မီဇီုရမ်တွင် ရေကြီး မြေပြိုမှုကြောင့် လူအသေအပျောက်ရှိပြီး နေအိမ်အများအပြား ပျက်စီး


ခိုနူမ်းသုန်သတင်း၊ ၁၅ ဇွန် ၂၀၁၇

အိန္ဒိယနိုင်ငံအရှေ့မြောက်ဒေသ မီဇိုရမ်ပြည်နယ်အတွင်း နှစ်ရက်ဆက်တိုက် မိုးရွာသွန်းမှုကြောင့် ရေကြီး၊ မြေပြို၊ တောင်ပြိုမှုများ ဖြစ်ပွားကာ လူအသေအပျောက် ၁၀ ဦးရှိပြီး နေအိမ်အများအပြား ပြိုကျပျက်စီးခဲ့သည်ဟု သိရသည်။

အဆိုပါကြောင့် ထိခိုက်ပျက်စီးမှုအဆိုးဆုံးမှာ မီဇိုရမ်ပြည်နယ် Lunglei မြို့နယ် Tlabung ခရိုင် ဖြစ်ပြီး Tlabung ဒေသရှိ Marpara “S”၊ Changpui နှင့် Phairuangkai ကျေးရွာများတွင် မြေပြိုမှုကြောင့် လူ ၁၀ ပျောက်ဆုံးသွားပြီး အလောင်း ၃ လောင်းသာတွေ့ရှိသေပြီး ကျန် ၇ ဦးမှာ ဆက်လက်ရှာဖွေနေဆဲဖြစ်ကြောင်း မီဇိုရမ်ဒေသထုတ် The Aizawl Post သတင်းစာတွင် ဖော်ပြသည်။

မီဇီုရမ် Disaster Management & Rehabilitation (DMR) department ၏ ဇွန်လ ၁၃ ရက်ညနေအထိ မှတ်တမ်းပြုစုထားချက် အရ Tlabung ခရိုင် အတွင်း ရေကြီးမှုကြောင့် အိမ်ခြေ ၃၅၀ ကျော် နှင့် Tlabung ကျေးရွာတွင် အိမ်ခြေ ၁၂၁ အိမ် ပျက်စီးသွားကြောင်း သိရသည်။

ပျက်စီးသွားသည့်အဆောက်အဦးများမှာ လူနေအိမ်များအပြင် ဘုရားကျောင်း၊ ကျောင်းဆောင်၊ Indoor Stadium, ICDS centre နှင့် အားကစားကွင်းများလည်း ပါဝင်ကြောင်းသိရသည်။

ယင်းရေကြီးမှုကြောင့် လုံခြုံသည့်နေရာသို့ ပြောင်းရွေ့ခဲ့ရသည့် မိသားစု ၁၃၈ ရှိနေပြီဖြစ်ကြောင်း သိရပြီး ၄င်းကျေးရွာများအပြင် Tlabung Sub-Division ဒေသအတွင်း တည်ရှိသော Serhuan, Tippereghat, Nunsury-II, Silkur, Tuichawng, Balukiasuri, Lamthai, Malsuri, Diblibagh နှင့် Kalapani ကျေးရွာတို့တွင်လည်း မိသားစု ၁၅၀၀ ကျော်မှ ယင်းရေကြီးမှုဒဏ်ကို ခံစားကြောင်း Vanglaini သတင်းစာတွင် ဖော်ပြသည်။

ယခုကဲ့သို့ နှစ်ရက်ဆက်တိုက် မိုးရွာသွန်းမှုကြောင့် မီဇိုရမ်ပြည်နယ်ရှိ Tlawng မြစ်ရေတက်လာပြီး အိမ်ခြေ ၁၅ အိမ် ပျက်စီးကာ မိသားစု ၅၂ စုကို လုံခြုံရာသို့ ပြောင်းရွေ့ခဲ့ရသည်။ ယခုကဲ့သို့ Tlawng မြစ်ရေကြီးမှုသည် လွန်ခဲ့သည့် အနှစ် ၂၀ အတွင်း အကြီးမားဆုံးဖြစ်မည်ဟုလည်း ဒေသခံများက ပြောသည်။

မီဇိုရမ်ပြည်နယ် မြို့တော်အိုက်ဇောလ်တွင်လည်း မြေပြိုမှုကြောင့် နေအိမ် ၆ အိမ်ခန့် မိမိလုံခြုံရေးအတွက် နေအိမ်များ စွန့်ခွာပြီး ပြောင်းရွေ့သူ အိမ်ခြေ ၁၀၀ ခန့် ရှိနေပြီဖြစ်ကြောင်းနဲ့ အများစုမှာ Sairang ရပ်ကွက်ဖြစ်ကြောင်း သိရသည်။ ယင်းပျက်စီးမှု များကြောင့် မြို့ချင်းဆက်၊ ရွာချင်းဆက် ကားလမ်းများလည်း ပိတ်ဆို့ကာ သွားရေးလာရေးကအစ အတော်လေး ခက်ခဲမှုများ ကြုံတွေ့နေရကြကြောင်း သိရသည်။

Khonumthung Burmese
https://www.facebook.com/KhonumtungBurmese/
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.