ဂေးအလှမယ်မျိုးကိုကိုစန်းကို သရုပ်ဆောင် ၀တ်မှုံရွှေရည်က ၆၆(ဃ)ဖြင့် တရားစွဲ


မန္တလေးဇာတိ ဂေးအလှမယ်မျိုးကိုကိုစန်းကို သရုပ်ဆောင် အကယ်ဒမီဝတ်မှုံရွှေရည်က ဆက်သွယ် ရေးဥပဒေပုဒ်မ ၆၆(ဃ)ဖြင့် ရန်ကင်းမြို့မရဲစခန်း၌ အမှုဖွင့်၍ တရားစွဲဆိုထားကြောင်း သတင်းရရှိသည်။

မျိုးကိုကိုစန်းကို အမှုဖွင့်ထားသည်မှာ မှန်ကန်ကြောင်းနှင့် ရန်ကင်းမြို့မရဲစခန်းတွင် ချုပ်ရက်ရမန် ယူ၍ ထိန်းသိမ်းထားကြောင်း ရန်ကင်းရဲစခန်းမှ တာဝန်ကျ ရဲဝန်ထမ်းတဦးက ပြောသည်။

''သူ့ ကို ဒီမှာ လောလောဆယ်ချုပ်ရက်ရမန်ယူပြီး ထိန်းသိမ်းထားပါတယ်။ ဒီနေ့ကစပြီး နှစ်ပတ်ရမန်ယူပါမယ်။ ကျန်တဲ့အပိုင်းကတော့ ကျွန်တော်တိုပြောလို့မရပါဘူး''ဟု ၎င်းက ဇန်န၀ါရီ ၁၈ ရက်တွင် ရန်ကင်းမြို့မရဲစခန်း၌ News Watch သို့ ပြောကြားသည်။ မျိုးကိုကိုစန်းကို ရန်ကင်းမြို့နယ် တရားရုံး၌ ဇန်န၀ါရီ ၁၈ ရက်က ရုံးထုတ်စဉ် တရားလိုဝတ်မှုံရွှေရည် (ခ) ကစ်ကစ်က ပုဒ်မ ၆၆(ဃ)ဖြင့် တရားစွဲဆိုခြင်း ဖြစ်သည်ဟု မြို့နယ်တရားသူကြီးက ပြောကြားခဲ့ကြောင်း မျိုးကိုကိုစန်း၏ရှေ့နေတဦးက ပြောကြားသည်။

''မျိုးကိုကိုစန်းကို cele cele small page ရဲ့ Admin ဆိုပြီး ဖမ်းတယ်လို့သိရပါတယ်။ မျိုးကိုကိုစန်းက သူမဟုတ်ဘူးဆိုတဲ့အကြောင်း ကျွန်မတို့ကိုလည်းပြောပါတယ်။ ရဲစခန်းကိုလည်း ပြောထားပါတယ်။ သူ့ဖုန်းကိုလည်း ရဲစခန်းကိုအပ်ထားပါတယ်။ cele cele small page က အခုအချိန်ထိ Post တွေ တင်နေ တုန်းပါ''ဟု Myanmar LGBT right network မှ ရှင်းသန့်က News Watch သို့ ပြောကြားသည်။

ဘန်ကောက်သို့ အလည်အပတ်သွားရောက်ခဲ့ပြီး ပြန်လည်ရောက်ရှိလာသည့် မျိုးကိုကိုစန်းကို မင်္ဂလာဒုံ လေဆိပ်၌ အရပ်ဝတ် ၀တ်ဆင်ထားသည့် ရဲတပ်ဖွဲ့ဝင်အချို့က မေးမြန်းရန်ရှိသည်ဟုဆိုကာ ဖမ်းဆီးခေါ် ဆောင်သွားခြင်းဖြစ်ပြီး လက်ရှိအချိန်တွင် ရန်ကင်းမြို့မရဲစခန်း၌ သီးသန့်ထိန်းသိမ်းထားကြောင်းအမှုကို လိုက်ပါကူညီနေသူများထံမှ သိရသည်။

''ဒီကိစ္စမှာ ပုဒ်မ ၆၆(ဃ)ကို သုံးတာတော့ ကျွန်တော်သဘောမကျပါဘူး။ ကိုယ့်ကို အသရေဖျက်တယ်လို့ ယူဆရင် ပုဒ်မ ၅၀၀ နဲ့ စွဲလို့ရတာပဲလေ။ တယောက်နဲ့တယောက် လက်စားချေသလိုမျိုးဒီဥပဒေကို သုံး နေတာမျိုးက မဖြစ်သင့်ဘူးလို့ မြင်ပါတယ်''ဟု တရား လွှတ်တော်ရှေ့နေ ဦးရောဘတ်စန်းအောင်က ပြော သည်။ ဂေးအလှမယ်မျိုးကိုကိုစန်းသည် Miss Inter-national Queen Myanmar 2014 မေ ၂၀၁၄ ပြိုင်ပွဲတွင် သရဖူရရှိခဲ့သူဖြစ်သည်။

နန္ဒမျိုးဆောင်
News Watch(စောင့်ကြည့်သတင်းဂျာနယ်)
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.