12/29/16

မလေးရှားနိုင်ငံက အစ္စလာမ်အဖွဲ့အစည်းတခုကနေ ရခိုင်ပြည်နယ်မှာရှိတဲ့ သူတို့အခေါ် ရိုဟင်ဂျာမူဆလင်တွေအတွက် ထောက်ပံ့ရေးသင်္ဘော စေလွှတ်မယ်ဆိုရင် - သက်ဆိုင်ရာတိုင်းပြည်က အစိုးရရဲ့ ခွင့်ပြုချက်ကို ယူရမှာဖြစ်တယ်လို့ - မြန်မာနိုင်ငံဆိုင်ရာ အမေရိကန် အကြီးတန်း သံတမန်ဟောင်းတဦးက ပြောဆိုလိုက်ပါတယ်။

အလားတူ မြန်မာအစိုးရကလည်း - မလေးရှားအစ္စလာမ်အဖွဲ့အနေနဲ့ အမှန်တကယ် ကူညီချင်တယ် ဆိုရင် တရားဝင်လမ်းကြောင်းကနေ မြန်မာအစိုးရကို တင်ပြဖို့ လိုအပ်တယ်လို့ ပြောဆိုထားတာပါ။ အသေးစိတ်ကိုတော့ မနန္ဒာချမ်း က တင်ပြထား ပါတယ်။

(MAPIM) လို့ခေါ်တဲ့ မလေးရှားနိုင်ငံ အစ္စလာမ်အဖွဲ့များဆိုင်ရာ အတိုင်ပင်ခံကောင်စီကနေ ရခိုင်ပြည်နယ်က အကြမ်းဖက်တိုက်ခိုက်မှုတွေဖြစ်ခဲ့တဲ့ ဘူးသီးတောင်၊ မောင်တောဒေသတွေက သူတို့အခေါ် ရိုဟင်ဂျာမူဆလင်တွေအတွက် ဆန်၊ ဆေးဝါးနဲ့ တခြားကုန်ပစ္စည်းတွေ တင်ဆောင်ထားတဲ့ သင်္ဘောတွေကို ဇန်န၀ါရီလ ၁၀ ရက်နေ့မှာ မြန်မာနိုင်ငံဆီ စေလွှတ်ဖို့ စီစဉ်နေတဲ့အကြောင်း မလေးရှားသတင်းတွေမှာ ဖော်ပြနေကြတာပါ။ ဒါပေမဲ့လည်း ဒီကိစ္စနဲ့ပတ်သက်ပြီး မြန်မာအစိုးရကို အခုအချိန်ထိ တရားဝင် ခွင့်ပြုချက် တောင်းခံတာ မရှိသေးဘူးလို့ မြန်မာသမ္မတရုံးဝန်ကြီးဌာန ပြောခွင့်ရပုဂ္ဂိုလ် ဦးဇော်ဌေးက ဆိုပါတယ်။ မြန်မာနိုင်ငံဆိုင်ရာ အမေရိကန် အကြီးတန်းသံတမန်ဟောင်း Priscilla Clapp ကလည်း - နိုင်ငံတကာဥပဒေအရ - ဘယ်သူပဲဖြစ်ဖြစ်၊ ဘယ်အဖွဲ့အစည်းပဲဖြစ်ဖြစ် သွားရောက်လိုတဲ့ တိုင်းပြည်ရဲ့ သဘောတူခွင့်ပြုချက်ကို ရယူဖို့ လိုအပ်တယ်လို့ ပြောပါတယ်။

“မြန်မာအစိုးရရဲ့ ခွင့်ပြုချက်မရဘဲ သွားလို့ မရနိုင်ပါဘူး။ ဘာကြောင့်လဲဆိုတော့ တိုင်းပြည်ထဲကို တခုခု တင်သွင်းမယ်ဆိုရင် အကောက်ခွန်ဌာနကို ဖြတ်ရမှာပါ။ နိုင်ငံထဲကို တခုခုတင်သွင်းဖို့အတွက် အစိုးရရဲ့ခွင့်ပြုချက် လိုပါတယ်။ ဒါက တိုင်းပြည်တခုရဲ့ နယ်စပ်မှာတင် မဟုတ်ပါဘူး။ နိုင်ငံတကာ နယ်စပ်တွေမှာလည်း ဒီအတိုင်းပါပဲ။ အစိုးရရဲ့ ခွင့်ပြုချက်မပါဘဲ ဘာမှတင်သွင်းခွင့် မရှိပါဘူး။ လူသားချင်းစာနာမှု အကူအညီပေးဖို့ ကြိုးစားနေတာ ဖြစ်လိမ့်မယ်လို့ ကျမကတော့ ယုံကြည်ပါတယ်။ ဒါက ပြဿနာမရှိပါဘူး။ နိုင်ငံတကာ အေဂျင်စီတွေ အများအပြားလည်း အကူအညီပေးနေကြတာပါပဲ။ ဒါပေမဲ့လည်း နိုင်ငံတခုကို အကူအညီပေးချင်တယ်ဆိုရင် အစိုးရရဲ့ ခွင့်ပြုချက်တော့ ယူရမှာပါ။ အဲဒီလိုမှ မဟုတ်ဘူးဆိုရင်တော့ သူတို့ ဘယ်လောက်စေတနာရှိသလဲဆိုတာကို ဟန်ပြလုပ်ပြသလိုပဲ ဖြစ်ပါလိ့မ်မယ်။”

မြန်မာနိုင်ငံခြားရေးဝန်ကြီးဌာနကတော့ - ဒီကိစ္စနဲ့ပတ်သက်ပြီး ရန်ကုန်မှာရှိတဲ့ မလေးရှားသံရုံးထံ ဗုဒ္ဓဟူးနေ့က စာပေးပို့ အကြောင်းကြားထားပြီး ဖြစ်ကြောင်းနဲ့ သက်ဆိုင်ရာတိုင်းပြည်ရဲ့ အချုပ်အခြာအာဏာကို လေးစားလိုက်နာဖို့ကိုလည်း ဦးဇော်ဌေးက တိုက်တွန်းခဲ့ပါတယ်။

“တရားဝင်လမ်းကြောင်းကနေပြီး အစိုးရကို တင်ပြဖို့ လိုပါတယ်။ ကျနော်တို့ကတော့ ပိတ်ပင်ထားတာ လုံးဝ မရှိပါဘူး။ အားလုံးကို open door ဖွင့်ထားပါတယ်။ ဒီဟာကို အကြောင်းပြပြီးတော့ ပြဿနာကို မီးထွန်းရှာတဲ့ ရည်ရွယ်ချက်နဲ့ သက်ဆိုင်ရာနိုင်ငံ အစိုးရ၊ သက်ဆိုင်ရာနိုင်ငံ အချုပ်အခြာ အာဏာကို လေးစားလိုက်နာခြင်းမပြုဘဲ မိမိတို့သဘောနဲ့ တိုက်ရိုက်ဝင်ရောက်ပြီး ဖြန့်ဝေဖို့ စိတ်ကူးတယ်ဆိုရင် ပြဿနာကို မီးခွက်ထွန်းရှာဖို့ လုပ်တယ်ဆိုရင်တော့ သူတို့မျှော်မှန်းထားတဲ့ နည်းလမ်းထဲက နည်းလမ်း ၂ နဲ့ ၃ ပဲ ကြုံရလိမ့်မယ်။ အဲဒါကိုတော့ ကျနော်တို့က ပွင့်ပွင့်လင်းလင်း အခုကတည်းက ပြောတယ်။”

မလေးရှားနိုင်ငံ အစ္စလာမ်အဖွဲ့များဆိုင်ရာ အတိုင်ပင်ခံကောင်စီ အတွင်းရေးမှူးချုပ် Zulhanis Zainol က - သူတို့ရဲ့ ထောက်ပံ့ရေးပစ္စည်းတွေ တင်ဆောင်လာတဲ့ သင်္ဘောကို မြန်မာစစ်တပ်က တားဆီးတာမျိုး၊ မလေးရှားကို ပြန်လှည့်ခိုင်းတာမျိုး ဒါမှမဟုတ် တိုက်ခိုက်တာမျိုးတွေ ဖြစ်ကောင်းဖြစ်နိုင်တယ်လို့ ပြောဆိုတဲ့အကြောင်း မလေးရှား သတင်းမီဒီယာတွေမှာ ဖော်ပြခဲ့ကြတာပါ။ အမေရိကန်ပြည်ထောင်စု အင်ဒီးယားနားပြည်နယ်က မြန်မာ့အရေးသုံးသပ်သူ ဒေါက်တာတင့်ဆွေ ကတော့ - ရခိုင်ပြည်နယ်အရေးမှာ မလေးရှားနိုင်ငံရဲ့ ချဉ်းကပ်ပုံနဲ့ ပတ်သက်ပြီး အခုလို ထောက်ပြခဲ့ပါတယ်။

“မလေးရှားက အခုလို သတင်းမျိုးတွေ၊ စောစောက ၀န်ကြီးချုပ်ကိုယ်တိုင် ဆန္ဒပြတဲ့သတင်းမျိုးတွေ၊ နောက် ၀န်ကြီးချုပ်ကိုယ်တိုင်တောင် မဟုတ်ဘဲနဲ့ ဟိုတနေ့ကိုဆိုရင် အတိုက်အခံခေါင်းဆောင်ကလည်းပဲ ဒီသဘောမျိုးပြောလာတော့ ၀န်ကြီးချုပ်က သူ မဲ ရရေး၊ ဦးတည်ပြီးတော့ လုပ်သမားဆိုတဲ့ အမြင်မျိုးရှိသလို၊ အတိုက်အခံကလည်း ငါလည်း အားကျမခံလုပ်မယ်ဆိုတဲ့ သဘောမျိုး ဖြစ်လာတော့ကာ မလေးရှားက ရခိုင်ပြည်နယ်မြောက်ပိုင်းအရေးမှာ တော်တော်လေးကို စွက်ဖက်မှုတွေ များလာတယ်လို့ ယူဆပါတယ်။”

မြန်မာသမ္မတရုံးဝန်ကြီးဌာန ပြောခွင့်ရပုဂ္ဂိုလ် ဦးဇော်ဌေးကတော့ - အာဆီယံအနေနဲ့ လူသားချင်စာနာမှု အကူအညီတွေ ပေးအပ်လိုရင် ညှိနှိုင်း ဆောင်ရွက်သွားဖို့ကိုလည်း ဆွေးနွေးထားပြီးဖြစ်ကြောင်းနဲ့ မကြာသေးခင်ကပဲ အာဆီယံအသင်း ဒေသတွင်းနိုင်ငံတခုဖြစ်တဲ့ အင်ဒိုနီးရှားနိုင်ငံ မှာရှိတဲ့ Indo Aid အဖွဲ့ကနေ အကူအညီပေးဖို့ တင်ပြလာတဲ့အတွက် ပြည်နယ်အစိုးရနဲ့ ညှိနှိုင်းပြီး ပူးပေါင်းဆောင်ရွက်ခဲ့တယ်လို့ ပြောဆိုခဲ့ပါ တယ်ရှင်။
VOA Burmese News



ကဗျာဆရာကြီးတင်မိုး (ခ) ဦးဘဂျမ်း ရဲ့
ပြီးခဲ့တဲ့ ၁၀ နှစ်က အမေရိကန်နိုင်ငံမှာ ကွယ်လွန်ခဲ့တဲ့ နိုင်ငံကျော် ကဗျာဆရာကြီး ဦးတင်မိုးရဲ့ အရိုးပြာကို ရန်ကုန်မြို့က ရေဝေးသုသာန်မှာ ဒီဇင်ဘာ ၂၈ ရက်နေ့က ဂူသွင်းခဲ့ပါတယ်။

ဆရာကြီး မကွယ်လွန်ခင်က မြန်မာပြည်ကို ပြန်ချင်တဲ့ဆန္ဒအရ အခုအခါ ဆရာကြီးရဲ့ အရိုးပြာကို မိသားစုက ပြန်ယူပြီး ရန်ကုန်မှာ ဂူသွင်းရတာ ဖြစ်တယ်လို့ ဒီအခမ်းအနားကို ကူညီစီစဉ်သူလည်းဖြစ် ဆရာကြီးနဲ့ ပေဖူးလွှာ မဂ္ဂဇင်းမှာ အတူအလုပ်လုပ်ခဲ့တဲ့ ပန်းချီဒီဇိုင်းဆရာ ဦးမြင့်မောင်ကျော်က ပြောပါတယ်။

ဆရာကြီးဦးတင်မိုးရဲ့ ဂူအမိုး စကျင်ကျောက်ပြားအမဲရောင်ပေါ်မှာ ဧည့်သည်ကြီး ကဗျာကို ရေးထိုးထားပြီး ခေါင်းရင်းမှာတော့ ဆရာကြီးရဲ့ ပန်းချီရုပ်ပုံကို သံမဏိပြားပေါ် ထွင်းထုထားပါတယ်။

ဆရာကြီးဦးတင်မိုး (ခ) ဦးဘဂျမ်းရဲ့ ထင်ရှားတဲ့ ဧည့်သည်ကြီး ကဗျာမှာ 'ဆေးလိပ်လည်းတို၊ နေလည်းညိုပြီ၊ ငါ့ကို ပြန်ပို့ကြပါလေ။' လို့ ဆရာကြီးက ရေသားခဲ့ပါတယ်။

ဆရာကြီးဟာ ၈၈ အရေးအခင်းနောက်ပိုင်း NLD မှာ ပါဝင်ခဲ့ပါတယ်။ နိုင်ငံရေးမှုနဲ့ ငထောင်ချခံရလို့ ထောင်က လွတ်လာပြီးနောက် သမီးတစ်ဦးရှိရာ အမေရိကန်နိုင်ငံကို သွားရောက်နေထိုင်စဉ် ၂၀၀၇ ခုနှစ်က ကွယ်လွန်ခဲ့တာ ဖြစ်ပါတယ်။

ဗုဒ္ဓဟူးနေ့က ရေဝေးမှာ ဂူသွင်းတဲ့ အခန်းအနားကို ဆရာကြီးရဲ့ မိသားစုဝင်တွေနဲ့ ရင်းနှီးတဲ့ မိတ်ဆွေတွေ တက်ရောက်ကြပြီး ဇန်နဝါရီလ ၁ ရက်နေ့မှာတော့ တော်ဝင်နှင်းဆီမှာ ဆရာကြီးကွယ်လွန်ခြင်း ၁၀ နှစ်ပြည့် အခမ်းအနား ကျင်းပဖို့ ရှိပါတယ်။

BBC Burmese
http://www.bbc.com/burmese



နိုင်ငံခြားသားခရီးသွား
နယ်မြေ ငြိမ်းချမ်းမှုမရှိတဲ့ ရှမ်းပြည်မြောက်ပိုင်း၊ ရခိုင်ပြည်နယ်နဲ့ ကချင်ပြည်နယ်အပါအ၀င် တိုင်းရင်းသားဒေသအချို့ကို နိုင်ငံခြားသားခရီးသွားတွေ သွားလာလည်ပတ်ခွင့် ပြည်ထဲရေးဝန်ကြီးဌာနက ပိတ်ပင်လိုက်ပါတယ်။ ယခင်က ခွင့်ပြုချက်တောင်းပြီး သွားလာနိုင်တဲ့နေရာတွေကိုပါ ပိတ်ပင်တာဖြစ်သလို၊ ပဋိပက္ခတွေဖြစ်နေတဲ့ နေရာသစ်အချို့ကိုလည်း သွားလာခွင့် ပိတ်ပင်လိုက်တာပါ။ အခုလို နိုင်ငံခြားသားခရီးသွားတွေ သွားလာလည်ပတ်နိုင်တဲ့ နေရာ ထပ်တိုး ကန့်သတ်မှုတွေကြောင့် ခရီးသွားကုမဏီတွေအဖို့ အခက်အခဲတွေရှိမယ်လို့ ခရီးသွားလုပ်ငန်းရှင်တဦးကတော့ ပြောပါတယ်။ အပြည့်အစုံကို ဆက်သွယ်မေးမြန်းထားတဲ့ ဗွီအိုအေမြန်မာပိုင်း သတင်းထောက် ကိုထက်အောင်က တင်ပြပေးမှာပါ။

