စစ်လေယာဉ် ရာသီဥတုကြောင့် ပျက်ကျကြောင်း တပ်မတော်ထုတ်ပြန်

မှတ်တမ်းပုံ - ပျက်ကျခဲ့တဲ့ Y-8 တပ်မတော်လေယာဉ် ရှာဖွေ။(တပ်မတော်ကာကွယ်ရေးဦးစီးချုပ်ရုံး)
ဇွန် ၇ ရက်နေ့တုန်းက မြိတ်မြို့ကနေ ရန်ကုန်မြို့ဆီ ပျံသန်းသွားစဉ် ပျက်ကျသွားတဲ့ တပ်မတော် သယ်ယူပို့ဆောင်ရေး Y-8 လေယာဉ်ဟာ ဆိုးရွားတဲ့ ရာသီဥတုနှင့် ကြုံတွေ့ခဲ့ရပြီး လေယာဉ်ကို မထိန်းနိုင်လို့ ပျက်ကျခဲ့တာဖြစ်တယ်လို့ တပ်မတော် ကာကွယ်ရေးဦးစီးချုပ်ရုံးက ပြောကြားလိုက်ပါတယ်။

ထားဝယ်မြို့ အနောက်တောင်ဘက် ၄၃ မိုင်ကျော်လောက် အရောက်မှာ ဆက်သွယ်မှု ပြတ်တောက် ပျောက်ဆုံး ပျက်ကျ သွားခဲ့ရတာဟာ မသမာမှု တစ်ခုခုကြောင့် သော်လည်းကောင်း၊ ပေါက်ကွဲစေတတ်သော ပစ္စည်းတစ်ခုခုကြောင့် သော်လည်းကောင်း၊ လေယာဉ် အင်ဂျင် ချို့ယွင်း ရပ်တန့်မှုကြောင့် သော်လည်းကောင်း ပျံသန်းနေစဉ် ပျက်ကျခဲ့တာ မဟုတ်ဘူးလို့ တပ်မတော် ကာကွယ်ရေး ဦးစီးချုပ်ရုံးရဲ့ ထုတ်ပြန်ချက်ထဲမှာ ဖော်ပြထားပါတယ်။ ဒီလေယာဉ်ပျက်ကျမှုကို ဘယ်လို အသေးစိတ် စုံစမ်းခဲ့သလဲ ဆိုတာကိုလည်း ဇူလိုင် ၁၈ နေ့စွဲနဲ့ ထုတ်ပြန်ချက်မှာ အကျယ်တဝင့် ရေးထားပါတယ်။

သြစတေးလျ နိုင်ငံ လေတပ်ရဲ့ လေကြောင်းလုံခြုံရေး (DDAAFS) ဌာနက ကျွမ်းကျင်သူတွေနဲ့ မြန်မာနိုင်ငံ လေယာဉ် မတော်တဆ ထိခိုက်မှု စုံစမ်းစစ်ဆေးရေး ဌာန တာဝန်ရှိသူတွေ ပူးပေါင်းစုံစမ်းခဲ့တာကိုလည်း ဖော်ပြထားပါတယ်။ လေကြောင်းပျံသန်းမှု မှတ်တမ်းတင် Black Box ကရရှိတဲ့ မှတ်တမ်းတွေအရ လေယာဉ်ပျက်မကျခင် အချိန်အထိ လေယာဉ် စက်အစိတ်အပိုင်းတွေ ချို့ယွင်းမှု မရှိကြောင်း စစ်ဆေး တွေ့ရတယ်လို့ ဆိုပါတယ်။

အဲဒီ မှတ်တမ်းတွေ အရ မြိတ်လေဆိပ်ကနေ ရန်ကုန်လေဆိပ် သွားရာ ခရီးလမ်း တစ်လျှောက် လေတိုက်နှုန်းဟာ တဖြည်းဖြည်း အင်အားပြင်း လာခဲ့တယ်လို့ ပြောပါတယ်။ ရုတ်တရက် ပြောင်းလဲနေတဲ့ ပုံမှန်မဟုတ်တဲ့ ရာသီဥတုမှာ ပျံသန်းရတဲ့အတွက် လေယာဉ်ကို ထိန်းချုပ် မောင်းနှင်နိုင်တဲ့ အခြေအနေ မရှိတော့ဘဲ ပျက်ကျခဲ့ရတာ ဖြစ်တယ်လို့ တပ်မတော် ကာကွယ်ရေး ဦးစီးချုပ်ရုံးက ပြောပါတယ်။ ပျက်ကျသွားတဲ့ လေယာဉ်ပေါ်မှာ စစ်သည်၊ တပ်မတော် မိသားစုဝင် ၁၀၆ ယောက်နဲ့ လေယာဉ်ဝန်ထမ်း ၁၄ ယောက် ပါသွားခဲ့ပါတယ်။

ဗွီအိုအေ (မြန်မာပိုင်း)
https://burmese.voanews.com
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.