အစိုးရတပ်စခန်းဟောင်းနေရာတွင် သက်တမ်းကြာမြင့် မြေမြုပ်ဗုံးတလုံးပေါက်ကွဲ ကိုယ်ရင် ၈ ပါးဒဏ်ရာရ


မေလ ၈ ရက် ၂၀၁၇

သျှမ်းပြည်မြောက်ပိုင်း ကျောက်မဲခရိုင် နမ့်တူမြို့နယ် မိုင်းရင်အုပ်စုရှိ ဇေယျသုခ ဘုန်းတော်ကြီးကျောင်းတွင် သက်တမ်းကြာ မြင့်ပြီဖြစ်သော မြေမြုပ်ဗုံးပေါက်ကွဲရာ ကိုယ်ရင်ငယ် ၈ ပါး ဒဏ်ရာရရှိသဖြင့် လားရှိုးပြည်သူ့ဆေးရုံကြီးသို့ ပို့ဆောင် ဆေးကုနေကြောင်းသိရသည်။

မေလ ၈ ရက် မနက် ၉ နာရီအချိန်ခန့်တွင်အဆိုပါဗုံးပေါက်ကွဲခဲ့ခြင်းဖြစ်ပြီး ကိုယ်ရင် ၈ ပါး ဒဏ်ရာရကာ ၆ ပါးမှာ ဒဏ်ရာ ပြင်းထန်ကြောင်း မိုင်းရင်မြို့ခံများပြောပြချက်အရသိရသည်။

နမ္မတူမြို့နယ် လူမှုအသင်းအဖွဲ့ တွင်လှုပ်ရှားနေသည့် နန်းခမ်းဖုန်းက - “ဒဏ်ရာရကိုယ်ရင် ၈ ပါး ကိုလားရှိုး ပြည်သူ့ ဆေးရုံကိုလာပို့တာပါ။ အဲ့ထဲမှာ ၂ ပါးက ခြေတွေလက်တွေမှာထိတယ်။ကျန်တာက ဗိုက်တွေ ရင်ဘတ်တွေ ကိုယ်လုံး တွေမှာထိတော့ ဒဏ်ရာပြင်းထန်တယ်။ ကိုယ်ရင်တွေက အသက် ၁၁ နှစ်ကနေ ၁၅ နှစ်ကြားမှာရှိကြတယ်။ အဲဒီဗုံးက သက်တမ်းကြာလှပြီ။ သံချေးတွေတောင်တက်နေပြီ။ ကိုယ်ရင်တွေက ဗုံးမှန်းမသိဘဲ ယူလာဆော့တာ။ ကျောင်း အပေါ်ထပ်ကနေပြီးအောက်ထပ်ကို ပစ်ချတာလေ ။ ပေါက်ကွဲ ထိမိတော့တာပေါ့ ” - ဟု သျှမ်းသံတော်ဆင့် အားပြောပြသည်။


နမ္မတူမြို့ အရှေ့မြောက်ဘက်ရှိ မိုင်းရင်အုပ်စု ဇေယျသုခ ဘုန်ကြီးကျောင်းအနီးတွင် ယခင် လွန်ခဲ့သောနှစ်ပေါင်း ၄၀ ခန့်က အစိုးရတပ်မတော်၏ တပ်စခန်းဟောင်းတခုဖြစ်ကြောင်း ၄င်းတို့တပ်ရုပ်ပြန်သွားပြီး နောက်တပ်စခန်းမြေ နေရာအား သာသနာ့ပိုင်မြေအဖြစ်လှူဒါန်းလိုက်ကြောင်း၊ သို့သော် ဗုံးများ ရှင်းလင်းပေးသွားခြင်းမရှိသဖြင့် ထိုသို့ ကျန်ရှိနေသေးခြင်းဖြစ်ကြောင်း၊ ယခုတွင်မူထိုမြေနေရာတွင် ကျောင်းထပ်ဆောက်ရင် မြေထွန်မြေညှိရာမှ မြေမြုပ်ဗုံး အဟောင်းများ ပြန်ထွက်လာခြင်းဖြစ်ကြောင်း၊ အဆိုပါကျောင်းမှကိုယ်ရင်ငယ်များတွေ့ရှိသဖြင့် ၂ လုံးယူလာဆော့ရာမှာ တလုံးပေါက်ကွဲခြင်းဖြစ်ကြောင်း ဆိုပါသည်။

