12/25/16



ဒီလေယာဉ်ရဲ့ ပျက်စီးသွားတဲ့ အစိတ်အပိုင်းတွေကို ဆော့ချီကမ်းခြေနဲ့ တမိုင်အကွာ ပင်လယ်နက်ထဲမှာ တွေ့ရှိရတယ်
ရုရှားသမ္မတ ပူတင်က ပင်လယ်နက်ထဲကို ပျက်ကျသွားတဲ့ ရုရှားစစ်လေယာဉ်အတွက် စုံစမ်းမှုတွေ ပြုလုပ်ဖို့ အမိန့်ထုတ်လိုက်ပါတယ်။

အခုလို ပျက်ကျမှုနဲ့ ပတ်သက်ပြီး ရုရှားသမ္မတ ပူတင်က

'ဒီနေ့ပျက်ကျမှုမှာ ကွယ်လွန်သွားတဲ့သူတွေနဲ့ မိသားစုဝင်တွေအတွက် တကယ်ကို ဝမ်းနည်းကြေကွဲရပါတယ်။

ဒီကိစ္စအတွက် စုံစမ်းရေး ကော်မရှင်မှာ ပို့ဆောင်ရေး ဝန်ကြီးက ဦးဆောင်ပြီး သေချာစစ်မှာပါ။

ကျန်ရစ်တဲ့ မိသားစုဝင်တွေကိုလည်း တတ်နိုင်သမျှ ကူညီထောက်ပံ့ပေးပြီး တနင်္လာနေ့ကိုလည်း ကြေကွဲခြင်းအထိန်းအမှတ်ရက်အဖြစ် သတ်မှတ်ထားပါတယ်' လို့ ပြောဆိုခဲ့ပါတယ်။

ရုရှားနိုင်ငံ ဆော့ချီကမ်းခြေက ဆီးရီးယားကိုသွားတဲ့ လူ၉၀ကျော်ပါတဲ့ စစ်လေယာဉ်ပျက်ဟာ ထွက်ခွာပြီး သိပ်မကြာခင်မှာပဲ ပျက်ကျခဲ့တာ ဖြစ်ပြီး အသက်ရှင် ကျန်ရစ်သူ မရှိဘူးလို့ ရှရှားကာကွယ်ရေးဝန်ကြီးဌာနပြောပါတယ်။

ဒီလေယာဉ်ရဲ့ ပျက်စီးသွားတဲ့ အစိတ်အပိုင်းတွေကို ဆော့ချီကမ်းခြေနဲ့ တမိုင်အကွာ ပင်လယ်နက်ထဲမှာ တွေ့ရှိရတယ်ခဲ့ရတယ်လို့လည်း သတင်းထုတ်ပြန်ချက်မှာ ဖော်ပြထားပါတယ်။

လေကြောင်းရှင်းစခန်းနဲ့ လေယာဉ်မှူးတွေ နောက်ဆုံး ပြောဆိုခဲ့တဲ့ စကားတွေကိုလည်း ရုရှားရုပ်သံဌာနတွေက ဖော်ပြခဲ့ကြပါတယ်။

အဆက်အသွယ်ပြတ်မသွားခင် အချိန်အထိ အဲဒီ့ ပြောဆိုမှုတွေမှာ အခက်အခဲ တစုံတရာ ရှိနေပုံမရပဲ ပြောကြတဲ့ လေသံတွေကလည်း တည်တည်ငြိမ်ငြိမ် ရှိနေတာကို တွေ့ရပါတယ်။

ဒီလေယာဉ်ပေါ်မှာ ရုရှားစစ်တပ်ရဲ့ အလက်ဇန်းဒရော့ဗ် အွန်ဆွန်းဘလဲ တရားဝင် စုပေါင်းသီချင်းဆို အဖွဲ့ဝင်တွေအများစု ပါလာတာ ဖြစ်ပါတယ်။

ဒီအဖွဲ့ဟာ ဆီးရီးယားနိုင်ငံက ရုရှားလေတပ်စခန်းရှိတဲ့ လတတ် ကယျမြို့မှာ နှစ်သစ်ကူး ပွဲဖျော်ဖြေဖို့ သွားကြတာ ဖြစ်ပါတယ်။

BBC Burmese
http://www.bbc.com/burmese


ဖိလစ်ပိုင် Mindanao ကျွန်း
ဖိလစ်ပိုင်နိုင်ငံ Mindanao ကျွန်း ပေါ်မှာ မနေ့ စနေနေ့ နှောင်းပိုင်း Christmas အကြိုကာလ Catholic ခရစ်ယာန်ဘုရားကျောင်းတခုအပြင်ဘက်မှာ ပေါက်ကွဲမှု ဖြစ်တဲ့အတွက် ရဲတပ်ဖွဲ့ အရာရှိတယောက် အပါအ၀င် လူတဒါဇင်ကျော်လောက် ဒဏ်ရာရသွားတယ်လို့ ရဲတပ်ဖွဲ့နဲ့ ဘုရားကျောင်းတာဝန်ရှိသူတွေက ပြောပါတယ်။

ရဲတပ်ဖွဲ့ကားတစင်းပျက်စီးစေခဲ့ပြီး မြောက်ဖက် Cotabato ဒေသ Midsayap မြို့က ဘုရားကျောင်းအပြင်ဖက်မှာ ရပ်နေတဲ့ လူတွေကို ထိခိုက်ဒဏ်ရာရစေခဲ့တဲ့ အဲဒီ တိုက်ခိုက်မှုက သူတို့လက်ချက်ဖြစ်တယ် လို့ ဘယ်အဖွဲ့ကမှ ထုတ်ဖော်ပြောဆိုတာမျိုးမရှိသေးပါဘူး၊

ပေါက်ကွဲမှုနဲ့ပတ်သက်ပြီး စုံစမ်းစစ်ဆေးနေဆဲဖြစ်ပြီး ဘယ်အဖွဲ့ရဲ့ လက်ချက် ဖြစ်နိုင်တယ်ဆိုတာ ကို တာဝန်ရှိသူတွေက ထုတ်ဖော်ပြောဆိုတာလည်းမရှိသေးပါဘူး၊ ရဲအရာ၇ှိ (၁)ယောက်အပါအ၀င် လူ ၁၃ ယောက်ထက်မနည်း ဒဏ်ရာရပြီး ဒီဖောက်ခွဲမှုမှာ လက်ပစ်ဗုံးသုံးခဲ့တယ်လို့ Reuters သတင်းဌာနက ဖော်ပြပါတယ်။

ပေါက်ကွဲမှု ဖြစ်ချိန်မှာ ခရစ်တော် ရဲ့ နောက်ဆုံးညစာ အထိမ်းအမှတ်ပွဲကျင်းပနေတဲ့အချိန်ဖြစ်တယ်လို့ ဘုန်းတော်ကြီး Jay Virador က ပြင်သစ် သတင်းဌာနတခုကိုပြောဆိုပါတယ်။

ပေါက်ကွဲမှုဟာ ခရစ်ယာန်ဘုရားကျောင်းနဲ့ ပေ ၁၀၀လောက်အကွာ ဘုရားကျောင်း အ၀င်ပေါက်နားမှာ ဖြစ်ခဲ့လို့ ထိတ်လန့်မှုတွေနဲ့အတူ လူအုပ်ကြီး ပြေးလွားလှုပ်ရှားမှုတွေရှိခဲ့ပြီး ပွဲကို အဆုံးအထိမကျင်းပနိုင်ခဲ့ဘူးလို့ ဘုန်းတော်ကြီး Jay ကပြောပါတယ်။

Midsayap ဟာ မနီလာမြို့တောင်ပိုင်း မိုင် ၅၆၀လောက်အကွာ Mindanao ကျွန်းပေါ်မှာ ရှိပြီး လက်နက်ကိုင် သူပုန်အဖွဲ့တချို့နဲ့ မွတ်ဆလင်လူနည်းစုနေထိုင်ရာ ဒေသလည်း ဖြစ်ပါတယ်။ ဒီသီတင်းပတ်အစောပိုင်းမှာ မနီလာမြို့မှာရှိတဲ့ အမေရိကန်သံရုံးက ဗုံးဖောက်ခွဲမှုနဲ့ပြန်ပေးဆွဲမှုအန္တရာယ်တွေရှိတဲ့ တောင်ပိုင်းကျွန်းတွေကို အမေရိကန်နိုင်ငံသားတွေမသွားကြဖို့ သတိပေးချက်ထုတ်ထားပါတယ်။

ဗွီအိုအေ (မြန်မာပိုင်း)



( ပုဂံရှေးဟောင်းယဉ်ကျေးမှုနယ်မြေမှာ မီးပုံးပျံစီးနေတဲ့ နိုင်ငံခြားသားခရီးသွားဧည့်သည်တွေကို တွေ့ရစဉ် )Photo: Htet Arker/ RFA
မြန်မာနိုင်ငံအတွင်း လုံခြုံရေးအရ ကန့်သတ်ထားတဲ့ဒေသတွေကို ကမ္ဘာလှည့်ခရီးသည်တွေ သွားရောက်ဖို့ ခွင့်ပြုမိန့်တင်ပြတာတွေ လက်ခံတော့မှာမဟုတ်ကြောင်း ဟိုတယ်နဲ့ ခရီးသွားလာရေး ဝန်ကြီးဌာနက ကြေညာချက်ထုတ်ပြန်ထားပါတယ်။

အရင်က စိစစ်ပြီး ခွင့်ပြုတာတွေ ရှိခဲ့ပေမယ့် လုံခြုံရေးအရ ကန့်သတ်ထားတဲ့နေရာတွေကို ပြည်ပ ခရီးသွားတွေကို သွားရောက်ခွင့်ပြုလိုက်လို့ ဆိုးကျိုးတွေ ဖြစ်ပေါ်လာရင် နိုင်ငံ့ပုံရိပ်ကို ထိခိုက်နိုင်တဲ့ အတွက် ခွင့်ပြုတော့မှာ မဟုတ်ဘူးလို့ ဟိုတယ်နှင့်ခရီးသွားလာရေးဝန်ကြီးဌာန ပြည်တွင်း၊ ပြည်ပ ဆက်ဆံရေးနှင့်သတင်းပြန်ကြားရေးဌာနခွဲ ညွှန်ကြားရေးမှူး ဦးမြင့်ထွေး က ပြောပါတယ်။

"ကန့်သတ်တဲ့ဧရိယာတွေကို သွားရောက်လို့ဖြစ်ပေါ်လာမယ့် အခြေအနေနဲ့ ခရီးသွားလုပ်ငန်း ကဏ္ဍအနေနဲ့ ဆိုးကျိုးနဲ့ကောင်းကျိုးကို ကြည့်ပါတယ်၊ ကြည့်တဲ့အခါမှာ နိုင်ငံရဲ့ ပုံရိပ်ကို ထိခိုက်နိုင်မယ့် အခြေအနေမျိုးတွေ ကိုဦးစားပေးစဉ်းစားရပါတယ်၊ ကမ္ဘာ့ခရီးသွားလုပ်ငန်း ဖွံ့ဖြိုးတိုးတက်အောင် လုပ်နေတယ်ဆိုပေမယ့်လည်း နိုင်ငံရဲ့ပုံရိပ်ကို ထိခိုက်နိုင်တဲ့ဟာမျိုးဆိုရင် နိုင်ငံပုံရိပ်မထိခိုက်အောင် ဦးစားပေးရမှာဖြစ်ပါတယ်"

ကမ္ဘာ့လှည့်ခရီးသွားဧည့်သည်တွေ သွားလာခွင့်မရှိတဲ့နေရာတွေအဖြစ် ကန့်သတ်ထားတဲ့နေရာတွေက မြို့ပြင်တွေဖြစ်ပါတယ်။ အခုလိုအချိန်မှာ ရှမ်းပြည်နယ်မြောက်ပိုင်းမှာ ဖြစ်ပွားနေတဲ့ အခြေအနေတွေ ကြောင့် လိုအပ်ရင် မြို့တွင်းတွေကိုပါ သွားလာခွင့်တားမြစ်တာတွေ ရှိလာနိုင်တယ်လို့လည်း ပြောပါတယ်။ ကန့်သတ်နယ်မြေတွေကို ပြည်ထဲရေးဝန်ကြီးဌာနနဲ့ ကာကွယ်ရေးဦးစီးချုပ်ရုံးတို့က သတ်မှတ်တာဖြစ်ပြီး လိုအပ်သလို ညွှန်ကြားချက်တွေ ထုတ်ပြန်ကြေညာတာလည်း ရှိနိုင်တယ်လို့ သိရပါတယ်။

ကန့်သတ်နယ်မြေကိုသွားရောက်မယ့် ခရီးစဉ်တွေကို အရင်က သွားလာခွင့်ရဖို့ အတွက် ဟိုတယ်နှင့် ခရီးသွားလာရေးဝန်ကြီးဌာနထံ တင်ပြလာရင် နိုင်ငံတော်သမ္မတရုံးထံတင်ပြပြီး စိစစ်ခွင့်ပြုပေး ခဲ့ပါတယ်။ အခုအခါမှာ နိုင်ငံတော်သမ္မတရုံးက ခွင့်ပြုမိန့်တင်တာကိုလည်း လက်ခံတော့မှာ မဟုတ်ကြောင်း ဟိုတယ်နှင့်ခရီးသွားလာရေးဝန်ကြီးဌာနကို ညွှန်ကြားလိုက်တာဖြစ်ပါတယ်။

ခရီးသွားကုမ္ပဏီတွေအနေနဲ့ ပြည်ထဲရေးဝန်ကြီးဌာနနဲ့ ကာကွယ်ရေးဦးစီးချုပ်ရုံး(ကြည်း)တို့က ထုတ်ပြန်ထားတဲ့ လုံခြုံရေးအရ ကန့်သတ်ထားတဲ့ ဒေသတွေကို သွားရောက်မယ့် ခရီးစဉ်တွေကို သွားရောက်ခွင့် တင်ပြခြင်းမပြုဖို့၊ ယခုလ ၂၀ ရက်နေ့ မတိုင်ခင်က ခွင့်ပြုထားတဲ့ ကန့်သတ်ဒေသ တွေကို သွားရောက်မယ့် ခရီးစဉ်တွေကိုလည်း ပယ်ဖျက်ဖို့နဲ့ လုံခြုံရေးအရကန့်သတ်ထားတဲ့ ဒေသတွေကို လက်ရှိသွားရောက်လည်ပတ်နေရင်လည်း ခရီးစဉ်ကိုအမြန်ရပ်ဆိုင်းပေးဖို့ ထုတ်ပြန်ချက် မှာပါရှိပါတယ်။

RFA Burmese
https://www.facebook.com/rfaburmese



ဒီမုန်တိုင်းဝင်ရောက်နိုင်တဲ့ လမ်းကြောင်းက ထွက်ခွာဖို့ ငြင်းဆန်တဲ့သူတွေကိုလည်း ဘေးလွတ်ရာပြေးကြဖို့ အာဏာပိုင်တွေက အမိန့်ထုတ်
ဖိလစ်ပိုင်နိုင်ငံ ကာတန်းဒွားနက်စ်ပြည်နယ်ကို ဝင်မယ့် နီနာမုန်တိုင်းဟာ တနာရီ ၁၈၅ ကီလိုမီတာနှုန်းရှိပြီး မြေပြိုမှုတွေ ဖြစ်နိုင်တယ်လို့ နိုင်ငံတွင်း သတင်းထုတ်ပြန်ထားပါတယ်။

နော့တန်းလို့လည်း အမည်ရတဲ့ ဒီမုန်တိုင်းဝင်ရောက်နိုင်တဲ့ လမ်းကြောင်းက ထွက်ခွာဖို့ ငြင်းဆန်တဲ့သူတွေကိုလည်း ဘေးလွတ်ရာပြေးကြဖို့ အာဏာပိုင်တွေက အမိန့်ထုတ်ထားပါတယ်။

မုန်တိုင်းကြောင့် လေကြောင်း၊ ရေကြောင်း ခရီးသွားလာမှုတွေ ဖျက်သိမ်းခဲ့တဲ့အတွက် ခရစ်စမတ်ရုံးပိတ်ရက်အတွင်း အိမ်ပြန်လာကြတဲ့ ဖိလစ်ပိုင်နိုင်ငံသားတွေလည်း ရောက်ရာအရပ်မှာ သောင်တင်နေကြပါတယ်။

မုန်တိုင်းဒဏ်ကြောင့် အဆောက်အအုံတွေ ပျက်စီးမယ့် အန္တရာယ်အပြင် သီးနှံစိုက်ခင်းတွေလည်း ပျက်စီးနိုင်တယ်လို့ အာဏာပိုင်တွေက သတိပေးထားပါတယ်။

မုန်တိုင်းဝင်ရောက်နိုင်မယ့် ဧရိယာဟာ လူနေထူထပ်တဲ့ ဧရိယာဖြစ်ပြီး မြို့တော် မနီလာရဲ့ အစိတ်အပိုင်းတွေလည်း ဒီထဲမှာ ပါဝင်နေတဲ့အတွက် ဒီမုန်တုန်းက လူသန်း လေးဆယ်လောက်အပေါ် သက်ရောက်မှု ရှိနိုင်ပါတယ်။

BBC Burmese
http://www.bbc.com/burmese


လေယာဉ်အမှုထမ်းတွေ အပါအ၀င် လူ ၉၂ ဦး လိုက်ပါသွားတဲ့ ရုရှား စစ်တပ် လေယာဉ် တစင်း အပန်းဖြေမြို့ ဆိုချီကနေ ပျံသန်းပြီး မကြာခင်မှာဘဲ ပင်လယ်နက်ထဲကို ပျက်ကျသွားတယ်လို့ ရုရှား ကာကွယ်ရေး ၀န်ကြီးဌာနက ပြောပါတယ်။ ထင်ရှားတဲ့ စစ်တပ်ရဲ့ တီးဝိုင်းအဖွဲ့လည်း ပျက်ကျခဲ့တဲ့ လေယာဉ်ပေါ်မှာ လိုက်ပါသွားတာပါ။

ရုရှား ကမ်းလွန် ပင်လယ်ပြင်ကနေ လေယာဉ် အပျက်အစီးတွေနဲ့ သေဆုံးသူ တချို့ရဲ့ ရုပ်အလောင်းတွေ တွေ့ရှိထားတယ်လို့ တာဝန်ရှိသူတွေက ပြောပါတယ်။ လေယာဉ်ရဲ့ အဓိက အပိုင်းကိုတော့ ပင်လယ်ကမ်းလွန် ၁ ဒသမ ၅ ကီလိုမီတာ အကွာ၊ ရေအောက် မီတာ ၇၀ အနက်မှာ ရှိနေပါတယ်။

Tu – 154 လေယာဉ်ဟာ ပင်လယ်နက် အပန်းဖြေ စခန်း Sochi မြို့ကနေ ပျံသန်းပြီး မိနစ် ၂၀ လောက် အကြာ မနက် ၅ နာရီ မိနစ် ၄၀ မှာ ရေဒါကနေ ပျောက်သွားခဲ့တာ ဖြစ်ပါတယ်။ လေယာဉ်က ဆီးရီးယားနိုင်ငံက လေတပ် အခြေစိုက် စခန်းကို ဦးတည် ပျံသန်းလာတာ ဖြစ်ပါတယ်။ ပျက်ကျခဲ့ရတဲ့ အကြောင်းရင်းကိုတော့ မသိရသေးပါဘူး။

လေယာဉ်မှူး အခန်းကနေ ဘေးဒုက္ခနဲ့ ပတ်သက်တဲ့ အချက်ပြမှုလည်း မရှိခဲ့ဘူးလို့ တာဝန်ရှိသူတွေက ပြောပါတယ်။ ရှာဖွေ ကယ်ဆယ်ရေး လုပ်ငန်းတွေ ဆက်လက် လုပ်ဆောင်နေပြီး အသက်ရှင် လွတ်မြောက်သူ မရှိနိုင်ဘူးလို့လည်း အာဏာပိုင်တို့က ပြောပါတယ်။ ဆိုဗီယက် ပုံစံ အင်ဂျင် သုံးလုံးတပ် လေယာဉ်ဟာ ရုရှား စစ်အခြေစိုက် စခန်းကနေ ဆီးရီးယား နိုင်ငံ ကမ်းခြေမြို့ Latakia ကို ပုံမှန် ပျံသန်းနေတာ ဖြစ်တယ်လို့လည်း ကာကွယ်ရေး ၀န်ကြီးဌာနက ပြောပါတယ်။

ပျက်ကျခဲ့တဲ့ လေယာဉ်ပေါ်မှာ ရုရှား စစ်တပ် တာဝန်ရှိသူတွေ၊ နောက် စစ်တပ်ရဲ့ ဂီတ အဖွဲ့ Alexandrov Ensemble တပ်ဖွဲ့ဝင်တွေ ပါဝင်ပြီး ဆီရီးယား နိုင်ငံက စစ်အခြေစိုက် စခန်းမှာ နှစ်သစ်ကူး ပွဲတော် ဆင်နွှဲဖို့ အတွက် သွားရောက်တာ ဖြစ်တယ်လို့ ရုရှား ကာကွယ်ရေး ၀န်ကြီးဌာနက ပြောပါတယ်။ ခရီးသည် ၈၄ ယောက်ထဲမှာ သတင်းမီဒီယာ သမား ၉ ယောက် ပါဝင်ပြီး လေယာဉ် အမှုထမ်း ၈ ယောက်လည်း လိုက်ပါသွားပါတယ်။ရုရှား လေယာဉ်ပျက်ကျပြီး ရှာဖွေ ကယ်ဆယ်ရေး လုပ်ဆောင်နေတယ်ဆိုတာကို ရုရှား သမ္မတ ဗလာဒီမီယာ ပူတင် သိရှိထားတယ်လို့လည်း ရုရှား သမ္မတ နန်းတော် ပြောခွင့်ရ Dmitry Peskov က ရုရှား သတင်းမီဒီယာတွေကို ပြောဆိုပါတယ်။

 ဗွီအိုအေ (မြန်မာပိုင်း)
http://burmese.voanews.com



ရန်ကုန်မြို့တွင်းက ရွှေဆိုင်များ အရောင်းအ၀ယ်ပုံမှန်ပြန်ဖြစ်နေ
လက်ရှိမှာဒေါ်လာငွေကြေးလဲလှယ်နှုန်းကအနည်းငယ်ကျဆင်းနေတာကြောင့် ပြည်တွင်းရွှေဈေးလည်း လိုက်ပါကျဆင်းလာပြီး ရန်ကုန်မြို့တွင်းကရွှေဆိုင်တွေအနေနဲ့အရောင်းအ၀ယ်ပုံမှန်ပြန်ဖြစ်လာပြီဖြစ်တယ်လို့ ရွှေဆိုင်လုပ်ငန်းရှင်တွေရဲ့ ပြောပြချက်အရသိရပါတယ်။

 ဒေါ်လာငွေကြေးလဲလှယ်နှုန်းထား ဟာ ဒီဇင်ဘာလတတိယပတ်အတွင်းမှာ တစ်ဒေါ်လာကို (၁၄၃၀)ကျပ်ဝန်းကျင်အထိစံတင်ချိန်မြင့်တက်ခဲ့တဲ့အချိန်မှာ ပြည်တွင်းရွှေဈေးနှုန်းက ကျပ်(၈၇၀၀၀၀)၀န်းကျင်အထိဖြစ်ခဲ့တယ်လို့သိရပါတယ်။ ရွှေဈေးနှုန်းကို ကာလတို သုံးသပ်မယ်ဆိုရင် ရွှေဈေးနှုန်းပြန်လည်တက်ဖို့မရှိသလို အများကြီးကျဆင်းဖို့အထိလည်းမရှိဘူးလို့ မြန်မာနိုင်ငံရွှေလုပ်ငန်းရှင်များအသင်း တွဲဖက်အတွင်းရေးမှူး(၄) ဦးအုန်းမြိုင်က သုံးသပ်ပြောကြားပါတယ်။

တောင်သူလယ်သမားတွေရဲ့ စပါးပေါ်ချိန်နဲ့ ကောက်ပဲသီးနှံရိတ်သိမ်းချိန်ဖြစ်တဲ့ ပွင့်လင်းရာသီမှာ ရွှေဆိုင်တွေအနေနဲ့ အရောင်းအ၀ယ်ကောင်းမယ့်ကာလဖြစ်တယ်လို့ သိရပါတယ်။ စပါးပေါ်ချိန်မှာ ဒေါ်လာဈေးနှုန်းကျဆင်းလေ့ရှိပြီး ပြည်တွင်းရွှေဈေးပါ ကျဆင်းမယ်ဆိုရင် အရောင်းအ၀ယ် အခြေအနေပိုကောင်းနိုင်တယ်လို့ တိတ်စိန်ရွှေဆိုင်က ဦးဇော်အောင်ကပြောပါတယ်။

ပြည်တွင်းရွှေဈေးဟာ ဒေါ်လာဈေးပေါ်မူတည်နေပြီး အခုလက်ရှိမှာကားပါမစ်ပိတ်လိုက်တဲ့အတွက် ဒေါ်လာဈေးပြန်တက်ဖို့မမြင်သေးတာကြောင့် ပြည်တွင်းရွှေဈေးနှုန်းလည်းတက်ဖို့ မဖြစ်နိုင်သေးဘူး လို့ဦးဇော်အောင်ကသုံးသပ်ပြောကြားပါတယ်။

 ဒီဇင်ဘာ(၂၅)ရက်ရဲ့ ပြည်တွင်းရွှေဈေးကတော့ (၁၆)ပဲရည်တစ်ကျပ်သားကို (၈)သိန်း (၄)သောင်းကျပ်ဝန်းကျင်ဖြစ်ကာ ဒေါ်လာဈေးနှုန်းကတော့ အမေရိကန်တစ်ဒေါ်လာကို(၁၃၆၅)ကျပ် ၀န်းကျင်ဖြစ်တယ်လို့သိရပါတယ်။ ဒီသတင်းကို Central News Bureau က နှင်းယုခိုင် ပေးပို့တာဖြစ်ပါတယ်။

Central News Bureau
https://www.facebook.com/skynetcnb



ကရင်ပြည်နယ် လှိုင်းဘွဲ့မြို့နယ် မဲသဝေါဒေသက တိုက်ပွဲတွေကြောင့် မြိုင်ကြီးငူဒေသမှာ ခိုလှုံနေရတဲ့ စစ်ဘေးဒုက္ခသည်တွေ ကို တွေ့ရစဉ်။ Photo: Kyaw Lwin Oo/RFA
ပြီးခဲ့တဲ့ စက်ဘာလနဲ့ အောက်တိုဘာလအတွင်း တိုက်ပွဲတွေကြောင့် ကရင်ပြည်နယ် မြိုင်ကြီးငူ ဒေသမှာ ထွက်ပြေးတိမ်းရှောင်နေရတဲ့ စစ်ဘေးဒုက္ခသည် ၅ ထောင်ကျော်အတွက် စားနပ်ရိက္ခာတွေ လိုအပ်နေတယ်လို့ မြိုင်ကြီးငူ စစ်ဘေးဒုက္ခသည်စခန်းရဲ့တာဝန်မှူး ဦးစောဦး က ပြောပါတယ်။

ဒုက္ခသည်တွေအတွက် အလှူရှင်တွေ နည်းပါးနေသလို ၁၅ ရက်စာလောက်ပဲ ဆန် ကျန်တော့တယ် လို့ ဦးစောဦးက ပြောပါတယ်။

"နည်းလာတာပေါ့။ ရိက္ခာက သူများမပို့ထာကြာပြီ။ လက်ကျန်ရှိတာနဲ့ အခုစားနေတာ။ ရိက္ခာအားလုံးပေါင်း ကျနော်တို့ ဌာနမှာ အခု သုံးရာ (ဆန်အိတ် သုံးရာ) ပဲကျန်တော့တယ်။ သုံးရာဆိုတော့ ကျနော်တို့ ဥစ္စာကတော့ ၁၅ ရက်စာတော့ ရသေးတာပေါ့။ အစိုးရတော့ လှူဖို့ မရှိသေးဘူး"

စားနပ်ရိက္ခာအကူအညီတွေ ရရှိဖို့အတွက် အထွေထွေ အုပ်ချုပ်ရေး ဦးစီးဌာနထံ အကူအညီတောင်းဖို့ စီစဉ်နေတယ်လို့လည်း ဦးစောဦးက ပြောပါတယ်။

ကရင်ပြည်နယ် မဲသဝေါဒေသမှာ ပြီးခဲ့တဲ့ စက်တင်ဘာ လဆန်းပိုင်းကစပြီး တပ်မတော်နဲ့ DKBA ခွဲထွက်အဖွဲ့တို့ကြား ဖြစ်ပွားခဲ့တဲ့ တိုက်ပွဲတွေကြောင့် အဲဒီဒေသက ဒေသခံတွေဟာ မြိုင်ကြီးငူ ဒေသကို လာရောက်ပြီး ခိုလှုံနေကြရတာဖြစ်ပါတယ်။

လက်ရှိမှာ တိုက်ပွဲတွေ ငြိမ်သက်သွားပြီဖြစ်ပေမယ့် မိုင်းအန္တရာယ်ကို စိုးရိမ်တဲ့အတွက် ဒုက္ခသည် တွေက နေရပ်မပြန်ရဲကြသေးဘူးလို့လည်း ဦးစောဦး က ပြောပါတယ်။

RFA Burmese
http://www.rfa.org/burmese



( မွန်ပြည်နယ် စားသောက်ကွပ်ကဲရေးအဖွဲ့တွေ၊ အစားအသောက်နဲ့ ဆေးဝါးကွပ်ကဲရေး FDA အဖွဲ့တွေ၊ ရဲတပ်ဖွဲ့တွေနဲ့ စည်ပင်အဖွဲ့တွေ မော်လမြိုင်မြို့ဈေးက ငရုတ်သီးမှုန့်ဆိုင်တွေကို ဒီဇင်ဘာလ ၂ဝ ရက်နေ့က စစ်ဆေးစဉ် ) Photo: Kyaw Lwin Oo/ RFA
ဈေးကွက်အတွင်းရောင်းချနေတဲ့ ငရုတ်သီးမှုန့်တံဆိပ် ၅၆ ခုနဲ့ မဆလာတံဆိပ် ၁ ခုတို့ဟာ အစားအသောက်နဲ့ ဆေးဝါးကွပ်ကဲရေးဦးစီးဌာန FDA ထောက်ခံချက်ရရှိထားခြင်းမရှိဘဲ ရောင်းချနေတာဖြစ်ကြောင်း ကျန်းမာရေးနဲ့ အားကစားဝန်ကြီးဌာနက ထုတ်ပြန်ကြေညာလိုက်ပါတယ်။

FDA ထောက်ခံချက်မရှိဘဲ ဈေးကွက်အတွင်းရောင်းချနေတဲ့ ငရုတ်သီးမှုန့်တွေထဲမှာ မုံရွာမြို့ကထွက်ရှိတဲ့ ငရုတ်သီးမှုန့်တွေအများဆုံးပါဝင်ပြီး မော်လမြိုင်၊ ရန်ကုန်၊ မြိတ်၊ နေပြည်တော်၊ ရခိုင်၊ ပုသိမ်၊ တောင်ကြီး၊ မန္တလေးနဲ့ မကွေး စတဲ့မြို့တွေက ထွက်ရှိတာတွေလည်း ပါဝင်ပါတယ်။

အဲဒီထဲက ငရုတ်သီး အမှတ်တံဆိပ် ၂၁ ခုနဲ့ မဆလာအမှတ်တံဆိပ် ၁ ခုကတော့ လုပ်ငန်းလိပ်စာဖော်ပြထားခြင်း မရှိပါဘူး။

FDA ထောက်ခံချက်မရရှိဘဲ ရောင်းချနေတာတွေက ပစ်တိုင်းထောင်၊ နေကိုးလုံး၊ ရွှေဟင်္သာ၊ စိန်ခြင်္သေ့၊ မြင်းပျံ၊ ကောင်းအရသာ၊ ယုဇန၊ ရွှေငရုတ်မင်း၊ ကောင်း၊ မြေလတ်သား စတဲ့တံဆိပ်တွေ ဖြစ်တယ်လို့ ကြေညာထားပါတယ်။

ကျန်းမာရေးနဲ့ ညီညွတ်မှုမရှိတဲ့ ငရုတ်သီးမှုန့်တွေအပါအဝင် အဆိပ်အတောက်ဖြစ်စေတဲ့ မှိုတွေပါဝင်တဲ့ အလှော်မှုန့်နဲ့ အထောင်းမှုန့်တွေကို မွန်ပြည်နယ်အတွင်းမှာ ပြီးခဲ့တဲ့ ဒီဇင်ဘာ ၁၉ ရက်နေ့ကနေ ၂၃ ရက်နေ့ အထိ စစ်ဆေးသိမ်းဆည်းတာတွေ ပြုလုပ်ခဲ့တာ ဖြစ်ပါတယ်။

ဈေးကွက်အတွင်း ရောင်းချနေတဲ့ ငရုတ်သီးမှုန့်နဲ့ အရောင်တင်မှုန့်တွေမှာ အသည်းကင်ဆာရောဂါကို ဖြစ်ပွား စေတဲ့ Aflatoxin နဲ့ ဆိုးဆေးတွေ ပါဝင်နေတာကို စစ်ဆေးတွေ့ရှိထားကြောင်း ကျန်းမာရေးနဲ့ အားကစားဝန်ကြီးဌာန အစားအသောက်နဲ့ ဆေးဝါးကွပ်ကဲရေးဦးစီးဌာန က ပြီးခဲ့တဲ့ နိုဝင်ဘာလ အတွင်းက သတင်းစာ ရှင်းလင်းပွဲ ကျင်းပခဲ့ပါတယ်။

အဲဒီနောက်ပိုင်း အခုလို ဈေးကွက်အတွင်းရောင်းချနေတဲ့ စားသောက်ကုန်တွေကို လိုက်လံစစ်ဆေးမှုတွေ ပြုလုပ်နေတာ ဖြစ်ပါတယ်။

မြို့မဆင်ဖြူတော်၊ ဒေါ်ထွေး၊ ဘုတ်ဆုံမနဲ့ မြန်မာရနံ့အမှတ်တံဆိပ်တွေ အပါအဝင် ငရုတ်သီးမှုန့် ၉မျိုး ဟာ မှိုအဆိပ် ပါဝင်တဲ့အတွက် ဈေးကွက်အတွင်းကနေ ပြန်လည်ရုပ်သိမ်းဖို့ ပြီးခဲ့တဲ့ နိုဝင်ဘာလ အတွင်းက မြန်မာနိုင်ငံအစားအသောက်နှင့် ဆေးဝါးကွပ်ကဲရေးဦးစီးဌာန FDA က ညွှန်ကြားချက် ထုတ်ပြန်ခဲ့ပါတယ်။

RFA Burmese
https://www.facebook.com/rfaburmese/



ရုရှား လေတပ်တွင်အသုံးပြုလျက်ရှိသည့် Tu-154 လေယာဉ်အားတွေ့ရစဉ် (ဓါတ်ပုံ-အင်တာနက်)
    မော်စကို၊ ဒီဇင်ဘာ ၂၅ရက် (ဆင်ဟွာ)

    ပျောက်ဆုံးနေသည့် ရုရှားစစ်လေယာဉ် Tu-154 ၏ အပျက်အစီးအပိုင်းအစအား ပင်လယ်နက်အတွင်း ရှာဖွေတွေ့ရှိခဲ့ကြောင်း ကာကွယ်ရေးဝန်ကြီးဋ္ဌာန အာဏာပိုင်များက ဒီဇင်ဘာ ၂၅တွင်ပြောကြားခဲ့သည်။

ဝန်ကြီးဋ္ဌာန၏ သတင်းထုတ်ပြန်ရေးက ရုရှားနိုင်ငံ ကာကွယ်ရေးဝန်ကြီးဋ္ဌာနမှ Tu-154 လေယာဉ်၏ အပိုင်းအစများအား Sochiမြို့ ပင်လယ်နက်ကမ်းခြေမှ ၁.၅ကီလိုမီတာ အကွာအဝေး ရှိ ရေအောက် ၅၀ မှ ၇၀ မီတာ အတွင်း ရှာဖွေတွေ့ရှိခဲ့ကြောင်း ဖော်ပြခဲ့သည်။

အဆိုပါ လေယာဉ်သည် လာတာကီရာမြို့ အနီး ရုရှားနိုင်ငံ၏ Hmeimim လေတပ်စခန်းသို့ ပျံသန်းခဲ့ခြင်းဖြစ်ကြောင်း၊ လေယာဉ်ပေါ်၌ ရုရှားလူမျိုး စစ်မှုထမ်းများ နှင့် ရုရှားတပ်မတော်တေးဂီတအဖွဲ့ Alexandrov Ensembel အဖွဲ့ဝင်များ သည် လေတပ်စခန်း၌ နှစ်သစ်ကူးပွဲတော်ကျင်းပရန် လိုက်ပါလာကြကြောင်း ဝန်ကြီးဋ္ဌာနကပြောကြားခဲ့သည်။

ထို့အပြင် သတင်းမီဒီယာများမှ ကိုယ်စားလှယ် ၉ဦးလည်းလိုက်ပါလာကြောင်း ဝန်ကြီးဋ္ဌာနက မှတ်ချက်ပေးခဲ့သည်။

ကနဦးရရှိသည့် သတင်းအချက်အလက်များကို အခြေခံ၍ လေယာဉ်ပျက်ကျမှုသည် နည်းပညာပိုင်းချို့ယွင်းမှု (သို့) လေယာဉ်မှူး၏ လွဲချော်မှုတို့ကြောင့်ဖြစ်ကြောင်း သိရသည်။

ရုရှားနိုင်ငံ စုံစမ်းစစ်ဆေးရေးကော်မတီက လေယာဉ်ပျက်ကျမှုနှင့်ပတ်သက်၍ စစ်ဆေးနေကြောင်း ပြောကြားခဲ့သည်။

Tu-154 လေယာဉ်သည် ရုရှား အာကာသလေကြောင်း နှင့် ကာကွယ်ရေး ကုမ္ပဏီ Tupolev မှ ထုတ်လုပ်ခဲ့သည့် အင်ဂျင်သုံးလုံးပါ အလယ်အလတ်အမျိုးအစား လေယာဉ်တစ်စီးဖြစ်ပြီး ယင်းလေယာဉ်သည် ယခုအသုံးပြုလျက်ရှိသည့် အမြန်ဆုံးပြည်တွင်းဖြစ်လေယာဉ်များအနက် တစ်စီးအပါအဝင် ဖြစ်ကာ ရာသီဥတုဆိုးရွားလှသည့် အာတိတ်ဒေသတွင် ကျယ်ပြန့်စွာ အသုံးပြုလျက်ရှိကြောင်း သိရသည်။

(Xinhua)
http://www.xinhuamyanmar.com



ပင်လယ်နက်အတွင်း ကယ်ဆယ်ရေး နှင့် ရှာဖွေရေးလုပ်ငန်းများလုပ်ဆောင်နေသည့် သင်္ဘောများအားတွေ့ရစဉ် (ဆင်ဟွာ)
    မော်စကို၊ ဒီဇင်ဘာ ၂၅ရက် (ဆင်ဟွာ)

    ရုရှားနိုင်ငံ တောင်ပိုင်း Adler မြို့ မှ မော်စကိုစံတော်ချိန် ၅း၄၀နာရီတွင် ထွက်ခွာလာပြီးနောက် ရေဒါမှ ပျောက်ဆုံးသွားသော ရုရှားစစ်လေယာဉ်၌ စုစုပေါင်း လူ ၉၂ဦးလိုက်ပါလာကြောင်း နှင့် ဂီတသမား ၆၅ဦး၊ လေယာဉ်ဝန်ထမ်း ၈ဦး နှင့် ဂျာနယ်လစ် ၉ဦးတို့ လည်းပါဝင်ကြောင်း သိရသည်။

အဆိုပါလေယာဉ် ပျက်ကျမှု နှင့်ပတ်သက်၍ အသက်ရှင်ကျန်ရစ်သူမရှိကြောင်း ရုရှားနိုင်ငံ ကာကွယ်ရေးဝန်ကြီးဋ္ဌာနက ထုတ်ပြန်ခဲ့သည်။

(Xinhua)
http://www.xinhuamyanmar.com



မြန်မာနိုင်ငံတွင် ဆင်းရဲနွမ်းပါးမှုပပျောက်ရေး ကျားကုတ်ကျားခဲ့ ကြိုးပမ်းနေချိန် နိုင်ငံအပေါ် ချမှတ်ထားသည့် အရေးယူပိတ်ဆို့မှုများကို ဖြေလျော့ရုတ်သိမ်းပေးလိုက်သည့် အမေရိကန်တို့၏ ဆုံးဖြတ်ချက်ကြောင့် ရင်းနှီးမြှုပ်နှံမှုများကို လမ်းပွင့်သွားစေနိုင်ကြောင်းနှင့် ယခုအရွေ့ကို ကြိုဆိုပါကြောင်း ဒေါ်အောင်ဆန်းစုကြည်အစိုးရက ပြောသည်။ ဆယ်စုနှစ်များစွာကြာ စစ်အုပ်ချုပ်ရေးကို အဆုံးသတ်စေခဲ့သည့် ယမန်နှစ်ရွေးကောက်ပွဲများအတွင် မဲအများစုအနိုင်ရရှိကာ ဒေါ်အောင်ဆန်းစုကြည်၏ ပါတီအပြတ်အသတ်ဖြင့် အနိုင်ရရှိလာခဲ့သည်။ သို့သော် အစိုးရသစ်အနေဖြင့် နိုင်ငံပြန်လည်ထူထောင်ရေးလုပ်ငန်းများကို လုပ်ဆောင်ရာတွင် အခက်အခဲများ ကြုံတွေ့နေရလျက်ရှိပြီး အခြေခံအဆောက်အအုံပိုင်း မပြည့်စုံမှု၊ သယံဇာတကြွယ်ဝသော နယ်စပ်ဒေသများတွင် ပဋိပက္ခများဖြစ်ပေါ်နေမှု၊ စစ်တပ်၏ သြဇာသက်ရောက်နေမှုနှင့်အတူ ယနေ့နိုင်ငံစီးပွားရေးတွင် လွှမ်းမိုးချုပ်ကိုင်ထားဆဲဖြစ်သော ခရိုနီများရှိနေမှု စသည်တို့နှင့် ရင်ဆိုင်နေရသည်။ ယခုအခါ အရှေ့တောင်အာရှနိုင်ငံတွင် အရပ်သားအစိုးရဦးဆောင်သော အစိုးရတစ်ရပ်ထံသို့ အာဏာလွှဲပြောင်းပေးနိုင်ခဲ့ခြင်းကို သမိုင်းဝင်အရွေ့တစ်ခုအဖြစ် အသိအမှတ်ပြုသည့်အနေဖြင့် အရေးယူပိတ်ဆို့ထားသော ဘဏ္ဍာရေး၊ ကုန်သွယ်ရေး အတားအဆီးများကို ဖြေလျော့ပေးလိုက်ခြင်းဖြစ်ကြောင်း အမေရိကန်ဘဏ္ဍာရေးဝန်ကြီးဌာနက ထုတ်ပြန်သည်။ ၀ါရှင်တန်အစိုးရအနေဖြင့် စစ်အုပ်ချုပ်ရေးကုန်ဆုံးခဲ့သော ၂၀၁၁ ခုနှစ်နောက်ပိုင်းမှစ၍ နိုင်ငံ၏ ပြုပြင်ပြောင်းလဲမှုများကို အသိအမှတ်ပြုကာ ဖြေလျော့မှုများစွာ ပြုလုပ်လာခဲ့သော်လည်း အချို့အဖွဲ့အစည်းပုဂ္ဂိုလ်များကို နာမည်ပျက်စာရင်းတွင် ဆက်လက် ထည့်သွင်းထားဆဲဖြစ်ကာ နောက်ထပ် ပြုပြင်ပြောင်းလဲမှုများနှင့် လူ့အခွင့်အရေးဆိုင်ရာ တိုးတက်မှုများ ဆက်လက်တွေ့မြင်ရရန် စောင့်ကြည့်နေသည်ဟု ဆိုသည်။
ယခုဖြေလျော့ပေးမှုများအပေါ် အစိုးရဘက်က ကြိုဆိုပါကြောင်း မြန်မာအစိုးရ ပြောရေးဆိုခွင့်ရပုဂ္ဂိုလ် ဦးဇော်ဌေးက ပြောသည်။

"ဒါဟာ နှစ်နိုင်ငံအကြား ကုန်သွယ်မှုပိုင်းကို ပိုမိုတိုးတက်သွားစေနိုင်သလို စီးပွားရေးတိုးတက်နိုင်မှု အလားအလာတွေအတွက် မျှော်လင့်ချက်တွေ ပိုအားကောင်းသွားစေပါတယ်" ဟု ၎င်းက ပြောသည်။

အလားတူ ယခုဖြေလျော့မှုကြောင့် ပြည်ပကုမ္ပဏီများထံမှ လာရောက်ရင်းနှီးမြုပ်နှံမှုများ ပိုမိုတိုးပွားလာစေနိုင်သည်ဟုလည်း ၎င်းက ထပ်လောင်းပြောကြားသည်။ Coca-Cola ၊ Pepsi ၊ KFC ၊ Chevrolet နှင့် Ford တို့အပါအဝင် အမေရိကန်ကုမ္ပဏီများသည် မြန်မာနိုင်ငံတွင် လာရောက်အခြေချထားပြီးလည်း ဖြစ်သည်။ ယင်းအပြင် ယခုနောက်ဆုံးဖြေလျော့မှုများကြောင့် နိုင်ငံတွင် လာရောက်ရင်းနှီးမြှုပ်နှံလိုသော အမေရိကန် စီးပွားရေးလုပ်ငန်းများအတွက် ပိုမိုတွန်းအားပေးစေနိုင်ရန်လည်း ရှိနေသည်။

ယခုဖြေလျော့ခံရသူများထဲတွင် ယခင်စစ်အစိုးရနှင့် ပတ်သက်မှုရှိ၍ စာရင်းထည့်သွင်းခံထားရသော နိုင်ငံပိုင်လုပ်ငန်းခုနစ်ခုလည်း ပါဝင်ကြောင်း အမေရိကန် ဘဏ္ဍာရေးဝန်ကြီးဌာနက ဆိုသည်။

အလားတူ နိုင်ငံပိုင်ဘဏ်သုံးခုကို ဆန်ရှင်စာရင်းမှ ပယ်ဖျက်ပေးလိုက်သကဲ့သို့ မြန်မာနိုင်ငံကဘဏ်များ အားလုံးကိုလည်း အမေရိကန်စီးပွားရေးလုပ်ငန်းများနှင့် ချိတ်ဆက်ဖွင့်လှစ်ပေးခဲ့သည်။

