အငှားယာဉ်မောင်း ဦးနေ၀င်းရဲ့ ဈာပနကို တိုင်းအစိုးရအဖွဲ့ အစီအစဉ်နဲ့ ပြုလုပ်မည်



( သေနတ်ထိမှန်သေဆုံးခဲ့တဲ့ အငှားယာဉ်မောင်း ဦးနေ၀င်းကို တွေ့ရစဉ် ) Photo: Facebook
တရားလွှတ်တော် ရှေ့နေ ဦးကိုနီကို သေနတ်နဲ့ အနီးကပ်လုပ်ကြံခဲ့သူကို ကူညီဖမ်းဆီးပေး သူတွေထဲက သေနတ်ထိမှန်သေဆုံးခဲ့တဲ့ အငှားယာဉ်မောင်း ဦးနေ၀င်းရဲ့ ဈာပနကို ရန်ကုန်တိုင်း ဒေသကြီး အစိုးရအဖွဲ့ရဲ့ အစီအစဉ်နဲ့ မနက်ဖြန် ရေဝေးသုဿန်မှာ ပြုလုပ်သွားမှာဖြစ်ပါတယ်။

မနက်ဖြန် နေ့လည်တစ်နာရီ ရေဝေးသုသာန်မှာ သဂြိုလ်မှာဖြစ်ပြီး ဗမာထုံးတမ်းအစဉ်အလာအရပဲ သဂြိုလ်မယ်လို့ ဦးနေ၀င်းဇနီးဖြစ်သူ မစုသက်ခိုင်က ပြောပါတယ်။

"မနက်ဖြန် ၁ နာရီမှာပါ ဗမာထုံးတမ်းအစဉ်အလာအရပဲ သဂြိုလ်မှာပါ ဒီဘက်က အကုန်လုံးဆောင်ရွက် ပေးပါတယ်။ ဂုဏ်ယူတဲ့စိတ်က နောက်မှပါ လောလောဆယ် ကိုယ့်လင်ကိုယ့်သားလေ ဘာနဲ့မှပြန်ပြီး အစားထိုးလို့မရတဲ့ဟာပါ။ ဒါပေမယ့်ဂုဏ်ယူရအောင်ဆိုပြီး သူဒီလိုမျိုးလုပ်ခဲ့တာမဟုတ်ပါဘူး။ သူရဲ့ စိတ်ဓါတ်ကိုက မနေတတ်တဲ့စိတ်ဓါတ်ကြောင့်ပါ"

ရှေ့နေ ဦးကိုနီကို သေနတ်နဲ့ လုပ်ကြံခဲ့သူကို ကူညီဖမ်းဆီးပေးသူတွေထဲမှာ လေဆိပ်က အငှားယာဉ် မောင်းတွေ ဦးနေ၀င်းလည်း အပါအ၀င်ဖြစ်ပြီး သူဟာ လုပ်ကြံသူကို အုတ်နီခဲနဲ့ ပစ်ပေါက်ခဲ့ရာ လုပ်ကြံသူက သေနတ်နဲ့ ပြန်လည်ပစ်ခတ်ခဲ့တာကြောင့် ဆီးအိမ်ကို ကျည်ထိမှန်ပြီး သေဆုံးသွား ခဲ့တာဖြစ်ပါတယ်။

အသက် ၄၈ နှစ်အရွယ် ဦးနေ၀င်းဟာ တရုတ်လူမျိုးဖြစ်ပြီး ရန်ကုန်အပြည်ပြည်ဆိုင်ရာလေဆိပ်မှာ အငှားယာဉ်မောင်း လုပ်ကိုင်နေတာ ၁၀ နှစ် နီးပါးရှိပြီဖြစ်ပါတယ်။

သေဆုံးသူဦးနေ၀င်းမှာ ဇနီးသည် နဲ့ အသက် ၇ နှစ်၊ ၄ နှစ်နဲ့ ၄၅ ရက်သားအရွယ် ကလေး ၃ ဦးကျန်ရှိခဲ့ပြီး ဦးနေ၀င်းရဲ့ ကျန်ရစ်သူမိသားစုဝင်တွေအတွက် ပုဂ္ဂလိကကုမ္ပဏီတွေ၊ လူပုဂ္ဂိုလ် တစ်ဦးချင်းစီနဲ့ အဖွဲအစည်းတွေက အလှူငွေတွေ ထည့်ဝင်လှူဒါန်းနေကြပါတယ်။

ဦးနေ၀င်း ကလေး ၃ ဦးရဲ့ ပညာရေးကို ထောက်ပံ့ဖို့အတွက် ၈၈ မျိုးဆက် ငြိမ်းချမ်းရေးနဲ့ ပွင့်လင်းလူ့အဖွဲ့အစည်း ရန်ပုံငွေတစ်ခု တည်ထောင်ပြီး တစ်ဦးချင်းအလှူရှင်တွေဖြစ်စေ အဖွဲ့အစည်းအလိုက်ဖြစ်စေ ငွေကြေးထည့်ဝင်လှူဒါန်းနိုင်ကြောင်း ကြေညာထားပါတယ်။

RFA Burmese
https://www.facebook.com/rfaburmese
Labels:

Post a Comment

[blogger][facebook]

Author Name

Contact Form

Name

Email *

Message *

Powered by Blogger.