လက်ပံတောင်းဒေသခံ ၄ ဦး ပုဒ်မ ၁၉ နဲ့ အမှုဖွင့်ခံရ


( ဝမ်ပေါင်ကုမ္ပဏီရှေ့ကို သွားရောက်ဆန္ဒပြကြမဲ့ ဒေသခံတွေကို ရဲတပ်ဖွဲ့ဝင်တွေက တားဆီးနေစဉ် )

စစ်ကိုင်းတိုင်းဒေသကြီး ဆားလင်းကြီးမြို့နယ်မှာ လက်ပံတောင်းတောင် စီမံကိန်းနဲ့ ပတ်သက်ပြီး ၀မ်ပေါင်ကုမ္ပဏီကို ပြီးခဲ့တဲ့ ဇွန်လ ၂၆ ရက်နေ့က ဆန္ဒပြခဲ့တဲ့ ဒေသခံတွေထဲက ၄ ဦးကို ငြိမ်းချမ်းစွာ စုဝေးခွင့်နဲ့ စီတန်းလှည့်လည်ခွင့် ဥပဒေပုဒ်မ ၁၉ နဲ့ ဆားလင်းကြီးမြို့မ ရဲစခန်းမှာ အမှုဖွင့်လိုက် ပါတယ်။

ဆားလင်းကြီးမြို့မ ရဲစခန်းက ဆင့်ခေါ်စာကို မနေ့ညနေက ရရှိတာဖြစ်တယ်လို့ အမှုဖွင့်ခံထားရ သူတွေထဲက မစန္ဒာက ပြောပါတယ်။

"မနေ့ညနေက ဒေါ်အမာချိုတို့အိမ်ကို ဆားလင်းကြီး ဒုရဲအုပ်ကိုယ်တိုင် လာပို့သွားတာပါရှင့်။ သူတို့ကတော့ ငြိမ်းစုစီပုဒ်မနဲ့ တရားစွဲထားတယ်ပေါ့နော်။ ကျမတို့က အမှန်တရား၊ ကျမတို့မြေသိမ်းခံရလို့ ကျမတို့ စိုက်ပျိုးခွင့်မရလို့ သီးနှံနစ်နာကြေးတောင်းတယ်။ အစီရင်ခံစာ မလိုက်နာလို့ ဒေသခံတွေ ဆုံးရှုံးမှာတွေ နစ်နာမှာတွေ ထိခိုက်မှာတွေ မြင်လို့မို့လို့ ကျမတို့က တောင်းဆိုတယ်။ ကျမတို့ အမှန်တရားအတွက် တောင်းဆိုတာကို ကျမတို့ အမှားမလုပ်ဘူး။ အမှားမလုပ်တဲ့အတွက် ဥပဒေက မတရားတဲ့ဥပဒေဖြစ်တဲ့အတွက် ကျမတို့က ဥပဒေကို လုံးဝရင်ဆိုင်စရာမလိုဘူးလို့ ဆုံးဖြတ်ထားတယ်"

ဆန္ဒပြတဲ့အထဲမှာ ခေါင်းဆောင်အဖြစ် ပါဝင်တဲ့ မမာချို၊ မစန္ဒာ၊ မရီဝင်းနဲ့ ကိုခင်ငြိမ်းတို့ကို ငြိမ်းစုစီဥပဒေပုဒ်မ ၁၉ နဲ့ အမှုဖွင့်ထားတာဖြစ်ပါတယ်။

ပြီးခဲ့တဲ့ ဇွန် ၂၆ ရက်နေ့က လက်ပံတောင်းတောင်ကြေးနီစီမံကိန်း အစီရင်ခံစာအတိုင်း လိုက်နာမှုမရှိလို့ဆိုပြီး ဒေသခံ အယောက် ၁၅၀ လောက်က ၀မ်ပေါင်ကုမ္ပဏီကို ဆန္ဒပြခဲ့တာဖြစ်ပါတယ်။

Photo: Tint Aung Soe Facebook
RFA
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.