ဝတ်မှုန်ရွှေရည်၊ မျိုးကိုကိုစန်း၊ Cele Cele Small နဲ့ ဆီသည်မလက်သုတ်ဖတ်


တကယ်တော့ ဤကိစ္စတွေကိုမပြောချင်၊ မရေးချင်၊ မပါချင်။ သို့သော် ပုဂ္ဂိုလ်ရေးတွေအတင်းအဖျင်တွေကို စိတ်မ၀င်စားသော်ငြားလည်း အများနှင့်ဆိုင်သော ကိစ္စတခုပါဝင်နေသဖြင့် ပြောစရာ၊ ရေးစရာဖြစ်လာရ ခြင်းဖြစ်သည်။ ဖြစ်စဉ်ကို အားလုံးသိသဖြင့် ဇာတ်ကြောင်းလှန်မနေချင်တော့။ ပြဿနာ၏အစက ဖေ့စ်ဘွတ် တွင် လူတဖက်သားသိက္ခာကျအောင် အတင်းအဖျင်းတွေ ရေးသောသူတယောက်မှစသည်။ Cele Cele Small ဆိုသော အကောင့်ပိုင်ရှင်က အနုပညာလောကမှ အတင်းလိုလိုသတင်း လိုလိုဟာတွေ အညှီအဟောက်တွေကို ရေးတင်သည်။ ဓာတ်ပုံတွေတင်သည်။ ဟုတ်တာနည်းနည်း မဟုတ်တာများများ ထင်ရာတွေလျှောက်ရေးသည်။ သူ့အကောင့်ထဲဝင်ကြည့်ရာ အတင်းအဖျင်းပေါင်းစုံတကာ စေ့လှသည်။ မင်းသမီးနှစ်ယောက်အကြောင်းလည်း ပါသည်။ အမျိုးသားအဆိုတော်သရုပ်ဆောင် တယောက်အကြောင်းလည်း ပါသည်။ အလှမယ်တယောက် အကြောင်းလည်းပါသည်။ မဟုတ်ကဟုတ်ကတွေက အများစုဖြစ်သည်။ မြန်မာ့ရုပ်ရှင်တွေထဲမှာပါသော ဒေါ်မြလေး၏စတိုင်လ်အတိုင်း 'ပြောကိုမပြောချင်တော့ပါဘူးအေ'ဆိုသော လေသံမျိုးဖြင့် လူတကာ၏ အတင်းကိုလိုက်ချနေသော စာသားများကိုဖတ်ရပါသည်။ စာနှင့်အတူ သင့်လျော်သောဓာတ်ပုံအချို့ကိုလည်း ပူးတွဲတင်ထားပါသည်။ သို့သော် အချို့ဓာတ်ပုံများမှာလည်း သိက္ခာကျစေရုံသက်သက် လျှောက်ရေးထား တာတွေ့ရသည်။ ဥပမာ ၀တ်မှုန်ရွှေရည်ကို စပွန်ဆာပေးနေသူတဦးဆိုပြီး ဓာတ်ပုံတပုံတင်ထားရာ ထိုပုံထဲမှာ လူတယောက်က ပခုံးဖက်နေပါသည်။ သို့သော် ထိုသူမှာ Cele Cele Small စွပ်စွဲသလို အမျိုးသားတယောက် မဟုတ်ပါ။ နေစည်ဗဆွေဆိုသော အမျိုးသမီးဖြစ်နေပါသည်။ ဧည့်ခံပွဲတခုတွင် မိန်းကလေးချင်းတွဲရိုက်ထား သောဓာတ်ပုံကို ဘုမသိဘမသိ သမုတ်ခြင်းဖြစ်ပါပေ၏။ ထိုသို့ ရမ်းသန်းသမုတ်ထားသော အခြားဓာတ်ပုံ တပုံမှာလည်း နာမည်ကျော်အလှမယ်တယောက်နှင့် ခရီးသွားလောကမှာ ထင်ရှားသော စားသောက်ဆိုင်ပိုင်ရှင် တယောက်ပုံကိုလည်း ညားနေပြီဟုဆိုကာ မဟုတ်ကဟုတ်က စွပ်စွဲထားသေးသည်။ ကျွန်တော်သည် ထိုဓာတ်ပုံထဲမှ နှစ်ယောက်စလုံးကိုသိ၏။ ထိုသို့မဟုတ်ပါ။ စားသောက်ဆိုင်ပိုင်ရှင်သည် သဘောကောင်းသည်။ ဓာတ်ပုံရိုက်ရတာ ၀ါသနာပါသည်။ နာမည်ကျော် ပုဂ္ဂိုလ်တော်တော်များများနှင့် ဓာတ်ပုံတွဲရိုက်ပြီး သူ့ဆိုင်တွင် ဂုဏ်ယူစွာ ချိတ်ဆွဲထားပါသည်။ ထိုလူနှင့် ဓာတ်ပုံအတူတွဲရိုက်ရုံဖြင့် သူ့မယားငယ်လိုလိုရေးထားပြီး ဖေ့စ်ဘွတ်တင်ခြင်းမှာလည်း မလုပ်သင့်မလုပ်အပ်ပါ။ သို့သော် ထိုအလှမယ်ကတော့ ဘာမှတုံ့ပြန်ဖြေရှင်းတာ မလုပ်ပါ။ မလုပ်တာဘဲကောင်းပါသည်။ ထားတော့ ဒီအရှုပ်အရှင်းတွေကို ရေးလိုရင်းမဟုတ်ပါ။ ပြောလိုရင်းက အခြားဖြစ်သည်။

ဒီလိုမဟုတ်ကဟုတ်ကတွေ အရေးခံရတော့ ၀တ်မှုန်ရွှေရည်(ခေါ်) ကစ်ကစ်က ရဲစခန်းတွင် ပုဒ်မ ၆၆(ဃ)ဖြင့် အမှုဖွင့်သည်။ သူ၏စာဖြင့် ရေးသားသောတိုင်ချက်ကို ပေါ်ပြူလာဂျာနယ်၏ဖေ့စ်ဘွတ်တွင် ဖော်ပြထားသဖြင့် ဖတ်ရသည်။ ထိုအထဲတွင် နာမည်တပ်၍ ဘယ်သူဘယ်ဝါပါဟုတော့ တိုင်မထား။ Cele Cele Small ဟူသည့် အကောင့်ကိုအရေးယူပေးဖို့ ရေးသားထားသည်။ သို့သော် စာဖြင့်ရေးမပြသော်လည်း ပါးစပ်ဖြင့် မသင်္ကာသူ တယောက်၏အမည်ကို ၀တ်မှုန်ရွှေရည်တို့ ရဲကိုပြော၊ မပြော သေသေချာချာမသိရပါ။ တယောက်ယောက်ကပြော၍လား၊ ရဲကပဲ ထိုးထွင်းဥာဏ်ကောင်းလွန်းသဖြင့် သိသလားတော့မပြောတတ်၊ မျိုးကိုကိုစန်းဆိုသောသူကို ရန်ကုန်လေဆိပ်တွင် ဇန်န၀ါရီ ၁၇ ညက ဖမ်းဆီးခဲ့သည်။ ရေးစရာအကြောင်းက ဒီမှာတင်စသည်။ မျိုးကိုကိုစန်းသည် မြန်မာနိုင်ငံသားတယောက်ဖြစ်သည်။ သူအဖမ်းခံရသည်။ ဘာမှုညာမှု ဘာအပြစ်ညာအပြစ်ကျူးလွန်သည်ဟု ဘာမှခိုင်ခိုင်မာမာမသိဘဲ အဖမ်းခံရခြင်းဖြစ်သည်။ မြန်မာနိုင်ငံသား တယောက်သည် ကိုယ်က အပြစ်မကျူးလွန်ပါဘဲ ထိုသို့ဂျာမန်ဂက်စတာပိုတွေ၊ အမှောင်ခေတ်က မြန်မာစစ် ထောက်လှမ်းရေးတွေလုပ်သလို အချိန်မရွေး ဖမ်းဆီးခံရနိုင်သည်။ ဘယ်သူမှလုံခြုံမှုမရှိဆိုသော ထိတ်လန့်ဖွယ် သတင်းစကားကို မြန်မာနိုင်ငံသားအားလုံးကို အပါးခံလိုက်ရခြင်းဖြစ်သည်။ တကယ်ကျူးလွန်လျှင်ကိစ္စမရှိ။ သတင်းအတိအကျရ၍ ဖမ်းသည်ပဲမှတ်နေမိရာမှ မျိုးကိုကိုစန်းအချုပ်ထဲတွင် သုံးညတိတိအိပ်လိုက်ရသည်။ သုံးရက်လုံးလုံး အချုပ်အနှောင်ခံရသည်။ နောက်တော့ ဇန်န၀ါရီ ၂၀ တွင် ပြန်လွတ်လာသည်။ လူကိုရော ဟန်းဖုန်းကိုရောစစ်ဆေးပြီးရာတွင် မသင်္ကာစရာ ဘာမှမတွေ့သဖြင့် ခံဝန်ဖြင့် ပြန်လွှတ်ပေးသည်ဟုလည်း ပြောကြသေးသည်။ ကျွန်တော်တို့နိုင်ငံ၏ဥပဒေသည် ဘယ်လိုဥပဒေမျိုးလဲ။ အထူးသဖြင့် ဆီသည်မလက်သုတ်ဖတ်လို