မြန်မာနိုင်ငံကို လာရောက်လည် ပတ်ကြမယ့် နိုင်ငံခြားသား ခရီးသွား ဧည့်သည်တွေအနေနဲ့ လုံခြုံရေး အခြေအနေကြောင့် နယ်မြေမငြိမ်းချမ်းသေးတဲ့ နေရာတစ်ချို့ကို သွားရောက်လည်ပတ်ခွင့်ကို ပြည်ထဲရေး ၀န်ကြီးဌာနက ကန့်သတ်လိုက်ပါတယ်။ အထူးသဖြင့်တော့ စစ်ပွဲတွေ ဖြစ်ပျက်နေတဲ့ ရှမ်းပြည် မြောက်ပိုင်းနဲ့ ကချင်ပြည်နယ် အပါအ၀င်ပဋိပက္ခတွေ ဖြစ်ခဲ့တဲ့ရခိုင်ပြည်နယ်က နေရာ တစ်ချီု့တို့နဲ့ အရင်တုန်းက ခွင့်ပြုချက်တောင်းရင် လည်ပတ်ခွင့်ပြုတဲ့ နေရာတစ်ချို့ကိုပါ လည်ပတ်ခွင့် ပိတ်ပင်လိုက်တာပါ။ ဟိုတယ်နဲ့ ခရီးသွား ၀န်ကြီးဌာနက ပြည်တွင်း ပြည်ပ ဆက်ဆံရေးနဲ့ သတင်းပြန်ကြးရေး ဌာနခွဲ ညွှန်ကြားရေးမှုး ဦးမြင်ထွေးကတော့ နေရာတစ်ချို့ကို သွားရောက်လည်ပတ်ခွင့် ပ်ိတ်ပင်ရတဲ့အကြောင်းအရင်နဲ့ ပတ်သက်လို့အခုလို ပြောပါတယ်။

“သတ်မှတ်ထားတဲ့ဧရိယာတွေဆိုတာကတော့ ကျနော်တို့ နိုင်ငံတော်ရဲ့ လုံခြုံရေး အခြေအနေအရပေါ့နော်၊ လက်ရှိအခြေအနေအရလည်းပါတယ်။ နိုင်ငံတော်ရဲ့ လုံခြုံရေး အခြေအနေအရလည်းပါတယ်။ အဲဒီတော့ ဒီလိုနေရာမျိုးတွေကို သွားရောက်လည်ပတ် မယ်ဆိုရင် သွားရောက်လည်ပတ်တဲ့ နိုင်ငံခြား ဧည့်သည်တွေအနေနဲ့ မမျှော်လင့်နိုင်တဲ့ အကြောင်း တစုံတရာတွေပေါ့နော် ၊ သူတို့ အပေါ်မှာ ထိခိုက်နိုင်မှာစိုးတဲ့အတွက်။ အဲလိုမျိုးထိခိုက်လာရင်လည်း နိုင်ငံတော်အတွက် ပုံရိပ်လည်းမကောင်းနိုင်ဘူး ပုံရိပ်လည်းထိခိုက်နိုင်တယ်။ ဒါကြောင့် ဒီကန့်သတ်ထားတဲ့ဧရိယာတွေကို သွားရောက်လည်ပတ်ခွင့် မပြုဖို့ ဆိုပြီးတော့မှ ကျနော်တို့ ထုတ်ပြန်ထားတာဖြစ်ပါတယ်။”

လုံခြုံရေး အရ ထပ်မံ ကန့်သတ်လိုက်တဲ့ နယ်မြေစာရင်းတွေမှာ စစ်တပ်နဲ့ တိုင်ရင်းသား လက်နက်ကိုင်တွေကြား စစ်ပွဲတွေ ဖြစ်တဲ့ ကချင်ပြည်နယ်။ ရှမ်းပြည်နယ် မြောက်ပိုင်း နေရာ တစ်ချို ပါသလို ကရင်ပြည်နယ်မှာဆိုလည်း ဖာပွန်၊ လိုင်းဘွဲ့၊ သံတောင်ကြီး စတဲ့ နေရာတွေလည်း ပါဝင်ပါတယ်။ နောက်ပြီး အောက်တိုဘာလ အတွင်း ပဋိပက္ခတွေ ဖြစ်ပွားခဲ့တဲ့ ရခိုင်ပြည်နယ်တွင်းက မြို့တွေနဲ့ အဲဒီ့ဒေသက ရွေ့ပြောင်း ဒုက္ခသည်စခန်းတွေကိုလည်း လည်ပတ်ခွင့် ပိတ်ပင်လိုက်တာပါ။ ဒါ့အပြင် အခုနောက်ပိုင်း နိုင်ငံခြားသားတွေ သွားရောက်လည်ပတ်လေ့ရှိကြတဲ့ မန္တလေးတိုင်း ဒေသကြီးက မိုးကုတ်နဲ့ သပိတ်ကျင်းတို့ကိုလည်း ကန့်သတ်လိုက်ပါတယ်။ အခုလိုမျိုး ပိတ်ပင်တားဆီးမှုတွေကြောင့် ခရီးစဉ်တွေ ရောင်းချထားတဲ့ ခရီးသွားကုမ္ပဏီတွေအနေနဲ့ အခက်အခဲတွေ ကြုံတွေ့ရနီုင်တယ်လို့ Grand Lotus ခရီးသွား ကုမ္ပဏီရဲ့ မန်နေဂျင်း ဒါရိုက်တာ ကိုကျော်စွာမင်းက ပြောပါတယ်။

“အခက်အခဲကတော့ ကြုံတယ်ခင်ဗျ၊ ကျနော့်ကုမ္ပဏီ အဲဒီဘက်မှာဆိုရင် ၅ ဖွဲ့လောက်ရှိတာပေါ့နော် ၊ ပူတာအို ဒေသပေါ့နော်။ ပူတာအို ဒေသက မပိတ်ပင်ဘူး သို့သော် ပူတာအို အပြင်မထွက်ရဘူးဆိုတော့ အဲဒီ မြို့လေး သေးသေးလေးမှာ ကျနော်တို့က ဧည့်သည်ကို ဒီလောက် ခရီးအဝေးကြီးခေါ်သွားပြီးတော့ မြို့ပြင်မထွက်ရဘူးဆိုတဲ့အခါကျတော့ မြို့ပြင်မှာ တောင်တန်းတွေက သာယာလှပတယ်၊ ရေခဲတောင်တန်းတွေလည်းရှိတယ်၊ အဲဒီအနီးအနားတ၀ိုက်ကို သွားလို့မရဘူးဆိုတော့ ကျနော်တို့ အခက်အခဲရှိတယ်။ အဲဒီအတွက်ကြောင့်မို့လို့ ကျနော်တို့က ဧည့်သည်ကို အဲဒီဘက်တွေကို မခေါ်သွားရဘူးဆိုရင် ကျနော်တို့က ပူတာအိုမြို့ကို ကျနော်တို့ ရောင်းလို့မရတော့ပါဘူး။ အဲဒါကြောင့် ကျနော်တို့ ရပ်လိုက်တယ်ပေါ့နော်။ မိုးကုတ်ကတော့ ကျနော်တို့ အရင် အစိုးရလက်ထက်မှာ ပြန်ဖွင့်ပေးတဲ့ ဒေသပေါ့နော် ၊ အခုတော့ ပြန်ပိတ်သွားတာပေါ့နော် လမ်းခရီးမလုံခြုံလို့ပဲ ကျနော်တို့ ယူဆပါတယ်။ အခု ရှမ်းပြည် သီပေါဆိုလည်း အခုလေးတင်း စစ်ဖြစ်ထားတဲ့ ဒေသဆိုတော့ သီပေါသွားတဲ့လမ်းပေါ်မှာ သူတို့ နည်းနည်း စိုးရိမ်ပူပန်တယ်လို့ ကျနော်တို့ ယူဆတယ်ပေါ့နော်။”

ဒါပေမဲ့လို့ နိုင်ငံခြား ဧည့်သည် အများစုကတော့ မြို့ကြီးတွေနဲ့ ရှေးဟောင်း စေတီပုထိုးတွေနဲ့ အဆောက်အဦးတွေ ရှိကြတဲ့ ရန်ကုန် ၊ ပုဂံ မန္တလေး အင်းလေးတို့ကို လာရောက်လည် ပတ်လေ့ရှိကြပါတယ်။ အခု ကန့်သတ် ပိတ်ပင်လိုက်တဲ့ နေရာ တစ်ချို့ကို လည်ပတ်တဲ့ ဦးရေ နည်းပါး သေးတဲ့အတွက်ကြောင့်မလို့ ခရီးသွားလုပ်ငန်းအတွက် အများကြီး ပြောင်းလဲသွားနိုင်ဖွယ် မရှိဘူးလို့ ကိုကျော်စွာမင်းက ဆိုပါတယ်။

“ခရီးသွားလုပ်ငန်းက Image ကအရေးကြီးတာပေါ့နော် တိုင်းပြည်မှာ တည်ငြိမ်တယ်၊ အေးချမ်းတယ်၊ဆိုတဲ့ Image ကအရေးကြီးတာပေါ့နော်။ ဒီလိုပိတ်ပင်လိုက်တဲ့အခါမှာ အနည်းနဲ့အများပေါ့နော် အဲဒါကတော့ ထိခိုက်မှုရှိပါတယ်။ ဒါပေမယ့် ကျနော်တို့ ပုံမှန်သွားနေတဲ့ လမ်းကြောင်းပေါ်ကိုတော့ ပြဿနာမရှိဘူးပေါ့နော်။ မြန်မာနိုင်ငံရဲ့ ၇၀ ရာခိုင်နှုန်းဒေသတွေက သွားလို့ရတဲ့ ဒေသတွေပါ။ တကယ်ပြဿနာ တက်နေတာတွေကတော့ ၃၀ ရာခိုင်နှုန်းသော ဒေသတွေပါ။ အဲဒီတော့ ပိတ်လိုက်ပြီဆိုရင် ပြန်လည်ဖွင့်တဲ့အချိန်ကျရင် ၊ ဖွင့်လိုက်ပြီးပြီးချင်း ပြန်ရောင်းလို့ မရပါဘူး။ အဲဒီတော့ အချိန်တခု စောင့်ရတာပေါ့နော် ။ နောက်နှစ်ပြန်ရောင်းရင် နောင် တနှစ် ရာသီ ၊ များသောအားဖြင့် ၁၀ လ ၊ ၁၁ လလောက် နှစ်နာသွားလေ့ရှိတယ်၊ တိုင်းပြည်မှာပိတ်လိုက်တဲ့ အချိန်တခုမှာ။”

လက်ရှိ ကန့်သတ်ပိတ်ပင်လိုက်တဲ့ နယ်မြေတစ်ချို့ကို ဘယ်အ့ချိန်ပြန်လည် ခွင့်ပြုသွားမယ်ဆိုတာကိုတော့ အစိုးရက တရားဝင်ပြောကြားထားခြင်း မရှိသေးပါဘူး။ မြန်မာနိုင်ငံကို ဒီနှစ် စက်တင်ဘာလအထိ နိုင်ငံခြား ခရီးသွားဧည့်သည် ၃ သန်း လာရောက်ခဲ့ပြီး ၂၀၁၆ ခုနှစ်တနှစ်လုံး ၅ သန်းအထိ ရှိနိုင်သလို လာမယ့် ၂၀၁၇ ခုနှစ်မှာတော့ ၈ သန်းလောက်အထိ ဖြစ်သွားနိုင်တယ်လို့ ဟိုတယ်နဲ့ ခရီးသွား ၀န်ကြီးဌာနက ခန့်မှန်းပြောဆိုထားပါတယ်။

 ထက်အောင်  / ဗွီအိုအေ (မြန်မာပိုင်း)
http://burmese.voanews.com



 အကြေးခွံ တစ်ကီလိုကို ဒေါ်လာ ၇၀၀ လောက်အထိ ဈေးပေါက်
တရုတ်နိုင်ငံ ရှန်ဟိုင်းမြို့မှာ အကောက်ခွန်အရာရှိတွေက ရှားပါး တိရိစ္ဆာန် သင်းခွေချပ်အကြေးခွံ သုံးတန်ကျော်ကို သိမ်းဆည်းရမိ လိုက်ပါတယ်။

ဒီလောက် အကြေးခွံ အများကြီးရဖို့ သင်းခွေချပ်အကောင်ရေ ခုနှစ်ထောင်လောက် အထိ သတ်ခံခဲ့ရလိမ့်မယ်လို့ အရာရှိတွေက ပြောပါတယ်။

ဒီအကြေးခွံတွေကို နိုင်ဂျီးရီးယားက တင်သွင်းလာတဲ့ သစ်ပစ္စည်းတွေထည့်လာတဲ့ ကွန်တိန်နာထဲမှာ တွေ့ရတာလို့ အကောက်ခွံ အရာရှိတွေက ပြောပါတယ်။ ခိုးသွင်းလာသူလို့ သံသယရှိခံရသူ လူသုံးဦးကိုလည်း ဖမ်းထားပါတယ်။

အာရှနိုင်ငံတွေမှာ သင်းခွေချပ် အကြေးခွံတွေကို ဆေးဖော်ရာမှာ သုံးသလို၊ အသားကိုလည်း ရှားပါးအစာအဖြစ် စားတတ်ကြလို့ အာဖရိကကနေ အကြီးအကျယ်မှောင်ခို သွင်းမှုတွေရှိနေတယ်လို့ တိရိစ္ဆာန် ထိန်းသိမ်းသူတွေက ပြောကြပါတယ်။

သင်းခွေချပ်အကြေးခွံ တစ်ကီလိုကို အမေရိကန်ဒေါ်လာ ၇၀၀ လောက်တန်ဖိုးရှိတဲ့အတွက် အခုဖမ်းမိတဲ့ တန်ဘိုး စုစုပေါင်းဟာ ဒေါ်လာ နှစ်သန်းကျော်တန်ဘိုးရှိမယ်လို့ တွက်ချက်ထားပါတယ်။

BBC Burmese
http://www.bbc.com/burmese



ပါကစ္စတန် နျူကလီးယားဓါတ်အားပေးစက်ရုံ
ပါကစ္စတန်နိုင်ငံအတွက် တရုတ်အကူအညီနဲ့ တည်ဆောက်တဲ့ နျူကလီးယား ဓာတ်အားပေးစက်ရုံသစ်ကို ၀န်ကြီးချုပ် Nawaz Sharif က ဖွင့်ပေးလိုက်ပါတယ်။

ပါကစ္စတန်နိုင်ငံ၊ ပန်ဂျပ်ဘ်ပြည်နယ်၊ Chashma မြို့က ဓာတ်အားပေးစက်ရုံကနေ လျှပ်စစ်ဓာတ်အား မက်ဂါဝပ် ၃၄၀ ထုတ်ပေး နိုင်မှာပါ။ စုစုပေါင်း ဓာတ်အားထုတ်နိုင်စွမ်း ၆၀၀ မက်ဂါဝပ်ရှိတဲ့ နျူကလီးယား ဓာတ်အားပေးစက်ရုံနှစ်ခုကိုလည်း တရုတ်နိုင်ငံက တည်ဆောက်ပေးထားပြီးပါပြီ။

Chashma မြို့က ဓာတ်အားပေးစက်ရုံသုံးလုံးကို C-1 C-2 နဲ့ C-3 လို့ အသီးသီး နာမည်ပေးထားပါတယ်။ ပါကစ္စတန်နိုင်ငံမှာ လျှပ်စစ်ဓာတ်အား မလုံလောက်တဲ့ပြဿနာ ကာလရှည်ကြာ ဆိုးရွားလာနေတာကို ဖြေရှင်းရေး ကျယ်ပြန့််တဲ့အစီအစဉ်ထဲမှာ ဒီစက်ရုံတွေပါဝင်ပါတယ်။

မက်ဂါဝပ် ၃၄၀ ထုတ်နိုင်မယ့် နောက်ထပ် နျူကလီးယား ဓာတ်အားပေးစက်ရုံ C-4 ကိုလည်း Chashma မှာ တည်ဆောက်နေပါ တယ်၊ ဘုရားသခင် အလိုတော်အရ ၂၀၁၇ ခုနှစ် ဧပြီလမှာ ဒီစက်ရုံ စလည်ပတ်ပြီး လျှပ်စစ်ဓာတ်အား ထုတ်ပေးနိုင်ပါမယ်လို့ ဒီကနေ့ကျင်းပတဲ့ အခမ်းအနားအတွင်း ၀န်ကြီးချုပ် Sharif က ပြောသွားပါတယ်။ ပါကစ္စတန်နိုင်ငံမှာ နျူကလီးယား ဓာတ်အား ပေးစက်ရုံတွေအပါအ၀င် လက်ရှိထုတ်နေတဲ့ လျှပ်စစ်ဓာတ်အား စုစုပေါင်းက ၁၆၀၀၀ မက်ဂါဝပ် ပတ်ဝန်းကျင်ရှိပါတယ်။ အဓိကအားဖြင့် တရုတ်ရန်ပုံငွေနဲ့ တည်ဆောက်နေတဲ့ ကျောက်မီးသွေး၊ သဘာဝ ဓာတ်ငွေ့နဲ့ ရေအားလျှပ်စစ်စက်ရုံတွေကနေ လျှပ်စစ်ဓာတ်အား ၆၀% လောက် တိုးထုတ်ဖို့ ပါကစ္စတန်အစိုးရက စီစဉ်ထားပါတယ်။

