ဘရာဇီး ထောင်ထဲ အကျဉ်းသားတွေ အချင်းချင်း သတ်ဖြတ်



ရင်ခွဲရုံ အရှေ့ သက်ဆိုင်ရာ မိသားစုတွေ စုဝေး 
ဘရာဇီးနိုင်ငံ၊ အမေဇုံ သစ်တော အလယ် တည်ရှိတဲ့ မင်နောက်စ် မြို့ပြင်က အကျဉ်းထောင်မှာ ထောင်ဆူ ခဲ့ပြီး အကျဉ်းသား အချင်းချင်း တိုက်ခိုက် ခဲ့ကြလို့ အနည်းဆုံး လူ ၆ဝ သေဆုံး သွားပါတယ်။

အပြိုင် မူးယစ်ဆေးဝါး လူဆိုးဂိုဏ်း နှစ်ဂိုဏ်း အကြား တိုက်ခိုက် ခဲ့ကြတာ ဖြစ်ပြီး အခုဆို ဘရာဇီး ရဲတွေက ထောင်ထဲမှာ ရှာဖွေရေးတွေ ပြုလုပ် နေကြသလို၊ ထောင်ဆူတုန်း လွတ်သွား ကြတဲ့ အကျဉ်းသားတွေကို ပတ်ဝန်းကျင် တောအုပ်တွေထဲ လိုက်လံ ဖမ်းဆီး နေပါတယ်။

သေဆုံး သွားသူတွေရဲ့ ရုပ်အလောင်းတွေကို ပို့ထားရာ ဒေသတွင်း ရင်ခွဲရုံ အရှေ့မှာတော့ သက်ဆိုင်ရာ မိသားစုတွေ စုဝေး ရောက်ရှိ နေပါတယ်။

တချို့ဆိုရင် ခေါင်းဖြတ် အသတ်ခံခဲ့ ကြရပြီး၊ အများစုကတော့ ထောင်ထဲ ခိုးသွင်း ထားကြတဲ့ သေနတ်တွေနဲ့ ပစ်ခတ် ခံခဲ့ကြရတာ ဖြစ်ပါတယ်။

အခင်းဖြစ်ရာ အာနီးဇူး ဂျိုဘင်း ဆိုတဲ့ ထောင်မှာ အကျဉ်းသား အရေအတွက် မတန်တဆ များနေပြီး အမေဇိုးနားစ် ပြည်နယ် အုပ်ချုပ်ရေးမှုး ကတော့ အကျဉ်းထောင် တွေ အတွက် ငွေကြေးတွေ ပိုမို သုံးစွဲမယ်လို့ ပြောလာပါတယ်။

BBC Burmese
http://www.bbc.com/burmese
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.