ဖန်တရာတေနေအောင်သုံးနေကြသော ပုဒ်မ ၆၆(ဃ)သည် ဥပဒေလား။ ဖိနှိပ်ရေးယန္တရားလား။ ဥပဒေဆိုလျှင် မဆိုင်သူတွေ မခံကြရစကောင်းပေ။ ပြည်သူလူထုအားလုံးကို အကာ အကွယ်ပေးရမည်ဖြစ်သည်။ လူတယောက်က စိတ်ရူးပေါက်၍ အမှုဖွင့် တိုင်ကြားရုံဖြင့် ဟုတ်ဟုတ်၊ မဟုတ်ဟုတ် အချုပ်ထဲကိုဖမ်းထည့်သော စာတပိုဒ်သည် ဥပဒေမဟုတ်ချေ။ ဥပဒေယောင်ဆောင်ထားသော ရူးသွပ်မှုသက်သက်သာဖြစ်ပေမည်။ မြန်မာနိုင်ငံတွင် ဥပဒေပုဒ်မအမျိုးမျိုးရှိကြသည့်အနက် ဥပဒေအားလုံး၏ အခေါင်အချုပ်မှာ ဖွဲ့စည်းပုံအခြေခံဥပဒေဖြစ်သည်။ ထို ၂၀၀၈ ဖွဲ့စည်းပုံအခြေခံဥပဒေ အခန်း(၈) နိုင်ငံသား၊ နိုင်ငံသားများ၏ မူလအခွင့်အရေးနှင့်တာဝန်များဟူသောအခန်း၊ ပုဒ်မ ၃၅၄ တွင် ''နိုင်ငံသားတိုင်းသည် နိုင်ငံတော်လုံခြုံရေး၊ တရားဥပဒေစိုးမိုးရေး၊ ရပ်ရွာအေးချမ်းသာယာရေး သို့မဟုတ် ပြည်သူတို့၏ ကိုယ်ကျင့် တရားအကျိုးငှာ ပြဋ္ဌာန်းထားသည့်ဥပဒေများနှင့်မဆန့်ကျင်လျှင် အောက်ပါအခွင့်အရေးများကို လွတ်လပ်စွာ သုံးစွဲဆောင်ရွက်ခွင့်ရှိသည်။

(က) မိမိ၏ယုံကြည်ချက်၊ ထင်မြင်ယူဆချက်များကို လွတ်လပ်စွာ ထုတ်ဖော်ပြောဆိုခွင့်၊ ရေးသား ဖြန့်ဝေခွင့်''ဟူ၍ အတိအလင်းပါရှိပေသည်။ (ဤဥပဒေမှာပင် နိုင်ငံသားတို့၏အခွင့်အရေးကို တားမြစ် ပိတ်ပင်လိုသော သဘောဖြင့် အဓိပ္ပာယ်တိတိကျကျမထွက်သည့် ကြိယာဝိသေသနများစွာ ရှေ့ကခံထားတာ သတိပြုမိပေသည်)။ ထားတော့ အနည်းဆုံးတော့ ဖွဲ့စည်းပုံအခြေခံဥပဒေက နိုင်ငံသားတို့၏အခွင့်အရေးကို အာမခံထားလေသည်။ ဖွဲ့စည်းပုံအခြေခံဥပဒေကပေးထားသော နိုင်ငံသားတိုင်း၏ အခွင့်အရေးကို ပုဒ်မ ၆၆(ဃ)က ပိတ်ပင်တားဆီးလိုက်တာကတော့ ကျောင်းထိုင်ဆရာတော်ကြီးအမိန့်ကို ကပ္ပိယကြီးက ဖျက်လိုက်တာနှင့် တူနေပေသည်။ အမှန်စင်စစ် ဥပဒေနှစ်ခုသည် ဆန့်ကျင်ဘက်အသွင် ဆောင်လာပြီဆိုလျှင် ပို၍ခိုင်မာသော ဖွဲ့စည်းပုံအခြေခံဥပဒေကိုသာ အတည်မှတ်ယူရပေမည်။ ထို့ကြောင့် ဖွဲ့စည်းပုံအခြေခံ ဥပဒေပုဒ်မ ၃၅၄ အရ နိုင်ငံသားတိုင်းသည် မိမိ၏ယုံကြည်ချက်ကို ထုတ်ဖော်ပြောဆိုခွင့်၊ ထင်မြင်ယူဆချက်များကို လွတ်လပ်စွာပြောဆို ရေးသားဖြန့်ဝေခွင့် ခိုင်ခိုင်မာမာရှိရပေမည်။ ထိုသို့ပြောဆိုခြင်းအတွက် မရေမရာမခိုင်မမာသော စွပ်စွဲချက်တခုကြောင့် ဖမ်းဆီးချုပ်နှောင်ခံရခြင်းသည် ဖွဲ့စည်းပုံအခြေခံ ဥပဒေကို ချိုးဖောက်သောလုပ်ရပ်များဖြစ်ပေ၏။ ဆိုလိုရင်းမှာ ဖေ့စ်ဘွတ်တွင် ပြောချင်ရာပြော၊ ဆဲချင်ရာဆဲ၊ သိက္ခာချချင်ရာကိုချနေသော Cele Cele Small လိုလူများကို ထောက်ခံအားပေးနေခြင်းမဟုတ်။ သို့သော် လူတယောက်က ရေးချင်တာရေးလိုက်တာကို မသေချာမရေရာဘဲ နောက်တယောက်ကို အထင်ဖြင့်ဖမ်းဆီးခြင်း၊ ထိုသူရေးပါသည်ဟု မယ်မယ်ရရ သက်သေမပြနိုင်ဘဲ တိုင်သည့်သူ စွပ်စွဲသူရှိလာတိုင်း ဖမ်းဆီးချုပ်နှောင်မှုကို ကန့်ကွက်နေခြင်းဖြစ်သည်။ ဆိုကြပါစို့ Cele Cele Small ဆိုသည်မှာ စာရေးသူဖြစ်သည်ဟုဆိုလျှင် ကျွန်ုပ်ကို လာဖမ်းကြမည်လော။ ထိုသူမှာ စာရေးဆရာ ကောင်းဆက်နိုင်ဖြစ်သည်ဟု တယောက်က ချွန်တွန်းလုပ်လျှင် ကောင်းဆက်နိုင်ကိုဖမ်းမည်လော။ နေဘုန်းလတ်ပါဟုဆိုလျှင် နေဘုန်းလတ်ကို ဖမ်းမည်လော။ ခင်စန်းဝင်းဟုဆိုလျှင် ခင်စန်းဝင်းကို ဖမ်းမည်လား။ ဘာမှရေရေရာရာမရှိသောဥပဒေဖြစ်သည်။ မျိုးကိုကိုစန်းနေရာတွင် ကျောထောက်နောက်ခံမရှိသော ဆင်းရဲသားနင်းပြားတယောက်ကို အစွပ်စွဲဖမ်းဆီးခံရလျှင် ထိုသူသည်အချုပ်ထဲမှာပင် တရားခံအစစ်မပေါ် မချင်း စောင့်ဆိုင်းရမည်လော။ ပုဒ်မ ၆၆(ဃ)သည် မျက်နှာရှိ သူ၊ ငွေရှိသူ၊ အာဏာရှိသူတို့အတွက် ဖန်တီးထားသောသီးသန့်ဥပဒေလိုမျိုး ဖြစ်နေပါသည်။

Cele Cele Small လို လူမျိုးကိုတော့ အရေးယူရမည်။ သို့သော် မဆိုင်သူများကိုထင်ကြေးဖြင့် ဖမ်းခြင်းကိုကား လက်ခံနိုင်စရာမရှိပါ။ မတရားသိက္ခာချခံရလျှင် အသရေဖျက်မှုဟူ၍ တည်ဆဲဥပဒေအရ ရှိနေပေသည်။ ထိုအသရေဖျက်မှုအရ အရေးယူသင့်ပေသည်။ အသရေဖျက်မှု ပုဒ်မ ၅၀၀ တွင် ပြဋ္ဌာန်းထားသော ပြစ်ဒဏ်များမှာ ယခုခေတ်နှင့်မကိုက်ညီတော့၊ မထိရောက်တော့ဆိုလျှင်လည်း ဥပဒေပါပြစ်ဒဏ်များကို ပြင် ဆင်ရမည်မှာ လွှတ်တော်များ၏ တာဝန်ဖြစ်လေသည်။ ထိုကိစ္စများဆောင်ရွက်ရန် လွှတ်တော်အမတ်များကို ပြည်သူလူထုက မဲပေးရွေးချယ်ခဲ့ခြင်း ဖြစ်သည်။ ယခုဖြစ်နေသောကိစ္စကိုကြည့်လျှင် Cele Cele Small ဆိုသူ သည် သူများမကောင်းကြောင်းများကို စိုက်လိုက်မတ်တတ်ရေးခဲ့သည်။ ထို့နောက် ဇန်န၀ါရီ ၂၀ ရက် ညသန်းခေါင်တွင် အကောင့်ကို မည်သူမျှ ကြည့်၍မရတော့အောင် ပိတ်သိမ်းသွားသည်။ သူ့ကြောင့် လူများစွာ နစ်နာရသည်။ ကာယကံရှင်(တရားလို)ဖြစ်သော