အပိတ်ခံထားရတဲ့ မြန်မာနိုင်ငံ သားတွေရဲ့ ဘဏ်ငွေစာရင်း အများစုကို ပြန်ဖွင့်ပေး



တရုတ်နိုင်ငံ ရွှေလီမြို့ ဒုတိယမြို့တော်ဝန် Mr. Li Tao နဲ့ မြန်မာနိုင်ငံက ဘဏ်ငွေစာရင်းပိတ်ခံရသူတွေ ဇွန်လ ၁၈ ရက်နေ့က ညှိနှိုင်းဆွေးနွေးခဲ့စဉ်။ Photo: Chinese Embassy in Myanmar FB
တရုတ်ဘက်က ယာယီပိတ်ထားတဲ့ မြန်မာနိုင်ငံသားတွေရဲ့ ဘဏ်ငွေစာရင်းအများစုကို မနေ့က ပြန်ဖွင့်ပေး လိုက်တယ်လို့ ကုန်သွယ်ရေးဦးစီးဌာန ညွှန်ကြားရေးမှူးချုပ် ဦးရန်နိုင်ထွန်းက ပြောပါတယ်။

လက်ရှိအချိန်မှာ မြန်မာနိုင်ငံသားတွေရဲ့ ဘဏ်စာရင်း ၂၁ ခုလောက်သာ စိစစ်ဆဲအဖြစ်ကျန်ရှိနေပြီး ကျန်တဲ့ ဘဏ်စာရင်းတွေ အားလုံးကို ဖွင့်ပေးလိုက်တာဖြစ်ကြောင်း ညွှန်ကြားရေးမှူးချုပ် ဦးရန်နိုင်ထွန်းက ပြောပါတယ်။

"အတော်များများကတော့ ဖွင့်ပေးလိုက်ပြီလို့ သိရပါတယ်။ ကျနော်တို့ သိသလောက်ကတော့ ၂၁ ခုလောက်တော့ စိစစ်ဆဲလို့ သိရတယ်။ ကျန်တာတော့ အားလုံးဖွင့်ပေးလိုက်ပြီလို့ ပြောပါတယ်။ ဒီဖြစ်စဉ်က တောက်လျှောက်ညှိနေခဲ့တာပဲလေ။ တရုတ်သံရုံးနဲ့ရော မြေပြင်မှာရှိတဲ့ ရွှေလီအစိုးရနဲ့ရော ကျနော်တို့ တောက်လျှောက်ညှိနေပါတယ်။ ညှိနေလို့ရလာတဲ့ ရလဒ်ဖြစ်ပါတယ်။"

ကျန်ရှိနေတဲ့ မြန်မာနိုင်ငံသားတွေရဲ့ ဘဏ်စာရင်းတွေကို အမြန်ဆုံးဖွင့်ပေးဖို့အတွက် ညှိနှိုင်းနေပြီး တရုတ်ဘက် ကလည်း စိစစ်ပြီးအမြန်ဆုံးဖွင့်ပေးမှာဖြစ်ကြောင်း ပြောထားတယ်လို့ ဦးရန်နိုင်ထွန်းက ဆိုပါတယ်။

တရုတ်အစိုးရက အွန်လိုင်းလောင်းကစားမှုတွေနဲ့ပတ်သက်တဲ့ ငွေကြေးကိစ္စတွေအတွက် နယ်စပ်မှာရှိတဲ့ ဘဏ်တွေက ငွေစာရင်းတွေကို အခုလ ၁၄ ရက်နဲ့ ၁၅ ရက်နေ့တွေမှာ ပိတ်ခဲ့တာဖြစ်ပါတယ်။

အဲဒီလိုပိတ်လိုက်ရာမှာ မြန်မာနိုင်ငံသားကုန်သည်တွေရဲ့ ဘဏ်စာရင်း ၁ဝဝ ကျော်ပါဝင်သွားတယ်လို့ အစိုးရက ထုတ်ပြန်ထားပေမယ့် ကုန်သည်တွေကတော့ ၁ဝဝဝ ကျော်လောက်ရှိတယ်လို့ ပြောပါတယ်။

အပိတ်ခံထားရတဲ့ ဘဏ်စာရင်းတွေကို ပြန်ဖွင့်ပေးဖို့အတွက် ကုန်သည်တွေနဲ့ ငွေလဲလှယ်သူ ၂ဝဝ လောက်က ဇွန်လ ၂၃ ရက် မနက်ပိုင်းက မူဆယ်မြို့မှာ ဆန္ဒပြခဲ့ပြီး ညနေပိုင်းမှာ တရုတ်ဘက်က ဘဏ်စာရင်းတွေကို ပြန် ဖွင့်ပေးခဲ့တာဖြစ်ပါတယ်။

RFA Burmese
http://www.rfa.org/burmese
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.