ဦးဝီရသူဟောကြားမှုတွေကို ဓမ္မ၊ အဓမ္မခွဲခြားပေးရေး တောင်းဆိုမည်



ဦးဝီရသူရဲ့ဟောပြောမှု အဓမ္မဝါဒဆန့်ကျင်ရေးအဖွဲ့ လက်မှတ်ကောက်ခံမှုကို မေလ ၂၁ ရက်နေ့က တောင်ဥက္ကလာပမြို့နယ် ပါရမီလမ်းမမှာ ကောက်ခံနေစဉ်။ Photo: Aung Thain Kha/ RFA
မန္တလေးမြို့ မစိုးရိမ်ကျောင်းတိုက်က ဆရာတော် ဦးဝီရသူရဲ့ ဟောပြောချက်တွေကို ဓမ္မ၊ အဓမ္မ ခွဲခြားပေးဖို့ အတွက် နိုင်ငံတော် သံဃာ့မဟာနာယကအဖွဲ့ဝင် ဆရာတော်တွေကို တောင်းဆိုမယ့် လက်မှတ်ကောက်ခံရေး လှုပ်ရှားမှုကို ဒီကနေ့ ရန်ကုန်မြို့ တောင်ဥက္ကလာပ မြို့နယ်မှာ အဓမ္မ၀ါဒ ဆန့်ကျင်ရေး ကော်မတီ နဲ့ ရွှေဝါရောင် သံဃာတွေ စုပေါင်းပြီး ပြုလုပ်နေပါတယ်။

ဆရာတော်ဦးဝီရသူရဲ့ ဟောပြော မှုတွေဟာ အဓမ္မဝါဒီဆန်တဲ့ ဟောပြောချက်တွေ ဖြစ်တဲ့အတွက် ရွှေဝါရောင် သံဃာတော်တွေ အနေနဲ့ လက်မခံနိုင်ဘူး လို့ ရွှေဝါရောင် သံဃာတော် အဖွဲ့ဝင်ဖြစ်တဲ့ ဆရာတော် ဦးဓမ္မသာရက မိန့်ပါတယ်။

ရွှေဝါရောင် သံဃာတော်တွေအနေနဲ့ အဓမ္မ၀ါဒ ဆန့်ကျင်ရေးကော်မတီမှာ နာယကအဖြစ် ပါဝင်ဆောင်ရွက် ပြီး ကော်မတီရဲ့ လုပ်ဆောင်ချက်တွေကို ပါဝင် အားဖြည့်ပေးသွားမှာ ဖြစ်တယ်လို့ သိရပါတယ်။

ဒီကနေ့ တောင်ဥက္ကလာပမြို့နယ်မှာ လက်မှတ်ကောက်ခံရာမှာ ပြည်သူ ၄၀၀ နီးပါးပါဝင် လက်မှတ်ရေးထိုးခဲ့ကြပြီး ရန်ကုန်တစ်တိုင်းလုံးက အခြားမြို့နယ်တွေ မှာလည်း တစ်လအတွင်း လက်မှတ်ကောက်ခံမှု ဆက်လုပ်သွားမယ်လို့ အဓမ္မ၀ါဒ ဆန့်ကျင်ရေး ကော်မတီက ပြောပါတယ်။

အဓမ္မ၀ါဒ ဆန့်ကျင်ရေး ကော်မတီအနေနဲ့ ပြီးခဲ့တဲ့ ဧပြီလတုန်းကလည်း သံဃာ့မဟာနာယက အဖွဲ့က တရားဟောခွင့်ပိတ်ထားပေမယ့် တရားပွဲမှာ ပလ္လင်ပေါ်တက်ပြီး အရင်ကဟောကြားခဲ့တဲ့ တရားခွေကို ဖွင့်ခဲ့တဲ့ဆရာတော် ဆရာတော်ဦးဝီရသူကို အရေးယူပေးဖို့ စာတင်ခဲ့ပေမယ့် ထူးခြားမှု မရှိခဲ့ဘူးလို့ သိရပါတယ်။

RFA Burmese
http://www.rfa.org/burmese
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.