12/22/16

သြဂုတ်လ နောက်ပိုင်းက စပြီး ဆီးရီးယားမှာ ဝင်တိုက်နေတဲ့ တူရကီ စစ်တပ်

IS အစ္စလာမ္မစ် နိုင်ငံတပ်က စစ်သွေးကြွတွေနဲ့ တိုက်ခိုက်ရင်း တူရကီ စစ်သား ၁၄ ယောက် ဆီးရီးယား မြောက်ပိုင်းက al-Bab မြို့နားမှာ ကျဆုံးတယ်လို့ တူရကီ စစ်တပ်က ပြောကြား ပါတယ်။

ဒီမြို့ဟာ IS တွေ ထိန်းချုပ် ထားတဲ့ မြို့ပါ။

သြဂုတ်လ နောက်ပိုင်းက စပြီး ဆီးရီးယားမှာ ဝင်တိုက်နေတဲ့ တူရကီ စစ်တပ် အဖို့ ဒါဟာ တရက်အတွင်း အထိအခိုက် အကျအဆုံး အများဆုံး လို့ ပြောလို့ ရပါတယ်။

တူရကီ သမ္မတ ရီဂျပ် တာဒိုဝမ် ကတော့ IS တွေ လက်က မြို့ပြန်သိမ်းနိုင်ဖို့ တူရကီ က ကူတိုက်ပေးနေတယ်လို့ ပြောပါတယ်။

al-Bab ကို ဆီးရီးယား လွတ်မြောက်ရေး တပ်နဲ့ ကျနော်တို့တပ်တွေက လုံးဝ ထိန်းချုပ် နေနိုင်ပါပြီ။ IS တွေ ကတော့ သူတို့ အသက်ဘေး အတွက် ကျားကုပ်ကျားခဲ တိုက်နေရတာပါလို့ တူရကီ သမ္မတ တာဒိုဝမ်က ဆိုပါတယ်။

စစ်သွေးကြွ ၁၃ဝ ကျော်ကို သုတ်သင်နိုင်ခဲ့တယ်လို့လည်း တူရကီ ဘက်က ပြောကြား ပါတယ်။

နယ်စပ်နဲ့ ၁ဝ မိုင်ကျော်ပဲ ဝေးတဲ့ ဒီမြို့ကို ဂျီဟတ်ဝါဒီတွေ လက်က ပြန်လည် သိမ်းပိုက်ဖို့ တူရကီ ဘက်က ဆီးရီးယား သူပုန်တွေနဲ့ အတူ ၃ လ ကြာ ထိုးစစ်ဆင် တိုက်ခိုက်နေတာ ဖြစ်ပါတယ်။
BBC Burmese


အင်မရီ အင်းနစ်ရဲ့ ဓာတ်ပုံကို ဥရောပ ရဲအဖွဲ့တွေဆီကို ပိုံထားပါတယ်။
ဂျာမနီမှာ တနင်္လာနေ့က ဘာလင်မြို့က ခရစ္စမတ်ဈေးတန်းထဲ ဝင်တိုက်ခဲ့တဲ့ လော်ရီကားထဲမှာ တွေ့ရတဲ့ အထောက်အထား စာရွက်စာတန်းတွေအရ တူနီးရှားလူမျိုး တစ်ယောက်ကို လိုက်ရှာနေတယ်လို့ ရဲတွေက ပြောပါတယ်။

လော်ရီကားအတွင်းခန်းထဲမှာ တွေ့ရတဲ့ ယာယီနေထိုင်ခွင့် လက်မှတ်အရ လိုက်ရှာခံရသူဟာ အသက် ၂၄ နှစ်အရွယ် အဲနစ် အေ ဆိုသူဖြစ်တယ်လို့ သိရပါတယ်။

သူဟာ ဂျာမနီမှာ ခိုလှုံခွင့်တောင်းခံထားသူ ဖြစ်ပြီး အရင်တုန်းကလည်း စာရွက်စာတန်းအတု ကိုင်ဆောင်မှုနဲ့ အဖမ်းခံခဲ့ဖူးတယ်လို့ သိရပါတယ်။

နောက်တစ်ခါ သူနဲ့ အဆက်အသွယ်ရှိသူတွေထဲမှာ အိုင်အက်စ်အဖွဲ့ကို ထောက်ခံသူတွေလည်း ပါဝင်နိုင်တယ်လို့ ရဲတွေက သံသယရှိကြပါတယ်။

ရဲဖက်ကတော့ သဲလွန်စပေါင်းရာနဲ့ချီ ရထားပြီး ၂၄ နာရီ ပတ်လုံး မနားမနေ စုံစမ်းဖော်ထုတ်နေပါတယ်လို့ ဘာလင် ရဲဌာနပြောခွင့်ရ Thomas Neuendorf ကဆိုပါတယ်။

ဈေးတန်းထဲ ဝင်တိုက်ခဲ့တဲ့အတွက် လူပေါင်း ၁၂ ဦးသေဆုံးခဲ့ပါတယ်။

ပြည်ထဲရေးဝန်ကြီး တောမတ်ဒီမီဇီးယားကတော့တရားခံကို မကြာခင်ဖမ်းမိမယ်လို့ ယုံကြည်ကြောင်း ပြောပါတယ်။ ခရစ္စမတ်ပွဲတော်ကာလအတွင်း လုံခြုံရေးတိုးမြှင့်ထားမှာဖြစ်ပေမယ့် ပုံမှန် သွားလာကြဖို့ သူက တိုက်တွန်းထားပါတယ်။

ဒီဇင်ဘာလ ၂၁ ရက်နေ့က ပြုလုပ်ခဲ့တဲ့ ဂျာမန်ဝန်ကြီးများအဖွဲ့ အစည်းအဝေးမှာ နိုင်ငံတွင်း လူအများ သွားလာကြတဲ့ နေရာတွေမှာ ဗီဒီယိုကင်မရာတွေတပ်ထားပြီး စောင့်ကြည့်မယ့် အစီအစဉ်ကို သဘောတူခဲ့ကြပါတယ်။

BBC Burmese
http://www.bbc.com/burmese


၂၀၁၆ ခုနှစ်။ ဒီဇင်ဘာလ ၂၁ ရက်။

ရှမ်းပြည်နယ် မြောက်ပိုင်း၊ နမ္မတူမြို့နယ်၊ မန်တုံမြို့နယ်နှင့် သီပေါမြို့နယ်တို့တွင် တအာင်း(ပလောင်) အမျိုး သား လွတ်မြောက်ရေးတပ်မတော် (PSLF/TNLA) နှင့် ရှမ်းပြည်ပြန်လည်ထူထောင်ရေး ကောင်စီ/ရှမ်းပြည် တပ်မတော် တောင်ပိုင်း (RCSS/SSA) တို့အကြား တိုက်ပွဲများ ဖြစ်ပွားနေသည့်အတွက် ဒေသခံများ စစ်ဘေး လွတ်ရာ ထွက်ပြေး တိမ်းရှောင်နေကြသည်ဟု သိရသည်။

နမ္မတူမြို့နယ်အတွင်းရှိ ပန်လုံဒေသတွင် ဖြစ်ပွားနေသော တိုက်ပွဲများကြောင့် ဒေသခံရွာသားများ မန်ဆာ ဒေသနှင့် သီပေါဘက်သို့ ထွက်ပြေးတိမ်းရှောင်နေကြသည်ဟု နမ္မတူမြို့နယ်က ဒေသခံတစ်ဦးက ပြောသည်။

“ဖြစ်တာကတော့ နမ္မတူကနေသွားရင် မိုင် ၃၀ လောက်ရှိမယ်၊ ပန်လုံဆိုတဲ့ ရွာဘက်မှာ ဖြစ်တယ်။ ဒေသခံရွာ သားတွေ အကုန်လုံးက မန်ဆာဘက်ကို ထွက်ပြေးလာကြတယ်။ မန်စံနဲ့ပန်လုံနဲ့ကျတော့ ၁၄ မိုင်လောက်ပဲ ရှိ မယ်ထင်တယ်။ သီပေါဘက်ကိုလည်း တချို့ထွက်ပြေးနေကြတယ်တဲ့။ ကျမတို့ နမ္မတူဘက်ကိုတော့ မရောက် လာကြဘူး။” ဟု နမ္မတူမြို့မှ ဒေသခံတစ်ဦးက ပြောသည်။

နမ္မတူမြို့နယ်ထဲတွင်လည်း ဒီဇင်ဘာလဆန်းပိုင်းလောက်ကစတင်ပြီး ထောင်နှင့်ချီသော ဒုက္ခသည်များ ထွက် ပြေးခိုလှုံနေကြရပြီး ဒီကနေ့အချိန်ထိ နေရပ်မပြန်နိုင်သေးပဲ အရပ်ဘက်အဖွဲ့အစည်းများ၊ ဘာသာရေး အဖွဲ့ အစည်းများ၏ အကူအညီများဖြင့် စားဝတ်နေရေးအတွက် ဖြေရှင်းနေကြရသည်ဟု နမ္မတူမြို့နယ်မှ ဒုက္ခသည် များအား ကူညီဆောင်ရွက်ပေးနေသူ တစ်ဦးက ပြောသည်။

“နမ္မတူမြို့မှာတော့ ပြီးခဲ့တဲ့ လေးငါးဆယ်ရက်လောက်က ထွက်ပြးလာကြတဲ့ နမ္မတူရဲ့ ဟိုးဘက် မိုင်းမော်ဘက်က ဆင်းလာတာတဲ့ ဒုက္ခသည်တွေများတယ်။ ကချင်တွေကျတော့ ကချင်ဘုရားကျောင်းတွေထဲမှာ၊ ပလောင်တွေကျ တော့ ပလောင်ရွာထဲမှာ၊ နောက်ရှမ်းတွေကျတော့ ဘုန်းကြီးကျောင်းထဲမှာ၊ လီဆူတွေကျတော့ လီဆူရပ်ကွက်ရှိ တာပေါ့နော်၊ ရပ်ကွက် (၈) လေ၊ အဲ့ဒီမှာ။ သူတို့လည်း ပြန်လို့မရသေးဘူး။ ဘာသာရေးအဖွဲ့အစည်းတို့ အလှူရှင် တို့ သူတို့ကပဲ ကူညီပေးနေတာ။ အဲ့လိုမျိုးနဲ့ပဲ စားသောက်နေကြတာ။” ဟု နမ္မတူမြို့နယ်မှ ဒုက္ခသည် များအား ကူညီဆောင်ရွက်ပေးနေသူ တစ်ဦးက ပြောသည်။

သီပေါမြို့နယ်၊ ပန်လန်းကျေးရွာနှင့် မန်လွယ်ကျေးရွာကြားတွင်လည်း TNLA နှင့် RCSS တပ်တို့အကြား ဒီဇင် ဘာလ ၂၁ ရက်နေ့တွင် နှစ်ဖက်ရင်ဆိုင်တိုက်ပွဲ ထပ်မံဖြစ်ပွားခဲ့သည်ဟု တအာင်း(ပလောင်) အမျိုးသား လွတ် မြောက်ရေးတပ်မတော် (PSLF/TNLA) ၏ သတင်းနှင့်ပြန်ကြားရေး တာဝန်ခံ ဗိုလ်မှူးမိုင်းအိုက်ကျော် က ပြော သည်။

“မနေ့ တနေ့ကတော့ သုံးနေရာလောက် ဖြစ်တယ်။ သီပေါမြို့နယ်၊ ထန်စန့်အထက်နားမှာ နှစ်နေရာ၊ သီပေါမြို့ နယ် အထက်မှာပဲ မန်လွယ်ကျေးရွာမှာ တစ်နေရာ၊ သုံးနေရာဖြစ်တယ်။ မနေ့ကတော့ နမ္မတူမြို့နယ် ပန်လုံ ကျေးရွာနဲ့ မန်ဆာကျေးရွာနားမှာဖြစ်တယ်။ ဒီနေ့လည်း ပြန်ဆက်ဖြစ်တယ်။ သီပေါမြို့နယ် မန်လွယ်နားမှာ ပြန်ဆက်ဖြစ်တယ်။ တိုက်ပွဲကတော့ (၃) ရက် ဆက်တိုက်ဖြစ်တာပေါ့နော်။ ဒီ RCSS နဲ့။” ဟု ဗိုလ်မှူး မိုင်းအိုက် ကျော်က ပြောသည်။

အလားတူ မြန်မာအစိုးရ တပ်မတော်နှင့် တအာင်းလက်နက်ကိုင်တပ်ဖွဲ့(TNLA) တို့အကြား မန်တုံမြို့နယ် အတွင်း နှစ်ဖက်ရင်ဆိုင် တိုက်ပွဲဖြစ်ပွားခဲ့ပြီး အစိုးရတပ်မတော်မှ ဂျက်တိုက်လေယာဉ်နှစ်စင်းဖြင့် လာရောက် ပစ်ခတ်ခဲ့သည်ဟု PSLF/TNLA သတင်းနှင့် ပြန်ကြားရေး ဌာနက ဒီဇင်ဘာလ ၂၁ ရက်နေ့ ညက ထုတ်ပြန်ခဲ့ သည်။

ရှမ်းပြည်နယ် မြောက်ပိုင်းတွင် ဖြစ်ပွားနေသော တိုက်ပွဲများကြောင့် ထောင်နှင့်ချီသော ဒေသခံများ စစ်ဘေး လွတ်ရာ ထွက်ပြေးတိန်းရှောင် နေကြရသည့်အပြင် တိုက်ပွဲများ ဆက်လက်ဖြစ်ပွားနေမည်ဆိုပါက လာမည့်နှစ် စားဝတ်နေရေးအတွက်ပါ ထိခိုက်လာနိုင်သည်ဟု နမ္မတူမြို့နယ်က ဒေသခံ က ဆက်ပြောသည်။

“ဒုက္ခအရမ်းရောက်တယ်။ အသွားအလာကလည်း မသွားရဲမလာရဲကြတော့ဘူး။ အခုက ကိုယ့်ခြံထဲက အသီးအနှံ တွေလည်း မသိမ်းရဘူး။ အခုက စပါးတောင် ကောင်းကောင်းမသိမ်းရသေးဘူး။ ဒီလလိုမျိုးနဲ့ နောက်လက ကျမ တို့ဒီဖက်ကလူတွေက တောင်ယာတွေခုတ်ထားကြတာလေ။ အဲ့မှ တပေါင်းလလောက်မှ မီးရှို့လို့ရတာလေ။ မီးရှို့ ပြီးမှ လာမယ့်နှစ်အတွက် ပြောင်းတို့ စပါးတို့ထည့်ရတာလေ။ ရှေ့ဆက်ပြီး တိုက်ပွဲတွေဖြစ်နေမယ်ဆိုရင် ဒီအချိန် မှာ မလုပ်ရဘူးဆိုရင် နောက်နှစ်ရဲ့ စားဝတ်နေရေးက တော်တော်အားယူရမယ်။ အရမ်းခက်ခဲမှာ။ လောလော ဆယ် ထမင်းတနပ်အတွက်ကတော့ ဖြေရှင်းလို့ရတာပေါ့နော်။” ဟု နမ္မတူမြို့နယ်က ဒေသခံ က ဆက်ပြော သည်။

ရှမ်းပြည်နယ် မြောက်ပိုင်းအတွင်း တအာင်း(ပလောင်) အမျိုးသားလွတ်မြောက်ရေးတပ်မတော် (TNLA)နဲ့ ရှမ်းပြည်ပြန်လည်ထူထောင်ရေးကောင်စီ/ရှမ်းပြည်တပ်မတော် တောင်ပိုင်း(RCSS/SSA) တို့ကြား ယခု ရက်ပိုင်းအတွင်း တိုက်ပွဲများ ဆက်တိုက်ဆိုသလို ဖြစ်ပွားလျက်ရှိပြီး ဒေသခံပြည်သူများမှာ နီးစပ်ရာ ကျေးရွာ များသို့လည်းကောင်း၊ မြို့နယ်များသို့လည်းကောင်း စစ်ဘေးရှောင်များအဖြစ် တိမ်းရှောင်ခိုလှုံ နေကြရသည်။

