2017

 ဂက်စ်အိုး ပေါက်သံမျိုးလို အသံတွေလည်း ကြားနေရ
ရန်ကုန်မြို့၊ မင်္ဂလာတောင်ညွန့်မြို့နယ်မှာ ရှိတဲ့ ကန်တော်ကြီးပဲလေ့စ်ဟိုတယ်မှာ မီးလောင်မှု အကြီးအကျယ် ဖြစ်ပွား နေပါတယ်။

မနက် ၃ နာရီ လောက်မှာ မီးလောင်နေတာကို စပြီး သတိထားမိချိန်မှာပဲ ဟိုတယ်တစ်ခုလုံး မီးဟုန်းဟုန်းတောက် နေပြီး၊ မီးလုံးကြီး သဖွယ်သာ တွေ့ရတော့တယ်လို့ မျက်မြင် သက်သေ တွေက ဘီဘီစီကို ပြောပါတယ်။

ဆိုရှယ်မီဒီယာတွေပေါ် ရောက်လာတဲ့ ဗီဒီယိုနဲ့ ဓာတ်ပုံတွေမှာလည်း မီးဟုန်းဟုန်းတောက် နေတဲ့ ဟိုတယ်ကို မီးသတ်သမားတွေ ကြိုးစား ငြိမ်းသတ် နေတာ တွေ့ရပါတယ်။

ကျွန်းသားတွေနဲ့ ဆောက်လုပ်ထားတဲ့ ဟိုတယ်ကြီမှာ မီးလောင်အား ကောင်းနေသလို ဂက်စ်အိုး ပေါက်သံမျိုးလို အသံတွေလည်း ကြားနေရတယ်လို့ အခင်း ဖြစ်ရာမှာ ရောက်နေကြသူတွေက ပြောပါတယ်။

ကန်တော်ကြီးပဲလေ့စ်ဟိုတယ်မှာ နိုင်ငံခြားသား ဧည့်သည်များပြီး၊ အဲဒီမှာတည်းနေကြတဲ့ တိုးရစ်တွေ ဟိုတယ်က ထွက်ပြေးလာပြီး လမ်းဘေးတွေမှာ ထိုင်နေကြတာကို တွေ့နေရတယ်လို့ မျက်မြင် သက်သေတွေက ဆိုပါတယ်။

အခုချိန်ထိတော့ လူအသေအပျောက် ရှိကြောင်း အာဏာပိုင်တွေဘက်က ထုတ်ပြန်တာမျိုး မရှိသေးသလို၊ မီးစလောင်ရတဲ့ အကြောင်းအရင်းကိုလည်း မသိရသေးပါဘူး။

မင်္ဂလာဈေးကြီး မီးလောင်တာ ပြီးရင် အဆိုးဆုံး ကြုံရတာပဲလို့ ရန်ကုန် မြို့ခံတွေက ပြောနေကြပါတယ်။

BBC Burmese
http://www.bbc.com/burmes
e


နေပြည်တော်၊ အောက်တိုဘာ ၁၈

စက်တင်ဘာ ၅ ရက်က ပျောက်ဆုံးသွားသော တပ်မတော်(လေ) မှ လေ့ကျင့်ပျံ သန်းရေး G-4 ဂျက်လေယာဉ်၏ အစိတ်အပိုင်းများအား ဂွမြို့၏တောင်ဘက် ၁၂ မိုင်ခန့် အကွာ လေယာဉ် ဆက်သွယ်မှုပြတ်တောက်ခဲ့သည့် နေရာ၏ မြောက်ဘက် ၅ မိုင်ခန့် အကွာ၌ ရှာဖွေတွေ့ရှိခဲ့ကြောင်း သိရသည်။

အဆိုပါလေယာဉ်သည် စက်တင်ဘာ ၅ ရက် နံနက်ပိုင်းက ပုသိမ်-ဟင်္သာတ-ဂွ-ပုသိမ်လမ်းကြောင်း အတိုင်း လေ့ကျင့်ပျံသန်းစဉ် နံနက် ၉ နာရီ ၁၈ မိနစ်တွင် ပုသိမ်မြို့ ၏ အနောက်မြောက်ဘက် ၃၅၀ ဒီဂရီ၊ အကွာအဝေးအားဖြင့် ၃၆ မိုင်ခန့်အကွာ၌ ပုသိမ်လေဆိပ်နှင့် နောက်ဆုံး အဆက်အသွယ် ရရှိပြီးနောက်ပိုင်း ပျောက်ဆုံးသွား ခဲ့ခြင်းဖြစ်သည်။


အဆိုပါဂျက်လေယာဉ်အား ရှာဖွေရေးအတွက် အဆက်အသွယ်ပြတ်တောက်ခဲ့သည့် ယင်းနေ့ နံနက်ပိုင်းမှစတင်၍ လေယာဉ်ပျံသန်းရာလမ်းကြောင်း တစ်လျှောက် မြေပြင်တပ်များနှင့် တပ်မတော် (လေ)မှ လေယာဉ်များ၊ ရဟတ်ယာဉ် များဖြင့် ရှာဖွေရေး လုပ်ငန်းများ ကြိုးပမ်းဆောင်ရွက်ခဲ့ရာ မြေပြင်တပ်များက ယနေ့ ညနေ ၃ နာရီခန့်တွင် G-4 ဂျက်လေယာဉ်၏ လေယာဉ်ဦးခေါင်း အစိတ်အပိုင်း၊ ဘီး ၁ လုံး၊ တောင်ပံအပိုင်း ၂ ခု၊ ထိုင်ခုံ၊ လေထီး၊ စက်ပစ္စည်းအပိုင်းအစများနှင့် PT2 တံဆိပ်ပါဘူး ၁ ဘူးတို့အား ဂွမြို့၏ တောက်ဘက် ၁၂ မိုင်ခန့််အကွာ၊ လေယာဉ်ဆက်သွယ်မှု ပြတ် တောက်ခဲ့သည့် နေရာ၏ မြောက်ဘက် ၅ မိုင်ခန့်အကွာ၌ ပြန်လည်ရှာ ဖွေတွေ့ရှိခဲ့ခြင်းဖြစ်သည်။

ယင်းလေယာဉ်ကိုမောင်းနှင်ခဲ့သည့် လေယာဉ်မှူး၊ လေယာဉ်မှူးနှင့် ကျန်ရှိ လေယာဉ်အစိတ်အပိုင်း တုိ့အား ဆက်လက် ရှာဖွေလျက်ရှိကြောင်းနှင့် ပျက်ကျသွား သည့် အကြောင်းအရင်းအား ဖော်ထုတ် သိရှိနိုင်ရေးအတွက် ဆောင်ရွက်လျက်ရှိ ကြောင်း သတင်းရရှိသည်။

MOI Webportal Myanmar
https://www.facebook.com/MOIWebportalMyanmar/


မဟာဗျုဟာနဲ့ နိုင်ငံတကာ လေ့လာရေးဌာန (CSIS) ကဆွေးနွေးပွဲ နိုင်ငံခြားရေးဝန်ကြီး Rex Tillerson ပြောကြား
မြန်မာနိုင်ငံ ရခိုင်ပြည်နယ်က မတည်မငြိမ် အခြေအနေတွေအပေါ် အမေရိကန် အနေနဲ့ အလွန်အမင်း စိုးရိမ်မိကြောင်း နိုင်ငံခြားရေးဝန်ကြီး Rex Tillerson က ပြောဆိုလိုက်ပါတယ်။

ရိုဟင်ဂျာတွေအပေါ် ကျုးလွန်နေတဲ့ ကြမ်းကြုတ်ရက်စက်မှုတွေကို ကမ္ဘာကြီးအနေနဲ့ လက်ပိုက် ကြည့်နေလို့ မဖြစ်နိုင်ကြောင်းနဲ့ မြန်မာစစ်တပ်မှာ တာဝန်ရှိတယ်လို့ ယုံကြည်ကြောင်းလည်း ၀ါရှင်တန်မှာ ဒီကနေ့ ကျင်းပခဲ့တဲ့ မဟာဗျုဟာနဲ့ နိုင်ငံတကာ လေ့လာရေးဌာန (CSIS) ကဆွေးနွေးပွဲမှာ ပြောဆိုလိုက်တာပါ။

ဒီမိုကရေစီလမ်းကြောင်းပေါ် လျှောက်လှမ်းကာစ မြန်မာနိုင်ငံမှာ မြန်မာစစ်ခေါင်းဆောင်တွေ အနေနဲ့ ဘယ်လမ်းကြောင်းကို လိုက်မလဲဆိုိတာ ရွေးချယ်ရမယ့်အချိန်ဖြစ်ကြောင်းလည်း အမေရိကန် နိုင်ငံခြားရေးဝန်ကြီး Tillerson က ပြောဆိုခဲ့ပါတယ်။

မြန်မာစစ်တပ်ကတော့ ရခိုင်ပြည်နယ်က စစ်ဆင်ရေးတွေမှာ တပ်ဖွဲ့ဝင်တွေ ဥပဒေ ချိုးဖောက်ခဲ့မှု ရှိမရှိ တပ်မတော်စစ်ဆေးရေးအရာရှိချုပ် ဒုတိယဗိုလ်ချုပ်ကြီး အေးဝင်း ဦးဆောင်တဲ့ စုံစမ်းစစ်ဆေးရေးအဖွဲ့က စစ်ဆေးနေကြောင်း ပြီးခဲ့တဲ့ သီတင်းပတ်ထဲမှာပဲ သတင်းထုတ်ပြန်ထားပါတယ်။
VOA Burmese News


 နေပြည်တော် ဟိုတယ်ကနေ သိမ်းဆည်းရမိတဲ့ ပစ္စည်းများ
နေပြည်တော် လေဆိပ်မှာ လက်နက်တွေ နဲ့ ဖမ်းဆီး ရမိခဲ့တဲ့ ဦးဖြိုးကိုကိုတင့်ဆန်း နဲ့ အပေါင်းအပါ တွေကို နောက်ထပ် ပြစ်မှု သုံး ခု ထပ်တိုးပြီး စစ်ဆေး နေပါတယ်။

အရင်အစိုးရ လက်ထက်က ဝန်ကြီးဟောင်း ဦးတင့်ဆန်းရဲ့ သားဖြစ်သူ ဦးဖြိုးကိုကို တင့်ဆန်းနဲ့ အပေါင်းအပါ တွေကို မြန်မာနိုင်ငံ လျှို့ဝှက် ဥပဒေ၊ ပို့ကုန်သွင်းကုန် ဥပဒေ၊ ဆက်သွယ်ရေး စက်နဲ့ ပတ်သက်တဲ့ ဥပဒေတွေနဲ့ အမှု ထပ်မံ ဖွင့်ထားတယ်လို ဒက္ခိဏ ခရိုင် ရဲတပ်ဖွဲ့မှူး ဒုတိယ ရဲမှူးကြီး လှရီက ဘီဘီစီကို ပြောပါတယ်။

ဒါ့အပြင် ဖမ်းဆီး ရမိတဲ့ကားတွေ ကိုလည်း ကုန်းလမ်း ပို့ဆောင်ရေး ညွှန်ကြားမှု ဦးစီးဌာန နဲ့ တိုက်ဆိုင်ပြီး စစ်ဆေး နေတယ်လို့ သူကပြောပါတယ်။

လေဆိပ်မှာ တနင်္ဂနွေ နေ့က လက်နက်တွေနဲ့ စတင်ဖမ်းမိခဲ့စဉ်က ဦးဖြိုးကိုကို တင့်ဆန်း နဲ့ အပေါင်း အပါ တွေကို မူးယစ်ဆေးဝါးမှု၊ လက်နက် ကိုင်ဆောင်မှု ဆိုင်ရာ ဥပဒေ ပုဒ်မ တွေနဲ့ အမှု ဖွင့် စစ်ဆေး နေတာ ဖြစ်ပါတယ်။

လက်နက်တွေကို ဘာကြောင့် စုဆောင်းထားတယ် ဆိုတာနဲ့ ပတ်သက်လို့တော့ စစ်ဆေးဆဲ ဖြစ်ပြီး အဲဒီ လက်နက် တွေကို မြဝတီဘက်ကနေ သွင်းလာတာ ဖြစ်နိုင်တယ်လို့ အမှုစစ်အဖွဲ့တွေဆီက ကြားရကြောင်းလည်း ဒုတိယ ရဲမှူးကြီး လှရီက ပြောပါတယ်။

BBC Burmese
http://www.bbc.com/burmese


လဝက ပြည်နယ် ဦးစီးမှူး ဦးဆောင်ပြီး NVC ကဒ် ထုတ်ပေးမှု ကို ကွင်းဆင်း ဆောင်ရွက်
ရခိုင် ဒေသမှာ နိုင်ငံသား ဖြစ်ဖို့ စိစစ်ရေး ဆောင်ရွက်မဲ့ National Verification Card ထုတ်ပေးတဲ့ လုပ်ငန်းတွေကို ဆောင်ရွက် နေပါတယ်။

ဒီလို ကဒ် ထုတ်ပေးခြင်း အားဖြင့် ဘင်္ဂလားဒေ့ရှ် ကို ထွက်ပြေး သွားတဲ့ ဒုက္ခသည် တွေ ပြန်လည် လက်ခံရေး ကို များစွာ အထောက်အကူ ပြု နိုင်မှာ ဖြစ်ကြောင်း အလုပ်သမား၊ လူဝင်မှု ကြီးကြပ်ရေး နဲ့ ပြည်သူ့ အင်အား ဝန်ကြီး ဌာန အမြဲတမ်း အတွင်းဝန် ဦးမြင့်ကြိုင်က ပြောပါတယ်။

လောလောဆယ်မှာ ပဋိပက္ခတွေ ဖြစ်ပွား ခဲ့တဲ့ မောင်တော ဒေသ က ကျေးရွာ သုံးရွာမှာ လဝက ပြည်နယ် ဦးစီးမှူး ဦးဆောင်ပြီး NVC ကဒ် ထုတ်ပေးမှု ကို ကွင်းဆင်း ဆောင်ရွက်နေပါတယ်။

ရခိုင် ပြည်နယ် အပြင် မြန်မာနိုင်ငံ နယ်စပ် မှာ သက်သေ အထောက် အထား မရှိဘဲ နေထိုင်နေသူတွေကို NVC ကဒ် ထုတ်ပေးတဲ့ လုပ်ငန်း ကို ဆောင်ရွက် သွားမယ်လို့ အမြဲတမ်း အတွင်းဝန် က ပြောပါတယ်။

အရင် အစိုးရ လက်ထက် က ထုတ်ပေးခဲ့တဲ့ ဝှိုက်ကဒ် တွေကို ပြန်လည် သိမ်းယူ ပြီး ကဒ် ထုတ်ပေးခဲ့ ကြောင်း အထောက်အထား ရှိတဲ့ လူတွေကိုသာ ထုတ်ပေးတာ ဖြစ်ပါတယ်။

NVC ကဒ် ကို ကိုင်ဆောင်ထားသူ ဖြစ်မှ မြန်မာ နိုင်ငံထဲမှာ တရားဝင် နေထိုင်သူ အဖြစ် သတ်မှတ်ပြီး နိုင်ငံသား စိစစ်ရေး လုပ်ငန်းကို ဆက်လက် ဆောင်ရွက် နိုင်မယ်လို့ လဝက တာဝန်ရှိသူ က ပြောပါတယ်။

အရင် အစိုးရ လက်ထက်မှာ လူမျိုး ဘင်္ဂါလီ လို့ ထည့်ရမယ်ဆိုတာကြောင့် ဒေသခံ တွေရဲ့ ပူးပေါင်း ဆောင်ရွက်မှု အားနည်းခဲ့တာတွေလည်း ရှိခဲ့ပါတယ်။ အခု ထုတ်ပေးနေတဲ့ NVC ကဒ်မှာ လူမျိုး၊ ဘာသာ ဆိုတာကို ထည့်သွင်း ရေးသားခြင်း မရှိဘဲ၊ အမည်၊ မွေးသက္ကရာဇ် နဲ့ အဘ အမည်တွေကိုသာ ထည့်သွင်း ရေးသား မယ်လို့ သိရပါတယ်။

ရခိုင်ဒေသမှာ ဖြစ်ပွားခဲ့တဲ့ အကြမ်းဖက် တိုက်ခိုက်မှုတွေကြောင့် ဘင်္ဂလားဒေ့ရှ် နိုင်ငံကို ထွက်ပြေးသွားတဲ့ လူတွေကို ပြန်လည် လက်ခံဖို့ အတွက် အခု NVC ကဒ် ထုတ်ပေး နေမှု က အထောက်အကူ ပြု နိုင်မယ်လို့ ဦးမြင့်ကြိုင် က ပြောပါတယ်။

ထွက်ပြေးသွားတဲ့ လူတွေ ထဲမှာ ဝှိုက်ကဒ် ထုတ်ပေးခဲ့တဲ့ အထောက်အထား၊ NVC ကဒ် ထုတ်ပေး ခဲ့တဲ့ အထောက်အထား တွေ ပြ နိုင်တဲ့လူတွေကိုလည်း လက်ရှိ ဆောင်ရွက် နေတဲ့ NVC ကဒ် ကို ထုတ်ပေးသွားမယ်လို့ သူက ဆိုပါတယ်။

NVC ကဒ် ထုတ်ယူပြီးရင် ဘင်္ဂလားဒေ့ရှ် နိုင်ငံသား အဖြစ် သတ်မှတ်ပြီး ပြန်ပို့နိုင်တယ် ဆိုတဲ့ ကောလာဟလ ထုတ်လွှင့်ချက်တွေ ရှိနေပြီး ဒေသခံ တွေက စိုးရိမ်နေကြပေမယ့် ဒါက အစိုးရရဲ့ လုပ်ငန်းစဉ်ကို မလိုလားသူ တွေရဲ့ ထုတ်ပြန်ချက်တွေ ဖြစ်တယ်လို့ ဦးမြင့်ကြိုင်က ပြောကြား သွားခဲ့ပါတယ်။

ရခိုင်ပြည်နယ်မှာ ဝိုက်ကဒ် ခေါ် ယာယီ သက်သေခံ လက်မှတ် ပြန်လည် အပ်နှံထားသူ လေးသိန်းကျော် ရှိပြီး NVC ကဒ် ထုတ်ပေးမှုကတော့ ခြောက်ထောင်ကျော်ခန့် ရှိပါတယ်။

BBC Burmese
http://www.bbc.com/burmese


အောက်တိုဘာလ ၁၈ ရက်နေ့ ယနေ့ ည ၇ နာရီ ၁၅ မိနစ်ခန့် က ပုသိမ်-မုံရွာလမ်းမကြီးပေါ်ရှိ ကြံခင်းမြို့နယ် အုပ္ပုံစစ်ဆေးရေးဂိတ်တွင် မင်းပြားမြို့မှ ရန်ကုန်မြို့သို့ ထွက်ခွာလာသည့် အဝါကြား AYY 8H-2866 Nissan UD 6ဘီးမော်တော်ယာဉ်အား ရပ်တန့်စစ်ဆေးရာ စပါးအိတ်၂၆၀အတွင်း တာလပတ်ဖြင့် ဖုံးကွယ်၍ တရားမဝင်တင်ဆောင်လာသော ဘင်္ဂလီ ၇ဦးအားစစ်ဆေးတွေ့ရှိရ၍ ဥပဒေနှင့်အညီ အရေးယူဆောင်ရွက်လျက်ရှိပါသည်။

Phyo Min Htike (fb)



အချိန်ကာလတိုတခုအတွင်း ရိုဟင်ဂျာဒုက္ခသည် ငါးသိန်းကျော် ရခိုင်ပြည်နယ်ထဲကနေ ထွက်ပြေးနေရတာဟာ လူသားထုအပေါ် ကျူးလွန်တဲ့ ရာဇ၀တ်ပြစ်မှု မြောက်တဲ့အထိ မြန်မာစစ်တပ်ရဲ့ စနစ်တကျ စီစဉ်ဆောင်ရွက်မှုတွေကြောင့် ဖြစ်တယ်လို့ နိုင်ငံတကာ လူ့အခွင့်အရေး အဖွဲ့တခုဖြစ်တဲ့ Amnesty International က ထပ်မံ ပြောဆိုလိုက်ပါတယ်။ မြန်မာအစိုးရအနေနဲ့ အမှန်တကယ် ဖြစ်ပျက်နေတဲ့ အခြေအနေတွေကို ဇွတ်ငြင်းပယ်နေလို့ မရသလို၊ နိုင်ငံတကာ အသိုင်းအ၀ိုင်းအနေနဲ့လည်း အထိရောက်ဆုံး တုံ့ပြန် ကိုင်တွယ်သင့်တယ်လို့ ဒီအဖွဲ့က ပြောပါတယ်။ မခင်ဖြူထွေးက အပြည့်စုံ တင်ပြပေးပါမယ်။

