

နိုင်ငံတော် အတိုင်ပင်ခံရုံး သတင်းထုတ်ပြန်ရေးကော်မတီက ထုတ်ပြန်တဲ့ သတင်းမှာတော့ ကိုးတန်ကောက် ကျေးရွာနေ မော်လဝီဇူပိုင်ခေါင်းဆောင်တဲ့ အဖွဲ့ကနေ ဖမ်းဆီးခေါ်ဆောင်သွားတာလို့ ဖော်ပြပါတယ်။

အခုလို စစ်ဆင်ရေး အပါအဝင် လုံခြုံရေး အခြေအနေတွေကြောင့် ကျေးရွာတွေကနေ ထွက်ပြေး တိမ်းရှောင်နေသူတွေ ဆက်လက်ရှိနေဆဲဖြစ်ပြီး ဘင်္ဂလားဒေ့ရ်ှကို တော့ လက်ရှိအချိန်ထိ လူပေါင်း ၂၇,၀၀၀ ထွက်ပြေး ရောက်ရှိနေတယ်လို့ ကမ္ဘာ ကုလသမဂ္ဂ အဖွဲ့ကြီးက ခန့်မှန်း ပြောဆိုထားပါတယ် ။

BBC Burmese
http://www.bbc.com/burmese


ရွေးချယ်ခံသမ္မတ Trump နည်းပညာ ကုမ္ပဏီလုပ်ငန်းရှင်တွေနဲ့ တွေ့ဆုံ
အမေရိကန်ရွေးကောက်ခံသမ္မတ Donald Trump ဟာ အမေရိကန် နည်းပညာဆိုင်ရာ ကုမ္ပဏီကြီးတွေက ထိပ်တန်းတာဝန်ရှိသူ တွေနဲ့ ဗုဒ္ဓဟူးနေ့က တွေ့ဆုံပါတယ်။ အဲဒီထဲက အများအပြားဟာ ဒီနှစ် ရွေးကောက်ပွဲ မဲဆွယ်စည်းရုံးရေးကာလအတွင်း သူ့ကို အပြင်းအထန် ဝေဖန်ခဲ့သူတွေပါ။ ဒါပေမဲ့ မနေ့ကဆွေးနွေးပွဲအတွင်းမှာတော့ မလိုမုန်းထားတဲ့ အရိပ်လက္ခဏာမျိုးတွေ ဆက်ပြီး ရှိနေတာ မတွေ့ရပါဘူး။

နယူးယောက်စီးတီးက မစ္စတာ Trump ရဲ့ ရုံးချုပ်မှာလုပ်တဲ့ ဆွေးနွေးပွဲမှာ Facebook ကုမ္ပဏီရဲ့ ဒုတိယအကြီးအကဲ Sheryl Sandberg, Amazon ကုမ္ပဏီရဲ့ အမှုဆောင်အရာရှိချုပ် Jeff Bezos နဲ့ Tesla မော်တော်ကားကုမ္ပဏီရဲ့ အမှုဆောင်အရာရှိချုပ် Elon Musk တို့လည်း ပါဝင်ပါတယ်။

ကုမ္ပဏီကြီးတွေရဲ့ အမှုဆောင်အရာရှိချုပ်တွေအနေနဲ့ စကားပြောချင်တယ်ဆိုရင် သူ့ကို တိုက်ရိုက်ဖုန်းခေါ်ဖို့ မစ္စတာ Trump က ပြောခဲ့သလို သုံးလတကြိမ်လောက် ပုံမှန် ပြန်တွေ့ကြဖို့လည်း ပြောပါတယ်။

ဆန်းသစ်တီထွင်မှုကို တွန်းအားပေးဖို့နဲ့ အလုပ်အကိုင်တွေ ပိုပြီးဖန်တီးဖို့ သူ့အနေနဲ့ ဆွေးနွေးပြောဆိုတာနဲ့ လက်တွဲလုပ်ဆောင် တာကို စတင်ချင်တယ်လို့ မစ္စတာ Trump က ဆိုပါတယ်။ အဆင့်မြင့်နည်းပညာဆိုင်ရာ လုပ်ငန်းရှင်တွေဟာ Trump သမ္မတ ဖြစ်လာမယ့်အရေးနဲ့ပတ်သက်ပြီး ရွေးကောက်ပွဲမတိုင်ခင်တုန်းက အကြီးအကျယ် သံသယရှိခဲ့ကြတာပါ။ ဘာ့ကြောင့်လည်းဆို တော့ Trump က တရုတ်ကို အပြင်းအထန်ဝေဖန်တာ၊ ကုန်သွယ်ရေးသဘောတူညီချက်တွေကို ဖျက်ပစ်မယ်လို့ ခြိမ်းခြောက်တာ၊ လူဝင်မှုဆိုင်ရာကို တင်းကျပ်မယ်လို့ ပြောတာတွေကြောင့် ဖြစ်ပါတယ်။

 ဗွီအိုအေ (မြန်မာပိုင်း)
http://burmese.voanews.com

ဗဟိုဘဏ်တွင် နိုင်ငံခြားငွေလဲလှယ်နေစဉ်
ဗဟိုဘဏ်တွင် နိုင်ငံခြားငွေလဲလှယ်နေစဉ်

အမေရိကန် ၁ ဒေါ်လာကို မြန်မာငွေ ၁၄၀၀ ကျပ်လောက် ဖြစ်လာပြီးနောက်မှာ ငွေကြေးဈေးကွက် အတွင်း အမေရိကန် ဒေါ်လာ လိုသလောက် ၀ယ်မရတဲ့ အနေအထား ဖြစ်နေပါတယ်။ အမေရိကန် ဒေါ်လာ ဈေးတက်လာတာကြောင့် အခြေခံ ကုန်ဈေးနှုန်း တက်လာပြီး ပြည်တွင်း ဈေးကွက်အပေါ်မှာ အတော်လေး သက်ရောက်မှု ရှိနေပြီး အစိုးရဘက်က ကျပ်ငွေ အပေါ် လူထု ယုံကြည်မှု ရှိအောင် လုပ်ဖို့၊ နောက် ငွေကြေးလည်ပတ်မှုကို သိရှိနားလည်အောင် လုပ်ဖို့ စီးပွားရေး အသိုင်းအ၀ိုင်းက တိုက်တွန်းပါတယ်။ မသိင်္ဂီထိုက်က ပြောပြပေးမှာပါ။

ဗဟိုဘဏ်က အမေရိကန် တဒေါ်လာကို မြန်မာကျပ်ငွေ ၁၃၅၀ နှုန်းနဲ့ ဒီကနေ့ ဈေးသတ်မှတ်ပါတယ်။ အမေရိကန် ဒေါ်လာဈေး စံချိန်တင် မြင့်တက်လာတာကြောင့် ကုန်ဈေးနှုန်းကလည်း ၂၀ ရာခိုင်နှုန်းလောက် တက်လာပြီး သုံးစွဲမှုကလည်း လျော့လာတယ်လို့ စီးပွားရေး လုပ်ငန်းရှင် ဒေါက်တာ စိုးထွန်းက ပြောပါတယ်။

“ဈေးကွက်က ဒေါ်လာဈေးနှုန်းတက်တက်တာက ၂၅ ရာခိုင်နှုန်းလောက်ရှိနေပြီပေါ့နော် အခု ၂၀ ကနေ ၂၅ ကြားရှိနေပြီဆိုတဲ့အခါကျတော့ ဈေးကွက်အရဆိုရင်လည်း ကုန်ပစ္စည်းအားလုံးက ၂၀ ရာခိုင်နှုန်းလောက်တက်သွားတာပေါ့နော်၊ အဲဒါ စားသုံးသူတွေအနေနဲ့က ၂၀ ရာခိုင်နှုန်းလျှော့စားရမှာ ၊လစာကလည်း မတက်လာဘူး ကုန်ဈေးနှုန်းက တက်လာတဲ့အခါကျတော့ ၂၀ ရာခိုင်နှုန်းလျှော့သုံးရမယ်ထင်တယ်။ တဘက်မှာလည်း စီးပွားရေးအရ ပြန်ကြည့်ရင်လည်း purchasing power တွေက ၂၀ ရာခိုင်နှုန်းလျော့သွားတယ်ပေါ့နော်။ အထူးသဖြင့် Import လုပ်တဲ့သူတွေအတွက်ကတော့ oversea ကိုရောင်းတယ်၊ ရောင်းပြီးပြန်ဝယ်တဲ့အခါကျတော့ ရှုံးနေတာပေါ့နော်။ ငွေပေးရမယ့်၊ ငွေချေရမယ့် လူတွေကျတော့လည်း အခက်အခဲရှိတာပေါ့နော် ။ ဒေါ်လာက အခု ၀ယ်လို့မရတဲ့အနေအထားဖြစ်လာတဲ့အခါကျတော့ ငွေချေပေးဖို့အတွက် အခက်အခဲတွေဖြစ်လာတာပေါ့နော်။ ဒါကတော့ ရေရှည်ကျရင် တိုင်းပြည်စီးပွားရေးအတွက် ထိခိုက်လာနိုင်တဲ့အနေအထားလို့ ကျန်ာမြင်ပါတယ်။

နိုင်ငံခြားငွေ လဲလှယ်မှု ဈေးကွက် အတွင်း အပြောင်းအလဲမြန်ဆန်ရတဲ့ အဓိက အချက်က မြန်မာနိုင်ငံတွင်း ငွေကြေး လည်ပတ်မှုတွေဟာ ရှုပ်ထွေးနေတာကြောင့် ဖြစ်တယ်လို့လည်း စီးပွားရေး အသိုင်းအ၀ိုင်းက သုံးသပ်ပါတယ်။ အခု ဒေါ်လာ ဈေးနှုန်း တဟုန်ထိုး တက်လာတဲ့ အပေါ် အစိုးရဘက်က သတိထား ကိုင်တွယ်ဖို့ လိုအပ်နေပြီလို့လည်း စီးပွားရေး လုပ်ငန်းရှင် ဦးမင်းခင်က ဆိုပါတယ်။

“တရားမ၀င် ငွေလွဲတာတွေ၊ ငွေအပေးအယူလုပ်တာတွေ က ဘယ်လောက်ပေါက်တဲ့အနေအထားရှိပြီးတော့၊ ဘယ်လိုသွားနေသလဲဆိုတာက ဒါတွေကို သေချာဘယ်သူမှ မသိကြဘူးလေ။ အဓိကတော့ စီးပွားရေးနဲ့ ပတ်သက်တဲ့ အလွဲအပြောင်းတွေရှိမယ် ၊ တရားဝင်လွဲပြောင်းတဲ့အထဲမှာလည်း မီးခိုးရောင်ပေါ့နော် တရားမ၀င်နဲ့၊ တရားဝင်နဲ့ ရောနေတာတွေရှိမယ် ဒါတွေကြောင့်လည်းပါတယ်။ ကျနော့်အမြင်ကတော့ တချို့ကိစ္စတွေကတော့ မကိုင်တွယ်နိုင်ဘူးပေါ့ ၊ တချို့တွေကတော့ ကိုင်တွယ်နိုင်တယ်၊ ကိုင်တွယ်ရမယ့်ဟာတွေကို သတိကြီးကြီးနဲ့ လုပ်နိုင်ဖို့နဲ့ ၊ ခြေလှမ်းတွေလှမ်းနိုင်ဖို့ ကောင်းတဲ့ဘက်ကို လုပ်ပေးဖို့ ကျနော်ထင်တာပေါ့။”

ဈေးကွက် အတွင်း ငွေကြေး ဈေးကစားသူတွေ ရှိကောင်းရှိနေနိုင်ပေမယ့်လည်း အခု ကိစ္စကတော့ မြန်မာ ကျပ်ငွေ အပေါ် ယုံကြည် စိတ်ချမှု လျော့လာတဲ့ အပိုင်းက ပိုပြီး များမယ်လို့ စီးပွားရေး လုပ်ငန်းရှင် ဒေါက်တာ စိုးထွန်းက သုံးသပ်ပါတယ်။

“တချို့ကျတော့လည်း ပြောတာပေါ့နော်၊ ငွေကြေးကစားတာတို့၊ ကစားတဲ့ဟာလောက်ကတော့ ဒီလောက်မတက်ဘူးပေါ့နော်။ ကစားတဲ့လူရှိရင်လည်းဗဟိုဘဏ်အနေနဲ့ သူရဲ့ အင်အားကြီးတဲ့လူက ကစားတဲ့လူကို တွန်းချရင်ရတာပေါ့နော်။ အဲလိုပုံစံနဲ့ အားလုံးရဲ့ ယုံကြည်မှုက မြန်မာငွေတန်ဖိုး ကျမယ်လို့ ယူဆတဲ့ တကြောင်းကပါတာပေါ့နော်။ အဲဒါ အစိုးရအနေနဲ့ကလည်း အများမျှော်လင့်ထားသလိုပဲ FDI တွေဝင်လာတာတို့၊ ဒါမှမဟုတ်ရင်လည်း ခုနက အကူအညီတွေပေါ့နော် ဥပမာ - ဂျပန်နိုင်ငံက ဒေါ်အောင်ဆန်းစုကြည်နဲ့ တွေ့တဲ့အချိန်မှာ ၇ ဘီလီယံလောက် ကူညီမယ်ဆိုရင် အဲဒါဘယ်တော့ ကူညီမှာတို့ ဒါတွေပြောရင်တော့ ပိုပြီးတော့ လူတွေယုံကြည်မှု ပိုများလာမယ့်သဘောလို့ ကျနော်က မြင်ပါတယ်။”

