မွတ်စလင်တွေရဲ့ ကွာရှင်းပြတ်စဲနည်းကို အိန္ဒိယတရားရုံး ပြန်သုံးသပ်



 အိန္ဒိယမှာ မွတ်စလင် ဦးရေ သန်း ၁၅၀ ကျော်ရှိ
အစ္စလာမ်ဘာသာမှာ ခင်ပွန်းသည်က တွာလတ် လို့ သုံးကြိမ်ပြောပြီး ဇနီးသည်ကို ကွာရှင်းနိုင်တယ်လို့ ပြဌာန်းထားတယ်ဆိုပြီး ကျင့်သုံးနေတဲ့ အလေ့အထကို အိန္ဒိယ တရားရုံးချုပ်က ပြန်သုံးသပ်နေပါတယ်။

အဲဒီလို ကွာရှင်းတာ ခံရတယ်ဆိုတဲ့ ဇနီးသည်တွေရဲ့ တင်ပြတိုင်ကြားချက်အရ အဲဒီအလေ့အထဟာ အစ္စလာမ်ဘာသာရေးမှာ အခြေခံ ကျမကျဆိုတာကို တရားရုံးချုပ်က စဉ်းစား ဆုံးဖြတ်မှာ ဖြစ်ပါတယ်။

ဇနီးသည်ကို အခုလိုနည်းနဲ့ မိနစ်ပိုင်းအတွင်း ကွာရှင်းနိုင်တဲ့ အလေ့အထကို ကမ္ဘာပေါ်က နိုင်ငံအနည်းငယ်မှာပဲ ကျင့်သုံးနေကြတဲ့ အထဲမှာ အိန္ဒိယက မွတ်စလင်တွေလည်း ပါဝင်ပါတယ်။

တန်းတူညီမျှရေး လှုပ်ရှားသူတွေကတော့ ဒီ အလေ့အထဟာ အမျိုးသမီးတွေအပေါ် ခွဲခြားဆက်ဆံရာ ရောက်တယ်ဆိုပြီး ကန့်ကွက်ဆန့်ကျင်နေကြတာ ဖြစ်ပါတယ်။

မွတ်စလင်အဖွဲ့အစည်းတွေကတော့ တရားရုံးက သူတို့ ဘာသာရေးအလေ့အထအပေါ် ဝင်ရောက်စွက်ဖက်တယ်ဆိုပြီး ကန့်ကွက်ကြပါတယ်။

ဒါပေမယ့် လက်ရှိ ဝန်ကြီးချုပ် နာရင်ဒရာမိုဒီရဲ့ အစိုးရကတော့ တရားရုံးက အဆုံးအဖြတ်ပေးမှာကို ထောက်ခံပါတယ်။

အခုကြားနာချက်ကို ဟိန္ဒူ၊ အစ္စလာမ်၊ ခရစ်ယာန်၊ ဆစ်ခ် နဲ့ ဇိုရာစထီးယန်း ဘာသာဝင်တွေ ပါဝင်တဲ့ ဘာသာပေါင်းစုံ တရားသူကြီးငါးဦးအဖွဲ့က ကြားနာစစ်ဆေးနေတာ ဖြစ်ပါတယ်။

အိန္ဒိယမှာ မွတ်စလင်လူဦးရေ သန်း ၁၅၀ ကျော်ရှိပြီးထိမ်းမြားလက်ထပ်ခြင်းနဲ့ ကွာရှင်းခြင်းတွေကို အစ္စလာမ် ဥပဒေအတိုင်း လုပ်ဆောင်လေ့ရှိကြပါတယ်။

အခုတော့ ကွာရှင်းပြတ်စဲခံရတဲ့ အမျိုးသမီးတွေက အဲဒီအလေ့အထဟာ အိန္ဒိယ အခြေခံဥပဒေနဲ့ ညီမညီ ဆုံးဖြတ်ပေးဖို့ တရားရုံးချုပ်ကို တင်ပြလာကြတာ ဖြစ်ပါတယ်။

BBC Burmese
http://www.bbc.com/burmese
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.