အလားတူ ပြီးခဲ့သည့် ၂၀၁၅ ဒီဇင်ဘာလက ပြုလုပ်ခဲ့သည့် ခွင့်ပြုချက်တစ်ခုအရ လုပ်ငန်းများကို မြန်မာ့ဆိပ်ကမ်း၊ လေဆိပ်များမှတဆင့် ကုန်သွယ်ခွင့်တို့ကိုပါ ရရှိစေခဲ့သည်။

ယင်းဆိပ်ကမ်း၊ လေဆိပ်အများစုမှာ ဆန်ရှင်ချမှတ်ခံထားရသည့် ခရိုနီများလုပ်ကိုင်နေသော လုပ့်ငန်းများဖြစ်ပြီး ယင်းနောက် နိုင်ငံတွင်ကုန်စည်စီးဆင်းမှုပိုမိုလွယ်ကူချောမွေ့တော့မည်ဟု ယူဆရသည်။ ယခု ခွင့်ပြုချက်အရ ဆန်ရှင်ချမှတ်ခံထားရသည့် စတီဗင်လောနှင့် ၎င်း၏ အေးရှဝေါလုပ်ငန်းစုတို့က လုပ်ကိုင်နေသော ဆိပ်ကမ်းနှင့် နိုင်ငံတကာလေဆိပ်တို့သည်လည်း အကျုံးဝင်နေခဲ့သည်။ သို့သော် ဘိန်းဘုရင်လောစစ်ဟန်၏ သားဖြစ်သူ စတီဗင်လောအနေဖြင့် ယခုအချိန်တွင် ဆန်ရှင်ပိတ်ဆို့ခံထားရဆဲဖြစ်ပြီး ၎င်း၏ အေးရှဝေါကုမ္ပဏီနှင့်အတူ အခြားဆက်နွယ်နေသော လုပ်ငန်းခြောက်ခုတို့လည်း ပါဝင်နေဆဲဖြစ်သည်။ အလားတူ စစ်အစိုးရနှင့် ပတ်သက်ခဲ့သူများအပါအ၀င် လုပ်ငန်းလူပုဂ္ဂိုလ်တစ်စုလည်း ယခုထက်ထိ ဆန်ရှင်စာရင်းတွင် ပါဝင်နေဆဲဖြစ်သည်။ ယခုကဲ့သို့ အမေရိကန်တို့၏ အရေးယူပိတ်ဆို့မှု ဖြေလျော့မှုအပေါ် အေးရှားဝေါက တစ်စုံတစ်ရာ မှတ်ချက်ပြုရန်ငြင်းဆန်သွားခဲ့သည်။ ယင်းကုမ္ပဏီသည်လည်း ဆန်ရှင်ပိတ်ဆို့မှုမှ လွတ်မြောက်နိုင်ရန် ကြိုးပမ်းနေသည့် လုပ်ငန်းများထဲမှ တစ်ခုအပါအဝင်ဖြစ်သည်ဟု သိရသည်။


ရန်ကုန်စတော့အိတ်စ်ချိန်းတွင် FMI စာရင်းသွင်း

First Myanmar Investment company သည် ပြီးခဲ့သည့် မတ်လက ရန်ကုန်စတော့အိတ်စ်ချိန်းတွင် စာရင်းသွင်းပါဝင်လာခဲ့သည်။

အများပိုင်ကုမ္ပဏီတစ်ခုဖြစ်သော FMI အနေဖြင့် စတော့အိတ်စ်ချိန်း ပထမနေ့ ယင်း၏ အစုရှယ်ယာများကို ရောင်းဝယ်ပေးခဲ့ပြီး အဖွင့်ဈေး ကျပ် ၂၆,၀၀၀ နှင့် ယင်းနေ့ကုန်တွင် အပိတ်ဈေး ၃၁,၀၀၀ ရှိခဲ့သည်ဟုသိရသည်။ ယင်းနေ့ ရှယ်ယာရောင်းဝယ်မှုပိတ်သိမ်းချိန်တွင် ကုမ္ပဏီ၏ ရှယ်ယာတန်ဖိုးပိုင်းတွင် ကျပ် ၅,၀၀၀ မြင့်တက်လာကြောင်း FMI ကုမ္ပဏီမှ Chief Financial Officerဦးထွန်းထွန်းက ပြောသည်။ FMI သည် ရန်ကုန်စတော့ဈေးကွက်တွင် ပထမဆုံးအကြိမ် ရောင်းဝယ်ခဲ့သည့် ကုမ္ပဏီလည်း ဖြစ်သည်။ စတော့ဈေးကွက်တွင် မဝင်ရောက်မီ ၂၀၁၆ ဇန်န၀ါရီလကုန်က FMI ၏ အစုရှယ်ယာများကို တန်ဖိုးကျပ် ၃၆,၀၀၀ ခန့်ဖြင့် ရောင်းဝယ်နေခဲ့ခြင်းဖြစ်သည်။ သို့သော် ရှယ်ယာရှင်များကို အဆင်ပြေစေရန်အတွက် စတော့ဈေးကွက် ပထမနေ့တွင် ကျပ် ၂၆,၀၀၀ ဖြင့် ပြင်ဆင်သတ်မှတ်ပေးခဲ့ခြင်းဖြစ်ကြောင်း ဦးထွန်းထွန်းက ဆိုသည်။

"ရန်ကုန်စတော့ဈေးကွက်ကြီးကြပ်ရေးကော်မတီကလည်း ကျွန်တော်တို့ရဲ့ ရှယ်ယာအသွားအလာကို စိစစ်တယ်၊ ကုမ္ပဏီရဲကတန်ဖိုးပိုင်းကိုပါ စစ်ဆေးခဲ့သလို ပြီးတော့မှ အဖွင့်ဈေးကို ပျမ်းမျှ တွက်ချက်သတ်မှတ်ပေးခဲ့တာပါ" ဟု ၎င်းက ပြောသည်။

FMI ကုမ္ပဏီသည် လုပ်ငန်းခွဲပေါင်းများစွာရှိသည့် လုပ်ငန်းစုတစ်ခုဖြစ်ကာ စင်ကာပူစတော့ဈေးကွက်စာရင်းဝင် Yoma Strategic Holdings နှင့်ချိတ်ဆက်မှုရှိကာ မြန်မာနိုင်ငံတွင် အကြီးဆုံးသော ကုမ္ပဏီများထဲမှ တစ်ခုအပါအဝင်ဖြစ်သည်။ ယင်းကုမ္ပဏီသည် နိုင်ငံတွင် နှစ်ပေါင်း ၂၀ ကျော်ကြာ တက်ကြွစွာပါဝင်ရင်းနှီးမြှုပ်နှံပေးထားကာ ကမ္ဘာ့အကြီးဆုံးလုပ်ငန်းကုမ္ပဏီအချို့နှင့်လည်း joint ventures များ ထူထောင်ထားရှိသည်။ ကုမ္ပဏီအနေဖြင့် ရှေ့ဆက်လက်၍ ဘဏ္ဍာရေးဝန်ဆောင်မှုနှင့် ကျန်းမာရေးစောင့်ရှောက်မှုကဏ္ဍများတွင် အလေးပေးလုပ်ဆောင်မည်ဟု ဦးထွန်းထွန်းက ပြောသည်။

မြန်မာ့ဟိုတယ်လုပ်ငန်း

မြန်မာနိုင်ငံတွင် ဖွံ့ထွားကြီးထွားလာနေသော ခရီးသွားလုပ်ငန်းကဏ္ဍတွင် အလုပ်အကိုင်အရေအတွက်ပေါင်း ၂၀၁၅ ခုနှစ်က ၄၂၄,၄၅၀ ထိ မြင့်တက်လာခဲ့သည်ဟု ယူဆရသည်။ ဟိုတယ်နှင့် ခရီးသွားလာရေးဝန်ကြီးဌာနက ချမှတ်ထားသည့် မာစတာပလန်အရလည်း လာမည့် ၂၀၂၀ မတိုင်ခင် လုပ်ငန်းအတွင်း အလုပ်အကိုင်အရေအတွက်ပေါင်း ၁ ဒသမ ၄၉ သန်းထိ တိုးတက်လာမည်ဟု မျှော်လင့်ရသည်။ ယင်းနှုန်းထားသည် လာမည့် ငါးနှစ်တာအတွင်း မြန်မာအလုပ်အကိုင်နေရာ အရွယ်အစားအားဖြင့် ၃၅၁ ရာခိုင်နှုန်းထိ တိုးတက်လာမည့် သဘောပင်ဖြစ်သည်။ ယေဘုယျအားဖြင့် ခရီးသွားလာရေးနှင့် ဧည့်ခံကြိုဆိုရေးလုပ်ငန်းမှာ မြန်မာနိုင်ငံအတွက် စီးပွားရေးအရ အခွင့်အလမ်း အမြောက်အများကို ပေးအပ်နိုင်ရန်ရှိနေသည်။ သို့သော်လည်း လူသားအရင်းအမြစ် ရှားပါးမှုပြဿနာက ယင်းလုပ်ငန်းအတွက် အဓိကကြုံတွေ့နေရသည့် ပြဿနာလည်း ဖြစ်ကောင်းဖြစ်နေ နိုင်သည်။ အလုပ်အကိုင်အခွင့်အလမ်း များပြားလာသည့်အလျောက် ဟိုတယ်လုပ်ငန်းနှင့် စီမံခန့်ခွဲမှုလုပ်ငန်းများရှိအလုပ်အကိုင်နေရာများအတွက် သင့်တော်ကိုက်ညီမည့် အရည်အချင်းရှိ လုပ်သားရှားပါးမှုလည်း ရှိနေသည်။
Hilton Worldwide အနေဖြင့် ၂၀၁၄ ခုနှစ်က မြန်မာနိုင်ငံသို့ စတင်ဝင်ရောက်လာခဲ့ပြီး လက်ရှိအချိန်တွင် ဟိုတယ်လုပ်ငန်းနှစ်ခုကို လုပ်ကိုင်နေပြီး ယင်းတို့မှာ Hilton Nay Pyi Taw နှင့် Hilton Resort & Spa Ngapali တို့ဖြစ်သည်။ လာမည့် ၂၀၁၉ မတိုင်ခင် နောက်ထပ်လုပ်ငန်းလေးခု ထပ်မံဖွင့်လှစ်လုပ်ကိုင်ရန် စီစဉ်ထားသည်။

မြန်မာနိုင်ငံတွင် ရေရှည်ကာလကျွမ်းကျင်အရည်အသွေးပိုင်းတိုးတက်နိုင်စေရန်အတွက် ယခုနှစ်အတွင်း နေပြည်တော်တွင် Hilton အသက်မွေးမူသင်ကြားရေးစင်တာကို Hilton Worldwide က ဖွင့်လှစ်ပေးခဲ့သည်။ ဟိုတယ်လုပ်ငန်းတစ်ခုက ဖွင့်လှစ်ပေးခဲ့သော ယင်းကဲ့သို့ စင်တာမျိုးသည် နိုင်ငံတွင်ပထမဆုံးလည်း ဖြစ်သည်။ အဆိုပါ လေ့ကျင့်ရေးစင်တာအနေဖြင့် ဟိုတယ်ခရီးသွား လုပ်ငန်းအတွင်းရှိ အစားအသောက်နှင့်အဖျော်ယမကာ၊ အချက်အပြုတ်၊ မီးဖိုချောင်ကျွမ်းကျင်မှု စသည့်လုပ်ငန်းနယ်ပယ်များအတွင်း ပြည်တွင်းမှ လူငယ်များကို အရည်အချင်းပြည့်ဝတတ်မြောက်စေမည့် သင်တန်းများကို ပေးသွားမည်ဖြစ်သည်။ ယခုနှစ်အစောပိုင်းကလည်း ဧည့်ခံကြိုဆိုရေး စီမံခန့်ခွဲမှုသင်တန်းသားဦးရေ ၄၀ ကို ပထမသုတ်အနေဖြင့် လက်ခံသင်ကြားပေးနိုင်ခဲ့သည်။

မြန်မာနိုင်ငံရဲ့ လက်ရှိစီးပွားရေးကဏ္ဍမှာ ရရှိထားတဲ့ တိုးတက်မှုတွေအပေါ် ကမ္ဘာ့ဘဏ်ဘက်က အကောင်းမြင်လျက်ရှိကြောင်း နိုဝင်ဘာလက ထုတ်ပြန်ခဲ့တဲ့ Doing Business report အစီရင်ခံစာတစ်စောင်ရဲ့ ဖော်ပြချက်အရ သိရပါတယ်။ ဒါကြောင့်လည်း ဒီအကြောင်းနဲ့ပတ်သက်ပြီး ဆွေးနွေးပြောဆိုဖို့ ကမ္ဘာ့ဘဏ်ရဲ့ special private sector specialist Charles Schneider နဲ့ မဇ္ဈိမမှ ကိုအောင်သူရတို့ တွေ့ဆုံဆွေးနွေးခဲ့မှုကို ဖော်ပြလိုက်ရပါတယ်။

Q- ယခုလက်ရှိ မြန်မာနိုင်ငံရဲ့ စီးပွားရေးအခြေအနေအပေါ် ဘယ်လိုမျိုး သုံးသပ်ပေးချင်ပါသလဲ?

World Bank - ကျွန်တော်ထင်ပါတယ်၊ ဒီနှစ်ရဲ့ Doing Business report နဲ့ပတ်သက်လို့ အကောင်းမြင်စရာအချက်တွေ အများကြီးရှိနေတယ်ဆိုပြီးတော့ပေါ့လေ၊ ဒီ Doing Business report အစီရင်ခံစာအဆင့်သတ်မှတ်ချက်တွေထဲမှာ မြန်မာနိုင်ငံ ထည့်သွင်းခံရတာ လေးကြိမ်မြောက်ရှိခဲ့ပါပြီ။ ဒီလေးနှစ်မှာ မြန်မာနိုင်ငံဟာ တကယ့်ကိုပဲ ကောင်းကောင်းလုပ်ထားနိုင်ခဲ့ပါတယ်။ အဓိကကောင်းခဲ့တဲ့ နယ်ပယ်တွေထဲမှာဆိုရင် အသေးစားနဲ့အလတ်စား လုပ်ငန်းတွေ၊ ပြည်တွင်း စီးပွားရေးလုပ်ငန်းတွေကို တိုးတက်အောင် ထောက်ပံ့ပေးနိုင်ခဲ့တာမျိုး၊ ပြောရရင် ဒီလုပ်ငန်းတွေ ဘယ်လိုမျိုး စလုပ်ရမလဲ ဆိုတာနဲ့ ဘယ်လိုမှတ်ပုံတင်ပြီး ပူးပေါင်းလုပ်ကိုင်နိုင်မလဲဆိုတာကို ပံ့ပိုးပေးနိုင်ခဲ့ပါတယ်။ ပြီးခဲ့တဲ့ သုံးနှစ်အတွင်း ဒါက သိသိသာသာ တိုးတက်လာခဲ့ပါတယ်၊ မနှစ်တုန်းကဆိုရင် မြန်မာဟာ ဒီနယ်ပယ်ကဏ္ဍမှာ ကမ္ဘာ့နံပါတ်ဝမ်း ပြုပြင်ပြောင်းလဲသူတောင်ဖြစ်ခဲ့ပါတယ်။ မြန်မာဟာ ပြီးခဲ့တဲ့ နှစ်နှစ်အတွင်း ကမ္ဘာပေါ်မှာ ပြုပြင်ပြောင်းလဲမှုအရှိဆုံးလို့ ပြောလို့ရပြီး ဒါကြောင့်မို့လည်း ဒီ Doing Business report မှာ ဖော်ပြခံရတာပါ၊ ဒါကြောင့် ဒီနယ်ပယ်ကဏ္ဍတွေမှာ ကောင်းထားခဲ့တယ်လို့ ပြောချင်ပါတယ်။

ဒါ့အပြင် ခုနှစ်အတွင်း တိုးတက်မှုတွေရှိထားခဲ့တဲ့ ဘဏ္ဍာရေးနယ်ပယ်ထဲ ၀င်ရောက်ပတ်သက်ခွင့်ရရှိမှုပိုင်းမှာလည်း ကျွန်တော်တို့အနေနဲ့ တိုးတက်မှုတွေ တွေ့မြင်ထားရတယ်။ လုပ်ငန်းတွေအနေနဲ့ ခုလို ဘဏ္ဍာရေးပိုင်းနဲ့ ချိတ်ဆက်နိုင်ပြီး ငွေတွေ ချေးယူရတဲ့အပိုင်းမှာ ပိုမိုလွယ်ကူလာတာကို တွေ့ရပါတယ်။ ဒီနိုင်ငံက အသေးစားနဲ့ အလတ်စားလုပ်ငန်းတွေအတွက် ဒါဟာ အရေးကြီးတဲ့အချက်ပါပဲ၊ ဒါကြောင့် ခုတွေ့မြင်ရတာကတော့ ကောင်းတဲ့လက္ခဏာရပ်တွေပါ။

နောက်ထပ်လည်း မြန်မာအစိုးရအနေနဲ့ ဒီ Doing Business report ကို ဘယ်လောက် အလေးထားသလဲ၊ ဒီအစီရင်ခံစာထဲမှာ ဖော်ပြထားတာတွေကို သူတို့နားလည်နိုင်ပြီး သူတို့ဘယ်လို အလေးထားလုပ်ဆောင်သလဲ ဆိုတာနဲ့ ဘယ်လိုမျိုး တိုးတက်အောင်လုပ်မလဲဆိုတဲ့အချက်ကလည်း နောက်ထပ်ကောင်းတဲ့ လက္ခဏာလို့ ကျွန်တော်ထင်ပါတယ်။

Q- ပြည်သူပိုင်စီးပွားရေးကဏ္ဍ တိုးတက်ဖို့ အစိုးရသစ်အနေနဲ့ ဘာတွေလုပ်ဖို့လိုပါသလဲ?

World Bank - အစိုးရသစ်အနေနဲ့ အရေးတစ်ကြီးလုပ်ရမှာက ပြုပြင်ပြောင်းလဲမှုတွေအတွက် ၀န်ကြီးဌာနအားလုံးနဲ့ တစ်စုတစ်စည်းတည်းပူးပေါင်းဆောင်ရွက်ရမှာဖြစ်ပါတယ်။ စီးပွားရေးကဏ္ဍတစ်ခုမှာပဲ ပြုပြင်ပြောင်းလဲမှု အနည်းငယ်လောက်ပဲ လုပ်နိုင်တယ်ဆိုရင် အဓိကတာဝန်ရှိတာက ဝန်ကြီးဌာန သို့မဟုတ် အေဂျင်စီမှာပဲ ဖြစ်ပါတယ်။ ပုံမှန်အားဖြင့်တော့ ပြုပြင်ပြောင်းလဲမှုအတွက် အများအပြား ပါဝင်လုပ်ဆောင်ကြရပါတယ်။ လုပ်ငန်းကုမ္ပဏီတစ်ခုအနေနဲ့ ၀န်ကြီးဌာနတွေ ဒါမှမဟုတ် အေဂျင်စီ တော်တော်များများနဲ့ ပတ်သက်ချိတ်ဆက်ရတတ်ပါတယ်။ ဒါကြောင့်မို့ ပြုပြင်ပြောင်းလဲရေး လုပ်ငန်းစဉ်ရဲ့ အရေးကြီးတဲ့အချက်က ဒီလိုမျိုးချိတ်ဆက်ဆောင်ရွက်မှုတွေအတွက် အားကောင်းတဲ့ ပူးပေါင်းဆောင်ရွက်ရေးအဖွဲ့တစ်ခု ရှိထားဖို့ပါ။ ဒီနေရာမှာ စီးပွားရေးနဲ့ ကုန်သွယ်မှုတိုးမြင့်ရေးဆိုင်ရာ အထူးလုပ်ငန်းအဖွဲ့တ်စခုလည်း ထူထောင်ထားရှိတာတွေ့ရပါတယ်။ ဒီအဖွဲ့က ပြုပြင်ပြောင်းလဲမှုတွေကို ဘယ်လိုမျိုး တိုးတက်အောင်လုပ်နိုင်မလဲဆိုတာကို သိနိုင်ဖို့ ညှိနှိုင်းဆောင်ရွက်တဲ့အဖွဲ့ပါ။ ဒါကြောင့် ဒီအဖွဲ့ကို ပိုအားကောင်းစေဖို့၊ ပိုပြီးအဆင့်မြင့်လယ်ဗယ်တစ်ခုကို ရောက်စေဖို့၊ အဆင့်မြင့်ပုဂ္ဂိုလ်တွေ ပါဝင်နိုင်ရပါမယ်။ ဒီအချက်ကတော့ တိုးတက်မှုတွေဖြစ်ထွန်းစေနိုင်မယ့် အချက်လို့ ထင်ပါတယ်။
နောက်ပြီး မလေးရှားလိုမျိုး အိမ်နီးချင်းနိုင်ငံတွေကိုလည်း ကျွန်တော်တို့ ကြည့်ပြီးလေ့လာလို့ ရပါတယ်။ အဲဒီမှာ Pemuda လို့ ခေါ်တဲ့ အဖွဲ့တစ်ခုကို ထူထောင်ပြီး သူတို့အောင်မြင်မှုရနေပါတယ်။ အဲဒီအဖွဲ့အစည်းကတော့ အစိုးရအဖွဲ့က အဆင့်မြင့်ပုဂ္ဂိုလ်တွေအထိ အစီရင်ခံစာတွေ တင်သွင်းရပြီး ပူးပေါင်းညှိနှိုင်းမှုအားကောင်းတဲ့အဖွဲ့ဖြစ်ပါတယ်။ ဒီလိုမျိုးအဖွဲ့အပြင် အစိုးရအနေနဲ့ အစိုးရ-ပုဂ္ဂိလိကကဏ္ဍ အပြန်အလှန်ဆွေးနွေးမှုတွေ လုပ်ဖို့ကလည်း အရေးကြီးပါတယ်။ မြန်မာနိုင်ငံမှာဆိုရင် Myanmar Business Forum ကို ထူထောင်ထားတဲ့အတွက် ပုဂ္ဂလိကဏ္ဍအနေနဲ့ ယင်းကိုအသုံးပြုပြီးတော့ အစိုးရနဲ့ ပုံစံတကျဆွေးနွေးနိုင်မယ့် ထိရောက်တဲ့နည်းလမ်းတစ်ခုလည်း ဖြစ်နေတာကို တွေ့ရပါတယ်။ ဒီနေရာမှာ ကျွန်တော်အကြံပေးချင်တာရှိပါတယ်၊ အဲဒါကတော့ အစိုးရအနေနဲ့ ဒီ ဖိုရမ်ကို ဆက်ပြီး အသုံးပြုပြီးတော့ နိုင်ငံရဲ့ စီးပွားရေးကို ပိုမိုတိုတးက်စေနိုင်မယ့် နည်းလမ်းတစ်ခုအဖြစ် ပိုမိုဖန်တီးလုပ်ဆောင်သွားဖို့ပဲဖြစ်ပါတယ်။

Q- အစိုးရရဲ့ စီးပွားရေးမူဝါဒအပေါ် ဘယ်လိုထင်မြင်ပါသလဲ?


