နေပြည်တော်တွင် ရဲအုပ်တဦး ပုဆိုးဖြင့် လက်နောက်ပြန်တုပ်လျက် အသတ်ခံရ


နေပြည်တော် ဒက္ခိဏသီရိမြို့နယ် မိုးဝေလမ်းနှင့်သပြေ (၁၃) လမ်း လမ်းဆုံအနီးတွင် ပုဆိုးဖြင့် လက်နောက်ပြန်တုပ်ခံထားရသော လူတဦး လဲကျနေကြောင်း ၁-၁-၂၀၁၇ မနက် ၄ နာရီ ၂၀ မိနစ်ခန့်အချိန်က ပြည်သူတဦး၏သတင်းပေးချက်အရ ဒက္ခိဏသီရိမြို့နယ် မြို့မရဲစခန်းမှ တာဝန်မှူး ရဲအုပ်မြတ်ကိုကိုနှင့်အဖွဲ့တို့ သွားရောက်စစ်ဆေးခဲ့သည်။

ယင်းသို့သွားရောက်စစ်ဆေးရာ ဒက္ခိဏသီရိမြို့နယ် မိုးဝေလမ်းနှင့်သပြေ ၁၃ လမ်း လမ်းဆုံအနီး ကွန်ကရစ်လမ်းမပေါ်တွင် 4C-6728 Corolla အပြာရောက်ယာဉ်အား သော့တန်းလန်းဖြင့်ရပ်ထားသည်ကိုတွေ့ရှိရပြီး လူတဦး လက်ပြန်ကြိုးတုပ်လျက် လဲကျနေသည်ကို တွေ့ရှိခဲ့ရကြောင်း၊ ၎င်း၏မေးစေ့တွင် ၁ လက်မခန့် ပေါက်ပြဲဒဏ်ရာတချက်၊ အပေါ်နှုတ်ခမ်း ဖူးရောင်ညိုမဲဒဏ်ရာ၊ လည်ပင်း၊ ၀ဲရင်ဘက်နှင့် ယာပေါင်တွင် ညိုမဲဒဏ်ရာများဖြင့် သေဆုံးနေသည်ကိုတွေ့ရှိရပြီး သေဆုံးသူမှာ မြို့နယ်မှူးရုံး(ဇမ္ဗူသီရိမြို့နယ်)မှ လ.၁၅၃၈၃၅ ရဲအုပ်ဇော်ဇော်(၄၈ နှစ်) ပျဉ်းမနားမြို့မရဲစခန်းဝင်းနေသူဖြစ်ကြောင်း၊ ရဲအုပ်ဇော်ဇော်၏အလောင်းအား နေပြည်တော်ကုတင် (၁၀၀၀) ဆေးရုံသို့ ပေးပို့ပြီး ဒက္ခိဏသီရိမြို့နယ် မြို့မရဲစခန်းမှ (ပ)၂/၂၀၁၇ ရာဇသတ်ကြီးပုဒ်မ ၃၀၂ ဖြင့် အမှုဖွင့်အရေးယူခဲ့သည်။

ဆက်လက်၍ တရားခံဖမ်းဆီးရမိရေး ဆက်လက်စုံစမ်းစစ်ဆေးရာ ဇန်န၀ါရီ ၁ ရက်နေ့ ညပိုင်းက နေပြည်တော်တောင်ညိုတွင် တရားခံဟုယူဆရသူသုံးဦးကို ဖမ်းဆီးရမိခဲ့ပြီး ဒက္ခိဏသီရိမြို့နယ်ရဲစခန်းတွင် စစ်ဆေးလျက်ရှိကြောင်း ထပ်မံသိရှိရပါသည်။

ထွန်း(နေပြည်တော်)
https://www.facebook.com/NewsWatchJournal/
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.