သွေးစွန်းသော တနင်္ဂနွေမှသည် စုစည်းညီညွတ်သော နိုင်ငံတော်ဆီသို့ || စိုင်းထွန်းအောင်လွင် ||


(၁) ခိုင်မာအားကောင်းတဲ့ ဒီမိုကရေစီ နိုင်ငံတော်အတွက် လိုအပ်မှုတွေ

ဒီမိုကရေစီစနစ်တွင် အင်စတီကျူးရှင်း အစိတ်အပိုင်းများစွာ ပါရှိပြီး တာဝန်ယူမှု တာဝန်ခံမှု ၊ တရားဥပဒေ စိုးမိုးမှု နဲ့ ပြည်စုံလုံလောက် ခိုင်မာ အားကောင်းတဲ့ နိုင်ငံတော် ဖြစ်တည်မှုတွေ ရှိဖို့လိုအပ်တယ်လို့ ဖရန်စစ်ဖူကူယားမားက ၂၀၁၄ ခုနစ်က ဒီမိုကရေစီ ဂျာနယ်ရဲ့ စကားဝိုင်းမှာ ဆိုတယ်။

နိုင်ငံတော် ( State ) လို့ ဆိုလာပြီ ဆိုရင်တော့ Accountability တာဝန်ခံမှု ၊ တာဝန်ယူမှု ရှိခြင်း ပါလာပြီလို့ ဆိုနိုင်ပါတယ်။ မိမိတို့နိုင်ငံရဲ့ လက်ရှိ အခြေအနေကတော့ ( Nation Building ) အမျိုးသား နိုင်ငံတော် တည်ဆောက်မှုအတွက် တစ်နည်းအားဖြင့် ရင်ကြားစေ့ရေး မတူကွဲပြား မှုတွေ ရှိနေမှုအကြား စည်းလုံး ညီညွတ်ရေးအတွက် ကြိုးစားနေရတဲ့ အချိန်ဖြစ်သလို ( တစ်နည်းအားဖြင့် စစ်မှန်တဲ့ ပြည်ထောင်စု ပေါ်ပေါက်ဖို့ ) ၊ တစ်ဖက်မှာလည်း ၊ နိုင်ငံတော် တည်ဆောက်ရေး ( State Building ) လုပ်ငန်းကိုပါ ဆောင်ရွက်နေရတဲ့ အချိန်ဖြစ်ပါတယ်။ STATE မှာတော့ ဥပဒေ ၊ နည်းဥပဒေ ၊ ထိုဥပဒေအရ တည်ထောင်ထားတဲ့ အဖွဲ့အစည်းတွေ အစိုးရ ၊ လုံခြုံရေး စတဲ့ ကဏ္ဍတွေလို တာဝန်ပေးထားသူများ၊ နိုင်ငံ သားတွေဆိုပြီး ပါဝင်တဲ့အတွက် နိုင်ငံတည်ဆောက်ရေး အတွက်တော့ အားလုံးက အရေးကြီးတယ်လို့ ဆိုရမှာ ဖြစ်ပါတယ်။ အရပ်ဘက် အဖွဲ့အစည်းတွေ နိုင်ငံရေးပါတီတွေလည်း အကျုံးဝင်ပါတယ်။

နိုင်ငံတော်နဲ့ အစိုးရ အကြားက ကွဲပြားမှု အချို့ကို ကြည့်မယ်ဆိုရင် - နိုင်ငံတော်ဆိုတဲ့ နေရာမှာ အစိုးရ သက်သက်သာ မဟုတ် ပြည်သူပါ ပါဝင်မှု ၊ နိုင်ငံတော်ဆိုတာ နိုင်ငံတည်သရွေ့ ရှိရမှာဖြစ်ပြီး အစိုးရဆိုတာ ယာယီ သဘောဆောင်မှု ၊ အစိုးရဆိုတာ တာဝန်ထမ်းဆောင်မှု နည်းလမ်း သဘောသာ ဆောင်တတ်တာ ၊ နိုင်ငံတော်ဆိုတာ လူပုဂ္ဂိုလ်ရေးအရ မဟုတ်ဘဲ တစ်ခါတစ်ရံ အစိုးရ အဖွဲ့မှာ လူပုဂ္ဂိုလ်သဘောဆောင်တာ ( သို့မဟုတ် ) လူပုဂ္ဂိုလ် တစ်ဦးတည်းကို အမှီပြုတာတွေ ဖြစ်နေတတ်တာ ( သို့မဟုတ် ) ဘက်လိုက်မှုတွေ ရှိနေတတ်တာ ၊ နိုင်ငံတော်ဆိုတာ အနည်းဆုံး သီအိုရီသဘောအရ လူ့အဖွဲ့အစည်းကောင်းကျိုးကို အမြဲရည်ရွယ်တဲ့ သဘောရှိပေမယ့် အစိုးရဆိုတာ ပါတီ၊ အုပ်စု အစွဲ သဘောတွေ ပါတတ်တာ ကိုတွေ့ရပါတယ်။