ကြာသပတေးနေ့ ငွေကြေး ဈေးကွက်အတွင်းမှာတော့ ဒေါ်လာ ဈေးနှုန်းက ၄ မျိုး ဖြစ်နေပါတယ်။ ဗဟိုဘဏ်ဈေးက တဒေါ်လာကို ၁၃၅၀ ဆိုပေမယ့် တကယ့် ဈေးကွက် အတွင်း ငွေရောင်းချမှုက ၁၄၀၀ ကျပ် ကျော်ရှိသလို Export Earning လို့ ခေါ်တဲ့ ပို့ကုန်ရငွေနဲ့ စကာင်္ပူမှာ ရှိနေပြီးသား အမေရိကန် ဒေါ်လာဈေးကတော့ ပိုမြင့်ပါတယ်။ ဒီညပိုင်း စကာင်္ပူမှာ ရှိနေတဲ့ အမေရိကန် ဒေါ်လာ ပေါက်ဈေးက မြန်မာကျပ်ငွေ ၁၄၃၀ နဲ့ အမြင့်ဆုံး ဈေးပေါက်ပါတယ်။ ဒါပေမယ့် ၀ယ်ချင်သလောက်တော့ မရတဲ့ အနေအထား ရှိနေပါတယ်။
VOA Burmese News


ပြည်ပတွင် နိုင်ငံခြားသား နှင့် အိမ်ထောင်ပြုမည့် မြန်မာနိုင်ငံသားများ အတွက် အပျို၊ လူပျို ဖြစ်ကြောင်း ထောက်ခံချက်ကို ဗဟိုတရားရုံး ညွန်ကြားချက်အရ မြန်မာအစိုးရက ထုတ်မည်မဟုတ် . ကြောင်း နိုင်ငံခြားရေး ဝန်ကြီးဌာန ဒု ဝန်ကြီး ဦးကျော်တင်က ဒီဇင်ဘာ ၁၄ ရက်က ပြောသည်။

အဆိုပါကိစ္စနှင့် ပတ်သက်ပြီး ဒီဇင်ဘာ ၁၄ ရက်က ကျင်းပသည့် ပြည်သူ့ လွှတ်တော် အစည်းအဝေးတွင် ပုဇွန်တောင် မဲဆန္ဒနယ်မှ ဦးမြင့်လွင်က “၂၀၀၈ ဖွဲ့စည်းပုံ အခြေခံဥပဒေ ၃၅၃ အရ မည်သူ့ကိုမျှ တည်ဆဲဥပဒေနှင့် အညီမှတစ်ပါး အသက်ကို ဖြစ်စေ၊ ပုဂ္ဂိုလ်ဆိုင်ရာ လွတ်လပ်မှုကို ဖြစ်စေ နစ်နာဆုံးရှုံးမှု မရှိစေရ” ဟု ပြဋ္ဌာန်းထားပါလျက် နိုင်ငံခြားရေး ဝန်ကြီးဌာနက အပျို၊ လူပျိုဖြစ်ကြောင်း ကျမ်းကျိန်လွှာ (နိုတြီ) အပေါ် ထောက်ခံချက်ပေး ရန် ငြင်းဆန်နေခြင်းကို ဖျက်သိမ်းပေး ရန် အစီအစဉ်ရှိ/မရှိ မေးမြန်းချက်အပေါ် ပြန်လည်ဖြေကြားခြင်း ဖြစ်ကြောင်း သိရသည်။

အထူးသဖြင့် မြန်မာအမျိုးသမီးများသည် နိုင်ငံခြားသားများနှင့် လက်ထပ်၍ ပြည်ပသို့ လိုက်ပါသွားပြီးနောက် အကြောင်း အမျိုးမျိုးကြောင့် ဖြစ်ပေါ်လာနိုင်သည့် အန္တရာယ်များကို ကြိုတင်ကာကွယ် သည့် အနေဖြင့် လက်ထပ် ကျမ်းကျိန်လွှာကို ဆောင်ရွက်ပေးခြင်း မပြုရန် ပြည်ထောင်စု တရားလွှတ်တော်ချုပ်က ၁၉၉၈ ခုနှစ် ဇူလိုင်လ ၁ ရက်နေ့ ရက်စွဲဖြင့် အမိန့် ညွှန်ကြားချက် အမှတ် ၂/၉၈ ကို ထုတ်ပြန်ထား သည့် အတွက်ဖြစ်ကြောင်း ဆိုသည်။

ဦးကျော်တင်က “မြန်မာ အမျိုးသမီးတစ်ဦးအား နိုင်ငံခြားသား တစ်ဦးဦးက လက်ထပ်ကြောင်း ကျမ်းကျိန်လွှာ ပြုလုပ်လာပါက မည်သည့် တရားရုံးကမျှ လက်ခံ ဆောင်ရွက်ပေးခြင်း မပြုရန် ညွှန်ကြားထားပါတယ်”ဟု ဆိုသည်။

အိမ်ထောင်ပြုခြင်းများ အတွက် အပျို၊ လူပျိုထောက်ခံချက် ကန့်သတ် ထားသော်လည်း ပြည်ပနိုင်ငံများတွင် လုပ်ကိုင်မည့် လုပ်ငန်း(သို့မဟုတ်) ပညာသင် သွားရောက်မည့် ကျောင်းများ၏ သတ်မှတ်ချက်အရ အပျို/လူပျို ဖြစ်မှသာ လက်ခံမည့် အခြေအနေများအတွက် သက်ဆိုင်ရာ လုပ်ငန်း (သို့မဟုတ်) ကျောင်း၏ ကမ်းလှမ်းမှုများ ပါရှိပါက ပုဂ္ဂိုလ်ရေး ဆိုင်ရာ နစ်နာဆုံးရှုံးမှု မရှိစေရေးအတွက် ရည်ရွယ်၍ ခြွင်းချက်အနေဖြင့် ထပ်ဆင့်ထောက်ခံချက် ပြုလုပ်ပေးလျက်ရှိကြောင်း ၀န်ကြီးက ဆိုသည်။

အဆိုတင်သွင်းသည့် ဦးမြင့်လွင်က “တရားရုံးချူပ်က ညွန်ကြားချက် အရ ပေးလို့မရဘူး ပြောတယ်။ ဒီတရားရုံးက ဖွဲစည်းပုံအခြေခံ ဥပဒေကို ဆန့်ကျင်တယ်။ နိုင်ငံတကာ လူ့အခွင့်အရေး အပိုဒ် ၁၆ မှာ ဆိုရင် အရွယ်ရောက်ပြီး သူ ယောက်ျားမိန်းမ လွတ်လပ်စွာ လက်ထပ်နိုင်တယ်။ ပဋိညာဉ် ပုဒ်မ ၂၇ မှာဆိုရင် လက်ထပ်ခြင်းကို တားမြစ်တဲ့ဟာ ပျက်ပြယ်တယ် ပြဋ္ဌာန်းထားတာ ရှိတယ်။ သူက ဆန့်ကျင်တယ် ဆိုရင် ပြန်စိစစ်ပေးမယ် ပြောတယ်။ ဘယ်တော့စိစစ်ပေး မလဲေ ပြာတော့ မြန်မြန်စိစစ်မယ် ပြောတယ်” ဟု ဒီဇင်ဘာ ၁၅ ရက် ညနေပိုင်းက The Ladies News သို့ ပြောသည်။

ဒေသတွင်း အိမ်နီးချင်းနိုင်ငံများတွင် သာမက တစ်မ္ဘာလုံးတွင် အိမ်ထောင်ပြုမည်ဆိုပါက အပျို၊ လူပျိုထောက်ခံချက် လိုအပ်ကြောင်း ဆိုသည်။ တစ်ကမ္ဘာလုံးတွင် အီတလီနိုင်ငံမှအပ ကျန်နိုင်ငံများတွင် သူများ မယားအား ခိုးယူပေါင်းသင်းပါက တရားစွဲပိုင်ခွင့်ရှိကြောင်း ဦးမြင့်လွင့်က ဆက်လက်ပြောသည်။

“တရားရုံးကို လက်ထပ်ဖို့ လာကြတဲ့အခါ ကိုယ့်တိုင်းပြည်က ဘာမှ လုပ်မပေးနိုင်တော့ တိတ်တိတ်ပုန်း မယားတွေ ဖြစ်ကုန်တယ်။ ကျွန်တော်တို့ ဗမာတွေဟာ နိုင်ငံခြားသွားပြီးတော့ ပတ်စ်ပို့က နီနီ၊ တိုင်းပြည်က မွဲမွဲ၊ လူက တရားမဝင် မယား။ ဖြစ်နေတဲ့ ပုံစံက။ ယိုးဒယားမှာဆိုရင် အများကြီးပဲ”ဟု ဦးမြင့်လွင်က ပြောသည်။

နိုင်ငံရပ်ခြားတွင် ရောက်ရှိနေသူ မြန်မာနိုင်ငံသားများသည် လက်ထပ်ထိမ်းမြားရန် အတွက် သက်ဆိုင်ရာ နိုင်ငံရှိ တရားရုံးများ၊ လက်ထပ်စာချုပ် မှတ်ပုံတင်ရုံးများသို့ သွားရောက်သည့်အခါ အိမ်ထောင်မရှိ အပျို၊ လူပျိုဖြစ်ကြောင်း ကျမ်းကျိန်လွှာ တစ်စောင် လိုအပ်ကြောင်း၊ ထို့ကြောင့် လက်ထပ်လိုသည့် အပျို လူပျိုများသည် မြန်မာပြည်သို့ ပြန် လာ၍ တရားရုံး ရှေ့တွင် ကျမ်းကျိန်ဆိုသည့်အခါ တရားသူကြီးက မှတ်ပုံတင်နှင့် တိုက်ဆိုင်စစ်ဆေး၍ တံဆိပ်တုံး ထုပေးလိုက်ကြောင်း သိရသည်။

ထိုအခါ တရားသူကြီး ထုပေးလိုက်သည့် တံဆိပ်တုံးသည် မြန်မာနိုင်ငံ၏ တံဆိပ်တုံးဖြစ်ကြောင်း နိုင်ငံခြားရေး ဝန်ကြီးဌာနက အတည်ပြုပေး ရကြောင်း ပြောသည်။ ထိုသို့ တရားဝင် လက်ထပ်ခွင့်မရသဖြင့် တရားဝင် အမွေဆက်ခံခွင့် အပါအဝင် မွေးဖွားလာသော ကလေးငယ် များ သည်လည်း ဥပဒေအရ မည့်သည့် အခွင့်အရေးမှ မရရှိတော့ကြောင်း ဦးမြင့်လွင်က ပြောသည်။

စိုင်းဟန်
The Ladies News


သိန္နီမြို့နယ်တွင်း ဗုံးကွဲပြီး လူနှစ်ဦးသေဆုံး (MOI)
သိန္နီမြို့နယ်တွင်း ဗုံးကွဲပြီး လူနှစ်ဦးသေဆုံး (MOI)
ရှမ်းပြည်နယ်မြောက်ပိုင်းဒေသအတွင်း မြန်မာ့တပ်မတော်နဲ့မြောက်ပိုင်းမဟာမိတ်တပ်ဖွဲ့တွေအကြားမနေ့က ဖြစ်ပွါးနေတဲ့ စစ်ရေးပဋိပက္ခအတွင်း အရပ်သားတွေပါ ထိခိုက်သေဆုံးမှုဖြစ်ပွါးနေတာပါ။ မနေ့ကညနေပိုင်းလောက်မှာ သိန္နီမြို့ နယ်အတွင်းဗုံးပေါက်ကွဲမှုမှာ လူနှစ်ဦးသေဆုံးသွားခဲ့သလို ကွတ်ခိုင်မြို့နယ်တိုက်ခိုက်မှုမှာ အရပ်သားနှစ်ဦး ထိခိုက် မှုတွေရှိနေပါတယ်။ ဒီအခြေအနေတွေကိုတော့ ဗွီအိုအေမြန်မာပိုင်းသတင်းထောက်နိုင်ကွန်းအိန်ကနေ အခုလိုသတင်း ပေးပို့ထားပါတယ်။

ရှမ်းပြည်နယ်မြောက်ပိုင်း သိန္နီမြို့နယ် နားဆော့ရွာနဲ့ စံလောင်းရွာကြားရှိ တံတားအနီးမှာ မနေ့ညက မိုင်းပေါက်ကွဲ ခဲ့လို့ လူနှစ်ဦးသေဆုံးမှုဖြစ်ပွါးခဲ့တယ်လို့ သိန္နီမြို့က အနှိုင်းမဲ့ကုသိုလ်လူမှုကူညီရေး အသင်းဝင် ကိုစိုင်းဂွတ် ကပြော ပါတယ်။

“ကျနော်တို့ သွားတဲ့အချိန်မှာ ကားက ထိုးထားပြီးသား၊ မိုင်းပေါက်တယ်လို့ ပြောကြတယ်လေ။ ကျနော်တို့ သွားတဲ့အချိန်မှာ ကားဆရာက ရှေ့ခန်းမှာ ဒီအတိုင်း အသတ် ထွက်သွားတာပေါ့နော် ၊ ပြီးတော့ ဆိုင်ကယ်သမားလည်း လဲပြီးမှ သေနေတာတွေ့တယ်။ အဲဒီလူကို ဆွဲထုတ်ပြီးမှ တခါတည်းဆေးရုံကို သိန္နီဆေးရုံကိုပေါ့နော် ဆရာဝန်တွေကို စစ်ချက်တော့ ယူထားတယ်။”