သရုပ်ဆောင်ဝတ်မှုန်ရွှေ ရည်က အရင်ဆုံးနစ်နာရသည်။ ထို့နောက် မျိုးကိုကိုစန်းဆိုသူမှာ ဖမ်းဆီးချုပ်နှောင်စွပ်စွဲခံရသဖြင့် နစ်နာရသည်။ တတိယနစ်နာရသူမှာ ရဲတပ်ဖွဲ့ဖြစ်သည်။ ရဲတပ်ဖွဲ့သည် မသေချာဘဲ လူတယောက်ကိုဖမ်းဆီးတတ်သော အလေ့အထရှိကြောင်း ဖော်ပြသလိုဖြစ်နေပေ၏။ မည်သူက နာမည်နှင့် တကွ လက်ထောက်ချလိုက်သလဲဆိုတာ ဤအမှု၏ တရားလိုနှင့်ရဲတပ်ဖွဲ့တို့က ယနေ့(၂၄-၁-၂၀၁၇ အထိ) ရှင်းရှင်းလင်းလင်း မပြောကြားသေးပေ။ နောက်ဆုံးနစ်နာရသည်က မြန်မာနိုင်ငံသားများဖြစ်သည်။ ပြည်သူလူထုကြားတွင် အကြောက်တရားများ စိုးမိုးလာပါသည်။ ငါကောင်းကောင်းနေလဲ အချိန်မရွေးအဖမ်းခံရနိုင်တာပဲ။ ဖေ့စ်ဘွတ်မှာ အကောင့်အတုနဲ့ သုံးတာပဲကောင်းမယ်၊ အကောင့်ပုန်းနဲ့ ရေးချင်တာရေးရင် လွတ်နိုင်တယ်ဟူသော အတွေးမျိုး၊ အယူအဆမျိုး၊ တာဝန်မဲ့စိတ်မျိုးဝင်လာဖွယ်ရှိပါ၏။ စင်စစ်လူတွေကိုအရမ်းမဖမ်းဘဲ နည်းပညာအကူ အညီဖြင့် တရားခံကို ရှာဖွေဖော်ထုတ်သင့်ပါ၏။ မသမာသော သူတယောက်ကြောင့် လူ့အဖွဲ့အစည်းမှ ပြည်သူလူထုအများစုကို ထိခိုက်ရသည်ဆိုလျှင် အဓိပ္ပာယ်မရှိပါ။

သူများအကြောင်းမကောင်းရေးသူများသည် မိမိနာမည်ကို အမြဲဖုန်းဝှက်ထားကြသူများဖြစ်သည်။ အများအားဖြင့် နာမည်အတု၊ ဓာတ်ပုံအတုများဖြင့်သာ သူတပါးကို ဝေဖန်ရဲကြသူများဖြစ်သည်။ မိမိရေးသော မိမိပြောသောစာတကြောင်း ဓာတ်ပုံတပုံကို တာဝန်ယူရဲသော စိတ်ဓာတ်မရှိသူ၊ သိမ်ဖျင်းသော စိတ်ထားပိုင်ရှင်များဖြစ်သည်။ ယခင်ကလည်း ပရော်ဖက်ဆာဒေါက်တာဆိတ်ဖွားဆိုသော အကောင့်ပိုင်ရှင်သည် လွှတ်တော်ကို ဝေဖန်တိုက်ခိုက်ဖူးပါသည်။ သို့သော် ထိုအချိန်ကပင် ဦးသိန်းစိန် အစိုးရသည် မဆိုင်သောသူများကို ဖမ်းဆီးစစ်ဆေးခြင်းမပြုလုပ်ခဲ့ပါ။ စစ်ပွဲတပွဲတွင် သူတင်ကိုယ်တင် ပေါ်ပေါ်တင်တင်ပစ်ခတ်တိုက်ခိုက်ကြသူများကို လေးစားမိပါသည်။ သို့သော် ယနေ့စစ်ပွဲများတွင် စနိုက်ပါခေါ် ချောင်းမြောင်းပစ်ခတ်သူများလည်း ရှိလာပါသည်။ သူသည် တိုက်ရိုက်ရင်ဆိုင်တိုက်ခိုက်လေ့ရှိသူ မဟုတ်ပါ။ အမှောင်မှာ ပုန်းနေသူ၊ ချောင်ထဲ မှာပုန်းနေပြီး သူတပါးကို ချောင်းမြောင်းလုပ်ကြံသူဖြစ်ပါသည်။