World Bank - ကျွန်တော်ထင်ပါတယ်၊ ဒါတကယ်ကောင်းပါတယ်။ ခုချိန်မှာ အစိုးရဟာ ရှင်းလင်းသေချာတဲ့ စီးပွားရေးမူဝါဒတွေနဲ့ ပေါ်ထွက်လာခဲ့ပါပြီ၊ ရည်မှန်းချက်ထားတဲ့ လုပ်ငန်းနယ်ပယ်တွေဟာလည်း မှန်ကန်တယ်လို့ ကျွန်တော်ထင်ပါတယ်။ သူတို့အလေးထားတဲ့ နယ်ပယ်ကဏ္ဍတွေထဲမှာဆိုရင် စိုက်ပျိုးစီးပွားနဲ့ လယ်ယာစိုက်ပျိုးရေးလုပ်ငန်းတွေလိုမျိုး အရေးပါတဲ့နယ်ပယ်တွေပါသလို ပုဂ္ဂလိကဏ္ဍအတွက် စီးပွားရေးးလုပ်ကိုင်ခွင့်လွယ်ကူစေမယ့် အသိုက်အဝန်းတစ်ခု တိုးတက်ဖန်တီးနိုင်ရေးလည်း ပါရှိနေပါတယ်။ ဒီမူဝါဒမှာ အဓိက အလေးထားတာကတော့ လုပ်ငန်းနယ်ပယ်တွေထဲမှာ တိုးတက်မှုအမှန်တကယ်ရဖို့ပဲဖြစ်ပါတယ်။ ဥပမာအနေနဲ့ ကုန်သွယ်မှုပိုင်းကို ကြည့်ရင်မြင်နိုင်ပါတယ်။ ဒီနိုင်ငံမှာ ကုန်သွယ်မှုပမာဏပိုင်းမှာဆိုရင် တိုးတက်မှုတွေ ဖြစ်ထွန်းနေသလို သွင်းကုန်ရော ပို့ကုန်မှာပါ တိုးတက်ဖွံ့ထွားနေလျက်ရှိပါတယ်။ ခုဆိုရင် ဆိပ်ကမ်းတွေမှာ ကွန်တိန်နာတွေ ပြည့်ကျပ်လာတာမျိုးတွေဖြစ်နေသလို ဒီအကြောင်းကိုလည်း ခုနှစ် Doing Business report မှာ ရွေးချယ်ဖော်ပြခဲ့သလို ဒီလို ပြည့်ကျပ်မှုကို ဘယ်လိုမျိုး လျော့ချရမလဲဆိုတဲ့အပိုင်းမှာ တိုးတက်မှုတွေ ရှိဖို့လည်း လိုအပ်ပါတယ်။ ဒါကို ရှင်းနိုင်မယ့်နည်းလမ်းကတော့ အလိုအလျောက်စနစ်တွေ သုံးတာ၊ ပိုမိုမြန်ဆန်တဲ့ လက်ခံ အသွင်းအထုတ် ရှင်းလင်းရေးစနစ်တို့ပဲဖြစ်ပါတယ်။ ဒီအတွက်လည်း နည်းစနစ်တွေ၊ စီမံခန့်ခွဲမှုနည်းလမ်းတွေ၊ လုပ်ထုံးလုပ်နည်းစနစ်တွေ ရယူရမှာဖြစ်ပါတယ်။ ကျွန်တော်ထင်ပါတယ်၊ အစိုးရအနေနဲ့ ဒီအပိုင်းကို စပြီး အလေးထားကြည့်ရှုနေပြီဖြစ်သလို ကျွန်တော်တို့ ကမ္ဘာ့ဘဏ်အနေနဲ့လည်း မြန်မာအစိုးရရဲ့ အားထုတ်ကြိုးပမ်းမှုတွေကို ထောက်ခံအားပေးသွားမှာဖြစ်ပါတယ်။

============

Mizzima - News in Burmese

http://www.mizzimaburmese.com/article/21604


လူ ၉၁ ဦး လိုက်ပါလာတဲ့ ရုရှား စစ်တပ်လေယာဉ်ဟာ ပင်လယ်နက်ထဲ ပျက်ကျခဲ့တယ်လို့ ရုရှားကာကွယ်ရေး ဝန်ကြီးဌာနက ပြောပါတယ်။ Tu-154 လေယာဉ်ဟာ ရုရှားနိုင်ငံ မော်စကိုမြို့က ထွက်ခွာလာခဲ့ပြီး ဆီးရီးယားနိုင်ငံ လာတာကိုင်ရာ ခရိုင်ကို ဦးတည်ပျံသန်းနေတာပါ။

ဆိုချီမြို့က အက်ဒ်လာ(Adler)လေဆိပ်မှာ ဆီဝင်ဖြည့်ပြီးနောက် မိနစ် ၂၀ အကြာမှာ ရေဒါထဲကနေ Tu-154 လေယာဉ် ပျောက်ကွယ် သွားတာဖြစ်ပါတယ်။ အဲဒီလေယာဉ်ပေါ်မှာ ရုရှားစစ်တပ်က အရာရှိတွေ၊ နာမည်ကျော် Alexandrov စစ်တီးဝိုင်းက အဖွဲ့ဝင်တွေနဲ့ သတင်းထောက်တွေ လိုက်ပါလာခဲ့ကြပါတယ်။

ဆီးရီးယားနိုင်ငံကို စေလွှတ်ထားတဲ့ ရုရှားစစ်သည်တွေအတွက်
နှစ်သစ်ကူး ပျော်ပွဲရွှင်ပွဲ ကျင်းပပေးဖို့ ရည်ရွယ်ပြီး ဖျော်ဖြေရေး သမားတွေကို Tu-154 လေယာဉ်နဲ့ ခေါ်ဆောင်လာခဲ့တာပါ။

လက်ရှိအချိန်မှာ ဆိုချီမြို့ ပင်လယ်နက်ကမ်းခြေရဲ့ ၁.၅ ကီလိုမီတာ အကွာအဝေးက အနက် ၅၀ နဲ့ ၇၀ မီတာကြားမှာ လေယာဉ်အပျက်အစီး အပိုင်းအစတွေကို ရှာတွေ့ပါပြီလို့ ရုရှား ကာကွယ်ရေး ဝန်ကြီးဌာနက ထုတ်ပြန်ထားပါတယ်။

Nz (ရိုးရာလေး)
www.yoyarlay.com

တိုကျို။ ။ ဂျပန်နိုင်ငံမြောက်ပိုင်း၌ ဆီးနှင်းများ သည်းထန်စွာ ကျဆင်းမှုကြောင့် အားလပ်ရက်ပိတ်ရက်တွင် လမ်းပန်းဆက်သွယ်ရေး ပရမ်းပတာဖြစ်မှုကို ကြုံတွေ့နေရပြီး လေယာဉ်ခရီးစဉ်နှင့် ရထားခရီးစဉ်များကို ဖျက်သိမ်း လိုက်ကာ ထောင်နဲ့ချီသော ခရီးသည်တွေကို ဒေသဆိုင်ရာလေဆိပ်အသီးသီး၌ သုံးညဆက်တိုက် ၀င်ခိုနေကြရန် ညွှန်ကြားခဲ့ရပါသည်။

ဆပ်ပိုရိုနှင့် ဟော့ကိုင်ဒိုကျွန်းတို့တွင် ပြီးခဲ့သော ဒီဇင်ဘာ ၂၃ရက်သောကြာနေ့တုန်းက ဆီးနှင်းများ ၃၈လက်မ လောက်အထိ ထူထပ်စွာ ကျဆင်းခဲ့ပြီး ဂျပန်မိုးလေ၀သအေဂျင်စီ၏ အဆိုအရ ရာစုနှစ်ဝက်အတွင်း ၄င်းမြို့၌ ဆီးနှင်း အသည်းထန်ဆုံးကျဆင်းမှုတစ်ခု ဖြစ်တယ်လို့ သိရပါသည်။

ထိုဆီးနှင်းများဟာ မြောက်ပိုင်းကျွန်းဒေသ၏ အဓိက အ၀င်ဝဖြစ်သည့် New Chitose လေဆိပ်တစ်ခုလုံးကို ဖုံးလွှမ်းထားသောကြောင့် ရာနှင့်ချီသော လေကြောင်းခရီးစဉ်များကို ဖျက်သိမ်းလိုက်ရပါသည်။

လွန်ခဲ့သောကြာသာပတေးနေ့ညက လူပေါင်း ၂၅၀၀လောက်ကို ထိုလေဆိပ်တွင် ၀င်ခိုခိုင်းလိုက်ရပြီး သောကြာ နေ့ညတွင် လူပေါင်း ၆၀၀၀၊ စနေနေ့ညတွင်လူပေါင်း ၂၆၀၀ လောက်ကိုလေဆိပ်၌ နေထိုင်ခိုင်းထားရကြောင်း လေဆိပ်လုံခြုံရေးအရာရှိများ၏ အဆိုအရ သိရပါသည်။

Ref: Channel News Asia Mizzima - News in Burmese



 တိုင်းမှူးဦးဝင်းနိုင်၏ သူငယ်ချင်းဟု အမည်ကို အလွဲသုံးစားပြုပြီး ယာဉ်စည်းကမ်းလမ်းစည်းဖောက်ဖျက်သူ 5F-8266 LandCruiser (Cygnus)ပိုင်ရှင်အား အရေးယူဆောင်ရွက်သွားမည်ဖြစ်ကြောင်း အသိပေးဖော်ပြခြင်း

ရန်ကုန်၊ ဒီဇင်ဘာ ၂၅

၂၄.၁၂.၂၀၁၆ ရက်နေ့တွင် ပန်းဘဲတန်းမြို့နယ်၊ ရွှေဘုံသာလမ်း(အလယ်) ဘလောက်တွင်5F-8266 Land Cruiser (Cygnus)အမျိုးအစား မော်တော်ယာဉ်တစ်စီးမှာ ယာဉ်စည်းကမ်း၊ လမ်းစည်းကမ်းချိုးဖောက်ပြီး အချိန်ကြာမြင့်စွာ ရပ်တန့်ထားသဖြင့် အခြားယာဉ်ပိုင်ရှင်တစ်ဦးမှ မီးပွိုင့်တာဝန်ကျ ယာဉ်ထိန်းရဲတပ်ဖွဲ့ဝင် တစ်ဦးထံသို့ အကြောင်းကြားခဲ့ရာ ယာဉ်ထိန်းရဲတပ်ဖွဲ့ဝင်မှ ယာဉ်ပိုင်ရှင်အား ဆက်သွယ်အကြောင်းကြားချိန်တွင် ၎င်းယာဉ်ပိုင်ရှင်ရောက်ရှိလာသဖြင့် ယာဉ်ထိန်းရဲမှ ကားဝှီးတက်နှင့် ယာဉ်မောင်းလိုင်စင်အား ပြသရန်ပြောဆိုစဉ် ၎င်းယာဉ်ပိုင်ရှင်မှ
တိုင်မှူးဦးဝင်းနိုင်ရဲ့ သူငယ်ချင်းဟုပြောဆိုပြီး မော်တော်ယာဉ်အား မောင်းနှင်ထွက်သွားကြောင်း လူမှုကွန်ရက်အင်တာနက်စာမျက်နှာများတွင် ဖော်ပြထားသည်ကိုတွေ့ရှိရပါသည်။

“တိုင်းမှူးဦးဝင်းနိုင်ရဲ့သူငယ်ချင်း”ဟု ပြောဆိုသူ အဆိုပါ စည်းကမ်းပျက် မော်တော်ယာဉ် ပိုင်ရှင်နှင့်ရန်ကုန်တိုင်းဒေသကြီးရဲတပ်ဖွဲ့မှူး၊ ရဲမှူးချုပ် ၀င်းနိုင်တို့ သိရှိခြင်းမရှိသည့်အပြင် ၎င်း၏ပြောဆိုချက်မှာ တိုင်းဒေသကြီးရဲတပ်ဖွဲ့မှူး၏ အမည်ကိုအလွဲ သုံးစားပြုလုပ်ပြောဆိုခြင်းသာဖြစ်ကြောင်းနှင့် ၎င်းမော်တော်ယာဉ်အား လိုက်လံစုံစမ်းရှာဖွေခဲ့ရာ ယာဉ်ပိုင်ရှင်မှာ လမ်းမတော်မြို့နယ်၊ အမှတ်(၉၇)၊ (၁)ရပ်ကွက်နေ ဒေါ်တင်တင်အောင် ဆိုသူဖြစ်ကြောင်း သိရသဖြင့် သွားရောက်စုံစမ်းရာ ၎င်းလိပ်စာတွင် နိုင်ငံခြားသားများနေထိုင်ကြောင်းတွေ့ရှိပြီး ယာဉ်ပိုင်ရှင်၏ နေရပ်လိပ်စာအမှန်ကို ဆက်လက်စုံစမ်းရှာဖွေလျက်ရှိပါသည်။


ယင်းကဲ့သို့ အဆိုပါသတင်းအား လူမှုကွန်ရက် အင်တာနက်စာမျက်နှာဖော်ပြခဲ့ခြင်းကြောင့် ရန်ကုန်တိုင်းဒေသကြီးရဲတပ်ဖွဲ့မှ ဖြစ်စဉ်အားသိရှိရသဖြင့် သတင်းရေးသားဖော်ပြ သူကိုလည်း ကျေးဇူးတင်ရှိပါကြောင်းနှင့် ၎င်းမော်တော်ယာဉ်နှင့်ပတ်သက်၍လည်း အရေးယူနိုင်ရန် ယာဉ်ထိန်း ရဲတပ်ဖွဲ့ဝင်များနှင့်အတူ ဆက်လက်စုံစမ်းရှာဖွေလျက်ရှိပါသည်။

ယာဉ်ထိန်းရဲတပ်ဖွဲ့ဝင်များကိုလည်း ယာဉ်စည်းကမ်းလမ်းစည်းကမ်း ဖောက်ဖျက်သူ မည်သည့်ယာဉ်ကိုမဆို ဥပဒေစည်းမျဉ်းစည်းကမ်းများ အတိုင်းအရေးယူဆောင်ရွက်သွားရန်နှင့် အထက်အကြီးအကဲများ၏ အမည်ကို အလွဲသုံးစားပြုပြီး စည်းကမ်းဖောက်ဖျက်သူ မည်သူ့ကိုမဆို ဥပဒေနှင့် အညီအရေးယူသွားရန် မှာကြားထားပြီးဖြစ်ပါသည်။ ၎င်းပြင် သတင်းပါမော်တော်ယာဉ်ပိုင်ရှင်မှာ တိုင်းတပ်ဖွဲ့မှူး၏ သူငယ်ချင်း၊ မိတ်ဆွေ ဖြစ်သည်ဟု စိစစ်သိရှိပါကလည်း ဥပဒေအတိုင်းအရေးယူဆောင်ရွက်သွားမည်ဖြစ်ပြီး မည်သူကိုမဆို ဥပဒေချိုးဖောက်ပါက တရားဥပဒေနှင့်အညီ အရေးယူသွားမည်ဖြစ်ပါသည်။


ရန်ကုန်တိုင်းဒေသကြီးရဲတပ်ဖွဲ့မှူး၏ အမည်ကိုအလွဲသုံးစားပြု၍ အခွင့်အရေးရယူသွားသူ 5F-8266 LandCruiser(Cygnus) အမျိုးအစား မော်တော်ယာဉ်ပိုင်ရှင်အား လာရောက်ဖြေရှင်းရန်နှင့် ဖြေရှင်းခြင်းမပြုပါက ကုန်လမ်းပို့ဆောင်ရေးညွှန်ကြားမှုဦးစီးဌာနသို့ ယာဉ်လိုင်စင်သက်တမ်း
တိုးမြှင့်ခြင်းကို ရာသက်ပန်ပိတ်သိမ်းဆောင်ရွက်သွားမည်ဖြစ်ကြောင်းနှင့် ပိုင်ရှင်မှလာရောက်ဖြေရှင်းလာပါကလည်း လူမှုကွန်ရက်အင်တာနက် စာမျက်နှာတွင် ပြန်လည်အသိပေးဖော်ပြပေးသွား မည်ဖြစ်ကြောင်း အသိပေးဖော်ပြအပ်ပါသည်။

ပြည်သူများအနေဖြင့်လည်း အဆိုပါ အင်တာနက်စာမျက်နှာပါ မော်တော်ယာဉ် 5F-8266 LandCruiser (Cygnus)အမျိုးအစားကိုတွေ့ရှိပါက အောက်ပါဖုန်းနံပါတ်များသို့ ဆက်သွယ်သတင်းပေးပို့ပါရန် အသိပေးအပ်ပါသည်-

ရန်ကုန်တိုင်းဒေသကြီးရဲတပ်ဖွဲ့မှူးရုံး ၀၁- ၂၃၂၃၁၉၉၊ ၁၉၉
အမှတ်(၂)ယာဉ်ထိန်းရဲတပ်ဖွဲ့ခွဲ ၀၁-၂၉၆၄၅၄၊ ၀၁-၂၉၁၂၈၅၊
အမှတ်(၇)ယာဉ်ထိန်းရဲတပ်ဖွဲ့၊ ဒုတပ်ဖွဲ့ခွဲ ၀၉-၅၄၀၉၀၃၀၊၀၉-၂၅၀၀၆၀၈၇၈

Yangon Police
https://www.facebook.com/yangonpolice/


မြန်မာနိုင်ငံမှာ အရင်အစိုးရလက်ထက် မှာထက်စာရင် ဒီနှစ် ခရစ္စမတ်ကာလဟာ ပိုပြီး စိတ်လွတ်လပ်ပေါ့ပါး ပျော်ရွှင်စရာ ဖြစ်တယ်လို့ မြန်မာ ပြည်တွင်းက ခရစ်ယာန် ဘာသာဝင်တချို့ကပြောဆိုပါတယ်။ ကမ္ဘာ့နိုင်ငံအသီးသီးမှာ ခရစ္စမတ်ပွဲတော် ကျင်းပနေချိန်မှာပဲ မြန်မာနိုင်ငံမှာလည်း စစ်ပွဲတွေရပ်စဲပြီး ငြိမ်းချမ်းဖို့၊ တိုင်းပြည် သာယာဝပြောဖို့ ခရစ်ယာန်ဘာသာဝင်တွေက ခရစ္စမတ်နဲ့ နှစ်သစ်ကူးကာလမှာ ဆုတောင်းလိုက်ကြပါ တယ်။ ကိုဉာဏ်ဝင်းအောင်က စုစည်းတင်ပြထားပါတယ်။

နယ်စပ်ဒေသတွေမှာ နှစ်ပေါင်းများစွာ စစ်မက်ဖြစ်ပွားလာတဲ့ မြန်မာနိုင်ငံမှာ စစ်ပွဲေ တွချုပ်ငြိမ်းပြီး စစ်ဘေးသင့်ပြည်သူတွေ ငြိမ်းချမ်းရေး ရစေကြောင်း အမေရိကန် ပြည်ထောင်စု Kentucky ပြည်နယ်က ကရင်ခရစ်ယာန်ဖုန်းတော်ကြီး တင်မသီက ဆုမွန်ကောင်း တောင်းလိုက်ပါတယ်။

“ကျနော်တို့ မြန်မာပြည်မှာ စစ်ပွဲဖြစ်နေတယ်ဆိုတဲ့ဟာက တကယ်တမ်းမှာ ဘုရားရဲ့ သားသမီး မိသားစုမှာရှိတဲ့ ချစ်ခြင်းမေတ္တာနဲ့ ပေးဆပ်ကြမယ် ရိုင်းပင်းကြမယ် ပူးပေါင်း ကြမယ်ဆိုရင် မြန်မာပြည်မှာ ငြိမ်းချမ်းရေးကတော့ ပီတိများစွာနဲ့ ခံစား ရမှာ ဖြစ်ပါတယ်။ အဲဒီတော့ စစ်မှန်တဲ့ ငြိမ်းချမ်းရေးကတော့ ခွင့်လွှတ်ခြင်းနဲ့ ကိုယ်ချင်းစာတရား အဲဒါတွေနဲ့ပဲ တည်ဆောက်လို့ ရတာဖြစ်ပါတယ် ”

ဒီနှစ်ခရစ္စမတ်ကာလ မြန်မာနိုင်ငံမှာ ခရစ္စမတ်ပွဲတော်ကျင်းပ ဆုတောင်းကြမယ့် အကြောင်းတွေနဲ့ပတ်သက်လို့ မွန်ခရစ်ယာန်ဘာသာဝင်တဦး ဖြစ်သူ ရန်ကုန်မြို့က မိမြင့်မြင့်မွန်က ပြောပြပါတယ်။

“ Carol Singing ကတော့ ဒီဇင်ဘာ ၁ရက်နေ့ကနေ ၂၀ ရက်နေ့ကြားထဲမှာပဲ ကိုယ့် အဖွဲ့နဲ့ကိုယ် သွားဆိုကြတယ်။ တအိမ်မှာ အနည်းဆုံး ၂ပုဒ် ၃ပုဒ် သွားဆိုပြီးတော့ သူတို့လှူလိုက်တဲ့ အလှူငွေနဲ့ ခရစ္စမတ် ၂၅ ရက်နေ့မှာ လာတဲ့ဧည့်သည်တွေကို ဘုရားကျောင်းမှာ ကျွေးတယ်။ ကလေးအတွက် အရုပ်တွေ စားသောက်စရာတွေ၊ လူကြီးကျတော့လည်း ဘုရားရှစ်ခိုးတယ်ပေါ့။ အဓိကတော့ ယေရှုခရစ်က သူ့ကို သတ်မယ့် လူတွေပေါ်မှာတောင် သူခွင့်လွှတ်တယ်ပေါ့ အဲဒီအကြောင်းကို လူတွေကို ခွင့်လွှတ်တတ်အောင် ဘုရားရှင်ရဲ့ငြိမ်သက်ခြင်း ဝမ်းမြောက်ခြင်း လွတ်မြောက်ခြင်း ရရှိအောင် လူတွေကိုဆုတောင်းပေးတယ် ”

ဘာသာရေးလွတ်လပ်ခွင့် ချိုးဖေါက်မှုတွေဆက်ရှိနေသေးတယ်လို့ နိုင်ငံတကာ ရဲ့ဝေဖန်မှု ဆက်ရှိနေဆဲ မြန်မာနိုင်ငံမှာ အရင်အစိုးရလက်ထက် မှာထက်စာရင် ဒီနှစ်ခရစ္စမတ် ကာလဟာ ပိုပြီးပျော်ရွှင်စရာဖြစ် လာတယ်လို့ ချင်းတိုင်ရင်းသား ခရစ်ယာန် ဘာသာဝင်တဦးတဲ့ ဆလိုင်းဘွေကုန်း က ပြောပါတယ်။

“အရင်အစိုးရထက် ဒီအစိုးရလက်ထက်မှာတော့ ကျနော်တို့ ခရစ္စမတ်ပွဲ ဆင်နွှဲရ မှာက ကျနော်အပါအဝင် ခရစ်ယာန်အတော်များများက စိတ်တွေ ပိုပြီးတော့ လွတ်လပ်မယ်ထင်တယ်။ အရင်တုန်းက ခရစ်ယာန်ရဲ့ အခန်းကဏ္ဍက အစိုးရ အနေနဲ့ ဒီလောက် အလေးမထားဘူးလို့ မြင်တယ်။ အခု အစိုးရသစ် လက်ထက်မှာ ကျတော့ ခရစ်ယာန်တွေ အခန်းကဏ္ဍက အရင်ကထက် Carol Singing ဆိုတာ ကအစ အတော်များများ စိတ်ပိုပြီး ပေါ့ပါးလွတ်လပ်လာတယ်။ အဲဒီတော့ မြန်မာ နိုင်ငံမှာ ခုလက်ရှိဖြစ်ပွားနေတဲ့ ကချင်နဲ့ ရှမ်းပြည်နယ်တွေမှာ ကိုယ့်နိုင်ငံသား အချင်းချင်း ဖြစ်နေတဲ့ စစ်ပွဲတွေ ငြိမ်းချမ်းခြင်း ရပါစေလို့ ကျနော် ဆုမွန်ကောင်းေ တာင်းလိုက်ပါတယ် ”

