ဗြိတိန်မှာ အကြမ်းဖက်မှု အန္တရာယ် အဆင့်ကို အရေးတကြီးအဆင့် အဖြစ် တိုးမြှင့်သတ်မှတ်

 အကြမ်းဖက် တိုက်ခိုက်မှုအတွင်း သေဆုံးခဲ့သူတွေအတွက် မန်ချက်စတာမြို့ မြို့တော်ခန်းမမှာ ဝန်ကြီးချုပ် ထရီစာ မေ ဝမ်းနည်းကြောင်း လက်မှတ်ရေးထိုး
လူ ၂၂ဦး သေဆုံးခဲ့တဲ့ မန်ချက်စတာမြို့ အကြမ်းဖက် တိုက်ခိုက်မှု ဖြစ်ပွားခဲ့အပြီး ဗြိတိန်နိုင်ငံမှာ နောက်ထပ် အကြမ်းဖက် တိုက်ခိုက်မှုတွေ ထပ်ဖြစ်လာနိုင်ဘွယ် ရှိတယ် ဆိုပြီး ဗြိတိန် ဝန်ကြီးချုပ် ထရီစာ မေက သတိပေးလိုက်ပါတယ်။

အကြမ်းဖက်မှု အန္တရာယ် အဆင့်ကို အရေးတကြီး အဆင့်အဖြစ် တိုးမြှင့် သတ်မှတ်လိုက်ကြောင်း ဝန်ကြီးချုပ် ထရီစာ မေက ထုတ်ဖော် ကြေညာလိုက်ပါတယ်။

အရေးပါတဲ့ နေရာတွေ ၊ အားကစားပွဲတွေမှာ လက်နက်ကိုင် ရဲတွေနေရာမှာ စစ်ဘက်ဆိုင်ရာ တပ်ဖွဲ့ဝင်တွေကို အစားထိုး အားဖြည့် ချထားမှာ ဖြစ်တယ်လို့ မစ္စစ် မေက ပြောပါတယ်။

တနင်္လာနေ့ညက ဖြစ်ခဲ့တဲ့ တိုက်ခိုက်မှုဟာ တသီးပုဂ္ဂလ အုပ်စုကြီး တခုနဲ့ ဆက်နွယ် ပတ်သက်ဘွယ် ရှိတယ်လို့ ယူဆရကြောင်းလည်း သူက ပြောပါတယ်။

ဒီတိုက်ခိုက်မှုမှာ အသေခံ ဗုံးခွဲခဲ့သူဟာ မန်ချက်စတာမြို့က အသက် ၂၂နှစ်အရွယ် Salman Abedi ဆိုသူ ဖြစ်တယ်လို့ ရဲက ထုတ်ဖော်ကြေညာလိုက်ပါတယ်။

သူဟာ လစ်ဗျားလူမျိုး ဗြိတိန်နိုင်ငံသား ဖြစ်ပြီး မန်ချက်စတာမြို့နားမှာ ရှိတဲ့ Salford တက္ကသိုလ် က ကျောင်းသား တဦးဖြစ်ပါတယ်။

IS အစ္စလာမစ်နိုင်ငံအဖွဲ့ကတော့ သူတို့အဖွဲ့ကို ထောက်ခံ အားပေးသူတွေထဲက တဦးက ဒီတိုက်ခိုက်မှုကို လုပ်ခဲ့တာ ဆိုပြီး လူမှုကွန်ရက် မီဒီယာတွေပေါ်မှာ ကြေညာချက်ထုတ်ပြန်ထားပါတယ်။

ဗြိတိန်နိုင်ငံရဲ့ နိုင်ငံရေး ပါတီကြီးတွေက လာမယ့်လ ရွေးကောက်ပွဲအတွက် ပါတီ မဲဆွယ်စည်းရုံးတာတွေကို ဒီကနေ့ ဗုဒ္ဓဟူးနေ့မှာလည်း ဆက် ဆိုင်းငံ့ထားမယ်လို့ အတည်ပြု ပြောပါတယ်။

BBC Burmese
http://www.bbc.com/burmese
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.