ဗွီအိုအေ (မြန်မာပိုင်း)
http://burmese.voanews.com





ပဲခူးတိုင်း ဒေသကြီး သာယာဝတီမြို့နယ် လှည်းလမ်းကူးကျေးရွာအုပ်စု လှည်းလမ်းကျေးရွာ ကျေးရွာ ဘောလုံးကွင်း ၏ အရှေ့ဖတ်တွင် ၂၈ ၁၂ ၂၀၁၆ ရက်နေ့တွင် လျှိုမြောင်းအတွင်း ဘုန်းတော်ကြီးတပါးကို ဓားဒဏ်ရာတွေနဲ့ လဲကျသေဆုံးနေသည်ဟု သိရသည် ။

ဆရာတော်အလောင်းက ညပိုင်းလောက် ကတည်းက အသတ်ခံထားရပုံရသည် ဆောင်းတွင်း အေးသဖြင့် တွေ့ရှိချိန်တွင် တောင့်တင်းနေပြီး ဆရာတော်ကျောင်းရှေ့ အဝင်လမ်းမှာ အလှူခံမဏ္ဍပ်ရှိပါတယ်။ အဲဒီအပေါ်မှာ အသတ်ခံရတာထင်တယ်။

ဘာကြောင့်လဲဆိုတော့ အဲဒီနေရာမှာလည်း သွေးကွက် တွေ့ပါတယ် ၊ အနီရောင် ဘိနပ် တစ်ရံ ဒါနဲ့ သွေးစီးကြောင်းအတိုင်း လိုက်သွားကြည့်တော့ မဏ္ဍပ်နဲ့ ပေ ၃၀ ကျော်အကွာမှာ အရိုးအသွား ၂၁ လက်မအရှည်ရှိတဲ့ ဝါးခုတ်ဓားမတချောင်းရယ်၊ ယောင်္ကျား လေးတွေဝတ်တဲ့ ဖန်စီ ငွေရောင် နားကပ်အသေး တဖက်ရယ်တွေ့ပါတယ်။
ဒါနဲ့သွေးစီးချောင်းအတိုင်း ဆက်လိုက်သွားတော့ ပေ ၃၀၀ အကျော်လျှိုမြောင်းထဲမှာ ဆရာတော်ရဲ့ အလောင်းကို ဓားဒဏ်ရာတွေနဲ့ သေဆုံးနေသည် ကိုတွေ့ရတယ်
အသတ်ခံရတဲ့ ဆရာတော်မှာ လှည်းလမ်းကူးကျေးရွာ သရက်တပင်တောရ ဘုန်းတော်ကြီး ကျောင်းမှ ကျောင်းထိုင်ဆရာတော် ဥူးအိန္ဒကဖြစ်ပြီး သက်တော် ၄၀ နှစ်ဝါတော် ၂၀ နှစ် ဖြစ်ပါတယ်။

ဆရာတော်ပျံလွန်ချိန်မှာ ဆရာတော်ရဲ့ ဦးခေါင်းငယ်ထိပ်ဝဲဘက်ခြမ်းမှာ ပြတ်ရှဒဏ်ရာ ၂ ချက်၊ ဝဲနားထင်ပြတ်ရှဒဏ်ရာ ၁ ချက်၊ ဝဲဂျိုစောင်းပြတ်ရှဒဏ်ရာ ၂ ချက်၊ ယာဂျိုစောင်းပြတ်ရှဒဏ်ရာ ၃ ချက်၊ ဦးခေါင်းနောက်စေ့ပြတ်ရှဒဏ်ရာ ၂ ချက်၊ လည်းပင်းပြတ်ရှဒဏ်ရာ ၁ ချက်နှင့် ယာပုခုံးပြတ်ရှဒဏ်ရာ ၁ ချက် အားလုံးပေါင်းဒဏ်ရာ ( ၁၂ )ချက်ဖြင်ံ သေဆုံးနေသည် ။ယင်းကျောင်းတွင် ဆရာတော်၏ တပည့် ကိုယ်ရင်တစ်ပါး ရှိသည်ဟုသိရသည် ။

ဆရာတော်ရဲ့ အလောင်းကို သုံးဆယ်မြို့ ကရုဏာရှင် လူမှု့ကူညီရေးအသင်းပိုင်ကားဖြင့် အခင်းဖြစ်နေရပ်မှ သာယာဝတီခရိုင် ပြည်သူ့ဆေးရုံသို့ ပို့ဆောင်ထားပြီး သာယာဝတီမြို့မရဲစခန်းမှ ( ပ )၈၀၇ / ၂၀၁၆ နဲ့အမှုဖွင့်ထားပြီး ဒု /ရဲမှူး လှသိန်း က အမှု့ကို သေခြာစစ်ဆေးပြီး ဆောင်ရွက်လျှက်ရှိသည်ဟု သိရသည် ။

ဆရာတော်မှာ ကျေးရွာတွင် ရောင်ရဲ တင်းတိမ်နိုင်ပြီး တောရ ကျောင်းဖြင့် ဆောက်တည်ကာ သီတင်းသုံး နေထိုင်ပြီး မိခင် အိုကြီးကို ကျောင်း၏ အနောက်ဖတ်တွင် တဲအိမ်ဆောက်ပြီး အလုပ်အကျွေး ပြုနေသော ဘုန်းကြီး တစ်ပါး ဖြစ်သည်ဟု ဆရာတော်တစ်ပါး မှ သုံးသပ် ပြောဆိုသွား ခဲ့သည် ။

============

ကိုဖိုးစံ
သာယာဝတီ

ဒီဇင်ဘာလ ၂၈ ရက် ၊ ၂၀၁၆ ခုနှစ်


 ပြည်ထောင်စုလွှတ်တော် (MOI)
ပြည်ထောင်စုလွှတ်တော် (MOI)
ဆက်သွယ်ရေး ဥပဒေ ပုဒ်မ ၆၆ (ဃ) ကို ပြင်ဆင်တဲ့ ဥပဒေကြမ်းကို ပြည်ထောင်စုလွှတ်တော်ကို တင်ထားပြီလို့ သူရ ဦးရွှေမန်းက ဒီကနေ့ မြန်မာနိုင်ငံ သတင်းမီဒီယာ ကောင်စီနဲ့ တွေ့ဆုံချိန်မှာ ပြောဆိုလိုက်ပါတယ်။ တက်ကြွလှုပ်ရှားသူတွေ၊ သတင်းမီဒီယာ သမားတွေ အများစု စွဲဆိုခံနေရတဲပ ဒီပုဒ်မ အပါအ၀င် သတင်းသမားတွေ သတင်းရယူခွင့်၊ သတင်းသမားတွေကို အကာအကွယ်ပေးနိုင်ရေးတို့နဲ့ ပတ်သက်ပြီးလည်း ဒီကနေ့ ဆွေးနွေးခဲ့ကြပါတယ်။ မသိင်္ဂီထိုက် ဆက်သွယ်မေးမြန်းထားပါတယ်။

သတင်းသမားတွေနဲ့ တက်ကြွလှုပ်ရှားသူတွေ အဓိက ပစ်မှတ်ထား တရားစွဲခံနေရဲ့ ဆက်သွယ်ရေး ဥပဒေ ပုဒ်မ ၆၆ (ဃ) ကို ပြင်ဆင်တဲ့ ဥပဒေကြမ်းကို ပြည်ထောင်စု လွှတ်တော် ဥပဒေကြမ်း ကော်မတီကို တင်ထားပြီလို့ သူရ ဦးရွှေမန်းက ဒီကနေ့ မြန်မာနိုင်ငံ သတင်းမီဒီယာ ကောင်စီနဲ့ တွေ့ဆုံချိန်မှာ ပြောဆိုသွားပါတယ်။ ပြည်ထောင်စု လွှတ်တော် ဥပဒေရေးရာနှင့် အထူးကိစ္စရပ်များ လေ့လာ ဆန်းစစ် သုံးသပ်ရေး ကော်မရှင်ရဲ့ ဥက္ကဌ အဖြစ် တာဝန်ယူထားတဲ့ သူရ ဦးရွှေမန်းက ဥပဒေ ပြင်ဆင်ချက် တင်ထားတဲ့ အကြောင်း ပြောဆိုခဲ့တယ်လို့ မြန်မာနိုင်ငံ သတင်းမီဒီယာ ကောင်စီရဲ့ တွဲဖက် အတွင်းရေးမှူး ဦးကျော်စွာမင်းက ပြောပါတယ်။

“ကျနော်တို့၆၆ (ဃ) ကိုလည်း ကျနော်တို့ ကော်မရှင်ကနေပြီးတော့ ပြည်ထောင်စုလွှတ်တော်ကို သူတို့ ဥပဒေကြမ်းအထိတင်ပြပြီးသွားပါပြီ။ ဒီ ၆၆ (ဃ) ကိုပြင်ဆင်ဖို့အတွက် အဲဒီအထိကိုလည်း ကျနော်တို့ဆွေးနွေးဖြစ်ခဲ့ပါတယ်။ သူရဦးရွှေမန်းကလည်း ပြောပါတယ် သူတို့ ၆၆ (ဃ) ပြင်ဆင်တာက အခုလက်ရှိဖြစ်ပေါ်နေတဲ့Eleven ကိစ္စကြောင့် ဖြစ်လာတာမဟုတ်ပါဘူးတဲ့ အရင်တုန်ကတည်းက သူတို့ စပြီးစဉ်းစားလာတာပါ။ ချစ်သမီးကိစ္စ ကတည်းက ၆၆ (ဃ) ကို စပြီးစဉ်းစားလာတာ ယနေ့အထိ ဆက်လက် ဆောင်ရွက်နေစဲလို့ပြောပါတယ်။ ကျနော်တို့ ဒီ အချက်အလက်မှာပေါ့နော် ခုနက ပြောသွားတဲ့အထဲမှာ ကျနော်တို့ ရခိုင်ဒေသ တပ်မတော် နဲ့ တပ်ဘက်က သတင်းရယူဖို့၊ စစ်မြေပြင် သတင်းရယူဖို့အခက်အခဲတွေရှိပါတယ်ဆိုတာလည်း တင်ပြခဲ့တာရှိပါတယ်။ အဲဒီအတွက်လည်း သူတို့ကနေပြီးတော့ သေချာမှတ်သားထားပါတယ်။”

မြန်မာနိုင်ငံ သတင်းမီဒီယာ ကောင်စီဘက်ကတော့ ရခိုင်ပြည်နယ် မောင်တော ဒေသတွင်း သတင်းရယူခွင့် အကန့်အသတ်နဲ့ တိုက်ပွဲတွေ၊ တပ်မတော်နဲ့ သက်ဆိုင်တဲ့ သတင်းတွေ ရယူဖို့ အခက်အခဲတွေနဲ့ ပတ်သက်ပြီးလည်း ဆွေးနွေးခဲ့ကြပါတယ်။ မြန်မာနိုင်ငံ သတင်းမီဒီယာ ကောင်စီဘက်ကတော့ သတင်းမီဒီယာ ဥပဒေ ပြဌာန်းချက်တွေကို မလိုက်နာတဲ့ အစိုးရ တာဝန်ရှိသူတွေကို အရေးယူနိုင်ရေး၊ နောက် သတင်းသမားတွေကို တရားစွဲဆိုနေတာတွေကနေ တစိတ်တပိုင်း အကာအကွယ်ပေးဖို့ အတွက် ဥပဒေမှာ ပြင်ဆင်လိုတဲ့ အချက်တွေကို ဆွေးနွေးခဲ့တယ်လို့ ကောင်စီရဲ့ တွဲဖက် အတွင်းရေးမှူး ဦးကျော်စွာမင်းက ပြောပါတယ်။

“ ပထမတခုကတော့ ကျနော်တို့ သတင်းမီဒီယာဥပဒေမှာ ပြဌာန်းထားတဲ့ Access To Information ဆိုတာရှိပါတယ်။သတင်းမီဒီယာသမားတွေ သတင်းရယူပိုင်ခွင့်၊ သတင်းရယူတဲ့အခါမှာ ကျနော်တို့ လုံခြုံရေးအရ ကာကွယ်ပေးမူတွေ နောက်တခါ သတင်းရယူတဲ့အခါမှာ နေရာထိုင်ခင်း အစီအစဉ်ပေးမှု ဒါတွေကို ကျနော်တို့ ဥပဒေအရ ကျနော်တို့ သက်ဆိုင်ရာ အစိုးရအဖွဲ့အစည်းတွေက လိုက်နာဆောင်ရွက်မှုမရှိပါဘူး။ အဲဒီအတွက် လိုက်နာဆောင်ရွက်မှုတွေရှိလာအောင်လို့ ကျနော်တို့ ဒါကိုလုပ်ပါမယ်။ လိုက်နာဆောင်ရွက်မှုတွေရှိပြီးတဲ့အခါမှာကျနော်တို့ မလုပ်ပေးခဲ့သည်ရှိသော် ကျနော်တို့ အရေးယူခြင်း ဥပဒေ ပြဌာန်းချက်တွေ ကျနော်တို့ ပြန်ပြင်ဆင်တာမျိုးကို ဒါမျိုးကို ကျနော်တို့ တင်ပြခဲ့ပါတယ်။ နောက်တခုက ကျနော်တို့ သတင်းမီဒီယာသမားတွေကို ကျနော်တုိ့ အဟန့်အတားဖြစ်စေတဲ့ တချို့ဥပဒေတွေပေါ့နော်၊ အခုလက်ရှိတရားစွဲဆိုနေတဲ့ သတင်းမီဒီယာဥပဒေဘောင်ကို ကျော်ပြီးတော့ သတင်းမီဒီယာကောင်စီကိုမလာပဲနဲ့ ကျော်ပြီးတော့ တရားစွဲဆိုနေတဲ့ ဖြစ်စဉ်တွေပေါ့နော်။ အဲဒါကို ကျနော်တို့က ဥပဒေ ပြဌာန်းချက်မှာ သတင်းမီဒီယာကို တရားရုံးမရောက်ခင်ပေါ့နော် သတင်းမီဒီယာကောင်စီကို တိုင်ကြားနိုင်သည်ဆိုတာတော့ ပါတယ်။ ဒါပေမယ့် အဲဒါကို ကျနော်တို့က တိုင်ကြားရမယ်ပေါ့။ ကျနော်တို့ မြန်မာနိုင်ငံ သတင်းမီဒီယာကောင်စီကနေ တဆင့်ပြီးတော့မှပဲ ကျန်တာ ဆက်လုပ်လို့ရမယ်ဆိုတဲ့ ကျနော်တို့ ပြင်ဆင်ချက်တွေ ကျနော်တို့ ထည့်သွင်းထားပါတယ် ၊ ဒီ ၂ ချက်က အင်မတန်မှ အားကောင်းပါတယ်။”

လက်ရှိ အစိုးရဘက်က သတင်းမီဒီယာ ဥပဒေကို ကျင့်သုံးဆောင်ရွက်ဖို့ကိုလည်း မြန်မာနိုင်ငံ သတင်းမီဒီယာ ကောင်စီက တိုက်တွန်းပါတယ်။ဆက်သွယ်ရေး ဥပဒေ ပုဒ်မ ၆၆ (ဃ) ကို အသုံးချပြီး သတင်းမီဒီယာ အချင်းချင်း တရားစွဲဆိုမှုတွေရှိသလို အာဏာပိုင်တွေ ဘက်က သတင်းသမားတွေ၊ တက်ကြွလှုပ်ရှားသူတွေ၊ အင်တာနက် အွန်လိုင်းပေါ်မှာ ရေးသားဖော်ပြမှုတွေကို တရားစွဲဆို ထောင်ချနေတာတွေ ခပ်စိပ်စိပ် ထွက်ပေါ်လာပြီးနောက်မှာတော့ သတင်းသမားတွေကို တရားဥပဒေ အရ တရားစွဲဆိုနေမှုတွေမှာ မြန်မာနိုင်ငံ သတင်းမီဒီယာ ကောင်စီက ကြားဝင် ဆောင်ရွက်နိုင်ဖို့ ကြိုးစားလာတာလည်းဖြစ်ပါတယ်။ မြန်မာနိုင်ငံ သတင်းမီဒီယာ ကောင်စီကိုတော့ သတင်းမီဒီယာ နည်းဥပဒေ အရ ပြီးခဲ့တဲ့ သမ္မတ ဦးသိန်းစိန် လက်ထက်က ဖွဲ့စည်းခဲ့တာ ဖြစ်ပါတယ်။
VOA Burmese News

မြန်မာနိုင်ငံလုံးဆိုင်ရာ ကျောင်းသား များ ဒီမိုကရက်တစ်တပ်ဦး ( ABSDF) ဗဟိုကော်မတီဝင် မြောက်ပိုင်းဒေသ ခေါင်းဆောင်တဦးဖြစ်တဲ့ ကိုမင်းဌေးကို ဗန်းမော်-လွယ်ဂျယ် ကားလမ်းပေါ်က စိန်လွမ်ဂိတ်မှာ မြန်မာစစ်တပ်က ဒီကနေ့ညနေပိုင်းဖမ်းဆီးခေါ်ဆောင်သွားပါတယ်။

