ကလေးရုပ်အလောင်း ရန်ကင်းဆေးရုံက မှားပေး



ရန်ကင်းကလေးဆေးရုံ
ရန်ကုန်မြို့က ရန်ကင်းကလေးဆေးရုံမှာ သွေးရောဂါတမျိုးနဲ့ သေဆုံးသွားတဲ့ ကလေးငယ်ရဲ့ အလောင်းကို ဆေးရုံးဝန်ထမ်းတွေက လူမှားပေးလိုက်တဲ့အတွက် ကလေးမိဘတွေ သင်္ဂြိုလ်ခွင့်မရလိုက်တဲ့ ဖြစ်ရပ်အတွက် ရန်ကင်းဆေးရုံကို ဥပဒကြောင်းအရ အရေးယူပေးဖို့ သက်ဆိုင်ရာ ရဲစခန်းမှာ အမှုဖွင့်ထားတယ်လို့ သိရပါတယ်။

ဆေးရုံဝန်ထမ်းတချို့ရဲ့ ပေါ့ဆမှုကြောင့် တခြားမိသားစုတွေ သူတို့လို နောင်မှာ မခံစားရအောင် သက်ဆိုင်သူ တာဝန်ရှိသူတွေကို ဥပဒေအရ အရေးယူပေးဖို့ ရဲစခန်းမှာ တိုက်ချက်ဖွင့်တာဖြစ်ကြောင်း အဒေါ်ဖြစ်သူက ရှင်းပြပါတယ်။

" ကျမတို့က ရဲစခန်းထဲမှာ တရားသွားစွဲခဲ့ပါတယ်။ ရဲဘက်ကနေ ဥပဒေအကြံပေးနဲ့ ဘယ်လို လုပ်မလဲဆိုတာတော့ စောင့်ကြည့်ရမှာပေါ့။ ကျမတို့ တရားစွဲတယ် ဆိုတာကလည်း အများပြည်သူ နစ်နာတဲ့အတွက် ပြီးရင် နောက်လူတွေလဲ ဒီလို မခံစား ရအောင်ဆိုတဲ့ သဘောမျိုးနဲ့ပါ။ ကျမတို့ကတော့ ဘယ်ကလေးကိုပဲ ဖြစ်ဖြစ် ချစ်တယ်။ ဒါပေမယ့်ဒီလို ပစ်ထားရက်တဲ့အထဲ ဆွေမျိုးမဲ့ ဆိုတဲ့အထဲ မပါဘူးကွာ။ ဘယ်သူမဆို သားသမီးချင်း ကိုယ်ချင်းစာကြတယ်၊ အဲလိုသဘောပါပဲ "

ရှမ်းပြည်နယ်မြောက်ပိုင်း၊ မူဆယ်မြို့က အသက် (၄) လသားအရွယ် ကလေးငယ်ဟာ ရန်ကင်း ကလေးဆေးရုံမှာ ဆေးကုသမှုခံယူရင်း ဇူလိုင်လ ၂၅ ရက်နေ့ ည ၁၀ နာရီ လောက်မှာ ကွယ်လွန်သွားတာပါ။ ကလေးငယ်ရဲ့ အလောင်းကို ရန်ကင်းဆေးရုံ ရေခဲတိုက်မှာ အပ်ထားခဲ့ပြီး သင်္ဂြိုလ်ဖို့အတွက် နောက်တနေ့ ၂၆ ရက်နေ့မှာ ပြင်ဆင် မှုတွေ လုပ်ဆောင်ပြီး ၂၇ ရက်နေ့မှာ သင်္ဂြိုလ်ဖို့အတွက် အလောင်းကို သွားတောင်းတဲ့ အချိန်မှာ သူတို့ကလေးအလောင်း မရှိတော့တာကို သိရှိခဲ့တာလို့ အဒေါ်ဖြစ်သူက ပြောပါတယ်။

ကွယ်လွန်သွားတဲ့ ကလေးငယ်ဟာ မိသားစုအတွက် သားဦး၊ မြေးဦးလေးဖြစ်တဲ့အတွက် စိတ်မကောင်းဖြစ်ရကြောင်းနဲ့ မိခင်ဖြစ်သူဟာလည်း ကလေးရဲ့စိတ်နဲ့ အခုချိန်ထိ စကားကောင်းကောင်း ပြောနိုင်ခြင်းမရှိသေးကြောင်းလည်း အဒေါ်ဖြစ်သူက ရှင်းပြပါတယ်။ ကလေးမိသားစုဟာ ခရစ်ယာန် ဘာသာဝင်တွေဖြစ်တဲ့အတွက် ကလေးငယ်ကို ခရစ်ယာန် ထုံးစံအရ သင်္ဂြိုလ်ခွင့်မရလိုက်တဲ့အတွက်လည်း သူတို့အနေနဲ့ စိတ်မကောင်းဖြစ်ရတယ်လို့ ပြောပါတယ်။

VOA (မြန်မာပိုင်း)
https://burmese.voanews.com
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.