ဒီမိုကရေစီ ဖြစ်စဉ်အရနဲ့ နိုင်ငံတော်ဖြစ်တည်မှု အားကောင်းခြင်းဆိုင်ရာ လိုအပ်မှုတွေမှာ ချို့ယွင်းမှုတွေ များပြား လာခဲ့ရှိပြီဆိုရင် အဲဒီနိုင်ငံတွေက မအောင်မြင်တဲ့နိုင်ငံ၊ တစ်နည်းအားဖြင့် ကျရှုံးနိုင်ငံတော် ဖြစ်ဖို့ နီးစပ်လာပြီ (သို့မဟုတ်) ကျရှုံးနိုင်ငံတော် ဖြစ်သွားမှာ ကတော့ မလွဲဧကန်ပဲဖြစ်ပါတယ်။

နိုင်ငံတော်ဆိုတဲ့ ကိစ္စကို ပြန်ကြည့်မယ်ဆိုရင် ပြည်သူသာ အဓိက ဖြစ်နေတဲ့အတွက် အခြား အစိတ်အပိုင်းတွေမှာ ယိုယွင်းနေပြီ ဆိုရင်တောင် ပြည်သူ့ညီညွတ်မှုအားနဲ့ တည့်မတ်ဖို့ ကြိုးစားကြမယ်ဆိုရင် ခိုင်မာအားကောင်းတဲ့ အစိုးရအဖွဲ့အစည်းနဲ့ ကောင်းမွန်တဲ့ နိုင်ငံရေး စနစ်တွေ ပေါ်ပေါက်ဖို့ အထောက်အကူ ဖြစ်စေမှာဖြစ်သလို ယိုယွင်းနေတဲ့ စနစ်တွေ ဖာထေးပြုပြင်ပြောင်းလဲဖို့လည်း ဆောင်ရွက်နိုင်မှာဖြစ်ပါတယ်။ ဒီမိုကရေစီလို့ ဆိုကတည်းက ပြည်သူကနေ လာတဲ့ စနစ်ဖြစ်တဲ့အတွက် အုပ်ချုပ်သူတွေက တာဝန်ယူမှု ၊ တာဝန်ခံမှု ကင်းမဲ့ပြီး တရားဥပဒေ စိုးမိုးမှု ချို့ယွင်းခဲ့ရင်လည်း ပြည်သူတွေရဲ့ ညီညွတ်မှုနဲ့ လမ်းကြောင်းမှန်ပေါ် တွန်းတင်ကြရမှာပဲ ဖြစ်ပါတယ်။

ဒီမိုကရေစီနဲ့ ဒီမိုကရက်တိုက်ဇေးရှင်း ( ဒီမိုကရေစီသို့ ကူးပြောင်းနေမှု) ဟာ ကွာဟတဲ့အတွက် ကူးပြောင်းရေး ကာလတွေမှာ ရွေးကောက်ပွဲဆိုတာ အရေးပါတာမှန်ပေမယ့် အောင်မြင်တဲ့ ဒီမိုကရေစီ စနစ်ဖြစ် ဖို့တော့ ရွေးကောက်ပွဲ ဟာ အဆင့်တစ်ဆင့်မျှသာ ဖြစ်တယ်လို့ သောမတ် (စ ) ကရိုသာက ဆိုပါတယ်။ သူကပဲ ဒီမိုကရေစီ ဆိုတာ အတွေးမှား၊ အယုံမှား၊ အစွဲမှား၊ အထင်မှားမှုတွေနဲ့ အရိပ်အယောင်လှည့်စားမှုတွေ မရှိဘူးလို့ ဆိုထားပါတယ်။ တစ်နည်းအားဖြင့် အယုံလွယ်၊ ပုဂ္ဂိုလ်ရေးဆိုင်ရာ ကိုးကွယ်မှုတွေမပါဘဲ ကျိုးကြောင်းသင့် စဉ်းစားဆင်ခြင် တွေးခေါ် မှုတွေနဲ့ ဆောင်ရွက်မှုတွေက ခိုင်မာအားကောင်းတဲ့ ဒီမိုကရေစီ နဲ့ နိုင်ငံတော် ပေါ်ပေါက်လာရေးအတွက် အရေးပါတဲ့ အချက်ပဲ ဖြစ်ပါတယ်။

