လူ ၈ ဦး မီးလောင်သေဆုံးမှုတွင် ယာဉ်မောင်းမှာ လွတ်မြောက်သူ ဖြစ်နေ

ဇန်န၀ါရီ ၂၃ ။ ။ လူ ၈ ဦး မီးလောင်သေဆုံးခဲ့သော အမြန်လမ်းယာဉ်တိုက်မှုတွင် လွတ်မြောက်လာသူမှာ မော်တော်ယာဉ် မောင်းနှင်ခဲ့သူ ဖြစ်ကြောင်း သိရပြီး ယနေ့နနံနက်ပိုင်းတွင် ၀န်ခံထွက်ဆိုခဲ့ကြောင်း အမြန်လမ်းရဲတပ်ဖွဲ့မှ သိရသည်။

ပုဂံမှ ပြန်လာသော အဆိုပါ Hi Ace မော်တော်ယာဉ်မှာ ရန်ကုန်မန္တလေးအမြန်လမ်း မိုင်တိုင်အမှတ် ၄/၂ - ၄/၃ ကြား (အပြန်လမ်း)တွင် ဇန်န၀ါရီ ၂၁ရက်၊ နံနက် ၈နာရီခွဲခန့်တွင် ရှေ့ညာဖက်ဘီးပေါက်ကာ လမ်းလယ်ကျွန်းဘောင်အား တိုက်မိပြီး ယာဉ်မီးလောင်မှု ဖြစ်ပွားခဲ့သည်။

ယာဉ်ပေါ်တွင် ပါရှိသူ ကျား ၂ ဦး၊ မ ၇ ဦးအနက် အမျိုးသမီး ၇ ဦးနှင့် ဦးဝင်းထွန်းတို့ ကားအတွင်း မီးလောင်သေဆုံးခဲ့သည်။ ကျား ၁ ဦးသာ လွတ်မြောက်ခဲ့ပြီး ၎င်းမှ သေဆုံးသူ ဦးဝင်းထွန်းမောင်းနှင်သည်ဟု ကနဦးထွက်ဆိုခဲ့သည်။

အဆိုပါ မီးလောင်မှုအား သေဆုံးသူမိသားစုဝင်အချို့မှ သံသယရှိခဲ့ကြောင်း ပြောဆိုခဲ့ကြသည်။

သေဆုံးသူတစ်ဦးဖြစ်သော မ၀င်းပပဌေး(အသက် ၁၈နှစ်) ၏ အစ်ကိုဖြစ်သူ ကိုအောင်ကျော်မင်းက “ ယာဉ်မောင်းဘယ်သူဆိုတာ မသဲကွဲဘူး ဖြစ်နေတယ်။ နောက်ပြီး လူရှစ်ယောက်သေပြီး တစ်ယောက်ပဲ ကျန်ခဲ့တယ်။ မကယ်ဘဲကြည့်နေခဲ့တာလား။ လုပ်ကြံမှုလား။ ကယ်ဖို့ကြိုးစားဖို့ အခွင့်အရေးမရှိခဲ့တာပဲလား” ဟု ၎င်းဖြစ်စဉ်အပေါ် ပြောသည်။

သေဆုံးသူတစ်ဦးတွင်အပါအ၀င်ဖြစ်သော ဦးဝင်းထွန်း (စီးအီးအို)၏ ဇနီးမှ သေဆုံးသူမိသားစုများအား ယာဉ်တိုက်မှုဖြစ်ပြီးနောက်နေ့တွင် ကျပ် ငါးသိန်း ပေးအပ်ခဲ့ကြောင်း သိရပြီး ယနေ့အချိန်ထိ ရဲတပ်ဖွဲ့မှ ဆက်သွယ်လာခြင်းမရှိသေးဟု ကိုအောင်ကျော်မင်းက ပြောသည်။

ကိုအောင်ကျော်မင်းက “ လုံးဝမကျေနပ်ဘူး။ ယာဉ်မတော်တဆမှုဆိုရင်တော့ စိတ်နာနာနဲ့ ဖြေရမှာပေါ့။ လုပ်ကြံမှုဆိုရင်တော့ သည်းခံနိုင်စွမ်းမရှိဘူး” ဟု မဇ္ဈိမသို့ ယနေ့ ဇန်န၀ါရီလ ၂၃ရက် ည ၇ နာရီခန့်တွင် ပြောသည်။

သေဆုံးသူ မသင်းသင်းမော်၏ ခင်ပွန်းဖြစ်သော ကိုအောင်ကိုဦးကလည်း ယင်းယာဉ်တိုက်မှုအတွက် သံသယရှိကြောင်း သူ၏ လူမှုကွန်ယက်စာမျက်နှာတွင် မျှဝေခဲ့သည်။

အဆိုပါယာဉ်မတော်တဆမှုအား အမှတ်(၃)အမြန်လမ်းရဲစခန်းက အမှုဖွင့် အရေးယူ ဆောင်ရွက်လျက် ရှိသည်။
Mizzima - News in Burmese
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.