ပြီးခဲ့တဲ့သီတင်း ၇ ပတ်အတွင်း ရခိုင်ပြည်နယ်မှာဖြစ်ပွားခဲ့တဲ့ အကြမ်းဖက်မှုတွေကြောင့် အိမ်နီးချင်း ဘင်္ဂလားဒေ့ရှ် နိုင်ငံဘက် ထွက်ပြေး လာတဲ့ ဒုက္ခသည်ဦးရေ ငါးသိန်း သုံးသောင်းကျော် ရှိပြီး နောက်ထပ် ထွက်ပြေးလာသူတွေလည်း ရှိနေတယ်လို့ ကုလသမဂ္ဂ အပါအ၀င် နိုင်ငံတကာ လူ့အခွင့်အရေးအဖွဲ့တွေက ပြောနေတာပါ။ အခုလို အချိန်တိုကာလတခုအတွင်း လူတွေ အလုံးအရင်း ထွက်ပြေးရ တာဟာ လူသားထုတခုလုံး အပေါ် ကျူးလွန်တဲ့ ရာဇ၀တ်ပြစ်မှုမြောက်တဲ့အထိ မြန်မာအစိုးရ စနစ်တကျ ကျူးလွန်နေတဲ့ လူ့အခွင့်အရေး ချိုးဖောက်မှုတွေကြောင့် ဖြစ်တယ်လို့ လူ့အခွင့်အရေး အဖွဲ့တခုဖြစ်တဲ့ Amnesty International က ပြောပါတယ်။ ဒီလို ကျူးလွန်နေတာကို ဖော်ပြတဲ့ သက်သေ အထောက်အထားတွေ ခိုင်ခိုင်မာမာ ရှိနေတာကြောင့် မြန်မာစစ်တပ်နဲ့ အစိုးရတွေ အနေနဲ့ လက်ရှိ အခြေအနေမှန်ကို ဇွတ်ငြင်းနေလို့ မရဘူးလို့ Amnesty International က မြန်မာ့အရေး သုတေသီ Laura Haigh က ပြောပါတယ်။

“အရပ်သားအစိုးရနဲ့ စစ်တပ် အနေနဲ့ အခြေအနေမှန်ကို ဖုံးကွယ်ပြီး ဇွတ်ငြင်းနေလို့ မရပါဘူး။ သက်သေ အထောက်အထားတွေ အများကြီး ရှိပါတယ်။ ကျမတို့ Amnesty International အဖွဲ့တခုတည်းမှာတင် မဟုတ်ပါဘူး။ တခြား အဖွဲ့အစည်းတွေမှာလည်း သက်သေအချက်အလက်တွေ အများကြီး ရှိပါတယ်။ အမှန်တရားဆိုတာ ထွက်လာမှာပါ။ ဒီလို လူ့အခွင့်အရေး ချိုးဖောက်တဲ့ အခြေအနေတွေကို ရခိုင်ပြည်နယ်မှာတင် မဟုတ်ပါဘူး။ ရှမ်း ကချင် စတဲ့ ပြည်နယ်တွေမှာလည်း ဖြစ်နေတာကို ကျမတို့ သိထားပြီးသားပါ။ ဒါတွေကို ကျမတို့ ဆက်ပြီး မှတ်တမ်းတင် သွားပါမယ်။ အပြစ်ကျူးလွန် သူတွေကို အရေးယူနိုင်ဖို့ပါ။ အစိုးရအနေနဲ့ ဇွတ်ဆက်ပြီး ငြင်းနေရမယ့်အချိန် မဟုတ်ပါဘူး။ အရပ်သားအစိုးရကို ကျမတို့ တောင်းဆိုချင်တာက ကုလသမဂ္ဂက ဖွဲ့စည်းထားတဲ့ အချက်အလက် ရှာဖွေရေးအဖွဲ့ကို မြန်မာပြည်ထဲ ၀င်ရောက်ခွင့်ပြုပါ။ ဒေသထဲမှာ ဘာတွေ တကယ်ဖြစ်နေတယ်၊ ARSA အကြမ်းဖက်အဖွဲ့နဲ့ တခြားအဖွဲ့အစည်းတွေကရော ဘာတွေ ကျူးလွန်ခဲ့တယ် ဆိုတာတွေကို ရှာဖွေ ဖော်ထုတ်နိုင်ဖို့ဖြစ်ပါတယ်။ ဒီဖြစ်ရပ်တွေနဲ့ပတ်သက်လို့ အဓိက တာဝန်ရှိတဲ့ မြန်မာစစ်တပ် အနေနဲ့လည်း အကြမ်းဖက်မှုတွေ ချက်ချင်းရပ်ပြီး ကိုယ်လုပ်တဲ့ လုပ်ရပ်အတွက် တာဝန်ယူဖို့လိုပါတယ်။”

ရခိုင်ပြည်နယ်တွင်းကနေ ရိုဟင်ဂျာ ဒုက္ခသည်တွေ အစုလိုက်အပြုလိုက် ထွက်ပြေးရတဲ့ အခြေအနေတွေကို ထောက်ပြပြီး ဒါဟာ လူမျိုးတုံး သုတ်သင်ရှင်းလင်းရာ မြောက်နိုင်တယ်ဆိုပြီး ကုလသမဂ္ဂကလည်း ပြောဆိုထားတာပါ။

ကုလသမဂ္ဂ အပါအ၀င် နိုင်ငံတကာ အသိုင်းအ၀ိုင်း အနေနဲ့ ရခိုင်အရေးနဲ့ပတ်သက်လို့ ပြစ်တင်ရှုတ်ချကြောင်း စကားလုံးတွေနဲ့ ပြောနေရုံနဲ့ မလုံလောက်ဘဲ ထိရောက်တဲ့ အရေးယူ ဆောင်ရွက်မှုတွေ အမြန်ဆုံး လုပ်သွားဖို့ လိုအပ်နေတယ်လို့လည်း Laura Haigh က ပြောပါတယ်။

“နိုင်ငံတကာရဲ့ ဖိအားပေး ဆောင်ရွက်မှုက အင်မတန် အရေးကြီး ပါတယ်။ နိုင်ငံတကာ အသိုင်းအ၀ိုင်း အနေနဲ့ ပြစ်တင်ရှုတ်ချတာ၊ ဝေဖန်တာတွေ ကျမတို့ အများကြီး ကြားခဲ့ရပြီးပါပြီ။ ဒါပေမဲ့ မဖြစ်မနေ ရပ်တန့်ဖို့လိုနေတဲ့ ရခိုင်ပြည်နယ်တွင်း အကြမ်းဖက်မှုတွေကတော့ ရပ်မသွားပါဘူး။ ခုချိန်မှာ ဝေဖန်ပြောရုံနဲ့ မလုံလောက်တော့ပါဘူး။ ဒီနေရာမှာ အရေးကြီးတာက စစ်တပ်က အဓိက ထိန်းချုပ်လုပ်ဆောင်နေတာဖြစ်ပြီး၊ အရပ်သားအစိုးရအပေါ် တာဝန်ခံမှုလည်း မရှိပါဘူး။ ဒီလို အခြေအနေတွေက အကြိမ်များစွာ ထပ်ခါ ထပ်ခါ ဖြစ်နေတာပါ။ ဒါတွေကို ရပ်တန့်ဖို့လိုပါတယ်။ ဒါကြောင့် နိုင်ငံတကာအသိုင်းအ၀ိုင်း အနေနဲ့ ထိရောက်တဲ့ အရေးယူမှုတွေ ချမှတ်ဆောင်ရွက်ရမယ့် အချိန်ဖြစ်ပါတယ်။”

ဘယ်လို ထိရောက်တဲ့ အရေးယူ ဆောင်ရွက်မှုတွေကို ပြောတာပါလဲ။

“ကျမတို့ Amnesty International အနေနဲ့ တောင်းဆိုတာကတော့ - တကမ္ဘာလုံး အတိုင်းအတာနဲ့ မြန်မာနိုင်ငံကို လက်နက်တင်ပို့ရောင်းချမှုတွေ ပိတ်ပင်သွားဖို့နဲ့ အကြီးတန်း စစ်ဘက်ခေါင်းဆောင်တွေ၊ ပြစ်မှုကျူးလွန်နေတဲ့ စစ်ဘက်ဆိုင်ရာ ပုဂ္ဂိုလ်တွေ အပေါ် သီးခြားပစ်မှတ်ထားတဲ့ ဘဏ္ဍာရေးဆိုင်ရာ ဒဏ်ခတ်အရေးယူမှုတွေ ချမှတ်ဖို့ပါ။ နိုင်ငံတကာအသိုင်းအ၀ိုင်း အနေနဲ့ အခိုင်အမာ ဖိအားပေးနိုင်တာ နောက်တခုကတော့ - ရှေ့သီတင်းပတ်ထဲ ကုလသမဂ္ဂ အထွေထွေ ညီလာခံမှာ ရခိုင် အရေးကိစ္စအပါအ၀င် မြန်မာ့အရေး ဆွေးနွေးတဲ့အခါ မြန်မာနိုင်ငံဆိုင်ရာ ဆုံးဖြတ်ချက်တရပ် ချမှတ်သွားဖို့ပါ။ ရခိုင်ပြည်နယ် အခြေအနေ တခုတည်းမဟုတ်ပါဘူး။ ကချင်နဲ့ ရှမ်းပြည်မြောက်ပိုင်းမှာ အခြေအနေတွေက ပိုမိုဆိုးရွားလာနေပြီး၊ လွတ်လပ်စွာ ထုတ်ဖော်ပြောဆိုခွင့်လည်း ကျဆင်းလာနေပါတယ်။ ဒါကြောင့် မြန်မာအစိုးရအပေါ် သံတမန်ရေးအရ ဖိအားတွေ တိုးမြှင့်ပေးသွားရပါလိမ့်မယ်။”

ရခိုင်ပြည်နယ်တွင်း အခြေအနေတွေနဲ့ပတ်သက်လို့ သူတို့ စုစောင်းရရှိတဲ့ အချက်အလက်တွေ၊ စက်တလိုက်ဂြိုဟ်တုကနေ ရိုက်ယူထားတဲ့ ဓာတ်ပုံတွေ၊ ဗွီဒီယိုမှတ်တမ်းတွေ၊ ကိုယ်တိုင်ကြုံတွေ့သူတွေရဲ့ ပြောပြချက်တွေအရ မြန်မာစစ်တပ်ဟာ ရိုဟင်ဂျာ မူစလင် အမျိုးသား၊ အမျိုးသမီး၊ ကလေးငယ်တွေအပေါ် စနစ်တကျ အကွက်ချ တိုက်ခိုက်နေတာဖြစ်တယ်လို့ Amnesty International အဖွဲ့က ပြောပါတယ်။

ဒါပေမဲ့ မြန်မာအစိုးရရော၊ မြန်မာစစ်တပ်ကပါ ဒီစွပ်စွဲချက်တွေ မမှန်ကန်ကြောင်း တစိုက်မက်မက် ငြင်းဆန်ထားပါတယ်။ ရခိုင်ပြည်နယ်တွင်း နယ်မြေရှင်းလင်းမှုတွေဟာ အကြမ်းဖက်အဖွဲ့ ARSA ချေမှုန်းတဲ့ စစ်ဆင်ရေးသာ ဖြစ်ပြီး လုံခြုံရေးတပ်ဖွဲ့ဝင်တွေ အနေနဲ့ ဥပဒေနဲ့အညီ ဆောင်ရွက်နေတာဖြစ်တယ်လို့ မြန်မာတာဝန်ရှိသူတွေဘက်က တုံ့ပြန်ထားပါတယ်။

VOA Burmese News

ကုလသမဂ္ဂ နိုင်ငံရေးရာဌာန အကြီးအကဲ၊ လက်ထောက် အတွင်းရေးမှူးချုပ် Jeffrey Feltman နဲ့ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် တို့ အောက်တိုဘာလ ၁၆ ရက်နေ့က နေပြည်တော်မှာ တွေ့ဆုံခဲ့စဉ် ကုလသမဂ္ဂ နိုင်ငံရေးရာဌာန အကြီးအကဲ၊ လက်ထောက် အတွင်းရေးမှူးချုပ် Jeffrey Feltman နဲ့ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် တို့ အောက်တိုဘာလ ၁၆ ရက်နေ့က နေပြည်တော်မှာ တွေ့ဆုံခဲ့စဉ်
ဓါတ်ပုံ - တပ်မတော်ကာကွယ်ရေးဦးစီးချုပ်ရုံး ဖေ့စ်ဘွတ်
အစိုးရရဲ့ ဖိတ်ကြားချက်နဲ့ မြန်မာနိုင်ငံကို ငါးရက်ကြာ လာရောက်ခဲ့တဲ့ ကုလသမဂ္ဂ နိုင်ငံရေးရာဌာန အကြီးအကဲ၊ လက်ထောက် အတွင်းရေးမှူးချုပ် Jeffrey Feltman ဟာ၊ ခရီးစဉ်ကနေ တစ်စုံတရာ ကတိက၀တ် အာမခံချက် မရရှိဘဲ ပြန်သွားခဲ့ရတယ်လို့ AFP သတင်းကဖော်ပြပါတယ်။

Jeffrey Feltman ဟာ အောက်တိုဘာလ ၁၃ ရက်ကနေ ၁၇ ရက်နေ့အထိ ခရီးစဉ်အတွင်း နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၊ ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် အပါအဝင် အစိုးရတာဝန်ရှိသူတွေ၊ သံတမန်တွေ၊ အရပ်ဘက်အဖွဲ့အစည်းတွေနဲ့ တွေ့ဆုံခဲ့တဲ့အပြင်၊ NCA အပစ်ရပ်စာချုပ် လက်မှတ်ထိုးပွဲ နှစ်ပတ်လည် အခမ်းအနားကို တက်ရောက်ခဲ့ပြီး တိုင်းရင်းသား ကိုယ်စားလှယ်တွေနဲ့လည်း တွေ့ဆုံခဲ့ပြီး၊ ရခိုင်ပြည်နယ်က ပဋိပက္ခ၊ ဘင်္ဂလားဒေ့ရ်ှနိုင်ငံဘက် ထွက်ပြေးခဲ့ကြတဲ့ ဒုက္ခသည်တွေရဲ့ ပြဿနာတွေ ကို အဓိကဆွေးနွေးခဲ့တယ်လို့ ကုလသမဂ္ဂအတွင်းရေးမှူးချုပ်ရုံး ပြောခွင့်ရသူက သတင်းစာရှင်းလင်းပွဲမှာ ပြောကြားခဲ့ပါတယ်။

Mr.Jeffrey Feltman ကို ရခိုင်ပြည်နယ်မြောက်ပိုင်းကို လေယာဉ်နဲ့ ပို့ဆောင်ခဲ့ရာမှာ မီးလောင်ကျွမ်းနေတဲ့ ကျေးရွာတွေကို တွေ့မြင်ခဲ့ရကြောင်း၊ မြန်မာ့တပ်မတော်အနေနဲ့ အကြမ်းဖက်မှုတွေကို အောင်အောင်မြင်မြင် နှိမ်နင်းနိုင်ရေးမှာ နယ်မြေရှင်းလင်းရေးတခုတည်းနဲ့ မရနိုင်ကြောင်းလည်း တပ်မတော်ကာကွယ်ရေးဦးစီးချုပ်နဲ့ တွေ့ဆုံစဉ်အတွင်း ပြောဆိုခဲ့ကြောင်း၊ ရခိုင်ပြည်နယ်တွင်းက ဒုက္ခသည်တွေအတွက် လူသားချင်းစာနာမှု အကူအညီတွေ လွတ်လွတ်လပ်လပ် အပြည့်အဝပေးခွင့်ပြုဖို့၊ ဘင်္ဂလာဒေ့ရ်ှရောက် ဒုက္ခသည်တွေ သူတို့ဆန္ဒနဲ့အညီ နေရပ်ကို ဘေးကင်းရန်ကင်း ပြန်ခွင့်ပြုဖို့ ကုလသမဂ္ဂ အတွင်းရေးမှူးချုပ် Antonio Guterres ရဲ့ တောင်းဆိုချက်ကို လည်း ထပ်လောင်းပြောကြားခဲ့ကြောင်းလည်း ပြောခွင့်ရသူက ပြောပါတယ်။

ဒါ့ပြင် ကုလသမဂ္ဂ နိုင်ငံရေးရာဌာန အကြီးအကဲ Jeffrey Feltman ရဲ့ ခရီးစဉ်ကနေ တိုးတက်အောင်မြင်မှုတွေ မြန်မြန်ဆန်ဆန်ရရှိလိမ့်မယ်လို့ မျှော်လင့်နိုင်မှာ မဟုတ်ကြောင်း၊ မြန်မာအစိုးရနဲ့ ဆက်လက်ဆွေးနွေးသွားရမှာ ဖြစ်ကြောင်းလည်း ကုလသမဂ္ဂအတွင်းရေးမှူးချုပ်ရုံး ပြောခွင့်ရသူက ပြောဆိုခဲ့ပါတယ်။
RFA

ပြည်ထောင်စုလွှတ်တော်

နှစ်တနှစ်ရဲ့ ဘဏ္ဍာရေးဆိုင်ရာ သုံးစွဲမှု ဘတ်ဂျက် နှစ်ကို လာမယ့်နှစ်ကနေစတင်ပြီး ပြင်ဆင်သတ်မှတ်သွားတော့မယ်လို့ ဘဏ္ဍာရေးဝန်ကြီးဌာနက ကြေညာလိုက်ပါတယ်။ ပြန်လည်ပြောင်းလဲမယ့် နှစ်သတ်မှတ်ချက်ဟာ လွန်ခဲ့တဲ့ နှစ်ပေါင်း ၅၀နီးပါးက ကျင့်သုံးခဲ့တဲ့ အောက်တိုဘာ ၁ရက်ကနေ နောက်နှစ် စက်တင်ဘာ ၃၀ရက် နေ့ထိကို နှစ်တနှစ်ရဲ့ ဘတ်ဂျက်နှစ်အဖြစ် ပြန်လည်ကျင့်သုံးမှာဖြစ်ပါတယ်။ ဒီလို ဘတ်ဂျက်ကာလပြောင်းလဲ လိုက်တဲ့အပေါ် စီးပွားရေးလုပ်ငန်းရှင်နဲ့ ပညာရှင်တွေက ကြိုဆိုကြပေ မယ့် အပြောင်းအလဲအတွက် အစိုးရဘက်က အခုထက်ပိုတိကျတဲ့ထုတ်ပြန်မှုနဲ့ အချိန်ယူမှုကို ပြုလုပ်ပေးစေချင်ကြပါတယ်။ ဒီသတင်းကိုဗွီအိုအေ မြန်မာအပိုင်းက မေခက စုစည်းတင်ပြမှာပါ။

နှစ်တနှစ်ရဲ့ ဘဏ္ဍာရေးဆိုင်ရာ သုံးစွဲမှု ဘတ်ဂျက် နှစ်ဆိုတာ တနှစ်တာ ဒါမှမဟုတ် ၁၂လတာကာလအတွက် အစိုးရက တနှစ်လုံးဝင်ငွေကို အခြေခံကာ လာမယ့်နှစ်မှာ သုံးငွေ ဘယ်လောက်သုံးမလဲ လိုငွေ ဘယ်လောက်ရှိခဲ့လဲ၊ ဝင်ငွေ ဘယ်လောက်ရလဲဆိုတာကို သတ်မှတ်တွက်ချက်ရတဲ့ကာလတခု ဖြစ်ပါတယ်။

လက်ရှိမှာ ဧပြီ ၁ရက်ကနေ နောက်နှစ် မတ် ၃၁ အထိကို ဘတ်ဂျက် နှစ်အဖြစ် ကျင့်သုံးလာတာကို ပြောင်းဖို့ ဒီကနေ့ကျင်းပတဲ့ ပြည်ထောင်စုလွှတ်တော်မှာ ဘဏ္ဍာ ရေးဝန်ကြီးဌာနရဲ့ ဒုတိယဝန်ကြီး ဦးမောင်မောင်ဝင်းက တင်ပြသွားတာပါ။

“မြန်မာနိုင်ငံ၏ ဘဏ္ဍာရေးနှစ်ကို လက်ရှိသတ်မှတ်ထားသည့် ဧပြီ ၁ရက်ကနေ မတ်လ ၃၁ ရက်နေ့အစား အောက်တိုဘာလ ၁ ရက်နေ့မှ စက်တင်ဘာလာ ၃၀ ရက်နေ့ဟု ပြင်ဆင်သတ်မှတ်ရန်ကိစ္စကို ပြည်ထောင်စုလွှတ်တော်မှ အတည်ပြုလက်ခံပေးပါရန်နှင့် အတည်ပြုပါက ၂၀၁၈- ၂၀၁၉ ဘဏ္ဍာရေးနှစ်မှစတင်၍ဆောင်ရွက်မည်ဖြစ်ပါကြောင်း ရှင်းလင်းတင်ပြပါသည်။”

လက်ရှိကျင့်သုံးနေတဲ့ စနစ် မှာ အားလပ်ရက် ရက်ရှည် နားတဲ့ အချိန်အခါနဲ့ကိုက်ညီနေတာကြောင့် လုပ်ငန်းမတွင်ကျယ်တဲ့ အတွက် ပြောင်းရွှေ့လိုက်ရတာ ဖြစ်တယ်လို့ ဦးမောင်မောင်ဝင်းကပြောပါတယ်။

