ကရင်ပြည်နယ် မဘသအဖွဲ့ အမည်မပြောင်းလဲဘဲ ဆက်လက်အသုံးပြုမည်


အမျိုးဘာသာ သာသနာစောင့်ရှောက်ရေး (မဘသ)အဖွဲ့ကို ဖျက်သိမ်းဖို့ မြန်မာနိုင်ငံလုံးဆိုင်ရာ သံဃမဟာ နာယကအဖွဲ့က ညွှန်ကြားထားပေမယ့် မဘသအဖွဲ့ဟာ ဥပဒေနဲ့ ညီတဲ့အတွက် ကရင်ပြည်နယ် မဘသ အဖွဲ့က မူလနာမည်အတိုင်း ဆက်လက်အသုံးပြုသွားမယ်လို့ ကြေညာချက်ထုတ်ပြန်လိုက်ပါတယ်။

မဘသ ဗဟိုကတော့ ပြည်နယ်နဲ့တိုင်းအဖွဲ့တွေကို ပြောင်းလဲဖို့ညွန်ကြားထားပေမယ့် မဘသ အဖွဲ့ဟာ ဥပဒေနဲ့ ညီညွှတ်တဲ့အတွက် ဆက်သွားဖို့ ဆုံးဖြတ်တာလို့ ကရင်ပြည်နယ် မဘသအဖွဲ့ ဦးဆောင်ဆရာတော် တစ်ပါးက မိန့်ပါတယ်။

"မဘသ ဗဟိုကတော့ ဗုဒ္ဓ ဓမ္မ ပရဟိတ ဖောင်ဒေးရှင်း(ဗဟို) လို့ ပြောင်းသွားတဲ့အခါမှာ ကျန်တဲ့ ပြည်နယ်နဲ့တိုင်းတွေကို ပြောင်းဖို့ ညွှန်ကြားထားတာပဲ။ သို့သော် ဦးဇင်းတို့ကတော့ ဗဟိုက ဥပဒေနဲ့ ညှိနှိုင်းတဲ့အခါ ဥပဒေနဲ့ ညီညွှတ်တယ်ဆိုတာတွေ့ရတော့ ကရင်ပြည်နယ်မဘသရဲ့ သဘောထားဆန္ဒအတိုင်း ဒါပေမဲ့ ဗဟိုရဲ့ သြ၀ါဒ လမ်းညွှန်ချက်အတိုင်းလိုက်နာမယ် ဒါပေမဲ့ နာမည်ကတော့ မဘသကို မပြောင်းဘူး အဲ့လိုပြောတာဖြစ်ပါတယ်။ ဒါ ကရင်ပြည်နယ်ရဲ့ ဆုံးဖြတ်ချက် ဖြစ်ပါတယ်"

မဘသအဖွဲ့ဟာ သံဃာအဖွဲ့အစည်းနဲ့ ဆန့်ကျင်ငြိစွန်းခြင်းမရှိသလို၂၀၀၈ ဖွဲ့စည်းပုံအခြေခံဥပဒေ၊ ၂၀၁၄ ခုနှစ် အသင်းအဖွဲ့များ မှတ်ပုံတင်ခြင်းဆိုင်ရာ ပြည်ထောင်စု ဥပဒေတွေနဲ့လည်း ညီညွှတ်မှုရှိတဲ့အတွက် မဘသ အမည်ကို ဆက်လက်အသုံးပြုသွားဖို့ ဆုံးဖြတ်ခဲ့တာဖြစ်ကြောင်း ပြီးခဲ့တဲ့ ဇွန်လ ၁၁ ရက်နေ့က ထုတ်ပြန်တဲ့ ကြေညာချက်မှာပါရှိပါတယ်။

ကရင်ပြည်နယ် မဘသအဖွဲ့က မဘသအမည်ပြောင်းအဖွဲ့ဖြစ်တဲ့ ဗုဒ္ဓ ဓမ္မ ပရဟိတ ဖောင်ဒေးရှင်း(ဗဟို) ရဲ့ လမ်းညွှန်ချက်အတိုင်းဆောင်ရွက်သွားမှာဖြစ်သလို အခြားသော အမျိုးသားရေးအင်အားစုတွေနဲ့ မိတ်ဖက်အဖြစ် ပူးပေါင်းဆောင်ရွက်သွားမှာဖြစ်တယ်လို့ ပြောပါတယ်။

RFA Burmese
https://www.facebook.com/rfaburmese/
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.