ဝ တပ်ဖွဲ့နှင့် မဟာမိတ်တပ်ဖွဲ့များ ညီလာခံ ဒုတိယနေ့ ဆက်မတက်


မေလ ၂၅ ရက် ၂၀၁၇

ပြည်ထောင်စုငြိမ်းချမ်းရေးညီလာခံ ၂၁ ရာစုပင်လုံ ဒုတိယအကြိမ် ဖွင့်ပွဲရက်တက်ရောက်ပြီးနောက် ၀ တပ်ဖွဲ့ဦးဆောင်သည့် မဟာမိတ်အဖွဲ့ ၇ ဖွဲ့ သည် ညီလာခံဒုတိယရက်တွင် ဆက်မတက်တော့ကြာင်းသိရသည်။

အထူးဖိတ်ကြားခြင်းခံရတယ်ဆိုပေမယ့် ဆွေးနွေးဖို့အတွက် တန်းတူညီမျှတဲ့အခွင့်အရေး မရဘူး။နောက်တချက်က တပ်ချုပ်ကြီးပြောသွားတဲ့အချက်တွေထဲမှာ ဘ၀င် မကျတဲ့အချက်တွေပါတယ်။ - ဟု အဖွဲ့ ၇ ဖွဲ့မှ အရာရှိတဦးကပြောသည်။

တပ်မတော်ကာကွယ်ရေးဦးစီးချုပ် ဗိုလ်ချုပ်မှူး ကြီး မင်းအောင်လှိုင်က NCA လမ်းကြောင်းကို လျစ်လျူရှု၍ အခြားလမ်းကြောင်း၊ နောက်ထပ်လမ်းကြောင်း၊ ဒုတိယလမ်းစဉ်ဆိုသည့် အခေါ် အဝေါ်များ သုံးစွဲ လုပ် ဆောင်နေခြင်းသည် ငြိမ်းချမ်းရေး၊ ဒီမိုကရေစီနှင့် ဖက်ဒရယ်စနစ်တို့ကို အခြေသော ပြည်ထောင်စုစနစ် တည်ဆောက် ရေးကို မလိုလားခြင်းသာ ဖြစ်ကြောင်း၊ ငြိမ်းချမ်းရေးနဲ့ ဒီမိုကရေစီ ဖယ်ဒရယ်ပြည် ထောင်စုတည်ဆောက်ဖို့ NCA လမ်းကြောင်းကို လျှောက်လှမ်းရာတွင် လည်း တပ်မတော်၏ ငြိမ်းချမ်းရေးမူ (၆) ရပ် နှင့်အညီ ခိုင်မာစွာ ရပ်တည်ဆောင်ရွက်သွားမှာ ဖြစ်ကြောင်း (၂၁)ရာစုပင်လုံ(ဒုတိယအကြိမ်) အစည်း အဝေးမိန့်ခွန်းပြောကြား ရာတွင်ထည့် သွင်း ပြောကြားသွားသည် ။

ဝ တပ်ဖွဲ့ညီလာခံမတက်ရောက်မှုတွင် ၀ နှင့်အတူ လိုက်ပါသော မဟာမိတ်အဖွဲ့ ၇ ဖွဲ့လည်း ပါဝင်ကြောင်းဆိုပါသည်။

“အားလုံးမပါဝင်တော့ ကျမတို့လည်း စိတ်မကောင်းဘူး။ ဥပမာ မြောက်ပိုင်းက ၇ ဖွဲ့ဆိုရင်လည်း ကိုယ့်နိုင်ငံသားဖြစ်ရဲ့သားနဲ့ တခြားနိုင်ငံက အကူညီနဲ့ လာရတယ်။ နိုင်ငံတော်အတွက် သိပ်က္ခာအရမ်းကျတယ်။ ဘာလို့လည်းဆိုတော့ ကိုယ့်နိုင်ငံက အစိုးရက ဘာလို့ မလုပ်ပေးတာလဲ။သူတို့ လုံခြုံရေးအတွက် အဲ့ဒီအတွက် ကျမတို့လည်း စိတ်မကောင်းဘူး။ နောက်ပြီး UNFC လည်းမလာနိုင်ဘူး ရှေ့ဆက် ငြိမ်းချမ်းရေးအလားအလာက အားပိုနည်းသွားသလို ခံစားရတယ်။ အားလုံးမပါလို့လေ”- ဟု သျှမ်းစီဘီအို မှ ယိင်းဟန်ဖှကပြောသည်။

လက်ရှိ ညီလာခံသို့ တက်ရောက်ရန်ဖိတ်ကြားခံရခြင်းမရှိသောကြောင့် မွန်းခေါင်းဆောင် နိုင်ငွေသိမ်း သျှမ်းခေါင်းဆောင် ခွန်ထွန်းဦးနှင့် ငြိမ်းချမ်းရေးလုပ်ငန်းစဉ်တွင် အစိုးရနှင့်တိုင်းရင်းသားကြား သံတမန်အကျိုးတော်ဆောင် စ၀်ဟန်ယောင် ဟွေ့ တို့လည်း ယခုညီလာခံသို့တက်ရောက်ခြင်းမရှိကြောင်း တိုင်းရင်းသားခေါင်းဆောင်များပြောသည်။

သျှမ်းသံတော်ဆင့်
Panglong(Burmese)
https://www.facebook.com/Panglong.burmese

Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.