မြန်မာလူ့အခွင့်အရေးချိုးဖောက်မှုကိုင်တွယ်ဖို့ ကုလကို အီရန်တိုက်တွန်း

မောင်တောက မီးလောင်ခံထားရတဲ့ဈေးတခု၊ ၂၇ အောက်တိုဘာ၊ ၂၀၁၆။
မောင်တောက မီးလောင်ခံထားရတဲ့ဈေးတခု၊ ၂၇ အောက်တိုဘာ၊ ၂၀၁၆။

မြန်မာနိုင်ငံက ရိုဟင်ဂျာတွေရဲ့ အခြေအနေနဲ့ ပတ်သက်ပြီး သူ့အနေနဲ့ အထူးပဲ စိုးရိမ်မိတယ်လို့ အီရန်နိုင်ငံခြားရေးဝန်ကြီး Mohammad Javad Zarif က ကုလသမဂ္ဂအတွင်းရေးမှူးချုပ်အသစ် Antonio Guterres ကို စာရေးသားပေးပို့လိုက်ပါတယ်။

အဲဒီစာထဲမှာတော့ ရိုဟင်ဂျာမွတ်စလင်တွေရဲ့ စိုးရိမ်စရာအခြေအနေတွေကို အဆုံးသတ်ဖို့နိုင်ဖို့ ကုလသမဂ္ဂအနေနဲ့ မြန်မာအစိုးရနဲ့ အတူ လုပ်ဆောင်ဖို့ကိုလည်း အီရန်နိုင်ငံခြားရေးဝန်ကြီး Zarif က တောင်းဆိုထားတယ်လို့ Press TV ရဲ့ သတင်းမှာ ဖော်ပြထားပါတယ်။

ရိုဟင်ဂျာမွတ်စလင်တွေဟာ သူတို့ရဲ့ အခြေခံအခွင့်အရေးတွေဖြစ်တဲ့ နိုင်ငံသား ဖြစ်ခွင့် နဲ့ အဲဒီနိုင်ငံရဲ့ အစိုးရက အကာအကွယ်ပေးမှုတွေကို ဆုံးရှုံးနေရုံတင်မဟုတ်ဘဲ၊ သူတို့ဟာ နိစ္စဓူဝ သတ်ဖြတ်တာ၊ အကြမ်းဖက်တာ လူမဆန်တဲ့ ငြင်းပန်းနှိပ်စက်မှုတွေကို ခံနေရတယ်လို့ အီရန်နိုင်ငံခြားရေးဝန်ကြီး Zarif က ရေးသားထားပါတယ်။ ဒါ့အပြင် မလေးရှားနိုင်ငံ ကွာလာလမ်ပူမြို့မှာ လာမယ့် ဇန်န၀ါရီလ ၁၉ ရက်နေ့ကျရင် ကျင်းပမယ့် အစ္စလာမစ် ပူးပေါင်းဆောင်ရွက်ရေးအဖွဲ့ (OIC) နိုင်ငံတွေရဲ့ နိုင်ငံခြားရေးဝန်ကြီးတွေရဲ့ အထူးအစည်းအဝေးအတွင်းမှာလည်း ရိုဟင်ဂျာတွေရဲ့ အခြေအနေကို ဆွေးနွေးသွားဖို့ရှိတယ်လို့ ပြောပါတယ်။

ရခိုင်ပြည်နယ်မြောက်ပိုင်းမှာ ပြီးခဲ့တဲ့ လပိုင်းတွေက ဖြစ်ပွားခဲ့တဲ့ ပဋိပက္ခတွေအတွင်း - မြန်မာအစိုးရ တပ်တွေဘက်က ရခိုင်ပြည်နယ်မှာရှိတဲ့ အဲဒီမွတ်စလင်တွေအပေါ်မှာ သတ်ဖြတ်တာတွေ၊ ညှင်းပန်းနှိပ်စက်တာတွေ၊ အမျိုးသမီးတွေအပေါ်မုဒိမ်းကျင့်တာတွေရှိခဲ့တယ်လို့ နိုင်ငံတကာအသိုင်းအ၀ိုင်း မြန်မာအစိုရအပေါ်မှာ စွပ်စွဲပြစ်တင်တာတွေရှိခဲ့ပါတယ်။ မြန်မာအစိုးရဘက်ကတော့ - အဲဒီလို တဘက်သတ် စွပ်စွဲပြောဆိုတာတွေအပေါ် ငြင်းဆိုခဲ့ပြီး၊ သက်သေအထောက်အထားနဲ့ အခိုင်အမာတင်ပြနိုင်တယ်ဆိုရင် သူတို့ အနေနဲ့ ပူးပေါင်းဆောင်ရွက်သွားဖို့ အဆင့်သင့်ရှိတယ်လို့ တုံ့ပြန်ခဲ့ပါတယ်။
VOA Burmese News
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.