နိုင်ငံတော်အတိုင်ပင်ခံပုဂ္ဂိုလ်နဲ့ အမြန်တွေ့နိုင်ဖို့ UNFC စီစဉ်


UNFC ခေါင်းဆောင်နိုင်ဟံသာ
UNFC ခေါင်းဆောင်နိုင်ဟံသာ
တိုင်းရင်းဒေသတွေမှာ စစ်ရေးပဋိပက္ခတွေ ပြေလည်ရေး တိုင်းရင်းသားလက်နက်ကိုင်အဖွဲ့တွေ စုဖွဲ့ထားတဲ့ ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ UNFC ရဲ့ နိုင်ငံရေးဆိုင်ရာဆွေးနွေးညှိနှိုင်းရေး ကိုယ်စားလှယ် အဖွဲ့ခေါင်းဆောင်တွေ နဲ့ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်တို့ ဒုတိယအကြိမ် ပင်လုံညီလာခံမတိုင်ခင် အမြန်ဆုံးတွေ့ဆုံပြီး ဆွေးနွေးကြဖို့ စီစဉ်နေတယ်လို့ UNFC ခေါင်းဆောင်နိုင်ဟံသာကပြောဆိုလိုက်ပါတယ်။ အပစ်မရပ်ရသေးတဲ့ တိုင်းရင်းသားလက်နက်ကိုင်တွေနဲ့ လက်ရှိတိုက်ပွဲတွေပြင်းထန်နေတဲ့ အနေအထားအပေါ် အစိုးရအနေနဲ့ တပ်မတော်ကို ကြားဝင်ညှိနှိုင်းအဖြေရှာပေးနိုင်ဖို့လည်း တိုင်းရင်းသားခေါင်းဆောင်တွေဘက်က မျှော်လင့်နေပါတယ်။

ပြီးခဲ့တဲ့ ဇန်နဝါရီလ ၂၃ရက်နေ့ကနေ ဇန်နဝါရီလ ၂၆ရက်နေ့အထိ ထိုင်းနိုင်ငံ ချင်းမိုင်မြို့မှာ ကျင်းပခဲ့တဲ့ ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ UNFCရဲ့ အရေးပေါ်အစည်းအဝေးကနေ တိုင်းရင်းသား လက်နက်ကိုင်အဖွဲ့အသီးသီးက ခေါင်းဆောင်တွေ ဆွေးနွေးဆုံးဖြတ်ခဲ့တာတွေနဲ့ပတ်သက်ပြီး UNFC ဒုဥက္ကဋ္ဌ နိုင်ဟံသာကို ဗွီအိုအေမြန်မာပိုင်းက မဆုမွန်က ဆက်သွယ်မေးမြန်းတဲ့အခါ သူက အခုလိုစဖြေပါတယ်။

နိုင်ဟံသာ။ ။ အဓိက ကတော့ ကျနော်တို့ တွေ့ဆုံဆွေးနွေးရေးကိစ္စကို ဆက်လက်ပြီးတော့မှ ဆွေးနွေးနိုင်ရေး ဖြစ်ပေါ်နိုင်ရေးအတွက်နဲ့ အောင်မြင်နိုင်ရေးအတွက် အဲ့တာကို ညှိနှိုင်းကြတယ် ကျနော်တို့ DPN( Delegation for Political Negotiation ) အနေနဲ့က ဒေါ်စုနဲ့လည်း သွားတွေ့ဖို့ အစီအစဉ်တွေ လုပ်ထားတယ်။ နောက်ပြီးတော့မှ NRPC (the National Reconciliation and Peace Centre) နဲ့လည်း ဆက်လက်ပြီးတော့မှ ဆွေးနွေးနိုင်ရေးပေါ့လေ။ အဲံ့တာကိုလည်း အစီအစဉ်တွေ လုပ်ထားတယ်။ နောက်ပြီးတော့ ကျနော်တို့ UNFC ရဲ့ ပုံမှန် ညီလာခံကိုလည်း ဆက်လုပ်ဖို့ အဲ့ဒီ့ကိစ္စကိုလည်း ကျနော်တို့ ဆွေးနွေးကြတယ်။