၎င်းနှင့်ပတ်သက်ပြီး နန်းခမ်းဖုန်းက - “အခု လားရှိုးဆေးရုံကိုရောက်နေတယ်။ ဖြစ်စဉ်ကို လွှတ်တော်အမတ်တွေဆီ ကျမတို့အကြောင်းကြားထားတယ်။ အစိုးရပိုင်းကတော့လာမကြည့်သေးဘူး။ ကျမတို့ဒေသမှာ မြေမြုပ်မိုင်းတွေ ဗုံးတွေများပါတယ်။ အခုနောက်ပိုင်းလာပြီး ထောင်ကြတဲ့ ဗုံးတွေကိုတော့ ဒေသခံတွေတောင်းဆိုမှုကြောင့် လာဖြုတ် ပေးတာတွေ တွေ့ရတယ်။ တပ်မတော်ရော တိုင်းရင်းသားအဖွဲ့တွေရောပေါ့။ ရှိတော့ထပ်ရှိနေသေးတယ်။ မြေမြုပ်ဗုံး တွေ။ ရွာသားတွေအတွက် အန္တရာယ်အရမ်းများပါတယ်။ မိမိထောင်ထားတဲ့ ဗုံးတွေကို လာပြီးတော့ရှင်းပေး စေချင်ပါ တယ်”- ဟု သျှမ်းသံတော်ဆင့်အားဆက်လက်ပြောပြသည်။

နမ္မတူမြို့နယ် ပြည်နယ်လွှတ်တော်အမတ် နန်းစံဟွမ် က - “မှန်ပါတယ်။ ရွာကဖုန်းဆက်အကြောင်း ကြားလာပါတယ်။ ကိုယ်ရင်ငယ်လေးတွေ ဗုံးသွားယူလာဆော့ပြီးပေါက်ကွဲလို့ဒဏ်ရာရတဲ့အကြောင်းပေါ့။ ကျမတို့ကအခုသင်တန်းရှိနေ သေးတော့ ရွာကိုမပြန်သွားကြည့်ရသေးဘူး။ ဗုံးတွေက သံချေးတွေ တောင်တက်ကုန်ပြီ။ သက်တမ်းအရမ်းကြာပြီ ထင်တယ် ”- ဟု ပြောဆိုသည်။

နမ္မတူမြို့နယ်အနီးတဝိုက်တွင် အစိုးရတပ်မတော်အပြင် ရဲတပ်ဖွဲ့ ၊ တအာင်းတပ်ဖွဲ့ ၊ ကချင်လက်နက်ကိုင် တပ်ဖွဲ့၊ သျှမ်းလက်နက်ကိုင်တပ်ဖွဲ့တို့ လှုပ်ရှားနေထိုင်ပါသည်။ အစိုးရတပ်မတော်နှင့် တအာင်းတပ်ဖွဲ့၊ မြောက်ပိုင်းမဟာမိတ်တပ်ဖွဲ့တို့တိုက်ပွဲအပြင်းအထန်ဖြစ်ပွါးလာသည့် ၁ နှစ် ၂ နှစ်အတွင်း ကျောက်မဲ၊ သီပေါ၊ နမ္မတူ၊ မိုင်းရင်၊ မိုင်းတပ် ၊ မန်တုံ၊ မိုင်းဝီး၊ သိန်နီ ၊ကွတ်ခိုင်တို့တွင် မြေမြုပ်မိုင်း၊ ထောင်မိုင်း၊ ဗုံးများ အများအပြား တွေ့ရှိလာကြောင်းလည်း ဒေသခံများပြောပြချက်အရသိရသည်။

သျှမ်းသံတော်ဆင့်
Panglong(Burmese)
https://www.facebook.com/Panglong.burmese/
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.