“ကျနော့်အိမ်ဆိုရင် အရင်က အောက်ထပ်ကို ရေဝင်တာ သိပ်မရှိဘူး။ အခုက ပေါင်လောက်အထိရေဝင်နေပြီ” လို့ ပြည်နယ်လွှတ်တော်ကိုယ်စားလှယ် ဦးဒါရှီလဆိုင်းက ဒီဗွီဘီကို ပြောပါတယ်။
ဒီနှစ်အတွက်တော့ ဒုတိယအကြိမ် ရေကြီးတာဖြစ်ပြီး အရင်နှစ်တွေကထက် စံချိန်တင်ရေကြီးတာလို့ ဒေသခံတွေက ပြောပါတယ်။
“ ၂၀၁၄၊ ၁၅ တွေတုန်းကထက် ပိုတာပေါ့။ ၁ ပေ၊ ၂ ပေလောက် ပိုနိုင်တယ်။ သေချာတော့ မသိရသေးဘူး။ အခု အနိမ့်ပိုင်းက လူတွေကို ကယ်ဆယ်ရေး လိုက်လုပ်နေလို့ပါ” လို့ ဒေသခံ ဦးမြင့်သောင်းက ပြောပါတယ်။
လက်ရှိမှာတော့ အနိမ့်ပိုင်းနေရာက လူတွေကို မြို့နယ် ဓမ္မာရုံအပါအဝင် နေရာသုံးခုမှာ ပြောင်းရွှေ့ပေးထားတယ်လို့လည်း သိရပါတယ်။
ဖားကန့်မြို့ပေါ်မှာကတော့ ငှက်ပျောတော၊ မြို့မ၊ အေးမြသာယာနဲ့ ငရှီကထောင်ရပ်ကွက်တွေမှာ ရေကြီးနေတာပါ။
“လက်ရှိမှာတော့ စိုးရိမ်ရေမှတ်ထက် တစ်ပေကျော် ပိုနေပါပြီ။ ရေတက်တာကတော့ တန့်နေတယ်။ မိုးရွာရင်တော့ ထပ်တက်မှာပဲ” လို့ ဖားကန့်မြို့နယ် အန်အယ်လ်ဒီက ဦးခင်မောင်ချင်းက ပြောပါတယ်။
မိုးလေဝသ ပညာရှင် ဒေါက်တာထွန်းလွင်ကတော့ နေရာကွက်ပြီး မိုးသည်းနိုင်တဲ့ ဒေသတွေမှာ ကချင်ပြည်နယ် အရှေ့တောင်ပိုင်းပါနေတယ်လို့ ဆိုပါတယ်။
===========
ပိုင်စိုး
DVB TV News
http://burmese.dvb.no/archives/213090
Post a Comment
မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်