သတင်းနှင့်မီဒီယာ ကွန်ရက်။
http://www.nmg-news.com


၂၀၁၆ ခုနှစ်။ ဒီဇင်ဘာလ ၂၁ ရက်။

ကချင်လွတ်လပ်ရေးတပ်မတော်(KIO/KIA) ဌာနချုပ် လိုင်ဇာအနီးနှင့် ဂိဒေါင်စခန်းကုန်အနီးရှိ လိုင်ဖောင် KIA တပ်စခန်း တဝှိုက်အား အစိုးရတပ်မတော်မှ မြေပြင်ထိုးစစ်များအပြင် လေယာဉ်များဖြင့် လာရောက်ပစ်ခတ်မှု များရှိနေသည်ဟု သိရသည်။

တိုက်လေယာဉ် လေးစင်းဖြင့် ဒီဇင်ဘာ ၂၁ ရက်နေ့ မနက်ပိုင်းတွင် လိုင်ဖောင် KIA တပ်စခန်းတဝှိုက်အား အစိုး ရ တပ်မတော်မှ လာရောက်ပစ်ခတ်ခဲ့သည်ဟု ဒေသခံတစ်ဦးက ပြောသည်။

“တိုက်ပွဲကတော့ ဒီနေ့က လိုင်ဖောင်ဘက်မှာ ဖြစ်နေတယ်။ လိုင်ဖောင်ဆိုတာ ဂိဒေါင်နဲ့ သိပ်မဝေးပါဘူး။ အဲ့မှာ လေယာဉ်လေးစင်းပေါ့။ မြေပြင်တပ်ကတော့ ၂ ကြိမ်ထိုး၊ ၂ ကြိမ်ကျသွားတယ်လို့ ပြောတာပဲ။ နောက်တခါ မုန် လိုင် ခက်ဘက်က ဒုက္ခသည်စခန်းနားတွေ နောက်တခါ အလန့်ဘွမ်တွေ အဲ့မှာတွေ လက်နက်ကြီးတွေ ကျ တယ်။” ဟု ဒေသခံတစ်ဦးက ပြောသည်။

လိုင်ဖောင်စခန်းအနီးတွင် စစ်ရှောင်ဒုက္ခသည်စခန်းများတည်ရှိပြီး အဆိုပါတိုက်ပွဲများကြောင့် စခန်းအတွင်းရှိ ဒုက္ခသည်များ စိုးရိမ်နေသည်ဟု သိရသည်။

ကချင်ပြည်နယ်အတွင်း လတ်တလော ဖြစ်ပွားနေသည့် တိုက်ပွဲများနှင့် ပတ်သက်၍ ကချင်ငြိမ်းချမ်းရေး အကျိုး ဆောင် အဖွဲ့ (PCG)မှ ဦးဆမ်အောင်က ယခုလိုပြောသည်။

“တလောတုန်းကတော့ ဂိဒေါင်စခန်းကို သူတို့ရလိုက်တယ်။ ဆက်ပြီးတော့ လိုင်ဖောင်းစခန်းဘက်ကို ထိုးစစ် ဆင် နေတယ်လို့ ကျနော်သိရတယ်။ ပြီးရင် KIA တပ်မဟာ ၁ တပ်ရင်း-၄ ပေါ့၊ ရွာသားတွေရှိတဲ့နေရာလေ။ လေ ကြောင်းရော ကြည်းကြောင်းရောနဲ့ တိုက်နေတယ်လို့ သိရတယ်။ အသေးစိတ်အချက်အလက်တော့ မသိရဘူး။ ဒုက္ခသည်တွေလည်း တချို့ ဒီဖက် ဝိုင်းမော်ဘက်ကို ရောက်နေတာ ရှိတယ်။” ဟု ဦးဆမ်အောင် က ပြောသည်။

ကချင်ပြည်နယ်အတွင်း ဒီဇင်ဘာလ လယ်ပိုင်းမှစ၍ ယနေ့အချိန်ထိ ဖြစ်ပွားနေသော တိုက်ပွဲများကြောင့် အင်ဂျန်းယန်မြို့နယ်ဘက်မှ အိမ်ထောင်စု ၄၀ ကျော်လည်း ဝိုင်းမော်မြို့နယ်ရှိ ဒုက္ခသည်စခန်းများသို့ ထွက်ပြေး တိမ်းရှောင်လာသည်ဟု ငြိမ်းချမ်းရေးအကျိုးဆောင် ဦးဆမ်အောင်က ဆက်ပြောသည်။

“KIA တပ်မဟာ ၁ KIA ရဲ့ ရင်း-၄ ဧရိယာပေါ့၊ ရင်း-၄ ဧရိယာဆိုတော့ အင်ဂျန်းယန်မြို့နယ်။ မြစ်ကြီးနားရဲ့ မြောက်ဘက်ပေါ့။ မေခ မလိခ တြိဂံဒေသ အဲ့ဖက်လို့ ကျနော်သိရတယ်။ လေကြောင်းရော ကြည်းကြောင်းရောနဲ့ အသေးစိတ်တော့ မသိရပေမယ့် တလောတုန်းက လေယာဉ်နဲ့ပစ်လို့ အိမ်တွေ မီးလောင်ပါသွားတဲ့ မိသားစုတွေ ကတော့ ဝိုင်းမော်ဘက်မှာ အိမ်ခြေလေးဆယ်လောက် ရောက်နေတယ်လို့ သိရတယ်။” ဟု ဦးဆမ်အောင် က ပြောသည်။

အစိုးရတပ်မတော်မှ ကချင်ပြည်နယ်အတွင်းရှိ နေရာဒေသအသီးသီးသို့ တပ်အင်အားများ ဆက်လက် တိုးချဲ့ နေပြီး တိုက်ပွဲများ ပိုမိုပြင်းထန်လာနိုင်သည့်အတွက် လက်ရှိအစိုးရသစ်လုပ်ဆောင်နေသည့် ငြိမ်းချမ်းရေး လုပ် ငန်းစဉ်များအပေါ် များစွာထိခိုက်လာနိုင်သည်ဟု ဦးဆမ်အောင် က ဆက်ပြောသည်။

“တပ်အင်အားတွေကလည်း တောက်လျှောက် တိုးချဲ့နေတယ်လို့ သိရတယ်။ ထိုးစစ်တွေက ဆက်ဖြစ်နေတော့ ကျနော်တို့ ငြိမ်းချမ်းရေးကတော့ တော်တော်လေးကို အလှမ်းဝေးနေသလို မြင်နေရတယ် ခင်ဗျ။ ဒါကို နှစ်ဖက် စလုံးကလည်း ချင့်ချင့်ချိန်ချိန်လုပ်ဖို့ အရေးကြီးပါတယ်လို့။ ကျနော်တို့က တော့ ငြိမ်းချမ်းစေချင်တယ်။ ကျနော်က ပြည်သူလူထုဖြစ်တဲ့အတွက် တိုင်းပြည်ကို ငြိမ်းချမ်းစေချင်တယ်။ ငြိမ်းချမ်းတာ ဟန်ဆောင်ငြိမ်းချမ်းတာမျိုး မလို ချင်ဘူး။ စစ်ရေးဖြစ်လာမယ့်ဟာကို လုံးဝမလိုလားဘူး။ လက်ရှိ အနေအထားကတော့ ငြိမ်းချမ်းရေး အခြေအနေ ကတော့ အစိုးရရဲ့ ထိုးစစ်ဆက်သွားတယ် ရပ်ဆိုင်းတယ် ဆိုတဲ့အပေါ် အရမ်းမူတည်တယ်။” ဟု ဦးဆမ်အောင် က ဆက်ပြောသည်။

ကချင်လွတ်လပ်ရေးတပ်မတော် KIA ၏ အရေးပါသည့် ရှေ့တန်း တပ်စခန်းတခုဖြစ်သည့် ဂိဒေါင်ရှေ့တန်း စခန်းကိုလည်း အစိုးရတပ်မတော်မှ လေးလအကြာ ထိုးစစ်ဆင်ပြီးနောက် ဒီဇင်ဘာလ ၁၆ ရက်နေ့တွင် မြေပြင် ထိုးစစ်များအပြင် လေကြောင်း စစ်ဆင်ရေးဖြင့် လေယာဉ် ၂ စင်းအသုံးပြုပြီး ဗုံးကြဲ တိုက်ခိုက်ခဲ့သည့် အတွက် KIA မှ ဆုတ်ခွာပေးခဲ့ရသည်ဟု သိရသည်။

သတင်းနှင့်မီဒီယာ ကွန်ရက်။
http://www.nmg-news.com



ပဋိပက္ခတွေဖြစ်ခဲ့တဲ့ မောင်တောမြို့နယ်တွင်းဒေသတွေကို သတင်းသမားအချို့ သွားရောက် (MOI Webportal Myanmar)
အောက်တိုဘာလဆန်းနဲ့ နိုဝင်ဘာလအတွင်း ပဋိပက္ခတွေဖြစ်ခဲ့တဲ့ ရခိုင်မြောက်ပိုင်း မောင်တောမြို့နယ်တွင်းဒေသတွေကို သတင်းသမားအချို့ သွားရောက်ခွင့်ရခဲ့ပြီး၊ ဒေသခံတွေကိုရော သက်ဆိုင်ရာတာဝန်ရှိသူတွေကိုပါ တွေ့ဆုံမေးမြန်းခွင့်ရပါတယ်။ လက်နက်ကိုင်တွေအပေါ် စစ်ဆင်ရေးတွေမှာ လူ့အခွင့်အရေးချိုးဖောက်တာတွေရှိတယ်ဆိုတဲ့ စွတ်စွဲချက်တွေအပေါ် ဒေသခံတွေဖက်က ပြောဆိုမှုအမျိုးမျိုးဖြစ်နေတာကြောင့် အဖြစ်အပျက်မှန်ကို သုံးသပ်ပေးဖို့ အချိန်ယူရမယ်လို့ အဲဒီမှာ ပါသွားတဲ့ သတင်းစာဆရာ ဦးစည်သူအောင်မြင့်က ဗွီအိုအေကို ပြောပါတယ်။ ကိုထက်အောင်က ဆက်သွယ်မေးမြန်းထားတာပါ။

ကိုထက်အောင်။ ။သွားရောက်ခဲ့တဲ့ ခရီးစဉ်အကြောင်းလေး အကြမ်းဖျင်းလေး ပြောပြပေးပါခင်ဗျ။

ဦးစည်သူအောင်မြင့်။ ။ ပထမဦးဆုံး နယ်ခြားစောင့်ရဲတပ်ဖွဲ့ဌာနချုပ်ရုံးရှိတဲ့ ကျီးကန်းပြင်စခန်းကိုပေါ့နော် အဲဒီဌာနချုပ်ကိုရောက်တယ်၊ အဲဒီဌာနချုပ်မှာ ရဲမှူးချုပ် စန်းလွင် သူကိုယ်တိုင် သတင်းမီဒီယာ သမားတွေကို ဖြေပေးပြီးတော့မှ အဓိကဖြစ်စဉ်က အဲဒီမှာဖြစ်ခဲ့တာဆိုတဲ့အခါကျတော့ အဲဒီဖြစ်စဉ်ဖြစ်ခဲ့တဲ့ နေရာတွေကိုလည်း သူကိုယ်တိုင်လိုက်ပြပြီးတော့မှ ဘယ်ကနေပြီးတော့မှ ၀င်လာတယ်၊ ဘယ်နေရာတွေမှာဆိုရင် ရဲတပ်ဖွဲ့ဝင်တွေကျတယ်၊ လက်နက်တိုက်က ဘယ်နားမှာ၊ ဘာအားနည်းချက်ရှိတယ်ဆိုတာတွေ အကုန်လုံး သူရှင်းပြတယ်။ အဲဒါပြီးတော့မှ ဆက်ပြီးတော့ သွားတယ်။ ၀ါးပိတ်ရွာ မီးလောင်ထားတဲ့ လူတွေရှိတဲ့နေရာတွေကိုလည်း ရောက်တယ်၊ ရွာတွေကိုလည်း ရောက်တယ်၊ ပြီးတော့မှ လူမျိုးစုံပေါင်းတဲ့ ရွာတွေကိုလည်း ရောက်တယ်။ ရွာအားလုံးပေါင်း ၃ ရွာပေါ့နော်။ ပြီးတော့မှ ငါးခူရ တိုက်ခိုက်ခံရတဲ့ ရဲတပ်ဖွဲ့စခန်းပေါ့ အဲဒီစခန်းကိုလည်းရောက်တယ်၊ ငါးခူရ ရွာကိုလည်းရောက်တယ် ဒီနေ့ အကြမ်းဖျင်းကတော့ အဲဒါပါပဲ။

ကိုထက်အောင်။ ။ဒီနေ့ဆရာတို့သွားေ၇ာက်ခဲ့တဲ့အထဲမှာပေါ့နော် ဒီ ပဋိပက္ခတွေဖြစ်ခဲ့တဲ့ ငါးခူရနဲ့ကျီးကန်းပြင်လည်းရောက်တယ်ဆိုတော့ ဒီဒေသ ၂ ခုမှာ ရှိတဲ့ မြေပြင်အခြေအနေ လက်ရှိအနေအထားက ဘယ်လိုများရှိပါသလဲဆရာ။ဘာတွေများတွေ့ရှိခဲ့ရပါသလဲ။

ဦးစည်သူအောင်မြင့်။ ။ ကျီးကန်းပြင်ရွာဆိုရင်တော့ သူတို့ရှင်းပြချက်အရ အဲဒီမှာ ပြန်လာပြီးတော့ နေထိုင်တာမရှိဘူး အဲဒီရွာမှာ အိမ်တချို့မီးရှို့ခံထားရတာရှိတယ်။ နောက်ပြီးတော့ ရွာသားတွေက ကြောက်လို့ အမျိုးမျိုးဖြစ်မှာပေါ့နော် အဲဒီမှာ ပြန်လာတာတော့ မရှိဘူး။ အလားတူပဲ အဲဒီ ၀ါးပိတ်ရွာဆိုလည်း ဒီအတိုင်းပဲ။ ပြီးတော့မှ ငါးခူရရွာကတော့ အဲဒီသဘောမျိုးမဟုတ်ဘူး။ ငါးခူရရွာမှာတော့ ငါးခူရစခန်းအတိုက်အခိုက်ခံရပေမယ့် အဲဒီနားမှာရှိတဲ့ ငါးခူရရွာပေါ့ သူက အဲဒီ ရွာအုပ်စုလေးတွေမှာဆိုရင် ရခိုင်ရွာလေးလည်းရှိတယ်၊ ဟိန္ဒူးရွာလေးလည်းရှိတယ်၊နောက်ပြီး မွတ်ဆလင်ရွာ ဆို၇င် အကြီးကြီးပဲ။ လူဦးရေ ၉ ထောင် ၁ သောာင်းလောက်ရှိတယ်။ နောက်ပြီးတော့ ငါးခူရစခန်းကို လာပြီးတော့ ၀င်စီးတဲ့အချိန်မှာ သေသွားတဲ့ မွတ်ဆလင် ၁ ယောက်ဆိုလည်း ငါးခူရရွာထဲမှာ ၊ သူ့အိမ်တွေဘာတွေလည်း ရှိတာပေါ့နော်။ ဆိုတော့ အဲဒီ ရွာကအဖမ်းခံရတာရှိတယ်။ တချို့ဆိုရင်လည်း ကြောက်လန့်ပြီးတော့မှလည်းဖြစ်နိုင်တယ်၊ အကြမ်းဖက်မှုမှာပါပြီးတော့မှ ဖမ်းမှာလို့လည်းဖြစ်နိုင်တယ်၊ အဲဒီထွက်ပြေးသွားတာတွေကလည်း လူဦးရေ ၁၀၀၀ နီးပါးလောက်ရှိတယ်လို့ ရွာခံတွေကပြောတယ်။