“ရရှိမယ့် အားသာချက်များကတော့ တည်ဆောက်ရေး ၀ယ်ယူရေး စတဲ့လုပ်ငန်းတွေမှာ တဆက်တည်း ၈ လခန့် ပွင့်လင်းရာသီ ရရှိနိုင်ခြင်း ဘဏ္ဍာရေးနှစ်စတင်ချိန်နှင့် နှစ်သစ်ကူး ရုံးပိတ်ရက်များ တိုက်ဆိုင်နေမှုမရှိတော့ခြင်း ပွင့်လင်းရာသီအစမှာ လုပ်ငန်းများ အရှိန်အဟုန်ဖြင့်ဆောင်ရွက်နိုင်ခြင်း။ ဘားဂျက်ကုန်ဆုံးခါနီး မိုးရာသီမှာ လုပ်ငန်းများအပြီးသတ် ဆောင်ရွက်နိုင်ခြင်း ၃ လပတ်အလိုက် ဘဏ္ဍာငွေသုံးစွဲမှုများ ပိုမိုညီညွှတ် မျှတလာနိုင်ခြင်း စသည်ဖြစ်ပါတယ်။ အားနည်းချက်များအနေနဲ့ကတော့ အတည်ပြုပြဌာန်းထားတဲ့ ပြည်ထောင်စုရဲ့ ဘဏ္ဍာငွေရေးဆွဲတင်ပြခြင်းဆိုင်ရာ ဥပဒေမှာပါတဲ့ ဘားဂျက်ရေးဆွဲတင်ပြရမယ့် အချိန်ဇယားများနဲ့ မကိုက်ညီတော့တဲ့အတွက်ကြောင့် ဒီဥပဒေကို ပြင်ဆင်ဖို့လိုပါတယ်။ ပြည်ပအကူအညီချေးငွေများအတွက် မိမိ ဘဏ္ဍာရေးနှစ်နဲ့ မကိုက်ညီတဲ့ နိုင်ငံအဖွဲ့အစည်း ရှိခဲ့ရင် အချိန်ညှိနိုင်းရမှာဖြစ်ပါတယ်။ အထွေထွေရွေးကောက်ပွဲကျင်းပတဲ့နှစ်မှာတော့ လက်ရှိအစိုးရက ရေးဆွဲပြီးတော့ အကောင်အထည်ဖော် ဆောင်ရွက်နေတဲ့ ဘားဂျက်ဟာ အစိုးရအသစ်ကို တာဝန်လွဲပြောင်းပေးချိန်မှာ အကောင်အထည်ဖော် ဆောင်ရွက်ချိန်အားဖြင့် ၆ လ သာ ရှိသေးချင်းတို့ ဖြစ်ပါတယ်။”

ဘားဂျက်ကာလပြောင်းလဲ လိုက်တဲ့အပေါ် စီးပွားရေးလုပ်ငန်းရှင်နဲ့ ပညာရှင်တွေက ကြိုဆိုကြပေ မယ့် အပြောင်းအလဲအတွက် အစိုးရဘက်က အခုထက်ပိုတိကျတဲ့ ထုတ်ပြန်မှုနဲ့ အချိန်ယူမှုကို ပြုလုပ်ပေးစေချင်ကြပါတယ်။ Thura Swiss ကုမ္ပဏီ ပိုင်ရှင်တဦးဖြစ်တဲ့ ဒေါက်တာအောင်သူ ရကတော့ အပြောင်းအလဲအတွက် အစိုးရဘက်က တိကျတဲ့ အချက်အလက်တွေထုတ်ပြန်ပေးစေချင်တယ်လို့ ပြောပါတယ်။

“ပြင်ဆင်ချိန်များများရတော့ ပိုကောင်းတာပေါ့နော်။ အထူးသဖြင့် ကျနော်တို့ဘက်ကကျတော့ ဒီ Financial year ပိတ်တယ်ဆိုရင် အဲဒီမှာရှိနေတဲ့ ၆ လကြီးက ဒီလိုမျိုးဖြစ်သွားတာနဲ့ ကျနော်တို့ဘက်က အခွန်တွေတင်တဲ့အခါဆိုရင် ၁ နှစ်ခွဲစာ ပိုတင်ရမှာလားဆိုတာတော့ သိပ်မရှင်းလင်းဘူးပေါ့နော်။ ဒီအပြောင်းအလဲကာလကို ဘယ်လောက်အထိ ဒီစီးပွားရေးဘက်ကရော ဘက်လောက်လုပ်မယ်ဆိုတာက နည်းနည်းအရေးကြီးပါတယ်။ ရေရှည်မှာကတော့ အဲလိုပြောင်းလိုက်တာကတော့ Impact ကတော့ ကောင်းမယ်လို့ထင်ပါတယ်။”

ဒီလိုပြုပြင်ပြောင်းလဲလိုက်တဲ့ အတွက်လုပ်ငန်းရှင်တွေဘက်မှာ စိုးရိမ်မှုတွေရှိနေပေမယ့် ကောင်းတဲ့ပြောင်းလဲမှုတခုဖြစ်တယ်လို့ ပြောလာသူကတော့ ဘဏ်လုပ်ငန်း အကြံပေး ဦးရဲမင်းဦး ပါ။

“ဒီ ဘားဂျက်နှစ်အသစ်ပြောင်းလိုက်တာက တည်ဆောက်ရေးလုပ်ငန်းတွေအားလုံးအတွက် အဆင်ပြေသွားမယ် ဒါကကောင်းလာပါတယ်။ စိုးရိမ်တာက တခုပဲ၊ ကျနော်တို့က ပုံမှန်မိုးတွင်းကာလက လုပ်ငန်းတွေနည်းနည်းကျပ်တည်းတဲ့ကာလပေါ့ နိုင်ငံတော်က ဘားဂျက်ခွဲလိုက်တာက အဲဒီကာလမှာ ငွေတွေထွက်လာတာပေါ့နော်။ အဲဒီ ငွေတွေက ဘားဂျက်ထဲမှာ ၀င်ပြီးလည်ပတ်တဲ့အခါကျတော့ အခု ဘားဂျက်နှစ်အသစ်ပြောင်းလိုက်တဲ့အတွက် စီးပွားရေး ကောင်းတဲ့လတွေမှာ စီးပွားရေးပိုကောင်းသွားတယ်။ စီးပွားရေး အေးတဲ့လတွေမှာ ပိုများအေးသွားမလားဆိုတဲ့ စိတ်ပူတာလေး နည်းနည်းရှိတာပေါ့။ စိုးရိမ်တာနဲ့ ကောင်းတာနဲ့ ယှဉ်ရင်တော့ ကောင်းတာကတော့ ပိုများတယ်။”

အပြောင်းအလဲနဲ့ပတ်သတ်လို့ ကြုံတွေ့လာနိုင်တဲ့ အခက်အခဲတွေနဲ့ပတ်သတ်လို့ ဦးရဲမင်းဦးကခုလိုပြောပြသွားတာပါ။

“ပထမဦးဆုံးနှစ် ဘားဂျက်Yearကို ဘယ်နှစ်လနဲ့ စာရင်းကို ဖြတ်ကြမှာလဲ ပုံမှန်က မတ်လမှာစာရင်းချုပ်ပြီး ပုံမှန် April လမှာ တင်တယ်။ ပြီးတော့ အဲဒီ April လကနေပြီးတော့ စက်တင်ဘာအထိကို နောက်ထပ်စာရင်းတခုလုပ်ရမှာလား။ အခွန်ရှင်းတာတို့ဘာတို့ကို ဘယ်လိုရှင်းရမလဲဆိုတာ ရှင်းရှင်းလင်းလင်းသိချင်တာပေါ့။ အခုဆိုရင် မပိတ်ပဲနဲ့ ဆက်စောင့်နေပြီး နောက်နှစ် ဘားဂျက်Year စတဲ့အချိန်ကျမှ ကျနော်တို့က ပိတ်ရမှာလားပေါ့ ဒါလေးကတော့ ရှင်းရှင်းသိဖို့လိုတယ်။”

စီးပွားရေး ပညာရှင် ဦးခင်မောင်ညို(ဘောဂဗေဒ)ကတော့ ဒီပြောင်းလဲမှုက ကောင်းတဲ့အပြောင်းအလဲ တခု ဖြစ်တယ်လို့ သုံးသပ်ပါတယ်။

“အခုက အဆင်မပြေလို့ ပိုပြီးတော့ အဆင်ပြေကောင်းမယ်ထင်လို့တော့ ပြောင်းကြတာပေါ့နော်။ တကယ်ကောင်းမကောင်းဆိုတာကတော့ လုပ်ကြည့်တဲ့အခါကျတော့မှ ပြောနိုင်မှာပါ။ သိပ်ပြီးတော့ ထူးထူးခြားခြားကြီးအခက်အခဲတော့ မမြင်မိပါဘူး။”

ဒီပြင်ဆင်မှုကို ပြည်ထောင်စုလွှတ်တော်မှာ လွှတ်တော်ကိုယ်စားလှယ်တွေက ဆွေးနွေးကြရဦးမှာ ဖြစ်သလို ဆွေးနွေး အတည်ပြုနိုင်မှသာ ပြင်ဆင်သတ်မှတ် သွားမှာ ဖြစ်ပါတယ်။ ပြင်ဆင်မှုကို လက်မခံရင်တော့ မူလရှိရင်းစွဲ သတ်မှတ်ထားတဲ့ အတိုင်းဘဲ ကျင့်သုံးသွားမှာဖြစ်ပြီး လက်ခံရင်တော့ လာမယ့်နှစ်ကနေစပြီး စနစ်သစ်ကို ကျင့်သုံးသွားမှီာဖြစ်ပါတယ်။

VOA Burmese News


ရခိုင်ပြည်နယ် မြောက်ပိုင်းက မတည်မငြိမ် အခြေအနေတွေကြောင့် ဆက်လက် ထွက်ပြေးလာနေကြတဲ့ ဒုက္ခသည်တွေကို အိမ်နီးချင်း ဘင်္ဂလားဒေ့ရ်ှနိုင်ငံက လက်ခံဖို့ ကုလသမဂ္ဂက တိုက်တွန်းလိုက်ပါတယ်။

"ပဋိပက္ခတွေကြောင့် ထွက်ပြေးလာနေကြပြီး နေရပ်ရင်းမှာလည်း အခက်အခဲတွေ ကြုံနေကြရတဲ့ ဒုက္ခသည်တွေကို အရေးပေါ် လက်ခံဖို့ ဘင်္ဂလားဒေ့ရှ် အစိုးရကို တိုက်တွန်းနေကြောင်းနဲ့ ထိလွယ်ရှလွယ် အခြေအနေတွေနဲ့ ရင်ဆိုင်နေကြရတဲ့ ဒုက္ခသည်တွေအတွက် မိနစ်နဲ့အမျှ အရေးကြီးကြောင်း" ဒုက္ခသည်များဆိုင်ရာ ကုလသမဂ္ဂ မဟာမင်းကြီးရုံး (UNHCR) ပြောခွင့်ရ Andrej Mahecic က ပြောဆိုလိုက်တာပါ။

တနင်္ဂနွေနေ့ကစလို့ ရိုဟင်ဂျာ ဒုက္ခသည်ပေါင်း ခန့်မှန်းချေ ၁ သောင်းကနေ တသောင်းခွဲလောက်ဟာ ဘင်္ဂလားဒေ့ရှ် နယ်စပ်အနီး ရောက်လာခဲ့ကြပြီး ၀င်ခွင့်ရဖို့ စောင့်ဆိုင်းနေရကြောင်းလည်း မနေ့တုန်းကပဲ ကုလသမဂ္ဂ ရုံးချုပ်ရှိရာ ဆွစ်ဇာလန်နိုင်ငံ ဂျနီဗာမြို့မှာ သတင်းထောက်တွေကို ပြောဆိုခဲ့ပါတယ်။ ထောင်သောင်းချီတဲ့ ဒုက္ခသည်တွေ ဘင်္ဂလားဒေ့ရ်ှနယ်စပ်အနီး သွားလာစုဝေးနေတာတွေကို အဝေးထိန်း Drone နဲ့ ရိုက်ကူးထားတဲ့ ဗွီဒီယိုမှတ်တမ်းတခုကိုလည်း UNHCR က ထုတ်ပြန်ခဲ့တာပါ။

ရခိုင်ပြည်နယ် မြောက်ပိုင်းက လုံခြုံရေးကင်းစခန်း ၃၀ လောက်ကို သြဂုတ်လ ၂၅ ရက်နေ့က ၀င်ရောက်တိုက်ခိုက်ခဲ့တဲ့ ARSA အစွန်းရောက် အုပ်စုကို လိုက်လံချေမှုန်းရာမှာ မြန်မာလုံခြုံရေးတပ်ဖွဲ့တွေ အင်အားအလွန်အကျွံသုံးတာ၊ လူ့အခွင့်အရေး ချိုးဖောက်တာတွေ ရှိနေကြောင်း ကုလသမဂ္ဂနဲ့ နိုင်ငံတကာ လူ့အခွင့်အရေး အုပ်စုတွေက ဝေဖန်နေကြတာပါ။

နိုင်ငံတကာ လူ့အခွင့်အရေး လှုပ်ရှားမှုအဖွဲ့တခုဖြစ်တဲ့ Amnesty International ကလည်း စစ်ဆင်ရေးတွေအတွင်း မြန်မာစစ်တပ်က ရာနဲ့ချီတဲ့ ရိုဟင်ဂျာတွေကို သတ်ဖြတ်ခဲ့ကြောင်း ဒီကနေ့ပဲ အစီရင်ခံစာ ထုတ်ပြန်ပြောဆိုလိုက်ပါတယ်။ ရိုဟင်ဂျာတွေကို တိုင်းပြည်ကနေ နှင်ထုတ်ဖို့ အကွက်ချဆောင်ရွက်ခဲ့တဲ့ အစီအစဉ်မှာ ကလေးတွေ၊ အမျိုးသမီး၊ အမျိုးသား ရာနဲ့ချီသတ်ဖြတ်ခံခဲ့ရသလို၊ မြေလှန်စနစ်နဲ့ ရှင်းလင်းမှုတွေ လုပ်ခဲ့ကြောင်း ထွက်ပြေးလာသူ ရိုဟင်ဂျာ ၁၂၀ ကျော်ကို မေးမြန်းပြုစုထားတဲ့ အစီရင်ခံစာမှာ ဖော်ပြခဲ့တာပါ။ မြန်မာစစ်တပ်ကတော့ ရခိုင်ပြည်နယ်က စစ်ဆင်ရေးတွေမှာ တပ်ဖွဲ့ဝင်တွေ ဥပဒေ ချိုးဖောက်ခဲ့မှု ရှိမရှိ တပ်မတော်စစ်ဆေးရေးအရာရှိချုပ် ဒုတိယဗိုလ်ချုပ်ကြီး အေးဝင်း ဦးဆောင်တဲ့ စုံစမ်းစစ်ဆေးရေးအဖွဲ့က စစ်ဆေးနေကြောင်း ပြီးခဲ့တဲ့ သီတင်းပတ်ထဲမှာပဲ သတင်းထုတ်ပြန်ထားပါတယ်။
VOA Burmese News



နိုင်ငံတဝှမ်းက ကွန်မြူနစ်ပါတီရဲ့ ကိုယ်စားလှယ် ၂၀ဝ၀ ကျော်ဟာ ဒီညီလာခံကို တက်ရောက်နေ
တရုတ်ကွန်မြူနစ်ပါတီရဲ့ ညီလာခံကို အောက်တိုဘာလ ၁၈ ရက်နေ့ကစလို့ မြို့တော် ဘေကျင်းမှာ စတင်ကျင်းပနေပါတယ်။

တရုတ်ဟာ ခေတ်သစ်ကို ချဉ်းနင်း ဝင်ရောက်ခဲ့ပြီ ဖြစ်ပြီး ကမ္ဘာ့ရဲ့ ဗဟိုချက်မ ဖြစ်လာစေဖို့အတွက် ကြိုးပမ်းသွားကြဖို့ သမ္မတ ရှီကျင်းပင်က တိုက်တွန်းခဲ့ပါတယ်။

လျင်မြန်စွာ ဖွံ့ဖြိုး တိုးတက်နေတဲ့ တရုတ်ပြည်အဖို့ ဆိုရှယ်လစ် အယူအဆဟာ တရုတ်ရဲ့ ပင်ကိုယ် လက္ခဏာဖြစ်ပြီး အဲဒီ လက္ခဏာဟာ အခြားနိုင်ငံတွေ အတွက် သဘောတရားအသစ် အနေနဲ့ ရွေးချယ်စရာ ဖြစ်လာစေဖို့ ပြသရမယ်လို့ ရှီကျင်းပင်က သူ့ရဲ့ ကွန်ဂရက် မိန့်ခွန်းမှာ ထည့်သွင်းပြောဆိုပါတယ်။

တံခါးပိတ်အနေနဲ့ ပြုလုပ်တဲ့ သူတို့ရဲ့ ထိပ်သီး ညီလာခံဟာ လာမယ့် ၅ နှစ် သက်တမ်းအတွက် တရုတ်နိုင်ငံကို ဘယ်သူအုပ်ချုပ်မလဲဆိုတာကို ဆုံးဖြတ်ရွေးချယ်ကြမှာဖြစ်ပါတယ်။

မစ္စတာရှီအနေနဲ့ ပါတီကို ဆက်လက် ဦးဆောင်သူ အဖြစ် ကျန်ရှိနေမယ်လို့ အများက မျှော်လင့်ထားကြပါတယ်။ ငါးနှစ် တကြိမ် ကျင်းပလေ့ရှိတဲ့ ကွန်ဂရက်ဟာ လာမယ့် အင်္ဂါနေ့မှာ ပြီးဆုံးမှာပါ။

နိုင်ငံတဝှမ်းက ကွန်မြူနစ် ပါတီရဲ့ ကိုယ်စားလှယ် ၂ဝဝဝ ကျော် ဒီညီလာခံကို တက်ရောက်
လုံခြုံရေး တင်းကျပ်စွာချ ထားတဲ့ အကြားကပဲ နိုင်ငံတဝှမ်းက ကွန်မြူနစ် ပါတီရဲ့ ကိုယ်စားလှယ် ၂ဝဝဝ ကျော် ဒီညီလာခံကို တက်ရောက်နေတာပါ။

ကွန်ဂရက်ပြီးလို့ မကြာခင်မှာပဲ တရုတ်ရဲ့ အုပ်ချုပ်ရေး ဆိုင်ရာ အမြင့်ဆုံး တာဝန်ရှိသူတွေ ၊ ပါတီရဲ့ ပေါ်လစ်ဗျူရိုကော်မတီဝင်တွေနဲ့ ဦးဆောင်ကော်မတီဝင်တွေက ဘယ်သူတွေလဲဆိုတာ ပေါ်ထွက်လာဖို့ မျှော်လင့်ရပါတယ်။

ရှီကျင်းပင်ရဲ့ ၃ နာရီတာ ကြာမြင့်တဲ့ မိန့်ခွန်းမှာတော့ ဆိုရှယ်လစ်စနစ် ကျင့်သုံးတဲ့ တရုတ်ဟာ ကမ္ဘာမှာ သြဇာကြီးတဲ့ အခန်းကဏ္ဍမှာ ရောက်နေပြီး စုပေါင်းဆောင်ရွက်မှု သမိုင်းဟာ အရေးကြီးတဲ့ အခန်းကဏ္ဍမှာ ရှိနေတယ် လို့လည်း ရှီကျင်းပင်က ပြောပါတယ်။

ဒီအချိန်ဟာ ကမ္ဘာ့ဗဟိုချက်မကို သွားရမယ့် အချိန်ဖြစ်ပြီး တရုတ်ရဲ့ စုပေါင်းဆောင်ရွက်မှု အတွေ့အကြုံတွေကို အခြားနိုင်ငံတွေ အတွက် ကူညီမျှဝေ ပေးရမယ်လို့ သမ္မတရှီက ဆိုပါတယ်။

သူအာဏာရတဲ့ ၂ဝ၁၂ ခုနှစ်နောက်ပိုင်းက စလို့ ပြုပြင်ပြောင်းလဲရေး လုပ်ငန်းတွေ အရှိန်မြှင့် လုပ်ဆောင်ခဲ့ပေမယ့် တိုင်းပြည်အတွင်းက သူ့ရဲ့ တင်းကျပ်တဲ့ စည်းမျဉ်းတွေ အုပ်ချုပ်မှု လူ့အခွင့်ရေး လှုပ်ရှားသူတွေ၊ ရှေ့နေတွေ ကို ဖမ်းဆီးတာ ၊ စာပေ စိစစ်မှုတွေ ပိုလုပ်လာခဲ့တာကြောင့် အာဏာရှင် ပိုဆန်တဲ့ အပြုအမူ ကျင့်သုံးသူ ဖြစ်လာခဲ့ပါတယ်။

ရှီကျင့်ပင်ဟာ သူ့ရဲ့အရင် အဆက်ဆက် တရုတ်ခေါင်းဆောင်တွေထက် ကိုယ့်ကိုကိုယ် ယုံကြည်မှု ပိုမိုလွန်ကဲတဲ့ ခေါင်းဆောင်လည်း ဖြစ်ပါတယ်။

သုံးနာရီကြာ မိန့်ခွန်းကို ယုံကြည်မှုအပြည့်နဲ့ ပြောဆိုခဲ့သလို လွန်ခဲ့တဲ့ ၅ နှစ်အတွင်း ပါတီအနေနဲ့ မယုံနိုင်လောက်တဲ့ အောင်မြင်မှုတွေ ရခဲ့ပြီး နိုင်ငံတကာမှာ တရုတ်ရဲ့ အခန်းကဏ္ဍ ကလည်း ပိုမို အရေးပါလာခဲ့တယ်လို့ သူက ပြောဆိုသွားပါတယ်။

သူ့ရဲ့ ပါတီနဲ့ နိုင်ငံအတွက် ရည်မှန်းချက်နဲ့ သက်ဆိုင်တဲ့ မိန့်ခွန်းထဲမှာ အဓိကကျတဲ့ အကြောင်းအရာကတော့ နိုင်ငံရေး သဘောတရားရေးရာနဲ့ ပတ်သက်လို့ ယုံကြည်မှုရှိရှိ ပြောဆိုခဲ့တာ ဖြစ်ပါတယ်။

