မေယု FM ကို မြို့နယ် ၁၃ မြို့နယ်မှာ ကန့်ကွက်ဆန္ဒပြမည်



ပြန်ကြားရေးဝန်ကြီးဌာန ပြောရေးဆိုခွင့်နဲ့သတင်းထုတ်ပြန်ရေးအဖွဲ့က ထုတ်ပြန်ထားတဲ့ ကြေညာချက်ကို တွေ့ရစဉ်။ Photo: MOI Webportal Myanmar/ Facebook
ရခိုင်ပြည်နယ် ဘူးသီးတောင်၊ မောင်တော၊ ရသေ့တောင်မြို့နယ်မှာ အစိုးရကထုတ်လွှင့်နေတဲ့ မေယုအက်ဖ်အမ်နဲ့ ပတ်သက်ပြီး လာမယ့် ဖေဖော်ဝါရီလ ၁၀ ရက်နေ့မှာ မြို့နယ် ၁၃ ခုမှာ တပြိုင်တည်း ကန့်ကွက်ဆန္ဒပြ ဖို့ ပြင်ဆင်နေပါတယ်။

အစိုးရဘက်က အက်ဖ်အမ်ထုတ်လွှင့်မယ့်အကြောင်း ဒေသခံတွေကို ကြိုတင်အသိပေးတာမရှိခဲ့သလို တိုင်းရင်း သားတွေအတွက် ရေဒီယိုအစီအစဉ်တွေ မထုတ်လွှင့်နိုင်သေးခင်မှာ နိုင်ငံသားမဟုတ်သူတွေ အတွက် ထုတ် လွှင့်ပေးတာကို ရပ်တန့်ပေးဖို့ တောင်းဆိုကြမှာဖြစ်တယ်လို့ ဆန္ဒပြပွဲစီစဉ်နေသူ တစ်ဦးဖြစ်တဲ့ တောင်ကုတ်မြို့ခံ ဦးမောင်မောင်သက် က ပြောပါတယ်။

မေယုအက်ဖ်အမ် စမ်းသပ်ထုတ်လွှင့်နေတဲ့ သုံးမြို့နယ်အပြင် တောင်ကုတ်၊ စစ်တွေ၊ ပုဏ္ဏားကျွန်း၊ မြေပုံ၊ မင်းပြား၊ မြောက်ဦး၊ ကျောက်တော်၊ ပေါက်တော၊ သံတွဲ၊ ဂွ စတဲ့မြို့နယ်ပေါင်း ၁၃ ခုမှာ ဆန္ဒပြကြမှာဖြစ်ပါတယ်။

၁၉၆၀ ခုနှစ်ဝန်းကျင်က ဦးနုအစိုးရက ရိုဟင်ဂျာတိုင်းရင်းသားဆိုတာကို အသိအမှတ်ပြုပြီး ရေဒီယို အစီအစဉ် ထုတ်လွှင့်ခဲ့ဖူးတာကြောင့် လက်ရှိ မေယုအက်ဖ်အမ် ထုတ်လွှင့်မှုနဲ့ပတ်သက်ပြီး စိုးရိမ်မှုတွေ ရှိနေတာဖြစ်တယ်လို့ ဦးမောင်မောင်သက် က ပြောပါတယ်။

မေယုအက်ဖ်အမ်ထုတ်လွှင့်မှုအစီအစဉ်ဟာ ရခိုင်ပြည်မြောက်ပိုင်း မောင်တောဒေသမှာ နေထိုင်ကြသူတွေအတွက် သတင်းအချက်အလက်တွေကို အချိန်နဲ့တပြေးညီ ဖြန့်ချိပေးနိုင်ဖို့ ထုတ်လွှင့်တာဖြစ်ပြီး ဘယ်ပြင်ပလူပုဂ္ဂိုလ်အဖွဲ့ အစည်းကိုမှ အသံလွှင့်ခွင့်မပေးထားဘူး လို့ ပြန်ကြားရေးဝန်ကြီးဌာန ပြောရေးဆိုခွင့်နဲ့သတင်းထုတ်ပြန်ရေး အဖွဲ့က ဒီနေ့ သတင်းထုတ်ပြန်ခဲ့ပါတယ်။

မောင်တောဒေသမှာ မကြာသေးမီကဖြစ်ပွားခဲ့တဲ့ ပဋိပက္ခတွေနဲ့ဆက်စပ်ပြီး မမှန်သတင်းတွေ အများအပြား ထွက်ပေါ်နေတဲ့အတွက် ဒေသတွင်းနေထိုင်သူတွေ သတင်းအချက်အလက်မှန်တွေ ရရှိရေးနဲ့ ဒေသ အတွက် နိုင်ငံတော်အစိုးရဝန်ကြီးဌာနအသီးသီးက ဆောင်ရွက်ပေးနေတဲ့ အစီအစဉ် တွေကို သိရှိအောင် ထုတ်ပြန်ပေးဖို့လိုအပ်နေတယ်လို့လည်း ပြန်ကြားရေးဝန်ကြီးဌာန ပြောရေးဆိုခွင့် နဲ့သတင်းထုတ်ပြန်ရေးအဖွဲ့ရဲ့ သတင်းထုတ်ပြန်ချက်မှာ ပါရှိပါတယ်။

မေယုအက်ဖ်အမ်ဟာ နယ်မြေအကန့်အသတ်တစ်ခုအတွင်း လတ်တလောလိုအပ်ချက်တွေအတွက် ဆောင်ရွက်တဲ့ အစီအစဉ်တစ်ရပ်ဖြစ်ပြီး ဒေသတွင်းနေထိုင်သူတွေအားလုံးကို ရည်ရွယ်ပြီး ရခိုင်၊ ဗမာ၊ ဘင်္ဂါလီဘာသာတွေနဲ့ ထုတ်လွှင့်တာဖြစ်တယ်လို့လည်း သတင်းထုတ်ပြန်ချက်မှာဖော်ပြထားပါတယ်။

အစိုးရကထုတ်လွှင့်နေတဲ့ မေယုအက်ဖ်အမ်နဲ့ပတ်သက်ပြီး လာမယ့် ဖေဖော်ဝါရီလ ၂၀ မှာစတင်ကျင်းပမယ့် ရခိုင်ပြည်နယ်လွှတ်တော်မှာလည်း ကန့်ကွက်သွားဖို့ရှိတယ်လို့ ပြည်နယ်လွှတ်တော်ကိုယ်စားလှယ်တွေ က ပြောပါတယ်။

RFA Burmese
http://www.rfa.org/burmese
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.