သူ့ အတွက် အခြေအနေမကောင်းလျှင် အသာလေးလစ်ထွက်ကာခြေရာ ဖျောက်သွားနိုင်ပါသည်။ စနိုက်ပါသမားကိုဖမ်းချင်သဖြင့် သူရှိနေနိုင်သောနေရာတ၀ိုက်ကို ဗုံးကြဲတိုက်ခိုက်သလိုမျိုးလုပ်မည်ဆိုလျှင် မဆိုင် သောသူများစွာ သေကျေပျက်စီးမည်ဖြစ်သည်။ အကောင်းဆုံးကတော့ စနိုက်ပါသမားကို စနိုက်ပါသမားကသာပြန်ပြီး ဖမ်းဆီးပစ်ခတ်နိုင်မည် ဖြစ်သည်။ နည်းပညာသည် စနိုက်ပါဖြစ်သည်။ ဖေ့စ်ဘွတ်ကုမ္ပဏီသည် နိုင်ငံအစိုးရများက အကူအညီတောင်းလာလျှင် အသုံးပြုသူ user များ၏ အသေးစိတ်အချက်အလက်ကိုပေးနိုင်ပါသည်။ ရဲတပ်ဖွဲ့နှင့် အစိုးရအနေဖြင့် ဒီထက်လိမ္မာပါးနပ်ကာ နည်းပညာတတ်ကျွမ်းဖို့တော့ လိုအပ်ပေ သည်။ ပုဒ်မ ၆၆(ဃ)ဖြင့် အမှုလာဖွင့်တိုင်း ထင်ရာလူကိုလျှောက်ဖမ်းနေသောအဖြစ်များ ရပ်သင့်ပါပြီ။ အကယ်၍ ရေးသားသူကိုတွေ့လျှင်ပင် အာမခံမပေးဘဲ ဖမ်းဆီးချုပ်နှောင်ထားခြင်း မပြုသင့်ပေ။ တရားရုံးက စီရင်ချက်မချသေးသမျှ အပြစ်ရှိသူမဟုတ်သေးဟူသော တရားစီရင်ရေးမူအတိုင်း အချုပ်လွတ်ထုချေခွင့်ရသင့်ပေသည်။ ယခုအမှုတွင် မျိုးကိုကိုစန်းပါဟု နာမည်တပ်စွပ်စွဲသူသည် မည်သူနည်း၊ ရဲဘက်ကလား၊ တိုင်ကြားသူဘက်ကလားဆိုတာ သဲသဲကွဲကွဲမီဒီယာကို ပြောပြသင့်ပေသည်။ ရဲတပ်ဖွဲ့အနေဖြင့် အထင်ဖြင့်လုပ်လေ့လုပ်ထမရှိရာ ထိုသို့ ဖမ်းဆီးရလောက်အောင် မသင်္ကာဖွယ်မည်သည့်အထောက်အထား ရှိနေသနည်းဆိုတာလည်း ပြည်သူလူထုကို ချပြသင့်ပေသည်။

ကျွန်တော်တို့သည် NLD ပါတီကို မဲပေးရွေးချယ်ခဲ့ကြခြင်းမှာ ဒေါ်အောင်ဆန်းစုကြည်ကို ယုံကြည်စိတ်ဖြင့် ရွေးချယ်ခဲ့ကြခြင်းဖြစ်သလို ဖွဲ့စည်းပုံအခြေခံဥပဒေပါအချက်အချို့ကို ပြင်ဆင်မည်၊ တည်ဆဲဥပဒေများမှ မတရားသော ဥပဒေများ၊ နည်းဥပဒေများကို ပြင်ဆင်ဖျက်သိမ်းကြမည်ဟု ယုံကြည်သဖြင့် မဲပေးရွေးချယ်ခဲ့ကြခြင်းဖြစ်ပါသည်။ ပုဒ်မ ၅(ည)လို မတရားသောဥပဒေများကိုတော့ လွှတ်တော်တွင် ရုပ်သိမ်းပယ်ဖျက်ခဲ့လေပြီ။ ပုဒ်မ ၆၆(ဃ)အလှည့်သို့ မရောက်သေး။ ပြီးခဲ့သည့်အစိုးရ လက်ထက်နှင့် ယခုအစိုးရသစ်လက်ထက် လက်ရှိအချိန်အထိ ပုဒ်မ ၆၆(ဃ)ဖြင့် တရားရင်ဆိုင်နေရသည့်အမှုပေါင်းမှာ ၄၇ မှုအထိရှိနေပြီး အများစုမှာ အစိုးရသစ်လက်ထက်တွင် အမှုဖွင့်တိုင်ကြားမှုများဖြစ်ကြောင်း သိရပေ၏။ ၆၆(ဃ)ကား အစိုးရမင်းများနှစ်သက်လေသော ၀ရဇိန်လက်နက်သဖွယ်ဖြစ်နေပေ၏။ မိုးကြိုးလက်နက် သိကြားစက်၊ လောင်မီးကျလျက်နတ်တို့စက်၊ ဘွဲ့ဖြူလက်နက်၊ ဘီလူးစက်၊ တောင်ဟုန်ပြင်းလျက် ဂဠုန်မင်းစက်၊ အာခံတွင်းက ၀င်းဝင်းတောက်လျက် နဂါးစက် စသည့် စက်ကြီးတဆယ့်သုံးပါးကဲ့သို့ ဂငယ်ဃကြီးအသီးသီးဖြင့် အစိုးရအဆက်ဆက် ၆၆ စက်ဆိုသကဲ့သို့ အကြိုက်တွေ့နေကြသလားဟုပင် တွေးမိလေ၏။