လတ်တလော ကာလအတွင်းမှာပဲ ကွန်မြူနစ်ပါတီရဲ့ အာဘော် သတင်းမီဒီယာတွေကတော့ ဒီမိုကရေစီ စနစ်ကျင့်သုံးပြီး အကျပ်အတည်းတွေ ကြုံနေရကာ ပရမ်းပတာ ဖြစ်နေတဲ့ အနောက်နိုင်ငံတွေရဲ့ အခြေအနေနဲ့ ညီညွတ်တယ် ဆိုတဲ့ တရုတ်အကြား တည်ငြိမ်မှုကို နှိုင်းယှဉ် ဖော်ပြမှုတွေ ပြုလုပ်နေကြပါတယ်။

သူ့အနေနဲ့ အခြားနိုင်ငံရဲ့ နိုင်ငံခြားရေး မူဝါဒကို အတုယူ ပုံတူပွားတာမျိုး လုပ်မှာမဟုတ်ဘူးလို့လည်း ရှီကျင့်ပင်က ဆိုပါတယ်။
ပါတီ ကွန်ဂရက် အတွင်း လုံခြုံရေး တင်းကျပ်နေ
ပါတီရဲ့ ၁၉ ကြိမ်မြောက် ညီလာခံကျင်းပနေတုန်း ဘေကျင်းမြို့တော်တခွင် မှာတော့ ပါတီညီလာခံနဲ့ ပတ်သက်တဲ့ ကြော်ငြာဆိုင်းဘုတ်တွေ နဖူးစည်းတွေကို လွှင့်ထူထားပါတယ်။

ညီလာခံကျင်းပမှုကြောင့် ဘားတွေ ညကလပ်တွေနဲ့ ကာရာအိုကေခန်းမတွေ အပါအဝင် စားသောက်ဆိုင်တွေလည်း ပိတ်ထားရတယ်လို့ ဆိုကြပါတယ်။

နိုင်ငံမီဒီယာတွေ ကတော့ ရှီကျင်းပင်ရဲ့ နိုင်ငံရေး အယူအဆတွေနဲ့ မူဝါဒဆိုင်ရာ ပြောဆိုချက်တွေကို အခြေခံလို့ ပါတီရဲ့ စည်းမျဉ်းတွေနဲ့ တရုတ် အခြေခံ ဥပဒေကို ပြင်ဆင်ဖွယ်ရှိတယ်လို့ ဖော်ပြနေကြသလို ရှီကျင့်ပင် ကိုလည်း ကွန်မြူနစ်ပါတီရဲ့ ခေါင်းကိုင် ဖြစ်တဲ့ မော်စီတုန်း အနေအထားလောက် အထိ စိတ်ဓာတ်ပိုင်း ဆိုင်ရာ မြှင့်တင်ပေးနိုင်သူ ဖြစ်လာလိမ့်မယ်လို့ ရေးသားဖော်ပြနေကြပါတယ်။

BBC Burmese
http://www.bbc.com/burmese



ဟန်ဂေရီ နိုင်ငံဖွား ဘီလျံနာသူဌေးကြီး ဂျော့ဆိုးရော့စ်
ပရဟိတ အလှူရှင် ဟန်ဂေရီ နိုင်ငံဖွား ဘီလျံနာသူဌေးကြီး ဂျော့ဆိုးရော့စ် က ဒီမိုကရေဒီနဲ့ လူ့အခွင့်အရေး တိုးမြှင့် ဖော်ဆောင်ရာမှာ ကူညီဖို့ ဖွဲ့စည်းထားတဲ့ သူ့ရဲ့ ပရဟိတအဖွဲ့ကို အမေရိကန် ဒေါ်လာ ၁၈ ဘီလျံ လွှဲပြောင်း ပေးလိုက်ပါတယ်။

အခုဆို မစ္စတာ ဆိုးရော့စ်ရဲ့ အိုးပင်း ဆိုဆိုက်ယတီ ဖောင်ဒေးရှင်း ဟာ မိုက်ကရိုဆော့ဖ် သူဌေးကြီး ဘီလ်ဂိတ်နဲ့ ဇနီး မယ်လင်ဒါတို့ရဲ့ ဂိတ်စ် ဖောင်ဒေးရှင်း ပရဟိတ အဖွဲ့ပြီးရင် အမေရိကန်မှာ ဒုတိယ အချမ်းသာဆုံး ပရဟိတ အဖွဲ့ ဖြစ်ပါတယ်။

မစ္စတာ ဆိုးရော့စ် က သူ့ရဲ့ ကြွယ်ဝမှု အများစုကို သူ့ပရဟိတ အဖွဲ့ကို ပေးဖို့ စီစဉ်ထားတယ်လို့ အဖွဲ့ ပြောခွင့်ရ အမျိုးသမီး Laura Silber က ပြောပါတယ်။

အိုးပင်း ဆိုဆိုက်ယတီ အဖွဲ့ဟာ မြန်မာ့ ပညာရေး ပြုပြင် ပြောင်းလဲဖို့ ရန်ကုန် နဲ့ မန္တလေးတက္ကသိုလ်တွေ ပြုပြင်ရေးမှာ အဓိက ပါဝင် ကူညီနေတဲ့ အဖွဲ့ ဖြစ်သလို မြန်မာ နိုင်ငံ ဒီမိုကရေစီ ပြောင်းလဲရေး အတွက် အဖွဲ့အစည်းတွေ ကို နှစ်ပေါင်းများစွာ ထောက်ပံ့ ကူညီလာတဲ့ အဖွဲ့လည်း ဖြစ်ပါတယ်။

BBC Burmese
http://www.bbc.com/burmese


နေပြည်တော်အပြည်ပြည်ဆိုင်ရာလေဆိပ်မှာ ဖမ်းဆီးရမိတဲ့ တရားမ၀င်လက်နက်တွေဟာ မြ၀တီလမ်းကြောင်းကနေ၀င်လာတဲ့ လက်နက်တွေလို့ ကနဦးစစ်ဆေးချက်အရသိရပြီး ထွက်ပြေးလွတ်မြောက်နေတဲ့ တရားခံ ၂ ဦးကို ဖမ်းမိရင်တော့ ကွင်းဆက်တွေထပ်ပေါ်နိုင်တယ်လို့ တာဝန်ရှိသူတွေကပြောပါတယ်။ အပြည့်အစုံကိုတော့ ဗွီအိုအေမြန်မာပိုင်း သတင်းထောက် ကိုထက်အောင်ခန့်က သတင်းပေးပို့ထားပါတယ်။


နေပြည်တော် အပြည်ပြည်ဆိုင်ရာလေဆိပ်မှာ အောက်တိုဘာ ၁၅ ရက်ညပိုင်းက အရင်ပြည်ထောင်စုဝန်ကြီးဟောင်း ဦးတင့်ဆန်းရဲ့သားဖြစ်သူ ဖြိုးကိုကိုတင့်ဆန်းဆီကနေ တရားမ၀င်လက်နက်နဲ့မူးယစ်ဆေးဝါးတွေကို ဖမ်းဆီးရမိခဲ့တာဖြစ်ပါတယ်။ ကနဦးစစ်ဆေးချက်တွေအရ အခုလိုဖမ်းဆီးရမိတဲ့လက်နက်တွေဟာ မြ၀တီဘက်က ၀င်လာတဲ့လက်နက်တွေလို့သိရပြီး ဆက်လက်စစ်ဆေးမှုတွေပြုလုပ် ဆောင်ရွက်လျက်ရှိပြီးတော့ ထပ်တိုးဖမ်းမိတာမရှိသေးဘူးလို့ နေပြည်တော်ရဲတပ်ဖွဲ့မှူး ရဲမှူးဇော်ခင်အောင်က VOA ကိုပြောပါတယ်။

“အင်းဟုတ်တယ်။ အကြမ်းဖျင်းတော့အဲ့လိုသိရတယ်။ မြ၀တီတဖက်နိုင်ငံနေပြီးတော့သွင်းတာပေါ့နော်။ သွင်းတယ်ဆိုတာဒီလို အလုံးလိုက်ကြီးသွင်းလာ တာတော့မဟုတ်ဘူး။ ဟိုတလက်စနှစ်လက်စနေ တဖြေးဖြေးကိုင်ရင်းကိုင်ရင်းနဲ့များသွားတာပေ့ါ။ လုပ်နေတယ်သူတို့ကိုစစ်နေတယ်။ တချို့ကမပြောဘူး တို့ကလည်းတချို့ဟာ ဟိုဘက်ထောက်စစ်ဒီဘက်ထောက်စစ်ရင်းနဲ့ အခုအဲ့လိုပေါ့ ပေါ်လာတာပေါ့နော်။ သူ့ဟိုတယ်ကစ၀င်စစ်တယ်။ ၀င်စစ်တဲ့အခါမှာ ၇ လက်မိတယ်။ အဲ့ဒါမှာကုန်ပြီလို့ပြောတယ်။အဲ့အပေါ်မှာမူတည်ပြီးတော့မှ သူ့ဆီမှာရှိတဲ့စာရွက်စာတမ်းအထောက်အထားနဲ့ ပြန်ပြီးထောက်ပြီးပြန်စစ်လိုက် တဲ့အခါကြတော့ ထပ်ပေါ်လာပြန်တယ်။ အဲ့လိုမျိုးပေါ့အခုတော့တဖြေးဖြေးဖြေးထောက်စစ်နေတာပေါ့။ နောက်ဆက်တိုးတာတော့ ထပ်ရှာတွေ့တာတော့ မရှိသေးဘူး။”

ဒီကနေ့အထိ လူ ၁၂ ယောက် လက်နက် ၂၁ လက် အထိ ဖမ်းဆီးရမိစစ်ဆေးထားပြီး ဖြိုးကိုကိုတင့်ဆန်းနဲ့ ပတ်သက် ဆက်သွယ်သူ တရားခံ ၂ ဦးမှာ ထွက်ပြေးလွတ်မြောက်နေပြီး ဖမ်းဆီးရမိပါက ကွင်းဆက်တွေပေါ်လာနိုင်တယ်လို့ ရဲမှူးဇော်ခင်အောင်က ဆက်ပြောပါတယ်။

“နောက် ၂ ယောက်လွတ်နေတာရှိတယ်။ ၂ ယောက်လွတ်နေတာ အဲ့ ၂ယောက်ကိုရရင် နောက်ထပ် ထပ်ပေါ်လာနိုင်တဲ့အလားအလာတွေရှိတယ်နော်။ ဖမ်းဆီးရမိမှု သူရဲ့တပည့်တပန်းတွေထဲ ဖမ်းဆီးရမိဖို့ ၂ ယောက်ရှိသေးတယ်။ အဲ့၂ယောက်လိုအပ်သေးတယ်။ အဲ့ ၂ ယောက်ကိုရရင် ကွင်းဆက်ကြီး တခုလုံးက ပြည့်စုံပြီးပေါ်လာလိမ့်မယ်။”

ပြည်ထဲရေးဒုဝန်ကြီး ဗိုလ်ချုပ်အောင်စိုးက ကျန်ရှိတဲ့လက်နက်နဲ့ ကွင်းဆက်တွေကိုဖမ်းဆီးသိမ်းဆည်းရမိဖို့က ဦးစားပေးဆောင်ရွက်နေပြီး တည်ဆဲဥပဒေ တွေအပေါ်ချိုးဖောက်တဲ့လုပ်ငန်းစဉ်တွေအားလုံးကို ဖော်ထုတ်ပြီးဆောင်ရွက်သွားမယ်လို့ မနေ့ကနေပြည်တော်မှာ သတင်းထောက်တွေကို ပြောကြားခဲ့ပါတယ်။

နေပြည်တော်အပြည်ပြည်ဆိုင်ရာလေဆိပ်မှာ လက်နက်နဲ့မူးယစ်ဆေးဝါးတွေဖမ်းဆီးရမိတဲ့အတွက် ဖြိုးကိုကိုတင့်ဆန်းနဲ့အပေါင်းအပါ ၂ ဦးကို နေပြည်တော် အေလာနယ်မြေရဲစခန်းက မူးယစ်ပုဒ်မ လက်နက်ပုဒ်မတွေနဲ့အမှုဖွင့်ဆောင်ရွက်ထားခဲ့ပါတယ်။ အစပထမပိုင်းဖမ်းဆီးရမိချိန်မှာတော့ လက်နက်ပုဒ်မ ၁၉ (စ) နဲ့ဖွင့်လှစ်ထားရာမှ လက်နက်တွေထပ်မံတွေ့ရှိတဲ့အတွက် လက်နက်ဥပဒေပုဒ်မ ၁၉(က) နဲ့ပြောင်းလဲဖွင့်လှစ်ခဲ့ပါတယ်။

နေပြည်တော် အပြည်ပြည်ဆိုင်ရာ လေဆိပ်မှာ အောက်တိုဘာ ၁၅ ရက်နေ့က တရားမ၀င်လက်နက်ငယ်နဲ့ မူးယစ်ဆေးဝါးတွေကို ဖမ်းဆီးရမိတာနဲ့ ဆက်စပ်ပြီး၊ ရန်ကုန်နဲ့ နေပြည်တော်မှာရှိတဲ့ ဖြိုးကိုကိုတင့်ဆန်းပိုင် ACE ရုံးတွေ ဟိုတယ်တွေကို ၀င်ရောက်စစ်ဆေးရှာဖွေရာကနေ နောက်ထပ် တရားမ၀င်လက်နက်တွေနဲ့ မူးယစ်ဆေးဝါးတွေ ဖမ်းဆီးရမိတာပါ။ ဖြိးကိုကိုတင့်ဆန်းဟာ ACE လုပ်ငန်းစု အကြီးအကဲတဦးဖြစ်သလို၊ ၂၀၁၂ ခုနှစ်က ဧရာဝတီတိုင်းဒေသကြီး မြောင်မြမြို့နယ် လွှတ်တော်ကိုယ်စားလှယ်အဖြစ် ပြည်ခိုင်ဖြိုးပါတီကနေ ၀င်ရောက်ယှဉ်ပြိုင်ခဲ့သူလည်းဖြစ်ပါတယ်။

ထက်အောင်ခန့်  / ဗွီအိုအေ (မြန်မာပိုင်း)
https://burmese.voanews.com


မြစ်ကြီးနား အောက်တိုဘာ ၁၈

မြစ်ကြီးနားမြို့ ဒူကထောင်ရပ်ကွက် အုပ်ချုပ်ရေးမှုး ရုံးတံဆိပ်အတုပြုလုပ်ကာ အိမ်ခြံမြေ ရောင်းဝယ်မှု ပြုလုပ်ရာတွင် ရပ်ကွက်အငယ်တန်းစာရေးတစ်ဦးအပါအဝင် အမျိုးသမီး ၃ဦးကို မြို့မရဲစခန်းတွင် အမှုဖွင့် ထိန်းသိမ်းထားကြောင်း ယင်းမြို့မရဲစခန်းမှ သိရသည်။

အောက်တိုဘာ ၁၆ရက် နေ့လည် ၂နာရီခန့်တွင် ဒူကထောင်ရပ်ကွက် အုပ်ချုပ်ရေးမှုးကို တပ်ကုန်းရပ်ကွက်နေ ဦးနော့နော်မှ ၎င်း၏ဇနီး ဒေါ်ဒွမ်ဂျာဆင်နှင့် ဒေါ်ဝင်းသန်းတို့ နှစ်ဦးအမည်ပါ မြို့မြေခ ပေးဆောင်သည့် ဒူက ထောင်ရပ်ကွက် အမှတ်၄၂/၉၏ မြေခွန်ပြေစာ၎စောင်တွင် ပါရှိသော ဒူကထောင် ရပ်ကွက် အုပ်ချုပ်ရေးမှုးရုံးတံဆိပ်ကို အစစ်ဟုတ်မဟုတ် စစ်ဆေးပေးရန် လာရောက်မေးမြန်းခဲ့ရာ ယင်းတံဆိပ်မှာ ဒူကထောင်ရပ်ကွက် အုပ်ချုပ်ရေးမှုး ရုံးတံဆိပ်အစစ်မဟုတ်ဘဲ အတုပြုလုပ်ကာ အိမ်ခြံမြေ ရောင်းဝယ်မှုကိစ္စ ပေါ်ပေါက်လာခြင်း ဖြစ်ကြောင်း သိရသည်။

`` အိမ်အပေါင်ခံတဲ့ စာချုပ်ပြေစာ အတုမှာ ရပ်ကွက်အုပ်ချုပ်ရေးမှုး ရုံးတံဆိပ်အဝိုင်းကို အတုပြုလုပ်တာ ဒေါ်ဝင်းသန်းပေါ့နော် သူရဲ့ပြောစကားအရ အတုပြုလုပ်တဲ့အခါ ရှေ့နေတစ်ယောက်နဲ့ အာလမ်ရပ် ကွက် အငယ်တန်း စာရေးမတစ်ယောက် ပါဝင်တယ်လို့ပဲ သိထားပါတယ် ´´ဟု ဒူကထောင်ရပ် ကွက် အုပ်ချုပ်ရေးမှုး ဦးနော်ဆန့်ကပြောသည်။

၂၀၁၇ အောက်တိုဘာ ၁၇ရက်ညနေ၅နာရီကျော်တွင် လယ်ကုန်းရပ်ကွက်ရှိ အိမ်ခြံမြေ ပွဲစား ဒေါ်ဘောက်နှုးနေအိမ်တွင် ဦးနောနော်မှ ဒေါ်ဝင်းသန်းကို ငွေကျပ်သိန်း၄၀ပေးရန် ချိန်းဆိုထားကြောင်း ပြောပြရာမှ အဆိုပါအိမ်တွင် ဝင်ရောက်ဖမ်းဆီးရာ ဒေါ်ဝင်းသန်းကို ဒူကထောင်ရပ်ကွက်အုပ်ချုပ်ရေးမှုး ရုံးတံဆိပ်ဝိုင်း အတုနှင့် ရာအိမ်မှုး အပိုင်း၃ ဒူကထောင်ရပ်ကွက် တံဆိပ်အတုကို ၂၀၁၇ခုနှစ် အောက်တိုဘာ ၁၆ရက် ရက်စွဲဖြင့် နှစ်ဦးသဘောတူ အိမ်ခြံမြေ အရောင်းအဝယ်စာချုပ်တစ်စောင် တွေ့ရှိရသဖြင့် ဒေါ်ဝင်းသန်း အား စစ်မေးရာ ဒေါ်ကြည်ဝင်းမှတစ်ဆင့် ဒေါ်စန်းမြင့်ဇင်(အာလမ်ကျေးရွာ အငယ်တန်းစာရေး)ထံ ဆက်သွယ်ပြီး ငွေ၃သိန်းကျပ်ပေး၍ အဆိုပါစာရေးမမှ ပြုလုပ်ပေးခဲ့ခြင်းဖြစ်ကြောင်း မြို့မရဲစခန်း၏ မှတ်တမ်းအရ သိရသည်။
``ဒေါ်ဝင်းသန်းရဲ့ ဖော်ထုတ်ပြောပြချက်အရ ရပ်ကျေးစာရေးမတစ်ယောက်ရယ် ဒေါ်ကြည်ဝင်းရယ်ကို ဒီနေ့ပဲ ထိန်းသိမ်းလိုက်ပါတယ်´´ဟု မြို့မရဲစခန်းမှ တပ်ကြပ် သက်နိုင်ဦးကပြောသည်။

အဆိုပါ တရားခံဟု ယူဆရသူ ရပ်ကွက်အငယ်တန်းစာရေးတစ်ဦးအပါအဝင် အမျိုးသမီး ၃ဦးကို အမှုအမှတ် (ပ)၃၄၅ /၂၀၁၇ ရာဇသတ်ကြီးပုဒ်မ ၄၂၀/၄၆၈ (ပစ္စည်းကိုပေးအပ်စေရန် လိမ်လည်မှု့နှင့် လိမ်လည်မှု ပြုလုပ်ရန် အတုပြုမှု)ဖြင့် မြစ်ကြီးနားမြို့မရဲစခန်းတွင် အမှုရေးဖွင့်၍ ဥပဒေအရ အရေးယူနိုင်ရန် ဆောင်ရွက်နေကြောင်း သိရသည်။

မီးမီး / EPN
https://www.facebook.com/epngnews/



ထားဝယ်မြို့တွင် အောက်တိုဘာလ ၁၈ ရက်နေ့က တိုင်းဝန်ကြီးချုပ်နဲ့ တိုင်းအစိုးရအဖွဲ့ဝင် ဝန်ကြီးနှစ်ဦးကို ရာထူးကနေ နှုတ်ထွက်ပေးဖို့ လယ်သမားများ ဆန္ဒပြစဉ်။ Photo: Wai Phyo's facebook
တနသာင်္ရီတိုင်းဒေသကြီး ထားဝယ်မြို့မှာ သိမ်းဆည်းခံရတဲ့ လယ်ယာမြေပြဿနာတွေကို ဖြေရှင်းမပေးလို့ဆိုပြီး တိုင်းဝန်ကြီးချုပ်နဲ့ ၀န်ကြီး တိုင်းအစိုးရအဖွဲ့ဝင် ဝန်ကြီးနှစ်ဦးကို ရာထူးကနေ နှုတ်ထွက်ပေးဖို့ ဒေသခံလယ်သမား ၁၀၀ ကျော်ရဲ့ ဆန္ဒပြပွဲ တားမြစ်ခံရတယ်လို့ သိရပါတယ်။