ဗုံးပေါက်ကွဲမှုကြောင့်သေဆုံးသွားတဲ့လူနှစ်ဦးကို အနှိုင်းမဲ့ကုသိုလ်လူမှုကူညီရေး အသင်းကနေ သိန္နီဆေးရုံကို ပို့ဆောင်ခဲ့ပါတယ်။

သေဆုံးသူကားသမားဟာ မန္တလေးဇာတိဖြစ်ပြီး ဆိုင်ကယ်သမားဟာ မြန်မာ့တပ်မတော်တဦး ဖြစ်ကြောင်း ကိုစိုင်းဂွတ် ကဆက်ပြောပါတယ်။

“သေဆုံးတဲ့ သူက မန္တလေးက တယောက်ရယ်၊ တပ်ကတယောက်ရယ် ဆိုင်ကယ်နဲ့တယောက်က တပ်ကပြောတယ်ခင်ဗျ ။မနက်ဖြန်မှ သူတို့ သင်္ဂြိုဟ် မယ်ပြောလို့ ကျနော်တို့ကို အကူအညီလာတောင်းထားတာ။”

ဗုံးပေါက်ကွဲမှုဖြစ်စဉ်မှာ ဘယ်အဖွဲ့အစည်းရဲ့လက်ချက်ဆိုတာအတည်မပြုနိုင်သေးပါဘူး။

ဒီဗုံးပေါက်ကွဲမှုဖြစ်စဉ်အသေးစိပ်ကိုသိရှိဖို့အတွက် သိန္နီမြို့နယ်ရဲတပ်ဖွဲ့မှူးရုံးကိုဆက်သွယ်ခဲ့ပေမဲ့ အဆက်သွယ် မရရှိ ခဲ့ပါဘူး။

မနေ့က ညနေ ၅နာရီခန့် ကွတ်ခိုင်မြို့အနီး နမ့်ကွတ်ရွာနားမှာ မြန်မာ့တပ်မတော်နဲ့ KIOကချင်လွတ်လပ်ရေး အဖွဲ့ တွေနဲ့တိုက်ပွဲဖြစ်ပွါးခဲ့တယ်လို့ TNLAတအာင်းပလောင်တပ်ဖွဲ့ ပြန်ကြားရေးတာဝန်ခံဗိုလ်မှူးတာ့အိုက်ကျော်က အတည် ပြုပြောဆိုခဲ့ပေမဲ့ဖြစ်စဉ်အသေးစိပ်ကိုမသိရှိဘူးလို့သူကဆိုပါတယ်။

ကွတ်ခိုင်မြို့နယ် နမ့်ကွတ်ရွာတိုက်ပွဲထိခိုက်မှုနဲ့ပက်သက်လို့ သက်ဆိုင်ရာစစ်ဗျူဟာရုံးရဲ့အတည်ပြုချက်မရသေးလို့ အခြေအနေကိုမသိရှိသေးဘူးလို့ ကွတ်ခိုင်မြို့နယ်ရဲတပ်ဖွဲ့မှူးရုံး အရာရှိတဦးကပြောပါတယ်။

“ကျနော်တို့က အဲဒီဘက်ကို လုံခြုံရေးအရ ဟိုဘက်ကိုတော့ ကျနော်တို့သွားလို့မရဘူးလေ။ သွားလို့မရတော့ ၊ အခြေအနေပေးပြီးသွားခိုင်းရင်တော့ ကျနော်တို့ပြောလို့ရတယ်လေ။ လုံခြုံရေးအပိုင်းက အဲဒီဘက်မှာ အခြေအနေမကောင်းဘူးလေ။”

ကွတ်ခိုင်မြို့နယ်တိုက်ပွဲနဲ့ပက်သက်လို့ တပ်မတော်စစ်ကြောင်းအနေနဲ့ ပုံမှန်အုပ်ချုပ်မှုကိစ္စတွေကိုဆောင်ရွက်ဖို့ လားရှိုးမြို့ကနေ မော်တော်ယာဉ်တွေနဲ့ ထွက်ခွါလာစဉ် ကွတ်ခိုင်မြို့နယ်နမ့်ကွတ်ရွာနဲ့ နမ့်ဖလွန်းရွာကိုအရောက် KIOတပ်ဖွဲ့ကနေ လက်နက်ကြီးလက်နက်ငယ်တွေနဲ့စတင်ပစ်ခတ်တိုက်ခိုက်လို့တိုက်ပွဲဖြစ်ပွါးခဲ့ပါတယ်။

ဒီပစ်ခတ်မှုကြောင့်တပ်မတော်စစ်သည်တချို့နဲ့ ဒေသခံပြည်သူနှစ်ဦးထိခိုက်ဒဏ်ရာရရှိခဲ့တယ်လို့ တပ်မတော် ကာကွယ်ရေးဦးစီးချုပ်ရုံးသတင်းထုတ်ပြန်ရေးအဖွဲ့ကနေ သတင်းထုတ်ပြန်ထားပါတယ်။

မနေ့က သိန္နီနဲ့ကွတ်ခိုင်မြို့တိုက်ခိုက်မှုမှာ အရပ်သားတွေလဲထိခိုက်မှုတွေရှိနေခဲ့တာပါ။ သိန္နီမြို့နယ် အမျိုးသား လွှတ်တော် ကိုယ်စားလှယ်စိုင်းဝမ်းလှိုင်းကတော့ နှစ်ဖက်တိုက်ပွဲတွေရပ်စဲပြီး တွေ့ဆုံဆွေးနွေးကြဖို့တိုက်တွန်းထား ပါတယ်။

“ကျနော်တို့ကတော့ ပြည်သူတွေကို မထိခိုက်အောင်လုပ်ပေးဖို့ပြောချင်တယ်။ ဒီကြားထဲမှာ ပြည်သူတွေ အကာအကွယ်မဲ့ဖြစ်နေတယ်ခင်ဗျ၊ အဲဒါကြောင့် ထိန်းထိန်းသိမ်းသိမ်းလုပ်ပါပေါ့နော် ၊ တပ်ဘက်က ဖြစ်ဖြစ် တိုင်းရင်းသားဘက်က ဖြစ်ဖြစ် ထိုးစစ်ဆင်မှုတွေ ကျနော်ရပ်စေချင်တယ်ခင်ဗျ။”

မနေ့က နမ္မတူမြို့နယ်မိုင်းတတ်ကျေးရွာနဲ့ ပန်ဝါကျေးရွာ ကြားမှာ မြန်မာ့တပ်မတော်နဲ့ TNLAတအာင်း ပလောင်တပ် ဖွဲ့ တို့အကြား တိုက်ပွဲပြင်းထန်စွာဖြစ်ပွါးခဲ့တယ်လို့ TNLAတပ်ဖွဲ့ ပြန်ကြားရေးတာဝန်ခံဗိုလ်မှူး တာ့အိုက်ကျော်က ပြောပါတယ်။

“မနေ့ကတော့ နမ္မတူမြို့နယ်မိုင်းတတ် နဲ့ ပန်ဝါကျေးရွာအနီးမှာဖြစ်တယ်။ တိုက်ပွဲတော်တော်ပြင်းတယ်။ မနေ့က ကျနော်တို့ကို ဂျက်လေယာဉ် ၂ စီးနဲ့ လာပစ်တယ်။”

ဒီတိုက်ပွဲမှာ တပ်မတော်မှစစ်သည်တစ်ဦး ကျဆုံးခဲ့ရပြီး စစ်သည်တစ်ချို့ ထိခိုက်ဒဏ်ရာရရှိခဲ့တယ်လို့ တပ်မတော် ကာကွယ်ရေးဦးစီးချုပ်ရုံးသတင်းထုတ်ပြန်ရေးအဖွဲ့ကနေ မနေ့ကသတင်းထုတ်ပြန်ထားပါတယ်။

လက်ရှိရှမ်းပြည်မြောက်ပိုင်းဒေသ နမ္မတူ မန်တုံ လားရှိုး ကျောက်မဲ ဒေသဘက်မှာတော့ မြောက်ပိုင်းမဟာမိတ် တပ်ဖွဲ့နဲ့ မြန်မာ့တပ်မတော်တို့အကြားစစ်ရေးတင်းမာနေဆဲဖြစ်ပြီး တိုက်ပွဲတွေကြောင့် ထောင်နဲ့ချီတဲ့ ကျေးရွာသား တွေကလဲ စစ်ဘေးလွတ်ရာမြို့ရွာတွေမှာတိမ်းရှောင်နေရတဲ့အခြေအနေမှာရှိနေပါတယ်။
VOA Burmese News


မကြာသေးခင်လတွေက အကြမ်းဖက်တိုက်ခိုက်မှု ပဋိပက္ခတွေ ဖြစ်ပွားခဲ့တဲ့ ရခိုင်ပြည်နယ်တွင်း ဒေသတွေကို လုံခြုံရေးအကြောင်းပြချက်နဲ့ သွားလာခွင့် ရပ်ဆိုင်းထားခဲ့ရာကနေ အခုဆိုရင်တော့ ကုလသမဂ္ဂ ကမ္ဘာ့စားနပ်ရိက္ခာ WFP အစီအစဉ်ဖြင့် ရခိုင်ပြည်နယ်အတွင်းရှိ ဒေသတွေဆီကို ဒီဇင်ဘာလ ၁၇ ရက် စနေနေ့ကစလို့ စားနပ်ရိက္ခာ အထောက်အပံ့တွေ ပေးပို့သွားမယ်လို့ နိုင်ငံတော်အတိုင်ပင်ခံရုံး သတင်းထုတ်ပြန်ရေးကော်မတီက ကြေညာလိုက်ပါတယ်။

WFP ဘက်က အကူညီသွားပေးမယ်ဆိုတဲ့ ရွာတွေအပြင် တခြား မူဆလင်ကျေးရွာတွေနဲ့ ရခိုင်ကျေးရွာတွေအတွက်လည်း စားနပ်ရ်ိက္ခာနဲ့ လူသားချင်းစာနာမှု အကူအညီတွေ အရေးတကြီး လိုအပ်နေတယ်လို့ ဒုက္ခသည်တွေကို ကိုယ်တိုင်သွားရောက် ကူညီပေးနေသူတွေက ဆိုပါတယ်။ အသေးစိတ် ဆက်သွယ်မေးမြန်းထားတဲ့ မဆုမွန်က ဆက်ပြောပြပေးပါမယ်။

လာမယ့် ၂၀၁၆ ခုနှစ် ဒီဇင်ဘာလ ၁၇ ရက်နေ့ကစလို့ ဒီဇင်ဘာလ ၂၄ ရက်အထိ ကုလသမဂ္ဂ ကမ္ဘာ့စားနပ်ရိက္ခာ WFP အစီအစဉ်နဲ့ ရခိုင်ပြည်နယ်အတွင်းမှာရှိတဲ့ ဒေသတွေကို ဆန်၊ ဆီ၊ ပဲ အပါအဝင် လိုအပ်တဲ့ စားနပ်ရိက္ခာ အထောက်အပံ့တွေ ပေးပို့သွားမှာဖြစ်ကြောင်း နိုင်ငံတော်အတိုင်ပင်ခံရုံး သတင်းထုတ်ပြန်ရေးကော်မတီက သတင်းထုတ်ပြန်ပါတယ်။

အခုလို WFP ဘက်က လူသားချင်းစာနာမှု အကူအညီတွေနဲ့ စားနပ်ရိက္ခာတွေ ပံ့ပိုးပေးသွားမယ့်အပေါ် မြန်မာနိုင်ငံလုံးဆိုင်ရာ အစ္စလာမ်သာသနာရေးရာကောင်စီ ဋ္ဌာနချုပ် (Islamic Religious Affairs Council) အဖွဲ့ဝင် ဦးဝင်းထွန်းစိုးက ကြိုဆိုလိုက်သလို ရခိုင်ပြည်နယ်တွင်း တခြားမြို့နယ်တွေမှာရှိတဲ့ ကျေးရွာတွေအတွက်လည်း စားနပ်ရိက္ခာ အကူအညီတွေ အရေးပေါ် လိုအပ်နေတယ်လို့ ပြောပါတယ်။

“နိုင်ငံတကာကရော INGO တွေက ဥပမာ အဓိကအားဖြင့် ပြောရရင်တော့ WFP ပေါ့ WFP က မီးလောင်တဲ့ရွာတွေကိုပဲ စာရင်းသွင်းတယ်ဗျ။ မီးမလောင်တဲ့ရွာတွေရှိတယ်။ ဥပမာအားဖြင့် ကျောက်တော်မှာဆိုရင်လည်း တခြားရွာတွေရှိတယ်။ မြောက်ဦးမှာဆိုရင်လည်း ၁၃ ရွာ ရှိတာကိုး။ မီးလောင်တာ ၅ ရွာဆိုရင် ကျန်တဲ့ ၇ ရွာက မီးမလောင်ပေမဲ့လည်း မီးလောင်တဲ့အတိုင်းပဲ ဘာမှမထူးဘူး။ သူတို့မှာ အိမ်ရှိတာပဲရှိတယ်။ ကျန်တာ ဈေးဝယ်တာတို့၊ သူတို့ရဲ့ အလုပ်အကိုင်တွေ လုပ်လို့မရတဲ့အပေါ်မှာ သူတို့နဲ့ IDP နဲ့ သိပ်မထူးဘူးဗျ။ အဲဒီရွာတွေကိုတော့ ကျနော်တို့ဘက်ကနေ တတ်နိုင်သလောက်ပေါ့နော် ဆန်တို့၊ ဆီတို့၊ အဲ့လိုမျိုးလေးတွေ လုပ်ပေးရတဲ့ သဘောမျိုးလေးတွေ ရှိတယ်ဗျ။”

