ဦးဘုန်းမော်ရွှေ ငွေအလွဲသုံးမှု သူတို့နဲ့မဆိုင်ဘူးလို့ USDP ပြော



မကွေးတိုင်း အစိုးရ ရုံး
ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေး ပါတီ USDP က မကွေးတိုင်း ဝန်ကြီးချုပ်ဟောင်း ဦးဘုန်းမော်ရွှေရဲ့ ငွေ အလွဲ သုံးစားမှုဟာ သူတို့ ပါတီနဲ့ မပတ်သက်ဘူးလို့ ပြောပါတယ်။

လက်ရှိ အစိုးရ ကသာ ဦးဘုန်းမော်ရွှေနဲ့ တိုက်ရိုက် ဆက်သွယ်ပြီး ဥပဒေနဲ့ အညီ ဖြေရှင်း ရမှာ ဖြစ်တယ်လို့ ပါတီ ပြောရေးဆိုခွင့်ရှိသူ ဒေါက်တာ နန္ဒာလှမြင့်က ဘီဘီစီကို ပြောပါတယ်။

ဦးဘုန်းမော်ရွှေကို ပါတီ အနေနဲ့ အရေးယူဖို့ ရှိမရှိ ဘီဘီစီက မေးမြန်း ရာမှာ သူ့ကိုသာ မက ဘယ်သူ့ကို မဆို သူတို့ ပါတီ အခြေခံ စည်းမျဉ်းစည်းကမ်းတွေနဲ့ ကိုက်ညီမှု မရှိရင် အရေးယူ သွားမယ်၊ အခု ဖြစ်စဉ်မှာလည်း ပါတီစည်းကမ်းနဲ့ ညီညွတ်မှု ရှိမရှိ ပါတီတွင်း စိစစ် နေတယ်လို့ သာပြောဆိုပြီး တိတိကျကျ ဖြေခဲ့တာတော့ မရှိပါဘူး။

မေလ ၁၂ ရက်နေ့ မှာလည်း ကြံခိုင် ဖွံ့ဖြိုးရေး ပါတီရဲ့ သတင်းစာ ရှင်းလင်းပွဲ ကို နေပြည်တော် ပါတီဌာနချုပ်မှာ ပြုလုပ်ဖို့ရှိပါတယ်။

အဲဒီမှာ ကြံခိုင် ဖွံ့ဖြိုးရေး ပါတီရဲ့ ပြည်နယ်နဲ့တိုင်း ဝန်ကြီးချုပ်တွေ အဖြစ် တာဝန် ထမ်းဆောင် ခဲ့ဖူးသူတွေနဲ့ ပတ်သက်လို့ စုံစမ်းဆောင်ရွက်မှု တွေကို သတင်း မီဒီယာတွေ သိအောင် ပြောပြမယ်၊ ၂၀၁၇ ကြားဖြတ်ရွေးကောက်ပွဲနဲ့ ပတ်သက်ပြီး သူတို့ ပါတီ အပါအဝင် ပါတီ ၁၃ ခုက တင်ပြထားတဲ့ကိစ္စ သတင်းမီဒီယာတွေ မေးထားတာကို ပြန်ဖြေမယ်၊ ပါတီရဲ့လက်ရှိနဲ့ ရှေ့ဆက်သွားမယ့် လုပ်ငန်းစဉ်တွေ အကြောင်း ရှင်းလင်းပြောပြမယ်လို့ ဒေါက်တာ နန္ဒာလှမြင့်က ပြောပါတယ်။

BBC Burmese
http://www.bbc.com/burmese
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.