ဆန္ဒပြရာမှာ ကိုင်ဆောင်တဲ့ ပိုစတာတွေမှာ အစိုးရအဖွဲ့ကို ဂုဏ်သိက္ခာကျဆင်းစေတဲ့ စာသားတွေပါတယ်ဆိုပြီး ရဲတပ်ဖွဲ့နဲ့ အုပ်ချုပ်ရေးအဖွဲ့က တားမြစ်ပြီး ပိုစတာတွေကို ဖြုတ်ခိုင်းတာလို့ ဆန္ဒပြပွဲ ဦးဆောင်တဲ့ ထားဝယ်ခရိုင်တောင်သူလယ်သမားသမဂ္ဂ ဥက္ကဌ ဒေါ်ရီရီထွေးက ပြောပါတယ်။

ဆန္ဒပြပွဲမှာ အစိုးရမလုပ်တတ်တဲ့ ဝန်ကြီးချုပ်နှုတ်ထွက်ပေးဖို့၊ အစိုးရလုပ်တတ်တဲ့ ဝန်ကြီးချုပ်သာအလိုရှိသည်၊ မြေယာအရေးဖြေရှင်းပေး၊ မဖြေရှင်းပေးနိုင်က တိုင်းလယ်ဆည်ဝန်ကြီးနှုတ်ထွက်ပေး၊ ဥပဒေမဲ့ သိမ်းဆည်းမြေယာပေါ်မှာ ဥပဒေမဲ့ ဆောက်လုပ်ခွင့်ပေးသော စည်ပင်ဝန်ကြီးနှုတ်ထွက်ပေး စတဲ့ စာသားတွေ ရေးသားထားတဲ့ ပိုစတာတွေ ကိုင်ဆောင်ခဲ့ကြတာဖြစ်ပါတယ်။

ထားဝယ်မြို့ ဆန်းချီရပ်ကွက်မှာရှိတဲ့ လယ်ယာမြေဧက ၃၀၀ ကျော်ကို ထားဝယ်မြို့သစ် စီမံကိန်းအတွက်ဆိုပြီး လွန်ခဲ့တဲ့ ၂၀၁၁ ခုနှစ်က အစိုးရက သိမ်းယူခဲ့ပါတယ်။

အဲဒီမြေယာပေါ်မှာ စီမံကိန်းအကောင်အထည်ဖော်နေတာကို ရပ်တန့်ပေးဖို့၊ လယ်ယာမြေ သိမ်းဆည်းခံရတဲ့ တောင်သူတွေအပေါ် တရားစွဲဆိုထားတဲ့ ပုဒ်မတွေကို ပယ်ဖျက်ပေးဖို့နဲ့ အစိုးရအဖွဲ့အပါအ၀င် ၅ ပွင့်ဆိုင် တွေ့ဆုံဆွေးနွေးဖို့ လယ်သမားတွေက ပြီးခဲ့တဲ့စက်တင်ဘာလက တောင်းဆိုထားပေမယ့် စီမံကိန်းကို အကောင်အထည်ဖော်နေဆဲဖြစ်တာကြောင့် လယ်သမားတွေက ဒီနေ့ ဆန္ဒပြတာဖြစ်တယ်လို့ သိရပါတယ်။

ဒီကိစ္စနဲ့ပတ်သက်ပြီး တိုင်းဒေသကြီးအစိုးရအဖွဲ့က မနေ့က ကြေညာချက်တစ်စောင် ထုတ်ပြန်ခဲ့ပါတယ်။ အဲဒီကြေညာချက်မှာ ထားဝယ်မြို့သစ် စီမံကိန်းအတွက် မြေယာ သိမ်းယူခံထားရတဲ့ တောင်သူ ၇၀ ထဲက ၆၃ ဦးကို အရင်တိုင်းအစိုးရက နစ်နာကြေးအဖြစ် ၃ဧက ကို ပေ ၄၀ ပေ ၆၀ မြေ ၁ကွက်နှုန်းနဲ့ မြေကွက်ပေါင်း ၁၄၅ ကွက် ချထားပေးပြီးဖြစ်တယ်လို့ ပါရှိပါတယ်။

ဒါ့အပြင် မြေစာရင်းမြေပုံမှတ်တမ်းအရ မြေကွက်လက်ခံရယူလိုခြင်းမရှိတဲ့ လယ်သမား ၇ ဦးအတွက် အကွက်ပေါင်း ၂၀ ကို နစ်နာကြေးအဖြစ် ပေးအပ်ဖို့ စီစဉ်ထားရှိခဲ့ပြီးဖြစ်တယ်လို့လည်း ဖော်ပြထားပါတယ်။

အဲဒီလိုမြေကွက်ရယူခြင်းမရှိသေးတဲ့ မူလအမည်ပေါက် တောင်သူ ၇ ဦးနဲ့ လက်ရှိတင်ပြတောင်းဆိုနေတဲ့ တောင်သူတွေအမည်ဟာ ကွဲလွဲမှုရှိနေတယ်လို့ တိုင်းအစိုးရအဖွဲ့ ထုတ်ပြန်ချက်မှာ ပါရှိပါတယ်။

လက်ရှိအစိုးရအနေနဲ့ မြေကွက်ရယူလိုခြင်းမရှိတဲ့ တောင်သူ ၇ ဦးက မြေကွက်ရယူမယ်ဆိုရင် အချိန်မရွေးပေးအပ် သွားမှာဖြစ်ကြောင်း၊ မူလအမည်ပေါက်တောင်သူမရှိတော့ရင် အဲဒီမြေယာနဲ့ပတ်သက်ပြီး အကျိုးခံစားခွင့်ရှိသူတွေ က သက်သေအထောက်အထားနဲ့ တင်ပြလာရင် မြေကွက်အစားထိုးပေးဖို့ စိစစ်ဆောင်ရွက်ပေးသွားမှာ ဖြစ်ကြောင်း ရှင်းလင်းပြောကြားထားပြီးဖြစ်တယ်လို့ သိရပါတယ်။

တိုင်းအစိုးရရဲ့ မနေ့က ထုတ်ပြန်ချက်မှာ ငြိမ်းချမ်းစွာစုဝေးခွင့်နဲ့ စီတန်းလှည့်လည်ခြင်းဆိုင်ရာ ဥပဒေပါ ပြဌာန်းချက်တွေနဲ့အညီ အစိုးရအဖွဲ့၊ လူပုဂ္ဂိုလ်တစ်ဦးဦးကို ထိခိုက်စေတဲ့ အသုံးအနှုန်းတွေ၊ ပိုစတာတွေ ဆန္ဒပြပွဲမှာ မပါရှိဖို့နဲ့ လိုက်နာခြင်းမရှိရင် ဥပဒေအရအရေးယူသွားမယ်လို့ ပါရှိပါတယ်။

RFA Burmese
http://www.rfa.org/burmese



မောင်တောမြို့နယ်မြောက်ပိုင်း ခုံတိုင်ကျေးရွာသစ်တည်ဆောက်မှုကို အောက်တိုဘာ ၁၆ ရက်နေ့က တွေ့ရစဉ်။ Photo: Min Thein Aung/ RFA
ရခိုင်ပြည်နယ်မှာ အကြမ်းဖက်တိုက်ခိုက်မှုတွေ ဖြစ်ပွားပြီးနောက်ပိုင်း တန်ဖိုးနည်းအိမ်ရာ တည်ဆောက်ရေး၊ လျှပ်စစ်မီးရရှိရေးနဲ့ လမ်းပန်းဆက်သွယ်ရေး စတဲ့လုပ်ငန်း ၁၄ ခုကို အကောင်အထည်ဖော်ဖို့အတွက် နယ်စပ်ရေးရာဝန်ကြီးဌာနက ဘတ်ဂျက် ၅ဘီလီယံ လျာထားတယ်လို့ သိရပါတယ်။

အဲဒီလုပ်ငန်း ၁၄ ခု အကောင်အထည်ဖော်ဖို့အတွက် ၅ ဘီလီယံလောက် ကုန်ကျမှာ ဖြစ်ပြီး ပြည်ထောင်စုအစိုးရက ဘတ်ဂျတ် ၃.၂ ဘီလီယံပဲ ချထားပေးတယ်လို့ နယ်စပ်ရေးရာဝန်ကြီးဌာန လက်ထောက်အတွင်းဝန် ဦးစိုင်းထွန်းညို က ပြောပါတယ်။

"ရခိုင်ပြည်နယ်ဖြစ်စဉ်နောက်ပိုင်း ကျနော်တို့ မြေပြင်ကွင်းဆင်းစစ်တယ်၊ စစ်ပြီးတော့ အမှန်တကယ် အဆောတလျင်လုပ်ပေးဖို့ လုပ်ငန်း ၁၄ ခု ထွက်လာတယ်၊ တန်ဖိုးနည်းအိမ်ရာဆောက်ပေးရမှာတွေ၊ သူတို့အတွက် လမ်း၊ တံတားလုပ်ပေးရမှာတွေ၊ နောက်မီးလင်းဖို့လုပ်ပေးရမှာတွေ၊ အဲဒါတွေ ပြန်တွက်ချက် ကြည့်လိုက်တော့ ဘတ်ဂျက်က ကျနော်တို့ ၀န်ကြီးဌာနတစ်ခုထဲတင်ပဲ ဘတ်ဂျတ်က ၅ ဘီလီယံလောက် ဘတ်ဂျတ်လိုအပ်ချက်ရှိတယ်၊ ကျနော်တို့လက်ထဲမှာ ပြည်ထောင်စုအစိုးရ ခွင့်ပြုပေးခဲ့တဲ့ဘတ်ဂျတ်က ၃.၂ ရှိပြီးသားတော့ ၁.၈ လောက်သာ လိုနေတာပေါ့"

ဘတ်ဂျက်လိုအပ်ချက်နဲ့ပတ်သက်ပြီး ၀န်ကြီး ဒေါက်တာဝင်းမြတ်အေး ဦးဆောင်တဲ့ ရခိုင်အရေးကော်မရှင်တွေရဲ့ အကြံပြုချက်တွေကို အကောင်အထည်ဖော်ရေးကော်မတီထံ တင်ပြထားပြီး လိုငွေကို ကော်မတီက ဘယ်လို စီစဉ်ပေးမလဲဆိုတာကိုတော့ မသိသေးဘူးလို့ ပြောပါတယ်။

အကြမ်းဖက်မှုတွေအတွင်း ရွာလုံးကျွတ်မီးရှို့ခံခဲ့ရတဲ့ ခုံတိုင် မြိုတိုင်းရင်းသားကျေးရွာမှာ နေအိမ်တွေ စတင် ဆောက်လုပ်နေပြီး လာမယ့်ဒီဇင်ဘာလအတွင်း အပြီးသတ်ဆောင်ရွက်မှာဖြစ်တယ်လို့ သိရပါတယ်။

ခုံတိုင်ရွာမှာ မူလရှိတဲ့ အိမ်အရေအတွက်အတိုင်း တစ်အိမ်ကို ကျပ် ၆၈ သိန်းတန်ဖိုးရှိတဲ့ တစ်ထပ်တိုက်အိမ်ပုံစံမျိုး နေအိမ် ၄၈ လုံးကို ပြန်လည်ဆောက်လုပ်ပေးနေတာ ဖြစ်ပါတယ်။

RFA Burmese
http://www.rfa.org/burmese


ရှမ်းပြည်နယ်(မြောက်ပိုင်း) ကွတ်ခိုင်မြို့နယ် နမ့်ဖတ်ကာကျေးရွာအနီး ပြည်ထောင်စုလမ်းမကြီးပေါ်တွင် အောက်တိုဘာလ(၁၇)ရက်နေ့ ညနေပိုင်းက ကားတစ်စီးအတွင်း သေဆုံးနေသူမှာ ဦးခေါင်းကို သေနတ်ဖြင့် အပစ်ခံထားရခြင်းဖြစ်သည်ကို စစ်ဆေးတွေ့ရှိရကြောင်း နမ့်ဖတ်ကာရဲစခန်းမှ သိရသည်။

“ကားအတွင်းမှာ ( 9mm ) ကျည်ခွံတစ်ခုတွေ့တယ်။ သေနတ်နဲ့အနောက်ကနေ ပစ်ခံရတဲ့ ပုံစံရှိတယ်။ ကျည်ဆံက အရှေ့ကိုပေါက်ထွက်မသွားဘဲ ခေါင်းထဲမှာရှိနေတာ။ သေဆုံးသူဟာ မူဆယ်မှာနေထိုင်သူတစ်ဦး ဖြစ်တယ်လို့ ကနဦးစုံစမ်းသိရှိရပါတယ်။ ကျန်တဲ့အသေးစိတ် အချက်အလက်ကတော့ စုံစမ်းစစ်ဆေးနေဆဲပဲ ရှိပါသေးတယ်” ဟု နမ့်ဖတ်ကာရဲစခန်းမှ စခန်းမှူး ရဲအုပ်မိုးကျော်က တာချီလိတ်သတင်းအေဂျင်စီ သို့ပြောသည်။


နမ့်ဖတ်ကာရဲစခန်းမှ တာဝန်ရှိသူများသည် အောက်တိုဘာလ (၁၇)ရက်နေ့ ညနေ(၆)နာရီဝန်းကျင်ခန့်တွင် နမ့်ဖတ်ကာကျေးရွာမှ မူဆယ်ဘက်သို့ (၃)မိုင်ခန့်အကွာ ပြည်ထောင်စုလမ်းမကြီးပေါ်တွင် ရပ်တန့်ထားသည့် ဗင်ကားတစ်စီးအတွင်း လူလတ်ပိုင်းအရွယ်အမျိုးသားတစ်ဦး သေဆုံးနေကြောင်း သတင်းရရှိခဲ့သဖြင့် သွားရောက်စစ်ဆေးခြင်းဖြစ်ကြောင်း သိရသည်။

“ညနေ(၅)နာရီ (၅)မိနစ်လောက်မှာ လူတစ်ယောက်က ဖုန်းဆက်အကြောင်းကြားလာတာနဲ့ သက်ဆိုင်ရာကို ပြန်အကြောင်းကြားပြီး အလောင်းကိုသွားသယ်ခဲ့တာပါ။ ပြည်သူ့ဆေးရုံကို ပို့ထားပေးတာဖြစ်ပါတယ်။ သေဆုံးသူက ကားရှေ့ခန်းမှာ ထိုင်လျက်အနေအထားနဲ့ တွေ့ရတယ်။ နှာခေါင်းထဲကနေ သွေးတွေလည်း ကျထားတယ်။ နောက်စေ့ဘက်မှာ ဒဏ်ရာတစ်ခုတွေ့တယ်”ဟု ကားအတွင်းတွေ့ရှိရသည့် အမျိုးသား အလောင်းအား ပြည်သူ့ဆေးရုံသို့ သယ်ဆောင်ပေးခဲ့သည့် မေတ္တာရှင်(နမ့်ဖတ်ကာ)လူမှုကူညီရေးအသင်းမှ အတွင်းရေးမှူး ကိုမြတ်စိုးက တာချီလိတ်သတင်းအေဂျင်စီသို့ ပြောသည်။

အလောင်းအား ဆေးစစ်ချက်အရ ဦးခေါင်းအားသေနတ်မှန်သည့် ဒဏ်ရာကြောင့် သေဆုံးရခြင်းဖြစ်ကြောင်း သိရသည့်အတွက် အဆိုပါ အမျိုးသားသေဆုံးမှုနှင့်ပတ်သက်၍ နမ့်ဖတ်ကာရဲတပ်ဖွဲ့မှ စုံစမ်းစစ်ဆေးမှုများ ဆောင်ရွက်နေကြောင်း သိရသည်။

သတင်း နေဖြိုးမြင့်
ဓာတ်ပုံ ko myat soe
Tachileik News Agency
http://www.tachileik.net


ဝန်ကြီးဟောင်း ဦးတင့်ဆန်းရဲ့ သား ဦးဖြိုးကိုကိုတင့်ဆန်းထံမှ သိမ်းဆည်းရမိတဲ့ လက်နက် တွေကို မြ၀တီလမ်းကြောင်းကနေ ကားနဲ့ သယ်ဆောင်ခဲ့တာဖြစ်တယ်လို့ နေပြည်တော်တိုင်း ရဲတပ်ဖွဲ့ မှူးရဲမှူးကြီး ဇော်ခင်အောင်က ဘီဘီစီကို ပြောပါတယ်။

" ဖြိုးကိုကိုတင့်ဆန်းရဲ့ တပည့် စိုင်းဘိုဘိုရဲ့ထွက်ဆိုချက်အရပေါ့ တချို့ လည်း သူဝယ်ပေးတယ်လို့ ထွက်ဆိုတယ် နယ်စပ်နဲ့ ချိတ်ဆက်ပြီးတော့ ၀ယ်ပေးတဲ့ နောက်တစ်ယောက်က တော့မမိသေးဘူး ကားနဲ့ တလက်စ နှစ်လက်စ သယ်တာ" လို့ ရဲမှူးကြီးဇော်ခင်အောင်က ဘီဘီစီကို ပြောပါတယ်။

ဒီအမှုနဲ့ ပတ်သက်လို့ ဖမ်းဆီးထားသူ ၁၂ ဦးရှိပြီး ခေါ်ယူစစ်ဆေးနေသူ အများအပြားလဲရှိပါတယ်။

လက်ရှိမှာတော့ဦး ဖြိုးကိုကိုတင့်ဆန်းနဲ့ အပေါင်းအပါတွေကို မူးယစ်မူ့ လက်နက်မှု အပြင် လုံခြုံရေးအဖွဲ့ တွေရဲ့ တံဆိပ်တွေအသုံးပြု မှု စတဲ့ ပုဒ်မ တွေနဲ့ပါ တရားဆွဲဆိုဖို့ ရှိတယ်လို့ လည်း ရဲမှူးကြီးကပြောပါတယ်။

ဓာတ်ပုံ-ပြည်ထဲရေးဝန်ကြီးဌာန
BBC Burmese
https://www.facebook.com/bbcburmese



 ပုဂံရှေးဟောင်း ယဉ်ကျေးမှုနယ်မြေက အထင်ကရ ဖြစ်တဲ့ အာနန္ဒာဘုရားရဲ့ တောင်ဘက်အဝင်လမ်းကို ကွန်ကရစ်လမ်းခင်းနေ
ပုဂံရှေးဟောင်း ယဉ်ကျေးမှုနယ်မြေက အထင်ကရ ဖြစ်တဲ့ အာနန္ဒာဘုရားရဲ့ တောင်ဘက်အဝင်လမ်းကို ကွန်ကရစ်လမ်းခင်းနေတာကြောင့် ဒေသခံတွေက ကန့်ကွက်နေကြပါတယ်။

ဒေသခံတွေက အောက်တိုဘာ ၁၆ရက် နေ့မှာ ဘုရားဂေါပကအဖွဲ့ကို သွားရောက် တွေ့ဆုံမေးမြန်းပြီး ကန့်ကွက်ခဲ့ကြတာပါ။

ဒေသခံတွေရဲ့ အမြင်မှာ ဒီဟာကို ကျယ်ကျယ်ပြန့်ပြန့်သိလာတော့ ဒါကို ဒေသခံတွေက သိပ်လက်မခံချင်ကြဘူး။ ပုဂံဒေသကလည်း ကမ္ဘာ့အမွေအနှစ်စာရင်းတင်ထားတော့ ဒီလို ကွန်ကရစ်လမ်းခင်းတာတွေက ကသိကအောက်များဖြစ်လာနိုင်မလားဆိုပြီးတော့လည်း ဖြစ်ကြတဲ့အတွက် သွားကန့်ကွက်ကြတာဖြစ်တယ်လို့ ပုဂံဒေသဖွံ့ဖြိုးရေးအသင်းရဲ့ ဥက္ကဌလည်း ဖြစ်သူ ဦးခင်မောင်နုက ဒေသခံတွေရဲ့ဘီဘီစီကို ပြောပါတယ်။

ပုဂံရှေးဟောင်းယဉ်ကျေးမှု နယ်မြေကို ကမ္ဘာ့အမွေအနှစ် စာရင်းဝင်နိုင်ဖို့ လုပ်ဆောင်နေတာဟာ အခုဆိုရင် ပထမမူကြမ်းတင်ပြီးသွားတဲ့အဆင့်ကိုရောက်နေပါပြီ။ လာမဲ့နှစ် ဖေဖော်ဝါရီလဆန်း အတွင်းမှာ အပြီးသတ် တင်သွင်းနိုင်ဖို့ လည်း လုပ်ဆောင်နေပါတယ်။

UNESCO ရဲ့ ရှေးဟောင်းအမွေအနှစ် ထိန်းသိမ်းမှု စံနှုန်းအရတော့ ရှေးဟောင်းအဆောက်အအုံရဲ့ ပတ်ဝန်းကျင်မှာ ဒီလို ကွန်ကရစ်လမ်းတွေ ဖောက်ဖို့ ခွင့်မပြုဘူးလို့ ကမ္ဘာ့အမွေအနှစ်တင်သွင်းရေးအတွက် လှုပ်ရှားနေတဲ့ အဖွဲ့ဖြစ်တဲ့ နော်မီနေးရှင်းဒေါ်ဖီရာ ရဲ့ အဖွဲ့ ခေါင်းဆောင်တဦးဖြစ်သူဒေါက်တာသိန်းလွင်က ဘီဘီစီကို ပြောပါတယ်။ ဒီလိုလုပ်ရပ်ကြောင့် ကမ္ဘာ့ရှေးဟောင်းအမွေအနှစ်စာရင်းဝင်ဖို့ အခက်တွေ့စေနိုင်သလို ကွန်ကရစ်လမ်းပေါ် ကားကြီးတွေ ပေးဖြတ်မယ်ဆိုရင်လည်း တုန်ခါမှုတွေ ပိုမိုများပြားလာလိမ့်မယ်လို့ ဒေါက်တာသိန်းလွင်က ပြောပါတယ်။

