အစိုးရတပ်မတော်နဲ့ ကေအိုင်အေ တိုက်ပွဲဖြစ်



KIA တပ်ဖွဲ့ဝင်တချို့ကို တွေ့ရစဉ်။ Photo: Kan Thar/ RFA
ကချင်ပြည်နယ် မိုးညှင်းမြို့နယ် အင်းတော်ကြီးဒေသ အိုင်လေးတူရွာအနီး က လယ်ကွင်းတွေထဲမှာ ဒီကနေ့မနက်က အစိုးရတပ်မတော်နဲ့ ကေအိုင်အေတို့ တိုက်ပွဲဖြစ်ပွားနေတယ်လို့ သိရပါတယ်။

တိုက်ပွဲတွေကြောင့် အဲဒီရွာအနီးမှာ လယ်ယာလုပ်ကိုင်နေကြတဲ့ ဒေသခံတောင်သူတွေ ရွာဘက် ထွက်ပြေးလာကြတယ်လို့ အိုင်လေးတူ ရွာသူတစ်ဦး က ပြောပါတယ်။

"သေနတ်သံတွေကြားရတယ်။ လက်နက်ကြီးတွေကောအကုန်လုံး။ လယ်ထွန်ချကြတဲ့တောင်သူတွေ အကုန်လုံးထွက်ပြေးကြတာပါ့အေး။ ဘယ်လိုလုပ်ကြမလဲမသိတော့ဘူးပါ့။ ဘယ်အချိန်ရောက်မှ သွားပြန်လုပ်ကြမလဲမသိတော့ဘူးပါ့လေ။ အလုပ်ကျပ်ထားတဲ့အချိန်ဆိုတော့ နောက် ကျတော့မှာလေ စိုက်ပျိုးရေးမှာ။ ဘယ်ဖြစ်စေချင်မှာလဲဦးလေးရယ်။ ကျမတို့က ငြိမ်းချမ်းချင်ကြတာပါ့အေး။ ငြိမ်းချမ်းရေးပဲ ရချင်တာပါ"

အိုင်လေးတူရွာ အရှေ့ဘက် နှစ်မိုင်လောက်မှာရှိတဲ့ လယ်တဲတွေအနီးမှာ အစိုးရတပ်မ ၁၀၁ လက်အောက်ခံ တပ်နဲ့ ကေအိုင်အေ တပ်ရင်း ၆ တပ်သားတွေ တစ်နာရီနီးပါး ပစ်ခတ်မှုဖြစ်ပွား ခဲ့တာဖြစ်ပါတယ်။

အမျိုးသမီးငယ်တစ်ဦး ထမင်းချက်နေတဲ့ တဲအပါအဝင် တောင်သူတွေနေထိုင်တဲ့ လယ်တဲတချို့ နားမှာလည်း လက်နက်ကြီးတွေကျရောက်ခဲ့တယ်လို့ သိရပါတယ်။

ရွာဘက်ထွက်ပြေးလာသူတွေထဲမှာ ဒါဏ်ရာရရှိတာ မရှိပေမယ့် လယ်တဲမှာကျန်ခဲ့သူတွေ ရှိသေးတယ်လို့လည်း ပြောပါတယ်။

တိုက်ပွဲဖြစ်ပွားတဲ့ အိုင်လေးတူရွာအနီးက နန့်လိတ်ချောင်းအရှေ့ဘက်ကမ်းတဝိုက်မှာ တောင်သူလယ်သမား မိသားစု ၈၀ လောက် လယ်လုပ်ကိုင်နေကြတာဖြစ်ပါတယ်။

မိုးညှင်းမြို့နယ် အင်းတော်ကြီးဒေသ အိုင်လေးတူ၊ လောဆွန့်၊ နားလတန်း၊ မပြင်၊ ပန်းလား စတဲ့ ရွာတွေမှာ ရှမ်းတိုင်းရင်းသားတွေအများစု နေထိုင်ကြတာဖြစ်ပြီး လယ်ယာစိုက်ပျိုးရေးကို အဓိကလုပ်ကိုင်ကြတာဖြစ်ပါတယ်။

RFA Burmese
http://www.rfa.org/burmese
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.