ပထမတန်းအတွက် သင်ရိုးညွှန်း တမ်း ဂျပန်အစိုးရ ကူညီ

 ကျောင်းတက်နေတဲ့ မူလတန်းကျောင်းသားတွေကို တွေ့ရစဉ် ကျောင်းတက်နေတဲ့ မူလတန်းကျောင်းသားတွေကို တွေ့ရစဉ်
Photo: RFA

မြန်မာနိုင်ငံမှာ ပြီးခဲ့တဲ့ နှစ် ၂၀ အတွင်း ပထမဆုံးအကြိမ် ပညာရေးပြုပြင်ပြောင်းလဲမှုအဖြစ် ပထမတန်းအတွက် သင်ရိုးညွှန်းတမ်းကို ဂျပန်နိုင်ငံ အကူအညီနဲ့ စတင်ခဲ့တယ်လို့ ကျိုဒို သတင်းက ဖော်ပြပါတယ်။

JICA ခေါ် ဂျပန်နိုင်ငံတကာ ပူးပေါင်းဆောင်ရွက်ရေးအေဂျင်စီရဲ့ ထောက်ကူမှုနဲ့ မြန်မာအစိုးရ ပညာရေးဝန်ကြီး ဌာနက ဇွန်လ ၁ ရက်နေ့က စပြီး၊ သင်ရိုးသစ်ကို အခြေခံတဲ့ ပထမတန်း ဖတ်စာအုပ်ပေါင်း ၁.၃ သန်းနီးပါးကို ဖြန့်ဝေခဲ့ပါတယ်။

CREATE အစီအစဉ်လို့ခေါ်တဲ့ အခြေခံပညာ မူလတန်းအဆင့် သင်ရိုးညွှန်းတမ်း ပြုပြင်ပြောင်းလဲရေး အစီအစဉ် ကို ၂၀၁၄ ခုနှစ် မေလက စတင်ခဲ့တာပါ။

မြန်မာနိုင်ငံက ပညာရေးကျွမ်းကျင်သူ ၆၀ ကျော် နဲ့ ဂျပန်ပညာရှင် ၄၀ ၀န်းကျင် ပါဝင်တဲ့ သင်ရိုးညွှန်းတမ်း ရေး ဆွဲရေးအဖွဲ့တွေ ပထမတန်းကနေ ပဉ္ဇမတန်းအထိ ဘာသာရပ် အားလုံးအတွက် ဖတ်စာအုပ်တွေပြုစုရာမှာ နည်းပညာဆိုင်ရာ အထောက်အကူပေးခဲ့တယ်လို့ JICA က ပြောပါတယ်။

သင်ရိုးသစ်အတွက် ဘာသာရပ် ၉ ခု ရှိရာမှာ သင်္ချာ၊ သိပ္ပံ၊ လူမှုသိပ္ပံ၊ ဂီတနဲ့ အနုပညာ၊ ပြည်သူ့နီတိ၊ အင်္ဂလိပ်စာ၊ ကာယပညာ၊ ဘ၀ပညာနဲ့ ဘာသာ စကား လေ့လာရေးတွေပါဝင်ပါတယ်။

စာသင်သားတွေ ပတ်ဝန်းကျင်ကို လွတ်လွတ်လပ်လပ် လေ့လာကြည့်မြင်နိုင်ဖို့၊ ဆက်သွယ် ဆက်ဆံနိုင်စွမ်း မြင့်မား လာဖို့၊ စူးစမ်းလိုစိတ်ကို လှုံ့ဆော်ပေး ဖို့၊ လေ့လာသင်ယူရာမှာ ပျော်ပိုက်ဖို့အတွက် ပြဌာန်းစာအုပ်သစ်တွေ ကို ပြုစုထားတယ်လို့ JICA က ပြောပါတယ်။

NLD အစိုးရဟာ ပညာရေးအတွက် မနှစ်က ကျပ်ငွေ ၁.၅ ထရီလီယံသုံးစွဲခဲ့ရာက ဒီနှစ်မှာ ၁.၇၆ ထရီလီယံ သုံးစွဲမယ်လို့ သိရပါတယ်။
VOA Burmese News
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.