ဗြိတိသျှဝန်ကြီးချုပ် May အစိုးရသစ် ဖွဲ့စည်း


လူမှုရေးဆိုင်ရာ ကိစ္စရပ်တွေအပါအ၀င် Brexit လို့ခေါ်တဲ့ ဗြိတိန်နိုင်ငံ အီးယူထဲကနေ အောင်မြင်စွာ နုတ်ထွက်ရေး အာရုံစိုက် လုပ်ဆောင်ဖို့ ရည်ရွယ်ချက်နဲ့ပြဿနာမျိုးစုံနဲ့ ရင်ဆိုင်နေရတဲ့ ဗြိတိန်ဝန်ကြီးချုပ် Theresa May ဟာ အစိုးရ ၀န်ကြီးအဖွဲ့သစ်ကို ကြေညာလိုက်ပါတယ်။

အသစ်ဖွဲ့စည်းလိုက်တဲ့ အစိုးရအဖွဲ့ထဲမှာ ကွန်ဆာဗေးတစ်ပါတီတခုလုံးအတွင်းက အစွမ်းအစရှိသူတွေကို ထည့်သွင်းထားကြောင်း ၀န်ကြီးချုပ် May က တနင်္ဂနွေနေ့မှာ ပြောကြားလိုက်ပါတယ်။


အလုပ်အကိုင်နဲ့ ခံစားခွင့်ရေးရာ ၀န်ကြီးဟောင်း၊ Damian Green ကို First Secretary of State လို့ခေါ်တဲ့ ဒုတိယ၀န်ကြီးချုပ်အဆင့်နဲ့ အဆင့်အတန်းတူတဲ့ သူမရဲ့လက်ထောက် ရာထူးနေရာကို ခန့်အပ်လိုက်ပါတယ်။

Mr. Green ရဲ့ နေရာကိုတော့ ဘဏ္ဍာရေးဝန်ကြီး David Gauke ကို အစားထိုးခန့်အပ်လိုက်ပြီး တချိန်ထဲမှာပဲ အောက်လွှတ်တော် ခေါင်းဆောင် David Lidington ကို တရားရေးဝန်ကြီး ရာထူး အပ်နှင်းလိုက်ပါတယ်။

ပြစ်တင်ဝေဖန်မှုတွေနဲ့ ကြုံနေရတဲ့ တရားရေးဝန်ကြီး Liz Truss ကို Gauke ရဲ့ နေရာဖြစ်တဲ့ ဘဏ္ဍာရေး ၀န်ကြီးအဖြစ် ၀န်ကြီးချုပ်က ပြောင်းလဲ ခန့်ထားလိုက်ပါတယ်။

ထင်မှတ်မထားတဲ့ ခန့်အပ်မှုအသစ်တခုကတော့ ၀န်ကြီးချုပ် May က အစိုးရအဖွဲ့အတွင်းကနေ ထုတ်ပယ်ထားတာ တနှစ် မပြည့်သေးတဲ့ Michael Gove ကို သဘာဝ ပတ်ဝန်းကျင်နဲ့ စိုက်ပျိုးရေးဝန်ကြီး နေရာကို ခန့်အပ်လိုက်တာဖြစ်ပါတယ်။

Boris Johnson ကတော့ နိုင်ငံခြားရေးဝန်ကြီး ရာထူးကို ဆက်လက် ဆောင်ရွက်ရမှာ ဖြစ်ပြီး EU အဖွဲ့အစည်းနဲ့ ပတ်သက်ပြီး ယုံကြည်မှုနည်းပါးသူ David Davies ကို EU အဖွဲ့ကနေ ဗြိတိန်နိုင်ငံ နုတ်ထွက်ရေးကို ကြီးကြပ် ကွပ်ကဲရသူ Brexit ၀န်ကြီးအဖြစ် ဆက်လက်ရှိနေမှာ ဖြစ်ပါတယ်။

မနှစ်က အစိုးရအပြောင်းလဲ ကာလတုန်းက ပြည်ထဲရေးဝန်ကြီးအဖြစ် ခန့်အပ်လိုက်တဲ့ Amber Rudd နဲ့ ကာကွယ်ရေးဝန်ကြီး Michael Fallon တို့ကတော့ မူလ၀န်ကြီး ရာထူးတွေမှာပဲ ဆက်လက် ထမ်းဆောင်ကြရမှာ ဖြစ်ပါတယ်။

ဗွီအိုအေ (မြန်မာပိုင်း)
https://burmese.voanews.com
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.