ဆုမွန်။ ။ အဲ့ဒီ့တော့ နိုင်ငံတော်အတိုင်ပင်ခံပုဂ္ဂိုလ်နဲ့တွေ့ဖို့ကိစ္စက ဘယ်တော့လောက်များ ဖြစ်နိုင်ပါမလဲရှင်။ တကယ်လို့ သူနဲ့တွေ့တဲ့အခါမှာ ဘယ်လိုအကြောင်းအရာတွေကို အဓိက ဆွေးနွေးဖို့ရှိပါသလဲ။

နိုင်ဟံသာ။ ။ အဓိက ကတော့ တစ်ဆို့နေတဲ့ကိစ္စတွေကို ဖြေရှင်းနိုင်ဖို့။ ဘယ်လိုကိစ္စတွေလည်း ဆိုရင် ဥပမာ တိုက်ပွဲတွေဖြစ်နေတယ်။ အဲ့ဒီ့တိုက်ပွဲတွေကို ရပ်တန့်ပြီးတော့မှ ငြိမ်းချမ်းရေး လုပ်ငန်းစဉ်တွေကို ပုံမှန်ဆက်လုပ်သွားနိုင်ရေး။ အဲ့မှာ လုပ်တဲ့အခါမှာလည်း အဖွဲ့အားလုံးပါဝင်ရေးလည်း အပါအဝင်ဖြစ်တယ်။ နောက်ပြီးတော့ လိုအပ်နေသေးတဲ့ နိုင်ငံရေးဆွေးနွေးမှု မူဘောင်ကိုလည်း ကျနော်တို့က နှစ်ဘက် လက်ခံနိုင်တဲ့ပုံစံနဲ့ ကျေကျေလည်လည်နဲ့ လက်ခံနိုင်တဲ့ပုံစံမျိုး ဖြစ်အောင်ပေါ့လေ အဲ့တာကိုလည်း ပြန်လည်ညှိနှိုင်းပြီးမှ အတည်ပြုနိုင်ရေး ဒါတွေကိုလည်း ကျနော်တို့ သွားဆွေးနွေးဖို့ရှိတယ်။

ဆုမွန်။ ။ ဒုတိယအကြိမ်ပင်လုံညီလာခံမတိုင်ခင် ဒေါ်အောင်ဆန်းစုကြည်နဲ့ တွေ့နိုင်ဖို့များ ရှိနိုင်မလား။

နိုင်ဟံသာ။ ။ အင်း.. ရှိနိုင်ပါတယ် ရှိနိုင်ပါတယ်။ အဲ့တာကတော့ DPN အနေနဲ့ ကျနော်တို့ကတော့ ဒီ ဒုတိယပင်လုံမတိုင်ခင် ဖြစ်နိုင်ဖို့ အလားအလာရှိပါတယ်။ ဘယ်တော့လောက်လဲ ဆိုတာကတော့ အတိအကျတော့ ကျနော်လည်း မသိဘူး။ သူတို့ဘက်က ပြန်လည်ဆက်သွယ်ပြီးတော့မှ ရက်နေ့တွေ ပြန်ချိန်းရမယ်။