အမေရိကန်အစိုးရရဲ့ နိုင်ငံတကာ ဘာသာရေးလွတ်လပ်ခွင့်ကော်မရှင် USCIRF က ဒီဇင်ဘာ ၁၃ ရက်တုန်းက ထုတ်ပြန်တဲ့ Hidden Plight ဖုံးကွယ်ထားတဲ့ အတိ ဒုက္ခဆိုတဲ့ အစီရင်ခံစာမှာ မြန်မာနိုင်ငံက ခရစ်ယာန်ဘာသာဝင်တွေဟာ ဖိနှိပ်ခွဲခြား ဆက်ဆံခံနေရတယ်လို့ ဖေါ်ပြထား ပါတယ်။

ကိုဉာဏ်ဝင်းအောင်/ ဗွီအိုအေ (မြန်မာပိုင်း)
http://burmese.voanews.com


ပုပ်ရဟန်းမင်းကြီး Francis ဟာ လူတွေအပြည့်အကျပ် ရောက်လာကြတဲ့ ဗာတီကန် နန်းတော်ရဲ့ St. Peter ဘုရားကျောင်းက ခရစ္စမတ်ညနေခင်း တရားပွဲမှာ စစ်ပွဲတွေ ရွှေ့ပြောင်းဒုက္ခသည် ပြဿနာတွေနဲ့ ဆိုးရွားလွန်းတဲ့ ဆင်းရဲမွဲတေမှုတွေ ကြား မြေဇာပင်ဖြစ်နေရတဲ့ အပြစ်မဲ့ပြည်သူတွေကို အကာအကွယ်ပေးကြဖို့ ကမ္ဘာ ကြီးကို တနှစ်တာလုံး တိုက်တွန်းခဲ့ တာတွေကို ထပ်လောင်း ဟောကြားသွား ပါတယ်။

စနေနေ့ည တရားပွဲဟာ ပုပ်ရဟန်းမင်းကြီးအတွက် ခရစ္စမတ်ရာသီမှာ ကြီးမားလှတဲ့ ပထမဆုံး အခမ်းအနားဖြစ်သလို၊ ခရစ္စမတ်နေ့ မွန်းလွဲပိုင်းမှာတော့ ဆုတောင်းမေတ္တာ ပို့သပေးမှာလည်း ဖြစ်ပါတယ်။

တချိန်တည်းမှာပဲ ယေရှုခရစ်တော် ဖွားမြင်ရာ အရပ်အဖြစ် ခရစ်ယာန် ဘာသာ ၀င်တွေ အထွတ်အမြတ်ထားတဲ့ အနောက်ဘက်ကမ်းခြေ ဒေသက Bethlehem မှာတော့ ပါလက်စတိုင်း ကင်းထောက်လူငယ် ယောက်ကျားလေးနဲ့ မိန်းကလေး ငယ်တွေဟာ Manger ရင်ပြင်မှာ ချီတက်လမ်းလျှောက်တဲ့ အခမ်းအနားတွေနဲ့ ခရစ္စမတ်ပွဲတော်ကို စတင်ဆင်နွှဲခဲ့ကြပါတယ်။ ပါလက်စတိုင်း အလံတွေကို ကိုင်ဆောင် ချီတက်ရာမှာတော့ ယေရှုခရစ်တော် ဖွားမြင်ရာအဖြစ် အစဉ်အလာ ယုံကြည်ထားကြတဲ့ ရှေးဟောင်း Nativity ဘုရားကျောင်းရှေ့မှာ ပြင်ဆင်ထားတဲ့ ဧရာမ ရွှေရောင် ခရစ္စမတ် သစ်ပင်ရှေ့ကနေ ဖြတ်လျှောက်ခဲ့ကြပါတယ်။

ဗွီအိုအေ (မြန်မာပိုင်း)
http://burmese.voanews.com


အသစ်ဖွင့်လှစ်မည့် အောင်ဘာလေကျပ်သိန်းတစ် သောင်းဆုအတွက် ငါးရာကျပ်တန်ထီလက်မှတ်များ ရောင်းချရန် ကိုယ်စားလှယ်လျှောက်ထားသူများတွင် ပါမစ်ရလိုမှုသက်သက် ဖြင့် လျှောက်ထားသူ များစွာပါဝင်နေကြောင်း သတင်းရရှိသည်။

‘‘အရမ်းများနေတော့ ထီအ က္ခရာအလုံးရေ ရာချီထိထုတ်ဖို့ တွေ တောင်းလာကြတယ်။ အဲဒီ လောက်ကြီးကျတော့မနိုင်မနင်း ကြီးဖြစ်သွားနိုင်တယ်။ အဲဒါ ကြောင့်တောင်းဆိုသလောက် ထုတ်မပေး နိုင်လို့ ဖြတ်ချနေရတယ်။ တချို့ တွေက အစမို့လို့ပါမစ်ရထားပြီး နောက် လုပ်စားလို့ရမလားဆိုပြီး လျှောက်နေကြတာမျိုးတွေ ရှိနေ တယ်။ အဲဒါတွေလည်း စိစစ်နေရ တယ်’’ဟု ပြည်တွင်းအခွန်များဦး စီးဌာနညွှန်ကြားရေးမှူးချုပ် ဦးမင်းထွဋ်က ပြောသည်။

ထီအက္ခရာတစ်လုံးလျှင် ထီ စောင်ရေ ကိုးသိန်းခန့် ရိုက်နှိပ်ရပြီးငါးရာကျပ်တန်ထီကို အက္ခရာသုံးလုံးခန့်ဖြင့်သာ ကနဦး စတင်ရိုက်နှိပ်ရောင်းချရန် စီစဉ် ထားသည်ဟု ဆိုသည်။

ငါးရာကျပ်တန်အောင်ဘာ လေထီသည် အမြင့်ဆုံးဆုငွေကျပ် သိန်းတစ်သောင်းအထိ ရရှိမည် ဖြစ်၍ ရောင်းချလိုသူများနှင့် ၀ယ်ယူကံစမ်းလိုသူများပါ စိတ်ဝင်စား မှုမြင့်တက်နေကြောင်း ထီလုပ် ငန်းအသိုင်းအ၀ိုင်းက ဆိုသည်။

‘‘ကိုယ့်လိုပဲ လျှောက်ထားတဲ့ သူများနေတယ်။ တချို့သူတွေကျ တော့ ပါမစ်ယူထားပြီး နောက်ပိုင်း ထီလက်မှတ်ဈေးကစားဖို့ လျှောက်ကြတာတွေ တွေ့ရတယ်။ အဲဒီလူ တွေများလာရင် ထီလက်မှတ်ဈေး နှုန်းက အပြင်မှာ သတ်မှတ်နှုန်းထက်များလာတာမျိုး ဖြစ်လာနိုင်တယ်’’ဟု ထီကိုယ်စားလှယ်လျှောက်ထား သူတစ်ဦးက ပြောသည်။

ထီကိုယ်စားလှယ်များ ဈေးတင်ပြီး မရောင်းစေရန် အာမခံငွေ (Deposit) ကြိုတင်ပေးသွင်းစေပြီး အောင်ဘာလေသိန်း ဆုဌာနနှင့်လည်း ပဋိညာဉ်စာချုပ် ချုပ်ဆိုမှုပြုလုပ်စေခြင်းဖြင့် ကနဦးထိန်းချုပ်ထားကြောင်း သတင်းရရှိသည်။

ထီလက်မှတ် ၁၁ စောင်ပါ ထီစာအုပ်တစ်အုပ်လျှင် အာမခံ ငွေကျပ်တစ်ရာနှုန်းဖြင့် သုံးလစာ ကြိုတင်ပေးသွင်းစေပြီး ထီလက် မှတ်ဆက်လက်ရောင်းချလိုခြင်း မရှိကြောင်း သုံးလကြိုတင်အ ကြောင်းကြားခြင်း မရှိပါက အာမခံငွေပြန်လည် ထုတ်ပေးမည် မဟုတ်ဟုဆိုသည်။

ထို့အပြင် ငါးရာကျပ်တန် ထီဖွင့်လှစ်ရာတွင် ထီဈေးကြီးမြင့် မှု မရှိစေရန် အစိုးရက အရန်ထီလက်မှတ်များ ထားရှိမည်ဖြစ်ပြီး ဈေးကွက်အတွင်း ထီဈေးမြင့်လာ ပါက အဆိုပါ အရန်ထီလက်မှတ် များကို ဖြန့်ဖြူး၍ ဈေးထိန်းညှိမည် ဟု ဦးမင်းထွဋ်က ဆိုသည်။

အဆိုပါ ငါးရာကျပ်တန်ထီ လက်မှတ်များကို ၂၀၁၇ မတ်လအတွင်းစတင် ရောင်းချကာ ဧပြီ ၁ ရက်တွင် ပေါက်မဲဖွင့်လှစ်မည် ဖြစ်သည်။

=============

7Day News Journal

http://www.7daydaily.com/story/84435


ဟွန်ဒါကားကုမ္ပဏီသည် ဟွန်ဒါကားပိုင်ရှင်များအား ကားရောင်းချပြီးနောက် ၀န်ဆောင်မှုပံ့ပိုးပေးရန် ပြည်တွင်း ကုမ္ပဏီတခု၊ ဟွန်ဒါ၏ဒေသဆိုင်ရာလုပ်ငန်းခွဲနှင့်အတူ မြန်မာနိုင်ငံတွင် ပထမဆုံးကား ဆားဗစ်စင်တာတခု ဖွင့်လှစ်ခဲ့သည်။
ဟွန်ဒါ၏ အာရှနှင့် သမုဒ္ဒရာဒေသဆိုင်ရာဌာနချုပ်များ၊ Eastern Nova Co, Asian Honda Motor Co. တို့နှင့် ပူးပေါင်းလျက် ဂျပန်ကားကုမ္ပဏီသည် မြန်မာနိုင်ငံ၏ စီးပွားရေးမြို့တော် ရန်ကုန်မြို့အနောက်ပိုင်း၌ ကားဆားဗစ်စင်တာကို တည်ဆောက်ခဲ့သည်။

အသစ်တည်ထောင်လိုက်သည့် Eastern Nova ကုမ္ပဏီ၏ ဒါရိုက်တာ ဦးမြင့်ဦးက မြန်မာနိုင်ငံတွင် ဟွန်ဒါကားများ ပိုမိုလူကြိုက်များလာသည့်အတွက် ဂျပန်ကားကုမ္ပဏီအနေနှင့် ဈေးကွက်နေရာ ပိုရရှိရန် ကြိုးပမ်းသောအားဖြင့် ကားဆားဗစ်စင်တာဖွင့်လှစ်ရခြင်းဖြစ်သည်ဟုပြောကြားသည်။ မြန်မာနိုင်ငံတွင် တိုယိုတာကားများ လူကြိုက်များပြီး ၂၀၁၄ ခုနှစ်တွင်ကားဈေးကွက်၏ ၆၅ရာခိုင်နှုန်းကိုလွှမ်းမိုးထားသည်။

''၂၀၁၁ ခုနှစ်တွင် အစိုးရရဲ့ ကားတင်သွင်းခွင့် မူဝါဒပြောင်းလဲလာတဲ့အချိန်ကစပြီး လူတွေက ဟွန်ဒါကားတွေ ပိုပြီးတင်သွင်းလာပါတယ်။ လူကြိုက်အများဆုံး မော်ဒယ်က Honda Fit ဖြစ်ပါတယ်''ဟု ၎င်းက ပြောသည်။ ဆက်လက်ပြီး ၎င်းက မြန်မာနိုင်ငံတွင် ဒုတိယလူကြိုက်အများဆုံး ဆူဇူကီး Brand သည် ၂၀၁၄ ခုနှစ် တွင် ဈေးကွက်၏ ၁၁ ရာခိုင်နှုန်းရှိရာမှ လောလောဆယ်ဈေးကွက် ၂၀ ရာခိုင်နှုန်းကို ထိန်းချုပ်ထားသည်ဟု ခန့်မှန်းသည်။

ဈေးကွက်၏ ၉၅ ရာခိုင်နှုန်းကို တပတ်ရစ်ကားများ လွှမ်းမိုးထားသော တိုင်းပြည်တပြည်တွင် ကားဈေးကွက် ဖွံ့ဖြိုးလာသည်နှင့်အမျှ ကားအပိုပစ္စည်းလိုအပ်ချက် ပိုမိုကြီးထွားလာဖွယ်ရှိသည်။

ဂျာမနီနိုင်ငံ၏ အကြီးဆုံးဈေးကွက် သုတေသနသိပ္ပံ GFK က ၂၀၁၆ နှစ်လယ်တွင် ထုတ်ပြန်သည့် အစီရင်ခံစာ တစောင်က မြန်မာနိုင်ငံရှိကားပိုင်ရှင်များသည် ပူပြင်းသည့် ရာသီဥတုအခြေအနေနှင့် ကြမ်းတမ်းသော လမ်းမများကြောင့် ၎င်းတို့၏ကားများကို မကြာခဏပြုပြင်နေရသလို ကားအပိုပစ္စည်းများ လဲလှယ်နေရကြောင်း ဖော်ပြသည်။ Asia Honda စားသုံးသူဝန်ဆောင်မှုဌာနခွဲ၏ အထွေထွေမန်နေဂျာ နိုဘူအိုကန်နိုင်ငံတွင် ရောင်းချပြီးနောက် ဆားဗစ်လုပ်ပေးသည့်ဈေးကွက် ကြီးထွားလာမည့် အလားအလာရှိကြောင်း ပြောကြားသည်။

''ဈေးကွက်မှာ ဟွန်ဒါကားအများအပြား တွေ့မြင်နေရပါတယ်။ ဒါကြောင့် အလားအလာအကောင်းအချို့ကို မြင်တွေ့နေရပါတယ်။ နောက်ပိုင်းကျရင် မြန်မာနိုင်ငံမှာ ကားစီးပွားရေးလုပ်ငန်းသစ်ကို ကျွန်တော်တို့ စဉ်းစားမယ်''ဟု ၎င်းက ပြောသည်။ ဟွန်ဒါကုမ္ပဏီ၏ မြန်မာနိုင်ငံတွင် လောလောဆယ် မှတ်ပုံတင်ထားသည့် တပတ်ရစ်ဟွန်ဒါကား ၄၂,၀၀၀ ခန့်ရှိကြောင်း သိရသည်။ ၂၀၁၁ ခုနှစ်မှစ၍ မြန်မာနိုင်ငံသည်မော်တော်ကား ၆၇၀,၀၀၀ ကျော် တင်သွင်းခဲ့ပြီး အဆိုပါကာလအတွင်း ကားတင်သွင်းသည့်မူဝါဒ ၁၂ ကြိမ်ထက်မနည်း ပြောင်းလဲခဲ့သည်။

S.M (Ref :Kyodo News)
News Watch(စောင့်ကြည့်သတင်းဂျာနယ်)


ရန်ကုန်တိုင်း ဒဂုံဆိပ်ကမ်းမြို့နယ်က ရတနာ နှင်းဆီ တန်ဖိုးသင့် အဆင့်မြင့်အိမ်ရာ စီမံကိန်းမှာ နေအိမ်အခန်းပေါင်း (၁၃၀၀) ကျော်ကို အရစ်ကျငွေချေတဲ့စနစ်နဲ့ ရောင်းချနေပြီ ဖြစ်ပါတယ်။

ဒီအိမ်ရာ စီမံကိန်းဖွင့်ပွဲ နဲ့ ဈေးရောင်းချပွဲကို နိုင်ငံတော် အတိုင်ပင်ခံပုဂ္ဂိုလ်ဒေါ်အောင်ဆန်းစုကြည် ကိုယ်တိုင်ဖွင့်လှစ်ခဲ့ပြီး ဆောက်လုပ်ရေးဝန်ကြီးနဲ့ ရန်ကုန်တိုင်းဝန်ကြီးချုပ်တို့ လည်း တက်ရောက်ခဲ့ပါတယ်။

ရန်ကုန်တိုင်း ထဲမှာ တန်ဖိုးသင့် အခန်း တွေကို တိုင်းအစိုးရ က တာဝန်ယူပြီး ရောင်းချတာ က ပထမဆုံး အကြိမ် ဖြစ်ပါတယ်။

အထပ်ပေါင်း ၁၈ ထပ် ရှိတဲ့ ဒီ အိမ်ရာမှာ အခန်း တစ်ခန်း ရဲ့ ဈေးနှုန်း က ငွေကျပ် သိန်း ၆၀၀ ရာ ကနေ သိန်း ၁၂၀၀ အထိ ဈေးနှုန်း ရှိပါတယ်။

စဝယ်တဲ့ အချိန်မှာ ၃၀ ရာခိုင်နှုန်း ကို လက်ငင်း ပေးချေရမှာ ဖြစ်ပြီး ကျန်တာ ကို အရစ်ကျ စနစ် နဲ့ ပေးသွားရမှာ ဖြစ်တယ်လို့ ရန်ကုန်တိုင်း မြို့ပြ နဲ့ အိမ်ရာ ဖွံ့ဖြိုးရေး ဦးစီးဌာန က ညွှန်ကြားရေးမှူး ဦးယုခိုင် က ပြောပါတယ်။

အရစ်ကျ ပေးချေမှု မှာ ၈ နှစ်၊ ၁၀ နှစ် ဒါမှမဟုတ် ၁၅ နှစ် ပေးချေ နိုင်တဲ့ စံနစ် မျိုးကို ဝယ်ယူသူ ဘက်က ရွေးချယ် ပြီး လစဉ် ငွေသွင်းရမှာ ဖြစ်ပါတယ်။

၅၀ ရာခိုင်နှုန်း ပေးချေပြီးတာ နဲ့ အခန်းမှာ တက်ရောက် နေထိုင်ခွင့် ရရှိမှာ ဖြစ်ပါတယ်။

အိမ်ရာ ရောင်းချမှု စံနစ် က အကန့်အသတ် မရှိဘူးဆိုပေမယ့် လူတစ်ဦးတည်း ကနေ အခန်း တစ်ခန်း ထက် ပိုဝယ်တာမျိုး မဖြစ်စေဖို့ မြို့ပြ နဲ့ အိမ်ရာ ဖွံ့ဖြိုးရေး ဦးစီးဌာန က ကြပ်မတ် ရောင်းချ သွားမှာ ဖြစ်ပါတယ်။

အိမ်ရာ တွေကို စင်္ကာပူ ပုံစံ ဒီဇိုင်းရေးဆွဲ ဆောက်လုပ် ထားတာ ဖြစ်ပြီး အနီးတဝိုက်မှာ စာသင်ကျောင်း၊ ဆေးရုံ နဲ့ ဈေးဝယ် စင်တာတွေကို ဆောက်လုပ် ထားပါတယ်။

ဒါပေမယ့် သိန်း ၆၀၀ အနည်းဆုံး ရှိတဲ့ တန်ဖိုးသင့် အခန်းတွေဟာ လူတိုင်း ဝယ်ယူ နိုင်တဲ့ ဈေးနှုန်းတော့ မဟုတ်သေးပါဘူး။

ငွေ အများအပြား မတတ် နိုင်သူတွေ အတွက် သိန်း ၁၀၀ ဝန်းကျင် တန်ဖိုးနည်း အိမ်ရာ တွေလည်း ဆောက်လုပ် ပေးသွားမှာ ဖြစ်တယ်လို့ ညွှန်ကြားရေးမှူး ဦးယုခိုင် က ပြောပါတယ်။

အခု အိမ်ရာတွေမှာ ငလျင်ဒဏ် ခံနိုင်တဲ့ စံနစ် ကို ထည့်သွင်း ဆောက်လုပ် ထားတာ ကြောင့် ကုန်ကျစားရိတ် ပိုမိုမြင့်မားပြီး အခန်းခ ဈေးနှုန်း တွေလည်း မြင့်မား ခဲ့ရတာ လို့ သူက ဆိုပါတယ်။

ရန်ကုန်တိုင်း ထဲမှာ လာမယ့် ၃ နှစ်တာ ကာလ အတွင်း တန်ဖိုးမြင့်၊ တန်ဖိုးသင့်နဲ့ တန်ဖိုးနည်း အိမ်ရာ အခန်းပေါင်း တစ်သိန်း ကို တိုင်းဒေသကြီး အစိုးရက စီမံချက် ချပြီး ဆောက်လုပ်သွားမယ်လို့ ရန်ကုန်တိုင်း ဝန်ကြီးချုပ် ဦးဖြိုးမင်းသိန်း က ပြောထား ပါတယ်။

သိန်း ၁၀၀ နဲ့ အထက် ဈေးနှုန်း ရှိတဲ့ တန်ဖိုးနည်း အိမ်ရာတွေကို အရင်က မဲနှိုက်တဲ့ စံနစ် နဲ့ရောင်းချ ပေးခဲ့ပြီး နေအိမ် အခန်း မရသူတွေလည်း အများအပြား ရှိခဲ့ပါတယ်။

လာမယ့် ဇန်နဝါရီ လအတွင်း တန်ဖိုးနည်း အိမ်ယာ အခန်းပေါင်း ၂၂၀၀ ကျော် ကို တိုင်းဒေသကြီး အစိုးရ ကနေ ရောင်းချ ပေးဖို့ ရှိနေတယ်လို့ သိရပါတယ်။

BBC Burmese
http://www.bbc.com/burmese


အဘူဂျာ ဒီဇင်ဘာ ၂၄

နိုင်ဂျီးရီးယားနိုင်ငံ အရှေ့မြောက်ပိုင်း ဆမ်ဘီဆာသစ်တောအတွင်းရှိ ဘိုကိုဟာရမ် အစ္စလာမ္မစ် စစ်သွေးကြွများ၏ အဓိကကျသော ခြေကုပ်စခန်းတစ်ခုအား နိုင်ဂျီးရီးယား တပ်ဖွဲ့များက သိမ်းပိုက်ရရှိခဲ့ကြောင်း နိုင်ဂျီးရီးယားသမ္မတ မိုဟာမာဒူ ဘူဟာရီက ဒီဇင်ဘာ ၂၄ ရက်တွင် ပြောကြားသည်။

ဘိုကိုဟာရမ်တို့၏ အဓိကကျသော စခန်းသည် ဒီဇင်ဘာ ၂၂ ရက် မွန်းလွဲ ၁ နာရီ ၃၅ မိနစ်တွင် မိမိတပ်ဖွဲ့များလက်တွင်းသို့ ကျရောက်သွားပြီဖြစ်ကြောင်း နိုင်ဂျီးရီးယား တပ်မတော်၏ အကြီးအကဲအနေဖြင့် မိမိ ပြောကြားကြောင်း၊ ၄င်းတို့အတွက် ကြာရှည် ပြေးလွှားပုန်းခိုရန် နေရာမရှိတော့ကြောင်း နိုင်ဂျီးရီးယားသမ္မတက ပြောကြားသည်။