ကိုထက်အောင်။ ။နောက်တခုက ဆရာတို့ လက်ရှိ သတင်းထောက်တွေသွားတာက အစိုးရအစီအမံနဲ့ သွားတယ်၊ လုံခြုံရေးအင်အားနဲ့လည်းသွားတယ် ဆိုတော့ ဆရာတို့ ဒေသခံတွေနဲ့ တွေ့ဆုံတဲ့အခါမှာကော၊ ဒေသခံတွေနဲ့ မေးခွန်းတွေ မေးတဲ့အခါမှာကော လွတ်လွတ်လပ်လပ် သတင်းရယူခွင့်ရပါသလားခင်ဗျ။

ဦးစည်သူအောင်မြင့်။ ။ အဲဒါကတော့ ရတယ်။ ဥပမာအားဖြင့်ဆိုရင် ရွာ ၁ ရွာကို ရောက်တဲ့အခါဆိုရင် သူတို့ လူတွေအများကြီးရှိနေတယ်။ ရှိနေတော့ သတင်းထောက်တွေကတော့ ကိုယ်ကြိုက်တဲ့လူတွေကို ဆွဲပြီးတော့ မေးတာတွေလည်း လုပ်လို့ရတယ်။ တချို့ရွာတွေမှာဆိုရင်တော့ ပွင့်ပွင့်လင်းလင်းပဲပြောတယ်။ ဥပမာ တပ်မတော်က မီးရှို့တယ်ဆိုပြီးတော့ စွပ်စွဲတဲ့ လူ ၂ ယောက်လောက် အဲဒါမျိုးတွေ့တယ်။

ကိုထက်အောင်။ ။ပဋိပက္ခတွေဖြစ်ပြီးတဲ့နောက်ပိုင်းမှာပေါ့လေ နိုင်ငံတကာ အသိုင်းအ၀ိုင်းက ဝေဖန်နေကြသလို အဲဒီဒေသမှာ ရခိုင်လူမျိုးတွေနဲ့ အစ္စလာမ်ဘာသာဝင်တွေအကြား ခွဲခြားဆက်ဆံခံရမှုပေါ့နော် ၊ ဒါမှမဟုတ်ရင်လည်း စစ်တပ်ရဲ့ နယ်မြေရှင်းလင်းမှု အပိုင်းမှာကော တစုံတရာ အားနည်းမှုရှိတယ်ဆိုတာ ဆရာတို့ တွေ့ရပါသလား။

ဦးစည်သူအောင်မြင့်။ ။ ငါးခူရရွာမှာဆိုရင်ပြောပြချက်ကတော့ သူတို့ နယ်ခံတွေကိုယ်တိုင်ပါတယ်၊ ဘယ်အိမ်ကိုဆိုရင်လည်း သူတို့ လုံခြုံရေးယူလိုက်တယ်။ ယူလိုက်ပြီးတော့ ဘယ်သူ့ကိုတွေ့ချင်တယ်ဆိုရင် အဲဒီလူထွက်လာပြီးတော့ စစ်ကြောရေးလုပ်တာဆိုရင်လည်း သီးသန့် ခေါ်သွားတာတွေတော့မလုပ်ဘူး။ ဖမ်းတော့မှသာလျှင် သူတို့ ဥပဒေအတိုင်း ရဲလက်မှာ အပ်တာတွေလုပ်တယ်။ ဒီလိုမှမဟုတ်ပဲနဲ့ ရွာထဲမှာ စစ်ဆေးတာတွေ၊ ရိုက်တာတွေ မလုပ်ဘူးလို့ ခုနရွာသားတွေ ကိုယ်တိုင် အဲလိုပြောတယ်။ ဒါပေမယ့် စွပ်စွဲတဲ့ရွာကလည်းရှိတယ်။ သူတို့ ပြောတဲ့ လူတွေကလည်း တဖက်နဲ့ တဖက် မတူဘူးပေါ့နော် ပြောတာဆိုတာတွေက လေသံတွေကမတူဘူး။

ကိုထက်အောင်။ ။ကျေးဇူးအများကြီးတင်ပါတယ်ခင်ဗျ။

ဦးစည်သူအောင်မြင့်။ ။ ဟုတ်ကဲ့ပါ။

 ထက်အောင် / ဗွီအိုအေ (မြန်မာပိုင်း)
http://burmese.voanews.com


တူရကီ မြို့တော် အင်ကာရာရှိ ရုရှားမှ ကမကထ ပြုလုပ်သော ဓါတ်ပုံ ပြပွဲ တခုတွင် မိန့်ခွန်းပြောကြား နေစဉ်အတွင်း အသက် ၆၂ နှစ်ရှိ တူရကီ ဆိုင်ရာ ရုရှား သံအမတ်ကြီး အင်ဒရေ ကားလော့ (Andrei Karlov) အား လူသတ်သမား တဦးရှဲ့ သေနတ် နဲ့ ၈ ချက်တိတိ ပြစ်ခတ် သတ်ဖြတ်ခြင်းကို ခံလိုက်ရပါတယ်။ (မိနစ်ပိုင်း အလို ရိုက်ကူးထားသော ဓါတ်ပုံ ဖြစ်ပါတယ်)

လူသတ်သမားက ၎င်း၏ လုံခြုံရေး အဖွဲ့ဝင်တဦး အဖြစ် ဟန်ဆောင်ဝင်ရောက်လာတဲ့ တာဝန်ချိန် ပြင်ပ က ရဲအရာရှိတဦး ဖြစ်ပါတယ်။ ဓါတ်ပုံပြခန်းထဲ ၀င်ရောက်ဖို့ အထူးတလည် ကြို ပမ်းးရခြင်း မရှိပဲ ၎င်း၏ ရဲအရာရှိ သက်သေခံ ကဒ်ပြားကို ပြပြီး ၀င်လာခဲ့တာလို့ သိရပါတယ်။

သတ်ဖြတ်ရတဲ့ အကြောင်းကတော့ ဆီရီယား မှာ ကျုးလွန်နေတယ် လို့ ၎င်း ယုံကြည်ထားတဲ့ ရုရှားက စစ်ရာဇ၀တ်မှုတွေ အတွက် လက်စားချေခြင်း ဖြစ်တယ်ဆိုပြီး ၎င်းနဲ့ မည်သို့မျှ ရန်ညိုးရန်စ လည်း မရှိယုံမက အပြင်တွင် တခါမှပင် တွေ့ဆုံခဲ့ဘူးခြင်း မရှိသော လူတဦးကို ရက်ရက်စက်စက် နောက်ကနေ အနီးကပ် ပြစ်သတ်ခဲ့ပါတယ်။

ပြစ်ခါနီးမှာ "အယ်လပို မှာ ငါတို့တွေ သေရသလို မင်းလည်း ဒီမှာ သေပေတော့" ဟု ကြွေးကြော်ရင်း ပြစ်ခတ်ခဲ့တာ ဖြစ်ပါတယ်။ နောက်ပိုင်း လုံခြုံရေး အဖွဲ့များနဲ့ ပြန်လည် ပြစ်ခတ်မှု ၁၅ မိနစ်ကြာ ဖြစ်ပွားခဲ့ပြီး သေအံ့ဆဲဆဲ မှာ တမန်တော် မိုဟာမက်ကို တ ရင်း သေဆုံးသွားခဲ့တယ်လို့ ဆိုပါတယ်။

ထို ဖြစ်စဉ်မှာ လူသုံး ဦး ဒဏ်ရာရရှိသွားခဲ့ပါတယ်။

၎င်းသည် အသက် ၂၂ နှစ်ရှိ Melvut Mert Altintas ဆိုသူ ဖြစ်ပြီး တူရကီ ပြည်ထဲရေး ၀န်ကြီးရဲ့ အဆိုအရ ပြီးခဲ့သည် ၂ နှစ်အတွင်း မြို့တော်တွင် အဓိကရုဏ်း နှိမ်နှင်းရေး ရဲအရာရှိ အဖြစ် တာဝန်ထမ်းဆောင်ခဲ့သလို့ သိရပါတယ်။

တူရကီ အနောက်ပိုင်းရှိ Aydin ပြည်နယ်ရှိ မိသားစု ရှိရာ အိမ်ကို ၀င်ရောက်ရှာဖွေပြီး ဖခင် နဲ့ ညီမ ဖြစ်သူအား ဖမ်းဆီးလိုက်တဲ့အပြင် အန်ကာရာရှိ ၎င်း အဆောင်တွင် အတူနေ အခန်းဖေါ် ရဲအရာရှိအားလည်း ဖမ်းဆီးခဲ့ပါတယ်။

အင်ကာရာ မြို့တော်တွင်လည်း ရုရှား၏ ဆီရီးယားတွင် စစ်ရေးအရ ၀င်ရောက် စွက်ဖက်နေမှုများကို ကန့်ကွက်သည့် ငြိမ်းချမ်းစွာ ဆန္ဒ ထုတ်ဖေါ်နေမှု များ ဖြစ်ပေါ်နေမှုနဲ့ တိုက်ဆိုင်နေပါတယ်။

တူရကီ သမ္မတ က ရုရှားရှိ ပူတင် ထံ တယ်လီဖုန်း ဆက်ပြီး ဖြစ်ကြောင်းကုန်စဉ် ရှင်းပြခဲ့ပါတယ်။ သူတို့နှစ်ဦးစလုံးက အဆိုပါ သတ်ဖြတ်မှုအား ရန်စ လှုံ့ဆော်မှု အဖြစ် ရည်ညွှန်းခဲ့ကြပြီး အကြမ်းဖက်ဝါဒ တိုက်ဖျက်ရေး ပူးပေါင်း ဆောင်ရွက်နေမှုများကို ခိုင်မာသည်ထက် ခိုင်မာအောင် ပြုလုပ်သွားမယ်လို့ ကတိပြုခဲ့ကြပါတယ်။ တူရကီ နိူင်ငံခြားရေး ၀န်ကြီးဌာန က အဆိုပါ ဖြစ်ရပ်ကြောင့် နှစ်နိူင်ငံ ဆက်ဆံရေး အထိခိုက်ခံမှာ မဟုတ်ဖူးလို့ ကြေငြာချက် ထုတ်ပြန်ခဲ့ပြီး မော်စကို တွင် ယနေ့ ပြုလုပ်ရန် စီစဉ်ထားသည့် ဆီရီယား အရေး အား ဆွေးနွေးရန် ရုရှား၊ အီရန် နှင့် တူရကီ ဆွေးနွေးပွဲကို စီစဉ်ထားသည့်အတိုင်း ဆက်လက်ပြုလုပ်သွားမယ်လို့ ဆိုပါတယ်။

သတ်ဖြတ်ခံခဲ့ရသော မစ္စတာ ကာလော့ သည် ၁၉၇၆ က စပြီး နိူင်ငံခြားရေး ၀န်ကြီး ဌာနတွင် ၀င်ရောက်အမှု့ ထမ်းခဲ့တဲ့ ၀ါရင့် သံတမန် တဦး ဖြစ်ပါတယ်။ ၂၀၀၁ မှ ၂၀၀၆ ခုနှစ်အထိ မြောက်ကိုရီယား ဆိုင်ရာ ရုရှား သံအမတ် ကြီး အဖြစ်တာဝန် ထမ်းဆောင်ခဲ့ပြီး ၂၀၁၃ ခုနှစ် မှာ သံအမတ်ကြီး အဖြစ် တူရကီ ကို တာဝန်ပေးအပ်ခြင်း မခံရမီ အထိ ရုရှား နိူင်ငံခြားရေးဝန်ကြီးဌာန ကောင်စစ်ဝန် ရုံး အကြီးအကဲ ဖြစ်လာခဲ့ပါတယ်။

အမေရိကန် အပါအ၀င် နိူင်ငံ အသီးသီး က ရွံရှာဖွယ်ကောင်းသော လုပ်ရပ် အဖြစ် ရှုတ်ချခဲ့ကြပါတယ်။

ဒေါ်နယ် ထရန့်ကတော့ ယင်းသည် ယဉ်ကျေးသော လူကမ္ဘာရဲ့ စည်းမျဉ်းများအားလုံးကို ချိုးဖေါက်ခြင်း ဖြစ်ပြီး တကမ္ဘာလုံးက ရှုတ်ချ ရမယ်လို့ ကြေငြာချက် ရေးသား ထုတ်ပြန်ခဲ့ပါတယ်။ လူသတ်သမားသည် အစွန်းရောက် အစ္စလာမ်ဝါဒီ အကြမ်းဖက်သမားတဦး ဖြစ်သည်ဟု ဆိုပြီး ကန်ရစ်သူ မိသားစုအတွက် ၀မ်းနည်းကြောင်း ဖေါ်ပြခဲ့ပါတယ်။

အခုအချိန်အထိ မသဲကွဲသေးတာကတော့ ဆီရီယားရှိ ရုရှား စွက်ဖက်မှု အတွက်ကြောင့် လော သို့မဟုတ် ပြန်လည် ကောင်းမွန်လာသော ရုရှား-တူရကီ ဆက်ဆံရေးကို ဖျက်လိုဖျက်ဆီး လုပ်ရန် ရည်ရွယ်ချက်နှင့်လော ဆိုသည့် အချက်ပင်၊ အခု ဖြစ်ရပ်တွင် လူသတ်သမား တဦးတည်း ပဲ ပါဝင်ပါတ်သက်ခဲ့လေသလားဆိုတာ လည်း ဆက်လက် စုံစမ်းသွားမယ်လို့ ဆိုပါတယ်။ ရုရှား ထောက်လှမ်းရေးလည်း အဆိုပါ စုံစမ်းရေး တွင် ပါဝင်မယ်လို့ လည်း သိရပါတယ်။

တူရကီ ရှိ အစိုးရ အရာရှိ တချိုကကတော့ လူပေါင်း ၂၇၀ သေဆုံးခဲ့ရသည့် ဂျုလိုင်လအတွင်း က မအောင်မြင်သော အာဏာသိမ်းပွဲကို နောက်ကွယ်က ကြိုးကိုင်ခဲ့သည်ဆိုသော ဂူလင် လှုပ်ရှားမှု အဖွဲ့ကို လက်ညိုး ထိုးနေကြပါတယ်။

မနှစ်က နိူဝင်ဘာလ အတွင်း ဆီရီယား နယ်စပ်အနီး ရုရှား စစ်လေယာဉ်ကို တူရကီ လေတပ်က ပြစ်ချခဲ့ပြီးနောက် ဆက်ဆံရေး အနိမ့်ဆုံး အဆင့်ကို ရောက်ရှိခဲ့ရပြီး နောက်ပိုင်း တူရကီသမ္မတ အာဒိုဂန်က တောင်းပန်ခဲ့တဲ့ အတွက် ဆက်ဆံရေး ပြန်လည် ကောင်းမွန်လာခဲ့တာ သိတ် မကြာလှသေးပါဘူး။

