အာဖဂန်စစ်သားလက်ချက်နဲ့ ကန်တပ်ဖွဲ့ဝင် ၄ ဦးသေဆုံး



အာဖဂန်နစ္စတန်နိုင်ငံ မြောက်ပိုင်း Balkh ပြည်နယ်တွင်းက စစ်အခြေစိုက်စခန်းမြင်ကွင်း။
အာဖဂန်နစ္စတန်နိုင်ငံ မြောက်ပိုင်း Balkh ပြည်နယ်မှာ အာဖဂန်တပ်ဖွဲ့ဝင်တစ်ယောက် အမေရိကန်တပ်ဖွဲ့ဝင်တွေကို ဒီကနေ့ စနေနေ့မှာ သေနတ်နဲ့ ပစ်ခတ်ခဲ့တာကြောင့် ၄ ယောက်သေဆုံးသွားခဲ့တယ်လို့ အမေရိကန်စစ်တပ် တာဝန်ရှိသူတွေက ပြောလိုက်ပါတယ်။

စစ်အခြေစိုက်စခန်းမှာထဲမှာ အာဖဂန်စစ်သားက ပစ်ခတ်ခဲ့တာကြောင့် အမေရိကန်တပ်ဖွဲ့ဝင် ၄ ဦး သေဆုံးသွားခဲ့ပြီး ၊ ဒီကိစ္စကို စုံစမ်းစစ်ဆေးနေတယ်လို့ Balkh ပြည်နယ်မှာရှိတဲ့ Shaheen တပ်ဖွဲ့ပြောခွင့်ရ Abdul Araam က ပြောပါတယ်။

ဒါ့အပြင် သေနတ်နဲ့ ပစ်ခတ်ခဲ့တဲ့ အာဖဂန်တပ်သားလည်း သေဆုံးသွားတယ်လို့ အာဖဂန်ကာကွယ်ရေးဝန်ကြီးဌာန ပြောခွင့်ရ Mohammad Radmanish က ပြောပါတယ်။

ဒီ ပစ်ခတ်မှုဟာ အထူးတပ်ဖွဲ့ရဲ့ တပ်ရင်းထဲမှာဖြစ်တာဖြစ်တယ်လို့ အမည်မဖော်တဲ့ ဒေသခံအာဖဂန်တာဝန်ရှိသူတဦးက ဗွီအိုအေကို ပြောပါတယ်။ ဒေသခံတွေကတော့ အဲဒီနေရာတ၀ိုက်မှာ စစ်ဘက်ရဟတ်ယာဉ်တွေ ပျံသန်းနေတာကိုတွေ့ရတယ်လို့ ပြောပါတယ်။

ဗွီအိုအေ (မြန်မာပိုင်း)
https://burmese.voanews.com
Labels:

Post a Comment

[blogger][facebook]

Author Name

Contact Form

Name

Email *

Message *

Powered by Blogger.