နိုင်ဂျီးရီးယား အစိုးရတပ်ဖွဲ့များသည် မကြာသေးမီ ရက်သတ္တပတ်များအတွင်းက ကြီးကျယ်သော ထိုးစစ်ကြီးတစ်ခုအား ဆမ်ဘီဆာသစ်တောဒေသတွင် ဆင်နွှဲခဲ့သည်။

ဆမ်ဘီဆာသစ်တောသည် နိုင်ဂျီးရီးယား နိုင်ငံ ကိုလိုနီအဖြစ် ကျရောက်ခံရစဉ်က တောကစားရန်အတွက် သီးသန့်သတ်မှတ် ထားခဲ့သော ကြီးမားကျယ်ပြန့်နေသည့် သစ်တောကြီးဖြစ်ပြီး ဘိုကိုဟာရမ် စစ်သွေးကြွ များက ၄င်းတောထဲတွင် အဓိကအခြေစိုက် စခန်းတည်ဆောက်ထားခြင်းဖြစ်သည်။

ရိုက်တာ။
The Mirror Daily
https://www.facebook.com/TheMirrorDaily


အီရတ်နိုင်ငံ မြောက်ပိုင်းက Bartella မြို့ကလေးမှာ ၂၀၁၃ ခုနှစ်ကစပြီး ပထမဆုံး အကြိမ်အဖြစ် အီရတ်နိုင်ငံသား ခရစ်ယန်ဘာသာဝင်တွေ လာရောက်စုဝေးပြီး ခရစ်စမတ်ပွဲတော်ကျင်းပကြပါတယ်။

အီရတ်တပ်တွေက Mosul မြို့နားက ဒီမြို့ကလေးကို အိုင်အက်စ် စစ်သွေးကြွတွေ လက်ကနေ မကြာသေးခင်ကမှ ပြန်သိမ်းယူနိုင်ခဲ့တာ ဖြစ်ပြီး အခု ခရစ်စမတ်ေ ခါင်းလောင်းသံ ကို ၃ နှစ်အတွင်း ပထမဆုံး အကြိမ်ပြန်ကြားလာရတာ ဖြစ်ပါတယ်။

ဒီမြို့ကလေးဟာ Assyrian ခရစ်ယံဘာသာဝင် ထောင်ပေါင်းများစွာ နေထိုင်တဲ့ မြို့ဖြစ်ပြီး ၂၀၁၄ ခုနှစ် အိုင်အက်စ်တွေ အီရတ်တလွှား နေရာအတောများများကို သိမ်းခဲ့ချိန်မှာ အိုးအိမ်စွန့်ခွါ ထွက်ပြေးခဲ့ကြရတာပါ။

ခရစ်ယန်တွေကို အိုင်အက်စ် စစ်သွေးကြွတွေက ပြင်းပြင်းထန်ထန် ဖိနှိပ်ခဲ့ပြီး အစ္စလန်ဘာသာထဲ မပြောင်းသူကို ကွပ်မျက်ခဲ့တာ ဖြစ်ပါတယ်။

အိုင်အက်စ်တွေဟာ ခရစ်ယန်ဘာသာရေး အထွတ်အမြတ်နေရာ အတော်များများကို ဖျက်ဆီးခဲ့ရာမှာ Bartella မြို့ကလေးဟာလည်း အတော်ပျက်စီး သွားခဲ့တာပါ။

အခု ခရစ်စမတ်ချိန်မှာတော့ ရှေးဟောင်း ခရစ်ယန်မြို့ကလေးက မြို့ခံတွေ အနေနဲ့ ကိုယ့်ရပ်ကိုယ့်ရွာ ပြန်ရောက်ပြီး ခရစ်စမတ်ပွဲ ပြန်ကျင်းပနိုင်ပြီမို့ စိတ်သက်သာရာ ရနေကြပါတယ်။

ဗွီအိုအေ (မြန်မာပိုင်း)
http://burmese.voanews.com


ဒီဇင်ဘာ ၂၄ ရက် ၂၀၁၆

သျှမ်းပြည်မြောက်ပိုင်းတွင် ဖြစ်ပွားသည့် လက်နက်ကိုင်ပဋိပက္ခများတွင် လူထုအား ပစ်မှတ်ထား တိုက်ခိုက်မှု တိုက်ပွဲဖြစ်ပွားနေမှုများအား သျှမ်း လူငယ်ကွန်ယက်မှ အပြင်းအထန် ရှုပ်ချသည့်အကြောင်း ယနေ့ ကြေငြာချက် တစောင်ထုတ်ပြန်သည်။

“သျှမ်းမြောက်ကိစ္စက အဓိက ကျနော်တို့ နန်းမွှေးအောင် ဆိုတဲ့ ကောင်မလေး တစ်ယောက် သေနတ် ထိပြီးတော့ သေသွားတယ်၊ ပြည်သူလူထု က မြေစာ ပင်လိုဖြစ်နေပြီ။ အဲ့ဒါတွေကြောင့် သျှမ်းပြည်မြောက် ပိုင်းမှာ ဖြစ်တဲ့တိုက်ပွဲ ကိစ္စကို ကျနော်တို့ အဓိက ထား မီးမောင်းထိုးပြတာပါ။” - ဟု မြန်မာနိုင်ငံလုံးဆိုင်ရာ သျှမ်းလူငယ်ကွန်ရက် ပြောရေးဆိုခွင့် ရှိသူ စိုင်းနော်ဆိုင် ကပြောသည်။


၂၀၁၆ ဒီဇင်ဘာ ၂၄ ရက်စွဲဖြင့် သျှမ်းလူငယ်ကွန်ရက်မှ နမ္မတူမြို့နယ်၊ ပန်လုံေ ကျးရွာအတွင်း RCSS/SSA နှင့် TNLA နှစ်ဘက်တပ်များ ပစ်ခတ် တိုက်ခိုက် မှုကြောင့် ၂၀၁၆ ဒီဇင်ဘာ၂၀ ရက်နေ့ တွင် နန်းမွှေးအောင် အသက် ၁၇ နှစ် သည် ဦးခေါင်း နှင့် လည်ပင်းတွင် ပစ်သတ်ခံရကာ သေဆုံးရခြင်းသည် သျှမ်းလူငယ် လူထု အတွင်း များစွာတုန်လှုပ်ခြောက်ခြားစေခဲ့ပြီး ထိုသို့ပစ် သတ်သည့် လက်နက်ကိုင်တပ်ဖွဲ့၏ လုပ်ရပ်ကိုလုံးဝဆန့် ကျင်ြေ ကာင်း နှင့် ပြင်းထန်စွာရှုံ့ချကြောင်း မြန်မာနိုင်ငံလုံးဆိုင်ရာ သျှမ်းလူငယ်ကွန်ရက် မှ သဘောထား ထုတ်ပြန်လိုက်သည်။

“တိုက်ပွဲကြောင့် လူထု ထိခိုက်သေဆုံးတယ်။ အိုးအိမ်စွန့်ပြီးတော့ စစ်ဘေးရှောင် စခန်းတွေမှာ နေနေရတယ်။ ကျွဲ ၊ နွားတွေ သေကြေတယ်။ အိမ်တွေ ကျောင်းကန်တွေ သာသနိကအဆောက်အဦးတွေ ပျက်စီးတယ်။ အခု နန်းမွှေးအောင်သေ ဆုံးတာ ဘယ်အဖွဲ့ရဲ့လက်ချက်ဆိုတာ ကျနော်တို့အတိအကျ အချက် အလက်ေ တွရထားတယ်။ ဒါပေမယ့် တဦးအပေါ် တဦး အပစ်ပုံချနေတာထက်။ တိုက်ပွဲတွေရပ်တန်းက ရပ်ပြီး အမြန်ဆုံးတွေ့ဆုံဆွေးနွေးကြပါ ။ ” ဟု စိုင်းနော်ဆိုင်ကပြောသည်။

နယ်မြေအငြင်းပွားမှုကြောင့် သျှမ်းပြည်မြောက်ပိုင်းအတွင်းမှာ သျှမ်းပြည်ပြန် လည်ထူထောင်ရေးကောင်စီ/ သျှမ်းပြည်တပ်မတော် (RCSS/SSA) နှင့် တအောင်း အမျိုးသားလွှတ်မြောက်ရေးတပ်မတော် TNLA တို့ကြား တိုက်ပွဲ ဖြစ်ပွားနေသည့် အပြင်၊ အစိုးရတပ်မတော် နှင့် တအာင်း ပလောင်တပ်ဖွဲ့ပါဝင်သည့် မြောက်ပိုင်းမဟာမိတ်တပ်ဖွဲ့တို့လည်း တိုက်ပွဲဖြစ်ပွားနေသည်။ တိုက်ပွဲကြောင့် ဒေသခံ ထောင်ဂဏန်းနေရပ်မှ စွန့်ခွါနေသည်။

သျှမ်းသံတော်ဆင့်/ဆိုင်ဖူး
Panglong(Burmese)
https://www.facebook.com/Panglong.burmese/


ဆီးရီးယား နိုင်ငံက al-Bab မြို့ကလေးမှာ အစွန်းရောက်တွေနဲ့ တူရကီတပ်တွေက အကူညီပေးနေတဲ့ သူပုန်တွေကြား တိုက်ပွဲတွေ ဖြစ်ပွါးနေချိန်မှာပဲ Aleppo အရှေ့မြောက်ဖက် ကီလိုမီတာ ၂၀ အကွာမှာ တူရကီစစ်လေယာဉ်တွေနဲ့ တိုက်ခိုက် မှုကနေ အိုင်အက်စ် စစ်သွေးကြွ ၆၈ ဦး သေဆုံးခဲ့တယ်လို့ တူရကီက စနေနေ့ မှာ ပြောပါတယ်။

သောကြာနေ့ ည တိုက်ခိုက်မှုတွေ စတင်ခဲ့ချိန်က စပြီးEuphrates Shield လို့ခေါ်တဲ့ တူရကီ ဦးဆောင်တဲ့စစ်ဆင်ရေး တစိတ်တပိုင်းအဖြစ် ညတွင်းချင်း လေကြောင်း တိုက်ခိုက် မှုတွေကြောင့် အိုင်အက်စ်တွေရဲ့ စစ်ဌာနချုပ်တွေ အပါအဝင် ပစ်မှတ်ေ ပါင်း ၁၄၁ ခုကို ဖျက်ဆီးနိုင်ခဲ့ တယ်လို့ တူရကီစစ်တပ် ပြောခွင့်ရက ပြောပါတယ်။

တူရကီစစ်တပ်က ဆီးရီးယား အစိုးရကိုဖြုတ်ချဖို့ ကြိုးပမ်းနေတဲ့ FSA ဆီးရီးယား လွတ်မြောက်ရေးတပ် ကို ပံ့ပိုးပေးနေတာ ဖြစ်ပြီး ဒီသူပုန် အဖွဲ့က အိုင်အက်စ်တွေ ထိမ်းချုပ်ထားတဲ့ al-Bab ကို သိမ်းပိုက်နိုင်ဖို့ ကြိုးစားနေတာ သီတင်းပါတ် အတော် ကြာနေပြီ ဖြစ်ပါတယ်။ တူရကီဟာ အိုင်အက်စ်တွေနဲ့ Kurds တိုက်ခိုက်ရေး သမားတွေကို သူ့နိုင်ငံထဲက ဆီးရီးယားနယ်စပ်နား မနေနိုင်အောင် တိုက်ထုတ်တဲ့ စစ်ဆင်ရေး လုပ်နေတာ ၄ လလောက် ရှိနေပြီဖြစ်ပါတယ်။

ဒီသီတင်းပါတ်ထဲမှာပဲ al-Bab အနီးတဝိုက် တိုက်ခိုက်မှုတွေ ပြင်းပြင်းထန်ထန် လုပ်ခဲ့ တာမို့ ဗုဒ္ဓဟူးနေ့ တရက်ထဲမှာတင် ဂျီဟတ် စစ်သွေးကြွ ၁၄၀ လောက် သေ ဆုံးအောင် တိုက်နိုင်ခဲ့တယ်လို့ တူရကီစစ်တပ်က ပြောပါတယ်။ တူရကီတောင်ပိုင်း Gaziantep မြို့မှာ သြဂုတ်လ ၂၀ တုန်းက လူပေါင်း ၅၀ ကျော် သေဆုံးခဲ့ရတဲ့ အသေခံ ဗုံးခွဲမှုကို အိုင်အက်စ်နဲ့ ဆက်နွယ်သူတွေက လုပ်ဆောင်ခဲ့တဲ့ နောက်ပိုင်း ဆီးရီးယားမှာ ပါဝင်တိုက်ခိုက်ဖို့ သြဂုတ်လကုန်လောက်မှာ တူရကီက လုပ်ဆောင်ခဲ့ တာဖြစ်ပြီး ဒီဗုဒ္ဓဟူးနေ့ တိုက်ခိုက်မှုဟာ တကြိမ်ထဲနဲ့ လူအသေပျောက် အများဆုံး ဖြစ်တယ်လို့ အကဲခတ်တွေကပြောပါတယ်။

တူရကီကာကွယ်ရေးဝန်ကြီး Fik-ri Isik ကလည်း al-Bab ဝန်းကျင် စတုရန်းကီလို ၂ ထောင်လောက်မှာ အိုင်အက်စ်တွေ မရှိတော့သလို စစ်ဆင်ရေး စချိန်ကစပြီး အစွန်းရောက် တထောင်ကျော် ကို သုတ်သက်နိုင်ခဲ့တယ်လို့ ကြာသပတေးနေ့ လွှတ်တော်မှာ ပြောပါတယ်။

 ဗွီအိုအေ (မြန်မာပိုင်း)
http://burmese.voanews.com



နိုင်ငံတော်သမ္မတ၏ ဇနီး၊ ပြည်သူ့လွှတ်တော် ကိုယ်စားလှယ် ဒေါ်စုစုလွင် အား Centre for Economic and Leadership Development (CELD) အဖွဲ့အစည်းက Global Inspirational Leadership Award 2016 ဆု ဂုဏ်ပြုချီးမြှင့်
ပြည်ထောင်စု သမ္မတ မြန်မာနိုင်ငံတော် နိုင်ငံတော်သမ္မတ၏ ဇနီး၊ ပြည်သူ့ လွှတ်တော်ကိုယ်စားလှယ် ဒေါ်စုစုလွင်အား ၎င်း၏ မြန်မာနိုင်ငံ ပညာရေး ကဏ္ဍနှင့် အမျိုးသမီးများနှင့် ကလေးများ ဖွံ့ဖြိုး တိုးတက်မှုဆိုင်ရာ ကဏ္ဍများ၌ ကြိုးပမ်း ဆောင်ရွက်နေမှုများ အတွက် Centre for Economic and Leadership Development (CELD) အဖွဲ့အစည်းက Global Inspirational Leadership Award 2016 ဆု ဂုဏ်ပြု ချီးမြှင့်ခဲ့ကြောင်း သတင်းရရှိသည်။

အာရပ်စော်ဘွားများ ပြည်ထောင်စုနိုင်ငံ၊ ဒူဘိုင်းမြို့ရှိ Shangri-La ဟိုတယ်၌ ၂၀၁၆ ခုနှစ်၊ ဒီဇင်ဘာလ ၁၃ ရက်နေ့က ကျင်းပ ပြုလုပ်ခဲ့သည့် South America - Africa - Middle East - Asia Women Summit (SAMEAWS) ၌ အဆိုပါဆုကို ချီးမြှင့်ခဲ့ခြင်းဖြစ်ပြီး ဒေါ်စုစုလွင်၏ ကိုယ်စား ကူဝိတ်နိုင်ငံဆိုင်ရာ မြန်မာသံအမတ်ကြီး ဦးအေးခိုင်က တက်ရောက် လက်ခံခဲ့သည်။

အလားတူ CELD မှ ထုတ်ဝေသည့် Amazons Watch Magazine ၌လည်း ဒေါ်စုစုလွင်၏ ပညာရေးဖွံ့ဖြိုး တိုးတက်မှု ဆိုင်ရာ ကြိုးပမ်း ဆောင်ရွက်မှုများ အတွက် Top 100 Most Influential Women In Emerging Economies အဖြစ် ထည့်သွင်းဖော်ပြခဲ့ပြီး CELD ၏ Global Women Leaders 2016 ဆုတံဆိပ်ကိုလည်း ချီးမြှင့်ခဲ့သည်။

Centre for Economic and Leadership Development (CELD) အဖွဲ့အစည်းသည် ကုလသမဂ္ဂ စီးပွားရေးနှင့် လူမှုရေးကော်မရှင် (ECOSOC) ၏ Special Consultative အဆင့်အတန်း ရရှိထားသည့် အကျိုးအမြတ် မယူသော အစိုးရမဟုတ်သည့် အဖွဲ့အစည်း တစ်ရပ်ဖြစ်ကြောင်း သတင်းရရှိသည်။

MOI Webportal Myanmar
https://www.facebook.com/MOIWebportalMyanmar/



UWSA ဝတပ်ဖွဲ့ဟာ ငြိမ်းချမ်းရေးဖြစ်စဉ်အတွင်းမှာ တောက်လျှောက်ပါဝင်ခဲ့ပြီး ပထဝီဝင် အနေအထားအရလည်း ဒီအဖွဲ့က အရေးပါတဲ့အတွက် သွားရောက်တွေ့ဆုံရတာဖြစ်
UNFC ညီညွတ်သော တိုင်းရင်းသား လူမျိုးများ ဖက်ဒရယ် ကောင်စီ ဒုဥက္ကဌ နိုင်ဟံသာနဲ့ UWSA ဝပြည် သွေးစည်းညီညွတ်ရေး တပ်မတော် ခေါင်းဆောင် ပေါက်ယူချန်းတို့ ဒီဇင်ဘာလ ၂၂ရက်နေ့က ရှမ်းပြည်နယ် ပန်ဆိုင်းမြို့နယ်မှာ တွေ့ဆုံ ဆွေးနွေးခဲ့ရတာဟာ မြန်မာပြည်မြောက်ပိုင်း ငြိမ်းချမ်းရေးမှာ UWSA ဝတပ်ဖွဲ့ရဲ့ အခန်းကဏ္ဍက အရေးပါပြီး မြေပြင်အခြေအနေလေ့လာဖို့လည်း ဖြစ်ကြောင်း UNFC ဘက်က အတည်ပြု ပြောကြားခဲ့ပါတယ်။

UWSA ဝတပ်ဖွဲ့ဟာ ငြိမ်းချမ်းရေးဖြစ်စဉ်အတွင်းမှာ တောက်လျှောက်ပါဝင်ခဲ့ပြီး ပထဝီဝင် အနေအထားအရလည်း ဒီအဖွဲ့က အရေးပါတဲ့အတွက် သွားရောက်တွေ့ဆုံရတာလို့ UNFCရဲ့ ပြောခွင့်ရ ပုဂ္ဂိုလ်ဖြစ်တဲ့ ရခိုင်အမျိုးသား ကွန်ဂရက်ပါတီက ဦးထွန်းဇော်က ဘီဘီစီကို ပြောပါတယ်။

ဒီဆွေးနွေးပွဲတွေမှာ ငြိမ်းချမ်းရေး ရှေ့လုပ်ငန်းစဉ်တွေ အတွက် မြေပြင်အခြေအနေ ဖလှယ်မှုတွေ ပြုလုပ်ခဲ့ပြီး ငြိမ်းချမ်းရေးအတွက် ဆွေးနွေးမှုတွေလုပ်ခဲ့တယ်ဆိုပေမယ့် အသေးစိတ်ကိုတော့ UNFCဘက်က မထုတ်ပြန်ခဲ့ပါဘူး။

မြောက်ပိုင်းမဟာမိတ်အဖွဲ့ရဲ့ ငြိမ်းချမ်းရေး ဆွေးနွေးပွဲတွေမှာ UWSA ဝတပ်ဖွဲ့ ပါဝင်လာဖို့ ဖိတ်ခေါ်မှုတွေ ရှိခဲ့ပြီး တိုင်းရင်းသားလေးဖွဲ့ပါဝင်နေတဲ့ ဒီမြောက်ပိုင်းမဟာမိတ်အဖွဲ့နဲ့ တရုတ်နိုင်ငံရဲ့ မြန်မာနိုင်ငံဆိုင်ရာ အထူးကိုယ်စားလှယ်တို့ တွေ့ဆုံမှုမှာလည်း ပါဝင်သင့်ကြောင်း သဘောထားထုတ်ပြန်မှုတွေရှိခဲ့တယ်လို့ ဦးထွန်းဇော်က ပြောပါတယ်။

မြောက်ပိုင်းမဟာမိတ်အဖွဲ့နဲ့ အစိုးရစစ်တပ်အကြား တွေ့ဆုံဆွေးနွေးမှု ဖြစ်မြောက်ဖို့ အတွက်ကတော့ မြန်မာ့တပ်မတော်ရဲ့ ဆန္ဒသဘောထားပေါ်မှာပဲ မူတည်နေတယ်လို့ ဦးထွန်းဇော်က ပြောပါတယ်။

မြန်မာ့တပ်မတော်ဟာ တိုင်းရင်းသားတပ်ပေါင်းစုတခုနဲ့ တစုတစည်းထဲ အဆွေးအနွေးမခံပဲ အဖွဲ့တချို့ကို ချန်ထားပြီး ဆွေးနွေးနေတဲ့အတွက် ဒီကျန်ခဲ့တဲ့ အဖွဲ့တွေကို မြောက်ပိုင်းမဟာမိတ်အဖွဲ့အဖြစ် စုပေးလိုက်သလို ဖြစ်သွားတယ်လို့လည်း သူက ပြောပါတယ်။

UNFCဘက်ကတော့ မြောက်ပိုင်းမဟာမိတ်အဖွဲ့နဲ့ မြန်မာ့တပ်မတော်တို့ တွေ့ဆုံဆွေးနွေးမှု ဖြစ်မြောက်ရေး ဆက်လက် ကြိုးပမ်းသွားမယ်လို့ သိရပါတယ်။

BBC Burmese
http://www.bbc.com/burmese



 တရားခံ မစ္စတာ အင်မရီက အစ္စလာမ္မစ်နိုင်ငံအဖွဲ့ အိုင်အက်စ်ကို သစ္စာခံနေတဲ့ ရုပ်သံ ဗီဒီယိုကို အိုင်အက်စ်အဖွဲ့က ဖြန့်ချီခဲ့
ဂျာမဏီနိုင်ငံ ဘာလင်မြို့က ခရစ်စမတ်ဈေး အကြမ်းဖက်မှု တရားခံရဲ့ တူဖြစ်သူကို တူနီးရှားအာဏာပိုင်တွေက ဖမ်းဆီးလိုက်ပါတယ်။

တဆက်တည်းမှာပဲ အဲဒီတရားခံ မစ္စတာ အင်မရီနဲ့ ချိတ်ဆက်ခဲ့တဲ့ သုံးယောက်ပါဝင်တဲ့ အကြမ်းဖက်သမား စုပေါင်းမှုအဖွဲ့ကို ဖော်ထုတ်နိုင်ပြီလို့ တူနီးရှားအာဏာပိုင်တွေက ပြောပါတယ်။

အဲဒီ့အဖွဲ့ထဲမှာ အခုဖမ်းဆီးလိုက်တဲ့ ဘာလင်ခရစ်စမတ်ဈေး အကြမ်းဖက်မှု တရားခံရဲ့ တူဖြစ်သူလည်း ပါဝင်တယ်လို့ တူနီးရှား ပြည်ထဲရေးဌာနက ပြောပါတယ်။