ပုဂံဒေသဟာ ကမ္ဘာ့အမွေအနှစ်(ယူနက်စကို)စာရင်းဝင်နိုင်ဖို့ ၁၉၉၆ ခုနှစ်မှာ တစ်ကြိမ် ကြိုးစားခဲ့ပေမဲ့လည်း ငြင်းပယ်ခံခဲ့ရဖူးပါတယ်။

ကွန်ကရစ်ခင်းတဲ့ကိစ္စဟာ ခရိုင်အုပ်ချုပ်ရေးဘက်ကလုပ်တာဖြစ်ပြီး ဌာနအနေနဲ့ မသိတဲ့အတွက် ဖြစ်သွား ရတာလို့ ပုဂံယဉ်ကျေးမှုဒေသရဲ့ ရှေးဟောင်း သုတေသန ဌာန၊ ပုဂံဌာနခွဲရဲ့ ညွှန်ကြားရေးမှူး ဖြစ်သူ ဦးအောင်ကျော်ကျော်က ဘီဘီစီကို ပြောပါတယ်။

ပြန်လည်ဖယ်ရှားဖို့ ညှိနှိုင်းထားပြီးဖြစ်တယ်လို့ ဦးအောင်ကျော်ကျော်က ပြောပါတယ်။

ပုဂံယဉ်ကျေးမှုဒေသမှာရှိတဲ့ စေတီပုထိုးတွေကို မဆင်မခြင်ထုံးသုတ်ခဲ့တာတွေကြောင့်လည်း ရှေးခေတ် လက်ရာ နံရံဆေးရေးပန်းချီ တွေကွယ်ပျောက်ခဲ့ရပါတယ်။ ဒါကို အိန္ဒိယနိုင်ငံရဲ့ အကူညီနဲ့ အတွင်းက ထုံးရည်သုတ်ထားတာတွေကို ပြန်လည်ဖယ်ရှားရာမှာတော့ အမေရိကန်ဒေါ်လာ ၃သန်းဝန်းကျင် ကုန်ကျ ခဲ့တယ်လို့သိရပါတယ်။

ဒီလို ပုဂံယဉ်ကျေးမှုဒေသက အမွေအနှစ်လက်ရာတွေကို မဆင်မခြင်ပြုလုပ်တာတွေကြောင့် ရှေးလက်ရာ အများအပြားကိုဆုံးရှုံးခဲ့ရဖူးသလို အချိန်မီမထိန်းသိမ်းနိုင်ရင် နောက်ထပ် ဆုံးရှုံးမှု တွေဖြစ်လာမှာကိုလည်း ဒေသခံတွေအနေနဲ့ စိုးရိမ်မှုတွေရှိနေကြတယ် လို့သိရပါတယ်။

အာနန္ဒာ ဘုရားဟာ ပုဂံဒေသရဲ့ အထင်ကရ ဘုရားပုထိုးတွေထဲမှာ အနုစိတ်လက်ရာ အကျော်ကြားဆုံး ဘုရားတဆူ လည်းဖြစ်ပါတယ်။

BBC Burmese
http://www.bbc.com/burmese



မကွေးတိုင်းဒေသကြီး အမျိုးသားဒီမိုကရေစီအဖွဲ့ချုပ် အတွင်းရေးမှူး ကိုနေမျိုးကျော်ကို တွေ့ရစဉ်။ Photo: RFA
ရခိုင်ပြည်နယ်၊ အမ်းမြို့နယ်မှာ ဆူပူမှု ပြုလုပ်ဖို့အတွက် မကွေးမြို့မှာ လူအင်အား စုဆောင်းသူကို နိုင်ငံတော် အကြည်ညိုပျက်အောင် ပြုလုပ်မှု ရာဇသတ်ကြီး ဥပဒေ ပုဒ်မ ၁၂၄ (က) နဲ့ မကွေးခရိုင်တရားရုံးမှာ မနက်ဖြန် စစ်ဆေးသွားမယ်လို့ မကွေးတိုင်းဒေသကြီး ၀န်ကြီး ဦးနေမျိုးကျော်က ပြောပါတယ်။

စွပ်စွဲခံထားရသူကို တရားရုံးက စစ်ဆေးဖို့အတွက် မနေ့က ဆင့်ခေါ်ခဲ့သလို တရားလိုဖြစ်တဲ့ မကွေးတိုင်းဒေသကြီး အထွေထွေ အုပ်ချုပ်ရေး ဦးစီးဌာန ညွှန်ကြားရေးမှူး ဦးသန်းဆွေကိုလည်း ခေါ်ယူစစ်ဆေးခဲ့တယ်လို့ မကွေးတိုင်းဒေသကြီး အလုပ်သမား၊ လူဝင်မှုကြီးကြပ်ရေးနဲ့ ပြည်သူ့အင်အားဝန်ကြီး ဦးနေမျိုးကျော်က ပြောပါတယ်။

"မနေ့ကတော့ တရားရုံးမှာ ဆင့်ခေါ်မှု စလုပ်ပါတယ်။ ၁၂၄ (က) ပေါ့နော်။ နိုင်ငံတော်ကို ဒါအကြည်ညို ပျက်စေအောင်လို့ ပြုလုပ်တယ်ဆိုတဲ့ ပုဒ်မနဲ့ သူ့ကို တရားရုံးက ခေါ်ယူစစ်ဆေးမှု စပါတယ်။ ဟိုဟာပေါ့နော် တရားခွင်စပါတယ်။ တရားခွင် စတဲ့အတွက် ကျနော်တို့ အစိုးရဘက်ကနေမှ တာဝန်ယူ တရားစွဲဆိုတဲ့ ညွှန်ကြားရေးမှူး ဦးသန်းဆွေ တရားခွင်ကို သွားပါတယ်။"

မနက်ဖြန် ရုံးချိန်းမှာ စွပ်စွဲခံရသူဘက်က မလာရောက်ဘူးဆိုရင် တရားရုံးက လုပ်ထုံးလုပ်နည်းနဲ့ အညီ ၀ရမ်းထုတ်မှာ ဖြစ်တယ်လို့ သိရပါတယ်။

အမ်းမြို့မှာ ဆူပူမှုတွေ ပြုလုပ်ဖို့အတွက် မကွေးမြို့မှာ လူတစ်ယောက်ကို ကျပ်ငါးသိန်းပေးပြီး စည်းရုံးနေတယ်လို့ မကွေးတိုင်းဝန်ကြီးချုပ် ဒေါက်တာ အောင်မိုးညိုက ပြီးခဲ့တဲ့ စက်တင်ဘာလကုန်ပိုင်းက မီဒီယာတွေကို ပြောခဲ့တာဖြစ်ပါတယ်။

အဲဒီနောက်မှာတော့ အစိုးရအဖွဲ့ကိုယ်စား အထွေထွေ အုပ်ချုပ်ရေး ဦးစီးဌာန ညွှန်ကြားရေးမှူး ဦးသန်းဆွေက တရားလိုလုပ်ပြီး တရားစွဲခဲ့ပေမယ့် စွပ်စွဲခံရသူရဲ့ အမည်ကိုတော့ အစိုးရအဖွဲ့က ထုတ်ဖော်ပြောကြားမှု မရှိပါဘူး။

RFA Burmese
http://www.rfa.org/burmese



၂၀၁၆ ဇွန်လတုန်းက NVC - National Verification Card ထုတ်ပေးစဉ် (Photo Credit: MOI Webportal Myanmar)
ရခိုင်ပြည်နယ်မြောက်ပိုင်း မောင်တောမြို့နယ်အတွင်းမှာ နိုင်ငံသား စိစစ်ခံရမည့်သူရဲ့ သက်သေခံကဒ် National Verification Card ထုတ်ပေးတာတွေကို ကွင်းဆင်းဆောင်ရွက်ပေးနေပြီး လာရောက်ထုတ်ယူသူ နည်းပါးနေတာကြောင့် နိုင်ငံသားစိစစ်ရေး လုပ်ငန်းအပေါ် ပူးပေါင်းဆောင်ရွက်ကြဖို့ လ၀က ပြည်နယ် ဦးစီးမှုးက တိုက်တွန်းပြောဆိုပါတယ်။ ဒီသတင်းကိုတော့ ဗွီအိုအေမြန်မာပိုင်းရဲ့သတင်းထောက် ကိုမိုးဇော်က တင်ပြထားပါတယ်။

အကြမ်းဖက်တိုက်ခိုက်တာတွေ ဖြစ်ပွားခဲ့တဲ့ မောင်တောမြို့နယ်အတွင်းမှာပြီးခဲ့တဲ့ အပတ်က စတင်ပြီး နိုင်ငံသားစိစစ်ရေးလုပ်ငန်းစဉ်ကို ပြန်လည်ဆောင်ရွက်လာတာ ဖြစ်ပါတယ်။

လောလောဆည်မှာတော့ မောင်တောမြို့နယ် ရွှေဇားရွာအုပ်စုမှ ကွင်းဆင်းဆောင်ရွက်ပေးနေပြီး လာရောက် ထုတ်ယူသူ ၁၀၀လောက်သာရှိသေးကြောင်း လူဝင်မှုကြီးကြပ်ရေးနဲ့ ပြည်သူ့အင်အားဦးစီးဌာန ပြည်နယ် ဦးစီးမှုး ဦးအောင်မင်းက ပြောပါတယ်။

“ နည်းပါတယ် အားလုံးမှ ၁၀၀ကျော်ပဲရှိတယ်။ ကျနော်တို့ ၁၂ရက်နေ့က စပါတယ်။ မောင်တော ရွှေဇားပေါ့။ အနောက်ရွာ၊ မြောက်ရွာ၊ အလယ်ရွာ ထုတ်ပေးရမယ့်ဟာကတော့ ကျနော်တို့ ၃ရွာပေါင်းဆို ၂ထောင်ကျော်လောက်ရှိတာပေါ့။ ”

မြန်မာနိုင်ငံမှာ နေထိုင်သူအားလုံးဟာ လူမျိုး၊ဘာသာမခွဲခြားဘဲ ဥပဒေနဲ့ အညီ သက်သေခံကဒ်တမျိုးမျိုး ကိုင်ဆောင်ရမှာ ဖြစ်ကြောင်းနဲ့ သက်သေခံကဒ်တခုခုရရှိဖို့အတွက် ၁၉၈၂ဥပဒေအရ စိစစ်ဖို့ လိုအပ်ကြောင်း ပြောပါတယ်။

၁၉၈၂ ဥပဒေအရ စိစစ်ဖို့ အတွက် NVC ခေါ် နိုင်ငံသား စိစစ်ခံရမည့်သူရဲ့ သက်သေခံကဒ် ထုတ်ယူကြဖို့ လိုအပ်ကြောင်းလည်း လူဝင်မှုကြီးကြပ်ရေးနဲ့ ပြည်သူ့အင်အားဦးစီးဌာန ပြည်နယ် ဦးစီးမှုး ဦးအောင်မင်းက ပြောပါတယ်။

“ NVC ကဒ်ကနေပြီးတော့မှ နိုင်ငံသားစိစစ်ရေးကဒ်ပြားအတွက်ကို နိုင်ငံသားစိစစ်မယ်ပေါ့။ နိုင်ငံသား ဖြစ်ထိုက် သူဟုတ် မဟုတ်။ ဒါမှမဟုတ် နိုင်ငံသားပြုခွင့်ရသင့်သူဟုတ် မဟုတ်ဆိုတာကို ကျနော်တို့က စိစစ်ပါ့မယ်။ အဲလို စိစစ်ပြီးတဲ့အခါမှာ ကျနော်တို့က ကဒ်ပြားတမျိုးမျိုးကို ထုတ်ပေးသွားပါမယ်။ အဲဒီကဒ်ပြား တမျိုးမျိုး ရပြီးတဲ့လူကတော့ ကျနော်တို့က ဒါ သွားလာခွင့်ကအစ အဆင်ပြေပြေချောချောမွေ့မွေ့ သွားလာနိုင်မှာ ဖြစ်ပါတယ်။ ဒါကို ဒီဖက်မှာ ရှိတဲ့ လူထုက လိုလိုလားလားနဲ့ ထုတ်ယူ ကိုင်ဆောင်ဖို့ လိုပါတယ်။”

နိုင်ငံသားစိစစ်ရေးလုပ်ငန်းကို အရှိန်အဟုတ်မြှင့်ပြီး ဆက်လက်ဆောင်ရွက်သွားဖို့ ပြင်ဆင်ထားကြောင်းလည်း ပြောပါတယ်။

မြေပုံမြို့နယ်မှာ နေထိုင်တဲ့ အစ္စလာမ်ဘာသာဝင်တဦးကတော့ NVC ကဒ် ထုတ်ယူသူနည်းပါးတဲ့အပေါ် သူ့အမြင်ကို အခုလို ပြောပါတယ်။

“ သူတို့ ဒီမှာ လူတွေရဲ့ စိတ်ထဲမှာတော့လေ NVC ကို ယူလိုက်ပြီဆိုရင်တော့ ဘယ်အထောက်အထားမှ မရှိတဲ့လူပေါ့။ အဲလို သက်ရောက်သွားတယ်ဆိုပြီးတော့ ထင်နေတာလေ။ အဓိကအချက်ကတော့ အဲဒါပဲ။”

ရခိုင်ပြည်နယ်မြောက်ပိုင်းမှာနေထိုင်တဲ့ အစ္စလာမ်ဘာသာဝင်တွေကို အရင်စစ်အစိုးရလက်ထက်က white card ခေါ် ယာယီသက်သေခံလက်မှတ်တွေ ထုတ်ပေးခဲ့ပါတယ်။ ဒီသက်သေခံကဒ်တွေဟာ ၂၀၁၅ခုနှစ် မေလကုန်မှ သက်တမ်းကုန်ဆုံးချိန်မှာ ပြန်လည်အပ်နှံသူ ၄သိန်းကျော်လောက်ရှိခဲ့ပေမဲ့ NVC ကဒ် ထုတ်ယူသူဟာ ၇ထောင်လောက်သာ ရှိခဲ့ပါတယ်။

ကိုဖီအာနန်ဦးဆောင်တဲ့ ရခိုင်ပြည်နယ်ဆိုင်ရာ အကြံပေးကော်မရှင်ရဲ့ အစီရင်ခံစာမှာတော့ နိုင်ငံသားစိစစ်ရေးလုပ်ငန်းစဉ်ကို အကောင်အထည်ဖော်လိုက် ရပ်ဆိုင်းလိုက်နဲ့ တဆက်တစပ်တည်း လုပ်ကိုင်မှုမရှိတာ၊နောက် အစိုးရက ပြည်သူလူထုကို အဆက်အသွယ်လုပ်တာ၊ လိုအပ်တဲ့သတင်းအချက် အလက်တွေ ပြည်သူလက်ခံရရှိအောင်ဆောင်ရွက်တာနဲ့ ညှိနှိုင်းဆွေးနွေးတာတွေ မလုပ်ဆောင်တဲ့အတွက် ဒီလုပ်ငန်းအစဉ်အပေါ် ယုံကြည်မှုလျော့နည်းလာတာဖြစ်ကြောင်း သုံးသပ်ထားပါတယ်။

ကိုမိုးဇော် / ဗွီအိုအေ (မြန်မာပိုင်း)
https://burmese.voanews.com


မန္တလေးမြို့၊ ၃၄×၇၄လမ်းထောင့်ရှိ - - - KTVဆိုင်တွင် အောက်တိုဘာလ ၁၇ရက်နေ့ ည ၁၀နာရီအချိန်ခန့်က အဆိုပါ KTV အခန်းအမှတ်(H-1)၌ အခန်းငှါးရမ်း သီချင်းသီဆိုနေသည့် ဧည့်သည်အဖွဲ့နှင့် ဆိုင်ဝန်ထမ်းတို့ စကားများကာ ဆိုင်ဝန်ထမ်းများမှ ဝိုင်းဝန်းရိုက်နှက်ထိုးကြိတ်မှု ဖြစ်​ပွားခဲ့​ကြောင်း သိရသည်။

- - - KTVဆိုင်တွင် မန္တလေးမြို့သို့ အလည်အပတ်ရောက်ရှိနေသည့်ရန်ကုန်မြို့၊ စမ်းချောင်းမြို့နယ်နေသူ အမျိုးသမီးတစ်ဦး ဦးဆောင်သော မိသားစုဝင် အမျိုးသား ၃ ဦး၊ အမျိုးသမီး ၆ဦး၊ စုစုပေါင်း ၉ဦးမှ အခန်းငှါးရမ်းကာ သီချင်းများသီဆိုနေစဉ် ဆိုင်ဝန်ထမ်း ၃ဦး ရောက်ရှိလာပြီး အချိန်ပြည့်ပြီဖြစ်၍ အခန်းမှထွက်ပေးရန်ပြောဆိုခဲ့ရာ လာရောက်သီဆိုသည့်အဖွဲ့မှ ဆက်ရှင်ထပ်ယူမည်ဖြစ်ကြောင်း ပြောဆိုခဲ့ရာမှ အပြန်အလှန်စကားများခဲ့ကြခြင်းဖြစ်သည်ဟူ၍ ရဲမှတ်တမ်းများ၌ ဖော်ပြထားသည်။


ထိုသို့စကားများနေစဉ် ဆိုင်ဝန်ထမ်းများမှ ဦးဆောင်လာသူ အမျိုးသမီး၏သားဖြစ်သူကို ဝိုင်းဝန်းထိုးကြိတ် ရိုက်နှက်ကြသဖြင့် ကျန်သူများမှ ဘာလို့အခုလိုလုပ်ရတာလဲဟု ပြောဆိုမေးမြန်းခဲ့ရာ ဆိုင်ရှိ အခြားဝန်ထမ်းများ ထပ်မံရောက်ရှိလာကာ ဧည့်သည်များကို တုတ်၊ တံမြက်စည်း၊ ပုလင်း၊ ခါးပတ်များဖြင့် ဝိုင်းဝန်းရိုက်နှက်ပြီး လက်သီး၊ ခြေထောက်များဖြင့် ဝိုင်းဝန်းထိုးကြိတ် ကန်ကြောက်ခဲ့သည်။

ဖြစ်စဉ်ကြောင့် ဦးဆောင်လာသူ ဧည့်သည် အမျိုးသမီး၊ ၎င်း၏ သားဖြစ်သူနှင့် ညီမဖြစ်သူတို့တွင် နာကျင်ဒဏ်ရာများ(မစိုးရိမ်ရ) ရရှိခဲ့ကာ မောင်တော်စပ်သူနှစ်ဦး၏ ဖုန်းဟန်းဆက် နှစ်လုံးနှင့် ငွေ ငါးသောင်းကျပ်တို့ ပျောက်ဆုံးခဲ့ရကြောင်း ဧည့်သည်အမျိုးသမီး၏ တိုင်တန်းပြောကြားချက်အရ သိရသည်။


ဖြစ်စဉ်နှင့်ပတ်သက်၍ နာကျင်ဒဏ်ရာများရရှိအောင် ဝိုင်းဝန်းရိုက်နှက်ပြီး လက်သီး၊ ခြေထောက်များဖြင့် ဝိုင်းဝန်းထိုးကြိတ် ကန်ကြောက်ခဲ့ပြီး ဖုန်းဟန်းဆက်များပျောက်ဆုံးအောင်ပြုလုပ်ခဲ့သည့် ဆိုင်ဝန်ထမ်းများအား အရေးယူပေးရန် ဦးဆောင်သူအမျိုးသမီးမှ အမှတ်(၈)မြို့မရဲစခန်းသို့ တရားလိုပြုလုပ်တိုင်တန်းသဖြင့် ရဲစခန်း(ပ)၄၈၇/၂၀၁၇၊ ရာဇသတ်ကြီးဥပဒေပုဒ်မ ၃၅၄/၃၂၃/ ၁၁၄ ဖြင့် အမှုဖွင့်ထားရှိပြီး ပြစ်မှုကျူးလွန်သူများကို ဖမ်းဆီးရမိရေး စုံစမ်းဆောင်ရွက်လျက်ရှိကြောင်း သိရသည်။

photo: Phyo Min Khant/NN
( Ah Lin Nge )
TheMandalayNewsJournal
https://www.facebook.com/TheMandalayNewsJournal/


မြစ်ကြီးနား၊ အောက်တိုဘာ ၁၈

မြစ်ကြီးနားမြို့နယ်မှ အမျိုးသမီးငယ် ၁၄ဦးအား လူကုန်​ကူးသည့်အမှုဖြင့် လင်မယားနှစ်ဦးကို တစ်ဦးလျှင် ထောင်ဒဏ်နှစ် ၆၀ သီးခြားစီ အောက်တိုဘာ ၁၁ရက်က မြစ်ကြီးနားခရိုင် တရားရုံးတွင် ချမှတ်ခဲ့ကြောင်း မြစ်ကြီးနား လူကုန်​ကူးမှု တားဆီးနှိမ်နှင်းရေး ရဲတပ်ဖွဲ့ တပ်ဖွဲ့စု ၁၂ မှ သိရသည်။

