ချင်းတွင်းမြစ်ရေမြင့်တက်ပြီး လူ ၁၆ဝဝ ကျော် ကယ်ဆယ်ရေးစခန်းရောက်



(စစ်ကိုင်းတိုင်းဒေသကြီး ခန္တီးမြ်ို့မှာ ချင်းတွင်းမြစ်ရေမြင့်တက်နေတာကို ဇူလိုင်လ ၆ ရက်နေ့က တွေ့ရစဉ်) ဓါတ်ပုံ - ခန္တီး စစ်ဗျူဟာမှူး ဦးစီးရုံး
ချင်းတွင်းမြစ်ရေမြင့်တက်တာကြောင့် စစ်ကိုင်းတိုင်းဒေသကြီး ခန္တီး၊ ဟုမ္မလင်းနဲ့ မော်လိုက်မြို့တွေမှာ လူဦးရေ ၁၆ဝဝ ကျော်ကို ကယ်ဆယ်ရေးစခန်းတွေကို ပြောင်းရွှေ့ပေးထားရတယ်လို့ စစ်ကိုင်းတိုင်းဒေသကြီး လူမှုဝန်ထမ်းကယ်ဆယ်ရေးနဲ့ ပြန်လည်နေရာချထားရေးဦးစီးဌာနကနေ သိရပါတယ်။

ဟုမ္မလင်းမြို့က အိမ်ခြေ ၂ဝ ကျော်ကတော့ ချင်းတွင်းမြစ်ကမ်းပါး ပြိုကျမယ့် အန္တရာယ်ကြောင့် အိမ်တွေကိုပါဖျက်ပြီး ပြောင်းရွှေ့ထားရတာလို့လည်း ညွန်ကြားရေးမှူး ဦးစဝီလီဖရန့်က ပြောပါတယ်။

"အိမ်တွေကို ရေဝင်တာပေါ့လေ။ ရေဝင်တော့ ရွှေ့တာပေါ့။ ဟုမ္မလင်းအိမ် ၂၁ အိမ်ကတော့ အိမ်ကိုဖျက်ပြီး ရွှေ့ရတာပေါ့။ အိမ်က ကမ်းပြိုရေတိုက်စားပြီးတော့ ပါသွားနိုင်တဲ့အတွက်ကြောင့် မြေနုကျွန်းမှာ ဆောက်ထားကြတဲ့အတွက်ကြောင့် ပါသွားနိုင်တဲ့အတွက်ကြောင့် ၂၁ အိမ်တော့ ဖျက်ပြီးရွှေ့ရတာပေါ့လေ"

ချင်းတွင်းမြစ်ရေဟာ ဇူလိုင် ၃ ရက်နေ့လောက်ကစပြီး မြင့်တက်လာတာကြောင့် ခန္တီးမြို့က အိမ်ခြေ ၃ဝဝ လောက်၊ ဟုမ္မလင်းမှာ အိမ်ခြေ ၃ဝ လောက်နဲ့ မောလိုက်မြို့မှာ အိမ်ခြေ ၂ဝ ကျော် ပြောင်းရွှေ့နေရတာဖြစ်ပါတယ်။

အဲဒီမြို့နယ် ၃ ခုက စာသင်ကျောင်းတွေထဲကို ရေဝင်တဲ့အတွက် ကျောင်းတွေကိုလည်း ပိတ်ထားရတယ်လို့ ပြောပါတယ်။

ရေဘေးကြောင့် ပြောင်းရွှေ့ကြရသူတွေကို လူမှုဝန်ထမ်းအပါအဝင် တပ်မတော်၊ မီးသတ်တပ်ဖွဲ့နဲ့ အရပ်ဘက်လူမှုအဖွဲ့တွေကလည်း ကူညီပေးနေတယ်လို့ သိရပါတယ်။

ချင်းတွင်းမြစ်ရေဟာ ခန္တီး၊ ဟုမ္မလင်း၊ ဖောင်းပြင်နဲ့ မော်လိုက်မြို့တွေမှာ စိုးရိမ်ရေမှတ်ထက်ကို ကျော်လွန်နေပြီး ကလေးဝ၊ မင်းကင်း၊ ကနီနဲ့ မုံရွာမြို့တွေမှာလည်း စိုးရိမ်ရေမှတ်ကို ရောက်လာနိုင်တယ်လို့ မိုးလေဝသနဲ့ဇလဗေဒ ညွှန်ကြားမှုဦးစီးဌာနက ထုတ်ပြန်ထားပါတယ်။

RFA Burmese
https://www.facebook.com/rfaburmese
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.