မစ္စတာ အင်မရီရဲ့ တူဖြစ်သူဟာ စောင့်ကြည့်တဲ့ အာဏာပိုင်တွေ မသိအောင် ဝှက်စာသုံးတဲ့ တယ်လီဂရမ်လို့ခေါ်တဲ့ စကားပြော အက်ပ်တခုကို ဆက်သွယ်ခဲ့ကြောင်း ဝန်ခံခဲ့တယ်လို့ တူနီးရှားအာဏာပိုင်တွေက ပြောပါတယ်။

မစ္စတာ အင်မရီဟာ ပြီးခဲ့တဲ့ အင်္ဂါနေ့က ဂျာမဏီနိုင်ငံ ဘာလင်မြို့က ခရစ်စမတ်ဈေးတန်းထဲကို ကားနဲ့ ဝင်တိုက်ခဲ့တဲ့အတွက် လူ၁၂ဦး သေဆုံးပြီး အများအပြား ဒဏ်ရာရခဲ့တာ ဖြစ်ပါတယ်။

သူဟာ အခင်းဖြစ်ပွားတဲ့ နေရာက လွတ်မြောက်သွားခဲ့ပေမယ့် သောကြာနေ့က အီတလီနိုင်ငံ မီလန်မြို့မှာ အသေဖမ်းမိခဲ့တာ ဖြစ်ပါတယ်။

အဲဒီသောကြာနေ့မှာပဲ တရားခံ မစ္စတာ အင်မရီက အစ္စလာမ္မစ်နိုင်ငံအဖွဲ့ အိုင်အက်စ်ကို သစ္စာခံနေတဲ့ ရုပ်သံ ဗီဒီယိုကို အိုင်အက်စ်အဖွဲ့က ဖြန့်ချီခဲ့ပါတယ်။

BBC Burmese
http://www.bbc.com/burmese



ဘာလင်မြို့ ခရစ္စမတ်ဈေးတန်းတိုက်ခိုက်သူ Anis Amri ရဲ့မိဘအိမ်။ ၂၃ ဒီဇင်ဘာ၊ ၂၀၁၆။
ဂျာမဏီနိုင်ငံ၊ ဘာလင်မြို့က ခရစ္စမတ်ဈေးတန်းတိုက်ခိုက်မှုမှာ သံသယရှိခံထားရသူ Anis Amri ရဲ့ တူဖြစ်သူတဦးနဲ့ IS စစ်သွေးကြွ ၂ ဦးတို့ကို တူနီးရှားအာဏာပိုင်တွေက ဖမ်းဆီးလိုက်တယ်လို့ ပြည်ထဲရေးဝန်ကြီးဌာနက ဒီကနေ့ စနေနေ့မှာပြောပါတယ်။ သူတို့သုံးဦးဟာ ဘာလင်မြို့ မှာ အကြမ်းဖက်တိုက်ခိုက်ခဲ့သူ Anis Amri နဲ့ အဆက်အသွယ်လုပ်သူတွေ၊ အကြမ်းဖက်အဖွဲ့ဝင်တွေဖြစ်တယ်ဆိုပြီး ထုတ်ပြန်ချက်မှာပြောထားပါတယ်။ သူတို့သုံးဦးကို သောကြာနေ့က ဖမ်းဆီးလိုက်တာပါ။

တချိန်ထဲမှာပဲ ရာနဲ့ချီတဲ့လူတွေဟာ စနေနေ့မှာ တူနီးရှားနိုင်ငံမြို့တော်Tunis က လမ်းတွေပေါ်ထွက်ပြီး အကြမ်းဖက်မှုဆန့်ကျင်ရေးစုဝေးခဲ့ကြပါတယ်။ အကြမ်းဖက်အဖွဲ့အစည်းတွေနဲ့ဆက်စပ်နေတဲ့ ပြည်ပရောက် တူနီးရှားနိုင်ငံသားအားလုံးကို ပြန်ခေါ်ပြီး မိခင်နိုင်ငံမှာ တရားရင်ဆိုင်ဖို့ လူပေါင်း ၂၀၀ လောက်က အစိုးရကို တိုက်တွန်း တောင်းဆိုခဲ့ကြပါတယ်။ ပြီးခဲ့တဲ့နှစ်ကမတ်လက IS တို့တိုက်ခိုက်ခဲ့တဲ့ Bardo ပြတိုက်အပြင်ဘက်မှာ ဆန္ဒပြသူတွေစုရုံးခဲ့ကြတာပါ။အဲ့ဒီဖြစ်ရပ်မှာ ကမ္ဘာလှည့်ခရီးသွား ၂၁ ဦးနဲ့ တူနီးရှားရဲ ၁ ဦးတို့ကို သေနတ်သမားတဦးက ပစ်သတ်သွားခဲ့တာဖြစ်ပါတယ်။

မီလန်မြို့မှာ အီတလီရဲရဲ့ ပစ်ခတ်မှုကြောင့် သေဆုံးသွားပြီဖြစ်တဲ့ Anis Amri ရဲ့  ဖြစ်နိုင်ခြေရှိတဲ့ အပေါင်းအပါတွေကို ဂျာမဏီ တာဝန်ရှိသူတွေလိုက်လံရှာဖွေနေချိန်နောက်တနေ့မှာပဲ တူနီးရှားမှာ ခုလိုဖမ်းဆီးမှုဖြစ်ပွါးတာဖြစ်ပါတယ်။

ခရစ္စမတ်ပွဲတော်ကာလကို တနိုင်ငံလုံးကျင်းပနေချိန်ဖြစ်ပေမယ့် ရာနဲ့ချီတဲ့ ထောက်လှမ်းရေးတွေကတော့ အားလပ်ရက်ကာလတလျှောက်လုံး စုံစမ်းစစ်ဆေးရေးတွေဆက်လုပ်သွားမယ်လို့ ဂျာမဏီ တာဝန်ရှိသူတွေကပြောပါတယ်။ အသက် ၂၄ နှစ်အရွယ်၊ တူနီးရှားနိုင်ငံသား Anis Amri ကို ဘယ်သူတွေက အကူအညီပေးနေတယ် ဆိုတာကို ဖေါ်ထုတ်နိုင်ဖို့ ကြိုးစားနေ ကြောင်း ဂျာမဏီ ဗဟိုအစိုးရရှေ့နေချုပ် Peter Frank က သောကြာနေ့မှာပြောပါတယ်။ ဂျာမာန်ဝန်ကြီးချုပ် အန်ဂလာမာကဲလ် ကလည်း ပူးပေါင်းကြံစည်သူတွေရှိမရှိ အဓိက အာရုံစိုက်ပြီး စုံစမ်းစစ်ဆေးသွားမယ်လို့ပြောပါတယ်။

 ဗွီအိုအေ (မြန်မာပိုင်း)
http://burmese.voanews.com

ကချင်ဒုက္ခသည်ကလေးငယ်များ။
ကချင်ဒုက္ခသည်ကလေးငယ်များ။

 ခရစ္စမတ်နဲ့ နှစ်သစ်ကူးကာလမကြာခင်ကျရောက်တော့မှာ ဖြစ်ပေမဲ့လည်း မြန်မာနိုင်ငံက တိုင်းရင်းသား ဒေသတွေမှာတော့ တိုက်ပွဲတွေ မစဲနိုင်သေးတဲ့အတွက် အားလပ်ရက်ရာသီကို မဆင်နွှဲနိုင်ပဲ ဘေးလွတ်ရာ ထွက်ပြေးနေကြရပါတယ်။ ဒီအတွက် ခရစ္စမတ်နဲ့ နှစ်သစ်ကူးလို အခါသမယမှာ တိုက်ပွဲတွေ အမြန်ဆုံးရပ်ကြဖို့ လက်နက်ကိုင်ပဋိပက္ခမှာ ပါဝင်နေသူတွေကို တိုင်းရင်းသားလူမှုအဖွဲ့တွေက တိုက်တွန်းနေကြပါတယ်။ အပြည့်အစုံကိုတော့ မဆုမွန် ကဆက်ပြောပြပေးပါမယ်။

ဒီကနေ့ စနေမနက်ပိုင်းမှာတော့ ရှမ်းပြည်နယ်၊ ကွတ်ခိုင်ဘက်မှာ တိုက်ပွဲတွေ ဆက်ဖြစ်ပြီးစစ်ရေးတင်းမာနေတဲ့အတွက် ဒေသခံပြည်သူတွေဟာ ဘေးလွတ်ရာကို ထွက်ပြေးတိမ်းရှောင်နေရပါတယ်။ ကချင်ပြည်နယ်နဲ့ ရှမ်းမြောက်ဒေသက စစ်ရေးတင်းမာမှုတွေကြောင့် အသက်လုပြီး ပြေးနေရတဲ့ အချိန်ဟာ ခရစ်ယာန်ဘာသာဝင်တွေ အထွတ်အမြတ်ထားရာ ခရစ္စမတ်ကာလ ဖြစ်သလို၊ မကြာခင်မှာ ၂၀၁၆ ကုန်ဆုံးတော့မယ့် နှစ်သစ်ကူးကာလ ရောက်တော့မှာ ဖြစ်တာကြောင့် တာဝန်ရှိသူတွေ အားလုံးအနေနဲ့ ငြိမ်းချမ်းရေးကို ရှေ့ရှုစေချင်တယ်လို့ ကချင်ငြိမ်းချမ်းရေးလှုပ်ရှားသူ မမေစပယ်ဖြူက ပြောပါတယ်။

“ ကွတ်ခိုင်ပတ်ဝန်းကျင်မှာက နီးနေတော့ သေနတ်သံတွေကြားရတယ်။ တိုက်ပွဲတွေဖြစ်နေတယ်လို့ကျမတို့သိရတယ်။ အဲ့ဒီလိုပဲကျမတို့ ကချင်ဒေသမှာ ရှိနေတဲ့ ဒုက္ခသည် တသိန်းကျော်ဆိုရင်လည်း ကျီးလန့်စာစားနဲ့ ဘယ်အချိန်ဆိုရင် မသွားကြနဲ့၊ဘယ်နေရာဆိုရင်မသွားကြနဲ့ဆိုတဲ့အကန့်အသတ်တွေကြားထဲမှာနေနေရတယ်လို့ ကျမတို့သိရပါတယ်။ ဒီလိုကိုယ့်လူမျိုးတွေဘာသာရေးအရ အထွတ်အမြတ်ထားတဲ့ကာလတွေမှာတိုက်ပွဲတွေဖြစ်ပြီးတော့မှ ပြေးလွှားနေရတယ်။နောက်ပြီးတော့အခြေခံစားဝတ်နေရေးကအစ၊လူသားခြင်းစာနာထောက်ထားမှုအကူအညီတွေကိုလည်း လုံးဝ မရရှိနေတဲ့အခြေအနေတွေ၊ တနှစ်ထဲမဟုတ်တော့ဘူးပေါ့။ ကျမတို့ ဒါ ခုဆိုရင် ငါးနှစ်ကျော်၊ ခြောက်နှစ်ထဲကိုရောက်လာပြီ။ ဆိုတော့ အဲ့လိုမျိုး ကာလရှည်ကြာနေတာဟာ ကလေးတွေအတွက်ပိုပြီးတော့မှ စိတ်ဒဏ်ရာဟာ ပိုပြီးတော့ကြီးပါတယ်။ တခြားသူတွေပျော်သလိုမျိုး၊ တခြားသူတွေ အများစုပေါ့၊ ခရစ္စမတ်ကာလမို့လို့ ရုံးပိတ်ကြ၊ ကျောင်းပိတ်ကြ၊ အပျော်ခရီးတွေထွက်ပြီးတော့ ကျေးဇူးတော်ချီးမွှမ်းရမယ့်ကာလမှာ သူတို့မှာတော့ မပျော်ရွင်နိုင်ဘူး။ ကျေးဇူးတော်ချီးမွှမ်းခွင့်မရဘူးပေါ့နော်။ အဲ့တာဟာ ကြီးမားတဲ့ စိတ်ဒဏ်ရာတွေ ဖြစ်စေနိုင်ပါတယ်။ “

အခုလိုတိုင်းရင်းဒေသတွေမှာစစ်မီးမငြိမ်းနိုင်သေးတာဟာ ဒေါ်အောင်ဆန်းစုကြည်ဦးဆောင်ပြီးဖော်ဆောင်နေတဲ့တနိုင်ငံလုံးပစ်ခတ်တိုက်ခိုက်မှုရပ်စဲရေးလုပ်ငန်းစဉ်ကို အယုံအကြည်မဲ့စေပြီး ငြိမ်းချမ်းရေးကြိုးပမ်းမှုလမ်းကြောင်းကို သွေဖည်စေတဲ့ အမျိုးသားရင်ကြားစေ့ရေးကို ထိပါးစေတဲ့အဖြစ်တွေဖြစ်တယ်ဆိုတာကိုလည်း ချင်းပြည်နယ်အရပ်ဘက်အဖွဲ့အစည်းတွေ စုပေါင်းပြီးလည်း ဒီဇင်ဘာ၂၃က ကြေညာချက် ထုတ်ခဲ့ပါတယ်။ အထူးသဖြင့် အခုလို ခရစ္စမတ်ကာလမှာ ကချင်နဲ့ ရှမ်းမြောက်ဘက်က စစ်ပြေးစစ်ရှောင်ဒုက္ခသည်တွေ ဘေးကင်းပါစေကြောင်း ချင်းတိုင်းရင်းသားတွေအနေနဲ့ ဆုမွန်ကောင်းတောင်းပေးပါတယ်လို့လည်း ချင်းလူမှုအဖွဲ့အစည်း ချင်းပြည်နယ်၊ တီးတိန်မြို့အခြေစိုက် ဇိုမီးလူငယ်များအသင်း အတွင်းရေးမှူး ဦးထန်ဗန်းလျန်က ပြောပါတယ်။

“နေ့တိုင်း ဆုတောင်းတဲ့အခါတိုင်းမှာ မြန်မာပြည်ကြီးငြိမ်းချမ်းဖို့ပေါ့နော်။ ခရစ္စမတ်အချိန်မှာလည်း၊ နှစ်သစ်ကူးအချိန်မှာလည်း ကျနော်တို့တကယ့်ကို ဆုတောင်းပေးပါတယ်။ ဆုတောင်းနေပါတယ်။ ကျနော်တို့ ဒီကနေ အဝေးကနေပြီးပေါ့နော် ဆုတောင်းပေးပါတယ်။ ချက်ချင်း စစ်ပွဲရပ်ပါစေပေါ့နော်။ မြန်မြန်ငြိမ်းချမ်းပါစေ။ ဘ၀တွေလည်း ပြန်ပြီးတော့တည်ဆောက်နိုင်ပါစေ။ ကောင်းကောင်းနေနိုင်ပါစေ။ ငြိမ်းချမ်းပါစေလို့ပဲ ကျနော်တို့ခရစ္စမတ်အချိန်အခါနဲ့ ဒီအချိန်အခါမှာ ကျနော်တို့ ဆုတောင်းပေးပါတယ်။ ဘုရားသခင်ကောင်းချီးပေးပါစေလို့ ဆုတောင်းပေးပါတယ်။ ”

စစ်ဘေးကြောင့် နှစ်ချီတိမ်းရှောင်နေရဆဲ ဒုက္ခသည်တွေအပြင် လတ်တလော စစ်ဘေးကြောင့် တိမ်းရှောင်နေရတဲ့ စစ်ရှောင်ဒုက္ခသည်တွေအတွက် အခုဆိုရင် ဆောင်းရာသီလို အေးလှတဲ့ ရာသီဥတုဒဏ်အပြင် စားနပ်ရိက္ခာအခက်အခဲတွေလည်းဖြစ်နေတာကြောင့် ဒုက္ခသည်တွေ အရေးပေါ်လိုအပ်နေတဲ့ လူသားချင်းစာနာမှုဆိုင်ရာစားနပ်ရိက္ခာတွေ အမြန်ဆုံးအကူအညီပေးစေလိုပါတယ်လို့လည်း ဒုက္ခသည်အရေးကူညီဆောင်ရွက်ပေးနေတဲ့ ငြိမ်းချမ်းရေးနဲ့တရားမျှတရေးအဖွဲ့က ဦးသောမတ်စ်ထန်ရှမ်းမုန် ( Thomas Htang Shan Mong- Catholic Bishop) က ပြောပါတယ်။

“IDP တွေကို ကျနော်တို့ အစိုးရက လျစ်လျူရှုမထားဖို့ တောင်းဆိုချင်ပါတယ်။ ဒီလိုအရေးယူ ဆောင်ရွက်ပေးဖို။နောက်ပြီးတော့ ဒီတပ်မတော်ပိုင်းပေါ့လေ။ တဘက်နဲ့တဘက် ထိုးစစ်တွေရပ်တန့်ထားဖို့အတွက် ကျနော်တို့ အဲ့တာကိုအထူး ဦးစားပေးတောင်းဆိုချင်ပါတယ်။ ဒီ UN(ကုလသမဂ္ဂ) ကအစားအသောက်တွေကိုလည်း တဘက်ကို ရောက်ရှိဖို့ရာ ခက်ခဲနေတာကြောင့် စားနပ်ရိက္ခာနဲ့၊ သူတို့ရဲ့ Refugees တွေရဲ့  ဘာဖြစ်လို့လည်းဆိုလို့ရှိရင်တိုက်ပွဲတွေဖြစ်နေတာကတကြောင်း၊ နောက် သူတို့ထွက်ပြေးနေရတာကတကြောင်း၊ နောက် ကျနော်တို့ ဒီစားနပ်ရိက္ခာအတွက် စိုးရိမ်နေတာက တကြောင်းပေါ့၊ ဟိုဘက် ဒီဘက်နဲ့ လုံခြုံမှုမရှိတဲ့ အချိန်အခါပေါ့၊ လုံခြုံရေးပေါ့လေ။ ဒီအရာတွေအပေါ်မှာ စိုးရိမ်စိတ်ရှိပါတယ်။”

အရပ်သားအစိုးရလက်ထက် အမျိုးသားရင်ကြားစေ့ရေးနဲ့ ငြိမ်းချမ်းရေးလုပ်ငန်းစဉ်တွေကို ၂၁ရာစု ပင်လုံအခြေခံပြီး အခုဆိုရင် တိုင်းနဲ့ပြည်နယ်အသီးသီးမှာ NCA လက်မှတ်ရေးထိုးပြီးတိုင်းရင်းသားလက်နက်ကိုင်အဖွဲ့တွေရဲ့ အမျိုးသားအဆင့်ငြိမ်းချမ်းရေးဆွေးနွေးပွဲတွေ ကျင်းပနိုင်ဖို့ စီစဉ်ဆောင်ရွက်နေကြချိန်မှာပဲ အပစ်မရပ်ရသေးတဲ့ တိုင်းရင်းသားလက်နက်ကိုင်အဖွဲ့တွေနဲ့ တိုင်းရင်းဒေသတွေမှာ ထိုးစစ်တွေနဲ့ တိုက်ပွဲတွေ ပြင်းပြင်းထန်ထန်ဖြစ်နေဆဲ စစ်ရေးတင်းမာမှုအနေအထားအပေါ် ငြိမ်းချမ်းရေးလှုပ်ရှားသူတွေနဲ့ ဒုက္ခသည်အရေး ကူညီဆောင်ရွက်ပေးနေသူတွေက စိုးရိမ်နေကြပြီး တိုက်ပွဲတွေ အမြန်ဆုံးရပ်တန့်ပေးဖို့နဲ့ ဒေသခံပြည်သူတွေရဲ့ အသက်အိုးအိမ်စည်းစိမ်လုံခြုံရေး ငြိမ်းချမ်းရေးကိုရှေးရှု့ပြီး တာဝန်ယူလုပ်ဆောင်ပေးဖို့ တောင်းဆိုနေကြတာာဖြစ်ပါတယ်။
VOA Burmese News



( မောင်တောမြို့နယ် ပြောင်ပိုက်ကျေးရွာက မဂျာမာလီဟာဆိုသူကို ဒီဇင်ဘာလ ၂၁ ရက်နေ့က ပြည်တွင်း ပြည်ပသတင်းမီဒီယာသမားတွေ တွေ့ဆုံမေးမြန်းနေစဉ် )Photo: Myanmar State Counsellor Office/ Facebook
ရခိုင်ပြည်နယ် မောင်တောဒေသခံ အမျိုးသမီးတွေအနေနဲ့ အဓမ္မပြုကျင့်ခံရမှုရှိပါက ဥပဒေနဲ့ အညီ တိုင်ကြားနိုင်ကြောင်းနဲ့ အမှန်တကယ်နစ်နာသူကို ထိရောက်စွာ အကာအကွယ်ပေးမယ်လို့ နိုင်ငံတော်အတိုင်ပင်ခံပုဂ္ဂိုလ်ရုံးက ဒီဇင်ဘာ ၂၃ ရက် မနေ့က တိုက်တွန်း ကြေညာလိုက်ပါတယ်။

အဲဒီထုတ်ပြန်ချက်မှာ ပြည်တွင်း ပြည်ပ သတင်းမီဒီယာအဖွဲ့တွေ ဒီဇင်ဘာ ၂၁ ရက်နေ့က ရခိုင်ပြည် နယ် မောင်တောမြို့နယ် ပြောင်ပိုက်ကျေးရွာကို ရောက်ရှိစဉ်မှာ အဲဒီကျေးရွာသူ အသက် ၂၅ နှစ်ရှိ မဂျာမာလီဟာက သူ့ကို အစိုးရ လုံခြုံရေးတပ်ဖွဲ့ဝင်တွေ အဓမ္မပြုကျင့်ခဲ့ကြောင်း ပြောဆိုခဲ့တယ်လို့ ဖေါ်ပြထားပါတယ်။

အဲဒီ မဂျာမာလီဟာ ဆိုသူကို ဒုတိယသမ္မတ ဦးမြင့်ဆွေ ဦးဆောင်တဲ့ ရခိုင်ပြည်နယ် စုံစမ်း စစ်ဆေးရေး ကော်မရှင်က ဒီဇင်ဘာ ၁၁ ရက်နေ့မှာ တွေ့ဆုံမေးမြန်းခဲ့စဉ်တုန်းကတော့ အဓမ္မ ပြုကျင့်ခံရမှု မရှိကြောင်း ဖြေကြားခဲ့တယ်လို့ ဆိုပါတယ်။

ဒီလို ကွဲလွဲပြောဆိုချက်နဲ့ ပတ်သက်ပြီး ဒီဇင်ဘာ ၂၂ ရက်နေ့မှာ အစိုးရတာဝန်ရှိသူတွေ ပြောင်ပိုက် ကျေးရွာကို သွားရောက်ပြီး ပြောင်ပိုက်ကျေးရွာ ရာအိမ်မှူး ခါလီ၊ စပယ်ကုန်းကျေးရွာ အုပ်ချုပ်ရေးမှူး မာမတ်အီနူး နဲ့ ရပ်မိရပ်ဖတွေကို တွေ့ဆုံမေးမြန်းခဲ့ကြောင်း၊ ပြောင်ပိုက်ကျေးရွာမှာ မဂျာမာလီဟာ နေထိုင်ခြင်း မရှိဘဲ ငါးစားကြူး ကျေးရွာမှာ နေထိုင်လျက်ရှိကြောင်း သိရှိရတဲ့အတွက် လာရောက်ရန် ခေါ်ယူခဲ့သော်လည်း လာရောက်ခြင်း မပြုဘဲ တိမ်းရှောင်လျက်ရှိကြောင်း ကျေးရွာ အုပ်ချုပ်ရေးမှူးက ပြောဆိုတယ်လို့ သိရပါတယ်။

