ဘရာဇီးနိုင်ငံ၌ နှစ်သစ်ကူးညတွင် ပစ်ခတ်မှုဖြစ်ပွားရာ ၁၂ ဦးသေဆုံး



ဘရာဇီးနိုင်ငံ ရီယိုဒီဂျနေရိုမြို့ ၌ ၂၀၁၇ ခုနှစ် နှစ်သစ်ကူးညကို ပြည်သူများကြိုဆိုနေကြစဉ်(ဆင်ဟွာ)
    ရီယိုဒီဂျနေရို ၊ ဇန်နဝါရီ ၂ ရက်(ဆင်ဟွာ)

    ဘရာဇီးနိုင်ငံ အရှေ့ တောင်ပိုင်း၌ ၂ဝ၁၇ ခုနှစ် နှစ်သစ်ကူးညတွင် သေနတ်ပစ်ခတ်မှုဖြစ်ပွားရာ အနည်းဆုံး လူပေါင်း ၁၂ ဦးသေဆုံးပြီး ၃ ဦးထက်မနည်း ထိခိုက်ဒဏ်ရာရခဲ့ကြောင်း ရဲတပ်ဖွဲ့ သတင်းအရင်းအမြစ်က ဇန်နဝါရီလ ၁ ရက်တွင်ပြောကြားသည်။

ဆာအိုပေါ်လို မြို့ အနီးရှိ Campinas မြို့ ၌ သေနတ်သမားတစ်ဦးသည် ၄င်း၏ ဇနီးဟောင်းဖြစ်သူ နေအိမ်ခြံဝင်း အုတ်တံတိုင်းကို ကျော်တက်ပြီး အထဲသို့ ဝင်ရောက်ကာ  ဇနီးဟောင်း အပါအဝင် အသက် ၈ နှစ်အရွယ် သားဖြစ်သူ နှင့် အခြားဆွေမျိုးများစွာတို့ ကို ပစ်ခတ်ခဲ့ခြင်းဖြစ်ကြောင်း ၊ ယင်းနောက်တွင် သေနတ်သမားသည် ၄င်းကိုယ်ကို အဆုံးစီရင်ခဲ့ကြောင်း နှင့် သေနတ်ကျည်ဆံအများအပြားကို ၄င်းခန္ဓာကိုယ်တွင် တွေ့ ရှိခဲ့ကြောင်း သိရသည်။

O Globo နေ့ စဉ်သတင်းစာအရ သေနတ်သမားမှာ အသက် ၄ဝ နှစ်ခန့် အရွယ်ရှိပြီး ၄င်း၏ အမည်ကို ထုတ်ဖော်ရေးသားထားခြင်းမရှိကြောင်း နှင့် ၄င်းသည် လင်မယားကွာရှင်းခြင်းကို လက်မခံခဲ့ကြောင်း သိရသည်။

ကလေးငယ်အုပ်ထိန်းခွင့်ကို မယား(ဟောင်း) ဖြစ်သူက ပိုင်ဆိုင်ခွင့်ရရှိခဲ့ပြီးနောက် သေနတ်သမားသည် ၄င်း၏မယား(ဟောင်း) ကို သတ်ပစ်မည်ဟု ပြောဆိုခဲ့သည်ကို ကြားသိခဲ့ရကြောင်း မျက်မြင်သက်သေတစ်ဦးက O Globo သတင်စားသို့ ပြောကြားခဲ့သည်။

ဒဏ်ရာရရှိကြသူများအနက် နေအိမ်မှ ထွက်ပြေးလွတ်မြောက်သွားသူ တစ်ဦးမှာ ကလေးကျောင်းကြိုပေးသူတစ်ဦးဖြစ်ကြောင်း အိမ်နီးနားချင်းများက ပြောသည်။

သေဆုံးသူများ၏ အမည်စာရင်းကို သတင်းထုတ်ပြန်ခြင်း မရှိသော်လည်း အမျိုးသား ၉ ဦး ၊ အမျိုးသမီး ၂ ဦး နှင့် ကလေးငယ်တစ်ဦး သေဆုံးခဲ့ရကြောင်း သိရသည်။

(XINHUA)
http://xinhuamyanmar.com/world
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.