အမှန်စင်စစ် ပြည်သူလူထုသည် အစိုးရနှင့်တသားတည်းရှိကြောင်းကို ပြီးခဲ့သော ဇန်န၀ါရီ ၁၆ ရက်နေ့က ရန်ကုန်မြို့တွင် YBS ဘတ်စ် ကားစနစ်သစ် စတင်ပြောင်းလဲကျင့်သုံးစဉ်က ပြသခဲ့ပြီးဖြစ်၏။ ယခင် အစိုးရလက်ထက်က အစိုးရနှင့်ပြည်သူ အစေးမကပ်သမျှ ယခုအစိုးရလက်ထက်တွင် မျှော်လင့်မထားလောက် အောင်ပင် လိုင်းကားများနေရာတွင် အခမဲ့ကားများ ကူညီပြေးဆွဲသူတွေကပြေးဆွဲ၏။ ကိုယ့်စရိတ်ကိုယ်စိုက်၊ မိမိထမင်းမိမိစားကာ လုပ်အားပေးများအဖြစ် ပညာတတ်လူငယ် များစွာပါဝင်ကူညီခဲ့ကြပေသည်။ ပြည်သူလူထု ကလည်း အပြောင်းအလဲတွင် တွေ့ရတတ်သောဒုက္ခများကို မညဉ်းမညူသည်းခံလိုက်ပါခဲ့ကြလေသည်။ ဒါတွေအားလုံးမှာ အလုပ်လုပ်သောအစိုးရကြောင့်ဖြစ်သည်။ ပြည်သူလူထုအတွက် ရှေ့ရှုသောအပြောင်း အလဲတခုကို လုပ်ပြသောကြောင့် အားလုံးက ၀ိုင်းဝန်းထောက်ခံကြခြင်းဖြစ်သည်။ ထိုစနစ်အတိုင်း အားလုံးကိုဆက်၍ အားပေးထောက်ခံချင်ပါသည်။ ယခင်အစိုးရလက်ထက်က သူတို့ခေါင်းဆောင်များကို ထိပါးဝေဖန်မှုမှ ကာကွယ်ရန် ပြဋ္ဌာန်းသွားသောဥပဒေတခုသည် ၆၆(ဃ)ဟု လူသိများသော ဆက်သွယ်ရေး ဥပဒေဖြစ်သည်။ ထိုဥပဒေကို ပိုကောင်းအောင်၊ ပို၍ထိရောက်အောင်၊ မဆိုင်သူများဒုက္ခမခံရအောင်၊ ဖွဲ့စည်းပုံအခြေခံဥပဒေ ပုဒ်မ ၃၅၄ က ပေးထားသော နိုင်ငံသားအခွင့်အရေးများမဆုံးရှုံးအောင် ပြင်ဆင်နိုင် သော်ကောင်းလေစွဟု မှတ်ယူပါသည်။ ပြင်ဆင်ရန်တာဝန်သည်လည်း NLD အမတ်မင်းအများစု လွှမ်းမိုးထားသော ပြည်သူ့လွှတ်တော်၊ အမျိုးသားလွှတ်တော်၊ ပြည်ထောင်စုလွှတ်တော်တို့က လုပ်နိုင်ပါ လိမ့်မည်။ ဆီသည်မလက်သုတ်ဖတ်လို ဖန်တရာတေနေသောပုဒ်မတွေ နည်းဥပဒေတွေနှင့် ပြည်သူလူထုကို ဒုက္ခပေးတာတွေမလိုချင်တော့ပါ။ ၀တ်မှုန်ရွှေရည်လို သိက္ခာချခံရသူတွေကိုလည်း ကာကွယ်ပါ။ Cele Cele Small လို သူရဲဘောကြောင်သော အတင်းအဖျင်းသမားတွေကိုလည်း အရေးယူပါ။ မျိုးကိုကိုစန်းလို မဆီမဆိုင် ဖမ်းဆီးခံရနိုင်သော မြန်မာနိုင်ငံသားအပေါင်းကိုလည်း ကိုယ်ချင်းစာကာကွယ်ပါဟု ဥပဒေပြုသူ၊ အုပ်ချုပ်သူ၊ တရားစီရင်သူအပေါင်းအား တိုက်တွန်းလိုက်ရပေသည်။

