မိုင်းဖြတ်မြို့ ဆိုင်းလေရွာအနီးတွင် ယာဉ်တစ်စီး လမ်းဘေးထိုးကျ၍ ယာဉ်မောင်းနှင်သည့် မြေစာရင်းဌာနအရာရှိ သေဆုံး


ရှမ်းပြည်နယ်(အရှေ့ပိုင်း) ကျိုင်းတုံ - မိုင်းဖြတ်လမ်း ဆိုင်းလေရွာအနီးတွင် ဇွန်လ (၂၀)ရက်နေ့က မော်တော်ယာဉ် တစ်စီး အရှိန်လွန်ကာ လမ်းဘေး ချောက်ကမ်းပါး အတွင်းသို့ ကျသွားသဖြင့် ယာဉ်မောင်းနှင်သည့် တာလေ မြေစာရင်းဦးစီးဌာနမှ လက်ထောက်ဦးစီးအရာရှိ သေဆုံးသွားကြောင်း သိရသည်။

မိုင်းဖြတ်မြို့မရဲစခန်းသို့ ဇွန်လ (၂၀)ရက်နေ့ နေ့လယ် (၁)နာခွဲခန့်က မော်တော်ယာဉ်တိမ်းမှောက်ကြောင်း ဆက်သွယ် အကြောင်းလာသဖြင့် ရဲတပ်ဖွဲ့ဝင်များသည် အခင်းဖြစ်ပွားရာ ကျိုင်းတုံ - မိုင်းဖြတ်လမ်း မိုင်တိုင် အမှတ် (၇၀၂)နှင့် (၇၀၃)ကြား ဆိုင်းလေရွာအနီးသို့ သွားရောက် စစ်ဆေးရာ ကျိုင်းတုံဘက်မှ မိုင်းဖြတ်ဘက်သို့ ဦးကျော်စိုး မောင်းနှင်ပြီး ၎င်း၏ ဇနီးဖြစ်သူ ဒေါ်မီမီယဉ်၊ ဦးသန်းထွန်းလေးတို့ လိုက်ပါလာသည့် ယာဉ်သည် လမ်း၏ ယာဘက်ဘေး ချောက်ကမ်းပါးတွင် ထိုးကျတိမ်းမှောက်နေသည်ကို တွေ့ရကြောင်း သိရသည်။


ယာဉ်တိမ်းမှောက်မှုကြောင့် ယာဉ်မောင်းနှင်သူ ဦးကျော်စိုးမှာ နေရာတွင် သေဆုံးသွားပြီး ယာဉ်ပေါ် လိုက်ပါလာသူနှစ်ဦးမှာ ဒဏ်ရာရသွားကြောင်း သိရသည်။

အဆိုပါ ယာဉ်တိမ်းမှောက်မှုနှင့် ပတ်သက်၍ ယာဉ်မောင်းနှင်သူ ကျော်စိုး(သေဆုံး)အား မိုင်းဖြတ်မြို့မ ရဲစခန်းတွင် ယာဉ်(ပ) ၁၈/၂၀၁၇၊ ရာဇသတ်ကြီးပုဒ်မ ၂၇၉/ ၃၃၇/ ၃၀၄ -က တို့ဖြင့် အမှုဖွင့်ဆောင်ရွက်နေကြောင်း သိရသည်။

ယာဉ်မှောက်မှု ဖြစ်ပွားရာ နေရာသို့ မိုင်းဖြတ်မြို့နယ်အုပ်ချုပ်ရေးမှူး ဦးစိုးလှိုင်၊ မြို့နယ်မီးသတ်ဦးစီးမှူး နှင့် ၀န်ထမ်းများ၊ အမှတ်(၇၀၀၂) သံချပ်ကာတိုက်ခိုက်ရေးတပ်ရင်း မှ တပ်ရင်းမှူး နှင့် တပ်ဖွဲ့ဝင်များ လူမှုရေးအသင်းအဖွဲ့များ သွားရောက်ကူညီ ပေးခဲ့ကြောင်း သိရသည်။

သတင်း - ကိုသာ
Tachileik News Agency
http://www.tachileik.net
Labels:

Post a Comment

[blogger][facebook]

Author Name

Contact Form

Name

Email *

Message *

Powered by Blogger.