အဆိုပါ လူကုန်ကူးမှု ကျုးလွန်သူ တရားခံကျော်နိုင်နှင့် တရားခံနူးနူးကို လူကုန်​ကူးသည့်အမှု ၆မှုဖြင့် တစ်မှုလျှင် အလုပ်ကြမ်းနှင့် ထောင်ဒဏ်၁၀နှစ်စီ ချမှတ်ခဲ့ပြီး တစ်ဦးလျှင် ထောင်ဒဏ် စုစုပေါင်းအနှစ်၆၀စီ ချမှတ်ခဲ့ခြင်းဖြစ်ကြောင်း၊ ယင်းလူကုန်ကူးမှုတွင် ပါဝင်သူ တရားခံ၂ဦးမှာ ထွက်ပြေးလွှတ်မြှောက်နေဆဲ ဖြစ်ကြောင်း သိရသည်။
``တရားခံ ကျော်နိုင်က မိန်းကလေးတွေကို သမီးရည်းစားဟန်ဆောင်ပြီး သူ့ကိုယုံလောက်ပြီဆိုမှ အကြောင်း အမျိုးမျိုးပြပြီး ခေါ်သွားပြီး တရုတ်ပြည်နယ်စပ် ရင်ကျန်းမြို့မှာရှိတဲ့ တရားခံမနူးနူး ဆီမှာထားခဲ့ပြီး တရုတ်အမျိုး သားထံ ရောင်းစားတာပေါ့ အလုပ်ကြမ်းနဲ့ ထောင်ဒဏ်အနှစ်၆၀ သီးခြားစီ ကျခံရတာပါ။ တရားခံ နှစ်ဦးကတော့ ရှာဖွေနေဆဲပါပဲ။´´ဟု လူကုန်​ကူးမှု တားဆီးနှိမ်နှင်းရေး ရဲတပ်ဖွဲ့မှ ရဲမှုးအောင်မင်းကြည်ကပြောသည်။

အဆိုပါ တရားခံကျော်နိုင်သည်ပြီးခဲ့သည့် ၂၀၁၆ ခုနှစ်အတွင်းက မြစ်ကြီးနား မန္တ​လေး- မူဆယ်- ရွှေလီ- ရင်ကျန်း လမ်းကြောင်းဖြင့် အမျိုးသမီး ၁၄ဦးကို ၈ခေါက် ပို့ဆောင်ခဲ့မှုကြောင့် မြစ်ကြီးနား မြို့မရဲစခန်း၌ လူကုန်ကူးပုဒ်မများနှင့် အမှု ၈မှုရေးဖွင့်ခဲ့ရာ ယခု အောက်တိုဘာ ၁၁ရက်တွင် အမှု ၆မှုကို မြစ်ကြီးနား ခရိုင် တရားရုံးတွင် အမိန့်ချမှတ်ပြီး ကျန်ရှိနေသည့် ၂မှုကိုဆက်လက် ရင်ဆိုင်ရမည်ဖြစ်သည်။

ထို့နောက် ယင်းကျူးလွန်သူကို ယခုနှစ် ၂၀၁၇ ဇန်​န၀ါရီလ ၂၈ရက်နေ့တွင် မြစ်ကြီးနားမြို့ မြို့သစ်ရပ်ကွက်ရှိ (3-Star Hotel )တွင် ဆွဲကြိုးလက်စွပ် အတုများ၊မြန်မာငွေ ၁၅သိန်းခန့်၊ နယ်စပ်ဖြတ်သန်းခွင့်လက်မှတ်များ လူကုန်ကူးခံရသူ အမျိုးသမီးများ၏ မှတ်ပုံတင်များနှင့်အတူ ဖမ်းဆီးရမိခဲ့ခြင်းဖြစ်သည်။

ယင်းနောက် ရက်အနည်းငယ်အကြာတွင် ၎င်းနှင့် ဆက်စပ်တရားခံ မနူးနူးကို လွယ်ဂျယ်လူကုန်ကူးမှု တားဆီး နှိမ်​နင်းရေး ရဲတပ်ဖွဲ့နှင့်ပူးပေါင်း၍ လွယ်ဂျယ်မြို့တွင် ဖမ်းဆီးရမိခဲ့ပြီး ယင်းလူကုန်ကူးမှု၌ ပါဝင်သူ မအဘောက် အသက်၅၅နှစ်ခန့်နှင့် မနူးနူး အသက်၄၅နှစ်ခန့်ကို ဖမ်းဆီးရမိရေးအတွက် ရဲမှုးအောင်မင်းကြည်မှ တာဝန်ရှိ သူများနှင့် ချိတ်ဆက်ဆောင်ရွက်လျှက်ရှိကြောင်း သိရသည်။

ဦးမင်းမင်းဦး
Myanmaalinn
https://www.facebook.com/MYANMAALINNNEWS/


မြန်မာနိုင်ငံက ဆန်ကို တွေ့ရစဉ်
ပြည်တွင်းမှာ စားသုံးမှုများတဲ့ ဆန်အမျိုးအစားတွေ တစ်အိတ်ကို ၂ ထောင်ကျပ် ကနေ ၅ ထောင်ကျပ် ၀န်းကျင် လောက်အထိ ဈေးနှုန်းမြင့်တက်နေတယ်လို့ ဘုရင့်နောင် ဆန်ကုန်စည်ဒိုင် အတွင်းရေးမှူး ဦးသန်းဦးက ပြောပါတယ်။

ဆန်ဟောင်းလက်ကျန်နည်းလာချိန်မှာ ဆန်သစ်မပေါ်သေးတဲ့အတွက် ဆန်ဈေးနှုန်း မြင့်တက်နေတာဖြစ်တယ်လို့ ဦးသန်းဦးက ပြောပါတယ်။

"အခု ဆန်ချောတွေရော ဆန်ကြမ်းတွေရောဆို ပြည်တွင်းစားသုံးတဲ့ ဆန်ကတော့ ဒီအချိန်မှာ ထုံးစံအတိုင်း နည်းနည်းတော့  မြင့်တက်တယ်ဗျ။ အသစ်မပေါ်ခင် အဟောင်းကလည်း ရှားပြီးတော့လေ။ လက်ကျန် နည်းသွားတဲ့အချိန်မှာ စက်ပိုင်တွေက ဈေးနှုန်းကို မြှင့်တင်ပြီး ရောင်းတော့လေ။ ကျနော်တို့ ပြည်တွင်း စားသုံးသူတွေကလည်း အသစ်ကို မစားရသေးဘူး။ အသစ်ပေါ်ပေါ်ချင်း စားလို့ မကောင်းလို့လေ။ အဟောင်းပဲ စားကြတော့ ပြည်တွင်းစားသုံးတဲ့ ဆန်က မြင့်တက်တယ်။"

ပုံမှန်အားဖြင့် အောက်တိုဘာလဟာ ဆန်သစ်ပေါ်မယ့် အချိန်ဖြစ်ပေမယ့် လက်ရှိမှာ မုန်တိုင်းကြောင့် စပါးတွေ မရိတ်သိမ်းနိုင်သေးတဲ့အတွက် ဆန်သစ်မပေါ်သေးဘဲ ဈေးမြင့်တက်နေတာဖြစ်တယ်လို့ ပြောပါတယ်။

လက်ရှိအချိန်မှာ ပြည်တွင်းစားသုံးမှုများတဲ့ ဆန်ချောဖြစ်တဲ့ ရွှေဘိုပေါ်ဆန်း တစ်အိတ်ကို အရင်က ၅ သောင်းကျပ် ၀န်းကျင်ကနေ လက်ရှိမှာ ၅ သောင်း ၅ ထောင် ၀န်းကျင်ဈေးလောက် ဖြစ်နေတယ်လို့ သိရပါတယ်။

ဒါ့အပြင် ပြည်တွင်းစားသုံးမှုများတဲ့ ဆန်ကြမ်းဖြစ်တဲ့  ဇီယာ ရှယ် တစ်အိတ်ကို အရင်က ၂ သောင်း ၇ ထောင် ကျပ်ဝန်းကျင်ကနေ လက်ရှိမှာ ၃ သောင်းကျပ်ဝန်းကျင်အထိ ဈေးနှုန်းမြင့်တက်နေတယ်လို့  သိရပါတယ်။

ပြည်တွင်း ဆန်ဈေးကွက်မှာ ဈေးနှုန်းတွေ မြင့်တက်နေတဲ့အပြင် ပြည်ပကို ဆန်တင်ပို့ဖို့အတွက် ဆန်တင် သင်္ဘောတွေ ဆိပ်ကမ်းကို ရောက်ရှိနေပေမယ့် တင်ပို့ရမယ့် ဆန်ပမာဏကို ပြည့်မီအောင် တင်ပေးနိုင်ခြင်း မရှိသေးတာကြောင့် ဆန်တင်မယ့် သင်္ဘောတွေ ဆိပ်ကမ်းမှာ စောင့်ဆိုင်းနေရတဲ့အခြေအနေ ဖြစ်နေပါတယ်။

RFA Burmese
http://www.rfa.org/burmese



နေပြည်တော် ရှိ ACE ဟိုတယ်အတွင်းမှ ဖမ်းဆီးရမိခဲ့သည့် လက်နက်ခဲယမ်းများအား ဖမ်းဆီးရမိသူနှစ်ဦး နှင့် အတူတွေ့ရစဉ် (ဓာတ်ပုံ--ပြည်ထဲရေးဝန်ကြီးဌာန)
    ရန်ကုန်၊ အောက်တိုဘာ ၁၈ ရက် (ဆင်ဟွာ)

    နေပြည်တော် ဒက္ခိဏသီရိမြို့နယ် ACEဟိုတယ်  သို့ နေပြည်တော်ရဲတပ်ဖွဲ့မှူးရဲမှူးကြီး ဇော်ခင်အောင် ဦးစီးအဖွဲ့သည် လုံခြုံရေးတာဝန်ခံ ဦးအောင်နိုင် အား သွားရောက်စစ်ဆေးရှာဖွေခဲ့ရာ လက်နက်များ ထပ်မံဖမ်းဆီးရမိခဲ့ကြောင်း လယ်ဝေးမြို့နယ် နေပြည်တော်အပြည်ပြည်ဆိုင်ရာလေဆိပ်၌ လက်နက်/ခဲယမ်းနှင့် စိတ်ကြွ ဆေးပြားများ သိမ်းဆည်းရမိမှု မှ သတင်းဆက် အနေဖြင့် ပြည်ထဲရေးဝန်ကြီးဌာန မှ ယနေ့ သတင်းထုတ်ပြန်ခဲ့သည်။

ဖြစ်စဉ်မှာ အောက်တိုဘာလ ၁၇ ရက်  ၁၀း၃၀နာရီ အချိန် မှ ၁၈း၃၀နာရီ အချိန်ထိ ဒက္ခိဏသီရိမြို့နယ် ဟိုတယ်ACE သို့ နေပြည်တော်ရဲတပ်ဖွဲ့မှူးရဲမှူးကြီး ဇော်ခင်အောင် ဦးစီးအဖွဲ့သည် လုံခြုံရေးတာဝန်ခံ ဦးအောင်နိုင်(၆၄)နှစ်၊ (ဘ)ဦးကြည်၊ (၆)ရပ်ကွက်၊ ကမ်းနားလမ်း ဒိုက်ဦးမြို့နေသူအား သွားရောက်စစ်ဆေးရှာဖွေခဲ့ရာ စိုက်ခင်းအတွင်း ခြုံပုတ်နှင့် မြင်းမွေးထားသည့် ခြံဘေးရှိ ထော်လီနောက်တွဲပေါ်၌ ဦးအောင်နိုင်နှင့် ရန်အောင်စိုးတို့ဝှက်ထားသော ပစ္စတို ၄ လက်(ကောင်း ၃၊ မကောင်း ၁)၊ ကျည် ၂၉၂ တောင့်(ဒသမ၂၂ ကျည် ၆၀ ၊ 9MM ကျည် ၁၃၉ ၊ ၅.၅၆ ကျည် ၉၂ ၊ ၇.၆၅ ကျည် ၁)၊ အမ်-21(၁)လက် (မကောင်း)၊ အမ်-16 ပုံပြောင်း(၄)လက်၊ အမ်-16 ကျည်အိမ် ၄ ခု(တို ၁၊ ရှည် ၃)၊ ပစ္စတိုကျည်အိမ်(၁)ခု၊ ဓားမြှောင်(၁)ချောင်း၊ ပျောက်ကျားလွယ်အိတ် (၁)လုံး၊ ပစ္စတိုထည့်သည့်အိတ်(၃)လုံး၊ ကျည်ထည့်သည့် အဝတ်အိတ်(၃)လုံး၊ ကျည်ထည့်သည့်ဘူး သေး(၁)ဘူး၊ ဆက်သွယ်ရေးစက်အထိုင်(၂)လုံး၊ လက်ကိုင်ဆက်သွယ်ရေးစက် ၁၉ လုံး၊ အားသွင်းခွက် (၁၂)ခု၊ ဖုန်း(၁)လုံးနှင့် အခန်း(H-2)၊ (JS-005)အခန်းမှ Drone (မောင်းသူမဲ့လေယာဉ်)ယာဉ်(၇)စီးတို့အား တွေ့ရှိသိမ်းဆည်းရမိခဲ့ကြောင်း သတင်းထုတ်ပြန်ချက်ထဲတွင် ပါရှိသည်။

သာကေတမြို့နယ်၊ ACE Group Of Companies မှ သိမ်းဆည်းရမိခဲ့သည့် လက်နက်ခဲယမ်းများအားတွေ့ရစဉ် (ဓာတ်ပုံ--ပြည်ထဲရေးဝန်ကြီးဌာန) 
ထို့အတူ ၂၀၁၇ခုနှစ်၊ အောက်တိုဘာလ ၁၇ ရက်နေ့ ၀၉း၀၀နာရီ အချိန် မှ ၀၉း၄၀ နာရီ အချိန်ထိ သာကေတမြို့နယ်၊ (၁၀/တောင်)(၁၃)ရပ်ကွက်၊ စိန်ပန်းလမ်းရှိ ဖြိုးကိုကိုတင့်ဆန်းပိုင်ဆိုင်သော ACE Group Of Companies  အဆောက်အဦးရှေ့ သာကေတမြို့နယ်ရဲတပ်ဖွဲ့မှူးရုံးမှ ရဲတပ်ဖွဲ့ဝင်များ၊ သတင်းရဲတပ်ဖွဲ့(ရန်ကုန်)မှ ရဲတပ်ဖွဲ့ဝင်များ၊ စရဖမှ ဗိုလ်ကြီး ဇော်ပိုင်၊ မှုခင်းရဲတပ်ဖွဲ့မှ ရဲတပ်ဖွဲ့ဝင်တို့ပါဝင်သော ပူးပေါင်းအဖွဲ့မှ ရပ်ထားသည့် Hummer အနက်ရောင် ယာဉ်ပါ (၄)စီးအားရှာဖွေခဲ့ရာ 2N/xxxx ယာဉ်အတွင်းမှ သံဘောစေ့ဖြင့်ပစ်ရသော ပစ္စတိုသေနတ်(၁)လက်၊ ၎င်းကျည်အိမ်(၁)ခု(အမျိုးအစားနှင့်ထုတ်လုပ်သည့်နိုင်ငံမပါ) အားတွေ့ရှိ သိမ်းဆည်းခဲ့ပြီး ၁၈း၀၀နာရီ အချိန် ပူးပေါင်းအဖွဲ့သည် သာကေတမြို့နယ်ရှိ ACE Group ကုမ္ပဏီအဆောက်အဦးသို့ ဝင်ရောက်ရှာဖွေရာ အခန်းအမှတ်(၆၀၁)မှ Gas ပစ္စတို(၂)လက် (ကျည်အိမ်ပါ)၊ ၅.၅၆ ကျည် ၁၀ တောင့်၊ ကျည်အိမ်(၂)ခု၊ အခန်းအမှတ်(၆၀၃) မှ သေနတ်အိတ်(၂)ခု၊ အခန်းအမှတ်(၅၀၁)မှ လက်ကိုင်စကားပြောစက်(၁)လုံး၊ ဆေးသေတ္တာ(၂)ခုတို့ အားတွေ့ရှိသိမ်းဆည်းခဲ့ရမိကြောင်း ပြည်ထဲရေး ၏ သတင်းထုတ်ပြန်ချက်ထဲတွင် ပါရှိသည်။

(Xinhua)
http://www.xinhuamyanmar.com



မဖွယ်မရာ ဓာတ်ပုံ ဖြန့်ဝေခံရသူတွေဟာ စိတ်ပိုင်းဆိုင်ရာ ပြဿနာတွေ ကြုံတွေ့ရ
သြစတြေးလျနိုင်ငံမှာ မဖွယ်မရာ ဓာတ်ပုံတွေ အွန်လိုင်း ဖြန့်ချိခံရသူတွေကို ကူညီနိုင်ဖို့ နိုင်ငံတဝှမ်း တိုင်ကြားနိုင်မယ့် အွန်လိုင်း ဝက်ဘ်ပေါ်တဲလ် တခုကို ပထမဆုံးအဖြစ် တည်ထောင် လိုက်ပါတယ်။

ဒီ ပေါ်တဲလ်ကနေ ဓာတ်ပုံတွေကို ဖယ်ရှားနိုင်ဖို့ အပြင် သက်ဆိုင်ရာ တာဝန်ရှိသူတွေကို တိုင်ကြားနိုင်ဖို့နဲ့ တရားဥပဒေအရ အရေးယူ ဆောင်ရွက်နိုင်ဖို့ကိုပါ အကြံပေး ကူညီနိုင်မှာပါ။

ဒီနည်းပညာ အစီအစဉ် အတွက် အမေရိကန် ဒေါ်လာ ၄.၈ သန်း ကုန်ကျခံထားပြီး ဒါဟာ ကမ္ဘာပေါ်မှာ ပထမဦးဆုံးလို့ ဆက်သွယ်ရေးဝန်ကြီး မစ်ခ်ျဖိုက်ဖီးလ်က ပြောပါတယ်။

ဒါပေမယ့် ဒါမျိုး အလားသဏ္ဌာန်တူတဲ့ အကူအညီပေးမှုတွေကို အမေရိကန်က ကယ်လီဖိုးနီးယားပြည်နယ် အစိုးရက စီစဉ်ပေးတာမျိုးတွေရှိသလို အခြား နေရာတွေမှာလည်း အစိုးရမဟုတ်တဲ့ အဖွဲ့အစည်းတွေက ဆောင်ရွက်ပေးနေတာတွေ ရှိပါတယ်။

ပုဂ္ဂလိက ဘဝနဲ့ သက်ဆိုင်တဲ့ တကိုယ်ရေ ဓာတ်ပုံတွေကို ကာယကံရှင် ဆန္ဒ မပါဘဲ အွန်လိုင်း မှာ ဖြန့်ချိတာမျိုးက ကမ္ဘာ အနှံ့မှာ ကျယ်ကျုယ်ပြန့်ပြန့် ဖြစ်ပေါ်နေတာပါ။

သြစတြေးလျမှာ ဆိုရင် အသက် ၁၆ နှစ် နဲ့ ၄၉ နှစ် ကြား အမျိုးသမီးတွေရဲ့ ၂၀ ရာခိုင်နှုန်းဟာ သူတို့ ဓာတ်ပုံတွေနဲ့ ပတ်သက်ပြီး အလွဲသုံးစား အနိုင့်အထက် ပြုတာကို ခံနေရတယ်လို့ အီလက်ထရောနစ် လုံခြုံရေး ရဲမင်းကြီးက ပြောပါတယ်။

ငယ်ရွယ်တဲ့ အမျိုးသမီးတွေနဲ့ လူနည်းစု ဌာနတိုင်းရင်းသား သြစတြေးလျန်တွေဟာ ဒီလို အွန်လိုင်းမှာ ဓာတ်ပုံနဲ့ အကြမ်းဖက်ခံရနိုင်ခြေ ပိုများတယ်လို့ လေ့လာမှု တခုက ဆိုပါတယ်။

ညစ်ညမ်းဓာတ်ပုံတွေ အွန်လိုင်းမှာတင် ဖြန့်ခံရသူတွေရဲ့ ၇၆ ရာခိုင်နှုန်းက ဒီကိစ္စ အတွက် ဘယ်လို အရေးယူ ဆောင်ရွက်တာမျိုးကိုမှ လုပ်လေ့လုပ်ထ မရှိဘူးလို့လည်း အဲဒီ လေ့လာမှုမှာ တွေ့ရှိရပါတယ်။ အများစုက သူတို့ ဘာလုပ်ရမှန်း မသိကြလို့ ဆိုပါတယ်။

လက်စားချေတဲ့ အနေနဲ့ ဖြန့်ချိတဲ့ ညစ်ညမ်းဓာတ်ပုံတွေကို ဖြန့်ချိသူနဲ့ အဲဒီဓာတ်ပုံတွေ တင်ထားတဲ့ အွန်လိုင်းကွန်ရက် ဝက်ဘ်ဆိုဒ်တွေကို ဒဏ်ကြေးတပ်တဲ့ တရားမဥပဒေ ပြစ်ဒဏ်ပေးဖို့လည်း စဉ်းစားနေတယ်လို့ ဝန်ကြီး မစ္စတာ ဖိုက်ဖီးလ်က ဆိုပါတယ်။

သြစတြေးလျရဲ့ ပြည်နယ် ဒေသ အတော်များများမှာ ဒီလို ဓာတ်ပုံတွေ ဖြန့်ချိသူကို အပြစ်ပေး အရေးယူနိုင်မယ့် တည်ဆဲ ဥပဒေတချို့ ပြဋ္ဌာန်း ထားပြီး ဖြစ်သလို ဆက်သွယ်ရေးပုဒ်မတွေနဲ့လည်း ကျူးလွန်သူတွေကို တရားစွဲဆိုလေ့ရှိပါတယ်။