သူ့ကို ဖမ်းဆီးခေါ်ဆောင်သွားတဲ့အကြောင်းကိုတော့ သူစီးလာတဲ့ ခရီးသည်တင် ဘက်စကားမောင်းသူကပြောပါတယ်။ သူ့ကို ဗျူဟာမှူးက ခေါ်ခိုင်းလို့ ဖမ်းသွားတယ်လို့ဆိုပါတယ်။ ဗန်းမော်မှာရှိနေကတည်းက စရဖ လို့ခေါ်တဲ့ စစ်ဖက်လုံခြုံရေးအဖွဲ့တွေကနေ သူနဲ့ ပတ်သက်ပြီး ကားဂိတ်ကို လာပြီးတော့ မေးတာတွေရှိတယ်လို့ သိထားရပါတယ်။

ဒီသတင်းနဲ့ ပတ်သက်ပြီးတော့ အခုအချိန်အထိတော့ ABSDF အဖွဲ့ဘက်ကနေ တုံ့ပြန်ချက် ချက်ချင်းထွက်မလာသေးပါဘူး။ ABSDF အဖွဲ့ဟာ တနိုင်ငံလုံး အပစ်အခတ်ရပ်စဲရေးစာချုပ် NCA မှာ လက်မှတ်ရေးထိုးထားတဲ့ အဖွဲ့ ၁ ဖွဲ့ဖြစ်ပြီိးုမင်းဌေးဟာလည်း ABSDF ကို ကိုယ်စားပြုပြီး ငြိမ်းချမ်းရေးဆွေးနွေးပွဲတွေကို တက်ဖူးပါတယ်။

သူဟာ နာမည်ကျော် Hollywood ရုပ်ရှင်မင်းသား Sylvester Stallone နဲ့ ရိုက်ကူးထုတ်လုပ်သရုပ်ဆောင်တဲ့ Rambo 4 ရုပ်ရှင်မှာ မြန်မာစစ်တပ် စစ်ဗိုလ်တဦးအဖြစ် ပါဝင်သရုပ်ဆောင်ခဲ့ဖူးပါတယ်။
VOA Burmese News

KIA လိုင်ဖောင်စခန်း အစိုးရတပ် သိမ်းပိုက် (MOI)
KIA လိုင်ဖောင်စခန်း အစိုးရတပ် သိမ်းပိုက် (MOI)

တပတ်ခန့်အကြာ အင်အားအလုံးအရင်းနဲ့ထိုးစစ်ဆင်မှုကြောင့် ကချင်ပြည်နယ် ၀ိုင်းမော်မြို့နယ်က KIO အခြေပြုရာပွိုင့် ၇၆၈ ခေါ် လိုင်ဖောင်စခန်းနဲ့ စခန်းငယ် ၆ ခုတို့ကိုမြန်မာ့တပ်မတော်ကနေ မနေ့ကညပိုင်းမှာ သိမ်းပိုက်နိုင်ခဲ့တယ်လို့ မြန်မာ့တပ်မတော် ဘက်ကသတင်းထုတ်ပြန်ထားပါတယ်။ ဒီလိုဖြစ်ပွါးတဲ့တိုက်ပွဲကြောင့် လိုင်ဖေါင်စခန်းဝန်းကျင်မှာရှိတဲ့ ဇိုင်းအောင်စစ်ရှောင် စခန်းအတွင်း လက်နက်ကြီးကျည်တွေ ကျရောက်ခဲ့လို့ စခန်းနေဒုက္ခသည်(၂၆၀၀)ကျော်ဟာ တရုတ်နယ်စပ်အနီးမှာ တိမ်းရှောင်နေရတယ်လို့လဲ စခန်းကော်မီတီတွေကပြောပါတယ်။

ဒီအခြေအနေကို ဗွီအိုအေမြန်မာပိုင်းသတင်းထောက်နိုင်ကွန်းအိန်ကနေ ဆက်သွယ်မေးမြန်းပြီးအခုလို သတင်းပေးပို့ ထားပါတယ်။

ကချင်ပြည်နယ် ၀ိုင်းမော်မြို့နယ်ဘက်မှာရှိတဲ့ KIAကချင်လွတ်လပ်ရေးအဖွဲ့အခြေပြုရာ လိုင်ဖေါင်တောင်ကုန်း တပ်စ ခန်းကို မြန်မာ့တပ်မတော်ရဲ့ပြင်းထန်တဲ့ထိုးစစ်ကြောင့် မနေ့ညနေပိုင်းမှာ KIA တပ်ကနေ ဆုတ်ခွါခဲ့ရတယ်လို့ KIO စစ်ဘက်ခေါင်းဆောင်ဗိုလ်မှူးကြီး ဇော်ဂမ် က အတည်ပြုပြောဆိုပါတယ်။

“အဲဒါကတော့ အတည်ပြုလို့ရမယ်ထင်တယ်။ ညနေ ၅ နာရီလောက်က နောက်ဆုတ်ပေးလိုက်တယ်လို့ပြောတယ်။ အခြေအနေကတော့ တောက်လျှောက်ပစ်နေကြတယ်။ ဒီလက်နက်ကြီးတွေ ဗုံးတွေရယ် အဲဒါကို အဓိက သုံးကြတယ်။”

မြစ်ကြီးနား-ဗန်းမော်ကားလမ်းအရှေ့ဘက် ၇ မိုင်ခန့်အကွာရှိ KIA တပ်မဟာ ၅ လက်အောက် တပ်ရင်း ၃ ဌာနချုပ်ရှိ ရာ ပွိုင့် ၇၆၈ ခေါ် လိုင်ဖောင်စခန်းကို သိမ်းပိုက်ရရှိရေးအတွက် ဒီဇင်ဘာ ၂၁ ရက်နေ့ကစပြီး တပ်မတော်စစ်ကြောင်း ကနေ လေကြောင်း ခြေလျင်၊ အမြောက်၊ တင့်၊ လက်နက်ကြီးပစ်ကူရယူပြီး ထိုးစစ်ဆင်ခဲ့ရာမှာ မနေ့ညနေ(၅)နာရီ ကျော်မှာ အဓိကခံစစ်ကုန်းနဲ့စခန်းငယ် ၆ ခုတို့ကို သိမ်းပိုက်ရရှိတယ်လို့ တပ်မတော်ဘက်က သတင်းထုတ်ပြန် ထား ပါတယ်။

ဒီတိုက်ပွဲအတွင်းနှစ်ဖက်ထိခိုက်မှုအခြေအနေတွေကိုတော့ ထုတ်ပြန်တာမျိုးမရှိသေးပါဘူး။

အခုလိုလိုင်ဖေါင်စခန်းကိုထိုးစစ်ဆင်ရာမှာ အနီးအနားမှာရှိတဲ့ ဇိုင်းအောင် စစ်ရှောင်စခန်းအတွင်း လက်နက်ကြီးကျည် တွေ ကျရောက်ခဲ့လို့ စခန်းနေ ဒုက္ခသည်(၂၆၀၀)ကျော်ဟာ တရုတ်နယ်စပ်အနီးမှာ တိမ်းရှောင်နေရတယ်လို့ စခန်း ကော်မီတီတဦးက ပြောပါတယ်။

“camp လူနေအိမ် မီတာ ၅၀၀ အဲဒီပတ်ဝန်းကျင်မှာကျတာပေါ့နော် ၃၊ ၄ လုံးလောက်ရှိတယ်ခင်ဗျ ကျနော်တို့ အခု အဲဒီ အသံကြားလို့ တရုတ်နယ်စပ် ဒီ ကုန်းပေါ်မှာပဲ အကုန်လုံးစုနေတယ်ခင်ဗျ။ တရုတ်နယ်စပ်မှာ မနေ့က အသံကြားလို့ ခဏလေးရှောင်နေတယ်ခင်ဗျ။ လူ ၂၆၀၀ ကျော် အခုလောလောဆယ် အနေအထားအရ ကျနော်တို့ကအခု ခဏလေးရှောင်နေရတယ်ဆိုပေမယ့် ဒီအတိုင်းပဲ နေနေရသေးတယ်။ ကျနော်တို့ မိုးကာတွေဘာတွေ မပါလာတဲ့အခါကျတော့ ဒီအတိုင်းပဲ နေနေရသေးတယ် လောလောဆယ်က။”

လက်ရှိစစ်ရှောင်ဒုက္ခသည်တွေဟာ တရုတ်မြန်မာနယ်စပ် မြန်မာဘက်ခြမ်း မှာသောင်တင်နေဆဲဖြစ်ပြီး တရုတ်နုိင်ငံက စစ်တပ်အနေနဲ့စစ်ပြေးဒုက္ခသည်တွေ ဝင်မလာနိုင်အောင် ဟန့်တားထားတယ်လို့ အဆိုပါစခန်းကော်မီတီတဦးက ပြောပါတယ်။

လိုင်ဖောင် တပ်စခန်းအနီးတဝှိုက်မှာ မဂါးယန့်စစ်ရှောင်စခန်း၊ ဇိုင်းအောင် စစ်ရှောင်စခန်း၊ မိုင်တိုင်-၆၊ ဖရဲ့ (ခေါ်) မိုင်တိုင်-(၇)နဲ့ မိုင်တိုင်(၈) စတဲ့စစ်ရှောင်စခန်းတွေတည်ရှိနေပါတယ်။

ပြီးခဲ့တဲ့ ဒီဇင်ဘာ(၁၆)ရက်နေ့က KIOအခိုင်အမာတပ်စွဲထားတဲ့ ဂီဒုန်စခန်းအပါအ၀င် ကာကင်းစခန်းကို မြန်မာ့ တပ်မ တော်ကနေထိုးစစ်ဆင် သိမ်းပိုက်ခဲ့ပါတယ်။

KIO ခေါ် ကချင်လွတ်လပ်ရေးအဖွဲ့နဲ့မြန်မာအစိုးရတို့ဟာ (၁၉၉၄)ခုနှစ်မှာ အပစ်အခတ်ရပ်ဆဲရေးသဘောတူ လက် မှတ်ရေးထိုးခဲ့ပြီးဖြစ်ပေမယ့် (၂၀၁၁)ခုနှစ်ကနေ အခုအထိစစ်ရေးတင်းမာနေပြီး တိုက်ပွဲတွေဖြစ်ပွါးနေဆဲဖြစ်ပါတယ်။

ဒီလိုဖြစ်ပွါးတဲ့တိုက်ပွဲတွေကြောင့် ကေအိုင်အိုထိန်းချုပ်ရာဒေသနဲ့ တရုတ်နယ်စပ်တွေမှာ စစ်ပြေး တိမ်းရှောင်တဲ့ ဒုက္ခသည်(၉)သောင်းကျော်ရှိနေတယ်လို့ ကချင်ကယ်ဆယ်ရေးကော်မီတီိတွေကနေ ထုတ်ပြန်ထား ပါတယ်။

ကချင်ပြည်နယ်နဲ့ ရှမ်းပြည်နယ်မြောက်ပိုင်းဒေသမှာ တိုက်ပွဲတွေဆက်လက်ဖြစ်ပွားနေချိန်မှာပဲ တိုင်းရင်းသား လက် နက်ကိုင်အဖွဲ့(၄)ဖွဲ့နဲ့ အစိုးရငြိမ်းချမ်းရေးကော်မရှင်တို့အကြား တရုတ်နယ်စပ်မှာတွေ့ဆုံဆွေးနွေးဖို့ အစီစဉ်ရှိနေ တယ် လို့လဲ သတင်းတွေပေါ်ထွက်နေပါတယ်။

လက်ရှိဖြစ်ပွါးနေဆဲတိုက်ပွဲတွေကြောင့် ငြိမ်းချမ်းရေး နဲ့တွေ့ဆုံဆွေးနွေးရေးမှာ အခက်တွေ့စေနိုင်တယ်လို့ ကချင် ငြိမ်းချမ်းရေးအကျိုးတော်ဆောင် ဦးဆမ်အောင်ကနေ သူ့အမြင်ကိုအခုလိုပြောပါတယ်။

“ဒီဘက်က ထိုးစစ်ဆင်နေတယ်ဆိုတာက ငြိမ်းချမ်းရေးကို ချေဖျက်နေတာနဲ့ အတူတူဖြစ်ပါတယ်။ အဲဒါကြောင့်ထိုးစစ်ဆင်ပြီးမှ တဖက်မှာလည်း အထိနာနေတဲ့အချိန်မှာ ငြိမ်းချမ်းရေးဖက်ကို သွားဖို့အတွက် တော်တော်လေးသဘောထားကြီးပြီးမှ အားစိုက်မှပဲ ရမယ့် အနေအထားမျိုးဖြစ်ပါတယ်။ အရင်တုန်းကလို အပေါ်စီးမျိုးနဲ့တော့ မရတော့ဘူး။”

လက်ရှိ ကချင်ပြည်နယ် နဲ့ရှမ်းပြည်နယ်မြောက်ပိုင်းဒေသတွေ မှာ မြန်မာ့တပ်မတော်နဲ့ မြောက်ပိုင်းမဟာမိတ်ခေါ် တိုင်းရင်းသားလက်နက်ကိုင်အဖွဲ့(၄)ဖွဲ့တွေအကြား တိုက်ပွဲတွေပြင်းထန်စွာဖြစ်ပွါးနေဆဲဖြစ်ပါတယ်။

နိုင်ကွန်းအိန်
VOA Burmese News



ဆင်ခြင်တုံ တရားနဲ့ စဉ်းစားဆင်ခြင် ရမှာ ဖြစ်တယ်လို့ ဦးအောင်ကြည်က ဆို
ရခိုင်ပြည်နယ် မောင်တော ဒေသမှာ အစိုးရ လုံခြုံရေး တပ်ဖွဲ့တွေ နယ်မြေ ရှင်းလင်းရေး လုပ်ဆောင်တုန်း ရိုဟင်ဂျာ အမျိုးသမီးတွေ အဓမ္မ ပြုကျင့် ခံရတာမျိုး၊ ကျေးရွာ တွေ မီးရှို့ ဖျက်စီး ခံရတာမျိုး တွေ ရှိခဲ့တယ် ဆိုတဲ့ စွပ်စွဲ ပြောဆို ချက် တွေ အပေါ် လုံးဝ ချေဖျက် နိုင်လောက်အောင် ဖြစ်စေ၊ အတည်ပြု လောက်အောင် ဖြစ်စေ ခိုင်ခိုင်လုံလုံ အထောက်အထားတွေ မတွေ့ရ သေးဘူး လို့ ရခိုင်ပြည်နယ် စုံစမ်း စစ်ဆေးရေး ကော်မရှင်အဖွဲ့ဝင် တစ်ဦး ဖြစ်တဲ့ ဦးအောင်ကြည်က ပြောပါတယ်။

ဒါပေမယ့်၊ ရခိုင်ပြည်နယ် စုံစမ်း စစ်ဆေးရေး ကော်မရှင် အဖွဲ့ မောင်တောဒေသမှာ ကွင်းဆင်း စစ်ဆေးတုန်းက အဓမ္မ ပြုကျင့် ခံခဲ့ ရသူတွေလို့ ထွက်ဆိုသူ အမျိုးသမီး တချို့ဟာ ကြိုတင် လေ့ကျင့် ထားသလို ဇာတ်လမ်း တစ်ခုတည်းကို ပြောဆို တာမျိုး၊ ရှေ့နောက် မညီ ထွက်ဆို တာမျိုး တွေ တွေ့ခဲ့ရတယ်လို့ ပြန်ကြားရေး ဝန်ကြီးဟောင်း ဦးအောင်ကြည်က ဆိုပါတယ်။

ဒီလို ကိစ္စမျိုးတွေ ဆိုတာ မသဲမကွဲ ဖြစ်တဲ့ အခြေအနေမျိုး အမြဲတမ်း ရှိနေတဲ့ အတွက် ဆင်ခြင်တုံ တရားနဲ့ စဉ်းစားဆင်ခြင် ရမှာ ဖြစ်တယ်လို့လည်း ဦးအောင်ကြည်က ဆိုပါတယ်။

အစိုးရ စစ်တပ်က ရိုဟင်ဂျာ ရွာတွေကို မီးရှို့ခဲ့တယ် ဆိုတဲ့ နိုင်ငံတကာ လူ့အခွင့်အရေး အဖွဲ့ တချို့ရဲ့ ပြောဆိုမှုတွေ အပေါ်မှာလည်း လက်နက်ကိုင် အဖွဲ့အစည်း တစ်ခုခုက ရှို့တာလား၊ ရွာသားတွေပဲ ကိုယ့်အိမ်ကိုယ် ရှို့တာလား ဆိုတာကို ကွဲကွဲပြားပြား ပြောဆိုနိုင်တဲ့ ခိုင်လုံတဲ့ သက်သေ အထောက်အထား တစုံတရာ ရမထားဘူးလို့ ဦးအောင်ကြည်က ပြောပါတယ်။

