မြို့ ၇ မြို့မှာ ချင်းတွင်းမြစ်ရေ စိုးရိမ်ရေမှတ် အထက်ရောက်



ရေမဲနေတဲ့ ချင်းတွင်းမြစ်ရေကို တွေ့ရစဉ်။ ဓါတ်ပုံ - ဇော်ဇော်ဌေး တကိုယ်တော် အောင်လံ(facebook)
ချင်းတွင်းမြစ်ရေဟာ စစ်ကိုင်းတိုင်းဒေသကြီးက မြို့ ၇ မြို့ရဲ့ စိုးရိမ်ရေမှတ်အထက်မှာ ဆက်ရှိနေတဲ့အတွက် ချင်းတွင်းမြစ်တလျောက် မြစ်ကမ်းအနီးနဲ့  မြေနိမ့်ပိုင်းနေထိုင်သူတွေအနေနဲ့ အထူးသတိပြုနေထိုင်ကြဖို့ မိုးလေဝသနှင့် ဇလဗေဒညွှန်ကြားမှုဦးစီးဌာနက ထုတ်ပြန်ထားပါတယ်။

ချင်းတွင်းမြစ်ရေက ကနီမြို့ကလွဲပြီး ကျန်တဲ့ ခန္တီး၊ ဟုမ္မလင်း၊ ဖောင်းပြင်၊ မော်လိုက်၊ ကလေးဝ၊ မင်းကင်း၊ မုံရွာမြို့တွေမှာ အဲဒီမြို့တွေရဲ့ စိုးရိမ်ရေမှတ်အထက်မှာ ရောက်ရှိနေတာဖြစ်တယ်လို့ မိုးလေ၀သနှင့် ဇလဗေဒညွှန်ကြားမှုဦးစီးဌာန ဒုတိယညွှန်ကြားရေးမှူးချုပ် ဦးကျော်မိုးဦး ကပြောပါတယ်။

"ချင်းတွင်းမြစ်ရေက စိုးရိမ်ရေမှတ်အောက်ရောက်တာ ကနီ(မြို့) တစ်ခုတည်း၊ မုံရွာဆိုရင်လည်း ဒီညနေပိုင်းဆိုရင် စိုးရိမ်ရေမှတ်ကို ရောက်သွားနိုင်တဲ့အနေအထားရှိတယ်၊ ချင်းတွင်းမြစ် တလျှောက်လုံးမှာ ကနီကလွဲလို့ ကျန်တဲ့စခန်းတွေမှာတော့ စိုးရိမ်ရေမှတ်အထက်မှာ ရှိနေတဲ့ အတွက်ကြောင့် အကုန်လုံးက စိုးရိမ်ရတဲ့အနေအထားရှိတယ်"

ဒီနေ့မနက်တိုင်းထွာချက်အရ ခန္တီးမြို့မှာ စိုးရိမ်ရေမှတ်အထက် (၁)ပေခန့် ကျော်လွန်နေပြီး ဟုမ္မလင်းမြို့မှာ  (၂)ပေခွဲခန့်၊ ဖောင်းပြင်မြို့မှာ (၂)ပေခွဲခန့် ၊ မော်လိုက်မြို့မှာ (၄)ပေခန့်၊ ကလေးဝမြို့နဲ့ မင်းကင်းမြို့တို့မှာ (၁)ပေခွဲခန့်စီ ရှိနေတယ်လို့  မိုးလေ၀သနှင့် ဇလဗေဒညွှန်ကြားမှုဦးစီးဌာနက ထုတ်ပြန်ထားပါတယ်။

ဇူလိုင် ၃ ရက်နေ့ကစပြီး ချင်းတွင်းမြစ်ရေမြင့်တက်နေတာကြောင့် စစ်ကိုင်းတိုင်းဒေသကြီး ခန္တီး၊ ဟုမ္မလင်း နဲ့ မော်လိုက်မြို့တွေမှာ လူဦးရေ ၁၆ဝဝ ကျော်ကို ကယ်ဆယ်ရေးစခန်းတွေကို ပြောင်းရွှေ့ပေးထားရတယ်လို့ စစ်ကိုင်းတိုင်းဒေသကြီး လူမှုဝန်ထမ်းကယ်ဆယ်ရေးနဲ့ ပြန်လည်နေရာချထားရေးဦးစီးဌာနကနေ သိရပါတယ်။

ချင်းတွင်းမြစ်ရေ ဟာ ခန္တီးမြို့မှာ နောက်(၁)ရက်အတွင်း စိုးရိမ်ရေမှတ်အောက်ကို ပြန်လည်ကျဆင်းနိုင်ပေမယ့် ကျန်တဲ့မြို့တွေကတော့ စိုးရိမ်ရေမှတ်အထက်မှာ ဆက်လက်တည်ရှိနေမယ်လို့ မိုးလေ၀သနှင့် ဇလဗေဒညွှန်ကြားမှု ဦးစီးဌာနက ထုတ်ပြန်ထားပါတယ်။

RFA Burmese
http://www.rfa.org/burmese
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.