အလုပ်သမားတွေအတွက် နိုင်ငံကူးလက်မှတ်ကုန်ကျစရိတ် ပိုများနေ



( ဓါတ်ပုံ - ထိုင်းနိုင်ငံ ဘန်ကောက်မြို့က မြန်မာသံရုံးကို တွေ့ရစဉ် )
ထိုင်းနိုင်ငံ ဘန်ကောက်မြို့က မြန်မာသံရုံးရဲ့ နိုင်ငံကူးလက်မှတ်ထုတ်ပေးရေးဌာနမှာ ဝန်ဆောင်မှုပေးတဲ့ကုမ္ပဏီက အလုပ်သမားတွေဆီကနေ ဓာတ်ပုံဖိုးနဲ့ နိုင်ငံကူးလက်မှတ်စာအုပ်အဖုံးဖိုးတွေကို မပေးမနေရ တောင်းယူနေတဲ့အတွက် နိုင်ငံကူးလက်မှတ်ပြုလုပ်ရာမှာ သတ်မှတ်ကုန်ကျစရိတ်ထက် ပိုမိုကုန်ကျနေတယ်လို့ အဲဒီသံရုံးရဲ့ အလုပ်သမား သံအရာရှိ ဦးမိုးအောင်ခိုင် က ပြောပါတယ်။

အဲဒီကိစ္စနဲ့ပတ်သက်ပြီး နေပြည်တော်က အလုပ်သမား၊ လူဝင်မှုကြီကြပ်ရေးနှင့် ပြည်သူ့အင်အားဝန်ကြီးဌာနကို စာပေးပို့ တင်ပြထားတယ်လို့ ဦးမိုးအောင်ခိုင် က ပြောပါတယ်။

"အဲဒါကို ကျွန်တော်တို့ သိလိုက်တော့လေ နေပြည်တော်ကို စာတင်ထားပြီ ။ ကုမ္ပဏီပေါ့နော်။ ကုမ္ပဏီကိုတော့ ကျွန်တော်တို့ တင်ပြထားပါတယ်။ ဝန်ထမ်းပဲ ကျွန်တော်တို့က ကွပ်ကဲတာ ။ Service Provider ကျတော့ နေပြည်တော်ကနေမှ သူတို့ပေးထားတာလေ"

မြန်မာသံရုံးရဲ့ တရားဝင်သတ်မှတ်ထားတဲ့နှုန်းထားက နိုင်ငံကူးလက်မှတ်အတွက် ဘတ် ၁၅၃၀၊ စမတ်ကတ်ကြေးအတွက် ဘတ် ၇၀ စုစုပေါင်း ဘတ် ၁၆၀၀ ဖြစ်ပါတယ်။

ကုမ္ပဏီက ဓာတ်ပုံဖိုးအဖြစ် ဘတ် ၂၅၀ နဲ့ စာအုပ်အဖုံးဖိုး ဘတ် ၁၂၀ ကို နိုင်ငံကူးလက်မှတ်လာလုပ်တဲ့ အလုပ်သမားတွေဆီကနေ မပေးမနေရပုံစံ ထပ်မံတောင်းယူနေတာဖြစ်ပါတယ်။

Service Provider အဖြစ် လုပ်ကိုင်ခွင့်ရထားတဲ့ ကုမ္ပဏီကတော့ Bega trading ကုမ္ပဏီ ဖြစ်ပါတယ်။ ဓာတ်ပုံဖိုးတွေနဲ့ စာအုပ်အဖုံးဖိုးတွေ ကောက်ခံရတဲ့အကြောင်းရင်းနဲ့ ပတ်သက်ပြီး ကုမ္ပဏီဘက်ကို ဆက်သွယ်မေးမြန်းပေမယ့် မရခဲ့ပါဘူး။

ကုမ္ပဏီက အဲဒီလို ကောက်ယူနေတဲ့အတွက် မြန်မာအလုပ်သမား ၂၀၀ လောက်ဟာ ပြီးခဲ့တဲ့ ဖေဖော်ဝါရီ ၁၄ ရက်နေ့က သံရုံးရှေ့မှာ တောင်းဆိုခဲ့ကြပါတယ်။

RFA Burmese
https://www.facebook.com/rfaburmese/
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.