ဦးအောင်ကြည် ပါဝင်တဲ့ ရခိုင်ပြည်နယ် စုံစမ်း စစ်ဆေးရေး ကော်မရှင်ဟာ မောင်တော ဒေသ ဖြစ်ရပ်တွေကို စုံစမ်းဖို့ ဒုသမ္မတ ဦးမြင့်ဆွေ ဦးဆောင် ဖွဲ့စည်း ထားတာ ဖြစ်ပါတယ်။

မွတ်ဆလင် အမျိုးသမီး နှစ်ဦးက သူတို့ကို အစိုးရ စစ်သားတွေက မုဒိန်း ပြုကျင့် ခဲ့တယ်လို့ မောင်တော ဒေသကို ရောက်သွား ခဲ့တဲ့ သတင်းထောက်တွေ ကို ပြောဆို ခဲ့ပါတယ်။

အဲဒီ အမှု ကိစ္စကို ဖော်ထုတ်ဖို့ အာဏာပိုင် အဖွဲ့တစ်ဖွဲ့ သွားရောက်တဲ့ အခါမှာတော့ ကာယကံရှင် အမျိုးသမီး နှစ်ယောက်က လာရောက် မတွေ့ဆုံပဲ တိမ်းရှောင် နေပြီး၊ ပတ်ဝန်းကျင် ကတော့ မုဒိန်းမှု ပေါ်ပေါက် ခဲ့တယ် ဆိုတာ မမှန်ကန်ဘူး လို့ ထွက်ဆို ခဲ့တယ် ဆိုပြီး အစိုးရက သတင်း ထုတ်ပြန် ထားပါတယ်။

BBC Burmese
http://www.bbc.com/burmese



ရန်ကုန်မြို့ NRPC ရုံးမှာ ဒီဇင်ဘာလ ၂၈ ရက်နေ့က ကျင်းပပြုလုပ်တဲ့ငြိမ်းချမ်းရေး လုပ်ငန်းစဉ် ရန်ပုံငွေဆိုင်ရာ ပေါင်းစပ်ညှိုနှိုင်းရေးအဖွဲ့ JBC အစည်းအဝေးကို တက်ရောက်လာတဲ့ နိုင်ငံတော်အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်ကို တွေ့ရစဉ်။ Photo: Myanmar State Counsellor Office/ Facebook
ငြိမ်းချမ်းရေးလုပ်ငန်းစဉ်အတွက် ရန်ပုံငွေတွေဟာ အစိုးရပိုင်မဟုတ်ပဲ နိုင်ငံသူ နိုင်ငံသားအားလုံးက ပိုင်ဆိုင်တဲ့ ငွေကြေးဖြစ်တဲ့အတွက် စိစစ်သုံးစွဲကြဖို့ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်း စုကြည်က ညွှန်ကြားလိုက်ပါတယ်။

ရန်ကုန်မြို့ အမျိုးသားပြန်လည်သင့်မြတ်ရေးနဲ့ ငြိမ်းချမ်းရေးဗဟိုဌာန NRPC ရုံးမှာ ဒီနေ့ ပြုလုပ်တဲ့ငြိမ်းချမ်းရေး လုပ်ငန်းစဉ် ရန်ပုံငွေဆိုင်ရာ ပေါင်းစပ် ညှိုနှိုင်းရေးအဖွဲ့ JBC အစည်းအဝေးမှာ နိုင်ငံတော်အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည် က ပြောသွားတာဖြစ်တယ်လို့ သမ္မတရုံး ဒုတိယညွှန်ကြားရေးမှူး ချုပ် ဦးဇော်ဌေး က ပြောပါတယ်။

"အဲဒီ ပိုင်သွားတဲ့ဟာကို နိုင်ငံသူ နိုင်ငံသား အားလုံးပိုင်သွားတဲ့ ရန်ပုံငွေတွေကို ကျနော်တို့သုံးစွဲတဲ့အခါမှာ မလုံမလောက် မလောက်မငှဖြစ်လို့ ငြိမ်းချမ်းရေးလုပ်ငန်းစဉ် ထိခိုက်တာမျိုးမဖြစ်ဖို့လိုသလိုမျိုး၊ ဗုံးပေါလအော ပေါ့ သုံးစွဲလို့ မလိုအပ်တဲ့ အပိုကုန်ကျမူတွေကြောင့် ဒီတချို့ အလေအလွင့်တွေဖြစ်တာမျိုးတွေ မဖြစ်စေဖို့ ဒီနှစ်ခုကို ဒီ JBC လို့ခေါ်တဲ့ ငြိမ်းချမ်းရေး လုပ်ငန်းစဉ် ရန်ပုံငွေဆိုင်ရာ ပေါင်းစပ်ညှိုနှိုင်းရေးအဖွဲ့ က စိစစ်ပြီးတော့ သဘောတူဆုံးဖြတ်သွားဖို့ဆိုတဲ့ ဒီဟာကို လမ်းညွှန်ပါတယ် "

နိုင်ငံတော် အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်ဟာ ငြိမ်းချမ်းရေး လုပ်ငန်းစဉ် ရန်ပုံငွေဆိုင်ရာ ပေါင်းစပ်ညှိုနှိုင်းရေးအဖွဲ့ JBC မှာ ဥက္ကဌ တာဝန်ကို ယူထားတာဖြစ်ပါတယ်။

JBC မှာ အစိုးရ၊တပ်မတော်၊လွှတ်တော်ဘက်က ကိုယ်စားလှယ် ၈ဦး၊ NCA အပစ်ရပ်စာချုပ် လက်မှတ် ထိုးထားတဲ့ အဖွဲ့တွေဘက်က ၄ ဦး၊ NCA စာချုပ် လက်မှတ်မထိုးထားတဲ့ UNFC အဖွဲ့က ၂ ဦးနဲ့ ၀ နဲ့ မိုင်းလားအဖွဲ့က ကိုယ်စားလှယ် ၂ ဦး စုစုပေါင်း ၁၆ ဦးနဲ့ ဖွဲ့စည်းထားပါတယ်။

နိုင်ငံတော် အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်က မြန်မာနိုင်ငံရဲ့ ငြိ်မ်းချမ်းရေးလုပ်ငန်းကို နိုင်ငံတကာက လာရောက်အကူအညီပေးတဲ့အခါမှာ ကူညီတာသာ ဖြစ်စေလိုပြီး နိုင်ငံတကာက သူတို့လိုချင်တဲ့ ပုံစံအတိုင်း ပံ့ပိုးတာ ထိန်းချုပ်တာမျိုးမဖြစ်စေချင်ဘူးလို့ ပြောခဲ့ကြောင်း အစည်းအဝေး တက်ရောက်ခဲ့တဲ့ KNU အထွေထွေအတွင်းရေးမှုး ပဒိုစောကွယ်ထူးဝင်းက ပြောပါတယ်။

ဒီနေ့ ကျင်းပတဲ့ ဒုတိယအကြိမ်မြောက် JBC အစည်းအဝေးကို ၀နဲ့ မိုင်းလားအဖွဲ့က ကိုယ်စားလှယ် နှစ်ဦး တက်ရောက်ခဲ့ပေမယ့် NCA အပစ်ရပ်စာချုပ် လက်မှတ်မထိုးထားတဲ့ UNFC အဖွဲ့က ကိုယ်စားလှယ်နှစ်ဦး မတက်ရောက်နိုင်ခဲ့ပါဘူး။

ငြိမ်းချမ်းရေးလုပ်ငန်းတွေအတွက် နိုင်ငံတကာကနေ ကူညီထောက်ပံ့ပေးတဲ့ ငွေကြေးတွေကို လိုအပ်တဲ့နေရာတွေမှာ အဖွဲ့အစည်းအားလုံး ထိရောက်မျှတအောင် အသုံးချနိုင်ဖို့ ရည်ရွယ်ပြီး ငြိမ်းချမ်းရေး လုပ်ငန်းစဉ် ရန်ပုံငွေဆိုင်ရာ ပေါင်းစပ်ညှိုနှိုင်းရေးအဖွဲ့ JBC ကိုပြီးခဲ့တာ ဒီဇင်ဘာလ ၂၀ ရက်နေ့က နေပြည်တော်မှာ ဖွဲ့စည်းခဲ့တာဖြစ်ပါတယ်။

RFA Burmese
http://www.rfa.org/burmese



ထပ်ဆောင်း အသုံးစရိတ် ကျပ် ၁၆၉ ဘီလျံ ကို တိုင်းဒေသကြီး လွှတ်တော် သဘောတူ
၂ဝ၁၆-၁၇ ဘဏ္ဍာနှစ် အတွက် ရန်ကုန်တိုင်းဒေသကြီး အစိုးရအဖွဲ့ က ထပ်တိုး တောင်းခံ ထားတဲ့ ဖြည့်စွက် ဘတ်ဂျက်ငွေ ကျပ် ၁၆၉ ဘီလျံ ကို ပေးဖို့ တိုင်းဒေသကြီး လွှတ်တော်က သဘောတူ လိုက်ပါတယ်။

ဒီ ဘတ်ဂျက်ငွေ ကို ရန်ကုန်တိုင်း အစိုးရအဖွဲ့ရဲ့ အုပ်ချုပ်ရေး၊ ပညာရေး၊ ကျန်းမာရေး၊ စီမံကိန်း၊ စည်ပင် စတဲ့ ဌာနတွေမှာ မျှဝေ သုံးစွဲမှာ ဖြစ်ပါတယ်။

ထပ်တိုး ဘတ်ဂျက် နဲ့ပါဆိုရင် လက်ရှိ ရန်ကုန်တိုင်း အစိုးရ အဖွဲ့ဟာ စုစုပေါင်း အသုံးစားရိတ် ကျပ် ၅ဝ၅ ဘီလျံ ရရှိ တာ ဖြစ်ပါတယ်။

ဒေသန္တရ အစိုးရ အသုံးစရိတ် တွေကို ဆန်းစစ်ရာမှာ အရေးပါတဲ့ တိုင်းလွှတ်တော် ကော်မတီ ဖြစ်တဲ့ ပြည်သူ့ ငွေစာရင်း ကော်မတီကို ဦးဆောင်သူ ဦးတင့်လွင်က ရှေ့လာမယ့် ၂ဝ၁၇-၁၈ ဘဏ္ဍာနှစ် အတွက် ဘတ်ဂျက် ရေးဆွဲရာမှာ ကွင်းဆင်း စစ်ဆေး မှုတွေပါ ပြုလုပ်ပြီးမှ အတည် ပြုမယ်လို့ ဆိုပါတယ်။

၂၀၁၇-၁၈ ဘဏ္ဍာနှစ် အတွက် ရန်ကုန်တိုင်း အစိုးရရဲ့ ဘတ်ဂျက် လျာထား ထားတာကတော့ ၄၂၄.၂ ဘီလျံ ရှိမယ်လို့ ခန့်မှန်း ထားပြီး၊ အဲဒီ ပမာဏကို ၂ဝ၁၇ မတ်လကျရင် ရန်ကုန်တိုင်း လွှတ်တော်မှာ တောင်းခံမှာ ဖြစ်ပါတယ်။

BBC Burmese
http://www.bbc.com/burmese



ဇိုင်းအောင်စခန်းကနေထွက်ပြေးတိမ်းရှောင်လာတဲ့ စစ်ပြေးဒုက္ခသည်တွေ ဝိုင်းမော်မြို့သွားတဲ့ကားလမ်းမပေါ်မှာ စုဝေးနေကြစဉ်။ Photo: Joint Strategy Team - JST
ကချင်ပြည်နယ်၊ ဝိုင်းမော်မြို့နယ်က ဇိုင်းအောင်ဒုက္ခသည်စခန်းအနီးကို မနေ့ညက လက်နက်ကြီးတွေ ကျရောက်ခဲ့တာကြောင့် ဒုက္ခသည်စခန်းမှာနေထိုင် သူ နှစ်ထောင်ကျော်ဟာ စခန်းကိုစွန့်ခွာပြီး ထွက်ပြေး တိမ်းရှောင်နေကြပါတယ်။

ဝိုင်းမော်မြို့သွားတဲ့ကားလမ်းမပေါ်မှာ စုဝေးနေကြတယ်လို့ ဇိုင်းအောင်ဒုက္ခသည်စခန်း ကနေ ထွက်ပြေးတိမ်းရှောင်လာသူ ဒေါ်ခွန်ရာ က ပြောပါတယ်။

"တပ်မတော်က လက်နက်ကြီးတွေပစ်လို့ အဲ့ဒါကျလာလို့ အကုန်လုံးလန့်ပြီးမှ ထွက်ပြေးကြတယ်။ အခု Camp မှာလည်းနေလို့မဖြစ်လို့ ဒီမှာရွှေ့နေရတယ်။ ဝိုင်းမော်သွားတဲ့ကားလမ်းမှာပဲပုံနေတယ်။ ဟိုဘက်လည်း မသွားရ ဒီဘက်လည်း မရွှေ့ရ နောက်လည်းမဆုတ်ရဆိုပြီး ခလယ်မှာကြားမှာ ကျနေပြီ။ ဟိုးအရှေ့ဘက်မှာ တိုက်ပွဲဖြစ်နေလို့"

အစိုးရတပ်မတော်နဲ့ ကေအိုင်အေတို့ တိုက်ပွဲဖြစ်ပွားနေတဲ့ ပစ်ခတ်သံတွေကို ပြီးခဲ့တဲ့ ၃ လ လောက် ကတည်းက ဇိုင်းအောင်ဒုက္ခသည်စခန်းကနေ ကြားနေရပြီး အခုရက်ပိုင်း သုံးလေးရက်အတွင်းမှာ ပိုမိုပြင်းထန်လာတဲ့ အနေအထားရှိနေတယ်လို့ ဒေါ်ခွန်ရာ က ပြောပါတယ်။

မနေ့ညက စခန်းအတွင်းကိုကျတဲ့ လက်နက်ကြီးဟာ အစိုးရတပ်မတော်က ပစ်လိုက်တာ ဖြစ်နိုင်တယ် လို့လည်း ပြောပါတယ်။

တပ်မတော်က မြစ်ကြီးနား-ဗန်းမော်ကားလမ်းရဲ့ ၇ မိုင်အကွာအဝေးမှာ ရှိတဲ့ KIA တပ်မဟာ ၅ လက်အောက် တပ်ရင်း ၃ ဌာနချုပ်ရှိရာ လိုင်ဖောင်စခန်းကို မနေ့ညနေပိုင်းက သိမ်းပိုက်ခဲ့တယ်လို့ ကာကွယ်ရေးဦးစီးချုပ်ရုံးက သတင်းထုတ်ပြန်ထားပါတယ်။

မနေ့မနက်ပိုင်းကစပြီး လိုင်ဖောင်စခန်းကို လေကြောင်း၊ ခြေလျင်၊ အမြောက် ၊ တင်ကားနဲ့ လက်နက်ကြီးတွေ ပစ်ကူပြီး သိမ်းယူနိုင်ခဲ့တာဖြစ်တယ်လို့ သတင်းထုတ်ပြန်ချက်မှာ ပါရှိပါတယ်။

RFA Burmese
http://www.rfa.org/burmese


တရုတ်နိုင်ငံရဲ့ ပုံမှန်စစ်ရေးလေ့ကျင့်မှုတွေအတွင်း - ပထမဆုံး လေယာဉ်တင်သင်္ဘောက ဦးဆောင်တဲ့ စစ်သင်္ဘောအုပ်စုဟာ တောင်တရုတ် ပင်လယ်တွင်းက ထိုင်ဝမ်ကျွန်းတောင်ဘက်ကနေ ဖြတ်သန်းမောင်းနှင်ခဲ့ကြပြီးနောက် - တရုတ်ရဲ့ ခြိမ်းခြောက်မှုတွေ ကြီးထွားလာနေကြောင်းကို အင်္ဂါနေ့မှာပဲ ထိုင်ဝမ်ကာကွယ်ရေးဝန်ကြီးက သတိပေးလိုက်ပါတယ်။

အမေရိကန်ပြည်ထောင်စုရဲ့ ရွေးကောက်ခံသမ္မတ Donald Trump က - ထိုင်ဝမ်သမ္မတ Tsai Ing-wen ဆီက ထူးထူးခြားခြား ဖုန်းခေါ်မှုကို လက်ခံခဲ့တာကြောင့် တရုတ်နိုင်ငံကနေ သံတမန်နည်းလမ်းအရ ကန့်ကွက်တဲ့အထိ ကြုံခဲ့ရာက - သီတင်း ၃ ပတ်ကျော်အကြာ - တနင်္လာနေ့မှာပဲ - တရုတ်နိုင်ငံက စစ်ရေးလေ့ကျင့်မှုတွေကို လုပ်ဆောင်ခဲ့တာဖြစ်ပါတယ်။