ဆီရီယား ပြည်တွင်းစစ် စတင်ကတည်းက ဆီရီယား သမ္မတ အာဆတ်ကို တိုက်ခိုက်နေတဲ့ အစ္စလာမ် ၀ါဒီ သူပုန်တွေကို တူရကီ က ထောက်ခံ ခဲ့ပြီး ရုရှားက တူရကီ ထောက်ခံတဲ့ အဖွဲ့ကို ဗုံးတွေ ဒလစပ် ကြဲပြီး အာဆတ် အစိုးရ ကို ပြုတ်မကျရေး ကျားကန် ပေးခဲ့တာ ဖြစ်ပါတယ်။ သို့သော် ဆက်ဆံရေး ပြန်လည် ကောင်းမွန်လာပြီးနောက် ရုရှားက တူရကီ တပ်ဖွဲ့တွေကို ဆီရီယား မြောက်ပိုင်း နယ်မြေထဲ အ၀င်ခံခဲ့ပြီး IS နဲ့ ကာဒ် သူပုန်တွေကို တူရကီ နယ်စပ်ကနေ မောင်းထုတ်တာကို ခွင့်ပြုခဲ့ပါတယ်။

မကြာသေးမီက ဆီရီယား နဲ့ ၎င်းတို့၏ မဟာမိတ်များ လပေါင်း များစွာ ၀ိုင်းရံထားတဲ့ အယ်လပို အရှေ့ပိုင်းရှိ သူပုန် များ အပြစ်အခတ် ရပ်စဲပြီး အဆိုပါ ဒေသမှ ထွက်ခွာသွားနိူင်အောင် တူရကီ ရဲ့ ကြားဝင် ဖြန်ဖြေမှုကို လက်ခံ ခဲ့ပါတယ်။

HSW

ကိုးကား ၊ ၊ Various Foreign News Agencies
BrainWave ဉာဏ်လှိုင်း


ပြည်တွင်းစစ်ဖြစ်နေသော ဆီးရီးယားနိုင်ငံမှ ဒုက္ခသည် အနည်းငယ်ကိုသာ လက်ခံရန် ရည်ရွယ်ထားသည့် ဂျပန်သည် ကိုယ်ဝန်ဆောင် ဒုက္ခသည်များကို လက်မခံကြောင်း သွယ်ဝိုက် ရည်ညွှန်းခဲ့ပြီးနောက် ဝေဖန်မှုများနှင့် ရင်ဆိုင်နေရသည်။

ရွှေ့ပြောင်း အခြေချသူများကို မလိုလားသည့် လူဦးရေ ၁၂၇ သန်း နေထိုင်သော ဂျပန်နိုင်ငံသည် ၂၀၁၇ ခုနှစ်မှစ၍ ငါးနှစ်အတွင်း ဆီးရီးယားကျောင်းသား ၁၅၀ နှင့်အထက်ကို လက်ခံပေးသွားမည်ဟု ၀န်ကြီးချုပ် ရှင်ဇိုအာဘေးက ဇွန်လတွင် ကြေညာခဲ့သည်။ ထိုပမာဏသည် အခြားနိုင်ငံများက လက်ခံသည့် ဆီးရီးယား ဒုက္ခသည်ပမာဏနှင့် နှိုင်းယှဉ်ပါက အလွန်ကွာဟနေသည်။ လူဦးရေ ၅ ဒသမ ၁သန်းသာ နေထိုင်သည့် နော်ဝေနိုင်ငံပင် ဆီးရီးယား ၉၀၀၀ ခန့်ကိုလက်ခံမည်ဟု ကတိပြုထားသည်။

အာဘေးသည် စက်တင်ဘာလက အမေရိကန်သမ္မတ အိုဘားမား ဦးစီးပြုလုပ်သည့် ဒေသတွင်းဒုက္ခသည် ထိပ်သီးအစည်းအဝေး တစ်ခုတွင်မူ လက်ခံမည့် ကျောင်းသားများ၏ မိသားစုများကိုပါ လက်ခံနိုင်ရန် ပြင်ဆင်ထားသည်ဟု ထပ်မံပြောကြားခဲ့သည်။ သို့သော် ဂျပန်နိုင်ငံဆိုင်ရာ နိုင်ငံတကာ လွတ်ငြိမ်းချမ်းသာခွင့်အဖွဲ့က ဂျပန်၏ ဒုက္ခသည်စီမံကိန်းသည် ကိုယ်ဝန်ဆောင် အမျိုးသမီးများကို လက်မခံဟု ရည်ညွှန်းနေသဖြင့် စိုးရိမ်မိသည်ဟု ဆိုသည်။

“ဆီးရီးယား ဒုက္ခသည်များ၏ အနာဂတ်အတွက် ဂျပန်၏ ပဏာမခြေလှမ်း” ဟုအမည်ပေးထားသော စီမံကိန်းတွင် လျှောက်ထားမည့်သူများအတွက် သတ်မှတ်ချက်အချို့ ပါဝင်နေသည်။ မူလကသတ်မှတ်ချက်တွင် ‘ကိုယ်ဝန်ဆောင် အမျိုးသမီးများကို ဒုက္ခသည်အဖြစ် လျှောက်ထားရန် ထောက်ခံမည်မဟုတ်”ဟုဖော်ပြခဲ့ကြောင်း ထိုဒုက္ခသည် စီမံကိန်းကို ကြီးကြပ်ရသော လွတ်ငြိမ်းချမ်းသာခွင့်နှင့် ဂျပန်အစိုးရ နိုင်ငံတကာ ပူးပေါင်းရေးအေဂျင်စီ (JICA) ကထုတ်ပြန်ခဲ့သည်။ သို့သော် လွတ်ငြိမ်းချမ်းသာခွင့်အဖွဲ့နှင့် အခြားအဖွဲ့များက စိုးရိမ်ပူပန်ကြောင်း ဖော်ပြခဲ့ပြီးနောက် “ကိုယ်ဝန်ဆောင် အမျိုးသမီးများကို ဒုက္ခသည်အဖြစ် မလျှောက်ထားမီတွင် မိခင်နှင့် သန္ဓေသားကျန်းမာရေးအတွက် ဖြစ်ပေါ်လာမည့် အန္တရာယ်တို့ကို သေချာစွာစဉ်းစားရန် အကြံပေးလိုသည်”ဟုပြောင်းလဲခဲ့သည်။ ဂျပန်ဒုက္ခသည် အစီအစဉ်၏ အဓိကရည်ရွယ်ချက်မှာ ချို့တဲ့သူများကို ကယ်ဆယ်ရန်မဟုတ်ဘဲ ဆီးရီးယား ပြန်လည်တည်ဆောက်ရေးအတွက် ပညာသင်ကြားပေးရန်ဟု JICA မှဆိုခဲ့သည်။

ဂျပန်သည် ၎င်း၏စီးပွားရေးနှင့် လူဦးရေအချိုးအစားအရ ဆီးရီးယား ၅၀၀၀၀ ခန့်ကို လက်ခံသင့်သည်ဟု မတ်လက ဗြိတိန်ပရဟိတအဖွဲ့ Oxfam ကထုတ်ပြန်ခဲ့သည်။ ဂျပန်သည် ယခင်နှစ်က ၎င်းနိုင်ငံထဲတွင် ဒုက္ခသည်အဖြစ် လာရောက်နေထိုင်ရန် နိုင်ငံပေါင်း ၆၉ နိုင်ငံမှ လျှောက်ထားသူ ၇၅၀၀ အနက် ဆီးရီးယားသုံးဦး အပါအ၀င် ၂၇ ဦးကိုသာ လက်ခံခဲ့သည်။

Writer:
Ref:AFP

============

Eleven Media Group


မြန်မာနိုင်ငံမြောက်ပိုင်းဒေသ ကချင်ပြည်နယ်နဲ့ ရှမ်းပြည်နယ်မြောက်ပိုင်းဒေသမှာ တိုင်းရင်းသားလက်နက်ကိုင်အဖွဲ့ အချင်းချင်းအကြားနဲ့ မြန်မာ့တပ်မတော်နဲ့ တိုင်းရင်းသားလက်နက်ကိုင်အဖွဲ့တို့စစ်ရေးပဋိပက္ခကြောင့် ဒီရက်ပိုင်းမှာ ဒေသခံကျေးရွာ သားတွေ စစ်ဘေးတိမ်းရှောင်နေရမှု များပြားလာသလို စစ်ပွဲအတွင်းအရပ်သားတွေလဲ ထိခိုက်မှုတွေရှိ လာနေပါတယ်။ ဗွီအိုအေမြန်မာပိုင်းသတင်းထောက်နိုင်ကွန်းအိန်ကနေ ဆက်သွယ်မေးမြန်းပြီး အခုလိုသတင်းပေးပို့ ထားပါတယ်။

ရှမ်းပြည်နယ်မြောက်ပိုင်း နမ္မတူမြို့နယ်အတွင်းက ပန်လုံရွာတစ်ဝိုက်မှာ တောင်ပိုင်းရှမ်းပြည်တပ်မတော်RCSS/SSAနဲ့ TNLA တအာင်းပလောင်တပ်ဖွဲ့တွေ အကြား ဒီနေ့မနက်အထိ တိုက်ပွဲ ပြင်းထန်တာကြောင့် ဒေသခံတွေဟာ သီပေါ နမ္မတူ စတဲ့မြို့တွေထွက်ပြေး နေသူတွေရှိသလို ပိတ်မိနေသူတွေလည်းရှိနေပါတယ်။

လက်ရှိရွာတွင်းပိတ်မိနေတဲ့သူတွေနဲ့ ထိခိုက်မှုရှိတဲ့ရွာသားတွေကိုကယ်ထုတ်လာခဲ့တယ်လို့ ကူညီရေးအဖွဲ့ဝင် စိုင်းလိန်ခမ်းကပြောပါတယ်။

“ဒီမနက်က မနက် ၆ နာရီလောက်တောင်မှ ပြန်ပြီးတော့ သေနတ်သံတွေပြန်ကြားရတာပေါ့နော်၊ မနက်ပိုင်းကျမှ သူတို့ ထိမိခိုက်မိတဲ့သူတွေရယ် ၊ မနေ့က ပစ်ခတ်မိလို့ သေဆုံးသွားတဲ့ ကလေးမလေး ၁ ယောက် ကိုလည်း ကူညီပေးမယ်လို့ပြောတယ်ခင်ဗျ။ ခုနက ၉ နာရီ ၁၀ နာရီလောက်မှာ ကားတန်းနဲ့ ၃ ၊ ၄ ၊ ၅ စီးနဲ့ သယ်လာတယ်ခင်ဗျ။ မနေ့တုန်းကတော့ အမျိုးသမီး ၂ ယောက် အနောက်မှာ နည်းနည်းဒဏ်ရာရတယ်၊ (၁၃)နှစ်အရွယ် နန်းမွှေးအောင်ကတော့ သေနတ်ထိပြီး သေသွားတယ်။ ဒီမနက်တော့ ၁ ယောက်ထပ်ပြီးသယ်လာတာတွေ့တယ်၊ အမျိုးသမီး၁ယောက် ဒဏ်ရာရတာလေ။”

မနေ့ကဖြစ်ပွါးတဲ့တိုက်ပွဲအတွင်း ပန်လုံကျေးရွာသားအနည်းဆုံး(၃)ဦးဒဏ်ရာရာပြီး (၁၃)နှစ်အရွယ်မိန်းကလေးငယ်တဦး သေဆုံးသွားတယ်လို့ စိုင်းလိန်ခမ်းကပြောပါတယ်။

မနေ့က တောင်ပိုင်းရှမ်းပြည်တပ်မတော်တပ်ဖွဲ့ကနေ နေရာယူထားတဲ့ ပန်လုံစခမ်းကို တအာင်းပလောင်တပ်ဖွဲ့ တွေကနေ လာရောက်တိုက်ခိုက်ခဲ့လို့ တိုက်ပွဲပြင်းထန်စွာဖြစ်ပွါးနေတယ်လို့ သူကဆိုပါတယ်။

တိုက်ပွဲဖြစ်ပွါးမှုကြောင့် ပန်လုံနဲ့အနီးဝန်းကျင်ကျေးရွာကရွာသားတွေဟာ စစ်ဘေးလွတ်ရာဒေသဘက်ကို တိမ်းရှောင် နေရပါတယ်။

နမ္မတူမြို့နယ် မန်စံကျေးရွာအတွင်းမှာတော့ စစ်ရှောင်ရွာသား(၈၀၀)ကျော်ရောက်ရှိနေတယ်လို့ ကူညီရေးအဖွဲ့ဝင် စိုင်းလိန်ခမ်း ကပြောပါတယ်။

“မနေ့တုန်းက သတင်းအရဆိုရင် မန်စံဘက်ကိုပြေးလာတာများတယ်။ ၈၄၈ ယောက်လို့ပြောတယ် ပုံသေတော့မရှိသေးဘူးပေါ့နော် ဒီနေ့ထပ်ဝင်ရင် ၀င်လာမှာပေါ့နော်။”

အလားတူ သီပေါမြို့နယ်က စစ်ရှောင်စခမ်းတွေမှာ ပန်လုံနဲ့အနီးဝန်းကျင်ကျေးရွာကစစ်ရှောင်ရွာသား(၉၀၀)ကျော် ရောက်ရှိနေတယ်လို့ဝမ်းမောလူမှုအကူညီပေးရေးအဖွဲ့ခေါင်းဆောင် ကိုမျိုးကပြောပါတယ်။

“ပန်လုံကနေပြီးတော့ ကျနော်တို့ထွက်လာခါစက ဒီ သာသနာ ၂၅၀၀ ဘုန်းကြီးကျောင်းမှာက လူဦးရေ ၂၂၀၊ တာပေါ့ ဘုန်းကြီးကျောင်းမှာက လူဦးရေ ၃၂၀၊ အခု လန်လွင်၊ ပန်ခါးရွာဘက်မှာက လူဦးရေ ၃၆၇ ဦး သီပေါမှာလည်း များတယ်ခင်ဗျ။”

စစ်ဘေးရှောင်ရွာသားတွေအနေနဲ့ ဆက်လက်ရောက်ရှိလာဖို့ရှိနေသေးတယ်လို့ ကိုမျိုးကပြောပါတယ်။

TNLAတပ်ဖွဲ့အနေနဲ့ တောင်ပိုင်းရှမ်းပြည်တပ်မတော်အပါအ၀င် မြန်မာ့တပ်မတော်နဲ့ပါ ဒီရက်ပိုင်းတွေမှာ တိုက်ပွဲဖြစ် ပွါးနေတာပါ။

မနေ့ကလဲ နမ္မတူမြို့နယ် ပန်ဟကျေးရွာအနီးမှာတနေရာ နမ့်ဆန်မြို့နယ်၊ မန်ကန်ရွာနှင့် စခန်းသာရွာကြားမှာ တနေ ရာနဲ့ ဘုရားကြီးရွာ ဇယ်တုံဟုန်းရွာကြားမှာ တအာင်းပလောင်တပ်ဖွဲ့နဲ့ မြန်မာ့တပ်မတော်တို့ နှစ်ဖက်ရင်ဆိုင်တိုက်ပွဲ ဖြစ်ပွားခဲ့တယ်လို့လဲ TNLAဘက်ကထုတ်ပြန်ထားပါတယ်။

အလားတူ ကချင်ပြည်နယ်ဒေသဘက်မှာလဲ မြန်မာ့တပ်မတော်နဲ့ KIOကချင်လွတ်လပ်ရေးအဖွဲ့တို့အကြား စစ်ရေး တင်းမာနေတဲ့အခြေအနေမှာရှိနေပါတယ်။

ဒီကနေ့မှာ ၀ိုင်းမော်မြို့နယ် KIOအခြေပြုရာလွယ်ဖေါင်တောင်နဲ့ အင်ဂျာယန်ဒေသဘက်မှာ တိုက်ပွဲဖြစ်နေဆဲလို့ ကချင်ငြိမ်းချမ်းရေးအကျိုးဆောင် ဦးဆမ်အောင်ကပြောပါတယ်။

