နိုင်ငံတော် သမ္မတ နှင့် ဇနီး အမျိုးသား ဒီမိုကရေစီ အဖွဲ့ချုပ် နာယက ဦးတင်ဦး၏ ကျန်းမာရေးအခြေအနေအား ကြည့်ရှု အားပေး



နိုင်ငံတော် သမ္မတ နှင့် ဇနီး NLD နာယက ဦးတင်ဦးအား ကြည့်ရှုအားပေးနေစဉ်(ဓာတ်ပုံ- Myanmar President Office)
    ရန်ကုန် ၊ ဇွန် ၆ ရက်(ဆင်ဟွာ)

    နိုင်ငံတော်သမ္မတ ဦးထင်ကျော် နှင့် ဇနီး ဒေါ်စုစုလွင်သည် ရန်ကုန်ပြည်သူ့ဆေးရုံကြီး နှလုံး အထူး ကြပ်မတ် ကုသဆောင်၌ ဆေးဝါးကုသမှု ခံယူ နေသည့် အမျိုးသား ဒီမိုကရေစီ အဖွဲ့ချုပ် နာယက ဦးတင်ဦး၏ ကျန်းမာရေး အခြေအနေကို ယနေ့ ဇွန် ၆ ရက်တွင် သွားရောက်ကြည့်ရှုကာ အားပေးစကားပြောကြားခဲ့ကြောင်း နိုင်ငံတော် သမ္မတရုံးထံမှ သိရသည်။

အမျိ်ုးသားဒီမိုကရေစီအဖွဲ့ချုပ် နာယက ဦးတင်ဦးသည် ဦးနှောက်သွေးကြော ပိတ်ပြီး ကိုယ်တစ်ခြမ်း လေဖြတ်ရောဂါ ခံစားရသဖြင့် ရန်ကုန်ပြည်သူ့ဆေးရုံကြီး၌ တက်ရောက် ဆေးဝါးကုသနေခြင်းဖြစ်ပြီး လက်ရှိကာလတွင် အပျော့စားအစားအစာ များကို သုံးဆောင်နိုင်သည့်အပြင် ၁၅ မိနစ်ခန့် မတ်တပ်ရပ်လာ နိုင်သည်အထိ ကျန်းမာ ရေးတိုးတက်လာပြီဖြစ်ကြောင်း သိရသည်။

နိုင်ငံတော် သမ္မတ နှင့် ဇနီး ရန်ကုန်ပြည်သူ့ဆေးရုံကြီး နှလုံးနှင့် သွေးကြော ရောဂါ ကုသ ဌာန တွင် ဆေးဝါးကုသမှုခံယူနေကြသည့် ဝေဒနာရှင် ပြည်သူများကို တွေ့ ဆုံ အားပေးနေစဉ်(ဓာတ်ပုံ- Myanmar President Office)
ပုံမှန်အတိုင်းပြောဆိုလှုပ်ရှားနိုင်ရေးအတွက်အချိန်အတိုင်းအတာတစ်ခုထိ လေ့ကျင့်ခန်း များကို ဆက်လက် လုပ်ဆောင်သွားရမည် ဖြစ်ပြီး ဆေးရုံမှဆင်းနိုင်ရန် ဆရာဝန်ကြီး များနှင့်အဖွဲ့က ဆက်လက် ညှိနှိုင်း ဆောင်ရွက်သွားမည် ဖြစ်ကြောင်း သိရသည်။

ထို့ အတူ နိုင်ငံတော်သမ္မတနှင့်ဇနီးတို့သည် ရန်ကုန်ပြည်သူ့ဆေးရုံကြီး နှလုံးနှင့် သွေးကြော ရောဂါ ကုသ ဌာန တွင် ဆေးဝါးကုသမှုခံယူနေကြသည့် ဝေဒနာရှင်ပြည်သူ များကို ရင်းရင်းနှီးနှီး တွေ့ဆုံ အားပေးစကား ပြောကြားခဲ့ကြောင်း သိရသည်။

(Xinhua)
http://www.xinhuamyanmar.com
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.