မြေမြုပ်မိုင်းရှင်းလင်းရေးလှုပ်ရှားမှုမှ ကျောက်မဲမြို့၌ RCSS/SSA နှင့် TNLA တို့တိုက်ပွဲဖြစ်ပွား


မေလ ၂၂ ရက် ၂၀၁၇

သျှမ်းပြည်မြောက်ပိုင်း ကျောက်မဲမြို့နယ်အတွင်း သျှမ်းပြည်ပြန်လည်ထူထောင်ရေးကောင်စီ သျှမ်းပြည်တပ်မတော်နှင့် တအာင်းအမျိုးသား လွတ်မြောက်ရေးတပ်တို့ကြား တိုက်ပွဲများဖြစ်ပွါး မှုကြောင့် ဒေသခံရွာသားများ ကျောက်မဲမြို့သို့ ထွက်ပြေးတိမ်းရှောင်နေရကြောင်းသိရသည်။

ကျောက်မဲမြို့နယ် မြောက်ဘက်နှင့်အနောက်မြောက်ဘက်ရှိ ကွန်ကော်ကျေးရွာအုပ်စု၊ လွယ်အံကျေးရွာအုပ်စုအတွင်း မေလ ၂၁ ရက် ၅၉ နှစ်မြောက် သျှမ်းပြည်အမျိုးသားတော်လှန်ရေးနေ့က RCSS နှင့် TNLA ကြားတိုက်ပွဲဖြစ်ပွား မှုကြောင့် ကျောက်မဲမြို့ ရပ်ကွက် ၈ သို့ စစ်ဘေးရှောင် ၁၀၀ နီးပါးခန့်ရောက်ရှိလာကြောင်း၊ များသောအားဖြင့် တအာင်းရွာသားများဖြစ်ပြီး သျှမ်းရွာသားတချို့လည်းပါဝင်ကြောင်း ကျောက်မဲမြို့ခံ စိုင်းပါက ပြောသည်။

“ကွန်ကော်အုပ်စုထဲက တော့ဖယ် အုံအွီးရွာသားတွေ၊ လွယ်အန်အုပ်စုထဲက ခုမ်ငင်း၊ ဝန်ကန်ရွာတွေက ရွာသား ၉၅ ယောက် ရပ်ကွက် ၈ မှာလာပြီး ခိုလှုံနေတယ်။ လောလောဆယ်တော့ တည်းခိုတဲ့စခန်း အနီးတဝိုက်ကရွာသားတွေသွားကြည့်တယ်။ စားသောက်ဖို့သွားပေးတယ်။ သူ့အမျိုး ကိုယ့်အမျိုး သွား လည်တယ်။ အဲလောက်နဲ့တော့လည်ပတ်နေတယ်။ ထပ်တိုးလာရင်တော့ အခက်အခဲရှိလိမ့်မယ်။ ဒီနေ့ကလည်း မိုးကသဲကြီးမဲကြီးရွာနေတယ်ဆိုတော့ ” - ဟု သျှမ်းသံတော်ဆင့်အားပြောပြသည်။

တိုက်ပွဲဖြစ်ပွါးရခြင်းမှာ သျှမ်းတပ်ဖွဲ့ဘက်က နယ်မြေကျူးကျော်ဝင်ရောက်လာခြင်းကြောင့်ဖြစ်သည်ဟု တအာင်းတပ်ဖွဲ့ဘက်က ပြောဆိုလိုက်ပြီး သျှမ်းပြည်တပ်မတော်ဘက်ကမူ မြေမြုပ်မိုင်းရှင်းလင်းရေးစီမံကိန်းကြောင့် ထိပ်တိုက်ပစ်ခတ်မှုများဖြစ်ပွါးရခြင်းဖြစ်ကြောင်း ပြောဆိုပါသည်။

“ခုတလော ထိပ်တိုက်တိုက်ပွဲတွေများနေတယ်ဆိုတာက ကျနော်တို့ RCSS က NCA စာချုပ်ပါအတိုင်း မြေမြှုပ်မိုင်းရှင်းလင်းရေးလုပ်ငန်းလုပ်နေတာလေ။ ရှင်းလင်းရေးလုပ်ရင်း တအာင်းတပ်ဖွဲ့နဲ့ ထိပ်တိုက်တွေ့တော့ ရင်ဆိုင်တိုက်ပွဲတွေဖြစ်ပွားခဲ့ရတာဖြစ်တယ်။ မြေမြုပ်မိုင်းတွေကများတယ်လေ။ လူထုရဲ့တောင်းဆိုမှုအရ ကျနော်တို့ မိုင်းသွားရှင်းတာ ၁ လ ကျော်ရှိပြီ ” - ဟု ဗိုလ်မှူးကြီးစိုင်းငင်းက သျှမ်းသံတော်ဆင့်အားပြောသည်။

ကျောက်မဲမြို့တွင် အစိုးရတပ်မတော်အပြင် တအာင်းတပ်ဖွဲ့ ၊ သျှမ်းပြည်တပ်မတော် RCSS/SSA နှင့် SSPP/SSA တို့ လှုပ်ရှားပါသည်။ တအာင်းတပ်နှင့် အစိုးရတပ်မတော်၊ တအာင်းတပ်နှင့် သျှမ်းပြည်တပ်မတော်တို့ မကြာခဏထိပ်တိုက်ရင်ဆိုင်ပစ်ခတ်မှုများ ဖြစ်ပွါးခဲ့ရသော်လည်း မြို့ပေါ်သို့ စစ်ဘေးရှောင်များမရောက်လာသည်မှာ ကြာပြီဖြစ်ကြောင်း၊ ယခုတကြိမ်မှသာ တိုက်ပွဲပြင်းထန်သဖြင့် စစ်ဘေးရှောင်များ ရောက်လာခြင်းဖြစ်ကြောင်းလည်း ကျောက်မဲမြို့ခံများကပြောဆိုနေကြပါသည်။

သျှမ်းသံတော်ဆင့်
Panglong(Burmese)
https://www.facebook.com/Panglong.burmese/
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.