ဒုက္ခသည်အများအပြားရှိနေတဲ့ ရခိုင်ပြည်နယ်ထဲမှာ နဂိုကရှိပြီးသား မူဆလင်နဲ့ ရခိုင်ဒုက္ခသည်တွေအပြင် မကြာသေးခင်က ဖြစ်ပွားခဲ့တဲ့ အကြမ်းဖက်တိုက်ခိုက်မှုတွေကြောင့် နီးစပ်ရာဘေးလွတ်ရာ တိမ်းရှောင်နေရဆဲ ဒေသခံရခိုင်ပြည်သူတွေအတွက်လည်း စားနပ်ရိက္ခာ အခက်ခဲတွေရှိနေပေမဲ့ အကူအညီတွေ မရဘူးလို့ ရခိုင်ပြည်နယ်တွင်းက ရခိုင်ကျေးရွာတွေအထိ လိုက်ပြီး ကူညီထောက်ပံ့ပေးနေတဲ့ လူမှုအဖွဲ့အစည်းတွေထဲက တခုဖြစ်တဲ့ ဝံလက်ဖောင်ဒေးရှင်းက ဒါရိုက်တာ ကိုဇော်ဇော်ထွန်းကလည်း အခုလို ပြောပါတယ်။

“အခု အဲဒီရွာတွေကို ထောက်ပံ့မယ်ဆိုတာက ဘယ်လို အခက်အခဲမျိုးနဲ့ ထောက်ပံ့တာလဲပေ့ါ။ ဥပမာ ဒေသခံတွေပဲ ထောက်ပံ့မှာလား။ ဒါမှမဟုတ်လို့ရှိရင်လည်း အဲဒီကျေးရွာက လူတွေအကုန်လုံးကို ထောက်ပံ့မှာလား။ ဒါတွေလည်း လုံးဝ မသဲကွဲဘူးပေါ့နော်။ ကျနေ်ာတို့ ရခိုင်ဒုက္ခသည်တွေက အဲဒီမှာ လမ်းပန်းဆက်သွယ်ရေး ခက်ခဲပြီးတော့ အထောက်အပံ့တွေ လိုအပ်နေတဲ့ ရခိုင်ရွာတွေ ဖြစ်တယ်ပေါ့နော်။ ဒါပေမဲ့ အစဉ်တစိုက်က NGO တွေ စောစောကပြောတဲ့ WFP တို့က နဂို သူတို့ ကူညီထောက်ပံ့ပေးနေတဲ့ ဒီရွာတွေကို ထောက်ပံ့ကူညီဖို့အတွက် တင်ပြလာတယ်လို့ပဲ ကျနော်တို့က နားလည်ပါတယ်။”

အစ္စလာမ်ရေးရာ သာသနာရေးကောင်စီ က ဦးဝင်းထွန်းစိုးကလည်း မူဆလင်ကျေးရွာနေ ဒေသခံတွေအတွက် လုံခြုံရေးတင်းကျပ်လို့ သွားလာရေး အခက်အခဲဖြစ်သလို စားနပ်ရိက္ခာ အခက်ခဲတွေလည်း ကြုံနေရတဲ့ အနေအထားမှာ အခုလို WFP လို ကုလ နိုင်ငံတကာအဖွဲ့အစည်းအပြင် ပြည်တွင်း/ပြည်ပ အလှူရှင်တွေဘက်ကလည်း အလှူပစ္စည်းတွေ လွတ်လွတ်လပ်လပ် ပေးပို့နိုင်ဖို့ ကြိုးစားနေကြရတဲ့ အခြေအနေကို အခုလိုရှင်းပြပါတယ်။

“ကျနေ်ာတို့ ရခိုင်ပြည်နယ်မှာက ဥပမာ မောင်တောတို့၊ ဘူးသီးတောင်တို့ ဆိုရင်တော့ အခုမှ ၂၀၁၆ ထဲမှာမှ သူတို့ဆီမှာ မီးရှို့ခံရတာတွေ ဘာတွေ ရှိတယ်လေ ရွာတွေက သွားရေး၊ လာရေး၊ နေရေး၊ ထိုင်ရေး၊ ဥပမာ - မောင်တောမှာဆိုရင်တော့ အများစု မူဆလင်တွေဖြစ်နေတော့ သူတို့ ဆိုင်ခန်းတွေ ဘာတွေတော့ ဖွင့်လို့ပြုလို့ရတယ်။ ဒါပေမဲ့ အရင်လို လွတ်လွတ်လပ်လပ် သွားလို့လာလို့ မရတဲ့၊ နောက်တခါ အလုပ်လုပ်လို့မရတဲ့အပေါ်မှာ သူတို့မှာလည်း စားဝတ်နေရေး အဆင်မပြေတာ ရှိတယ်။ ဥပမာအားဖြင့် စစ်တွေတို့၊ ကျောက်တော်တို့၊ မြောက်ဦး၊ မင်းပြား၊ မြေပုံပေါ့နော်။ မြေပုံကတော့ အဆိုးဆုံးပေါ့။ မြေပုံကတော့ တောင်ပေါ်ရောက်သွားတယ်။ ဒါပေမဲ့ သူတို့ကိုတော့ IDP အဖြစ် သတ်မှတ်တယ်။ WFP က သူတို့ကိုတော့ စားနပ်ရိက္ခာပေးတယ်။ ဒါပေမဲ့ သူတို့ကိုပေးတာ ဆန်ပေးတယ်၊ ဆီ ပေးတယ်။ ဒါပေမဲ့ သူတို့မှာ ဆန်နဲ့ ဆီနဲ့တင်ပဲ မရဘူးလေ။ တောင်ပေါ်ရောက်သွားတယ်။ ဘာမှမရှိတဲ့နေရာဖြစ်တဲ့အတွက် ကျနော်တို့က ဒီကနေ ကန်စွန်းရွက်ပျိုးပင်လေးတွေတို့၊ ချဉ်ပေါင်ရွက် ပျိုးပင်လေးတွေတို့ အဲ့လိုမျိုးတွေ ပေးပြီးတော့မှ ပြန်စိုက်ပြီး စားရတဲ့ သဘောတော့ရှိတယ်။”

အောက်တိုဘာလအတွင်း ရဲကင်းစခန်းတွေနဲ့ နယ်ခြားစောင့်စခန်းတွေကို လူအင်အားနဲ့ အကြမ်းဖက်တိုက်ခိုက်မှုတွေဖြစ်ခဲ့လို့ စစ်ဆင်ရေးနယ်မြေ အဖြစ်သတ်မှတ် ခံထား ရတဲ့ ပြည်သူတွေအနေနဲ့ အခုချိန်မှာတော့ ဒေသတွင်း စစ်တပ်နဲ့ ရဲလုံခြုံရေးတွေဘက်က လုံခြုံရေးတာဝန်ယူထားပေမဲ့ ရေရှည်လုံခြုံရေး ဘယ်လောက် အာမခံချက်ပေး နိုင်မလဲ ဆိုတဲ့အပေါ် စိုးရိမ်နေဆဲ အနေအထားဖြစ်နေတယ်လို့ ကိုဇော်ဇော်ထွန်းက ဆက်ပြောပါတယ်။

“စိုးရိမ်မှုကတော့ သူတို့မှာ ရှိနေတုန်းပါပဲ။ ဒါပေမဲ့ လောလောဆယ်မှာတော့ တစုံတရာ အေးချမ်းတည်ငြိမ်လာတဲ့ သဘောမှာရှိတယ်ပေါ့။ ဒါပေမဲ့ နဂိုအနေထား ပြန်ရောက်ပြီလို့ ပြောရတော့ ခက်ပါသေးတယ်ခင်ဗျ။”

လာမယ့် ဒီဇင်ဘာလ ၁၇ရက်နေ့ကစလို့ သဲချောင်း၊ ဒါဘိုင်း၊ ဘော်ဒူဖား၊ ပေါက်တော၊ အုန်းတောကြီး၊ ဆေးသမကြီး၊ သက်ကယ်ပြင်၊ သိန်းဘုန်းတန်၊ စက်ရုံစုစတဲ့ ကျေးရွာတွေကို WFP အစီအစဉ်နဲ့ သွားရောက်ထောက်ပံ့ပေးပို့သွားမှာဖြစ်တယ်ဆိုတာကို ကျေးရွာတွေဆီကို ထောက်ပံ့ပေးမယ့် ဆန်၊ ဆီပဲ ရိက္ခာတွေကို ရောက်မယ့်ရက်စွဲနေ့ရက်ကိုပါ ပူးတွဲထုတ်ပြန်ထားတာဖြစ်ပါတယ်။

ရခိုင်ပြည်နယ်တွင်း အရေးပေါ်လိုအပ်နေတဲ့ လူသားချင်းစာနာမှုအကူညီတွေ ပေးပို့ပေးဖို့နဲ့ အခြေအနေမှန်သိရှိနိုင်ဖို့ ကုလသမဂ္ဂအပါအဝင် နိုင်ငံတကာအဖွဲ့တွေကို သွားခွင့်ပေးဖို့ အစိုးရကို ကုလနဲ့နိုင်ငံတကာက တိုက်တွန်းနေချိန်မှာပဲ အခုလို WFP အစီအစဉ်နဲ့ သွားရောက်ထောက်ပံ့ပေးမယ်ဆိုတဲ့ အစီအစဉ်ကို အစိုးရက ကြေညာလိုက်တာလည်းဖြစ်ပါတယ်။

မဆုမွန်/ ဗွီအိုအေ (မြန်မာပိုင်း)
http://burmese.voanews.com


ငွေကြေး ဈေးကွက် အတွင်း လဲလှယ် အသုံးပြုနေသည့် နိုင်ငံတကာ ငွေကြေးများအား တွေ့ ရစဉ် (ဆင်ဟွာ)
    ရန်ကုန် ၊ ဒီဇင်ဘာ ၁၅ ရက်(ဆင်ဟွာ)

    ယခုရက်ပိုင်းအတွင်း မော်တော်ယာဉ် တင်သွင်းခွင့် လျှောက်ထားခြင်းများကြောင့် လတ်တလော အခြေအနေတွင် အမေရိကန် ဒေါ်လာ ဈေးနှုန်းမှာ ၁၃၈၀ ကျော်မှ ၁၄၀၀ ကျော်အထိ မြင့်တက်လာခဲ့ခြင်း ဖြစ်ကြောင်း ဒေါ်လာဈေးကွက် အသိုင်းအ၀ိုင်းမှ သိရသည်။

“မနေ့ က ဒေါ်လာဈေးက ၁၃၈၆ ကနေ ၁၃၉၅ အထိ အဲလောက် တက်တယ်။ခုမနက်က ၁၄၀၅ ကျပ်လောက် စပြီးတော့ ၁၄၁၂ လောက် ရှိလာခဲ့တယ်။ဒေါ်လာဈေးက များနေပြီ။အဓိကတော့ ဒီနှစ်ထဲမှာ မော်တော်ယာဉ် တင်သွင်းခွင့် ပါမစ်တွေ ရှိတယ်။free ပါမစ်လို့ ခေါ်တာပေါ့။တစ်ဦးချင်း လိုင်စင်တွေ အဲဒါတွေက ၂၃ ရက်နေ့  နောက်ဆုံးထားပြီး လိုင်စင်လျှောက်ရမှာ ဆိုတော့ ငွေထည့်ကြတာပေါ့။အဲဒီလူတွေက ဒီနေ့ နဲ့  နက်ဖြန်ကို နောက်ဆုံးထားပြီး ထည့်နေကြတာပေါ့။” ဒေါ်လာ ဈေးကွက် စောင့်ကြည့် လေ့လာသူ ဦးစန်းဝင်းက ပြောသည်။

ထို့ အတူ ကမ္ဘာ့ ရွှေဈေး ကျဆင်းခြင်းကြောင့်လည်း ပါဝင်ပြီး မော်တော်ယာဉ် ပါမစ်များ ကျပြီးသွားပါက ဒေါ်လာဈေးမှာ ပြန်အေးသွားနိုင်ခြေ ရှိကြောင်း ၄င်းက သုံးသပ်သည်။သို့ သော် မော်တော်ယာဉ် တင်သွင်းခွင့် တစ်ခုတည်းကြောင့် မဟုတ်ဘဲ အမေရိကန် ဗဟိုဘဏ်မှ အတိုးနှုန်း မြှင့်တင်ရန် ကြေညာလိုက်သည့် အတွက် တစ်ကမ္ဘာလုံးတွင် ဒေါ်လာဈေးနှုန်း မြင့်တက်လာခဲ့ပြီး မြန်မာနိုင်ငံ အနေဖြင့်လည်း သက်ရောက်မှု ခံစားရခြင်း ဖြစ်ကြောင်း မော်တော်ယာဉ် လုပ်ငန်း လုပ်ကိုင်သူ မြန်မာနိုင်ငံ ဆန်စပါး အဖွဲ့ ချုပ် ဒုတိယ ဥက္ကဋ္ဌ ဒေါက်တာ စိုးထွန်းက ပြောသည်။

