ပုပ်ရဟန်းမင်းကြီး မြန်မာပြည်လာဖွယ်ရှိ


ပုပ်ရဟန်းမင်းကြီး ဖရန့်စစ်စ်

ပုပ်ရဟန်းမင်းကြီး ဖရန့်စစ်စ်ဟာ လာမယ့်နိုဝင်ဘာလမှာ မြန်မာနိုင်ငံကို လာရောက်နိုင်ခြေရှိတယ်လို့ ဗာတီကန်ကလာတဲ့ သတင်းတွေမှာ ဖော်ပြကြပါတယ်။

အစတုန်းက အိန္ဒိယနဲ့ ဘင်္ဂလားဒေ့ရ်ှနိုင်ငံတွေကိုသွားဖို့ စီစဉ်ထားတာကနေ မြန်မာနဲ့ ဘင်္ဂလားဒေ့ရ်ှနိုင်ငံတွေကို သွားနိုင်ခြေ ရှိတယ်ဆိုတာကို အာဂျင်တီးနားအခြေစိုက် Telam သတင်းဌာနက အရင်ဖော်ပြခဲ့ပြီးတော့ အဲဒီသတင်းကို Crux ကက်သလစ် သတင်းအေဂျင်စီက သတင်းရင်းမြစ် အတော်များများကနေ အတည်ပြုနိုင်ခဲ့တယ်လို့ Crux သတင်းဌာနရဲ့ သတင်းတပုဒ်မှာ ဖော်ပြထားပါတယ်။

ပုပ်ရဟန်းမင်းရဲ့ ခရီးစဉ်တွေကို တရားဝင်ကြေညာတဲ့အချိန်မတိုင်ခင် အတည်ပြုပြောလေ့မရှိတဲ့ အစဉ်အလာအတိုင်း ဒီနှစ်ကုန် မှာ အာရှတိုက်ဘက်ကို ခရီးထွက်ဖို့ လေ့လာနေတယ်လို့ပဲ ဗာတီကန်နန်းတော်ပြောခွင့်ရ Greg Burke ကပြောပြီး နေ့ရက် ဒါမှ မဟုတ် ဘယ်နေရာတွေကို သွားမယ်ဆိုတာ မပြောပါဘူး။

မြန်မာနဲ့ ဘင်္ဂလားဒေ့ရှ် နှစ်နိုင်ငံစလုံးဟာ ခရစ်ယာန်ဘာသာကိုးကွယ်တဲ့ လူဦးရေ အနည်းအကျဉ်းပဲရှိတဲ့နိုင်ငံတွေ ဖြစ်ကြပေမဲ့လဲ ပုပ်ရဟန်းမင်းကြီး အာရုံစိုက်တဲ့နိုင်ငံတွေထဲမှာ ပါနေပါတယ်။ ဒီနှစ်နိုင်ငံစလုံးမှာ ပထမဆုံး ကာဒီနယ်လ်ဘုန်းတော်ကြီးတွေကို ပုပ် ရဟန်းမင်းကြီးက ခန့်အပ်ထားပြီးပါပြီး မြန်မာနိုင်ငံမှာ ကာဒီနယ်လ်ဘုန်းတော်ကြီး Charles Bo နဲ့ ဘင်္ဂလားဒေ့ရ်ှမှာ ကာဒီနယ်လ် ဘုန်းတော်ကြီး D’Rozario တို့ကို ခန့်ထားတာဖြစ်ပါတယ်။ ဒါ့အပြင် ဒီနှစ်နိုင်ငံစလုံးဟာ ပုပ်ရဟန်းမင်းကြီး ပြောဆိုထားဖူးတဲ့ ရိုဟင်ဂျာမူစလင်လူနည်းစုတွေရှိနေတဲ့ နိုင်ငံတွေလဲဖြစ်ပါတယ်။
VOA Burmese News
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.