ဆုမွန်။ ။ ဟုတ်ကဲ့ ဒေါ်အောင်ဆန်းစုကြည်နဲ့ တွေ့ဆုံဖို့ စီစဉ်နေတယ်ဆိုတော့ တပ်မတော်နဲ့ပတ်သက်ပြီးတော့ရောရှင့်။ တပ်ဘက်က တိုင်းရင်းဒေသတွေမှာ အပစ်ရပ်ထားတဲ့နေရာတွေမှာလည်း ထိတွေ့မှုတွေ ဖြစ်သလို အပစ်မရပ်ထားတဲ့ အဖွဲ့တွေနဲ့ ရှမ်းမြောက် ရှမ်းတောင်ဘက်၊ ကချင် အဲ့ဘက်တွေမှာ ဖြစ်နေတဲ့အနေအထားတွေမှာ တပ်ဘက်နဲ့ရော ဆွေးနွေးဖို့ နောက်ပြီးတော့ ဒေါ်အောင်ဆန်းစုကြည်ကနေတဆင့် သွားဖို့ကိစ္စတွေမှာရော ဘယ်လိုများ စီစဉ်ထားပါလဲရှင့်။

နိုင်ဟံသာ။ ။ ကြည့်ရတာက ကျနော်တို့ မြင်တာလေ တပ်ဘက်ရဲ့ကနေ့ လှုပ်ရှားမှုကတော့ ကျနော်တို့ တွေ့ဆုံဆွေးနွေးရေး လုပ်ငန်းစဉ်ကို တဘက်က နှေးကွေးအောင် တဘက်က ဒါမှမဟုတ်ရင်လည်း တလွဲတချော်ဖြစ်အောင် တမျိုးမျိုး လုပ်နေတဲ့ပုံစံမျိုးလို့ ကျနော်တို့က မြင်တယ်။ ဒါကြောင့် အစိုးရနဲ့ နားလည်မှုရရင် အစိုးရကနေပြီးတော့မှ တပ်အပေါ်မှာ ညှိနှိုင်းယူလို့ရမလားပေါ့ ကျနော်တို့က ကိုယ်တိုင်သွားပြီးတော့ ညှိနှိုင်းဖို့က မလွယ်ဘူးလေ။ ကျနော်မြင်တာ။ ဒါကြောင့် ကျနော်တို့ က အစိုးရနဲ့သွားပြီးတော့ ဆွေးနွေးတယ် ဆိုတဲ့သဘော နောက်ပြီးတော့ သူတို့ဖွဲ့စည်းထားတဲ့ ငြိမ်းချမ်းရေးအဖွဲ့ပေါ့နော် ညှိနှိုင်းရေးအဖွဲ့ပေါ့နော် NRPC နဲ့ ဆွေးနွေးနိုင်ဖုိ့ကို လုပ်ဆောင်နေခြင်းဖြစ်တယ်။

ဆုမွန်။ ။ ဟုတ်ကဲ့ UNFC အဖွဲ့ခေါင်းဆောင်တွေလည်း ဆက်ပြီးတော့ ဆွေးနွေးပွဲတွေလည်း လုပ်သွားမယ်ဆိုတော့ ဘယ်တော့လောက်များ ဆွေးနွေးပွဲတွေ လုပ်ဖို့ရှိပါလဲရှင်။

နိုင်ဟံသာ။ ။ အထူးသတ်မှတ်ထားတာတော့ မရှိပါဘူး။ အခုဟာက ကျနော်တို့ တချို့ကိစ္စတွေက လိုအပ်သလို ဆုံးဖြတ်လို့ပြီးသွားပြီပေါ့နော် ကျနော်တို့ စဉ်းစားသုံးသပ်ချမှတ်ပြီးဖြစ်တယ်။ နောင်အခါကို လိုရင်လိုသလို လုပ်သွားမှာပါ။

ဒါကတော့ တိုင်းရင်းသား လက်နက်ကိုင်အဖွဲ့အသီးသီးက ခေါင်းဆောင်တွေ တွေ့ဆုံခဲ့ကြတဲ့ အရေးပေါ်အစည်းအဝေးက ဆွေးနွေးမှုတွေနဲ့ပတ်သက်လို့ ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ UNFC ခေါင်းဆောင် နိုင်ဟံသာကို ဗွီအိုအေမြန်မာပိုင်းက မဆုမွန်က ဆက်သွယ်မေးမြန်းခဲ့တာဖြစ်ပါတယ်။
VOA Burmese News
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.