(၂) လတ်တလော လေဆိပ်က လုပ်ကြံမှု နဲ့ ကြောက်လန့် တုန်လှုပ်စေရေး မဟာဗျူဟာ

လတ်တလော ကာလမှာပဲ ရန်ကုန်လေဆိပ်မှာ ဖြစ်ခဲ့တဲ့ ရှေ့နေဦးကိုနီ ကို သေနတ်နဲ့ လူပုံအလယ်မှာ လုပ်ကြံ သတ်ဖြတ်မှုနဲ့ ပစ်ခတ်မှုတွေဟာ လူထုကို ကြောက်လန့် တုန်လှုပ်စေဖို့နဲ့ မလုံခြုံမှုကို ဖြစ်စေဖို့ ရည်ရွယ်တာလို့ ကောက်ချက် ချနိုင်ပါတယ်။ စီးပွားရေး မြို့တော်ဖြစ်ပြီး ပဋိပက္ခနယ်မြေတွေနဲ့ ကင်းဝေးရာဖြစ်တဲ့ ရန်ကုန်ဟာ ဒီဖြစ်စဉ်ကြောင့်ပဲ မလုံခြုံဘူးဆိုတာ ကမ္ဘာကို အတိအလင်း ကြေညာသလို ဖြစ်နေပါတယ်။ အတော်ကို တာသွားလှတဲ့၊ အကျိုးသက်ရောက်မှု ကြီးမားနိုင်တဲ့ လုပ်ကြံသတ်ဖြတ်မှုလို့ ဆိုနိုင်ပါတယ်။