NLD ပါတီမှ စီးပွားရေး အကြံပေး ကော်မတီ အဖွဲ့ဝင် ဦးရဲမင်းဦးက လက်ရှိ ဒေါ်လာဈေး တက်နေရသည့် အဓိက အကြောင်းရင်းမှာ  ပြည်တွင်း၌ ဒေါ်လာ လိုချင်သူ များသည့် အတွက် ဒေါ်လာရှားပါးမှုကို ဖြစ်စေခြင်းကြောင့် ဖြစ်ကြောင်း ၊ ဒေါ်လာ ရှားပါးမှု ဖြစ်စေသည့် အကြောင်းရင်းအား ရှာရာတွင် ဗဟိုဘဏ် တစ်ခုတည်း နှင့် မဆိုင်ဘဲ တစ်ခြားသော ဝန်ကြီးဌာနများ၊ စီးပွားရေး လုပ်ငန်းများ နှင့် လည်း သက်ဆိုင်ကြောင်း သုံးသပ်ထားသည်။M.O.B ဘဏ်၏ အငြိမ်းစားဥက္ကဋ္ဌ ဦးမြသန်းက  အဓိကမှာ ဒေါ်လာဈေးငြိမ်ရန်မှာ အဓိကကျပြီး မှောင်ခို ဈေးကွက်ကို တတ်နိုင်သမျှ ပပျောက်သွားအောင် လုပ်လိုက်ပါက ဈေးနှုန်းငြိမ်မည် ဖြစ်ကြောင်း ၊ ဒေါ်လာ ဈေးကျအောင် ချက်ချင်း လုပ်၍ မရဘဲ ရေရှည် စီမံချက်ဖြင့် လုပ်ရမည် ဖြစ်ကြောင်း ပြောသည်။

ဒီဇင်ဘာ ၁၅ ရက်တွင် မြန်မာနိုင်ငံတော် ဗဟိုဘဏ်၏ အမေရိကန် ဒေါ်လာ သတ်မှတ် လဲလှယ်နှုန်းမှာ ၁၃၅၀ ကျပ် ဖြစ်ပြီး နေ့ လည်ပိုင်းတွင် ငွေလဲကောင်တာများ၌ ကျပ် ၁၄၀၀ ၊ ၁၄၁၀ နှုန်းထား ဖြစ်ပေါ်နေကြောင်း သိရသည်။ထို့ အတူ ကမ္ဘာ့ ရွှေဈေးမှာ တစ်အောင်စလျှင် ၁၁၄၁ ဒေါ်လာ ရှိပြီး မြန်မာ့ရွှေဈေးမှာ တစ်ကျပ်သားလျှင် ၈၅၉,၅၀၀ ကျပ် ပေါက်ဈေး ရှိကြောင်း သိရသည်။

(Xinhua)
http://www.xinhuamyanmar.com


ဒီဇင်ဘာ ၁၅၊ ၂၀၁၆

မောင်တောမြို့နယ် သဝန်ချောင်းကျေးရွာအတွင်း လက်နက်ကိုင်တစ်စုက သေနတ်ပစ်ဖောက်၍ ရွာသားတစ်ဦးအား ဖမ်းဆီးခေါ်ဆောင်သွားကြောင်း ဖုန်းသတင်းပေးပို့ချက်ရရှိ၍ လုံခြုံရေး တပ်ဖွဲ့ဝင်များသည် ဒီဇင်ဘာ ၁၃ ရက် ည ၉နာရီ ၄၅မိနစ်တွင် သွားရောက် စစ်ဆေးခဲ့ရာ လက်နက်ကိုင် ၁၇ ဦးခန့်က သဝန်ချောင်းမြောက်ရွာနေ အလုပ်သမားခေါင်းဆောင် ဟာဘီရော်မာန်အား ဖမ်းဆီးသွားကြောင်း သိရသည်။

ကိုးတန်ကောက်ကျေးရွာနေ မော်လဝီဇူပိုင်ခေါင်းဆောင်သည့်အဖွဲ့သည် ရွာ၏ အရှေ့ဘက်မှ ဝင်ရောက်၍ ဟာဘီရော်မာန်အား ဖမ်းဆီးကာ ၄င်း၏နေအိမ်နှင့် ရွာထဲ၌ သေနတ်တစ်ချက်စီ ပစ်ဖောက် ခြောက်လှန့်ခဲ့ပြီး သဝန်ချောင်းရွာသစ်ဘက်သို့ ခေါ်ဆောင်သွားကြောင်းနှင့် သေနတ် ၂လက် ပါရှိကြောင်း သိရသည်။

ဟာဘီရော်မာန်၏ နေအိမ်မီးဖိုချောင်းအတွင်းမှ ကျည်ခွံ (၁) ခု သိမ်းဆည်းရမိခဲ့ပြီး လုံခြုံရေး တပ်ဖွဲ့ဝင်များသည် သဝန်ချောင်းရွာအရှေ့ဘက် နယ်မြေရှင်းလင်းဆောင်ရွက်လျက်ရှိကြောင်း သိရသည်။

(နိုင်ငံတော်အတိုင်ပင်ခံရုံး သတင်းထုတ်ပြန်ရေးကော်မတီ)
https://www.facebook.com/MyanmarSCOInfoCom/



အမေရိကန် ဗဟိုဘဏ် ဥက္ကဋ္ဌ ဂျက်နက် ယဲလ်လန်အား တွေ့ရစဉ် (ဆင်ဟွာ)
   ဝါရှင်တန်၊ ဒီဇင်ဘာ ၁၅ ရက် (ဆင်ဟွာ)

    ၂၀၁၆ ခုနှစ်အတွက် ပထမဆုံးအကြိမ်အဖြစ် အမေရိကန်နိုင်ငံ ဗဟိုဘဏ်က ဒီဇင်ဘာလ ၁၄ ရက်၌ ဘဏ် အတိုးနှုန်းများ တိုးမြှင့်လိုက်ပြီ ဖြစ်ပြီး လာမည့် နှစ်သစ်တွင် အတိုးနှုန်းမြင့်မြင့်ဖြင့် ဆက်သွားမည့် အရိပ်အယောင်ပင် ဖြစ်ကြောင်း သိရသည်။

အလုပ်သမား ဈေးကွက် အခြေအနေများနဲ့ ငွေကြေးဖောင်းပွမှု အခြေအနေတွေကို ကြည့်ပြီးတော့ ဗဟိုဘဏ် ရန်ပုံငွေ အတိုးနှုန်းကို ၀.၅ မှ ၀.၇၅ (1/2 to ¾) ရာခိုင်နှုန်း တိုးမြှင့်ဖို့ ကော်မတီက ဆုံးဖြတ်လိုက်ခြင်း ဖြစ်ကြောင်း နှစ်ရက်ကြာ မူဝါဒ အစည်းအဝေးအပြီး ဆုံးဖြတ်ချက်ပြီးနောက် ထုတ်ပြန်သည့် ကြေညာချက်တွင် ဗဟိုဘဏ်က ပြောကြားလိုက်သည်။

စီးပွားရေး အတန်အသင့် တိုးတက်လာခြင်း၊ အလုပ်သမား ဈေးကွက် ဆက်လက် ခိုင်မာနေခြင်းနှင့် ငွေကြေး ဖောင်းပွမှု ဆက်လက် မြင့်တက်နေခြင်း စသည့် အကြောင်းအချက်များက တစ်နှစ်နီးပါး ဆိုင်းငံ့ထားသည့် ဗဟိုဘဏ် အတိုးနှုန်းကို မြင့်တက်လာစေကြောင်း ထုတ်ပြန်ချက်၌ ဖော်ပြထားသည်။“အတိုးနှုန်း မြှင့်တင်လိုက်တဲ့ ကျွန်မတို့ရဲ့ ဆုံးဖြတ်ချက်ဟာ စီးပွားရေးအပေါ် သက်ရောက်မှု ရှိလိမ့်မယ်ဆိုတာ သေချာ နားလည်ပါတယ်၊ ကျွန်မတို့ ဆုံးဖြတ်ချက်အတိုင်း ဆက်လက် လုပ်ဆောင်မှာ ဖြစ်သလို စီးပွားရေးကလဲ အထိုက်အလျောက် ပြန်လည် ကောင်းမွန်လာမှာ ဖြစ်တယ်” ဟု အမေရိကန်နိုင်ငံ ဗဟိုဘဏ် ဥက္ကဋ္ဌ ဂျက်နက် ယဲလ်လန်က ဒီဇင်ဘာလ ၁၄ ရက်တွင် ပြုလုပ်သည့် သတင်းစာ ရှင်းလင်းပွဲ၌ ပြောကြားခဲ့သည်။

ဒီဇင်ဘာလ ၁၄ ရက်တွင် ထုတ်ပြန်လိုက်သည့် စီးပွားရေး ခန့်မှန်းချက်များအရ အမေရိကန် စီးပွားရေးသည် ယခုနှစ်တွင် ၁.၉ ရာခိုင်နှုန်း၊ လာမည့်နှစ်တွင် ၂.၁ ရာခိုင်နှုန်း စသဖြင့် အသီးသီး မြင့်တက်နိုင်ကြောင်း ဗဟိုဘဏ် အရာရှိများက မျှော်လင့်ထားသည်။ပြီးခဲ့သည့်နှစ် ဒီဇင်ဘာလက အမေရိကန် ဗဟိုဘဏ်သည် ဆယ်စုနှစ် တစ်ခုနီးပါးအတွင်း ပထဆုံးအကြိမ်အဖြစ် အတိုးနှုန်းများ မြှင့်တင်ခဲ့သည်။

အမေရိကန်နိုင်ငံတွင် သမ္မတသစ် အဖြစ် ဒေါ်နယ်ထရမ့် ရွေးကောက်ခံရပြီးနောက် ထရမ့်၏ အကောက်ခွန် မူဝါဒများနှင့် အခြေခံ အဆောက်အအုံ စီမံကိန်း မျှော်မှန်းချက်များကြောင့် အမေရိကန် စတော့ခ် ဈေးကွက် အမြင့်ဆုံးအထိ ဖြစ်လာခဲ့သည်။“စီးပွားရေး မူဝါဒ အပြောင်းအလဲကြောင့် မတည်ငြိမ်ဖြစ်လာတာကိုတော့ ကျွန်မတို့ အသိအမှတ်ပြုရပါမယ်၊ ဒါကို ဗဟိုဘဏ် အနေနဲ့ ဘယ်လို တုံ့ပြန်သင့်ပြီး လုပ်ဆောင်သင့်သလဲ” ဟု ထရမ့်၏ စီးပွားရေး စီမံကိန်းအပေါ် ယဲလ်လန်က တုံ့ပြန်လိုက်သည်။

(Xinhua)
http://www.xinhuamyanmar.com


တရုတ်-မြန်မာ နှစ်နိုင်ငံနယ်စပ်တလျှောက် ငြိမ်းချမ်းရေးနဲ့ တည်ငြိမ်မှု ရှိစေရေးအတွက် မြန်မာနိုင်ငံဘက်က အသေအချာ ဆောင်ရွက်ပြီး၊ အိမ်နီးချင်းနိုင်ငံရဲ့ နယ်နမိတ်အတွင်းကို လက်နက်ကျည်ဆံတွေ ကျရောက်မှုမျိုး မဖြစ်အောင် ထိန်းထိန်းသိမ်းသိမ်း လုပ်ဆောင် နိုင်လိမ့်မယ်လို့ မျှော်လင့်ကြောင်း တရုတ်စစ်ဘက်ဆိုင်ရာ အဆင့်မြင့်အရာရှိကြီးတွေ အခုသီတင်းပတ်အတွင်း မြန်မာနိုင်ငံကို သွားရောက်ခဲ့ပြီးတဲ့နောက် တရုတ်ကာကွယ်ရေးဝန်ကြီးဌာနက ဗုဒ္ဓဟူးနေ့မှာ ပြောဆိုလိုက်ပါတယ်။

ပြီးခဲ့တဲ့လအတွင်း မြန်မာအစိုးရတပ်နဲ့ တိုင်းရင်းသား လက်နက်ကိုင်အဖွဲ့တွေကြား နယ်စပ်ဒေသမှာ တိုက်ပွဲတွေ ဆက်တိုက်ဖြစ်ပွားခဲ့ပြီး ထောင်ပေါင်းများစွာရှိတဲ့ လူတွေဟာ တရုတ်နိုင်ငံအတွင်းကို ထွက်ပြေး တိမ်းရှောင်ခဲ့ကြသလို၊ တိုက်ပွဲဖြစ်ပွားစဉ် လက်နက်ကြီးကျည်တွေနဲ့ ကျည်ဆံတချို့ တရုတ်နိုင်ငံဘက်ခြမ်းကို ကျရောက်ခဲ့တာကြောင့် ပျက်စီးထိခိုက်မှု အနည်းငယ်ရှိခဲ့ပါတယ်။

တရုတ်လွတ်မြောက်ရေးတပ်မတော် PLA ရဲ့ နိုင်ငံအနောက်ခြမ်း စစ်ဒေသ ကွတ်ကဲရေးမှူး Zhao Zongqi ဦးဆောင်တဲ့ တရုတ်စစ်ဘက်ဆိုင်ရာ ကိုယ်စားလှယ်အဖွဲ့ဟာ မြန်မာ့တပ်မတော်ရဲ့ တရားဝင် ဖိတ်ကြားချက်အရ ဒီဇင်ဘာလ ၁၁ ရက်နေ့ကနေ ၁၄ ရက်နေ့အထိ မြန်မာနိုင်ငံကို သွားရောက် လည်ပတ်ခဲ့ကြောင်း တရုတ်ကာကွယ်ရေးဝန်ကြီးဌာန က ကြေညာချက်ထုတ်ပြန်ပါတယ်။

ဒီခရီးစဉ်အတွင်း တရုတ်ကိုယ်စားလှယ်အဖွဲ့ဟာ မြန်မာ့တပ်မတော် ဒုတိယကာကွယ်ရေးဦးစီးချုပ် ဒုတိယ ဗိုလ်ချုပ်မှူးကြီး စိုးဝင်း၊ တပ်မတော် အမှတ် (၁) အထူးစစ်ဆင်ရေးမှူး ဒုတိယဗိုလ်ချုပ်ကြီး ထွန်းထွန်းနောင် အပါအ၀င် မြန်မာစစ်တပ် ထိပ်ပိုင်းခေါင်းဆောင်တွေနဲ့ တွေ့ဆုံ ဆွေးနွေးမှုတွေ ပြုလုပ်ခဲ့တယ်လို့ ထုတ်ပြန်ကြေညာချက်မှာ ဖော်ပြထားပါတယ်။