Trump ရဲ့ ဆောင်ရွက်ချက်တွေကြောင့် - ၁၉၄၉ ခုနှစ် ပြည်တွင်းစစ်အဆုံးသတ်ချိန်ကစလို့ သီးခြားအုပ်ချုပ်မှုတွေ ရှိခဲ့ပေမဲ့လည်း - တရုတ်က သူတို့ပိုင်နယ်မြေအဖြစ် ပြောဆိုနေတဲ့ ထိုင်ဝမ်ကျွန်းအပေါ် ဖိအားတွေ တိုးလာနေတယ်လို့ ထိုင်ဝမ်မှာရှိတဲ့ နိုင်ငံရေးလေ့လာသူတွေက ယုံကြည်နေကြပါတယ်။

ရန်သူရဲ့ ခြိမ်းခြောက်မှုက တနေ့ထက်တနေ့ ကြီးထွားလာနေတယ်ဆိုတာ - အားလုံးကို သတိပေး ပြောကြားလိုကြောင်းနဲ့ ရှေ့တန်းမှာ အသက်မသေ ရှင်သန်နိုင်ဖို့လေးတင် မဟုတ်ဘဲ ရန်သူကို ချေမှုန်းပြီးတော့ တာဝန်ပြီးဆုံးအောင်မြင်အောင် လုပ်နိုင်ဖို့အတွက်ကိုလည်း စစ်သားတွေကို တိုးချဲ့သင်တန်းပေးဖို့ လိုအပ်တယ်လို့ ထိုင်ဝမ် ကာကွယ်ရေးဝန်ကြီး Feng Shih-kuan က အင်္ဂါနေ့ စစ်ဘက်ဆိုင်ရာ အခမ်းအနားတခုမှာ ပြောကြားခဲ့တဲ့ မိန့်ခွန်းအတွင်း ပြောဆိုခဲ့တာ ဖြစ်ပါတယ်။

တနင်္လာနေ့တုန်းက တရုတ်ရေတပ်သင်္ဘောတွေဟာ ထိုင်ဝမ်ကမ်းရိုးတန်းရဲ့ ၁၆၇ ကီလိုမီတာအကွာလောက်မှာ ခုတ်မောင်းခဲ့တာ ဖြစ်ပါတယ်။

ဗွီအိုအေ (မြန်မာပိုင်း)
http://burmese.voanews.com


ဈေးကွက်အတွင်း ရောင်းချနေတဲ့ တိုင်းရင်းဆေးတွေထဲမှာ မှတ်ပုံတင်ထားခြင်းမရှိတဲ့ တိုင်းရင်း ဆေးဝါး ၃၄ မျိုးထဲက ၁၉ မျိုးဟာ သုံးစွဲဖို့ မသင့်တဲ့ဆေးဝါးတွေဖြစ်နေကြောင်း ကျန်းမာရေးနဲ့ အားကစားဝန်ကြီးဌာနက ဒီနေ့ထုတ်ပြန်လိုက်ပါတယ်။

တိုင်းရင်းဆေးဝါးမှတ်ပုံတင်ထားခြင်းမရှိတဲ့ တိုင်းရင်းဆေး ၃၄ မျိုးကို စစ်ဆေးတွေ့ရှိထားပြီး ပထမဆုံး ၁၉ မျိုးကို ထုတ်ပြန်ကြေညာပေးတာ ဖြစ်တယ်လို့ ကျန်းမာရေးနဲ့အားကစားဝန်ကြီးဌာန တိုင်းရင်းဆေးပညာဦးစီးဌာန ညွှန်ကြားရေးမှူး ဒေါက်တာ မြင့်မြင့်သန်း က ပြောပါတယ်။

" အခုလောလောဆယ်မှာ အားလုံး ၃၄ မျိုး ထုတ်ပြန်ဖို့ရှိပါတယ်၊ ဒီနေ့ ၁၉ မျိုးပါသွားပြီဆိုတော့ ၁၅ မျိုး ကျန်သေးတယ်၊ အခုပထမအကြိမ်အနေ နဲ့ ဈေးကွက်က ကောက်လိုက်တယ်၊ ဒါတွေက မှတ်ပုံတင် မထားပါဘူးဆိုပြီး အများသိအောင်ကြေညာလိုက်တယ်ပေါ့၊ မှတ်ပုံတင်မထားဘူးဆိုလို့ရှိရင် ဒီဆေးရဲ့စစ်မှန်မှုပေါ့နော်၊ အဲဒီအတွက်ကို ကျွန်မတို့ အာမခံချက်မပေးနိုင်လို့ပါ။ "

အဲဒီတိုင်းရင်းဆေးဝါး ၁၉မျိုးကို ဒီကနေ့ အစိုးရသတင်းစာတွေမှာ ထုတ်ပြန်လိုက်တာဖြစ်ပြီး အပူငြိမ်းဆေး ၊ ၀မ်းပိတ်ဆေး၊ ယားနားလိမ်းဆေး ၊ ၀မ်းပိတ်၊ ၀မ်းမှန်ဆေးနဲ့ ချောင်းဆိုးပျောက် ဆေးတွေ ပါဝင်ပါတယ်။

RFA Burmese
http://www.rfa.org/burmese


ရဲစခန်းအချုပ်ခန်းများတွင် ပြစ်မှု ဖြင့် ၀င်လာသော အချုပ်သားသစ်အား တန်းစီး မှ ထိုးကြိတ်ခြင်း ၊ ရဲတပ်ဖွဲ့ဝင်များမှ နှိပ်စက်ခြင်းများ ပြုလုပ်ခွင့်မရှိပဲ တိုင်ကြားလာပါက စုံစမ်း၍ အရေးယူသွားမည်ဖြစ်ကြောင်း စစ်ကိုင်းတိုင်းဒေသကြီးအစိုးရအဖွဲ့ဝင် လုံခြုံရေးနှင့်နယ်စပ်ရေးရာ ၀န်ကြီး ဗိုလ်မှူးကြီး ကျော်သန့်နိုင် ကပြောကြားလိုက်သည်။

အချုပ်ခန်းများတွင် အသစ်ဝင်လာသော အချုပ်သားကို အရင်ရောက်နှင့်သော တန်းစီး အချုပ်သားမှ ထိုးကြိတ် ရိုတ်နှက်သော အကျင့်များ ရှင်သန်နေပြီး ထုးံစံအဖြစ် ဆယ်စုနှစ်သုးံစု ၀န်းကျင် အမြစ်တွယ်နေခြင်းကို လက်ရှိ တိုင်းအစိုးမှ မည်ကဲ့သို့ အရေးယူ စီမံခန့်ခွဲ ၍ ပြောင်းလဲမှု
ပြုလုပ်သွားမည်ကို သိရှိလိုကြောင်း မော်လိုက်မြို့နယ် မဲဆန္ဒနယ် (၂) မှ တိုင်းလွှတ်တော်အမတ် ဦးလှိုင်မြင့် က ဒုတိယအကြိမ်စစ်ကိုင်းတိုင်းလွှတ်တော် စတုတ္ထပုံမှန်အစည်းအဝေး တွင်မေးမြန်းခြင်းကို ၀န်ကြီးမှ ယင်းကဲ့သို့ဖြေကြားခဲ့ခြင်းဖြစ် သည်။

နယ်လုံ ၀န်ကြီး က "အချုပ်ခန်းအတွင်း တရားခံအချင်းချင်း ညှင်းပန်း နှိပ်စက်လေ့ရှိသော ကိုလိုနီ စနစ် အခေါ် တန်းစီး ဆိုသူ ကို လက်ရှိခန့်ထားခြင်း၊ ခိုင်းစေခြင်း လုးံဝ မရှိပါဘူး၊ အချုပ်တရားခံများ အချုပ်ခန်းအတွင်း အိပ်စက် အနားယူ ခြင်း၊ စားသောက်နေထိုင်ခြင်း၊ မိလ္လာနှင့် အညစ်အကြေးများ စွန့်ပစ်ခြင်း များဆောင်ရွက်ရာ မှာ နောက်ရောက်လာတဲ့ အချုပ်သားသစ်ကို အရင်ရောက်နေသူ တွေက ကျန်းမာရေးနဲ့ ညီစေဖို့ ရှင်းလင်းပြောပြတဲ့ အဆင့်လောက်သာ အခု
ပြုမှုဆောင်ရွက်နေပါတယ်၊ အချုပ်ခန်းထဲမှာ ရိုတ်နှက်အကြမ်းဖက်ခွင့် ကို တာဝန်ကျ ရဲကလည်း လက်ခံခွင့်ပြုမထားပါဘူး၊ "ဟု ပြောသည်။

၎င်းကဲ့သို့ထိုးကြိတ်ခြင်းကို အချုပ်ခန်းတာဝန်ရှိ ရဲများက လုပ်ငန်း အဆင်ပြေမှု သဘော အရ လက်ခံခွင့်ပြု ထားသကဲ့သို့ ဖြစ်နေကာ တရားရုးံ ဥပဒေ၊ ရဲလက်စွဲဥပဒေများနှင့် မညီကြောင်း၊ ကမ္ဘာ့ လူ့အခွင့်အရေးကြေညာစာတမ်း နှင့်လည်း မကိုက်ညီကြောင်း လွှတ်တော်ကိုယ်စားလှယ် က ဆိုသည်။

"ကိုလိုနီ လက်ထက်က ကို ဒီလို အမှုအကျင့် မရှိဘူး၊ လွတ်လပ်ရေးရပြီးနောက် ပါလီမာန်ဒီမိုကရေစီ ခေတ်နဲ့တစ်ပါတီ ဆိုရှယ်လစ် ခေတ်မှာလည်းမရှိဘူး၊ ၁၉၈၈ အရေးအခင်းကာလ နောက်ပိုင်းမှ ဒီလို အမှုအကျင့်ပေါ်လာတာ၊" ဟု ဦးလှိုင်မြင့်ကပြောသည်။

မြန်မာနိုင်ငံ ရဲတပ်ဖွဲ့ စည်းကမ်းထိန်းသိမ်းရေး ဥပဒေ အရ အကျဉ်းသား၊ အချုပ်သားတစ်ဦးက အခြားအချုပ်သားတစ်ဦးကို ရိုတ်ပုတ်ရန် (သို့)အခြားနည်းဖြင့် ညှင်းပန်း နှိပ်စက် ရန်ခိုင်းစေလျင်၊ ခွင့်ပြုလျင် ထိုသို့ ပြုနေသည်ကို ဟန့်တားရန် အရေးယူရန် ပျက်ကွက်လျင် ရဲတပ်ဖွဲ့ဝင် အားတရားရုးံက ပြစ်မှုထင်ရှားကြောင်း ပေါ်ပါက ထောင် သုးံနှစ်ထိဖြစ်စေ၊ လျော့သော ပြစ်ဒဏ်ဖြစ်စေ ထိုက်သင့်စေရမည်ဟု ပြဌာန်းထားကြောင်းသိရသည်။

အချုပ်ခန်းအတွင်း နှိပ်စက် ညှင်းပန်းမှု ရှိ ပါက ကာယကံရှင် သော်လည်းကောင်း၊ ကိုယ်စားလှယ် တစ်ဦးဦးကလည်း တိုင်တန်းပါက စစ်ဆေး၍ အရေးယူ ဆောင်ရွက် သွား မည်ဖြစ်ကြောင်း နယ်/လုံဝန်ကြီးကပြောသည်။

ကိုသစ္စာ-မုံရွာ
https://www.facebook.com/lusoe.gyi.372


၂၀၁၆ ခုနှစ်၊ ဒီဇင်ဘာလ ၂၈ ရက်။

ကချင်လွတ်လပ်ရေးတပ်မတော်(KIO/KIA) ၏ တပ်စခန်းတခုဖြစ်သည့် လိုင်ဖောင် တပ်စခန်းနှင့် အနီး တဝှိုက် အား အစိုးရတပ်မတော်မှ လေယာဉ်များဖြင့် လာရောက်ပစ်ခတ်မှုများ ပြုလုပ်နေပြီး အနီးအနားရှိ ဇိုင်းအောင် စစ်ရှောင်စခန်းအနီးတွင်လည်း လက်နက်ကြီးကျည်များ ကျရောက်လာသည့်အတွက် စစ်ရှောင်ဒုက္ခသည်များ ဗုံးခို ကတုတ်ကျင်းများတွင် ပုန်းခိုနေရသည် ဟု သိရသည်။

ဒီဇင်ဘာလ ၂၇ ရက်နေ့တွင် တနေ့လုံးနီးပါး အစိုးရတပ်မတော်မှ လိုင်ဖောင်တပ်စခန်းနှင့် အနီးတဝှိုက်အား လေယာဉ်များအသုံးပြုကာ လာရောက် ပစ်ခတ်နေသည်ဟု ဇိုင်းအောင် စစ်ရှောင်စခန်းမှ ဒုက္ခသည် တစ်ဦးက ပြောသည်။

“အခုလည်း ပစ်နေတယ်။ အသံတွေ ကြားနေရတယ်။ အခုကျမတို့ ကတုတ်ကျင်းထဲမှာ နေနေရတယ်။ လိုင်ဖောင် လည်း ကျသွားပြီးလို့ပြောတယ်။ ဒီညနေလောက်က။ သေချာတော့မသိသေးဘူး။ လေယာဉ်ပျံတွေနဲ့ လာပစ်တယ် လေ။ ဒီမနက်ကတည်းက။ မနက်ရော၊ နေ့လည်ရောပဲ၊ အသံတွေဆို ဆက်တိုက်ပဲ၊ အခုညပိုင်းက ပိုပြီး အသံတွေ ကြားရတယ် ပစ်နေကြတာ။ ည (၆) နာရီခွဲကစပြီး ပိုပြီး ပစ်လာတယ်။ လေယာဉ်သံတွေလည်း ကြားနေရတယ်။ ဆက်တိုက်ပဲ။” ဟု ဇိုင်းအောင် စစ်ရှောင်စခန်းမှ ဒုက္ခသည် တစ်ဦးက ပြောသည်။

ဒီဇင်ဘာလ ၁၆ ရက်နေ့တွင် ဂိဒေါင်စခန်းကျပြီးနောက် ဒီဇင်ဘာလ ၂၁ ရက်နေ့မှ စတင်ပြီး လိုင်ဖောင် တပ် စခန်းအား မြေပြင်ထိုးစစ်များ အပြင် လေယာဉ်များဖြင့် အစိုးရတပ်မတော်မှ ထိုးစစ်ဆင် တိုက်ခိုက်မှုများ ဒီဇင်ဘာလ ၂၇ ရက်နေ့ထိ ပြုလုပ်နေခြင်း ဖြစ်သည်ဟု သိရသည်။

“ဒီနေ့ဆိုပစ်နေတာ ဆက်တိုက်ပဲ၊ လေယာဉ်ပေါ်ကနေပစ်တော့ ကတုတ်ကျင်းတွေလည်း အကုန်ပျက်ကုန်ပြီ။ ပုန်း မယ့်နေရာတောင် မနည်းရှာရမှာ။ စခန်းနားတွေရော အကုန်လုံးပဲ။ အခုတလော ဆက်တိုက်ပဲ” ဟု စစ်ရှောင် တစ်ဦးက ပြောသည်။

လိုင်ဖောင် တပ်စခန်းအနီးတဝှိုက်တွင် မဂါးယန့်စစ်ရှောင်စခန်း၊ ဇိုင်းအောင် စစ်ရှောင်စခန်း၊ မိုင်တိုင်-၆၊ ဖရဲ့ (ခေါ်) မိုင်တိုင်-(၇) နှင့် မိုင်တိုင်-၈ စသည့် စစ်ရှောင်စခန်းတို့ တည်ရှိသည်ဟု သိရသည်။

ကချင်ပြည်နယ်အတွင်း ဖြစ်ပွားနေသည့် တိုက်ပွဲများနှင့် ပတ်သက်၍ နိုင်ငံတော်အတိုင်ပင်ခံရုံးကို စာရေး တင်ထားရာ တစုံတရာ အကြောင်းမပြန်သေးသည့်အတွက် ကချင်ငြိမ်းချမ်းရေးအကျိုးဆောင် အဖွဲ့ (PCG) အနေဖြင့် စောင့်ကြည့်နေစဲအနေအထားမျိုးသာ ဖြစ်နေသည် ဟု ပြောသည်။

