ကုလအချက်အလက် ရှာဖွေရေးအဖွဲ့ကို ပြည်ဝင်ခွင့် မပေးဖို့ ညွှန်ကြားမည်



နိုင်ငံခြားရေး ၀န်ကြီးဌာန ဒုတိယဝန်ကြီး ဦးကျော်တင် ကို ဇွန်လ ၂၉ ရက်နေ့ ပြည်သူ့လွှတ်တော်မှာ တွေ့ရစဉ် Photo: Win Naung Toe/RFA
ကုလသမဂ္ဂ လူ့အခွင့်အရေးကောင်စီက အချက်အလက်ရှာဖွေရေး အဖွဲ့ဝင်တွေကို မြန်မာနိုင်ငံကို လာရောက်ခွင့် မပြုဖို့အတွက် မြန်မာသံရုံးတွေကို ညွှန်ကြားပြီး ကာကွယ်တားဆီးသွားမယ်လို့ နိုင်ငံခြားရေး ၀န်ကြီးဌာန ဒုတိယဝန်ကြီး ဦးကျော်တင်က ဒီကနေ့ကျင်းပတဲ့ ပြည်သူ့လွှတ်တော် အစည်းအဝေးမှာ ပြောပါတယ်။

ဒီကနေ့ ကျင်းပတဲ့ ပြည်သူ့လွှတ်တော်အစည်းအဝေးမှာ လွှတ်တော်ကိုယ်စားလှယ် ဦးလှဌေးဝင်းရဲ့ ရခိုင်ပြည်နယ်ကို စေလွှတ်ဖို့ ကုလသမဂ္ဂက ဖွဲ့စည်းထားတဲ့ အချက်အလက် ရှာဖွေရေးအဖွဲ့နဲ့ပတ်သက်ပြီး အစိုးရက ကန့်ကွက်နေတဲ့ အခြေအနေအပေါ် မေးမြန်းခဲ့တဲ့ မေးခွန်းကို နိုင်ငံခြားရေးဝန်ကြီးဌာန ဒုတိယဝန်ကြီး ဦးကျော်တင်က အခုလို ပြန်လည်ဖြေကြားတာဖြစ်ပါတယ်။

နိုင်ငံတော်အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်ကိုယ်တိုင်ကလည်း ရခိုင်ပြည်နယ်ကို အချက်အလက်ရှာဖွေဖော်ထုတ်ရေးအဖွဲ့ စေလွှတ်မယ့် ကိစ္စဟာ မြေပြင်အခြေအနေများနဲ့ ကိုက်ညီမှုမရှိဘူးလို့ ပြီးခဲ့တဲ့ ဥရောပ ခရီးစဉ်မှာ ရှင်းလင်း ပြောဆိုခဲ့ကြောင်းလည်း ဦးကျော်တင်က ထည့်သွင်းပြောဆိုသွားပါတယ်။

ပြီးခဲ့တဲ့မတ်လမှာ ကျင်းပတဲ့ကုလသမဂ္ဂလူ့အခွင့်အရေးကောင်စီရဲ့ ၃၄ ကြိမ်မြောက်အစည်းအဝေးမှာ မြန်မာနိုင်ငံနဲ့ပတ်သက်တဲ့ လူ့အခွင့်အရေး အခြေအနေ အစီရင်ခံစာကို ဥရောပသမဂ္ဂက တင်သွင်းခဲ့ပြီး မဲမခွဲဘဲ အတည်ပြု ခဲ့တာဖြစ်ပါတယ်။

အဲဒီလို အတည်ပြုပြီးနောက် ပြီးခဲ့တဲ့မေလ ၃၀ ရက် နေ့မှာ မြန်မာနိုင်ငံအတွက် ဖွဲ့စည်းထားတဲ့ အချက်အလက်ရှာဖွေဖော်ထုတ်ရေးအဖွဲ့ကို လူ့အခွင့်အရေးကောင်စီက ခန့်အပ် တာဝန်ပေးထားပြီး မဏာမအစီရင်ခံစာကို ၂၀၁၇ ခုနှစ် စက်တင်ဘာလနဲ့ အစီရင်ခံစာအပြည်အစုံကို ၂၀၁၈ ခုနှစ် မတ်လမှာတင် သွင်းရမှာ ဖြစ်ပါတယ်။

RFA Burmese
http://www.rfa.org/burmese
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.