တရားဥပဒေ စိုးမိုးရေး အားနည်းမှု ၊ လုံခြုံရေး တာဝန်ရှိသူတွေရဲ့ လစ်ဟာမှုတွေကို ဒီကိစ္စမှာ တွေ့ရမှာဖြစ်ပေမယ့် တာဝန်ယူတတ်၊ တာဝန်ခံတတ်၊ တာဝန်သိတတ်တဲ့ ပြည်သူတွေကြောင့်ပဲ သေနတ်သမားကို ဖမ်းမိခဲ့ပါတယ်။ တကယ်လို့ အဲဒီ သေနတ်သမားကိုသာ သေနတ်ကိုင် ထားတဲ့ အတွက် ကြောက်ကြောက်နဲ့ တက္ကစီသမားတွေက လိုက်မဖမ်းခဲ့ဘူးဆိုရင် အမှု ကွင်းဆက် ပြတ်သွားမှာဖြစ်ပြီး တရားခံ လွတ်မြောက်သွားမှာ ဖြစ်သလို အခြား မလိုလား အပ်တာတွေလည်း များစွာ ပေါ်လာနိုင်တဲ့ အခြေအနေ ဖြစ်ပါတယ်။ သိပ္ပံနည်းကျ ခွဲခြမ်းစိတ်ဖြာ မှုနဲ့ ဒီဖြစ်စဉ်ကို ပြန်လည်သုံးသပ် ကြည့်မယ်ဆိုရင် နိုင်ငံတော် ရဲ့ အစိတ်အပိုင်းဖြစ်တဲ့ လုံခြုံရေး အဖွဲ့အစည်းတွေရဲ့ တာဝန်ယူ တာဝန်ခံမှု အားနည်းမှုအပေါ် နိုင်ငံတော် ဖြစ်တည်မှုမှာ အရေးအကြီးဆုံး ဖြစ်တဲ့ ပြည် သူတွေက ၀င်ရောက် တာဝန်ယူမှုကို တွေ့ရတာပဲ ဖြစ်ပါတယ်။ ဖူကူယားမားပြောခဲ့တဲ့ ဒီမိုကရေစီ ဖြစ်စဉ်မှာ အရေးပါတဲ့ အချက် သုံးချက်နဲ့ တိုင်းတာမယ်ဆိုရင် တာဝန်ယူမှု တာဝန်ခံမှု အားနည်းမှုနဲ့ တရားဥပဒေ စိုးမိုးမှု အားနည်းခြင်းအပေါ် လုပ်ကြံ သတ်ဖြတ်သူတွေက အခွင့်ကောင်း ယူခဲ့တာဖြစ်ပြီး ပြည်သူတွေဖြစ်တဲ့ တက္ကစီသမားတွေက လုံခြုံရေးတွေ ထမ်းရမယ့်တာဝန်ကို ၀င်ရောက် ထမ်းဆောင်ခဲ့တာ ဖြစ်ပါတယ်။ ဒီဖြစ်ရပ်အပေါ် နောက်ဆက်တွဲ ဖမ်းဆီးမှုတွေနဲ့ ရဲတပ်ဖွဲ့ရဲ့ ဆောင်ရွက် မှုတွေ အပေါ် ပြည်သူတွေက စိတ်ဝင်စားနေတာ၊ ပြည်သူအချို့အနေနဲ့ သတင်းသဲလွန်စတွေကို ဖော်ထုတ်ပေးနေတာ၊ သတင်းမီဒီယာ အချို့အနေနဲ့ စုံစမ်းထောက်လှမ်းမှုတွေ လုပ်ပြီး အမှုကွင်းဆက်တွေ ဖော် ထုတ်ပေးနေတာတွေက နိုင်ငံတော် ဖြစ်တည်မှုနဲ့ ဒီမိုကရေစီရဲ့အဓိက အရေးပါတဲ့ ယန္တရားတွေ ချို့ယွင်းနေချိန် ပြည်သူတွေနဲ့ အင်စတီကျူးရှင်း အချို့က ၀င်ရောက် ထောက်ကူပေးနေမှုပဲ ဖြစ်ပါတယ်။

( ၃) မကြောက်ရွံ့မှုနဲ့ စုစည်းညီညွတ်မှု

ကြောက်ရွှံ့ ထိတ်လန့်အောင် ပြုလုပ်ခြင်းနဲ့ ခွဲခြားဆက်ဆံခြင်း ၊ လူတွေအကြား သွေးကွဲအောင် ပြုလုပ်ခြင်းဆိုတဲ့ ကိစ္စတွေဟာ ကိုလိုနီစနစ်နဲ့ အာဏာရှင် စနစ်တွေမှာ တွေ့ရလေ့ရှိတဲ့ ကိစ္စတွေ ဖြစ်ပါတယ်။ ဒါပေမဲ့ ဘယ်လို အာဏာရှင်မျိုး မဆိုပါ လူထု ညီညွတ်မှုတွေ ရှိရင် ပြိုကျစမြဲပါပဲ။