ဒါကြောင့် မောင်တောခရိုင် အတွင်းရှိ ဒေသခံတွေအနေနဲ့ အဓမ္မပြုကျင့်ခံရမှုတွေရှိပါက ဥပဒေနဲ့ အညီ အမှုဖွင့်တိုင်ကြားနိုင်ကြောင်း၊ မှန်ကန်မှုရှိပါက တရားဥပဒေနှင့်အညီ အရေးယူ ဆောင်ရွက် သွားမှာဖြစ်ကြောင်းနဲ့ အမှန်တစ်ကယ် နစ်နာသူတွေကို ထိထိရောက်ရောက် အကာအကွယ် ပေးသွားမှာဖြစ်ကြောင်း စသဖြင့် နိုင်ငံတော်အတိုင်ပင်ခံပုဂ္ဂိုလ်ရုံးရဲ့ ထုတ်ပြန်ချက်မှာ ဖေါ်ပြထားပါတယ်။

RFA Burmese
https://www.facebook.com/rfaburmese


သိမ်းဆည်းခံ မြေများ အမြန် ပြန်လည် ရရှိရေးနဲ့ မြေယာ မှတ်ပုံတင်ခွင့် ရရှိရေး အတွက် ဆန္ဒဖော်ထုတ်ပွဲကို ဒီဇင်ဘာလ (၂၄)ရက်နေ့ နံနက်ပိုင်းက တနင်္သာရီ တိုင်းဒေသကြီး၊ မြိတ်မြို့နယ်၊ ကျောက်ဖျာကျေးရွာမှာ ပြုလုပ်ခဲ့တယ်လို့ သတင်းရရှိပါတယ်။


ကျောက်ဖျာကျေးရွာအုပ်စု အတွင်းမှာရှိတဲ့ အထူးဆိပ်၊ ထူးရာကြီး၊ အဒွင်း၊ ကဘင်း၊ ကျောက်ဖျာ အစရှိသည့် ကျေးရွာတွေက လယ်မြေ၊ ဥယျာဉ်မြေ ဧက ၆ ထောင်ကျော်ကို ၂၀၀၅ ခုနှစ်က စပြီး မြို့သစ် စီမံကိန်းအတွက် သိမ်းယူခဲ့ကာ ကုမ္ပဏီတွေ၊ စီးပွားရေး လုပ်ငန်းရှင်တွေက ခွဲဝေယူပြီးတဲ့နောက် လက်ရှိ အချိန်အထိ အဆိုပါ စီမံကိန်းအား အကောင်အထည် ဖော် မဆောင်ရွက် နိုင်တဲ့ အတွက် ၄င်းမြေယာတွေကို မူလပိုင်ရှင်တွေကို ပြန်လည်ချထား ပေးဖို့ တောင်းဆိုခဲ့ကြောင်း သိရပါတယ်။


ဆန္ဒဖော်ထုတ်ပွဲသူ ၂၀၀ ကျော်ခန့်ဟာ ကျောက်ဖျာ ကျေးရွာရှိ ဓမ္မိကာရာမ ပညာဒါနကျောင်းမှ စတင်ကာ ရွာလမ်းမ အတိုင်း ကျေးရွာဘောလုံး ကွင်းအထိ လက်ကိုင်ပိုစတာများ ကိုင်ဆောင်ပြီး မြေယာမှတ်ပုံတင် ရရှိရေး၊ သိမ်းဆည်းမြေများ ပြန်လည်ရရှိရေး၊ နိုင်ငံသား အခွင့်အရေး အပြည့်အဝ ရရှိရေး၊ ပျောက်ဆုံးသွားသော အထူးကြီးရွာ ပြန်လည်ရရှိရေး၊ အကောင်အထည်မဖော် ဖြစ်သော ကျောက်ဖျာမြို့သစ် စီမံကိန်း ဖျက်သိမ်း ပေးရေး စတဲ့ ကြွေးကြော်သံများ ကြွေးကြော်ခဲ့တယ်လို့ သိရှိရပါတယ်။

တနင်္သာရီတိုင်းမ် သတင်းမီဒီယာ
https://www.facebook.com/myeik.secret.news/



ပါလက်စတိုင်းမြေပေါ်မှာ အခြေချအိမ်ရာဆောက်တာ ငြိမ်းချမ်းရေးအတွက် ပြဿနာမရှိလို့ အစ္စရေးက ပြောဆိုနေခဲ့
ကုလသမဂ္ဂရဲ့ ပါလက်စတိုင်းမြေမှာ အစ္စရေးရဲ့ အခြေချ အိမ်ရာတိုးချဲ့ ဆောက်လုပ်မှုတွေ ရပ်တန့်ဖို့ တောင်းဆိုချက်ကို အစ္စရေးက ဒေါသတကြီး ပယ်ချလိုက်ပါတယ်။

အစ္စရေးအတွက် ရှက်ဖို့ကောင်းတဲ့ သတ်မှတ်ချက်တွေပါတဲ့ ဒီဆုံးဖြတ်ချက်ကို လိုက်နာမှာ မဟုတ်ဘူးလို့ အစ္စရေးဝန်ကြီးချုပ် နေတန်ရာဟုက ပြောပါတယ်။

ပါလက်စတိုင်းအစိုးရရဲ့ ပြောရေးဆိုခွင့်ရှိသူကတော့ ဒါဟာ နိုင်ငံတကာ ဥပဒေရဲ့ အောင်ပွဲတရပ်ပဲလို့ ပြောဆိုလိုက်ပါတယ်။

ပါလက်စတိုင်းဒေသ ဘက် သလေ ဟန်မြို့က မန်ဂျာရင်ပြင်မှာ ဒီကိစ္စအတွက် စုဝေးနေကြတဲ့ အာရပ်ပြည်သူတဦးဖြစ်တဲ့ မစ္စတာ ဂီးရက် ကမ်ဆီရာက

'ဒါဟာ အနှစ် ၅၀ကြာ မတရားဖိနှိပ်ခံရတဲ့ ပါလက်စတိုင်းတွေအတွက် မျှတတဲ့ ဆုံးဖြတ်ချက်ပါ။ အစ္စရေးတွေ အတွက်တော့ အရှိုက်ထိုးခံလိုက်ရသလို ဖြစ်သွားတယ်' လို့ ပြောဆိုခဲ့ပါတယ်။

အခုလို ကုလသမဂ္ဂရဲ့ ဆုံးဖြတ်မှုအပြီးမှာ ဒါကို ထောက်ခံခဲ့တဲ့ နယူးဇီလန်နဲ့ ဆီနီဂေါမှာထားတဲ့ သူတို့ရဲ့ သံအမတ်တွေကို အစ္စရေးက ပြန်လည် ခေါ်ယူလိုက်ပြီး ဆီနီဂေါကို ပေးနေတဲ့ အကူအညီတွေကိုလည်း ဖြတ်တောက်လိုက်ပါတယ်။

ဒီကိစ္စအတွက် ကုလသမဂ္ဂအတွင်း မဲခွဲမှုမှာ အစ္စရေးဘက်က အမြဲရပ်တည်ခဲ့တဲ့ အမေရိကန်က ဗီတိုမဲနဲ့ မပယ်ချတဲ့အပြင် မဲမပေးပဲ နေခဲ့တာ ဖြစ်ပါတယ်။

ဒီကိစ္စအတွက် အမေရိကန်ဟာ သူ့ရဲ့ မဟာမိတ်ကို သစ္စာဖောက်ခဲ့တယ်ဆိုတဲ့ ဝေဖန်မှုတွေ ရှိနေပါတယ်။ ဒီကိစ္စနဲ့ ပတ်သက်ပြီး အမေရိကန်အိမ်ဖြူတော်က တုန့်ပြန်ရာမှာတော့ အစ္စရေး-ပါလက်စတိုင်းပြဿနာအတွက် အဓိပ္ပာယ်ရှိတဲ့ ငြိမ်းချမ်းရေး အဖြေမထွက်သေးတဲ့အတွက် လုပ်ရတာလို့ အကြောင်းပြခဲ့ပါတယ်။

ဝေဖန်သူတွေကတော့ နောက်တက်လာမယ့် သမ္မတ ဒေါ်နယ်ထရမ့်ဟာ အစ္စရေးကို အတိအလင်းထောက်ခံသူဖြစ်တဲ့အတွက် လက်ရှိသမ္မတ အိုဘားမားက နောက်ဆုံးအကြိမ် အဖြစ် နာမည်ကောင်းယူသွားတာလို့ ပြောဆိုနေကြပါတယ်။

BBC Burmese
http://www.bbc.com/burmese



ရှမ်းပြည်နယ် ကွတ်ခိုင်မြို့ကို တွေ့ရစဉ်။ Photo: Kan Thar/RFA
ရှမ်းပြည်နယ် ကွတ်ခိုင်မြို့နယ် နမ့်ဖာလုံကျေးရွာက နေအိမ်တစ်လုံးအပေါ် လက်နက်ကြီးကျရောက် ပေါက်ကွဲ ခဲ့တာကြောင့် ဒဏ်ရာရရှိခဲ့တဲ့ ဒေသခံ ၅ ဦးကို လားရှိုးဆေးရုံမှာ ဆေးကုသနေပါတယ်။

ကလေးငယ် ၄ ဦးနဲ့ အဖွားအို ၁ ယောက် ထိမှန်ခဲ့တာဖြစ်ပြီး ကွတ်ခိုင်ကနေတဆင့် လားရှိုးဆေးရုံကို ပို့ဆောင်ထားတယ်လို့ ဗြဟ္မစိုရ် နှလုံးသားလူမှုကူညီမှုအသင်းက ကိုဝေယံက ပြောပါတယ်။

"ကလေး ၄ ဦး နောက်ပြီးတော့ အဖွားကြီး ၁ ယောက် နည်းနည်းကြီးတဲ့ကလေးက ခေါင်းထိထားတယ်၊ ကျန်တဲ့သူတွေက ခေါင်းရယ် ဘယ်ဘက်ပေါင်ခြမ်းရယ်ထိကြတယ်၊ အဖွားကြီးက ခေါင်းထိတားတယ်၊ ကြီးတဲ့ကလေးက နည်းနည်းစိုးရိမ်ရတယ်၊ ဒီနေ့မနက်ပဲ ကွတ်ခိုင်ဆေးရုံကနေ လားရှိုးဆေးရုံကို ပို့လိုက်ရတယ်"

အဲဒီနေအိမ်ပေါ် ကျရောက်တဲ့ လက်နက်ကြီးကို ကေအိုင်အေအဖွဲ့က ပစ်ခတ်တာဖြစ်တယ်လို့ မြ၀တီ သတင်းဌာနက ရေးသားထားပါတယ်။

မနေ့ညပိုင်းက နမ့်ဖာလုံကျေးရွာအနီး အစိုးရတပ်မတော်နဲ့ မြောက်ပိုင်းမဟာမိတ်အဖွဲ့တို့ကြား တိုက်ပွဲတွေ ဖြစ် ပွားနေတာလို့ ဒေသခံတွေက ပြောပါတယ်။

RFA Burmese
http://www.rfa.org/burmese



အမေရိကန်နိုင်ငံ နယူးယောက်မြို့ရှိ Culumbus Circle အားလပ်ရက် ဈေး အပြင်ဘက်တွင် လုံခြုံရေးယူထားသည့် ရဲအရာရှိများအား ဒီဇင်ဘာလ ၂၁ ရက်က တွေ့ရစဉ် (ဆင်ဟွာ)
    ဝါရှင်တန်၊ ဒီဇင်ဘာ ၂၄ ရက် (ဆင်ဟွာ)

    အိုင်အက်စ် (IS) လိုလားသူများ၏ ဝက်ဘ်ဆိုဒ်များတွင် အမေရိကန်နိုင်ငံအတွင်းရှိ ဘုရားကျောင်းများ စာရင်းကို ထုတ်ပြန်လိုက်ပြီးနောက် အားလပ်ရက်ကာလအတွင်း ဘုရားကျောင်းများအား အိုင်အက်စ် နောက်လိုက်များက ပစ်မှတ်ထားနိုင်ကြောင်း အမေရိကန်ပြည်ထောင်စု အကြမ်းဖက်မှု တိုက်ဖျက်ရေး အေဂျင်စီက ဒီဇင်ဘာလ ၂၃ ရက်က သတိပေးလိုက်သည်။

ဆက်လက်၍ အဆိုပါ အစွန်းရောက်အဖွဲ့က ဖော်ပြထားချက်အရ ဘုရားကျောင်းများအား ပစ်မှတ်ထားခြင်း အပါအဝင် အားလပ်ရက် ဆုံစည်းမှုများ၌ တိုက်ခိုက်ရန် ရည်ရွယ်ထားကြောင်း FBI နှင့် ပြည်ထဲရေးဝန်ကြီး ဋ္ဌာနတို့က ထုတ်ပြန်သည့် သတင်းလွှာတွင် ဖော်ပြထားသည်။

အမေရိကန်နိုင်ငံ တစ်ဝန်းရှိ တရားဥပဒေ စိုးမိုးရေး အေဂျင်စီနှင့် ပုဂ္ဂလိကပိုင် လုံခြုံရေး ကုမ္ပဏီများထံသို့ ဖြန့်ဝေထားသည့် သတင်းလွှာထဲတွင် ခြိမ်းခြောက်မည့်ပုံစံ အသေးစိတ်ကိုမူ ဖော်ပြထားခြင်း မရှိပေ။

(Xinhua)
http://xinhuamyanmar.com


သာယာဝတီ ဒီဇင်ဘာ ၂၄

ပဲခူးတိုင်းဒေသကြီးသာယာဝတီ မြို့နယ်ရန်ကုန်-ပြည်လမ်းရှိ ဂုံမင်း မြောင်ကျေးရွာတောင်ပိုင်းကံကလေး ကျေးရွာနှင့် ဆက်သွယ်ရေးလမ်း ရှိ ဟွာရှိန်အထည်ချုပ်စက်ရုံတွင် ဒီဇင်ဘာလ (၂၃)ရက်နေ့က လူတစ်ဦးစက်လှေကား ညပ်သေဆုံးမှု ဖြစ်ပွားခဲ့သည်။

ကျွန်းကုန်းကျေးရွာ အုပ်စု ကျွန်းကုန်းကျေးရွာနေ အလုပ် သမားဖြစ်သူ (ဘ)ဦးတင်စိုး၏ သား ကိုအောင်ကိုလတ် (ခ) ကိုအငယ်လေးသည် အထည်ချုပ် စက်ရုံမှ ချုပ်ပြီးသောအင်္ကျီပါကင် ထုပ်အား အောက်ထပ်မှ အပါ် ထပ်ရှိ ပါကင်ထုပ်များထားရာ နေရာဖြစ်သည့် စက်ရုံအပေါ်ထပ် သို့ အလျားရှစ်ပေ၊ အမြင့် ခြောက်ပေခွဲရှိ စက်လှေကားဖြင့် ပို့ဆောင်စဉ် ဓာတ်လှေကားအတွင်း ဘက် ခြောက်လက်မ၊ သုံးလက်မ ခန့်ရှိသံပေါင်နှင့်ကိုအောင်ကိုလတ် ၏လည်ကုပ်ကိုချိတ်မိပြီး စက်လှေ ကားအပေါ်သို့တက်နေစဉ်ညပ်ကာ လည်ပင်းပြတ်ရှဒဏ်ရာဖြင့် အခင်း ဖြစ်နေရာတွင် သေဆုံးခဲ့သည်။


သေဆုံးမှုမှာ ဓမ္မတာအတိုင်း ဟုတ် မဟုတ်ကို သာယာဝတီ မြို့မရဲစခန်းမှစခန်းမှူးဒုတိယရဲမှူး တင်ထွဋ်က အမှုကိုလက်ခံစစ် ဆေးပြီး သေမှုသေခင်းအမှတ်စဉ် ၃ဝ/၂ဝ၁၆ ဖြင့် စစ်ဆေးဆောင် ရွက်နေလျက်ရှိသည်။

အခင်းဖြစ်နေရာသို့သာယာဝတီ မြို့နယ် မီးသတ်စခန်းဦးစီးမှူး ဦးဇော်နိုင်ဝင်းပါငါးဦး၊သုံးဆယ်မြို့ ကရုဏာရှင်လူမှုကူညီရေးအသင်းမှ ခြောက်ဦးတို့သည်စက်လှေကားညပ် ကာသေဆုံးနေသော ကိုအောင်ကို လတ်အားစက်လှေကားမှသံပေါင်နှင့် အခင်းများကို လေးနာရီကြာဖျက် ထုတ်ပေးခဲ့ရကြောင်း မီးသတ်ဦးစီး မှူးဦးဇော်နိုင်ဝင်းက ပြောသည်။

ဖိုးစံ(သာယာဝတီ)
The Union Daily
https://www.facebook.com/uniondaily.net/



ရန်ကုန်မြို့မှာ ဖွင့်လှစ်ထားတဲ့ ကြိုက်တာယူ ၅၀၀၀ ကျပ်ဆိုင်ကို တွေ့ရစဉ်။ Photo: Kyaw Zaw Win/RFA
ရန်ကုန်တိုင်းဒေသကြီး ပန်းဘဲတန်းမြို့နယ်နဲ့ ကျောက်တံတားမြို့နယ်တွေမှာ ဖွင့်လှစ်ထားတဲ့ ကြိုက်တာယူ ၅၀၀၀ ကျပ်ဆိုင်တွေနဲ့ ပတ်သက်ပြီး စစ်ဆေးတွေ့ရှိချက် အစီရင်ခံစာကို ၂၀၁၇ ခုနှစ် ဇန်န၀ါရီလအတွင်း ရန်ကုန် တိုင်းဒေသကြီး အစိုးရအဖွဲ့ထံ တင်ပြမှာဖြစ်ပါတယ်။

တိုင်းဒေသကြီးအစိုးရအဖွဲ့ လ၀က၀န်ကြီး ထံတင်ပြသွားမှာဖြစ်တယ်လို့ ပန်းဘဲတန်းမြို့နယ် တိုင်းဒေသကြီး လွှတ်တော် ကိုယ်စားလှယ် ဦးသန်းနိုင်ဦးက ပြောပါတယ်။

"ကျောက်တံတားနဲ့ ပန်းဘဲတန်း ၂ ခုကို ဒီလွှတ်တော်အားရက်မှာ အစီရင်ခံစာပေါင်းရေးပြီးတော့ တိုင်းဒေကြီးအစိုးရက သက်ဆိုင်ရာ လ၀ကနဲ့ အလုပ်သမားဝန်ကြီးဆီတင်မှာ ပန်းဘဲတန်းနဲ့ ကျောက် တံတားကို Pilot Project အနေနဲ့လုပ်ထားတာ အဲဒါပြီးမှ ကျန်တဲ့မြို့နယ်တွေကို ဆောင်ရွက်လို့ရအောင် တိုက်တွန်းအားပေးသွားမှာပါ"

အဲဒီဆိုင်တွေမှာ အလုပ်လုပ်ကိုင်တဲ့ နိုင်ငံခြားသားတွေဟာ အလည်အပတ် ဗီဇာတွေနဲ့ လာရောက်ကြပြီး အိမ်ဌားရမ်းနေထိုင်ကြသလို တချို့က ဟိုတယ်တွေ၊ တည်းခိုခန်းတွေမှာ နေထိုင်ကြတယ်လို့ ဦးသန်းနိုင်ဦး က ပြောပါတယ်။

အဲဒီနိုင်ငံခြားသားတွေဟာ အလုပ်သမားတွေကို လစာပေးဌားရမ်းရာမှာလည်း နိုင်ငံခြားသားဆို ၇ သိန်း ခန့်ပေးပေမယ့် ပြည်တွင်းအလုပ်သမားတွေကို လစာ တစ်သိန်းကျော်သာပေးတာကို တွေ့ရှိရကြောင်း လည်း ပြောပါတယ်။

အဲဒီဆိုင်ခန်းတွေကို ပြီးခဲ့တဲ့ နိုဝင်ဘာ ၂၉ ရက်နေ့က ကွင်းဆင်းစစ်ဆေးခဲ့တာဖြစ်ပြီး လွှတ်တော်နားရက်အတွင်း အစီရင်ခံစာကို အပြီးသတ်ရေးဆွဲကာ ရန်ကုန်တိုင်းဒေသကြီး အလုပ်သမားနဲ့ လူဝင်မှုကြီးကြပ်ရေး ၀န်ကြီး ဦးဇော်အေးမောင်ထံ တင်သွင်းသွားမှာဖြစ်ပါတယ်။

RFA Burmese
http://www.rfa.org/burmese


အားလပ်ရက်ခရီးထွက်သူများ နယူးယောက်မြို့ လေယာဉ်ကွင်းတခုမှာတန်းစီနေ။ ၂၃ ဒီဇင်ဘာ၊ ၂၀၁၆ ။
IS စစ်သွေးကြွတွေဟာ ဘုရားကျောင်းတွေ နဲ့ ခရစ္စမတ်အားလပ်ရက်ကာလ လူသွားလူလာများတဲ့နေရာတွေကို တိုက်ခိုက်ဖို့ပြောနေတယ်လို့ အမေရိကန်ပြည်ထောင်စု စုံစမ်းစစ်ဆေးရေးဗြူရို (FBI) က နိုင်ငံတ၀ှမ်းမှာရှိတဲ့ ဒေသခံရဲတပ်ဖွဲတွေ နဲ့ လုံခြုံရေးတွေကို သတိပေးလိုက်ပါတယ်။

စစ်သွေးကြွတွေက သူတို့ပစ်မှတ်ထားတိုက်ခိုက်နိုင်တဲ့ နေရာတွေ နဲ့ ဘုရားကျောင်းတွေကို သူတို့ရဲ့ လူမှုကွန်ရက်စာမျက်နှာပေါ်မှာ တင်လိုက်ပြီးတဲ့နောက် အခုလို သောကြာနေ့ ကြေငြာခဲ့တာဖြစ်ပါတယ်။

နိုင်ငံသားတွေအနေနဲ့ သူတို့ရဲ့ အနီးနားပတ်ဝန်းကျင်တွေမှာ ဘာတွေဖြစ်နေတယ်ဆိုတာကို သတိရှိကြဖို့ နဲ့ မသင်္ကာစရာလှုပ်ရှားမှုတွေ တွေ့ရင်သတင်းပေးကြဖို့ အကြံပေးထားတယ်လို့ FBI ပြောခွင့်ရ Andrew Ames ကသောကြာနေ့မှာ ပြောပါတယ်။

FBI အနေနဲ့ ဒီခြိမ်းခြောက်မှုက ဘယ်လောက်အထိဖြစ်နိုင်သလဲဆိုတာကို စုံစမ်းစစ်ဆေးနေချိန်မှာပဲ၊ ဒီကိစ္စကို ခြေရာခံလိုက်နေတယ်လို့လည်း သူက ပြောပါတယ်။

ဂျာမနီနိုင်ငံမှာ ဘာလင်မြို့မှာ လူ ၁၂ ယောက်သေဆုံးပြီး၊ ၅၆ ယောက် ဒဏ်ရာရခဲ့တဲ့ အကြမ်းဖက် တိုက်ခိုက်မှုဟာ သူတို့လက်ချက်ဖြစ်တယ်လို့ IS အဖွဲ့က တနင်္လာနေ့က ပြောလိုက်ပါတယ်။

 ဗွီအိုအေ (မြန်မာဌာန)
http://burmese.voanews.com