ပြင်သစ်ရွေးကောက်ပွဲ ဆိုက်ဘာတိုက်ခိုက်ခံရ



ပြင်သစ်ရွေးကောက်ပွဲမဲဆွယ်စည်းရုံး ပိုစတာလှုပ်ရှားမှုများ။
ပြင်သစ်ရွေးကောက်ပွဲမဲဆွယ်စည်းရုံးရေးနဲ့ ဆိုင်တဲ့ အီးမေးလ်တွေ နဲ့ ဘဏ္ဍာရေးဆိုင်ရာအချက်အလက်တွေ ပေါက်ကြားစေခဲ့တဲ့ ကြီးမားတဲ့ ကွန်ပျူတာ ဆိုက်ဘာတိုက်ခိုက်မှုတခုကို ခံခဲ့ရတယ်လို့ ပြင်သစ်ရွေးကောက်ပွဲမှာ ရှေ့ကနေပြေးနေတဲ့ သမ္မတလောင်း Emmanuel Macron ရဲ့ ရွေးကောက်ပွဲမဲဆွယ်စည်းရုံးရေးအဖွဲ့က ပြောလိုက်ပါတယ်။

ဒီလိုသတင်းအချက်အလက်တွေ ပေါက်ကြားသွားခဲ့တာဟာ ပြင်သစ်ရွေးကောက်ပွဲလှုပ်ရှားမှုမှာ တခါမှ မကြုံဖူးကြောင်း၊ အခုလို အီးမေးလ်တွေ၊ ဘဏ္ဍာရေးနဲ့ဆိုင်တဲ့စာရွက်စာတမ်းတွေ နဲ့ တခြားအချက်အလက်တွေကို ဖွင့်ချလိုက်တာဟာ ပြီးခဲ့တဲ့အမေရိကန်သမ္မတ ရွေးကောက်ပွဲမှာ မြင်ခဲ့ရသလိုမျိုး၊ ဒီမိုကရေစီစနစ်ကို မတည်မငြိမ်ဖြစ်အောင်လုပ်လိုက်တာဖြစ်တယ်လို့ Macron ရဲ့ ရွေးကောက်ပွဲ အောင်နိုင်ရေးအဖွဲ့က ပြောပါတယ်။

အခုလို ကွန်ပျူတာထဲကနေ ခိုးယူပြီး ဖွင့်ချလိုက်တဲ့ စာရွက်စာတမ်းအထောက်အထားတွေ အားလုံးဟာ တရားဝင်ပြီး၊ သမ္မတရွေးကောက်ပွဲအတွက်လည်း ပုံမှန်လုပ်ဆောင်နေတာတွေဖြစ်တယ် ဆိုတာကို ပြသနေတာ ရှင်းတယ်လို့ Macron ရဲ့ ရွေးကောက်ပွဲ အောင်နိုင်ရေးအဖွဲ့က ပြောပါတယ်။ EMLEAKS လ်ို့ သူတို့ဘာသာသူတို့ နာမည်ပေးထားတဲ့အဖွဲ့က ဒီစာရွက်စာတမ်းအချက်အလက်တွေကို သောကြာနေ့ည သန်းခေါင်မတိုင်ခင်က လူမှုကွန်ရက်ပေါ်တင်ခဲ့တာဖြစ်ပါတယ်။

ရွေးကောက်ပွဲ ဒုတိယအကျော့ကိုတော့ မနက်ဖြန်တနင်္ဂနွေနေ့မှာ လုပ်မှာဖြစ်ပြီး၊ သောကြာနေ့ည သန်းခေါင်ကျော်ကစပြီး သမ္မတလောင်း ၂ ယောက်စလုံး မဲဆွယ်စည်းရုံလို့မရသလို၊ မီဒီယာတွေကလည်း ကိုယ်စားလှယ်လောင်းတွေအကြောင်းရော ဒီ စာရွက်စာတမ်းတွေနဲ့ဆိုင်တဲ့အကြောင်းကိုပါ ဆွေးနွေးလို့ မရတော့ပါဘူး။ သောကြာနေ့ အစောပိုင်းကထုတ်ပြန်တဲ့ လူထုစစ်တမ်းအရတော့ Macron ကို ထောက်ခံသူက ၆၂ % Le Pen ကိုထောက်ခံသူ ၃၈ % ရှိတယ်လို့ ဖော်ပြပါတယ်။

ဗွီအိုအေ (မြန်မာပိုင်း)
http://burmese.voanews.com
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.