“တိုက်လေယာဉ် တွေ ခေါက်တုန့်ခေါက်ပြန်သွားနေတာကတော့ တွေ့တယ်ခင်ဗျ။ အထူးသဖြင့်ကတော့ အဲဒီ လွယ်ဖောင်းနဲ့ တပ်ရင်း ၃ ပေါ့နော် နောက်ပြီးရင် တပ်မဟာ ၁ ရဲ့ ဧရိယာထဲက တပ်ရင်း ၄ နေရာရယ်၊ အဲဒီဘက်ကို လေယာဉ်ရော၊ ခြေလျင်ရော အကုန် ထိုးစစ်ဆင်နေတယ်လို့ သိရတယ်။ ၀ိုင်းမော်မြို့နယ်နဲ့ အင်ဂျာယန် မြို့နယ်ပေါ့။”

ဒီလိုဖြစ်ပွါးနေတဲ့တိုက်ပွဲမှာ တပ်မတော်ဘက်ကလေကြောင်းအကူနဲ့တိုက်ခိုက်တာကြောင့် အရပ်သားတွေထိခိုက်မှုရှိ နေခဲ့တယ်လို့ ကချင်ငြိမ်းချမ်းရေးအကျိုးဆောင် ဦးဆမ်အောင်က ဆက်ပြောပါတယ်။

“ဒေသခံတွေကတော့ အဲဒီ လွယ်ဖေါင်ဘက်ကတော့ အစောကြီးပြေးကြပြီကော ၊ တပ်မဟာ ၁ အင်ဂျာယန်မြို့နယ်မှာကတော့ ၁၉ ရက်နေ့ကစပြီးမှ လေယာဉ် နဲ့ ပစ်တယ်။ ပစ်တော့ အရပ်သားအိမ်တွေထိပြီးမီးလောင်သွားတဲ့ အိမ်ခြေ ၄၀ လောက် မီးလောင်သွားတယ်လို့ ပြောတယ်။ အဲဒီကဒေသခံတွေကတော့ ၀ိုင်းမောင်ဘက်က ဒုက္ခသည်စခန်းမှာ ၀င်လာတယ်လို့ သိရတယ်ခင်ဗျ။”

မြန်မာ့တပ်မတော်ကနေ (၄)လကြာု လေကြောင်းနဲ့ရော လက်နက်ကြီးတွေနဲ့ပါ အဆက်မပြတ် ထိုးစစ်ဆင်တိုက်ခိုက် နေတဲ့ ဂီဒွန်တောင်ကုန်းကို KIAဘက်ကတပ်နောက်ဆုတ်ခွါပေးခဲ့ရပေမဲ့ လက်ရှိထိုးစစ်အရှိန်မရပ်တန့်သေးဘူးလို့ သူကဆိုပါတယ်။

လက်ရှိကချင်ပြည်နယ်နဲ့ ရှမ်းပြည်နယ်မြောက်ပိုင်းဒေသဘက်မှာ မြန်မာ့တပ်မတော်နဲ့ မြောက်ပိုင်းမဟာမိတ်တပ်ဖွဲ့ ၀င်KIOကချင်လွတ်လပ်ရေးအဖွဲ့ TNLAတအာင်းပလောင်တပ်ဖွဲ့တွေအကြားမှာ တိုက်ပွဲတွေ ရက်ဆက်ဆိုသလို ဖြစ်ပွါးနေခဲ့ပါတယ်။

တိုက်ပွဲတွေကြောင့် ဒေသခံကျေးရွာသားတွေကလဲ စစ်ပြေးဒုက္ခသည် အဖြစ်နဲ့စစ်ဘေးတိမ်းရှောင်နေကြရပါတယ်။

နိုင်ကွန်းအိန်
VOA Burmese News



( ရဲမှူးချုပ်သူရစန်းလွင်က သတင်းသမားတွေနဲ့ တွေ့ဆုံပြီး မောင်တောဖြစ်စဉ်ကို ကျီးကန်းပြင် နယ်ခြားစောင့်ရဲကွပ်ကဲရေးဌာနချုပ်မှာ ဒီဇင်ဘာလ ၂၁ ရက်နေ့က ရှင်းလင်းနေစဉ် ) Photo: Min Thein Aung/ RFA
ရခိုင်ပြည်နယ် မောင်တောမြို့နယ်မှာဖြစ်ခဲ့တဲ့ အကြမ်းဖက်မှုတွေဟာ ဒေသတွင်း အုပ်ချုပ်ရေးယန္တရား ပြတ်တောက်စေပြီး ဒေသခံတိုင်းရင်းသားတွေကို အလိုအလျောက်နေရပ်စွန့်ခွာအောင် ရည်ရွယ်လုပ်ဆောင်ခဲ့တာဖြစ်တယ်လို့ မောင်တော နယ်ခြားစောင့်ရဲကွပ်ကဲရေးမှူး ရဲမှူးချုပ် သူရစန်းလွင် က ပြောပါတယ်။

ဒီနေ့ မောင်တောမြို့နယ်အကြမ်းဖက်မှုဖြစ်စဉ်တွေနဲ့ပတ်သက်ပြီး ကျီးကန်းပြင် နယ်ခြားစောင့် ရဲကွပ်ကဲမှုဌာနချုပ်မှာ ပြည်တွင်း ပြည်ပ သတင်းမီဒီယာသမားတွေနဲ့ တွေ့ဆုံစဉ် မှာ ပြောခဲ့တာဖြစ်ပါတယ်။

အကြမ်းဖက်မှုကျူးလွန်သူတွေဟာ RSO အကြမ်းဖက်သင်တန်း တက်ရောက်ထားသူတွေ ဖြစ်ပြီး ဒေသတွင်းက မွတ်ဆလင်တွေကို စည်းရုံးသိမ်းသွင်းထားတာ တွေ့ရတယ်လို့လည်း ရဲမှူးချုပ် သူရစန်းလွင် က ပြောပါတယ်။

မောင်တော အကြမ်းဖက်မှုဖြစ်စဉ်တွေနဲ့ပတ်သက်ပြီး ပြီးခဲ့တဲ့ ဒီဇင်ဘာလ ၁၆ ရက်နေ့အထိ လူပေါင်း ၆၀၉ ဦး ဖမ်းဆီးခဲ့ပြီး ၇၃ ဦးကို အသေတွေ့ရှိခဲ့သလို ၁၀၆ ဦးကို အသီးသီးသီးပြစ်ဒဏ်တွေ ချမှတ်ခဲ့ပြီးဖြစ်တယ်လို့ သိရပါတယ်။

မောင်တောမြို့နယ်မှာ တိုင်းရင်းသားတွေတိုးပွားလာစေဖို့အတွက် တိုင်းရင်းသားကျေးရွာ ၇ ရွာကို တည်ထောင်ပေးဖို့ ပြည်ထောင်စုအစိုးရရဲ့ ခွင့်ပြုချက် ရရှိထားပြီး ဖြစ်တယ်လို့လည်း မောင်တောခရိုင် အုပ်ချုပ်ရေးမှူး ဦးရဲထွဋ်က ပြောပါတယ်။

မောင်တောမြို့ကိုမနေ့က ရောက်ရှိနေတဲ့ ပြည်တွင်း ပြည်ပသတင်းမီဒီယာသမားတွေဟာ ဒီနေ့ မောင်တောမြို့နယ် မြောက်ပိုင်း ဝပိတ်၊ ပြောင်ပိုက်၊ ကြိမ်ချောင်း၊ ငခူရစတဲ့ ကျေးရွာတွေကို သွားရောက်ခဲ့ကြပါတယ်။

ဒေသခံမွတ်ဆလင်တွေကို တွေ့ဆုံမေးမြန်းချက်အရ အကြမ်းဖက်မှု ကျူးလွန်သူတွေထဲ မှာ ဒေသခံမွတ်ဆလင်တွေပါဝင်သလို တစ်ဘက်ဘင်္ဂလားဒေ့ရ်ှဘက်က မွတ်ဆလင်တွေလည်း ပါဝင်တယ်လို့ ပြောကြပါတယ်။

မောင်တောမြောက်ပိုင်းကို ဖြတ်သန်းသွားရာလမ်းတစ်လျှောက်မှာရှိတဲ့ မွတ်ဆလင်ကျေးရွာ တွေမှာ နေအိမ်အတော်များများမှာ လူနေထိုင်မှုမရှိတာကိုလည်း တွေ့ရပါတယ်။

RFA Burmese
https://www.facebook.com/rfaburmese/


ဖိလစ်ပိုင်သမ္မတ Rodrigo Duterte က ရာဇ၀တ်မှု ကျုးလွန်ထားသူတွေလို့ ဆိုသူတွေကို ကိုယ်တိုင် သတ်ခဲ့ဖူးကြောင်း ပြောဆိုက်လိုက်ပြီးနောက်မှာပဲ ကုလသမဂ္ဂမှာ လူ့အခွင့်အရေးဆိုင်ရာ ထိပ်တန်းအရာရှိတဦးက ဖိလစ်ပိုင်သမ္မတ Duterte ကို စုံစမ်းစစ်ဆေးဖို့ အင်္ဂါနေ့က တောင်းဆိုလိုက်ပါတယ်။

Davao မြို့တော်ဝန်အဖြစ် တာဝန်ထမ်းဆောင်စဉ် အမျိုးသား ၃ ယောက်ကို ပစ်သတ်ခဲ့တယ်လို့ သောကြာနေ့က သမ္မတ Duterte ရဲ့ ပြောဆိုခဲ့တဲ့အပေါ် - လူသတ်မှုနဲ့ စုံစမ်းစစ်ဆေးဖို့ ကုလသမဂ္ဂ လူ့အခွင့်အရေးကော်မရှင်နာမင်းကြီး Zeid al-Hussein က - ဖိလစ်ပိုင်အာဏာပိုင်တွေကို တောင်းဆိုခဲ့တာ ဖြစ်ပါတယ်။

တရားစီရင်ရေးစနစ်မှာ လူသတ်သမားအဖြစ် ကိုယ်တိုင်ဝန်ခံထားသူအပေါ် စုံစမ်းစစ်ဆေးမှုမလုပ်ဘူးဆိုတာမျိုး စဉ်းစားကြည့်လို့တောင် မရဘူးလို့ ကော်မရှင်နာမင်းကြီး Zeid က ပြောဆိုခဲ့ပါတယ်။ ရဲအရာရှိတွေ သူ့ကို အတုယူနိုင်ဖို့ Davao မြို့တ၀ိုက် ဆိုင်ကယ်တစင်းနဲ့ လှည့်လည်ပြီး - သတ်လို့ရမယ့် ရာဇ၀တ်သားတွေကို လိုက်လံရှာဖွေခဲ့တဲ့အကြောင်း မကြာသေးခင်က မိန့်ခွန်းတွေမှာ သမ္မတ Duterte က ပြောဆိုခဲ့တာပါ။

ကုသလမဂ္ဂ လူ့အခွင့်အရေး ကော်မရှင်နာမင်းကြီး Zeid ကတော့ - သမ္မတ Duterte ရဲ့ ၀န်ခံပြောဆိုချက်ဟာ နိုင်ငံတကာဥပဒေကို တိုက်ရိုက် ချိုးဖောက်ရာရောက်ပြီး၊ သတ်ဖြတ်မှုတွေနဲ့ လူ့အခွင့်အရေး ချိုးဖောက်မှုတွေ ကျုးလွန်နေတာကို ဘယ်နိုင်ငံကမှ သည်းခံမှာမဟုတ်သလို - တရားဥပဒေအထက်မှာ ဘယ်သူမှ မရှိဘူးဆိုတဲ့ အမှာစကားကို ပါးနိုင်ဖို့အတွက် Duterte ကို ဥပဒေနဲ့အညီ အရေးယူရမယ်လို့လည်း ပြောဆိုခဲ့ပါတယ်။

ဇွန်လကုန်မှာ သမ္မတတာဝန်ယူချိန်ကစလို့ - ဖိလစ်ပိုင်သမ္မတ Duterte ရဲ့ မူးယစ်ဆေးဝါး မှောင်ခိုသူတွေကို နှိမ်နင်းနေတဲ့ အစီအစဉ်မှာ - ရဲတွေရဲ့ လက်ချက်နဲ့ လူ ၂ ထောင်နီးပါး သေဆုံးခဲ့ရတာကြောင့် ဝေဖန်မှုတွေနဲ့ ရင်ဆိုင်နေရတာလည်း ဖြစ်ပါတယ်။

ဗွီအိုအေ (မြန်မာပိုင်း)
http://burmese.voanews.com



( KNU တပ်ဖွဲ့ဝင်တချို့ကို တွေ့ရစဉ် )Photo: Karen Information Centre
တနင်္သာရီတိုင်းဒေသကြီး ရေဖြူမြို့နယ် ကြောင်လျှာကွင်းရွာအနီးမှာ မွန်ပြည်သစ်ပါတီနဲ့ ကရင်အမျိုးသားအစည်းအရုံး KNU တပ်ဖွဲ့တွေ နယ်မြေအငြင်းပွားမှုကြောင့် မနေ့က ပစ်ခတ်မှု ဖြစ်ပွားခဲ့ပါတယ်။

ကေအန်ယူရဲ့တပ်ရင်း ၁၆ နဲ့ ပစ်ခတ်မှုဖြစ်ခဲ့တာလို့ မွန်ပြည်သစ်ပါတီ ဗဟိုအလုပ်အမှုဆောင် နိုင်ဝင်းလှ က ပြောပါတယ်။

တိုက်ပွဲဖြစ်ပွားတဲ့နေရာဟာ မွန်ပြည်နယ်နဲ့ တနင်္သာရီတိုင်း နယ်စပ်ဖြစ်ပါတယ်။
အဲဒီပစ်ခတ်မှုမှာ KNU ဘက်က တစ်ယောက် ထိခိုက်ဒဏ်ရာရရှိပြီး ဆေးဝါးကုသခံယူနေတယ်လို့ တာဝန်ရှိသူတစ်ဦးက ပြောပါတယ်။ အဲဒီပစ်ခတ်မှုကို နှစ်ဘက်ခေါင်းဆောင်တွေပါဝင်တဲ့ ညှိနှိုင်းရေး အဖွဲ့ထံ တင်ပြထားတယ်လို့ သိရပါတယ်။

မွန်ပြည်သစ်ပါတီနဲ့ ကရင်အမျိုးသားအစည်းအရုံး KNU တို့ကြား နယ်မြေအငြင်းပွားမှုပြဿနာကို ဖြေရှင်းနိုင်ရေးအတွက် ပြီးခဲ့တဲ့ အောက်တိုဘာလက နှစ်ဖက်ထိပ်ပိုင်းခေါင်ဆောင်တွေ တွေ့ဆုံ ဆွေးနွေးခဲ့ပြီး နှစ်ဖက်ပူးတွဲညှိနှိုင်းရေးကော်မတီတွေ ဖွဲ့စည်းခဲ့ပါတယ်။

ပြီးခဲ့တဲ့ စက်တင်ဘာလနဲ့ အောက်တိုဘာလတွေမှာလည်း တနင်္သာရီတိုင်းဒေသကြီး၊ ရေဖြူမြို့နယ်၊ သဲချောင်းဖျားကျေးရွာအနီးမှာ မွန်ပြည်သစ်ပါတီ NMSPနဲ့ ကရင်အမျိုးသားအစည်းအရုံး KNU တပ်တွေကြား ပစ်ခတ်မှုတွေ ဖြစ်ပွားခဲ့ပါတယ်။