တရုတ်နဲ့ မြန်မာနိုင်ငံတို့ကြား ရည်ရှည်ထားရှိခဲ့ကြတဲ့ ရင်းနှီးခင်မင်မှုကနေ နှစ်နိုင်ငံ စစ်ဘက် ဆက်ဆံရေးမှာ အပြန်အလှန် ပူးပေါင်း ဆောင်ရွက်မှု ဆက်လက် နီးနီးကပ်ကပ် လုပ်ဆောင်သွားနိုင်လိမ့်မယ်လို့ မျှော်လင့်ကြောင်း နှစ်ဘက် ကိုယ်စားလှယ်အဖွဲ့တွေကြား သဘောတူညီခဲ့တယ်လို့ ဖော်ပြထားပါတယ်။

ဗွီအိုအေ (မြန်မာပိုင်း)
http://burmese.voanews.com


လုံခြုံရေးတပ်ဖွဲ့ဝင်များသည် ဒီဇင်ဘာ ၁၄ ရက်မွန်းလွဲပိုင်းတွင် မောင်တောမြို့နယ် လိပ်အိုင်ရွာ အနီးပတ်ဝန်းကျင်၌ နယ်မြေရှင်းလင်းရေးဆောင်ရွက်စဉ် ဓနိတောအတွင်း ဝှက်ထားသည့် အလျား ၉၀၊ အနံ ၄ပေခွဲရှိ ပြောက်ကျားယူနီဖောင်းစပိတ်အုပ် ၂ အုပ် ဖော်ထုတ်သိမ်းဆည်းရမိခဲ့သည်။

ညနေပိုင်းတွင် လုံခြုံရေးတပ်ဖွဲ့ဝင်များသည် မယင်းတောင်နှင့် မျောတောင်အနီး တောင်ကုန်းများအား ရှင်းလင်းရာခြုံအတွင်းမှ ဆာလာအိတ်ဖြင့် ထုပ်ထားသည့် အသက်သွင်းပြီး လက်လုပ်မိုင်း ၂လုံး ၊ မိုင်းပြုလုပ်ရာတွင်အသုံးပြုသည့် ကားပင်စတင် ၄လုံးတို့အား ဖော်ထုတ်သိမ်းဆည်း ရမိခဲ့ကြောင်း သိရသည်။

(နိုင်ငံတော်အတိုင်ပင်ခံရုံး သတင်းထုတ်ပြန်ရေးကော်မတီ)
https://www.facebook.com/MyanmarSCOInfoCom/



(မန္တလေး ဆေးရုံကြီးမှာ ဆေးကုသမှုခံယူနေတဲ့ Farmer ဂျာနယ်တိုက်ရဲ့ မန္တလေးသတင်း တာဝန်ခံ ကိုကျော်သူရမျိုးကို တွေ့ရစဉ်) ဓါတ်ပုံ - မန်းကိုကို
မန္တလေးမြို့၊ လမ်း ၇၀၊ ၃၂ လမ်းနဲ့ ၃၃ လမ်းကြားမှာ Farmer ဂျာနယ်တိုက်ရဲ့ မန္တလေးသတင်း တာဝန်ခံ ကိုကျော်သူရမျိုးကို လူလေးယောက်ပါတဲ့အဖွဲ့က မနေ့ည ၁၀ နာရီခန့်က ချောင်းရိုက်ခဲ့တာကြောင့် မန္တလေး ဆေးရုံကြီးမှာ ဆေးကုသမှုခံယူနေရပါတယ်။

ဆိုင်ကယ်မောင်းပြီး အိမ်ပြန်လာရာမှာ ချောင်းရိုက်ခံရတာဖြစ်ပြီး ခေါင်းကိုပဲ အရိုက်ခံခဲ့ရတာ ဖြစ်တယ်လို့ ဆေးကုသမှုခံယူနေရတဲ့ ကိုကျော်သူရမျိုး က ပြောပါတယ်။

"ဖြစ်တာက ကျနော် အိမ်ပြန်လာတဲ့အချိန်မှာ အဲဒီလမ်းထိပ်ချိုးလေးရောက်တော့ ရုတ်တရက်ထွက်လာပြီးတော့ တစ်ယောက်က အရင်ဖြတ်ရိုက်လိုက်တယ်၊ လဲသွားတဲ့အခါကျတော့ နောက်ထပ် ၃ ယောက်လာတယ်၊ အားလုံးပေါင်း ၄ ယောက်ဖြစ်သွားတာပေါ့၊ ၄ ယောက်ထဲမှာ ၃ ယောက်က ကျနော်ကို ခေါင်းပဲရွေးပြီးတော့ ရိုက်တာပေါ့နော်၊ ကျနော်ကလည်း ဆိုင်ကယ်ဦးထုပ်ဆောင်းထားတာ ကံကောင်းသွားတယ်လို့ပြောရမှာပေါ့၊ မျက်နှာတွေကတော့ တော်တော်ထိသွားတယ်၊ ခေါင်းတို့ ဇက်တို့ကတော့ အနည်းအကျဉ်းလောက်ပဲ ထိတာပေါ့နော်"

လက်ရှိ မန္တလေးဆေးရုံကြီးမှာ ဆေးကုသမှုခံယူနေရပြီး မှုခင်းဆရာဝန်ဆီလွှဲပြောင်းပြီးမှ အမှုဖွင့်ဖို့ ဆက်လက် လုပ်ဆောင်သွားရမှာ ဖြစ်တယ်လို့လည်း ပြောပါတယ်။

ကိုကျော်သူရမျိုးအနေနဲ့ အခင်းဖြစ်တဲ့အချိန်မှာ အရက်သေစာ အနည်းငယ်သောက်သုံးထားပေမယ့် ဖြစ်စဉ်အားလုံးကို ကောင်းကောင်းမှတ်မိကြောင်းလည်း ပြောပါတယ်။

ကိုကျော်သူရမျိုးဟာ လက်ရှိမှာ Farmer ဂျာနယ်ရဲ့ မန္တလေးသတင်းတာဝန်ခံအဖြစ် လုပ်ကိုင်နေပြီး သူ့အနေနဲ့ ရန်ညှိုးရန်စ မရှိကြောင်းလည်း ပြောပါတယ်။

ပြီးခဲ့တဲ့ ဒီဇင်ဘာလ ၁၃ ရက်နေ့ကလည်း မုံရွာမြို့မှာ နေထိုင်တဲ့ Eleven Media Group ဂျာနယ် သတင်းထောက် ကိုစိုးမိုးထွန်း အသတ်ခံခဲ့ရပြီး အမှုမှန်ပေါ်ပေါက်ဖို့ စုံစမ်းစစ်ဆေးမှုတွေ ပြုလုပ်နေပါတယ်။

RFA Burmese
https://www.facebook.com/rfaburmese



( အာဆီယံ နိုင်ငံခြားရေးဝန်ကြီးများနှင့် အာဆီယံအစိုးရချင်းဆိုင်ရာ လူ့အခွင့်အရေးကော်မရှင် ကိုယ်စားလှယ်များ တွေ့ဆုံပွဲကို တက်ရောက်လာတဲ့ ဒေါ်အောင်ဆန်းစုကြည် ကို ဇူလိုင်လ ၂၃ ရက်နေ့က လာအိုနိုင်ငံမှာ တွေ့ရစဉ် ) Photo: MOI
အာဆီယံနိုင်ငံခြားရေးဝန်ကြီးတွေ ရန်ကုန်မြို့မှာ လာမယ့် ၁၉ ရက် တနင်္လာနေ့ တွေ့ဆုံကြတဲ့အခါ ရိုဟင်ဂျာပြဿနာ ကို ဆွေးနွေးကြမယ်လို့ မလေးရှားနိုင်ငံ ကွာလာလမ်ပူမြို့က ဗုဒ္ဓဟူးနေ့ မနေ့ကလာတဲ့သတင်းမှာ ဖေါ်ပြထားပါ တယ်။ မလေးရှား ဒုတိယနိုင်ငံခြားရေးဝန်ကြီး Datuk Seri ဒါတွတ် ဆရီက အဲဒီလို အာဆီယံဝန်ကြီးတွေ တွေ့ဆုံ ကြတဲ့အခါ ရခိုင်ပြည်နယ်မြောက်ပိုင်းမှာ ဖြစ်ပွားနေတဲ့ ပဋိပက္ခတွေ ချုပ်ငြိမ်းရေးအတွက် ရေရှည်ဆောင်ရွက်ရမယ့် နည်းလမ်းတွေကို ဆွေးနွေးအဖြေရှာကြမယ်လို့ ပြောပါတယ်။

မြန်မာနဲ့ မလေးရှား တဖက်နဲ့တဖက် မိမိတို့ ရပ်တည်ချက်တွေကို အပြန်အလှန် ထုတ်ပြန်ခဲ့ပြီးနောက် အခုလို ဆွေးနွေးဖို့ဆုံးဖြတ်ချက် ပေါ်ထွက်လာခြင်းပါပဲလို့လည်း မလေးရှား ဒုဝန်ကြီးကပြောကြားကြောင်း ဘနားမား သတင်းဌာနက ဖေါ်ပြပါတယ်။

ဒီအတောအတွင်းမှာပဲ အီရန်နိုင်ငံ Tehran မြို့ကလာတဲ့ သတင်းတပုဒ်အရ အီရန်သမ္မတ ဟာဆန် ရိုဟားနီ နဲ့ အင်ဒိုနီးရှား သမ္မတ ဂျိုကို ဝီဒိုဒို တို့ နှစ်ဦး ဒီဇင်ဘာ ၁၄ ရက် မနေ့က တွေ့ဆုံရာမှာ ရခိုင်ပြည်နယ်က ရိုဟင်ဂျာ မွတ်စလင်တွေ ၂ဝ၁၂ ခုကစပြီး အများအပြား သတ်ဖြတ်ခံထွက်ပြေးနေကြရတဲ့ ပြဿနာကို ငြိမ်းချမ်းစွာ ဖြေရှင်းနိုင် မယ့်နည်းလမ်းတွေ ရှာဖွေဆွေးနွေးခဲ့ကြတယ်လို့ ဆိုပါတယ်။

RFA Burmese
https://www.facebook.com/rfaburmese


ရန်ကုန်တိုင်းဒေသကြီးအစိုးရနှင့် ပြင်သစ်သံရုံးတို့ ပူးပေါင်း၍ ဆောက်လုပ်ပြုပြင်လျက်ရှိသော မြေနီကုန်း ခုံးကျော်တံတားအောက်ရှိ နားနေထိုင်ခုံများနှင့် ကစားကွင်းအသစ်များပါဝင်သည့် အနုပညာစီမံကိန်းမှာ တည်ဆောက်ပြီး ရက်ပိုင်းသာရှိသေးသော်လည်း ကွမ်းတံတွေးများ၊ အမှိုက်များနှင့် ညစ်ပတ်ပေရေနေသည်ကို တွေ့ရှိရသည်။


 အဆိုပါစီမံကိန်းအား ကျပ်သိန်းလေးထောင်နီးပါးအသုံးပြု၍ တည်ဆောက်နေခြင်းဖြစ်သည်။ အဆိုပါ စီမံကိန်းပြီးဆုံးပါက အခြားကျန်ရှိသော ခုံးကျော်တံတား ၅ စင်းအောက်တွင်လည်း ဆက်လက်လုပ်ဆောင်သွားမည် ဖြစ်ကြောင်း သိရသည်။

လတ်
News Watch
https://www.facebook.com/NewsWatchJournal/



(Photo-Video Screen Capture)
အောက်တိုဘာလဆန်းက မောင်တောဒေသ နယ်ခြားစောင့်ရဲ့စခန်းတွေကို ဝင်ရောက်တိုက်ခိုက်ခဲ့တဲ့ ရိုဟင်ဂျာမူဆလင်အဖွဲ့ကို ဆော်ဒီအာရေးဗီးယားနဲ့ ပါကစ္စတန်နိုင်ငံတွေနဲ့ ဆက်စပ်နေကြောင်း ဒီအဖွဲ့ဝင်တွေရဲ့ ပြောဆိုချက်တွေကို ကိုးကားပြီး နိုင်ငံတကာပဋိပက္ခလေ့လာရေးအဖွဲ့ ICG က ဒီကနေ့ ပြောကြားလိုက်ပါတယ်။

မြန်မာလို ယုံကြည်ချက်လှုပ်ရှားမှုလို့ အဓိပ္ပာယ်ရတဲ့ Harakah-al-Yakin လို့ အမည်ပေး ထားတဲ့ ဒီရိုဟင်ဂျာအဖွဲ့ဟာ မောင်တောဒေသတိုက်ခိုက်မှုတွေဟာ သူတို့ လက်ချက် ဖြစ်တယ်လို့ ဗီဒီယိုတွေမှာ ပြောဆိုဝန်ခံထားပြီး ICG အဖွဲ့အနေနဲ့ ဒီအဖွဲ့ထဲက ၄ ဦးကို ရခိုင်ပြည်နယ်မှာ တွေ့ဆုံ မေးမြန်းခွင့်ရခဲ့သလို ကျန်တဲ့ ၂ ဦးကို မြန်မာနိုင်ငံပြင်ပမှာ တွေ့ဆုံ မေးမြန်းခွင့် ရခဲ့တယ်လို့ ဆိုပါတယ်။ ဒါ့အပြင် ဒီအဖွဲ့ဝင်တွေနဲ့ အဆက်သွယ်ရှိသူတွေကိုလည်း အင်တာနက်မှာ စာနဲ့အပြန်အလှန် ပြောဆိုခွင့်ရခဲ့တယ်လို့ သိရပါတယ်။