သရ၀ဏ်(ပြည်)
News Watch(စောင့်ကြည့်သတင်းဂျာနယ်)

COMMENTS

Name

art,1,article,1287,cartoon variety,22,crime,54,culture,1,documentary,7,Entertainment,5,health,27,history,2,international,6691,interview,208,knowledge,4,Live,8,LocalNews,14565,news,2842,opinion,752,photos,202,poem,115,satires,38,song,12,speech,12,sports,130,statement,59,technic,49,translate,33,video,1061,voice,76,
ltr
item
dawnmanhon: ၀တ်မှုန်ရွှေရည်၊ မျိုးကိုကိုစန်း၊ Cele Cele Small နဲ့ ဆီသည်မလက်သုတ်ဖတ်
ဝတ်မှုန်ရွှေရည်၊ မျိုးကိုကိုစန်း၊ Cele Cele Small နဲ့ ဆီသည်မလက်သုတ်ဖတ်
https://3.bp.blogspot.com/-MRLvAybXcew/WIwszhfKGHI/AAAAAAAAa3c/LlkOSfJ4Sj4j22HjLlyncz8glCLUDIepgCLcB/s400/q1.jpg
https://3.bp.blogspot.com/-MRLvAybXcew/WIwszhfKGHI/AAAAAAAAa3c/LlkOSfJ4Sj4j22HjLlyncz8glCLUDIepgCLcB/s72-c/q1.jpg
dawnmanhon
http://www.dawnmanhon.com/2017/01/cele-cele-small.html
http://www.dawnmanhon.com/
http://www.dawnmanhon.com/
http://www.dawnmanhon.com/2017/01/cele-cele-small.html
true
4976479704313592870
UTF-8
Loaded All Posts Not found any posts VIEW ALL Readmore Reply Cancel reply Delete By Home PAGES POSTS View All RECOMMENDED FOR YOU LABEL ARCHIVE SEARCH ALL POSTS Not found any post match with your request Back Home Sunday Monday Tuesday Wednesday Thursday Friday Saturday Sun Mon Tue Wed Thu Fri Sat January February March April May June July August September October November December Jan Feb Mar Apr May Jun Jul Aug Sep Oct Nov Dec just now 1 minute ago $$1$$ minutes ago 1 hour ago $$1$$ hours ago Yesterday $$1$$ days ago $$1$$ weeks ago more than 5 weeks ago Followers Follow THIS PREMIUM CONTENT IS LOCKED STEP 1: Share. STEP 2: Click the link you shared to unlock Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy