ဒေသလုံခြုံရေး ASEAN ၀န်ကြီးတွေ ဆွေးနွေးမည်


ASEAN ၀န်ကြီးများအစည်းအဝေး (ဒီဇင်ဘာ ၂၀၁၆) ( Ministry of Foreign Affairs Myanmar)
အကြမ်းဖက်မှုတိုက်ဖျက်ရေး၊ သဘာဝဘေးအန္တရာယ်ကြိုတင်ကာကွယ်ရေးနဲ့ ရာသီဥတုပြောင်းလဲမှုတိုက်ဖက်ရေး စတဲ့အရေးတကြီးကိစ္စတွေကို အာဆီယံနိုင်ငံခြားရေးဝန်ကြီးတွေ ဖိလစ်ပိုင်နိုင်ငံ မနီလာမြို့တော်မှာ ရှေ့သီတင်းပတ်ကျရင် ဆွေးနွေးကြဖို့ရှိပါတယ်။

အနှစ် ၅၀ ပြည့် အာဆီယံ နိုင်ငံခြားရေးဝန်ကြီးများဆွေးနွေးပွဲနဲ့ အာဆီယံဆွေးနွေးဖက်နိုင်ငံတွေနဲ့ တခြားဆွေးနွေးပွဲတွေကို August လ ၂ ရက်နေ့ကနေ ၈ ရက်နေ့အထိ ကျင်းပမှာဖြစ်ပါတယ်။

အဲဒီဆွေးနွေးပွဲတွေမှာ အမေရိကန်နိုင်ငံခြားရေးဝန်ကြီး Rex Tillerson ရုရှားနိုင်ငံခြားရေးဝန်ကြီး Sergey Lavrov၊ တရုတ်နိုင်ငံခြားရေး Wang Yi တို့အပြင် EU ဥရောပသမဂ္ဂရဲ့ နိုင်ငံခြားရေးနဲ့လုံခြုံရေး မူဝါဒပိုင်းဆိုင်ရာအကြီးအကဲ Federica Mogherini တို့လည်း တက်ရောက်ကြဖို့ရှိပါတယ်။

အာဆီယံစီးပွားရေး အသိုက်အဝန်းကြီးအတွက် ၂၀၂၅ ခုနှစ် ရည်မှန်းချက်တွေအကောင်အထည်ဖော်နိုင်ရေး အစီအစဉ်တွေ ဘယ်လောက်တိုးတက်မှုရှိသလဲဆိုတာကို အာဆီယံခေါင်းဆောင်တွေ ဆွေးနွေးသုံးသပ်ကြမယ်လို့ ဖိလစ်ပိုင်နိုင်ငံခြားရေးဌာနက ပြောပါတယ်။ ဒါ့အပြင် အာရှ Pacific ဒေသတွင်း လုံခြုံရေးအခြေအနေ၊ ရေကြောင်းလုံခြုံရေးနဲ့ ပူးပေါင်းဆောင်ရွက်ရေး။ အကြမ်းဖက်ဝါဒတိုက်ဖျက်ရေးစတဲ့ ဘုံစိုးရိမ်စရာကိစ္စတွေကိုလည်း ဆွေးနွေးကြမှာဖြစ်ပါတယ်။

အာဆီယံနိုင်ငံတွေနဲ့ တရုတ်နိုင်ငံကြား တောင်တရုတ်ပင်လယ်အတွင်းလိုက်နာရမယ့် စည်းမျဉ်း စည်းကမ်းတွေကို တရုတ်နဲ့ညှိနှိုင်းသဘောတူနိုင်မယ်လို့ အကောင်းမြင်ကြောင်း ဖိလစ်ပိုင်နိုင်ငံခြားရေးဝန်ကြီး Alan Cayetano က ဒီသတင်းပါတ်ထဲမှာပဲ ပြောကြားထားပါတယ်။ အာဆီယံအသင်းကြီးတည်ထောင်ခဲ့တာ အနှစ် ၅၀ ပြည့်အထိမ်းအမှတ်အဖြစ် August လ ၈ ရက်နေ့ကျရင် သမ္မတ Rodrigo Duterte ကမိန့်ခွန်းပြောကြားမှာဖြစ်ပါတယ်။

ဗွီအိုအေ (မြန်မာပိုင်း)
https://burmese.voanews.com
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.