“စောင့်ကြည့်နေစဲပဲ၊ နိုင်ငံတော် အတိုင်ပင်ခံကိုလည်းပဲ စာရေးတယ်၊ ဒီဖက်မှာ တိုက်ပွဲတွေ ကြီးကြီးကျယ်ကျယ် စဖြစ်ကတည်းက စာတင်ထားတာ ရှိပါတယ်။ အဲ့ဒါလည်း ဘာမှလည်း အကြောင်းပြန်လာတာ မရှိဘူး ဆိုတဲ့အခါ ကြတော့ အစိုးရသဘောက ဘယ်လိုရှိတယ်၊ ငြိမ်းချမ်းရေး ဆက်သွားမယ့် သဘော ရှိမရှိ မသိတဲ့အခါကြတော့ ကျနော်တို့ မီးစင်ကြည့်ကရတဲ့ အနေအထားမျိုး၊ စောင့်ကြည့်ရတဲ့ အနေအထားမျိုးတော့ ရှိပါတယ်။” ဟု PCG မှ ငြိမ်းချမ်းရေးအကျိုးဆောင် ဦးဆမ်အောင်မှ ဒီဇင်ဘာ (၂၁) ရက်နေ့က သတင်းနှင့်မီဒီယာ ကွန်ရက် သို့ ပြော သည်။

လက်ရှိအနေအထားတွင် ကချင်ပြည်နယ်အတွင်း အစိုးရတပ်မတော်မှ တပ်အင်အားများ ထပ်မံထိုးချဲ့ ထား သည်ဟု PCG မှ ငြိမ်းချမ်းရေးအကျိုးဆောင် ဦးဆမ်အောင်က “ကချင်က ငြိမ်းချမ်းရေးအခြေအနေကတော့ အစိုး ရရဲ့ ထိုးစစ်ဆက်သွားတယ်၊ ရပ်ဆိုင်းတယ်အပေါ်မှာ အရမ်း မူတည်တယ်။ လက်ရှိအနေ အထားကတော့ တပ် အင်အားတွေကလည်း တောက်လျှောက်တိုးချဲ့နေတယ် လို့ သိရတယ်။” ဟု သတင်းနှင့်မီဒီယာ ကွန်ရက်သို့ ဆက် ပြောသည်။

ကချင်ပြည်နယ် ဝိုင်းမော်မြို့နယ်အတွင်းရှိ KIA တပ်စခန်း လိုင်ဖောင်နှင့် အနီးပတ်ဝန်းကျင် စခန်းငယ်များအား မြန်မာ့တပ်မတော် စစ်ကြောင်းမှ သိမ်းပိုက်ရရှိခဲ့သည်ဟု တပ်မတော်ကာကွယ်ရေးဦးစီးချုပ်ရုံးမှ ဒီဇင်ဘာလ ၂၇ ရက်နေ့ ညပိုင်းတွင် သတင်း ထုတ်ပြန်ထားသည်။

မြန်မာ့တပ်မတော်မှ လေကြောင်းနှင့် ခြေလျင်၊ အမြောက်၊ တင့်၊ လက်နက်ကြီးများဖြင့် ပစ်ကူ၍ ဒီဇင်ဘာလ ၂၇ ရက်နေ့ ညနေ (၃) နာရီခွဲအချိန်တွင် ပထမဆုံးစခန်းကို သိမ်းပိုက်ရယူခဲ့ခြင်းသည်ဟု အဆိုပါ သတင်းထုတ်ပြန် ချက်တွင် ဖော်ပြထားသည်။

နိုဝင်ဘာလ ၂၀ ရက်နေ့တွင် ကချင်လွတ်မြောက်ရေးတပ်မတော် (KIA) ပါဝင်သော မြန်မာပြည်မြောက်ပိုင်း မဟာမိတ်အဖွဲ့နှင့် မြန်မာ့တပ်မတော်တို့အကြား တိုက်ပွဲများ ဖြစ်ပွားခဲ့ပြီးနောက် ယခုကဲ့သို့ KIA တပ်စခန်းများ အား မြန်မာ့တပ်မတော်မှ ထိုးစစ်ဆင် သိမ်းပိုက်လာခြင်းဖြစ်သည်။

ဒီဇင်ဘာလ ၁၆ ရက်နေ့တွင် KIA ၏ အရေးပါသည့် ရှေ့တန်းတပ်စခန်း တခုဖြစ်သည့် ဂိဒေါင်စခန်းအား မြေပြင် ထိုးစစ်များအပြင် လေကြောင်း စစ်ဆင်ရေးများဖြင့် တိုက်ခိုက်သိမ်းပိုက်ခဲ့သည်။

သတင်းနှင့်မီဒီယာ ကွန်ရက်။
http://www.nmg-news.com



ကုန်သည်စက်မှုအသင်းချုပ်၏ ထုတ်ပြန်ချက်အားတွေ့ရစဉ် (ဓာတ်ပုံ-- UMFCCI)
    ရန်ကုန်၊ ဒီဇင်ဘာ ၂၈ ရက် (ဆင်ဟွာ)

    မြန်မာငွေကျပ်တန်ဖိုးသည် ၂၀၁၆ ခုနှစ် အောက်တိုဘာလမှ ဒီဇင်ဘာလအတွင်း ၁၇ ရာခိုင်နှုန်း ကျဆင်းခဲ့ကြောင်း၊ အဆိုပါ နိုင်ငံခြားငွေကြေးလဲလှယ်နှုန်းများ မြင့်တက်နေခြင်း အခြေအနေသည် မြန်မာ့စီးပွားရေးကဏ္ဍအပေါ် ထိခိုက်စေမှုများ ဖြစ်ပေါ်စေလျက်ရှိပြီး ပြည်တွင်းအထွေထွေ ကုန်ဈေးနှုန်းများ မြင့်တက်လာနိုင်သည် ဖြစ်ပါသဖြင့် ငွေလဲနှုန်းများ ပြန်လည်တည်ငြိမ် လာစေရေး အတွက် ကုန်သည်စက်မှု အသင်းချုပ်(U.M.F.C.C.I) မှ နိုင်ငံတော်အစိုးရသို့ အကြုံပြုတိုက်တွန်းချက်များ အစီရင်ခံစာကို ပေးပို့မည်ဖြစ်ကြောင်း ကုန်သည်စက်မှုအသင်းချုပ်မှ သတင်းထုတ်ပြန်သည်။

ကုန်သည်စက်မှုအသင်းချုပ်အနေဖြင့် နိုဝင်ဘာလ ၂၃ ရက်နေ့တွင် အသင်းချုပ် အကြံပေး ပုဂ္ဂိုလ်များ၊ မြန်မာနိုင်ငံ ဘဏ်လုပ်ငန်းရှင်များအသင်း၊ ပုဂ္ဂလိက ဘဏ်လုပ်ငန်းရှင်များ၊ စီးပွားရေးပညာရှင်များနှင့် တစ်ကြိမ်၊ ဒီဇင်ဘာလ ၁၉ ရက်နေ့တွင် အသင်းချုပ်အကြံပေးပုဂ္ဂိုလ်များနှင့် တစ်ကြိမ်တွေ့ဆုံကာ နိုင်ငံခြားငွေလဲလှယ်နှုန်း မြင့်တက်နေခြင်းအခြေအနေ၊ အကြောင်းအရင်းများနှင့် တည်ငြိမ်စေရေးအတွက် ဆောင်ရွက်ရမည်များကို ဆွေးနွေးခဲ့ကြကြောင်း၊ အဆိုပါဆွေးနွေးပွဲများ၏ ရလာဒ်များကို အခြေခံပြီး နိုင်ငံတော်အစိုးရ ရေတို ရေရှည် ဆောင်ရွက်ရမည့် လုပ်ငန်းစဉ်များနှင့် ပြုပြင်ပြောင်းလဲမှုများကို စနစ်တကျ ပြုစုကာ အကြံပြုစာ ပေးပို့မည်ဖြစ်ကြောင်း သိရသည်။

လက်ရှိငွေလဲနှုန်းများမြင့်တက်နေခြင်းသည် မြန်မာ့ဈေးကွက်အတွင်း နိုင်ငံခြားငွေ ဝယ်လိုအားနှင့် ရောင်းလိုအား ကွာဟမှု မြင့်မားနေခြင်းကြောင့် အမေရိကန်ဒေါ်လာ တန်ဖိုး မြင့်တက်လာကာ မြန်မာကျပ်ငွေတန်ဖိုး ကျဆင်းလာသောကြောင့် ဖြစ်ကြောင်း၊ အဓိက အကြောင်းရင်းများအားဖြင့် ကုန်သွယ်မှုလိုငွေမြင့်မားနေခြင်း၊ တရားမဝင် ငွေကြေးဈေးကွက် အားကောင်းနေခြင်းနှင့် ဒေါ်လာဈေးကစားကြသူများကြောင့် ဖြစ်ကြောင်း သတင်းထုတ်ပြန်ချက်ထဲတွင် ပါရှိသည်။

ဗဟိုဘဏ်အနေဖြင့် လိုအပ်ပါက Free Floating Exchange Rate အစား Managed Floating Exchange Rate စနစ်ကို ပြောင်းလဲ ကျင့်သုံးသင့်ပြီး ငွေကြေးဈေးကွက် မတည်ငြိမ်မှုများအား ပျော့ပျောင်းသောနည်းဖြင့် ထိန်းညှိပေးရန်၊ဗဟိုဘဏ်မှ ငွေကြေးဈေးကွက်အား လိုအပ်ပါက ဝင်ရောက် ထိန်းညှိမည်ဖြစ်ကြောင်း ငွေကြေး ဈေးကစား သူများအား သတိပေးသည့်အနေဖြင့် ကျယ်ကျယ်ပြန့်ပြန့် ကြေညာရန်၊ငွေကြေးဈေးကွက်အတွင်း ဈေးနှုန်းထိန်းညှိခြင်း ပိုမိုလွယ်ကူစေရန် တရားမဝင် ငွေကြေးဈေးကွက်အား တိုက်ဖျက်၍  ဘဏ်လုပ်ငန်းများနှင့် အသုံးပြုသူများအကြားသာ တိုက်ရိုက် အရောင်းအဝယ်ပြုစေရန်၊ နိုင်ငံခြားဘဏ်အကောင့်မှ တစ်နေ့လျှင် အများဆုံး ကန်ဒေါ်လာ ၅၀၀၀ ဖြင့် တစ်ပတ်လျှင် နှစ်ကြိမ်သာ ငွေထုတ်ယူရန် သတ်မှတ်တားမြစ်ထားမှုအား ချက်ချင်း ပယ်ဖျက်ရန် ဟူ၍ ငွေကြေးဈေးကွက်ဆိုင်ရာ အကြံပြုချက်အား သတင်းထုတ်ပြန်ချက်ထဲတွင် ပါရှိသည်။

 ကျပ်ငွေ ဝယ်လိုအားမြှင့်တင်နိုင်ရန် ဝန်ဆောင်မှုလုပ်ငန်းများနှင့် ကုန်ထုတ်လုပ်ငန်းများ၏ ငွေလွှဲပေးချေမှုတွင် ကျပ်ငွေကိုသာ အသုံးပြုရေး မူဝါဒများ ချမှတ်ရန် (ဥပမာ - ဟိုတယ်နှင့် စားသောက်ကုန်လုပ်ငန်း၊ လေကြောင်းခရီးစဉ်၊ အကြံပေးဝန်ဆောင်မှု၊ လူသုံးကုန်ထုတ်လုပ်ငန်းနှင့် လစာများပေးချေခြင်း များတွင်)အကြွေးဝယ်ကဒ် (Credit Card) များ အသုံးပြု၍ ကျပ်ငွေလွှဲပြောင်းမှုများ တိုးမြင့်လာစေရေး အစိုးရမှ တွန်းအားပေးရန်  ဟူ၍ အကြံပြုထားသည်။

(Xinhua)
http://www.xinhuamyanmar.com



တီဘီရောဂါဖြင့် ဆေးကုသရန်လာသူ အမျိုးသမီးကို ပြည့်တန်ဆာအဖြစ် ခိုင်းစေ၍ ခေါင်းပုံဖြတ်သူ ၄ ဦးအား အမှုဖွင့် အရေးယူ
တီဘီရောဂါကြောင့်ဆေးကုသရန်လာရောက်သည့် အသက် ၃၂နှစ်အရွယ် အမျိုးသမီးကို ပြည်တန်ဆာအဖြစ်ခိုင်းစားသူများအား ဘုရင့်နောင်နယ်မြေရဲစခန်းက အမှုဖွင့်အရေးယူထားကြောင်း သိရသည်။

ဖြစ်စဉ်မှာ စမ်းချောင်းမြို့နယ်နေထိုင်သူ အသက် ၃၂နှစ်အရွယ် အမျိုးသမီးတဦးသည် ပြီးခဲ့သည့် ၂၀၁၅ ဇူလိုင်လက တီဘီရောဂါဖြင့်ဆေးကုသမှုခံယူရန် မရမ်းကုန်းမြို့နယ်ရှိဆေးခန်းသို့ လာရောက်စဉ် မအေးမာဆိုသူနှင့်တွေ့ဆုံခဲ့ပြီး မအေးမာက ၎င်းတွင်စားသောက်ဆိုင်ရှိပြီး ယင်းဆိုင်တွင် အလုပ်လုပ်ကိုင်မည်ဆိုပါက ကျပ်နှစ်သောင်းပေးမည်ဟုဆိုကာ ယုံကြည်အောင်ပြောဆိုသဖြင့် လိုက်ပါခဲ့ကြောင်း၊ မအေးမာ၏အိမ်တွင်နေထိုင်စဉ် မအေးမာ၏မောင် တင်မောင်လတ်ဆိုသူက ပြည့်တန်ဆာဖြစ်စေခိုင်းသဖြင့် ၁၅ ရက်ခန့်လုပ်ကိုင်ခဲ့ရပြီး ရရှိသည့်ငွေများကိုလည်း တင်မောင်လတ်က ရယူထားကာ ထွက်ပြေးပါက ရိုက်နှက်ပြီးထောင်သိုပို့မည်ဟု ခြိမ်းခြောက်ပြောဆိုခဲ့ကြောင်း ကာယကံရှင် အမျိုးသမီး၏တိုင်ကြားထွက်ဆိုချက်အရ သိရသည်။

ယင်းနောက် မအေးမာကလည်း အဆိုပါအမျိုးသမီးကို ပခုက္ကူမြို့ ၊ မြင်သာရပ်ကွက်ရှိ ဒေါ်ရင်ရင်စိုးနှင့် ၎င်း၏ခင်ပွန်းထံသို့ ငွေကျပ် ၃ သိန်းယူ၍ ပို့ဆောင်ခဲ့ကြောင်း၊ ဒေါ်ရင်ရင်စိုး၏နေအိမ်မှာ ပြည့်တန်ဆာအိမ်ဖြစ်ပြီး ၎င်းအားလည်း ပြည့်တန်ဆာအဖြစ်စေခိုင်းခြင်းကြောင့် ၅ လခန့်လုပ်ကိုင်ခဲ့ရသည်ဆိုသည်။

ရရှိသည့်ငွေများကိုလည်း အိမ်ရှင်လင်မယားနှစ်ဦးကရယူခဲ့ပြီး မလုပ်ကိုင်လိုသဖြင့် ထွက်ပြေးရာတွင် ဆိုင်ကယ်ဖြင့်လိုက်လံဖမ်းဆီးကာ ရိုက်နှက်ပြီး ပြည်တန်ဆာအဖြစ် ဆက်လက်ခိုင်းစေခဲ့ကြောင်း၊ နောက်ဆုံးတွင် မိမိမှာ တီဘီရောဂါဖြင့် ကျန်းမာရေးမကောင်းကြောင်း ပြောဆိုတောင်းပန်ခဲ့ရာမှ ပြန်လာခွင့်ရခဲ့ကြောင်း ရဲမှတ်တမ်းအရ သိရသည်။

ထိုသို့ မိမိကို ပြည့်တန်ဆာအဖြစ်ခိုင်းစေကာငွေကြေးခေါင်းပုံဖြတ်ခဲ့သူများအား အရေးယူပေးရန် ဒီဇင်ဘာ ၂၅ ရက်နေ့က တိုင်ကြားသောကြောင့် မအေးမာ၊ တင်မောင်လတ်၊ ဒေါ်ရင်ရင်စိုးနှင့်၎င်း၏ခင်ပွန်းတို့ ၄ ဦးကို ဘုရင့်နောင်နယ်မြေရဲစခန်းက (ပ) ၁၀၅၀/၁၆ လူကုန်ကူးမှုတားဆီးကာကွယ်ရေးဥပဒေပုဒ်မ ၂၄/၃၂ အရ အမှုဖွင့်အရေးယူထားကြောင်း သိရသည်။

ကိုရဲ
News Watch
https://www.facebook.com/NewsWatchJournal/



ခရစ္စမတ် ပွဲတော် အတွင်း ချီကာဂို ရှိ နေရာ တစ်နေရာ အားမြင်တွေ့ရစဉ်(ဆင်ဟွာ)
    ချီကာဂို ၊ ဒီဇင်ဘာ ၂၈ ရက်(ဆင်ဟွာ)

