မောင်တောတွင် စိတ်ကြွဆေးပြား ၁ သိန်း ၇ သောင်းဖမ်းမိ



(ဖမ်းဆီးရမိသော ဆေးပြားများကို တွေ့ရစဉ်)
နိရဉ္စရာ၊ မေ ၂၄

ရခိုင်ပြည်နယ် အနောက်ဘက် နယ်စပ် မောင်တောမြို့နယ် ကညင်ချောင်း နှင့် တက်ချောင်း အကြားကမ်းစပ်တွင် wy စိတ်ကြွဆေးပြား ၁ သိန်း ၇ သောင်းတိတိကို ယနေ့ နံနက် ၈ နာရီ ၂၅ မိနစ်တွင် ဖမ်းဆီးမိခဲ့သည်ဟု နယ်ခြားစောင့် အရာရှိ တစ်ဦးက ပြောသည်။

မောင်တောမြို့နယ် နတ်မြစ်ဝအတွင်း ဦးရှေဂျချောင်းဝ သို့ လှည့်ကင်းလည့်ရန် POE စခန်မှ ထွက်ခွာလာသော သဲကိုကိုဇော်ဦးစီးသည့် စစ်သည် ၄ ဦးပါ ရာဘာ ကင်းလှည့်ရေယာဉ်သည်
တက်ချောင်းနှင့် ကညင်ချောင်းကြား အရောက် တွင် မင်္သကာဖွေလူတစ်စုအားတွေ့ရှိသဖြင့် သွားရောက်စစ်ဆေးခဲ့ရာမှ ၎င်းလူများမှာ ထွက်ပြေးသွားခဲ့ကြသည်။

၎င်း မင်္သကာဖွယ်လူတစ်စုမှာ ဒီရေတောအတွင်းသို့ထွက်ပြေးသဖြင့် အမ်း ၁၁ သေနတ်ဖြင့်
တစ်ချက် နှစ်ချက် ခြောက်လှန့်ပစ်ခတ်ဖမ်းဆီးရာ ၎င်းလူများသည် ဒီရေတောမှ တစ်ဆင့် နယ်စပ် ခြံစည်းရိုးအား ဖြတ်ကျော်၍ ကုန်းတွင်းပိုင်းသို့ ထွက်ပြေးသွားခဲ့ကြဟု ၎င်း အရာရှိက ရှင်းလင်း ပြောကြားသည်။

ထွက်ပြေး သွားသည့် တရားခံများအား ဖမ်းဆီးရမိရေး အတွက် ကညင်ချောင်းနယ်ခြားစောင့် စခန်းသို့ ဆက်သွယ် သတင်းပို့ပေးခဲ့ပြီး ၎င်း မင်္သကာဖွယ်ရာ လူတစ်စုထွက်ပြေးသွားသည့် နေရာအား တပ်ဖွဲဝင်များ ဖြင့် ပိုက်စစ်တိုက် ရှာဖွေခဲ့ကြရာ မနက် ၉ နာရီ အချိန်တွင် ကညင်ချောင်း နှင့် တက်ချောင်း အကြားကမ်းစပ်၌ ဆာလာအိတ်ဖြင့် မူယစ်ဆေးဟုယူဆရသော အထုပ် (၁)ထုပ်အား တရားခံမဲ့ သိမ်းဆည်းရမိခဲ့သည်။

၎င်းသိမ်းဆည်းရမိသောအထုပ် အားရေယာဉ်ပေါ်တင်ဆောင်ပြီး ၉ နာရီ ၁၅ မိနှစ်တွင် POEစခန်းသို့ အရောက်တွင် သက်ဆိုင်ရာအဖွဲ့အစည်းများနှင့် အတူ ဖွင့်ဖောက်စစ်ဆေးခဲ့ရာ wy စာတမ်းပါစိတ်ကြွဆေးပြား ၁၇၀၀၀၀ ပြားကို စစ်ဆေးတွေ့ရှိခဲ့ရသည်ဟု သိရသည်။

သိမ်းဆည်းရမိသော wy စိတ်ကြွဆေးပြား ၁၇၀၀၀၀ ပြားအား မေလ ၂၄ရက် နေ့လယ် ၁၁ နာရီ အချိန်တွင် အမှတ် (၄၆) မူးယစ် တပ်ဖွဲ့စု (မောင်တော)မှ ရဲအုပ် အောင်ကျော်မိုး (ဦးစီးအဖွဲ့) ထံသို့စနစ်တကျ လွဲပြောင်း အပ်နှံလိုက်ကြောင်းသိရပါသည်။

အောင်ကျော်မင်း (မောင်တော)
Narinjara
https://www.facebook.com/Narinjara
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.