Y8 ရှာဖွေရေး နိုင်ငံတကာ ကမ်းလှမ်းမှု တပ်မတော် လက်မခံ


ဒေသ ခံတွေ နဲ့ အတူ ပူးပေါင်း ပြီး ရှာဖွေမှု တွေ တပ်မတော် ဘက် က ဆက်လက် ပြုလုပ် နေ

ဇွန်လ ၇ ရက်နေ့ ဗုဒ္ဓဟူးနေ့ တုန်း က ပျက်ကျ ခဲ့ရတဲ့ တပ်မတော် သယ်ယူ ပို့ဆောင်ရေး လေယာဉ် ထဲက ခရီးသည် ထက်ဝက် ကျော်ရဲ့ အလောင်း တွေကို ပြန်လည် ဆယ်ယူ ရရှိပြီ လို့ တပ်မတော်က သတင်း ထုတ်ပြန် ပါတယ်။

တရုတ် နိုင်ငံ က ဝယ်ယူ ထားတဲ့ အင်ဂျင် လေးလုံးပါ Y8 အမျိုးအစား လေယာဉ် ပျက်ကျ ခဲ့ရတာ ဟာ ရာသီဥတု ကြောင့် လို့ သုံးသပ်လို့ ရကြောင်း တပ်မတော် ဘက် က ပြောပါတယ်။

လတ်တလော မှာ ပျက်ကျ ခဲ့ရတဲ့ လေယာဉ် ကိုယ်ထည် ကို ဒေသ ခံတွေ နဲ့ အတူ ပူးပေါင်း ပြီး ရှာဖွေမှု တွေ တပ်မတော် ဘက် က ဆက်လက် ပြုလုပ် နေပါတယ်။

ပျက်ကျ ခဲ့ရတဲ့ လေယာဉ် ကို ဝိုင်းဝန်း ကူညီ ရှာဖွေ ပေးဖို့ တရုတ် နိုင်ငံ အပါအဝင် နိုင်ငံ အချို့က ကမ်းလှမ်း မှု တွေ လုပ်ခဲ့ ပေမယ့် တပ်မတော် ဘက် က ငြင်းဆို ထားပါတယ်။

ဆိုဗီယက် ပြည်ထောင်စု က ထုတ်လုပ် ခဲ့ဖူးတဲ့ အန်တိုနော့ဗ် အန် ၁၂ အမျိုးအစား ကို မူပြောင်း ထုတ်လုပ် ထားတဲ့ Y8 လေယာဉ် အမျိုးအစား လေယာဉ် က လုံခြုံစိတ်ချ ရမှု အပိုင်း အားနည်း တယ်လို့ နိုင်ငံတကာ လေကြောင်း ကျွမ်းကျင်သူတွေက သုံးသပ် ကြပါတယ်။

မြန်မာ့ တပ်မတော် အနေနဲ့ Y8 လေယာဉ် ရဲ့ ပျံသန်းမှု မှတ်တမ်းကို ရရှိဖို့ အတွက် ရှာဖွေမှုတွေ လုပ်ဆောင်ရာမှာ နည်းပညာ ပိုင်းအရ လိုအပ်ချက် ရှိကောင်း ရှိနိုင်ကြောင်း ကျွမ်းကျင်သူတွေက ပြောပါတယ်။

တပ်မတော် က ဝယ်ယူ ထားတဲ့ Y8 အမျိုးအစား လေယာဉ် ဟာ ပြီးခဲ့တဲ့ ၂၀၁၆ ခုနှစ် က မှ ရောက်ရှိခဲ့တဲ့ လေယာဉ် အသစ် ဖြစ်ပြီး ပျံသန်းချိန် နာရီ ၈၀၀ ကျော် သာ ရှိသေးကြောင်း သိရှိရပါတယ်။

ဇွန်လ ၇ ရက်နေ့က Y8 အမျိုးအစား တပ်မတော် သယ်ယူပို့ဆောင်ရေး လေယာဉ် ဟာ မြိတ် ကနေ ရန်ကုန် မြို့ကို ပျံသန်း လာစဉ် ထားဝယ် မြို့ အနီး က လောင်းလုံ ဒေသ နားမှာ အဆက်အသွယ် ပြတ်တောက်ပြီး ပျောက်ဆုံး သွားခဲ့တာ ဖြစ်ပါတယ်။
BBC Burmese
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.