RFA Burmese
https://www.facebook.com/rfaburmese/


ဒီဇင်ဘာ ၂၀ရက်၊ ၂၀၁၆ခုနှစ်။ နန်းဝေဖြိုးဇာ

ကရင်ပြည်နယ်၊ လှိုင်းဘွဲမြို့နယ် မြိုင်ကြီးငူတွင် ဖွင့်လှစ်ထားခဲ့သည့် စစ်ရှောင်စခန်းထဲတွင် မဲသဝေါဒေသမှ စစ်ဘေးရှောင်ပြည် သူ ၅ထောင်ကျော် အိမ်ပြန်မရဲသေးဘဲ ကျန်ရှိနေသေးသည်ဟု စခန်းတာဝန်ရှိသူများက ဒီဇင်ဘာလ ၁၆ရက်နေ့တွင် ကေအိုင်စီ သို့ ပြောသည်။

မြိုင်ကြီးငူတွင် နေထိုင်သည့် စစ်ဘေးရှောင်များက ပြီးခဲ့သည့် စက်တင်ဘာလမှ တိုးတက်သော ဗုဒ္ဒဘာသာ ကရင်အမျိုးသား တပ်မတော်-DKBA နှင့် ကရင်ပြည်နယ် နယ်ခြားစောင့်တပ် BGF တို့အကြား ပစ်ခတ်တိုက်ခိုက်မှုကြောင့် စစ်ရှောင်စခန်းတွင် သုံးလကျော်ကြာ လာရောက်ခိုလှုံနေခဲ့ရပြီး လက်ရှိအချိန်ထိ နေရပ်မပြန်ရဲသေးသူ လူဦးရေ ၅ထောင်ကျော်သည်ဟု သိရသည်။

စစ်ရှောင်စခန်း တာဝန်ခံ စောထွန်းက “ကျနော်တို့စစ်ပြေးရှောင်သမားတွေ နေရပ်ကို ဘယ်သူမှ ပြန်မရဲသေးဘူး။ စခန်းထဲမှာပဲ နေသေးတယ်။ မြိုင်ကြီးငူဆရာတော်က ပြန်ဖို့အမိန့်မကျသေးဘူး။ နေရပ်မတည်ငြိမ်ဘူး၊ မြေမြုပ်မှိုင်းတွေ အများကြီးရှိတယ်။ ခဏတာ ရိက္ခာပြန်ရှာတဲ့ လူတချို့တောင်မှ မိုင်းထိလို့ သေဆုံးတဲ့လူရှိတော့ ပြန်ရဲတဲ့လူသိပ်မရှိတော့ဘူး။ အခု စခန်းမှာလည်း ရိက္ခာနည်းလာပြီး ဆန်တွေက ဒီဇင်ဘာအထိပဲ စားလို့လောက်မယ်။ ၁လပိုင်း အလှူရှင် မလာတော့ရင် စားဖို့ ဆန်မရှိတော့ဘူး” ဟု ကေအိုင်စီသို့ ပြောသည်။

မြိုင်ကြီးငူတွင် မဲသဝေါစစ်ဘေးရှောင်များအတွက် ဖွင့်ထားသော စခန်း၂ခန်းခုအနက် ကျောက်စာကွင်းဓမ္မာရုံ စခန်းတွင် အိမ် ထောင်စု ၇၁၈စုနှင့် လူဦးရေ ၃၈၁၁ဦးရှိပြီး မြပန်းဝတ်မှုံ ဓမ္မာရုံအနီးမှ စခန်းတွင် အိမ်ထောင်စု ၂၆၉စုနှင့် လူဦးရေ ၁၅၇၈ဦး ရှိ နေဆဲဖြစ်သလို စာရင်းမသွင်းရသေးသည့် အိမ်ထောင်စု ၅၀ကျော် ရှိနေသေးသည်ဟု စခန်းဥက္ကဌ၏ ပြောပြချက်အရ သိရ သည်။

စစ်ရှောင်စခန်းတွင် ခိုလှုံနေသူ ကလောဒေးရွာသား စောမြက “ဒီမှာလာနေတာကြာပြီးဆိုတော့ တစ်ခါတစ်လေ ရွာမှာ ကွမ်းသီး ပြန်တက်တယ်။ ငရုပ်သီးတွေ ပြန်ခူးတယ်။ ခဏပြန်ပြီး ပြန်လာရတယ်။ ပြန်နေလို့မရဲဘူး။ မြေမြုပ်မိုင်းတွေရှိတယ်။ ကျနော်တို့ က စားစရာမရှိတော့ အရဲစွန့်ပြီး ပြန်ရတာပေါ့။ ရွာမှာတော့ စိုက်ထားတဲ့ စပါးတွေက ပျက်ကုန်ပြီး။ ဒီမှာဘယ်အချိန်ထိ နေရမလဲ မသိဘူး ပြန်ချင်ပါတယ်။ ဒီမှာနေလို့ အဆင်မပြေဘူး။ တဲကကျဉ်းတော့ မိသားစု ၈ယောက် အိပ်လို့ အဆင်မပြေဘူး။”ဟု ကေ အိုင်စီသို့ ပြောသည်။

ထိုဒေသတွင် တိုက်ပွဲနည်းလာသည့်နောက်ပိုင်း မြိုင်ကြီးငူနှင့် နီးသည့်ရွာများမှာ နေရပ်ပြန်ကာ ကွမ်းသီး၊ ငရုပ်သီး ပြန်ခူးသည့် သူများရှိပြီး ၎င်းတို့အနက် မြေမြုပ်မိုင်းထိမှန် သေဆုံးသူများအပြင် ဒဏ်ရာရသူများလည်း ရှိသည်ဟု သိရသည်။

ယင်းသို့ နေရပ်မပြန်နိုင်ကြသေးသည့် စစ်ဘေးရှောင်ပြည်သူများမှာ ထီးကနဲ၊ ကလော်ကွီး၊ တာဘောသဲ့၊ ကျောင်းမ၊ ကလော ဒေး၊ မဲ့သဝေါ၊ ရင်ပိုင်းချောင်းဝ စသည့်ကျေးရွာများ အပါအ၀င် ရွာပေါင်း ၁၆ရွာမှ ဒေသခံများဖြစ်ကြောင်း စခန်းတာဝန်ရှိသူများ ၏ စာရင်းများအရ သိရသည်။

 နန်းဝေဖြိုးဇာ  / ကေအိုင်စီ
http://kicnews.org


မုံရွာမြို့မှာ အသတ်ခံခဲ့ရတဲ့ Eleven Media group က နယ်မြေခံသတင်းထောက် ကိုစိုးမိုးထွန်း အသတ်ခံရတဲ့ အမှုပေါ်ပေါက်ဖို့ နီးစပ်ပြီလို့ မုံရွာမြို့ မြို့မရဲစခန်းမှူး ရဲမှူး သိန်းဆွေမြင့်က ပြောပါတယ်။

 အမှုပေါ်ပေါက်ဖို့ သတင်းရရှိရေးအတွက် လူ (၃၀)ကျော်ကို စစ်ဆေးခဲ့ရာ ဒီဇင်ဘာ (၁၉)ရက်က စစ်ဆေးခဲ့တဲ့သူတွေအနက် မသင်္ကာသူ နှစ်ဦးကို ဒီဇင်ဘာ (၁၉)ရက်ကနေ (၂၀၁၇) ဇန်နဝါရီ (၂)ရက်အထိ ရမန်ယူကာ စတင်စစ်ဆေးနေပြီး ဒီဇင်ဘာ (၂၀)ရက်မှာ အမှုနဲ့သက်ဆိုင်တယ်လို့ ယူဆရတဲ့ KTV တစ်ခုက သစ်သားတုတ်တစ်ချောင်း ထပ်မံသိမ်းဆည်းခဲ့ပါတယ်။

 ကိုစိုးမိုးထွန်း အသတ်ခံရတဲ့ အမှုနဲ့ပတ်သက်ပြီး နောက်ကွယ်က ကြိုးကိုင်သူ ရှိမရှိဆိုတာကိုတော့ ပြောလို့မရပေမယ့် ပြစ်မှုမှာ ပါဝင်သူပတ်သက်သူတွေ အကုန်လုံးကိုတော့ ဖမ်းစီးစစ်ဆေးမှုတွေ ပြုလုပ်သွားမှာ ဖြစ်တယ်လို့ ရဲမှူး သိန်းဆွေမြင့်က ပြောပါတယ်။

ဒီဇင်ဘာ (၁၉)ရက်မှာ စစ်ကိုင်းတိုင်းဒေသကြီး ဝန်ကြီးချုပ် ဒေါက်တာမြင့်နိုင်က သေဆုံးသူ ကိုစိုးမိုးရဲ့ နေအိမ်ကို သွားရောက်ပြီး ကျန်ရစ်သူ မိသားစုဝင်တွေကို အားပေးစကား ပြောကြားခဲ့ပြီး နောက်ကွယ်က ကြိုးကိုင်သူကို ဖမ်းဆီးဖို့ဖော်ထုတ်ဖို့ အတွက် မြို့မရဲစခန်းမှူး ရဲမှူး သိန်းဆွေမြင့်ကိုလည်း တိုက်တွန်း ပြောကြားခဲ့ပါတယ်။

 ကိုစိုမိုးထွန်း အသတ်ခံရတာဟာ (၈)ရက်ရှိပြီဖြစ်ပြီး မင်္သကာသူ နှစ်ဦးကို ရီမန်ယူကာ စစ်ဆေးတယ်ဆိုတာဟာ (၈)ရက်အတွင်း ထူးခြားမှုဖြစ်ပေမယ့် အမှုစုံစမ်းတဲ့ နေရာမှာ ရဲတွေအနေနဲ့ အရမ်းအားနည်းတယ်လို့ မြင်ကြောင်း မုံရွာမြို့ နယ်မြေခံသတင်းထောက် ကိုအောင်ကိုလတ်က ဝေဖန်ပြောဆို ပါတယ်။

အသတ်ခံရသူ ကိုစိုးမိုးထွန်းဟာ ဦးခေါင်းထိပ်ကွဲပြဲဒဏ်ရာ (၂)ချက်၊ ဝဲဘက်မျက်ခုံးကွဲပြဲ ဒဏ်ရာ(၁)ချက် အပါအဝင် မျက်နှာဖူးယောင်ဒဏ်ရာတွေနဲ့ ပြည်ထောင်စုလမ်းမကြီးဘေး ခမရ တပ်ရင်း (၁၆)အနီးမှာ မှောက်လျက်အနေထားနဲ့ သေဆုံးခဲ့တာ ဖြစ်ပါတယ်။

 ကိုစိုးမိုးထွန် အသတ်မခံရခင်မှာ သူ့ရဲ့ လူမှုကွန်ရက်စာမျက်နှာမှာ သစ်မှောင်ခိုကိစ္စတွေအကြောင်း သတင်းတင်ထားတာကို တွေ့ရှိရပြီး မကြာသေးခင်ကလည်း မုံရွာမြို့မှာ KTV ဆိုင်အသစ်တွေ တိုးချဲ့မယ့်အပေါ် သက်ဆိုင်ရာကို ဒီဇင်ဘာ (၇) ရက်က ကန့်ကွက်စာတွေ ရေးသားခဲ့ပါတယ်။

 ဒီအမှုမှာ နောက်ကွယ်က ကြိုးကိုင်သူ ရှိနိုင်လို့ ခန့်မှန်းမိပြီး အမှုပေါ်ပါက နောက်ကွယ်က ကြိုးကိုင်သူတွေကို ဖော်ထုတ်နိုင်ပါ့မလား ဆိုတဲ့ စိုးရိမ်စိတ် ဖြစ်မိကြောင်း ကိုအောင်ကိုလတ်က သူ့ရဲ့အမြင်ကို ပြောပါတယ်။

ကိုစိုးမိုးထွန်းဟာ ဒီဇင်ဘာ(၁၃) ရက်က အသတ်ခံခဲ့ရတာဖြစ်ပြီး ကိုစိုးမိုးထွန်းမှာ ဇနီးတစ်ယောက်နဲ့ ၈နှစ်အရွယ် သား တစ်ယောက်ရှိတယ်လို့ သိရပါတယ်။

မသင်္ကာသူ နှစ်ဦးကို အမှုနဲ့ သက်ဆိုင်တယ်လို့ ယူဆရတဲ့ KTV တစ်ခုကနေ ရီမန်ယူကာ ခေါ်ယူပြီး စစ်ဆေးတာ ဖြစ်ပါတယ်။ ဒီသတင်းကို မုံရွာဗျူရိုက ဘုန်းနိုင် ပေးပို့တာ ဖြစ်ပါတယ်။

Central News Bureau
https://www.facebook.com/skynetcnb/


    ရန်ကုန် ၊ ဒီဇင်ဘာ ၂၁ ရက်(ဆင်ဟွာ)

    မြန်မာနိုင်ငံရှိ ပြည်သူများ ၊ အသေးစား နှင့် အလတ်စား စီးပွားရေး လုပ်ငန်းများအတွက် အကျိုးပြုနိုင်မည့် ငွေရေးကြေးရေး ၀န်ဆောင်မှု လုပ်ငန်းများ တိုးချဲ့ ဆောင်ရွက်ရန် မြန်မာနိုင်ငံ အစိုးရအား အမေရိကန်ဒေါ်လာ သန်း ၁၀၀ ချေးငွေ အဖြစ် ပေးအပ်သွားမည်ဟု ကမ္ဘာ့ ဘဏ်၏ ဒါရိုက်တာ ဘုတ်အဖွဲ့ မှ အတည်ပြု လိုက်ကြောင်း ယနေ့ ဒီဇင်ဘာ ၂၁ ရက်တွင် သတင်းထုတ်ပြန်ခဲ့သည်။

ထိုချေးငွေ၏ သက်တမ်းမှာ ၃၈ နှစ် ဖြစ်ပြီး ချေးငွေ ပြန်ဆပ်ရန် ဆိုင်းငံ့ ကာလ ၆ နှစ် ရရှိမည် ဖြစ်ပြီး အတိုးမဲ့ နှစ်ရှည် ချေးငွေ ဖြစ်ပြီး ချေးငွေသည် ဖွံ့ ဖြိုးဆဲ နိုင်ငံများ အတွက် အထူး ရည်ရွယ်ထားသည့် ကမ္ဘာ့ ဘဏ်၏ အပြည်ပြည်ဆိုင်ရာ ဖွံ့ ဖြိုးရေး အဖွဲ့ ၏ ရန်ပုံငွေမှ ဖြစ်ကြောင်း သိရသည်။

မြန်မာနိုင်ငံ ငွေရေးကြေးရေး ကဏ္ဍ ဖွံ့ ဖြိုး တိုးတက်ရေး စီမံကိန်းသည် ခိုင်မာ အားကောင်းပြီး တည်ငြိမ်သည့် ငွေရေးကြေးရေး ကဏ္ဍတစ်ရပ်ကို ဖော်ဆောင် မြှင့်တင်နိုင်ရန် ရည်ရွယ်ထားပြီး တစ်နိုင်ငံလုံးတွင် ဘဏ်လုပ်ငန်း ၀န်ဆောင်မှုများ တိုးချဲ့ နိုင်ရန် ၊ ချေးငွေ နှင့် ငွေရေးကြေးရေး ၀န်ဆောင်မှု အမျိုးမျိုးကို တိုးတက် ရရှိနိုင်စေရန် ပြုပြင် ပြောင်းလဲမှုများကို ဆောင်ရွက်သွားမည် ဖြစ်ပြီး တိုင်းပြည်၏ တိုးတက်ရန် အားယူနေသည့် အသေးစား ငွေချေး လုပ်ငန်းများနှင့် အာမခံ လုပ်ငန်း ကဏ္ဍများကိုလည်း မြှင့်တင်နိုင်ရန် ရည်ရွယ်ထားကြောင်း သတင်းထုတ်ပြန်ချက်တွင် ဖော်ပြထားသည်။