ဒီအဖွဲ့ကို ၂ဝ၁၂ ရခိုင်ပြည်နယ်ပဋိပက္ခတွေအပြီး ဖွဲ့စည်းခဲ့တာဖြစ်ကြောင်း၊ အာဖဂန်နဲ့ ပါကစ္စတန်မှာ ပဋိပက္ခတွေမှာ ပါဝင်တိုက်ခိုက်ခဲ့ဖူးသူ ရိုဟင်ဂျာမူဆလင်တွေက ရခိုင်ပြည်နယ်မြောက်ပိုင်းမှာ ၂ နှစ်ကြာ စစ်ဆင်ရေးသင်တန်းတွေ ပေးခဲ့တာဖြစ်တယ်လို့ ဆိုပါတယ်။

ဒီသင်တန်းတွေမှာ လက်နက်အသုံးချနည်း၊ ပျောက်ကျားစစ်ဆင်ရေးဗျူဟာ၊ ဖောက်ခွဲရေးပစ္စည်း သင်တန်းတွေပါဝင်ကြောင်း၊ ဒီအုပ်စုခေါင်းဆောင်ဟာ “Ata Ullah ဖြစ်ပြီး ဆော်ဒီအာရေဗီးယားကို သွားရောက်သင်တန်းတက်ခဲ့တဲ့ ရိုဟင်ဂျာ ၂ဝ ထဲက တဦးဖြစ်ကြောင်း၊ သူဟာ မောင်တောတိုက်ခိုက်မှုအပြီး အင်တာနက်မှာ ထွက်ပေါ်ခဲ့တဲ့ ဗီဒီယို ၉ ခုထဲမှာ ပါဝင်ခဲ့ပြီး အဖွဲ့ရဲ့ ရခိုင်ပြာ်နယ် လှုပ်ရှားမှုကို ဦးဆောင်နေကြောင်းလည်း ICG က ရေးပါတယ်။ ဒါ့အပြင် ဒီအုပ်စုကို ဆော်ဒီနိုင်ငံမက္ကာမြို့မှာ ရုံးချုပ် အခြေစိုက်တဲ့ ရိုဟင်ဂျာအကြီးအကဲ ၂ဝ ပါတဲ့ ကော်မတီက ကြီးကြပ်တယ်လို့လည်း ဆိုပါတယ်။

ဒီအဖွဲ့ဟာ ရခိုင်ပြည်သူတွေကို ဦးတည်တိုက်ခိုက်တာမတွေ့ရကြောင်း၊ ဒါပေမယ့် သူတို့ရဲ့ရည်ရွယ်ချက် ဟာ ပြောင်းလဲလာနိုင်ကြောင်း၊ ဘာသာရေးတိုက်ပွဲပုံစံအနေနဲ့ ရပ်တည်လာနိုင်ပြီး နိုင်ငံတကာ ဘာသာရေးစစ်ဆင်နွဲနေတဲ့ အစွန်းရောက်အကြမ်းဖက်အဖွဲ့တွေနဲ့ ဆက်စပ်နေနိုင်တဲ့အတွက် မြန်မာအစိုးရအနေနဲ့ စစ်ဆင်ရေးအရချည်းချဉ်းကပ်တာမျိုးမလုပ်ဘဲ သူတို့နောက်ကွယ်က ခံစားနေရတဲ့ ပြဿနာတွေကိုလည်း အလေးနက်ထားဖြေရှင်းဖို့လိုကြောင်း ICG က တိုက်တွန်းထားပါတယ်။

RFA Burmese
https://www.facebook.com/rfaburmese



ရွှေတိဂုံစေတီတော်ကို တွေ့ရစဉ်။ Photo: RFA
ရွှေတိဂုံစေတီတော်မှာ ကပ်လှူထားတဲ့ ရွှေပြားတစ်ချို့မှာ ပဏာမစစ်ဆေးခဲ့ရာမှာ အရည်အသွေးမမီတာတွေ ကို တွေ့ရှိခဲ့တဲ့အတွက် ပညာရှင်တွေနဲ့ထပ်မံစစ်ဆေးပြီး သက်ဆိုင်ရာယခင်ကန်ထရိုက်လုပ်ငန်းရှင်တွေကို အရေးယူသွားမယ်လို့ သာသနာရေးနဲ့ ယဉ်ကျေးမှုဝန်ကြီးဌာနက ကြေညာထုတ်ပြန်ထားပါတယ်။

လာမယ့် ၂၀၁၇ ခုနှစ်မှာ စေတီတော်ကြီးကို ၀ါးငြမ်းတွေထိုးပြီး စစ်ဆေးမှုတွေ ပြုလုပ်သွားမှာ ဖြစ်တယ်လို့ သာသနာရေးနဲ့ ယဉ်ကျေးမှုဝန်ကြီးဌာန ပြည်တွင်း/ပြည်ပဆက်ဆံရေးနဲ့ သတင်းပြန်ကြားရေးဌာနခွဲ (သာသနာရေး) ရဲ့ ညွှန်ကြားရေးမှူး ဦးအောင်ဆန်းဝင်းက ပြောပါတယ်။

"ကျနော်တို့က ၂၀၁၇ မှာ ၀ါးငြမ်းတွေထိုးပါမယ်၊ ၀ါးငြမ်းထိုးဖို့က ၂၀၁၈ မှ စရမှာ ဒါပေမဲ့ အဲဒါတွေပြုပြင် ချင်တဲ့အတွက် ၂၀၁၇ မှာစပြီးထိုးပါမယ်၊ ပြီးရင် ကျနော်တို့ သေချာစစ်ဆေးပါ့မယ်၊ နောင်ကျရင် ကျနော်တို့က ၁ ပေပတ်လည်မှာ ၆ ကျပ်သားကပ်နိုင်အောင် ရည်ရွယ်ပြီးဆောင်ရွက်သွားမှာ ဖြစ်ပါတယ်"

အဲလို ၀ါးငြမ်းဆင်မယ်ဆိုရင် ၀ါးတန်ဖိုးနဲ့လုပ်အားခ စုစုပေါင်းငွေကျပ် သိန်း ၄၀၀ ကျော် ကုန်ကျမှာဖြစ်ပြီး အချိန် ၂ လကြာမြင့်မှာ ဖြစ်ပါတယ်။

ရွှေတိဂုံစေတီတော်ကြီးကို ရွှေစင်ရွှေပြားကပ်လှူရာမှာ အောက်ခံ ၁ ပေပတ်လည်ကြေးပြားပေါ်မှာ ရွှေစင် ၆ ကျပ် သားတွေရှိသလို ရွှေစင် ၁ ကျပ်သားရှိတာတွေကိုလည်း လေ့လာတွေ့ရှိခဲ့ကြောင်းလည်း ထုတ်ပြန်ထားပါတယ်။

လက်ရှိမှာ ရွှေစင် ၁ ကျပ်သားသာပါတဲ့ Gold Plate တွေရှိနေတဲ့အတွက် ရာသီဥတု၊ သဘာဝဘေးဒဏ်တွေနဲ့ ငှက်တွေထိုးဆိတ်တာတွေကြောင့် ပျက်စီးတာတွေ ရှိနေတယ်ဆိုတာကို စစ်ဆေးတွေ့ရှိ ထားတယ်လို့လည်း ထုတ်ပြန်ချက်မှာ ပါရှိပါတယ်။

နောက်ပိုင်းမှာ ကန်ထရိုက်ယူမယ့်သူတွေအနေနဲ့ ရွှေစင် ၆ ကျပ်သားပါတဲ့ Gold Plate တွေကိုသာ ကပ်လှူပူဇော် ရမှာဖြစ်ပြီး မလိုက်နာပါက အရေးယူမှုတွေ ပြုလုပ်သွားမှာ ဖြစ်တယ်လို့လည်း ဦးအောင်ဆန်းဝင်းက ပြောပါတယ်။

RFA Burmese
http://www.rfa.org/burmese/



အင်ဒိုနီးရှားနိုင်ငံ အကြမ်းဖက်မှု တိုက်ဖျက်ရေးအထူးတပ်ဖွဲ့ ဝင်များအားတွေ့ ရစဉ်(ဓာတ်ပုံ-အင်တာနက်)
   ဂျကာတာ ၊ ဒီဇင်ဘာ ၁၅ ရက်(ဆင်ဟွာ)

    အင်ဒိုနီးရှားနိုင်ငံ အကြမ်းဖက်မှုတန်ပြန်တိုက်ခိုက်ရေး အမှတ် (၈၈) အထူးထောက်လှမ်းရေးတပ်ဖွဲ့သည် အင်ဒိုနီးရှားသမ္မတနန်းတော်ကို ဗုံးခွဲတိုက်ခိုက်ရန် ကြံစည်သည့် အကြံဖက်အုပ်စုတစ်ခု နှင့် ပတ်သက်နေသည်ဟု သံသယရှိသူ နှစ်ဦးကို ယနေ့ (ဒီဇင်ဘာလ ၁၅ ရက်)တွင် ဖမ်းဆီးလိုက်ကြောင်းသိရသည်။

အဆိုပါ သံသယတရားခံ ဇနီးမောင်နှံ နှစ်ဦးကို အနောက်ဂျာဗားပြည်နယ် Tasikmalaya မြို့ ရှိ ၄င်းတို့ ငှားရမ်းနေထိုင်သည့် နေအိမ်၌ ဒီဇင်ဘာ၁၅ ရက် နံနက်ပိုင်းတွင် ဖမ်းဆီးလိုက်ခြင်းဖြစ်သည်။ TS ဟု နာမည်အတိုကောက် မှည့်ခေါ်ထားသော ဇနီးဖြစ်သူမှာ အမျိုးသမီးအသေခံဗုံးခွဲသမား(DYN)တစ်ဦးဖြစ်ပြီး ဂျီဟတ် ဘာသာရေးစစ်ပွဲအတွက်  သက်ဝင်ယုံကြည်နေသူ တစ်ဦးဖြစ်ကြောင်း သိရသည်။ထို့ ပြင် TS သည် အသေခံဗုံးခွဲသမားအဖြစ် စတင်မိတ်ဆက်ဆောင်ရွက်သူ တစ်ဦးလည်းဖြစ်နေပြီး ၄င်းအုပ်စုအတွင်း ပါဝင်သည်ဟု သံသယရှိသူ အခြားတစ်ဦးကို ရဲတပ်ဖွဲ့ က ဒီဇင်ဘာလ ၁ဝ ရက်နံနက်အစောပိုင်းက ဖမ်းဆီးခဲ့သည်။

“ TS ဟာ အင်ဒိုနီးရှားသမ္မတနန်းတော်ကို ဗုံးခွဲဖို့ ကြံစည်နေတဲ့ တက်ကြွလှုပ်ရှားသူတွေထဲမှာပါတဲ့ တစ်ယောက်ပါ ” ဟုအင်ဒိုနီးရှားနိုင်ငံ ရဲဌာနချုပ် ပြောခွင့်ရပုဂ္ဂိုလ် Boy Rafly Amar က ဆိုသည်။ ၄င်း၏ခင်ပွန်းဖြစ်သူ HG  နှင့်ပတ်သက်၍ ရဲတပ်ဖွဲ့ က စုံစမ်းစစ်ဆေးလျက်ရှိကြောင်းသိရသည်။အင်ဒိုနီးရှားရဲတပ်ဖွဲ့ သည်  ပြီးခဲ့သော ဒီဇင်ဘာလ ၁၀ ရက် နှင့် ၁၁ ရက်များတွင် အကြမ်းဖက်သမားအဖြစ် သံသယရှိသူ ၇ ဦးကို ဖမ်းဆီးခဲ့ကြောင်း ၊  လေးဦးမှာ ဂျကာတာမြို့ မှ ဖြစ်ပြီး ၊ သုံးဦးမှာ Klaten  နှင့် Ngawi မြို့ များမှ ဖြစ်ကြောင်းသိရသည်။၎င်းသံသယရှိသူများအနက် သုံးဦးမှာ DYN ဖြင့် ဒီဇင်ဘာလ ၁၆ ရက်တွင် သမ္မတနန်းတော်ကို အင်အားပြင်း ဗုံးဖောက်ခွဲရန် ကြံစည်ထားကြောင်းသိရသည်။

(Xinhua)
http://www.xinhuamyanmar.com


Eleven Media Group ၏ CEO ဒေါက်တာသန်းထွဋ်အောင် နှင့် အယ်ဒီတာချုပ်ဦးဝေဖြိုးတို့အား တာမွေမြို့နယ်တရားရုံးတွင် တတိယအကြိမ်မြောက် ဒီဇင်ဘာ ၁၅ ရက်နေ့ နံနက်ပိုင်းက ရုံးထုတ်စစ်ဆေးခဲ့သည်။