    အမေရိကန် နိုင်ငံ ချီကာဂို မြို့၏ ပြီးခဲ့သည့် ခရစ္စမတ် ပွဲတော် သီတင်းပတ် အပြီးတွင် လူပေါင်း ၆၁ ဦး သေနတ် ပစ်ခတ်မှု ကို ထပ်မံ ခံခဲ့ရပြီး ထိုအတွင်း မှ ၁၁ ဦးမှာ သေဆုံး ခဲ့ရသည်။ဤဖြစ်ရပ်ကြောင့် ချီကာဂို မြို့၏ ယခုနှစ် အတွင်း သေနတ် ပစ်ခတ်မှု ခံခဲ့ရသူ စာရင်းမှာ ၄၃၀၀ ဦးထက်ကျော်လွန် သွားကာ ပစ်ခတ်ခံရသူများအနက် သေဆုံးခဲ့သူမှာ ၇၇၀ ဦး ရှိခဲ့သည်။

ချီကာဂို အခြေစိုက် သတင်း ဌာန သို့ ၂၇ ရက်နေ့က ရဲဌာန မှပေးပို့ခဲ့သည့် အချက်အလက် အရ ဖော်ပြခဲ့သော သတင်း တွင် ယခု နှစ် သေနတ်ပစ်ခတ်မှုများ ကြောင့် ထိခိုက်သေဆုံး ခဲ့သူ စာရင်းသည် ယမန်နှစ် ၏ စုစုပေါင်း စာရင်းထက် များစွာ ကျော်လွန်ခဲ့သည်။၂၀၁၅ ခုနှစ်တွင် အမေရိကန် နိုင်ငံ ချီကာဂို မြို့တွင် သေနတ်ပစ်ခတ်မှု ပေါင်း ၂၉၈၉ မှု ဖြစ်ပွား ခဲ့ပြီး ၄၉၂ ဦး သေဆုံး ခဲ့ရသည်။

ချီကာဂို ရဲဘက်ဆိုင်ရာ တာဝန်ရှိသူ Eddie Johnson မှ သေနတ်ပစ်ခတ်မှု များသည် အဓိက အားဖြင့် ဒုစရိုက်ဂိုဏ်း များ ပေါများသည့် မြို့၏ အနောက်ပိုင်း နှင့် တောင် ပိုင်းတွင် ဖြစ်ပွား ခဲ့ကြောင်း ၊ ထိခိုက်သေဆုံး ခဲ့သူများသည်လည်း အများစုမှာ ဒုစရိုက်ဂိုဏ်း အဖွဲ့ဝင် များဖြစ်ကာ အပြစ်မဲ့ သာမန် ပြည်သူများလည်း ထိခိုက်သေဆုံး ခဲ့ရကြောင်း ပြောကြား ခဲ့သည်။

အမေရိကန် နိုင်ငံ ၏ တတိယ အကြီးဆုံး မြို့ဖြစ်သည့် ချီကာဂို မြို့သည် လူဦးရေ အားဖြင့် ၂.၇ သန်းကျော် ရှိကြောင်း သိရသည်။ လေ့လာသုံးသပ်သူများက ချီကာဂို တွင် ဖြစ်ပွား ခဲ့သည့် အမှုခင်းများ သည် အဓိက အားဖြင့် ပညာအရည်အချင်း နိမ့်ပါးသည့် အာဖရိက လူမျိုးစု များ နေထိုင်ရာ ဆင်းရဲနွမ်းပါးသည့် ရပ်ကွက်များ တွင် ဖြစ်ပွား ခဲ့ကြကြောင်း ၊ ထို့ပြင် ချီကာဂို မြို့၏ ရဲဝန်ထမ်း အင်အား မလုံလောက်မှု နှင့် တရားမဝင် သေနတ် ကိုင်ဆောင်သူ များအပေါ် အရေးယူမှု ပေါ့လျှော့ခြင်း စသည်တို့ကြောင့် သေနတ်ပစ်ခတ်မှုဖြစ်ပွားနှုန်း အဆက်မပြတ်မြင့်မားခဲ့ကြောင်း ပြောကြား ခဲ့သည်။

(Xinhua)
http://www.xinhuamyanmar.com


သမီးရည်းစားဘ၀တွင် အတူနေထိုင်ပြီး လက်မထပ်သည့် အမျိုးသားများ ကို ထောင်ဒဏ်ငါးနှစ်နှင့် အထက် အရေးယူနိုင်သည့် ဥပဒေ ရေးဆွဲပြဋ္ဌာန်း သွားမည် ဖြစ်ကြောင်း ဒီဇင်ဘာ ၂၇ ရက်က ပြုလုပ်သည့် မြန်မာနိုင်ငံ လုံးဆိုင်ရာ အမျိုးသမီးရေးရာ ကော်မတီ အစည်းအဝေးနှင့် ကလေးသူငယ် အခွင့်အရေးများဆိုင်ရာ အမျိုးသား ကော်မတီ အစည်းအဝေး ပွဲမှ သိရသည်။

“ငါးနှစ်နဲ့ အထက်ပေါ့နော်။ အကယ်၍များ အမျိုးသမီးလေးမှာ ကိုယ်ဝန်ပါ ရှိသွားမယ်ဆိုရင် အဲ့ဒီအမျိုးသားဟာ အနည်းဆုံး ထောင်ဒဏ်ခုနစ်နှစ်ဆိုပြီး ကျွန်မတို့က အဲ့လိုမျိုး ထည့်သွင်းထားပါတယ်” ဟု လူမှုဝန်ထမ်းဦးစီးဌာန ညွှန်ကြားရေးမှူး ဒေါ်နော်သ၀ါက မီဒီယာများသို့ပြောသည်။

အမျိုးသမီးများအပေါ် အကြမ်းဖက်မှု ကာကွယ်ရေး အထူးဥပဒေကို လာမည့် လွှတ်တော် အစည်းအဝေးတွင် အတည်ပြုပြဋ္ဌာန်းနိုင်ရန် ဆောင် ရွက်နေကြောင်း သိရသည်။ ယင်းဥပဒေအရ အမျိုးသမီးတစ်ဦး စိတ် အနှောင့်အယှက် ဖြစ်စေရန် အနောက်မှလိုက်၍ စကားပြောလျှင် လည်း ပြစ်ဒဏ်မြောက်သည်ဟု ထည့်သွင်းထားကာ လက်ရှိအချိန်တွင် အမျိုးသမီးများသည် အကြမ်းဖက်ခံရပြီး လူတောမတိုးရဲသည့် အခြေ အနေ ဖြစ်လာခြင်းကြောင့် အမျိုးသမီးများကို အကာအကွယ်ပေးသည့် ဥပဒေရေးဆွဲနေခြင်း ဖြစ်ကြောင်းသိရသည်။

“အမျိုးသမီးတွေကို ညှဉ်းပန်းနှိပ်စက်နေတာ၊ အကြမ်းဖက်နေတာ မျိုးစုံရှိ တယ်။ ရုပ်ပိုင်းဆိုင်ရာ ကွဲရှ ထိခိုက်သွားမှ မဟုတ်ဘူး၊ စိတ်ပိုင်းဆိုင်ရာတွေ လည်း အများကြီးရှိတယ်” ဟု လူမှုဝန်ထမ်းဦးစီးဌာန ခေတ္တညွှန်ကြားရေး မှူး ဒေါက်တာစန်းစန်းအေးက မီဒီယာများသို့ ပြောသည်။

အမျိုးသမီးများအပေါ် အကြမ်းဖက်မှု တားဆီးကာကွယ်ရေး ဥပဒေကို အတည်ပြုနိုင်ရေး ဆောင်ရွက်လျက်ရှိပြီး အမျိုးသမီးများကို ရှုထောင့်ပေါင်း စုံမှ ကာကွယ် စောင့်ရှောက်ပေးနိုင်ရန် ရေးဆွဲ ထားခြင်း ဖြစ်ကြောင်း မြန်မာနိုင်ငံ လုံးဆိုင်ရာ အမျိုးသမီးရေးရာ ကော်မတီ ဥက္ကဋ္ဌ၊ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေး ၀န်ကြီးဌာန၊ ပြည်ထောင်စုဝန်ကြီး ဒေါက်တာဝင်းမြတ်အေးက ပြောကြားသည်။

အဆိုပါဥပဒေကို အတည်ပြုပြဋ္ဌာန်းပြီးပါက တိုင်းဒေသကြီးနှင့် ပြည် နယ်ဒေသရှိ အောက်ခြေကျေးရွာများအထိ အမျိုးသား၊ အမျိုးသမီးများကို အသိပညာပေးရန် ဆောင်ရွက်ထားကြောင်းလည်း သိရသည်။

ဇော်မင်းထွန်း
Photo - Relief and Resettlement Department - Myanmar
The Ladies News
https://www.facebook.com/News.TheLadies



မွတ်စလင်တွေကို အဝတ်အထည်တွေ လှူဒါန်းနေတာ တွေ့ရစဉ်။ Photo: The Star Online
မလေးရှားနိုင်ငံကနေ ရခိုင်ပြည်နယ် ဘူးသီးတောင်နဲ့ မောင်တောမြို့နယ်က မွတ်စလင်တွေကို အကူအညီပေးမယ့် ရေယာဉ်ကိစ္စနဲ့ ပတ်သက်ပြီး မြန်မာ အစိုးရကို ခွင့်တောင်းတာ မရှိသလို တရားမဝင် ဝင်ရောက်လာမယ်ဆိုရင်လည်း မြန်မာအစိုးရအနေနဲ့ လက်ခံမှာ မဟုတ်ဘူးလို့ နိုင်ငံတော် သမ္မတရုံး ပြောရေးဆိုခွင့်ရှိသူ ဦးဇော်ဌေး က ပြောပါတယ်။

မလေးရှားနိုင်ငံအခြေစိုက် The Star Online သတင်းဌာနရဲ့ အင်တာနက်စာမျက်နှာမှာ ဖေါ်ပြထားတဲ့ မလေးရှားနိုင်ငံက ဘာသာရေးအဖွဲ့အစည်းတွေရဲ့ အကူအညီတွေကို သယ်ဆောင်လာမယ် ဆိုတဲ့သတင်းနဲ့ ပတ်သက်ပြီး ဆက်သွယ်မေးမြန်းရာမှာ ဦးဇော်ဌေး က ပြောတာ ဖြစ်ပါတယ်။

"အစ္စလာမ်မစ် ဘာသာရေးအဖွဲ့အစည်း ကနေပြီးတော့ မလေးရှားမှာရှိတဲ့ မြန်မာနိုင်ငံသံရုံးကို သော်လည်းကောင်း မြန်မာနိုင်ငံ အစိုးရကို သော်လည်းကောင်း တစုံတရာခွင့်ပြုချက်တောင်းခံထားတဲ့ သတင်းအချက်အလက် ကျနော်တို့မရဘူး။ အဲ့တော့ သူများနိုင်ငံပိုင်နက်ထဲမှာရှိတဲ့ နေရာတစ်ခုကို အခြားနိုင်ငံက ဘာသာရေး အဖွဲ့အစည်းက မိမိသဘောနဲ့မိမိ လုပ်ချင်တယ်ဆိုလုပ်လို့ရမလား။ ကျနော်တို့က မလေးရှား အစ္စလာမ်မစ် အဖွဲ့အစည်းကို ကျနော်တို့ပြန်မေးရမယ်။ မလေးရှားနိုင်ငံရဲ့ ပိုင်နက်နယ်မြေ တစ်ခုခု အဲမှာရှိတဲ့ ဒေသတစ်ခုခုကို ကျနော်တို့က အဲ့လိုသွားလုပ်မယ်ဆိုရင် ဘယ်အစိုးရမှ လက်မခံဘူး။ မလေးရှားလည်း လက်မခံဘူး။"

အဲဒီရေယာဉ်ဟာ မလေးရှားနိုင်ငံကနေ လာမယ့်ဇန်န၀ါရီလ ၁၀ ရက်နေ့မှာ ထွက်ခွာလာပြီး ၂ ပတ်ကြာတဲ့အခါ မလေးရှားကို ပြန်ရောက်မယ်လို့ ဆိုပါတယ်။ မြန်မာနိုင်ငံကိုရောက်တဲ့အခါ ကြုံတွေ့နိုင်တဲ့ အခြေအနေ ၃ ခုရှိပြီး ပထမအခြေအနေက အကူအညီတွေပေးခွင့်ရနိုင်ကြောင်း ၊ ဒုတိယအခြေ အနေက ပြန်ပို့ခံရနိုင်ကြောင်းနဲ့ တတိယအခြေအနေက လုံခြုံရေးအဖွဲ့တွေရဲ့ တိုက်ခိုက်ခြင်းကို ခံရနိုင်ကြောင်း ဖော်ပြထားတာဖြစ်ပါတယ်။

ဦးဇော်ဌေးက မလေးရှားက ကူညီထောက်ပံ့ရေး ရေယာဉ်တွေဟာ မြန်မာအစိုးရရဲ့ တရားဝင် ခွင့်ပြုမှုကိုမရဘဲ ဝင်ရောက်လာမယ်ဆိုရင် သူတို့မျှော်မှန်းထားတဲ့ အချက်တွေထဲက ဒုတိယအချက်နဲ့ တတိယအချက်တွေနဲ့ ကြုံတွေ့ရနိုင်တယ်လို့ ပြောပါတယ်။

RFA Burmese
http://www.rfa.org/burmese


ကမ္ဘာကျော် ဟောလီးဝုဒ်ရုပ်ရှင် Star Wars ဇာတ်ကားတွဲမှာ မင်းသမီး Leia အဖြစ် ပါဝင်သရုပ်ဆောင်ခဲ့ရာက နာမည်ကြီး လူသိများလာခဲ့တဲ့ ရုပ်ရှင်သရုပ်ဆောင် မင်းသမီး Carrie Fisher ဟာ အသက် ၆၀ အရွယ်မှာ ကွယ်လွန်သွားပါပြီ။

ပြီးခဲ့တဲ့ သီတင်းပတ်က Los Angeles မြို့ကို ပျံသန်းတဲ့ လေယာဉ်ပေါ်မှာ လိုက်ပါလာရင်း - လေယာဉ်မဆင်းခင် ၁၅ မိနစ်လောက်မှာ ရုတ်တရက် နှလုံးရောဂါဝေဒနာကို ခံစားခဲ့ရတာပါ။ မင်းသမီး Fisher ကိုတော့ လေယာဉ်ပေါ်မှာ လိုက်ပါလာတဲ့ ဆေးမှူးတဦးက - ဆေးရုံမပို့နိုင်ခင် အချိန်အထိ အရေးပေါ် ပြုစုကုသမှုပေးခဲ့ပါတယ်။ တနင်္ဂနွေနေ့ကတော့ - မိသားစုဝင်တွေက ကျန်းမာရေး ပြန်လည် တည်ငြိမ်လာနေပြီဖြစ်ကြောင်း ပြောဆိုခဲ့တာပါ။

အင်္ဂါနေ့က မင်းသမီး Fisher ကွယ်လွန်ကြောင်း ကြေညာချက်ကိုတော့ - သမီးဖြစ်သူ Billie Lourd က ပြောခွင့်ရပုဂ္ဂိုလ်ကတဆင့် ကြေညာချက်ထုတ်ပြန်ခဲ့ပါတယ်။

၁၉၅၀ ပြည့်လွန်နှစ်တွေက ဟောလီးဝုဒ်ရုပ်ရှင်လောကရဲ့ အသည်းကျော်တွေဖြစ်ခဲ့တဲ့ မင်းသမီး Debbie Reynolds နဲ့ အဆိုတော် Eddie Fisher တို့ရဲ့ သမီး မင်းသမီး Carrie Fisher ဟာ ၁၉၇၅ ခုနှစ်မှာ မင်းသား Warren Beatty နဲ့ တွဲသရုပ်ဆောင်ခဲ့တဲ့ Shampoo ဇာတ်ကားဟာ လူကြိုက်များခဲ့ပါတယ်။

အလားတူ Austin Powers, The Blues Brothers, Hannah and Her Sisters, နဲ့ When Harry Met Sally ရုပ်ရှပ်ဇာတ်ကားတွေ အပါအ၀င် တခြား လူကြိုက်များခဲ့တဲ့ ရုပ်ရှင်ကားတွေမှာလည်း ပါဝင် သရုပ်ဆောင်ခဲ့ပါတယ်။ ဒါပေမဲ့လည်း ၁၉၇၇ ခုနှစ်က မူရင်း Star Wars ဇာတ်ကားမှာ သဘောထားတင်းပြီး လွှမ်းမိုးနိုင်စွမ်းရှိတဲ့ မင်းသမီး Leia တယောက်အဖြစ် သရုပ်ဆောင်ခဲ့တာကိုတော့ ပရိတ်သတ်တွေက အထူးအမှတ်ရနေကြပါတယ်။

ဗွီအိုအေ (မြန်မာပိုင်း)
http://burmese.voanews.com