“ငွေရေးကြေးရေး ကဏ္ဍ ဖွံ့ ဖြိုး တိုးတက်ရေး စီမံကိန်းကို အကောင်အထည်ဖော် ဆောင်ရွက်ခြင်းအားဖြင့် တစ်နိုင်ငံလုံးက ပြည်သူတွေ ငွေရေးကြေးရေး ၀န်ဆောင်မှု လုပ်ငန်း အမျိုးမျိုးနဲ့ အသေးစား ချေးငွေတွေကို ရရှိနိုင်လာမှာ ဖြစ်ပါတယ်။ချေးငွေတွေ ပိုရရှိလာတာနဲ့ အမျှ စီးပွားရေး လုပ်ငန်းတွေကို တိုးချဲ့ လာနိုင်မှာ ဖြစ်ပြီး ဒါဟာ ၀င်ငွေတွေ ပိုမို တိုးတက်လာဖို့ အခွင့်အလမ်း တစ်ခု ဖြစ်သလို လူတွေကိုလည်း အလုပ်တွေ ပေးနိုင်ပါလိမ့်မယ်။တောင်သူ လယ်သမားတွေ ၊ အသေးစား စီးပွားရေး လုပ်ငန်းရှင်တွေ ၊ ၀င်ငွေ နည်းပါးတဲ့ မိသားစုတွေ အားလုံး အကျိုးခံစားရမှာ ဖြစ်ပါတယ်။”ဟု ကမ္ဘာ့ ဘဏ်၏ အရှေ့ တောင် အာရှ ဒေသဆိုင်ရာ ညွှန်ကြားရေးမှူး Ulrich Zachau က ပြောသည်။

မြန်မာနိုင်ငံ၏ ငွေရေးကြေးရေး ကဏ္ဍသည် တိုင်းပြည်၏ တိုးတက်လျက် ရှိသည့် စီးပွားရေး လုပ်ငန်းများ၏ လိုအပ်ချက်များကို ထိထိရောက်ရောက် မဖြည့်ဆည်း ပေးနိုင်သေးဘဲ ကမ္ဘာပေါ်တွင် ငွေရေးကြေးရေး ၀န်ဆောင်မှု လုပ်ငန်းများ အသုံးပြုနိုင်မှုတွင် နောက်အကျဆုံး နိုင်ငံများတွင် မြန်မာနိုင်ငံ ပါဝင်နေဆဲ ဖြစ်ကြောင်း ၊ အရွယ်ရောက်ပြီးသူများ အားလုံး၏ ၃၀ ရာခိုင်နှုန်း အောက်သာ ငွေရေးကြေးရေး ၀န်ဆောင်မှု လုပ်ငန်းများ ရရှိကြကာ ကျေးလက် ဒေသများတွင် ထိုထက်ပင် ပိုမို နည်းပါးသေးကြောင်း ၊ စီးပွားရေး လုပ်ငန်းများ အတွက် အကြီးဆုံးသော အခက်အခဲ အတားအဆီးတစ်ခုမှာ ငွေကြေးအရင်းအနှီး ရရှိရန် ခက်ခဲသည့် အပိုင်းပင် ဖြစ်သည်ဟု လုပ်ငန်းရှင်များက ပြောကြားကြကြောင်း ဖော်ပြထားသည်။

(Xinhua)
http://www.xinhuamyanmar.com



အင်ဒိုနီရှားနိုင်ငံ အကြမ်းဖက် တိုက်ဖျက်ရေး ရဲတပ်ဖွဲ့ဝင်များအား တွေ့ရစဉ် (ဓာတ်ပုံ-အင်တာနက်)
    ဂျာကာတာ၊ ဒီဇင်ာဘ ၂၁ ရက် (ဆင်ဟွာ)

    အင်ဒိုနီးရှားနိုင်ငံ အကြမ်းဖက်မှု တိုက်ဖျက်ရေး ရဲတပ်ဖွဲ့သည် ဂျကာတာမြို့စွန်တွင် ဒီဇင်ဘာလ ၂၁ ရက်က သံသယရှိ အကြမ်းဖက်သမား ၃ ဦးအား အသေပစ်ခတ် ဖမ်းဆီးခဲ့ကြောင်း၊ အခြားသူ တစ်ဦးကိုလည်း ဖမ်းမိထားကြောင်း နှင့် အပြန်အလှန် ပစ်ခတ်မှုအတွင်း ပေါက်ကွဲခါနီး ဗုံးကြီး တစ်လုံးအား သိမ်းဆည်းနိုင်ခဲ့ကြောင်း ရဲတပ်ဖွဲ့က ပြောကြားလိုက်သည်။

Adang ဆိုသူအား တောင်ပိုင်းခရိုင် Tanggerang အတွင်း Babakan ကျေးရွာရှိ ၎င်း ငှားရမ်းနေထိုင်သည့် နေအိမ်အတွင်း၌ ဖမ်းမိခဲ့ပြီး ၎င်း၏ အဖွဲ့ဝင် သုံးဦးမှာ အကြမ်းဖက် တိုက်ဖျက်ရေး အဖွဲ့ဝင်များနှင့် အပြန်အလှန် ပစ်ခတ်ပြီးနောက် နေအိမ်အတွင်းမှာပင် သေဆုံးခဲ့ကြောင်း အမျိုးသား ရဲတပ်ဖွဲ့ ပြောရေးဆိုခွင့်ရှိသူ ဗိုလ်မှူးကြီး ရိခ်ဝန်တို (Rikwanto) က ပြောသည်။

“Adang နဲ့ သံသယရှိသူ သုံးဦးက နေအိမ်အတွင်းမှာ ဗုံးတပ်ဆင်နေကြောင်း သတင်းရရှိခဲ့တယ်၊ အဲဒီနောက် ရုတ်တရက်ပဲ အကြမ်းဖက် တိုက်ဖျက်ရေး အဖွဲ့ဘက်ကို ဗုံးတစ်လုံး ပစ်လိုက်ပြီး ပစ်ခတ်ခဲ့ပေမဲ့ ကံကောင်းစွာနဲ့ ဗုံးက မပေါက်ကွဲခဲ့ဘူး” ဒေသခံ ရုပ်မြင်သံကြား တိုက်ရိုက် တွေ့ဆုံမေးမြန်ခန်း၌ ရိခ်ဝန်တိုက ပြောကြားခဲ့သည်။

အပြန်အလှန် ပစ်ခတ်ခဲ့ကြပြီးနောက် နာမည်၏ ထိပ်ဆုံး စာလုံး O, I နှင့် L ပါရှိသူ အဆိုပါ စစ်သွေးကြွ သုံးဦး သေဆုံးခဲ့ ဖြစ်ကြောင်း သိရသည်။

အဆိုပါ သံသယရှိသူများသည် လွန်ခဲ့သော ရက်များအကြာက Bekasi မြို့တွင် အဖမ်းခံခဲ့ရသူများနှင့် ချိတ်ဆက်မှု ရှိကြောင်း ရိခ်ဝန်တိုက ထုတ်ဖော်ပြောကြားခဲ့သည်။

(Xinhua)
http://www.xinhuamyanmar.com



မက္ကဆီကို မီးရှုးမီးပန်းဈေးပေါက်ကွဲ
မက္ကဆီကိုနိုင်ငံ၊ မက္ကဆီကိုစီးတီးမြို့နားက လူစည်ကားတဲ့ မီးရှုးမီးပန်းဈေးတခုမှာ အင်္ဂါနေ့က ပေါက်ကွဲမှုကြီးဖြစ်တာကြောင့် လူ ၃၁ ယောက်ထက်မနည်း သေဆုံးပြီး အယောက် ၇၀ ဒဏ်ရာရသွားပါတယ်။

မြို့တော်ရဲ့မြောက်ဘက် ကီလိုမီတာ ၃၀ လောက်မှာရှိတဲ့ Tultepec မြို့နယ်က San Pablito ဈေးမှာ ခရစ္စမတ်စ်နဲ့ နှစ်သစ်ကူး အားလပ်ရက်ကာလတွေအတွက် မီးရှုးမီးပန်းဝယ်တဲ့လူတွေနဲ့ ပြည့်နေခဲ့တာပါ။

ဈေးထဲက မီးရှုးမီးပန်းနဲ့ ဗျောက်အိုးတွေမှာသုံးတဲ့ ယမ်းတွေပါက်ကွဲတာကြောင့် မီးခိုးလုံးကြီး ထိုးတက်သွားပြီး လူတွေလည်း ဘေးကင်းရာကို ထွက်ပြေးကြပါတယ်။ ဈေးထဲက ဆိုင်အများစုကတော့ ပျက်စီးသွားပါပြီ။

ပေါက်ကွဲမှုခြောက်ခုကြောင့် ထိခိုက်ပျက်စီးရတာဖြစ်ပြီး လက်နက် ခဲယမ်းနဲ့ ဖောက်ခွဲရေး ဆိုင်ရာ ဥပဒေတွေကို ချိုးဖောက်မှု ရှိမရှိ ဆိုတာနဲ့ ဘယ်သူ့မှာတာဝန်ရှိတယ်ဆိုတာကို စုံစမ်းစစ်ဆေးနေတယ်လို့ အစိုးရ ရှေ့နေချုပ်ရုံးက ပြောပါတယ်။

ထိခိုက်ဒဏ်ရာရသူတွေကို အကူအညီပေးရေး အရေးပေါ်လုပ်သားတွေ ၀င်ရောက်ဖို့ရာ ဘေးအန္တရာယ်ကင်းတဲ့ အခြေအနေကို ရောက်ဖို့ နာရီအတော်ကြာကြာ စောင့်ခဲ့ကြရပါတယ်။ ဒဏ်ရာရသူတွေထဲက ၂၁ ဦးကိုတော့ ဒီကနေ့အစောပိုင်းမှာ ဆေးရုံကနေ ပြန်ဆင်းခွင့်ပြုလိုက်ပါပြီ။

သေဆုံးသူတွေအတွက် ၀မ်းနည်းရပါကြောင်းနဲ့ ဒဏ်ရာရသူတွေ အမြန်ဆုံး ပြန်ပြီးကောင်းမွန်လာပါစေကြောင်း မက္ကဆီကိုသမ္မတ Enrique Pena Nieto က Twitter မှာရေးပါတယ်။ ၂၀၀၅ ခုနှစ်နဲ့ ၂၀၀၆ ခုနှစ်တွေတုန်းကလည်း အဲဒီဈေးမှာပဲ ပေါက်ကွဲမှုနဲ့ မီးလောင်မှုတွေဖြစ်တာကြောင့် ဆိုင်အများအပြား ပျက်စီးသွားခဲ့ပါသေးတယ်။

ဗွီအိုအေ (မြန်မာပိုင်း)
http://burmese.voanews.com



သုံးလသား အ ရွယ် က လေး ငယ် ဗိုက် ထဲ ရှိ သန္ဓေသားဟု ယူဆရ သည့် အသားလုံးများကို အောင်မြင်စွာ ခွဲစိတ်ထုတ်ယူနိုင်
နေပြည်တော် ဒီဇင်ဘာ ၂ဝ

နေပြည်တော် ခုတင်- ၁ဝဝဝ အထွေထွေ ရောဂါကု ဆေးရုံကြီး၌ သုံးလသားအရွယ် ယောက်ျားကလေး တစ်ဦး၏ ဗိုက်ထဲရှိ သုံးမြွှာပူး သန္ဓေသားဟု ယူဆရသည့် အသားလုံးများကို ဒီဇင်ဘာ ၁၉ ရက်က အောင်မြင်စွာ ခွဲစိတ်ထုတ်ယူနိုင်ခဲ့ပြီး လက်ရှိတွင် ကလေး ငယ်မှာ ကျန်းမာလျက်ရှိကြောင်း သိရသည်။

အဆိုပါကလေးငယ်ကို ဒီဇင်ဘာ ၁၉ ရက် နံနက်၉ နာရီက စတင်ခွဲစိတ်ခဲ့ပြီး ၁ဝ နာရီခန့်တွင် ခွဲစိတ်မှုပြီးစီးခဲ့ကာ ၄င်း၏ဗိုက်ထဲရှိသန္ဓေသား ဟုယူဆရသည့် အစိတ်အပိုင်းများမှ တစ်ခု သာလူပုံသဏ္ဍာန်ဖြစ်ပေါ်ကာ ကျန်သည့် အစိတ်အပိုင်း များမှာ လူခန္ဓာ အစိတ်အပိုင်း အဖြစ် ပြည့်စုံမှု မရှိကြောင်း နေပြည်တော် ခုတင်-၁ဝဝဝ အထွေထွေရောဂါကု ဆေးရုံကြီး၊ ခွဲစိတ်ကု ပညာဌာနမှ ခွဲစိတ်အထူးကု ဆရာဝန်ကြီး ပါမောက္ခ ဒေါက်တာဒေါ်နော်မာသေးက ပြောသည်။

ယင်းကလေးငယ်မှာ ၎င်း၏မိခင်မှ မီးဖွားပြီး တစ်လခွဲခန့်အကြာတွင် ဝမ်းဗိုက်ရောင်ရမ်းလာသည့်အတွက် မန္တလေးကလေးဆေးရုံ ကြီးတွင် စစ်ဆေးမှုခံယူခဲ့ရာ ကလေးငယ်၏ဗိုက်ထဲ၌ သန္ဓေသားဟုယူဆရသည့် အသားလုံးသုံး ခုရှိနေကြောင်း စစ်ဆေးတွေ့ရှိခဲ့ရသည့်အတွက် နေပြည်တော် ခုတင်-၁ဝဝဝဆေးရုံကြီးတွင် ယခုကဲ့သို့ တက်ရောက်ခွဲ စိတ်ကုသခဲ့ခြင်းဖြစ်ကြောင်း ကလေးငယ် ၏ မိခင်ဖြစ်သူ ဒေါ်သန်းသန်းဦးက ပြောသည်။

''ကျွန်မသားလေး ဒီလိုဖြစ်တဲ့အတွက် နေ့တိုင်းစိုးရိမ် ပူပန်နေရတယ်။ အခုလို ကောင်းကောင်းမွန်မွန် ကျန်းကျန်းမာမာနဲ့ တွေ့မြင်ရတဲ့ အတွက် ဝမ်းသာတာကတော့ အတိုင်းမသိပါပဲ။ အခုလို အောင်မြင်အောင် ခွဲစိတ်ပေးတဲ့ ဆရာဝန်၊ ဆရာမတွေ အားလုံးကို ကျေးဇူးတင်ပါတယ်ဟု'' ၎င်းက ဆက်လက်ပြောသည်။

အဆိုပါ ဖြစ်စဉ်မျိုးသည် လူဦးရေ ၅ သိန်းတွင် တစ်ဦးသာဖြစ်နိုင်သည့် ဖြစ်စဉ်ဖြစ်ပြီးခွဲစိတ်ဆရာဝန် သက်တမ်းတွင်လည်း တွေ့ကြုံ ရန်ခဲယဉ်းကြောင်း ပါမောက္ခဒေါက်တာ ဒေါ်နော်မာသေးက ပြောသည်။

