မြောက်ဦးမြို့နယ် ပုဇွန်ဖေရွာတွင် လေဆင်နှာမောင်းတိုက်၍ အိမ် ၃၉ လုံးပြိုပျက်


နိရဉ္စရာ၊ ဇူလိူင် ၂၄

ရခိုင်ပြည်နယ် မြောက်ဦးမြို့နယ် ပုဇွန်ဖေကျေးရွာတွင် ယနေ့ နေ့လယ်က လေဆင်နှာမောင်း တိုက်ခတ်သွား၍ အဆောက်အဦများ အပါအ၀င် အိမ်ပေါင်း ၃၉ လုံး ပြိုပျက်သွားခဲ့သည်ဟု မြောက်ဦးမြို့နယ် ပြည်နယ်လွှတ်တော်ကိုယ်စားလှယ် ဦးထွန်းသာစိန်က ပြောသည်။

“ အခု ကျွန်တော်ဆီကို သတင်းပို့ပါတယ်။ စာသင်ကျောင်း၊ ဆန်စက် အပါအ၀င် ၃၉ လုံးပြိုပျက်သွားပါတယ်” ဟု ဦးထွန်းသာစိန်က ပြောကြားသည်။

ပုဇွန်ဖေ ကျေးရွာ အုပ်ချုပ်ရေးမှူး ဦးထွန်းမြသို့ ဆက်သွယ်ရာ စာသင်ကျောင်း ဆောင် တစ်ခု၊ ဆန်စက် တစ်လုံး၊ စပါးကျီ နှစ်လုံး အပါအ၀င် အိမ်အလုံး ပေါင်း ၃၉ လုံး ပြိုပျက်သွားသည်ဟု ပြောကြားသည်။

“ စုစုပေါင်း ၃၉ လုံး ပျက်ပါတယ်။ လုံးဝ ပြိုလဲပျက်စီးသွားတာကတော့ ခုနှစ်ဆောင်ပါ။ ဓနိမိုးထရံကာ အိမ်တွေပါ။ လေဆင်နှာမောင်တိုက်တာ နေ့လယ် ၁ နာရီ ၁၅ မိနစ်မှာပါ” ဟု ကျေးရွာအုပ်ချုပ်ရေးမှူးက ပြောကြားသည်။

ယခုအခါ အိမ်လုံးဝ ပြိုပျက်သွားခဲ့ရသည့် မိသားစုများ အနေဖြင့် နီးစပ်ရာ အိမ်များတွင် ၀င်ရောက်နေထိုင်နေကြရသည်ဟု သိရသည်။

ပုဇွန်ဖေရွာတွင် အိမ်ခြေပေါင်း ၂၀၀ ကျော်ရှိပြီး ပြိုပျက်သွားသည့် အိမ်များမှာ ရွာတောင်ပိုင်းနှင့် အနောက်ဘက်က နေအိမ်များ ဖြစ်ကြောင်း သိရသည်။

Narinjara
https://www.facebook.com/Narinjara
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.