မင်းဘူးမှာ ရေဘေးဒုက္ခသည်တွေ အခက်အခဲရင်ဆိုင်

မင်းဘူး ရေဘေးဒုက္ခသည်
အခုတလောမြန်မာပြည်နေရာအနှံ့အပြားမှာ မိုးကြီးနေလို့ ပြည်နယ်နဲ့တိုင်း၉ခုမှာ ရေဘေးအန္တရာယ်ကြုံနေရပါတယ်။ ရေဘေးဒဏ်ကြောင့် လောလောဆယ် သေဆုံးသူ ၂ဦးရှိနေပြီး နိုင်ငံတ၀ှမ်းရေဘေးသင့်သူပေါင်း ၁သိန်းကျော်ရှိနေပါပြီ။ အာဏာပိုင်တွေဘက်က ကူညီမှုတွေရှိနေတယ်ဆိုပေမဲ့လည်း ထိရောက်အောင်မကူညီနိုင်ပဲဖြစ်နေပါတယ်။ ဒီအကြောင်း ကိုကျော်အောင်လွင်က တင်ပြပါလိမ့်မယ်။

အခုဇူလိုင်လဆန်းကတည်းကစပြီး မြန်မာနိုင်ငံတ၀ှမ်းမှာ မိုးကြီးနေတာပါ။ မိုးတွေအဆက်မပြတ်ရွာတယ်၊ မြစ်ရေချောင်း ရေတွေမြင့်တက်ပြီးလျှံတယ်။ မြန်မာပြည်အထက်ပိုင်းမှာဆို စစ်ကိုင်းတိုင်း၊ အလယ်ပိုင်းမှာဆို မကွေးတိုင်း၊ အောက်ပိုင်း မှာဆို ပဲခူးတိုင်း၊ မွန်ပြည်နယ်၊ ရခိုင်ပြည်နယ်၊ ကရင်ပြည်နယ်နဲ့ ဧရာဝတီတိုင်းတွေမှာ ရေဘေးအန္တရာယ်တွေကြုံနေရတာပါ။ လောလောဆယ် နိုင်ငံတ၀ှမ်း ရေဘေးလွတ်ရာရွှေ့ ပြောင်းနေရတဲ့အိမ်ထောင်စုပေါင်း ၃ သောင်းကျော်ရှိနေပါပြီ။

မကွေး တိုင်းကတော့ ထိခိုက်ပျက်စီးမှုတော်တော်များပါတယ်။ မင်းဘူးဒေသတခုထဲမှာကိုပဲ လူ၅ထောင်လောက်ကို ဘေးလွတ် ရာ ရွှေ့ပြောင်းနေကြရပြီး အဲဒီမှာ ယာယီတဲတွေ ၁ဒါဇင်လောက်နဲ့ ရေဘေးရှောင်နေကြရတာပါ။ရေဘေးဒုက္ခသည်တဦး ကတော့ သူတို့ရဲ့အခက်အခဲကို ရှင်းပြပါတယ်။

“ဒီမှာနေရတာ အဆင်တော့မပြေဘူး။ အဆင်မပြေဘူးဆိုတာက ဒီလိုလေ ရေတက်လာတာနဲ့ မိသားစု စားဝတ်နေရေးလုပ်ရပြုရတာနဲ့ အဲလိုမျိုးတွေ လိုက်လုပ်ရတာပေါ့။”

ရေဘေးကယ်ဆယ်ရေး စခန်းရောက်ဒုက္ခသည်တွေကို အာဏာပိုင် တွေက တဦးကို ကျပ်၎ရာထောက်ပံ့ကြေးပေးပါတယ်။ အစိုးရကပေးတဲ့ ထောက်ပံ့ကြေးနဲ့ မလောက်တာကြောင့် ရပ်တည်ရေးအတွက် ရေဘေးဒုက္ခသည်တွေ နည်းလမ်းမျိုးစုံရှာဖွေနေကြရ ပါတယ်။ လက်တကမ်းမှာရှိနေတဲ့ရေတွေနဲ့ပဲ ၀င်ငွေရအောင်ဘယ်လိုလုပ်နေရသလဲဆိုတာကို ဒုက္ခသည်အမျိုးသမီးတဦးက ရှင်းပြပါတယ်။

“ကိုယ့်မိသားစု စားဖို့သောက်ဖို့အရေးကို ရေလေးကျတော့ ငါးထိုးတယ်၊ တနေ့စာ တနေ့တော့ ကိုယ့်လုပ်အားခလေးနဲ့ ငါးထိုး ပြီးတော့ စားရတယ်။”

ရေဘေးဒဏ်သင့် ပြည်သူတွေ ကျန်းမာရေးမထိခိုက်ရ အောင် ရေသောက်သုံးမှုနဲ့ အစားအသောက်တွေကို သန့်သန့်ရှင်းရှင်းစားသောက်နေ ထိုင်ကြဖို့ အစိုးရကသတိပေး ထားကြပေမဲ့လည်း ရေဘေးဒုက္ခသည်တွေအတွင်း တော်တော်များများ ဖျားနာနေကြပါတယ်။ ဒေသဆိုင်ရာကျန်းမာရေး ဌာနတွေကလည်း လုံလောက်တဲ့ကုသမှုတွေ မပေးနိုင်ကြပါဘူး။ အရန်မီးတပ်ဖွဲ့ကလည်း ရေဘေးမှာဝင်ကူနေရပါတယ်။ ရေဘေးဒုက္ခသည်ယာယီစခန်းတွေဖွင့်တဲ့ ပထမဆုံးရက်မှာကိုပဲ နေမကောင်းဖြစ်သူ၃၀ လောက်ရှိနေတယ်လို့ မီးသတ် အရာရှိတဦးကပြောပါတယ်။

“ဒီအနောက်ဘက် အမှတ်၃ ရပ်ကွက်မှာဆိုရင် ပထမနေ့ ကျနေ်ာတို့ စစ်တာမှာ ၃၀ လောက်လာပြတာပေါ့ ဆေးခန်းဖွင့်ပြီးပြီးခြင်း၊ ကိုယ်ပူတယ်ပေါ့ ရိုးရိုး အအေးပတ်လို့ ဖျားတာတွေ တုပ်ကွေး ဒီလောက်ပဲရှိတယ်။”

မြန်မာ့ မိုးလေ၀ဌာနကတော့ မိုးရွာသွန်းမှုတွေ နိုင်ငံတ၀ှမ်းမှာ ဆက်ရှိနေလိမ့်ဦး မယ်လို့ပြောထားပါတယ်။ ဒီအတိုင်းဆိုရင် ရေကြီးမှုတွေပိုပြီးဆိုးလာမယ် ရေကြီးမှု ကြောင့်ဖြစ်ပေါ်လာမယ့် ရောဂါပျံပွါး မှုတွေအတွက် ပိုပြီးစိုးရိမ်လာရမယ့်သဘောဖြစ်နေပါတယ်။

ကိုကျော်အောင်လွင်  / ဗွီအိုအေ (မြန်မာပိုင်း)
https://burmese.voanews.com
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.