ဒေါက်တာသန်းထွဋ်အောင်သည် တရားရုံးသို့ လူနာတင်ယာဉ်ဖြင့် လာရောက်၍ လူနာတင်လက်တွန်းလှည်း (Wheelchair) ဖြင့် ရောက်ရှိလာခဲ့သည်။ ပြီးခဲ့သည့် ဒီဇင်ဘာ ၉ ရက်နေ့က ဒုတိယအကြိမ် ရုံးထုတ်ရာတွင် ဒေါက်တာသန်းထွဋ်အောင်၏ ကျန်းမာရေး အခြေအနေကြောင့် ဒုတိယအကြိမ်မြောက် ဆေးအာမခံလျှောက်ထားခဲ့ရာတွင် အကျဉ်းထောင်ဆရာဝန်အား စစ်ဆေးမေးမြန်းမည်ဟုဆိုကာ အာမခံကို ပယ်ချခဲ့သည်။


ယနေ့ ရုံးထုတ်တွင် ဆေးအာမခံအတွက် အကျဉ်းထောင်ဆရာဝန်အား စစ်ဆေးမည်ဖြစ်သော်လည်းထောင်ဆရာဝန်လာရောက်ခြင်းမရှိကြောင်း၊ အင်းစိန်အကျဉ်းထောင်တွင် အကျဉ်းသားများပြားနေသည့်အတွက် ထောင်ဆရာဝန်မှ တရားရုံးသို့လာရောက်ထွက်ဆိုနိုင်ခြင်း မရှိကြောင်း၊ တရားသူကြီးမှ သိရှိလိုသောအချက်များကို စာဖြင့်မေးမြန်းနိုင်ကြောင်း ထောင်ဆရာဝန်မှ သက်သေ ကင်းလွှတ်ခွင့်လျှောက်ထားခဲ့ကြောင်း ဒေါက်တာသန်းထွဋ်အောင်နှင့် ဦးဝေဖြိုးတို့၏ ရှေ့နေဖြစ်သူ တရားလွှတ်တော်ရှေ့နေ ဦးကြီးမြင့်က ပြောသည်။ အမှုကို ဒီဇင်ဘာ၂၂ ရက်နေ့သို့ ထပ်မံချိန်းဆိုထားကြောင်း သိရသည်။

လင်းလင်းအောင်
News Watch
https://www.facebook.com/NewsWatchJournal/



နိုင်ဂျီးရီးယား တပ်ဖွဲ့ဝင်များ၏ စစ်ဆင်ရေးများအတွင်း ဓားစာခံ ၆၀၅ဦးအား ကယ်ဆယ်နိုင်ခဲ့
    လာဂိ်ု့စ်၊ ဒီဇင်ဘာ ၁၅ရက် (ဆင်ဟွာ)

    နိုင်ဂျီးရီးယားနိုင်ငံ စစ်တပ်က မြေပြင်တပ်ဖွဲ့ဝင်များသည် မတူညီသော ကင်းလှည့်ဆောင်ရွက်မှုများအတွင်း ဆန်ဘီဆာတောအုပ်၌ ဘိုကိုဟာရမ်စစ်သွေးကြွများက ဓားစာခံအဖြစ် ဖမ်းဆီးထားသည့် လူ ၆၀၅ဦးအား ကယ်ဆယ်နိုင်ခဲ့ကြောင်း ဒီဇင်ဘာ ၁၄ရက်ကပြောကြားခဲ့သည်။

Lafiya Dole စစ်ဆင်ရေး တပ်မှူး Lucky Irabor က ဒီဇင်ဘာ ၇ မှ ဒီဇင်ဘာ ၁၄ရက်နေ့အထိပြုလုပ်ခဲ့သည့် စစ်ဆင်ရေးများ၌ အရွယ်ရောက်ပြီးအမျိုးသား ၆၉ဦးနှင့် အမျိုးသမီး ၁၈၀ဦး၊ အရွယ်မရောက်သေးသည့် ယောကျာ်းလေး ၂၂၇ဦး နှင့် မိန်းကလေး ၁၂၉ဦးအား ကယ်ဆယ်နိုင်ခဲ့ကြောင်း တည်ငြိမ်မှုမရှိသေးသည့် နိုင်ဂျီးရီးယားနိုင်ငံ အရှေ့မြောက်ပိုင်း ဘော်နိုပြည်နယ်မြို့တော် မိုင်ဒူဂူရီမြို့တွင် ပြုလုပ်သည့် သတင်းစာရှင်းလင်းပွဲတစ်ခု၌ပြောကြားခဲ့သည်။

၎င်းက ကယ်ဆယ်လာသည့် ဓားစာခံများအား နောက်ထပ်စုံစမ်းစစ်ဆေးမှုများ နှင့် စစ်ကြောမေးမြန်းမှုများ ပြုလုပ်နိုင်ရန် ထိန်းသိမ်းစောင့်ရှောက်ထားကြောင်း ပြောကြားခဲ့သည်။

နိုင်ဂျီးရီးယားတပ်ဖွဲ့ဝင်များ က ဒေသတစ်လျှောက် ပြုလုပ်ခဲ့သည့် မတူညီသော စစ်ဆင်ရေးများအတွင်း စစ်သွေးကြွအရေအတွက်များစွာ ချေမှုန်းနိုင်ခဲ့ပြီး ဓားစာခံများကိုလည်း ကယ်ဆယ်နိုင်ခဲ့ကာ ဧရိယာတော်တော်များများကိုလည်း ရှင်းလင်းနိုင်ခဲ့ကြောင်း သိရသည်။

နိုင်ဂျီးရီးယားနိုင်ငံ ၏ အရှေ့မြောက်ပိုင်းဒေသအား ဘိုကိုဟာရမ်အစွန်းရောက်အဖွဲ့က အခိုင်အမာ ခြေကုပ်ယူထားခဲ့ပြီး လွန်ခဲ့သည့် လများ၌ နိုင်ဂျီးရီးယားအစိုးရက အစွန်းရောက်များ၏ ခြိမ်းခြောက်မှုအား အဆုံးသတ်ရန် စစ်ဆင်ရေးများစွာပြုလုပ်ခဲ့ကြောင်း သိရသည်။

(Xinhua)
http://www.xinhuamyanmar.com


၂၀၁၆ ခုနှစ်အတွက် ကမ္ဘာမှာ သြဇာအရှိဆုံးပုဂ္ဂိုလ်အဖြစ် Forbes မဂ္ဂဇင်းက ရုရှားသမ္မတ Vladimir Putin ကို ရွေးချယ်လိုက်ပါပြီ။ ဒီတကြိမ်နဲ့ဆိုရင် ၄ နှစ်ဆက်တိုက် ရွေးချယ်ခံခဲ့ရတာလည်း ဖြစ်ပါတယ်။

ဗုဒ္ဓဟူးနေ့က ထုတ်ပြန်လိုက်တဲ့ စာရင်းမှာတော့ - အမေရိကန်ပြည်ထောင်စုရဲ့ ရွေးကောက်ခံ သမ္မတ Donald Trump က ဒုတိယနေရာမှာ ရှိနေပါတယ်။

ရုရှားသမ္မတဟာ သူ့တိုင်းပြည်ရဲ့ သြဇာအရှိန်အ၀ါကို ကမ္ဘာတ၀ှမ်းက နေရာတိုင်းလိုလိုမှာ ဖြန့်ကျက်နိုင်ခဲ့တယ်လို့လည်း Forbes စီးပွားရေး မဂ္ဂဇင်းကြီးက ဖော်ပြခဲ့တာ ဖြစ်ပါတယ်။ အသက် ၆၄ နှစ်အရွယ် သမ္မတ Putin အနေနဲ့ သူလိုချင်တာကို ရအောင်ယူနိုင်ဆဲ ဖြစ်သလို၊ ကမ္ဘာတ၀ှမ်းက အစဉ်အလာစံတန်ဘိုးတွေနဲ့ ထိန်းချုပ်နိုင်လို့ မရခဲ့ဘဲ - မကြာသေးခင်နှစ်တွေအတွင်း သြဇာအရှိန်အ၀ါ ပိုမို ကြီးမားလာခဲ့တယ် လို့လည်း Forbes မဂ္ဂဇင်းက ဆိုပါတယ်။

သမ္မတ Putin အနေနဲ့ ထိပ်ဆုံးနေရာကို ထိန်းထားတဲ့ တချိန်တည်းမှာပဲ - ရွေးကောက်ခံ အမေရိကန်သမ္မတ Trump ကလည်း မနှစ်က နံပါတ် ၇၂ နေရာမှာ ရှိခဲ့ရာကနေ ဒီနှစ်မှာ နံပါတ် ၂ နေရာအထိ အကြီးအကျယ် ရှေ့တန်းရောက်လာခဲ့တာပါ။ ဒီလိုရှေ့တန်းရောက်လာရတဲ့ အကြောင်းရင်း ကတော့ - ချမ်းသာကြွယ်ဝမှုနဲ့ လွှတ်တော် ၂ ရပ်စလုံးကို သူ့ရဲ့ Republican ပါတီထံကနေ ရရှိထားရုံသာမက၊ အရှုပ်တော်ပုံတွေရဲ့ဒဏ်ကို ခံနိုင်ရည်ရှိတဲ့အတွက် ဖြစ်တယ်လို့လည်း Forbes မဂ္ဂဇင်းက ဖော်ပြပါတယ်။ ဂျာမန်ဝန်ကြီးချုပ် Angela Merkel ကတော့ ကမ္ဘာ့သြဇာအရှိဆုံး လူပုဂ္ဂိုလ်စာရင်းထဲ တတိယနေရာမှာရှိခဲ့ပြီး၊ တရုတ်သမ္မတ Xi Jinping က စတုတ္ထနေရာနဲ့ ပုပ်ရဟန်းမင်းကြီး Francis က ပဉ္စမနေရာမှာ ရှိခဲ့ပါတယ်။ မကြာခင် အနားယူတော့မယ့် အမေရိကန်သမ္မတ ဘရက်ခ် အိုဘားမားကတော့ မနှစ်က ဒုတိယနေရာမှာ ရှိခဲ့ရာကနေ ဒီနှစ်မှာတော့ နံပါတ် ၄၈ နေရာထိ ကျဆင်းသွားခဲ့ပါတယ်။

ဗွီအိုအေ (မြန်မာပိုင်း)
http://burmese.voanews.com



စစ်ဒဏ်ခံ အလက်ပို
ဆီးရီးယားမှာ သူပုန်တွေ သိမ်းထားတဲ့ အလက်ပို အရှေ့ပိုင်းက ဆုတ်ခွာဖို့ သဘော တူညီမှု အသစ်ရပြီလို့ သူပုန်တွေက ကြေညာ လိုက်ပါတယ်။

ဒီအတွက် ဆီးရီးယား အနောက်မြောက်ပိုင်း ရှီအာ ရွာ ၂ ရွာ က ဒဏ်ရာရတဲ့ အရပ်သားတွေကို သူပုန်တွေက ဆုတ်ခွာခွင့် ပေးရမှာပါ။

ကနေ့ မနက် လင်းအားကြီးကစပြီး သူပုန်တွေနဲ့ အရပ်သားတွေ ထွက်ခွင့်ရမယ်လို့ မျှော်လင့်ကြောင်း သူပုန်တွေက ဆိုပါတယ်။

ဒါပေမဲ့ ဆီးရီးယား အစိုးရ ဘက်သား ဟဇ်ဘိုလာ ပြောက်ကြားတွေက ဒီလို သဘောတူညီမှု ရတယ် ဆိုတာကို ငြင်းဆိုပြီး ရှုပ်ထွေးမှုတွေ ရှိတယ်လို့ပဲ ဆိုပါတယ်။

အင်္ဂါနေ့က ရခဲ့တဲ့ အပစ်ရပ်စဲရေးကလည်း ဆီးရီးယား အစိုးရ နဲ့ အီရန်ဘက်က ကန့်ကွက်မှုတွေကြားက ခဏနဲ့ ပျက်ပြားသွားခဲ့ပါတယ်။

ဒီနောက် နောက်ထပ် ဗုံးကြဲတိုက်ခိုက်မှုတွေ ဖြစ်ပွားပြီး အစိုးရ ဘက်က အသာစီးရလာခဲ့ပါတယ်။

အစိုးရ အရာရှိတွေ ပြောကြားချက် အရ အရပ်သား တသောင်းငါးထောင် ခန့် ကို ဘေးလွတ်ရာ ထွက်ခွာခွင့် ပြုမယ် လို့ ဆိုပါတယ်။

မည်သို့ဆိုစေ အမေရိကန် အစိုးရ က အပစ်ရပ် သဘောတူညီချက် အမြန်ဆုံး ပေါ်ပေါက်ဖို့ အတွက် နိုင်ငံခြားရေး ဝန်ကြီး ဂျွန်ကယ်ရီ၊ ရုရှ၊ တူရကီ နဲ့ ကာတာ နိုင်ငံခြားရေး ဝန်ကြီး တွေ ကို တိုက်တွန်းပြောကြားကြောင်း နိုင်ငံခြားရေး ဌာန ပြောခွင့်ရ အရာရှိ ဂျွန်ကာဘီ က ပြောပါတယ်။

မစ္စတာ ကယ်ရီ ထောက်ပြတဲ့ အချက် ကတော့ သွေးထွက်သံယို ဖြစ်နေမှု တွေ နဲ့ အကြမ်းဖက် တိုက်ခိုက်နေမှု တွေ ရပ်ဆိုင်ဖို့ အတွက် စစ်မှန်တဲ့ အပစ်ရပ် သဘောတူညီချက် ထွက်ပေါ်လာဖို့ အရေးကြီးကြောင်း နဲ့ မနေ့ က အပစ်ရပ် ပျက်ပြယ် သွားစေခြင်း ကိုလည်း အားပေး အားမြှောက် ပြုသူတွေ ရှိနေတာ ကို ပြောခဲ့ ကြောင်း ရှင်းပြတာပါ။

BBC Burmese
http://www.bbc.com/burmese