မြ၀တီ
https://www.facebook.com/mwdmedia/



( အမျိုးသား လွှတ်တော်ကိုယ်စားလှယ်ဟောင်း ဦးလှဆွေ ကို ရန်ကုန်မြို့မှာ ဒီဇင်ဘာလ ၁၈ ရက်နေ့ကပြုလုပ်တဲ့ တပ်မတော်ကို ထောက်ခံကြိုဆိုပွဲမှာ တွေ့ရစဉ် )Photo: Kyaw Zaw Win/ RFA
မကွေးတိုင်း၊ ဂန့်ဂေါမြို့နယ်၊ မင်းရွာ အုပ်ချုပ်ရေးမှူးက အမျိုးသားလွှတ်တော်ကိုယ်စားလှယ်ဟောင်း ဦးလှဆွေကို ဆက်သွယ်ရေး ဥပဒေပုဒ်မ ၆၆ ဃ နဲ့အမှုဖွင့်ထားပါတယ်။

ရဲတပ်ဖွဲ့က အမှုလာဖွင့်တဲ့ တရားလိုဘက်က သက်သေတွေကို စစ်ဆေးနေဆဲဖြစ်တယ်လို့ ဂန့်ဂေါမြို့နယ် ရဲတပ်ဖွဲ့မှူးရဲမှူး ၀င်းထွဋ်က ပြောပါတယ်။

"မှန်ပါတယ်ခင်ဗျ။ မှန်ပါတယ်။ ဂန့်ဂေါမြို့မ ရဲစခန်းကနေ အမှုဖွင့်ထားပါတယ်ခင်ဗျ။ အခုတော့ ကျနော်တို့ တရားလိုသက်သေတွေကို စစ်ဆေနေတုန်းပေါ့နော်။ ကျန်တာတွေကတော့ အမှုက စစ်ဆေးဆဲကာလဆိုတော့ ပြောလို့ မရသေးပါဘူးခင်ဗျ"

ပြီးခဲ့တဲ့ စက်တင်ဘာလ ၂၀ ရက်နေ့တုန်းက ဦးလှဆွေက သူ့ရဲ့ Facebook စာမျက်နှာမှာ မင်းရွာနဲ့ အဲဒီနားက ရွာတချို့မှာ စုန်းအတတ် တဖက်ကမ်းခတ်သူတွေ ရှိတယ်ဆိုပြီး ရေးသားခဲ့ပါတယ်။

အဲဒီလိုရေးသားခဲ့တဲ့အတွက် ဦးလှဆွေကို Facebook ပေါ်ကနေ ပြန်လည်တုန့်ပြန်ရေးသားခဲ့တဲ့ မင်းရွာသူ မဇင်မာကြည် ကို ဦးလှဆွေက ဆက်သွယ်ရေးဥပဒေပုဒ်မ ၆၆ (ဃ) နဲ့ ဒီဇင်ဘာ ၁၇ ရက်နေ့က အမှုဖွင့်ခဲ့ပါတယ်။

မင်းရွာအုပ်ချုပ်ရေးမှူး ဦးတင်မြတ်က သူတို့ရွာကို ဂုဏ်သိက္ခာကျဆင်းအောင် Facebook ပေါ်မှာ ရေးသားခဲ့တယ်ဆိုပြီး ဦးလှဆွေကို ဂန့်ဂေါမြို့နယ် ရဲစခန်းမှာ ဒီဇင်ဘာလ ၁၉ ရက်နေ့က ဆက်သွယ်ရေးဥပဒေပုဒ်မ ၆၆ (ဃ) နဲ့ပဲ ပြန်လည် အမှုဖွင့်ခဲ့တာ ဖြစ်ပါတယ်။

ဦးလှဆွေဟာ ပြီးခဲ့တဲ့ ပထမအကြိမ် လွှတ်တော်သက်တမ်းတုန်းက ထီးလင်းမြို့နယ်၊ ဆောမြို့နယ်နဲ့ ဂန့်ဂေါမြို့နယ်ကို ကိုယ်စားပြုတဲ့ အမျိုးသားလွှတ်တော် ကိုယ်စားလှယ်တစ်ယောက် ဖြစ်ပါတယ်။

RFA Burmese
https://www.facebook.com/rfaburmese/



( ဂျပန်နဲ့ မြန်မာ ပူးပေါင်းဆောင်ရွက်တဲ့ သီလဝါ အထူးစီးပွားရေးဇုန် အဝင်ဝကို တွေ့ရစဉ် )Photo: Tun Myint/RFA
မြန်မာနိုင်ငံအနေနဲ့ စီးပွားရေး တိုးတက်မှုကို ဖြစ်နိုင်သမျှ ကြိုးပမ်းဆောင်ရွက်မယ်ဆိုရင် လာမယ့် ၂ဝ၃ဝ ခုနှစ်အရောက်မှာ နိုင်ငံခြားက တိုက်ရိုက်လာရောက်မြှုပ်နှံမှုငွေပမာဟာ ကန်ဒေါ်လာ ဘီလီယံ ၁ဝဝ အထိ ရှိလာနိုင်တယ်လို့ နိုင်ငံတကာ အတိုင်ပင်ခံကုမ္ပဏီတခုဖြစ်တဲ့ McKinsey မက် ကင်းဇီ အဖွဲ့က ခန့်မှန်းထားကြောင်း ဗြိတိန်အခြေစိုက် FDI သတင်းစာက ဒီဇင်ဘာ ၂ဝ ရက်မှာ ဖေါ်ပြခဲ့ပါတယ်။

မြန်မာနဲ့ ဂျပန် အစိုးရပူးပေါင်းဆောင်ရွက်နေတဲ့ ရန်ကုန် သီလဝါစက်မှုဇုံမှာ တိုင်းပြည် ၁၆ ခုက ကုမ္ပဏီ ၇၈ ခု လာရောက်လုပ်ကိုင်နေပါတယ်။ ဟက်တာ ၄ဝဝ ကျယ်ဝန်းတဲ့ အဲဒီ စီးပွားရေးဇုံမှာ နိုင်ငံခြားကလာရောက်မြှုပ်နှံမှုငွေ ပမာဏဟာ အခုအချိန်ထိ အမေရိကန် ဒေါ်လာသန်း တထောင်ခန့်ရှိပြီး အမေရိကန်ပြည်ထောင်စုက မြန်မာနိုင်ငံအပေါ် စီးပွားရေးပိတ်ဆို့မှုတွေကို လွန်ခဲ့တဲ့ မေလက ရုပ်သိမ်းလိုက်ပြီးနောက်ပိုင်း နိုင်ငံခြားမြှုပ်နှံမှုတွေ သိသိသာသာ တိုးတက်လာတယ်လုိ့လည်း ဆိုပါတယ်။

RFA Burmese
https://www.facebook.com/rfaburmese/



IS အဖွဲ့ ကတော့ ကုန်ကား နဲ့ တိုက်ခိုက် ခဲ့မှု က သူတို့ ရဲ့ စစ်သည်တော် တစ်ယောက် လုပ်တာလို့ ထုတ်ပြန် ကြေညာပါတယ်။
ဒီဇင်ဘာလ ၂၀ ရက်နေ့ က ဂျာမနီ နိုင်ငံ ဘာလင် မြို့က ခရစ်စမတ် ဈေးတန်း ကို ကုန်တင်ကား ဝင် တိုက်မှု ဖြစ်ပွား ခဲ့ပြီးနောက် ဖမ်းဆီး ထားတဲ့ မသင်္ကာသူ ကိုလည်း အထောက်အထား မခိုင်လုံတဲ့ အတွက် လွှတ်ပေး လိုက်ပါတယ်။

ကုန်တင်ကား နဲ့ မောင်းဝင်ပြီး တိုက်ခိုက်ခဲ့တဲ့ အဓိက တရားခံ ကို ဖမ်း မမိမချင်း သူတို့တွေ အနားယူမှာ မဟုတ်ဘူးလို့ စုံစမ်းစစ်မေးမှု ကို ဦးဆောင် နေတဲ့ ဂျာမနီ ပြည်ထဲရေး ဝန်ကြီး က ပြောပါတယ်။

အခု တိုက်ခိုက်မှု က အကြမ်းဖက် မှုလို့ ဂျာမန် ပြည်ထဲရေး ဝန်ကြီး က ပြောပေမယ့် အစ္စလာမ်မစ် နိုင်ငံ IS အဖွဲ့ရဲ့ တိုက်ခိုက်မှုလား ဆိုတဲ့ မေးခွန်း ကိုတော့ သူက စုံစမ်း စစ်ဆေး နေဆဲ သာ ဖြစ်ကြောင်း ဖြေကြား သွားခဲ့ပါတယ်။

IS အဖွဲ့ ကတော့ ကုန်ကား နဲ့ တိုက်ခိုက် ခဲ့မှု က သူတို့ ရဲ့ စစ်သည်တော် တစ်ယောက် လုပ်တာလို့ ထုတ်ပြန် ကြေညာပါတယ်။

ခရစ်စမတ် ဈေးတန်း ကို ကုန်တင်ကား နဲ့ ဝင်တိုက် ခဲ့မှု ကြောင့် လူ ၁၂ ဦး သေဆုံး ခဲ့ရပြီး နောက်ထပ် လူ ၅၀ ဟာလည်း ဒဏ်ရာ ရရှိ သွားခဲ့ပါတယ်။

ဘာလင်က ခရစ်စမတ် ဈေးတန်း ကို ကားနဲ့ ဝင်တိုက်ခဲ့မှု ဖြစ်ပွား ခဲ့ပြီး နောက်ပိုင်း မှာ မြို့သူ မြို့သား တွေ အနေနဲ့ စိုးရိမ် ထိတ်လန့်မှု မရှိကြဖို့ ဘာလင် မြို့တော်ဝန် က ပန်ကြား လိုက်ပါတယ်။

ဘာလင် မြို့သားတွေ အနေနဲ့ ကြောက်လန့်ပြီး အိမ်ထဲ မှာ မနေကြဖို့ တိုက်တွန်း လိုပါတယ်။ ဒါပေမယ့် လုံခြုံရေး ကို အထူး အလေးထား ကြဖို့တော့ သတိပေး လိုကြောင်း ဘာလင် မြို့တော်ဝန် မီးခေး မူလာ က ပြောကြား ခဲ့ပါတယ်။

ဂျာမန် ပြည်သူ တွေ အနေနဲ့ အကြောက် တရားနဲ့ မဝံမရဲ မဖြစ်ဘဲ မိမိတို့ ဆောင်ရွက်စရာ ရှိတာတွေကို အကြောက်တရား ကင်းကင်း နဲ့ ဆောင်ရွက် ကြဖို့ ဝန်ကြီးချုပ် အန်ဂလာ မာကဲ ကလည်း ပန်ကြား ခဲ့ပါတယ်။

ကုန်တင်ကား ဝင်တိုက်ခံရတဲ့ ခရစ်စမတ် ဈေးတန်း နဲ့ မနီးမဝေးမှာ ရှိတဲ့ ကိုင်ဇာ ဝီလျံ ဘုရားကျောင်း မှာလည်း ကွယ်လွန် ခဲ့ကြသူတွေ အတွက် အောက်မေ့ဖွယ် အခမ်းအနား ကို ကျင်းပ နေပါတယ်။

BBC Burmese
http://www.bbc.com/burmese


ဂျာမနီနိုင်ငံ ဘာလင်မြို့တော်က လူစည်ကားတဲ့ ခရစ္စမတ်ဈေးတခုမှာ အနည်းဆုံး လူ ၁၂ ယောက် သေဆုံးပြီး ဒါဇင်နဲ့ချီ ဒဏ်ရာတွေ ရရှိခဲ့ကြတဲ့ ထရပ်ကားနဲ့ တိုက်ခိုက်မှုဟာ သူတို့ လက်ချက်ဖြစ်တယ်လို့ IS စစ်သွေးကြွက ပြောဆိုလိုက်ပါတယ်။

ဒီပြောဆိုချက်ကို - အဖွဲ့ရဲ့ Amaq သတင်းဌာန၀ဘ်ဆိုဒ်ပေါ်မှာ အင်္ဂါနေ့နှောင်းပိုင်းမှာ ဖော်ပြခဲ့တာဖြစ်ပြီး၊ တိုက်ခိုက်မှုဟာ မဟာမိတ်ညွှန့်ပေါင်းအဖွဲ့ဝင် နိုင်ငံသားတွေအပေါ် ပစ်မှတ်ထားဖို့ တိုက်တွန်းချက်အရ လုပ်ဆောင်ခဲ့တာဖြစ်တယ်လို့လည်း ပြောဆိုခဲ့ပါတယ်။

ရိုးရာခရစ္စမတ်ပွဲတော်တွေမှာ ဒေသခံတွေနဲ့ ခရီးသွားတွေ ပါဝင်ဆင်နွှဲလေ့ရှိတဲ့ လေဟာပြင်ဈေးတခုထဲကို ထရပ်ကားကြီးတစင်းနဲ့ ၀င်တိုက်ခဲ့ပြီးနောက် တနင်္လာနေ့နှောင်းပိုင်းမှာ ဖမ်းဆီးခဲ့တဲ့ တဦးတည်းသော မသင်္ကာသူကို ဂျာမနီရဲတွေက ပြန်လွှတ်ပေးခဲ့ပြီး သိပ်မကြာခင်မှာပဲ ကြေညာချက် ထွက်လာခဲ့တာလည်း ဖြစ်ပါတယ်။

ဂျာမနီ ပြည်ထောင်စုအစိုးရရှေ့နေရုံး အကြီးအကဲ ကတော့ ရာဇ၀တ်ကြောင်းနဲ့ အရေးယူနိုင်လောက်တဲ့ သက်သေအထောက်အထား ခိုင်ခိုင်လုံလုံ မရှိတဲ့အတွက် ပါကစ္စတန်နိုင်ငံသား မသင်္ကာသူ အမျိုးသားကို ပြန်လွှတ်ပေးလိုက်တဲ့အကြောင်း ပြောဆိုခဲ့တာပါ။ စုံစမ်းစစ်ဆေးမှုတွေအရ စွပ်စွဲခံရသူအပေါ် လတ်တလော မသင်္ကာစရာ တစုံတရာ မတွေ့ရဘူးလို့လည်း အစိုးရရှေ့နေရုံး ကြေညာချက်က ဖော်ပြထားပါတယ်။

အင်္ဂါနေ့က Kaiser Wilhelm အောက်မေ့ဘွယ် အထိမ်းအမှတ် ဘုရားကျောင်း အပြင်ဘက်က တိုက်ခိုက်ခံရတဲ့နေရာမှာ နှင်းဆီအဖြူတွေ ချခဲ့တဲ့ ဂျာမနီဝန်ကြီးချုပ် Angela Merkel ကလည်း - တိုက်ခိုက်မှုကြောင့် အံ့အားသင့်၊ တုန်လှုပ်ခဲ့ရပြီး အလွန်အမင်း စိတ်မကောင်း ဖြစ်ခဲ့ရတယ်လို့ ပြောဆိုခဲ့ပါတယ်။

ခရစ္စမတ်ပွဲတော်ကို အားခဲပြီး၊ အားလပ်ရက်ကာလ အစီအစဉ်တွေနဲ့ မနေ့ကအထိ၊ အတူရှိနေခဲ့ကြတဲ့သူ ၁၂ ယောက်ဟာ - အခုအချိန်မှာတော့ မရှိကြတော့ဘူးလို့လည်း နိုင်ငံတ၀ှမ်း ရုပ်မြင်သံကြားကတဆင့် ပြောကြားတဲ့မိန့်ခွန်းမှာ ၀န်ကြီးချုပ် Merkel က ပြောဆိုခဲ့ပါတယ်။

အကျည်းတန်အရုပ်ဆိုးပြီး၊ ဘယ်လိုမှ နားမလည်နိုင်တဲ့ လုပ်ရပ်က ဒီလူတွေရဲ့ အသက်တွေကို နှုတ်ယူသွားခဲ့တယ်လို့လည်း ပြောဆိုခဲ့ပါတယ်။

ဗွီအိုအေ (မြန်မာပိုင်း)
http://burmese.voanews.com