ဘားအံမှာ ကျောက်မီးသွေး စက်ရုံ လေ့လာဆန်းစစ် မှု ပြုလုပ်မည်


အံဒင်ကျေးရွာမှာ တည်ဆောက်မယ့် ကျောက်မီးသွေးသုံး လျှပ်စစ်ဓာတ်အားပေးစက်ရုံစီမံကိန်း ဖျက်သိမ်းပေးဖို့ ၂ဝ၁၆ ခုနှစ် မေလ ၅ ရက်နေ့ က ဒေသခံတွေ ကန့်ကွက်ဆန္ဒပြစဉ်။ Photo: Kyaw Lwin Oo/RFA
မွန်ပြည်နယ် ရေးမြို့နယ်မှာ ဆောက်လုပ်ခွင့်မရခဲ့တဲ့ ကျောက်မီးသွေးသုံး လျှပ်စစ်ဓာတ်အားပေးစက်ရုံ ကို ကရင်ပြည်နယ် ဘားအံမြို့မှာ ဆောက်လုပ်ဖို့အတွက် ကြိုတင်လေ့လာဆန်းစစ်မှုတွေ ဆောင်ရွက် ဖို့ ပြည်နယ်အစိုးရနဲ့ တိုယိုထိုင်းကုမ္ပဏီတို့ နားလည်မှုစာချွန်လွှာ လက်မှတ်ရေးထိုးလိုက်ပါတယ်။

ကရင်ပြည်နယ်မှာ ဓာတ်အားထုတ်လုပ်တာတွေ မရှိတဲ့အတွက် ပြည်နယ်ရဲ့ ဓာတ်အားလိုအပ်ချက်ကြောင့် သဘောတူလိုက်တာလို့ ပြည်နယ်အစိုးရအဖွဲ့ လျှပ်စစ်နဲ့စက်မှုဝန်ကြီး ဦးစိုးလှိုင် က ပြောပါတယ်။

"ကြိုတင်လေ့လာဆန်းစစ်မှု လုပ်ဖို့အတွက် တိုယိုထိုင်းကုမ္ပဏီကို ကျနော်တို့က သတ်မှတ်ပေးထားတာပေါ့။ ကျနော်တို့ ပြည်နယ်အတွင်းမှာ ဓာတ်အားထုတ်လုပ်တဲ့စက်ရုံ တစ်ရုံမှ မရှိပါဘူးခင်ဗျ။ နောက် ကိုယ့်ပြည် နယ်အတွင်းမှာလည်း ဓာတ်အားထုတ်လုပ်မှုတွေ လိုအပ်ပါတယ်ခင်ဗျ။ နောက်တစ်ခုက နိုင်ငံတော်ရဲ့ ဓာတ်အားစနစ်လိုအပ်ချက်မှာလည်း ကျနော်တို့က ပြည်နယ်တစ်ခုအနေနဲ့ ဝင်ပြီးဖြည့်ဆည်းပေးတဲ့ ပုံစံမျိုးနဲ့ ကျနော်တို့ ကူညီဆောင်ရွက်တာပါခင်ဗျ"

တိုယိုထိုင်းကုမ္ပဏီဟာ လေ့လာဆန်းစစ်ချက်နဲ့ လူထုသဘောတူညီမှုရအောင် လုပ်ဆောင်ရမှာဖြစ်ပြီး တကယ် လို့ ဒေသခံပြည်သူတွေက ကန့်ကွက်ရင် ပြည်နယ်အစိုးရဘက်က စီမံကိန်းကို လက်ခံမှာ မဟုတ်ဘူးလို့ လည်း ပြောပါတယ်။

တိုယိုထိုင်းကုမ္ပဏီက ကရင်ပြည်နယ် ဘားအံမြို့ သံလွင်မြစ်ကမ်းဘေးမှာ တည်ဆောက်ဖို့အတွက် လေ့လာ ဆန်းစစ်ချက်တွေ စတင်လုပ်ဆောင်နေပြီး ဒီလအတွင်းမှာ ဒေသခံလူထုနဲ့တွေ့ဆုံဖို့ စီစဉ်ထားတယ်လို့ သိရပါတယ်။

တိုယိုထိုင်းကုမ္ပဏီဟာ မွန်ပြည်နယ် ရေးမြို့နယ် အံဒင်ကျေးရွာမှာ ကျောက်မီးသွေး လျှပ်စစ်ဓာတ်အားပေး စက်ရုံဆောက်ဖို့ စီစဉ်ခဲ့ပေမယ့် ဒေသခံတွေက ကန့်ကွက်ဆန္ဒပြတာကြောင့် ကရင်ပြည်နယ်ကို ရောက်ရှိ လာတာဖြစ်ပါတယ်။ ဘားအံမြို့မှာ ၁၂၆ဝ မဂ္ဂါဝပ်ရှိတဲ့ ကျောက်မီးသွေးသုံး လျှပ်စစ်ဓာတ်အား ထုတ်လုပ်ဖို့ လျာထားပြီး ရင်းနှီးမြုပ်နှံမှု ပမာဏကိုတော့ လေ့လာဆန်းစစ်ချက်တွေ ပြီးစီးမှ သိရမှာဖြစ်ပါတယ်။

RFA Burmese
http://www.rfa.org/burmese
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.