လွတ်လပ်မှုဆိုတာ တာဝန်ယူမှုတွေနဲ့ ဒွန်တွဲနေသလို ခိုင်မာအားကောင်းတဲ့ နိုင်ငံရေးစနစ် ဆိုတာက အပြန်အလှန် တာဝန်ယူမှုတွေ ၊ တရားဥပဒေ စိုးမိုးမှုတွေနဲ့ အာမခံချက် ပြုရတာပါ။ တရားဥပဒေ စိုးမိုးမှု ကင်းမဲ့လာချိန်မှာ ကိုယ်ပိုင် လွတ်လပ်ခွင့်ကို ကျင့်သုံးပြောဆိုမှု၊ လူ့အခွင့်အရေး အတွက် လှုပ်ရှားမှုနဲ့ အများပြည်သူအတွက် အကျိုးရှိစေမယ့် ပြည်သူ သတင်းသိပိုင်ခွင့် အတွက် သတင်းဖော်ထုတ် တင်ဆက်မှုတွေဟာ အန္တာရာယ်ကို ဖိတ်ခေါ်သလို ဖြစ်နေပါတယ်။ လတ်တလောမှာပဲ သတင်းမီဒီယာ သမားဖြစ်တဲ့ ကိုစိုးမိုးထွန်းနဲ့ ထားဝယ်က တက်ကြွလှုပ်ရှားသူ အမျိုးသမီး အသတ်ခံရတဲ့ ကိစ္စတွေက တရားဥပဒေ စိုးမိုးရေး အားနည်းမှုကိုသာမက ဒီမိုကရေစီအတွက် အရေးပါတဲ့ ဒေါက်တိုင်တွေအတွက် စိန်ခေါ်မှုဆိုတာ ပြသနေခဲ့တာဖြစ်ပြီး အခု ဦးကိုနီ သေဆုံးမှုကတော့ ကျန်တဲ့ ကိစ္စတွေထက် ပိုပြီး တာသွားနိုင်တဲ့ အနေအထား ဖြစ်နေ ပါတယ်။ ကြောက်ရွှံ့ စရာ တွေနဲ့ ကြုံလာရင် ကိုယ်လွတ်ရုန်းပြီး ကိုယ့်အစား ပြောပေးမယ့် သူရဲကောင်းကို ရှာတတ်တာဟာ ဓမ္မတာ ဖြစ်တတ်ပေမယ့် တစ်ခါတစ်ခါ ကိုယ်တင်မြှောက်ထားတဲ့ သူရဲကောင်းကို ပြန်လည်ထိန်းပေးဖို့ မေ့နေ တတ်တာတွေက လည်း ဖြစ်တတ်တဲ့ ကိစ္စတွေပဲဖြစ်ပါတယ်။ ပုဒ်မ ၆၆ ကိုဆက်ထားခဲ့တဲ့ ကိစ္စကနေ ဦးကိုနီ သေဆုံးခဲ့မှုအထိ ကိစ္စတွေက လူ့အဖွဲ့အစည်းမှာ အကြောက်တရားနဲ့ ချောက်ချား နေတတ်အောင် တမင်ရည်ရွယ် နေရော့ လားလို့ တွေးစရာ ဖြစ်လာတယ်လို့ နိုင်ငံရေး သိပ္ပံသမား တစ်ဦးဖြစ်တဲ့ ဦးမင်းဇင်က ဦးကိုနီ သေဆုံးမှုနဲ့ ပတ်သက်လို့ သူ့ရဲ့ ဖေ့စ်ဘုတ် စာမျက်နှာကနေ စာစုအဖြစ် ရေးသားရာမှာ ထည့်သွင်း ရေးသား ထားပါတယ်။ ရေငုံနှုတ်ဆိတ်မှုတွေနဲ့ ပြည်သူတွေ သို့လော သို့လောဖြစ်နေချိန်မှာ အစိုးရ ယန္တရားတွေရဲ့ တုံ့ပြန်မှု နှေးကွေးခြင်း ဟာလည်း မလိုလားအပ်တာတွေကို ဖိတ်ခေါ်သလို ဖြစ်နိုင်တာ သတိချပ်သင့်တဲ့ အရာပါ။ တလောက ကနေဒါက ကွီဘက်ပြည်နယ် ဗလီကျောင်းထဲ ပစ်ခတ်မှုတွေဖြစ်တော့ ဒါဟာ အကြမ်းဖက်မှုတွေ ဖြစ်တယ်၊ အကြမ်းဖက်မှုကို အမြစ်ပြတ်ချေမှုန်း သွားမယ်၊ ပစ်ခတ်မှုအတွင်း သေဆုံး ဒဏ်ရာရခဲ့သူတွေ အတွက် ၀မ်းနည်းမိတယ် လို့ ကနေဒါဝန်ကြီးချုပ်က ပစ်ခတ်မှုဖြစ်ပြီး မကြာခင်မှာပဲ ပြည်သူတွေကို ပြောကြားခဲ့တာဟာ အစိုးရတစ်ရပ်ရဲ့ တာဝန်ယူ တာဝန်ခံမှုနဲ့ စာနာမှုကို ပြသရာရောက်ပါတယ်။