လက်စားချေ ညစ်ညမ်းပုံ ဖြန့်ချိမှုကို ဗြိတိန်၊ ကနေဒါ၊ နယူးဇီလန်၊ ဂျပန်နဲ့ အမေရိကန်က ပြည်နယ် အများစုမှာလည်း တားမြစ်ထားပါတယ်။

BBC Burmese
http://www.bbc.com/burmese



 ယီမင်ပတ်စပို့ကို ကိုင်ဆောင်ထားတဲ့ အမျိုးသမီးတဦး ဂျော်ဒန်နိုင်ငံကတဆင့် အမေရိကန်ပြည်ထောင်စုကို ရောက်ရှိလာစဉ်
အမေရိကန်နိုင်ငံကို ခရီးသွားလာခွင့်ပိတ်ပင်တဲ့ ထရန့် အစီအစဉ် ဗဟိုအစိုးရ တရားသူကြီးဟန့်တား

အမေရိကန် သမ္မတထရန့် လက်ထက်မှာ စတင်ကျင့်သုံးဖို့ ကြိုးစားနေတဲ့ နိုင်ငံအချို့ကနေ အမေရိကန်နိုင်ငံကို ခရီးသွားလာခွင့် ပိတ်ပင်မှု အစီအစဉ်ကို အကောင်ထည်ဖော်ဖို့ နာရီပိုင်းအလိုမှာ တရားသူကြီး တဦးက ဟန့်တားလိုက်ပါတယ်။

အီရန် ၊ လစ်ဗျား ၊ မြောက်ကိုးရီးယား ၊ဆီးရီယား ၊ ယီမင် ၊ ဆိုမာလီယာ ၊ ချတ် တို့က အမေရိကန်ကို လာရောက်မဲ့သူတွေကို ပိတ်ပင်ပြီး ဗင်နီဇွဲလား နိုင်ငံတို့က လူပုဂ္ဂိုလ်အချို့ကို အမေရိကန်လာရောက်ခွင့် တားမြစ်မဲ့ သမ္မတ ထရန့်ရဲ့ အစီအစဉ်ကို ပြီးခဲ့တဲ့ လက ကြေညာခဲ့တာဖြစ်ပါတယ်။ ဒီအစီအစဉ်ဟာ အမေရိကန် လူဝင်မှုကြီးကြပ်ရေး မူဝါဒကို ချိုးဖောက်ရာရောက်ပြီး တားမြစ်ထားတဲ့ မွတ်ဆလင် ၆ နိုင်ငံက နိုင်ငံသားတွေဟာ အမေရိကန်နိုင်ငံရဲ့ လုံခြုံရေးကို ချိုးဖောက်နေတာမတွေ့ရပါဘူးလို့ ဟာဝိုင်အီမှာ ရှိတဲ့ အမေရိကန်အစိုးရ ဗဟိုတရားသူကြီးက ပြောပါတယ်။

တရားရုံးရဲ့ ဆုံးဖြတ်ချက်ဟာ အန္တာရယ်ကြီးလောက်တဲ့ အမှားကြီးတရပ်ကို ကျူးလွန်လိုက်တာပဲလို့ အိမ်ဖြူတော်ကဆိုပြီး ဒီကိစ္စကို အယူခံဝင်မယ်လို့ တရားရေးဌာနက ပြောပါတယ်။

မေရီလန်းက လူ့အခွင့်အရေး အဖွဲ့အစည်းအချို့အပါဝင် လူမှု့ အသင်းအဖွဲ့အချို့ကတော့ သမ္မတထရန့်ရဲ့ အစီအစဉ်ကို ကန့်ကွက့်နေကြပါတယ်။ တချိန်တည်းမှာပဲ ဝါရှင်တန် ၊ မက်ဆာချူးဆက် ၊ ကယ်လီဖိုးနီးယား ၊ အော်ရီဂွန်နဲ့ နယူးယောခ့်တို့မှာလည်း သမ္မတ ထရန့်ရဲ့ အစီအစဉ်သစ်အပေါ် ပိတ်ပင်နိုင်ဖို့ နည်းလမ်းတွေ ရှာဖွေနေပါတယ်။

BBC Burmese
http://www.bbc.com/burmese


နိရဉ္စရာ၊ အောက်တိုဘာ ၁၇

ရခိုင်အမျိုးသားပါတီမှ ဒုဥက္ကဋ္ဌ ဦးခိုင်ပြည်စိုးနှင့် အထွေထွေ အတွင်းရေးမှူး ဦးထွန်းအောင်ကျော်တို့အား ပါတီမှ နုတ်ထွက်ပေးရန် တောင်းဆို ဆန္ဒပြရာတွင် ကျောင်းသား ကျောင်းသူများပါဝင်မှုကို စုံစမ်း စစ်ဆေးမှု ပြုလုပ်နေကြောင်း ရခိုင်ပြည်နယ် ပညာရေးဌာန ညွှန်ကြားရေးမှူး ဦးအောင်ကျော်ထွန်းမှ နိရဉ္စရာ သတင်းဌာနသို့ ပြောကြားသည်။

ယနေ့ နေ့လယ် တစ်နာရီကျော်က စစ်တွေမြို့ ရခိုင်အမျိုးသားပါတီ ဌာနချုပ်ရှေ့တွင် လူတစ်ရာနီးပါးခန့် ဆန္ဒပြရာတွင် ကျောင်းဝတ်စုံများနှင့် ကျောင်းသား ကျောင်းသူ ၃၀ နီးပါးခန့် ပါဝင်ခဲ့သည်ဟု သိရသည်။

“ ဒီကျောင်းသား ကျောင်းသူတွေကို ဆန္ဒပြ ဦးဆောင်သူတွေက စည်းရုံး ခေါ်ဆောင်တယ် ဆိုရင် ဒီအပေါ်မှာ ကျွန်တော်တို့က အရေးယူ ဆောင်ရွက်သွားမယ်။ ကျောင်းသား ကျောင်းသူတွေက ကိုယ့်သဘောနဲ့ ကိုယ်ဝင်ရောက် ဆန္ဒပြတယ်ဆိုရင်လည်း ဒါက မဖြစ်သင့်တဲ့ အတွက် စုံစမ်းစစ်ဆေးမှုတွေ ပြုလုပ်သွားပြီး လိုအပ်သလို ဆောင်ရွက်သွားမှာ ဖြစ်ပါတယ်” ဟု သူက ဆက်လက် ပြောကြားသည်။

ယနေ့ ပြုလုပ်သော ဆန္ဒပြပွဲနှင့် ပတ်သက်ပြီး ဦးဆောင်သူ ဦးအောင်ကိုမိုးအား နိရဉ္စရာ သတင်းဌာနမှ အကြိမ်ကြိမ် ဖုန်းဆက်သော်လည်း လက်ခံ ဖြေဆိုခြင်း မရှိသည့်အပြင် နောက်ပိုင်းဖုန်းဆက်ရာတွင်လည်း ဖုန်းပိတ်ထားကြောင်း ဖုန်းထဲမှ အကြောင်းပြန်ကြားသဖြင့် ယနေ့ ဆန္ဒပြပွဲနှင့် ပတ်သက်ပြီး တစ်စုံတစ်ရာ မေးမြန်းတင်ပြနိုင်ခြင်း မရှိပါ။

ဆန္ဒပြသူများသည် ANP ပါတီ ဖြိုခွဲမည့် အကြံ ငါရို့ (ငါတို့ လက်မခံ)၊ ANP ဖြိုခွဲသူများအား ဖယ်ရှားပေးရေး စသည့် အချက်များကို ဆန္ဒပြစဉ် အတွင်း တောင်းဆိုခဲ့ကြသည်ဟု သိရသည်။

Narinjara
https://www.facebook.com/Narinjar
a

တိုက်ပွဲကြောင့် အရပ်သား သုံးသိန်း နီးပါး အိုးအိမ်စွန့်ခွာခဲ့ရတဲ့ ရက်ကာမြို့ အခြေအနေ
ဆီးရီးယား နိုင်ငံ ရက်ကာ မြို့မှာ လေးလကြာ တိုက်ပွဲ အပြင်းအထန် ဖြစ်ပြီးတဲ့နောက်၊ အိုင်အက်စ်တွေ လက်ကနေ ဒီမြို့ကို ပြန်လည် သိမ်းယူနိုင်ခဲ့ပါတယ်။

အခုအခါ မြို့သိမ်းတိုက်ပွဲ ဆင်နွှဲခဲ့တဲ့ တပ်တွေက သူတို့ အလံတွေကို မြို့တဝိုက်မှာ လွှင့်ထူ ခဲ့ကြပါတယ်။

ကာ့ဒ် မျိုးနွယ်စု တပ်ဖွဲ့နဲ့ အာရပ် တိုက်ခိုက်ရေးသမားတွေက ရက်ကာမြို့ကို ထိန်းချုပ်ထားနိုင်ပြီလို့ ပြောနေပေမယ့် သူတို့ကို ကျောထောက် နောက်ခံပေးနေတဲ့ အမေရိကန် တပ်ဖွဲ့တွေကတော့ ဒီမြို့မှာ အိုင်အက်စ်အဖွဲ့ဝင်တွေ ကျန်ရှိနေသေးပြီး ခုခံပြန်တိုက်လာနိုင်တယ်လို့ သတိပေးထားပါတယ်။

ရက်ကာမြို့တဝိုက်မှာ မြုပ်ထားတဲ့ လက်လုပ် ဗုံးတွေ ဖယ်ရှား ရှင်းလင်းရေး ဟာလည်း အရေးတကြီး ဖြေရှင်းရမယ့် နောက်ထပ် ပြဿနာ တရပ်က ဖြစ်ပါတယ်။

ရက်ကာမြို့သိမ်းတိုက်ပွဲကြောင့် လူသုံးထောင်လောက် အသက်ဆုံးရှုံးခဲ့ရပြီး အဲဒီအထဲက သုံးပုံတပုံဟာ အရပ်သားတွေ ဖြစ်တယ်လို့ စောင့်ကြည့် လေ့လာသူတွေက ပြောပါတယ်။

BBC Burmese
http://www.bbc.com/burmes
e


မြန်မာနိုင်ငံ မြားပစ်အား ကစားအဖွဲ့ချုပ်ဥက္ကဋ္ဌ ဦးဖြိုးကိုကို တင့်ဆန်းသည် တရားမ၀င် လက် နက်ကိုင်ဆောင်မှု၊ မူးယစ်မှုတို့ ဖြင့် အဖမ်းခံရ၍ ၎င်းအစား ရာထူးအပြောင်းအလဲဖြစ်ဖွယ်ရှိသည်ဟု အားကစားနှင့် ကာယပညာဦးစီးဌာန အဆင့်မြင့်တာဝန်ရှိသူက ပြောသည်။
အသက် (၄၁)နှစ်အရွယ် ဦးဖြိုးကိုကိုတင့်ဆန်းသည် အောက်တိုဘာ ၁၅ ရက်တွင် နေပြည်တော် အပြည်ပြည်ဆိုင်ရာ လေဆိပ်၌ ခရီးသွားဖော်နှစ်ဦးနှင့် အတူ သေနတ်နှစ်လက်၊ မူးယစ် ဆေးဝါးအချို့တို့ဖြင့် စတင်ဖမ်းမိ ခဲ့ပြီး ယင်းနေ့ညတွင် ၎င်းပိုင်ဆိုင် သည့် နေပြည်တော် ACE ဟိုတယ်၌ သေနတ်နှင့် ကျည်ဆန်အချို့ ထပ်မံတွေ့ရှိခဲ့သည်။ ထို့အပြင် အောက်တိုဘာ ၁၆ ရက်က ရန်ကုန်မြို့ရှိ ဦးဖြိုးကိုကိုတင့်ဆန်း ပိုင်ဆိုင်သည့် ACE Group of Compaines ၌ သေနတ်အချို့ ထပ်မံတွေ့ရှိခဲ့သည်။

အားကစားဝန်ကြီးဟောင်း ဦးတင့်ဆန်း၏သား ဦးဖြိုးကိုကိုတင့်ဆန်းသည် လက်ရှိတွင် မြန်မာနိုင်ငံ မြားပစ်အဖွဲ့ချုပ် ဥက္ကဋ္ဌအဖြစ် တာဝန်ယူဆောင်ရွက်လျက်ရှိသည်။ ထို့အပြင် မြန်မာနေရှင်နယ်လိဂ်ပြိုင်ပွဲဝင် နေပြည်တော်ဘောလုံးအသင်းကို ၂၀၁၀က စတင်တည်ထောင်ခဲ့သော်လည်း ယခုနှစ် ၂၀၁၇ စက်တင်ဘာ၌ အသင်းအုပ်ချုပ်သူများနှင့် ကစားသမားများ၏ လုပ်ခလစာပုံမှန်ပေးချေခြင်းမရှိသဖြင့် မြန်မာလိဂ်ပြိုင်ပွဲမှ ထုတ်ပယ်ခံခဲ့ရသည်။

‘‘ဖြိုးကိုကိုတင့်ဆန်းနဲ့ပတ် သက်ပြီး သတင်းတွေတော့ ဖတ် ရပါတယ်။ တရားဝင်ပြစ်ဒဏ်ချ တာမျိုးတော့ မတွေ့ရသေးပါဘူး။ အားကစားအဖွဲ့ချုပ်တွေဆိုတာ မျိုးက NGO ပုံစံမျိုးပါပဲ။ အခ ကြေးငွေရလုိ့ လုပ်တာမျိုးမဟုတ် ဘဲ အားကစားလောက ဖွံ့ဖြိုးဖို့ စိတ်ရင်းတစ်ခုနဲ့သာ အားလုံးက ၀ိုင်းဝန်းလုပ်ဆောင်ကြရတာပါ။ သူက ဌာနက ၀န်ထမ်းမဟုတ်ဘဲ ဥက္ကဋ္ဌဖြစ်နေတော့ ဖြုတ်တာမျိုး လည်းလုပ်လို့မရဘူး။ အမှုဖြစ်ခဲ့ မယ်ဆိုရင်တော့ အဖွဲ့က နုတ် ထွက်သွားပြီး အခြားတစ်ယောက် တာဝန်လွှဲပြောင်းယူတာမျိုးတော့ ဖြစ်နိုင်တယ်’’ဟု အားကစားနှင့် ကာယပညာဦးစီးဌာန အဆင့်မြင့် တာဝန်ရှိသူက ပြောသည်။

ဦးဖြိုးကိုကိုတင့်ဆန်းနှင့်အ တူ ပါဝင်သည့် ဦးဇော်ဝင်းထိုက် နှင့် ဦးရဲမင်းဆွေတို့သည် မြားပစ် လက်ရွေးစင်ဟောင်း ကစားသ မားများဖြစ်ပြီး အားကစားနှင့် ကာယပညာဦးစီးဌာန လက် အောက်တွင် တာဝန်ထမ်းဆောင်ခဲ့ရာမှ နုတ်ထွက်ခွင့်လျှောက်ထား ခဲ့ပြီး စက်တင်ဘာ ၁၄ ရက်၌ တရားဝင်နုတ်ထွက်ခွင့်ရရှိထား သူများဖြစ်သည်။

‘‘ဦးဇော်ဝင်းထိုက်နဲ့ ဦးရဲမင်းဆွေတို့က ပြီးခဲ့တဲ့ စက်တင်ဘာထဲက အား/ကာကနေ တရားဝင် နုတ်ထွက်ထားတဲ့သူတွေပါ။ နုတ်ထွက်ခွင့်လည်း ကျပြီးသားပါ။ ဥက္ကဋ္ဌနဲ့ပတ်သက်တာတော့ ဘာမှသေချာမသိရသေးပါဘူး။ တကယ်လို့ အစားထိုးခန့်အပ်မယ် ဆိုလည်း တာဝန်ရှိတဲ့လူကြီးတွေ အားလုံး တိုင်ပင်ဆွေးနွေးပြီး ဆုံး ဖြတ်ပါလိမ့်မယ်’’ဟု မြန်မာနိုင်ငံ မြားပစ်အဖွဲ့ချုပ်မှ တာဝန်ရှိသူ တစ်ဦးက ပြောသည်။

ဦးဖြိုးကိုကိုတင့်ဆန်းနှင့် အ ပေါင်းအပါနှစ်ဦးတို့ကို နေပြည်တော်၊ ဒက္ခိဏမြို့မရဲစခန်း၌ အမှုဖွင့်စစ်ဆေးနေကြောင်း ပြည်ထဲရေးဝန်ကြီးဌာနက သတင်းထုတ်ပြန်ထားသည်။

===========

7Day News Journal

http://7daydaily.com/story/110454


ဂျပန်နိုင်ငံ မျိုးရိုးဗီဇဆိုင်ရာ ပညာရှင်များသည် ကင်ဆာအပါအဝင် အခြားလူသားတို့အား ဒုက္ခအပေးဆုံး ရောဂါဝေဒနာများ မဖြစ်ပွားစေရန် တိုက်ဖျက်ပေးနိုင်မည့် ဆေးဝါးများ ပါဝင်ပြီးဖြစ်သည့် ကြက်ဥများကို အောင်မြင်စွာ တီထွင်နိုင်ခဲ့ကြောင်း The Japan News သတင်းတွင် ဖော်ပြထားသည်။

ကြက်ဥကို များများစားလျှင် ကိုလက်စထရော ဓာတ်များပြီး ဒုက္ခရောက်နိုင်သည်ဟု ပြောနေကြသော်လည်း ဂျပန်နိုင်ငံ National Institute of Advanced Industrial Science and Technology (AIST) အဖွဲ့က တီထွင်သည့်ကြက်ဥမှာ ကင်ဆာ၊ အသည်းရောင်နှင့် အခြား ရောဂါဝေဒနာများကို တိုက်ဖျက်ရာတွင် ကောင်းစွာ ထိရောက်စေနိုင်ကြောင်း ယင်းသတင်းက ဆိုသည်။

AIST အဖွဲ့မှ သုတေသီများသည် ကြက်သုက်သွေးမှ ဆဲလ်များကို ထုတ်ယူပြီး (Interferon Beta) ဟု ခေါ်သည့်ရောဂါများကို တိုက်ဖျက်နိုင်သော ပရိုတိန်းတစ်မျိုးကို ကြက်ဥများအတွင်း ထည့်သွင်းပေးနိုင်ခဲ့ပြီဖြစ်သည်။

ကြက်များကတစ်ဆင့် ထုတ်ယူရရှိသည့် ပရိုတိန်းသည် လူတို့ကို ဒုက္ခပေးနိုင်သည့် အရေပြား ကင်ဆာနှင့် အသည်းဝေဒနာများကို ပျောက်ကင်းစေရန်အတွက် ကြက်အထီးကောင်များကို ကြိုတင်ပြီး မျိုးစိတ်များကို ပြုပြင်ကာ ဖန်တီးပေးထားသည်။

ကြက်ထီးများသည် ကြက်မများနှင့် ဆက်ဆံရာမှ ဖြစ်ပေါ်လာသည့် ကြက်ဥများတွင် (Interferon Beta) ဓာတ်များသည် အလိုအလျောက် ပါဝင်သွားသောကြောင့် ထိုဆေးကြက်ဥများကို စားသုံးရုံဖြင့် ဝေဒနာများ မဖြစ်စေရန် အလိုအလျောက် ကာကွယ်ပြီးသား ဖြစ်သွားစေနိုင်သည်။

တိုကျိုရှိ Cosmo Bio ကုမ္ပဏီသည် AIST သုတေသနအဖွဲ့နှင့်ပူးပေါင်းပြီး ကြက်မျိုးစိတ်များကို စမ်းသပ် ထုတ်လုပ်လျက်ရှိပြီး၊ ထိုကြက်များက ဥသည့် အဖြူရောင်ကြက်များတွင် (Interferon Beta) ဓာတ်များ အလိုအလျောက် ပါဝင်လာစေရန် စီစဉ်ဆောင်ရွက်နိုင်ခဲ့ပြီဖြစ်ကြောင်း The Japan News တွင် ရေးသားထားသည်။

ယခုလိုကြက်ဥများထဲတွင် ဆေးဝါးများ စီစဉ်ထည့်ပေးရခြင်းမှာ ဆေးဝါး ထုတ်လုပ်ရသည့် စရိတ်များကို လျှော့ချနိုင်ရန် ဖြစ်ကြောင်း၊ တန်ဖိုးနည်းပြီး လူသားတို့ကို အကျိုးပြုစေနိုင်သည့် ရည်ရွယ်ချက်ဖြင့် ဆေးကြက်ဥများကို တီထွင်ရခြင်းဖြစ်ကြောင်း အိုဆာကာ တက္ကသိုလ်မှ ပါမောက္ခ ဟီရိုနိုဘူ ဟိုဂျိုကပြောကြားသည်။

ပညာရှင်များသည် ကြက်ဥတစ်လုံးကို စားလိုက်သည်နှင့် (Interferon Beta) ဓာတ် ၁၀ဝ မီလီဂရမ်အထိ ရစေနိုင်မည့် ကြက်မျိုး ဆက်တစ်ခုအထိ ရရှိစေရန် တီထွင် လုပ်ဆောင်နေကြောင်း The Japan News တွင် ဖော်ပြထားသည်။

===========

The Voice

http://thevoicemyanmar.com/it/12887-ksp