A(H1N1) ရောဂါကာကွယ်ဆေးထိုး ကြဖို့နဲ့ အလွန်အမင်းမစိုးရိမ်ကြဖို့ တိုက်တွန်း



ရန်ကုန်တိုင်း ကျန်းမာရေးဦးစီးဌာန တာဝန်ရှိသူတွေ ဇူလိုင်လ ၂၄ ရက်နေ့က တိုင်းကျန်းမာရေးဦးစီးဌာနရုံးမှာ သတင်းစာရှင်းလင်းပွဲ ကျင်းပနေစဉ်။ Photo: Aung Thain Kha/ RFA
ရာသီတုပ်ကွေးရောဂါ A(H1 N1) ပိုးမကူးစက်နိုင်အောင် ပြည်သူတွေ အနေနဲ့ ကာကွယ်ဆေးကို အပြင်မှာသာ ဝယ်ထိုးရမှာဖြစ်ပြီး ကုသလို့ရတဲ့ရောဂါဖြစ်တဲ့ အတွက် အလွန်အမင်း မစိုးရိမ်ကြဖို့ ရန်ကုန်တိုင်း ကျန်းမာရေးဦးစီး ဌာန တာဝန်ရှိသူတွေက ပြောပါတယ်။

ရန်ကုန်ပြည်သူ့ဆေးရုံကြီးနဲ့ ရန်ကုန်အထွေထွေရောဂါကုဆေးရုံကြီးမှာ A(H1N1) ပိုး ကူးစက် ခံထားရကူ ၃ ဦးကို ဆေးဝါးကုသပေးနေတဲ့အကြောင်း ဒီနေ့ ရန်ကုန်မြို့မှာရှိတဲ့ တိုင်းကျန်းမာရေး ဦးစီးဌာနရုံးမှာ ကျင်းပတဲ့ သတင်းစာရှင်းလင်းပွဲမှာ ပြည်သူ့ကျန်းမာရေးဦးစီးဌာနမှူး ဦးဝင်းလွင် က ပြောပါတယ်။

ရောဂါကာကွယ်ဆေးကို တစ်နှစ်တစ်ခါ ထိုးရမှာဖြစ်ပြီး လတ်တလောမှာတော့ ကာကွယ်ဆေး ပြတ်တောက်နေ တယ်လို့ သိရပါတယ်။

A(H1N1) ပိုး ကူးစက်ခံထားရသူ ၃ ဦးကို ရန်ကုန်ပြည်သူ့ဆေးရုံကြီးနဲ့ ရန်ကုန်အထွေထွေရောဂါကု ဆေးရုံသစ် ကြီးတွေမှာ ဆေးကုသပေးနေပြီး ချင်းပြည်နယ် မတူပီမြို့မှာ ရောဂါပိုးတွေ့ထားသူ ၁၀ ဦးရှိခဲ့ပြီး ၁ ဦး သေဆုံး ထားတယ်လို့ ကျန်းမာရေးနဲ့ အားကစားဝန်ကြီးဌာနက ဒီနေ့ သတင်းထုတ်ပြန် ထားပါတယ်။ ချင်းပြည်နယ် မှာ သေဆုံးသူတစ်ဦးဟာ A(H1N1) ကြောင့်လို့ ယတိပြတ်ပြောလို့ မရကြောင်းလည်း ဆိုပါတယ်။

ရန်ကုန်တိုင်း၊ ဧရာဝတီတိုင်းနဲ့ နေပြည်တော်တို့မှာ နေထိုင်ကြတဲ့ ၃၅ နှစ်အရွယ် အမျိုးသားတစ်ဦး၊ ၃၅ နှစ် နဲ့ ၂၂ နှစ်အရွယ် အမျိုးသမီးနှစ်ဦးတို့ မှာ ရောဂါပိုးတွေ့ ရှိထားတာ ဖြစ်ပြီး ရန်ကုန်မှာ ဆေးကုသမှု ခံယူနေရတာ ဖြစ်ပါတယ်။

အဲဒီရောဂါဟာ မြန်မာနိုင်ငံမှာ ၂၀၁၀ ခုနှစ်က စတင်ဖြစ်ပွားခဲ့တာဖြစ်ပြီး နှစ်စဉ်နီးပါး ဖြစ်နေကျ ဖြစ်တယ်လို့ သိရပါတယ်။

ရန်ကုန်ပြည်သူ့ဆေးရုံကြီးမှာ ဆေးကုသမှုခံယူနေတဲ့ ၂ ဦးရဲ့အခြေအနေမှာ သက်သာမှု မရှိသေးပေမယ့် ရန်ကုန် အထွေထွေရောဂါကုဆေးရုံသစ်ကြီးမှာ ကုသမှုခံယူနေသူ ၁ ဦးကတော့ သက်သာနေပြီဖြစ်တယ်လို့ ၀န်ကြီးဌာန ထုတ်ပြန်ချက်မှာ ပါရှိပါတယ်။

အဲဒီရောဂါပိုးရဲ့ လက္ခဏာတွေဟာ သာမန်တုပ်ကွေးလိုမျိုး ချောင်းဆိုးတာ၊ အဖျားတက်တာ၊ နှာရည်ယိုတာ၊ ခေါင်း ကိုက်၊ ကိုယ်/လက်ကိုက်တာမျိုးတွေ ဖြစ်တယ် လို့လည်း သိရပါတယ်။

ကြိုတင်ကာကွယ်တဲ့အနေနဲ့ လူထူထပ်တဲ့နေရာတွေကို မလိုအပ်ဘဲ သွားတာမျိုးတွေကို ရှောင်တာ၊ နှာခေါင်းစည်း ကို လုံခြုံစွာစည်းထားတာ၊ ပစ္စည်းတစ်ခုခု ကိုင်ပြီးရင် လက်ကို ဆေးကြောတာ၊ လက်ကိုင်ပ၀ါအုပ်ပြီး ချောင်းဆိုး တာ၊ နှာချေတာတွေ ပြုလုပ်ရမှာ ဖြစ်တယ်လို့ သိရပါတယ်။

ရာသီတုပ်ကွေးရောဂါပိုးဟာ ကမ္ဘာမှာ စဖြစ်တုန်းက ၀က်တုပ်ကွေးအနေနဲ့ ဖြစ်ပွားခဲ့ပေမယ့် နောက်ပိုင်းမှာ လူတွေမှာသာဖြစ်တတ်တဲ့ တုပ်ကွေးအနေ နဲ့ တွေ့ရတယ်လို့ ဗဟိုကူးစက်ရောဂါ တိုက်ဖျက်ရေးဌာနခွဲ က ပြောပါတယ်။

RFA Burmese
http://www.rfa.org/burmese
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.