ကြောက်ရွှံ့ ထိတ်လန့်စရာ ကိစ္စရပ်တွေဖြစ်လာဖို့ ရည်ရွယ်ခဲ့မှုတွေက ဦးကိုနီ သေနတ်ပစ်ခံရမှု၊ ရန်ကုန်လေဆိပ် ပစ်ခတ်မှုတွေနဲ့အတူ ရှိနေပေမယ့် မကြောက်ရွံ့တဲ့ ပြည်သူတွေကတော့ ဦးကိုနီနဲ့ တက္ကစီဆရာ ဦးနေ၀င်းတို့ရဲ့ ဈာပန အခမ်းအနားတွေကို အုံလိုက်ကျင်းလိုက် လိုက်ပါ ပို့ဆောင်မှု၊ အမှု ကွင်းဆက်တွေ လိုက်လံ ဖော်ထုတ်ပေးမှုတွေနဲ့ အတူ သူတို့ရဲ့ တာဝန်သိမှု၊ တာဝန်ယူတတ်မှုကို ပြသနေခဲ့ပြီး ဖြစ်ပါတယ်။

ဦးကိုနီရဲ့ ဈာပန အခမ်းအနားကို ကြည့်မယ်ဆိုရင် လူမျိုးစုံ၊ ဘာသာစုံ သောင်းနဲ့ချီတဲ့ ပြည်သူတွေ တက်ရောက်တာ တွေ့ရသလို ဦးကိုနီက NLD က ဖြစ်ပေမယ့် NLD နဲ့ ဆက်ဆံရေး အတန်ငယ် အေးစက်နေတဲ့ ဒီမိုကရက်တစ်နဲ့ တိုင်းရင်းသား အင်အားစုတွေပါ ၀န်းရံခဲ့ကြတာကို မြင်ကြရမှာဖြစ်ပါတယ်။ တစ်နည်းအားဖြင့် ခုရက်ပိုင်းမှာ ဖြစ်နေတဲ့ ကိစ္စရပ်တွေမှာ ရဲရဲတင်းတင်း တာဝန်ယူ ရပ်တည်ပြတဲ့သူတွေ ရှိနေတာဟာ ကြောက်ရွံ့အောင် ခြောက် လှန့်နေရုံနဲ့ ကြောက်လန့်သွားမှာ မဟုတ်ဆိုတဲ့ အင်အားစုတွေ ပြည်သူတွေ ရှိနေဆဲဖြစ်တယ်ဆိုတာ ပြသရာရောက်ပါတယ်။

ဘယ်လိုပဲဖြစ်ဖြစ် ဒီရက်ပိုင်းအတွင်း ဈာပန အခမ်းအနားမှာ ပြသခဲ့တဲ့ သတ္တိတွေ၊ ပြည်သူတွေရဲ့ တာဝန် ၀င်ယူတတ်မှုတွေ၊ ဒီမိုကရက်တစ် အင်အားစုအချို့ရဲ့ စုစည်းမှုတွေက နိုင်ငံတော်ရဲ့ လစ်ဟာနေတဲ့ အစိတ်အပိုင်းတွေကို ၀င်ရောက် ဖြည့်ဆည်းဖို့ စိတ်အား ထက်သန်နေတယ်၊ ကူညီရိုင်းပင်းမှုနဲ့ အရေးကြုံရင် သွေးစည်း ညီညွတ်မှုတွေ ရှိနေဆဲဖြစ်တယ် ဆိုတာကို ပြသနေတာပဲ ဖြစ်ပါတယ်။ တစ်ချိန်တည်းမှာလည်း ဒီစုစည်းမှုအင်အားကို အချိန်အတန်ကြာ ဘယ်လို ဆက်ထိန်းကြမလဲဆိုတဲ့ ကိစ္စကလည်း အရေးပါလာပါတယ်။

သွေးစွန်းသော တနင်္ဂနွေနေ့မှ တစ်ဆင့် စုစည်းညီညွတ်မှုကို တည်ဆောက်ပြီး ခိုင် မာအားကောင်းတဲ့ ဒီမိုကရက်တစ် ဖက်ဒရယ် ပြည်ထောင်စု ကို ဦးတည်ကြပါစို့….။

စိုင်းထွန်းအောင်လွင်
The Ladies News
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.